RVA PWO KAREN

ထၧၫ့ဖုဝဲၥံၪဧ့ လၧဂၪ့ခိၪချိၫ့ဖၧၩ့ယီၩ ပဘၪပၧၩ့ဆုၬထၬအကၪဂဲၩထုၬနီၪ မွဲဒၪပနၫ့ဆါနီၪလီၫႉ ၦလၧအပၧၩ့လၩ့ၥၭ လန့ ဘၪလဂၩနီၪ ဖျါလူအၥၭဂီၩ့ ချဲၩ့ထၧဆၧၥ့ၪႇ မၩဆၧၥ့ၪႇ မၩခၬၥနိၫ့ၥ့ၪနီၪလီၫႉ စံၭမၬချၭ ပၧၩ့ထၬအၥၭလန့ဘၪအကၠီၩ့ ကၠူၭအခံၫ့ ဂီၩ့ အဆၧဖံၭဆၧမၩဘၪလၩ့ထ့ၬထး ဆၧဘဲၫနီၪၥိၭလဖၪကဲၪထၪ့ၥ့ၪနီၪလီၫႉ အနီၪဘိၭ အ့ၪမွဲပပၧၩ့လၩ့ပၥၭလန့ဘၪနၬနၬစွါဘဲၫ မွဲပကဂၭဂီၩ့ယီၫယီၫနီၪလီၫႉ ပဘၪဆုးကျိၭလိၬၥၭလၧၦဂူၫဂၩ ပဘၪအီၪလၧၦဂူၫဂၩအကၠီၩ့ အ့ၪပပၧၩ့လၩ့ပၥၭလန့ဘၪနၬနၬနီၪ မွဲဆၧကၪဆၧဂဲၩကအီၪဝ့ၫဒၪအၪမၬနီၪလီၫႉ ပဘၪအီၪလၧၦဂူၫ ဂၩအခၫ လၧဆၧအထၧးအလၧးကမံၩ့ဘၪကမံၩ့အဖၫ့ခိၪ အ့ၪပပၧၩ့လၩ့ပၥၭန့မၬ မွဲကအီၪဘၪကဆံၭနီၪလီၫႉ ဆၧနီၪအကၠီၩ့ လၧပဂးမွဲဂ့ၩ ပနဲၩ့ဎီၩ့အဂးမွဲဂ့ၩ ပကဘၪပၧၩ့ဆုၬထၬပၥၭနီၪ မွဲလၧဆၧအလိၪဝ့ၫဒၪတၡါနီၪလီၫႉ 

ဆရၫဖၭဒိၪ  – အဝ့ၫအိၩ အၥၭဆၧၩ့ ကိၭနံၩဧၪ? ဆရၫမုၪ – မွဲဆရၫဧ့ အဝ့ၫနီၪ ၥီၪ့လံၬအၥၭဆၧၩ့ကိၭနံၩဘီၪႉ ဆရၫဖၭဒိၪ – အီၩမွဲဧၪ မငါမငါႉကဲ ယကလ့ၩဒံၭအီၭႉ ဘဲၫယီၩ ယလိၪအဖျဲၪအကၠီၩ့နီၪႉ ဆရၫမုၪ – မွဲမွဲဆရၫဖၭဒိၪဧ့ႉ နကဘၪလ့ၩထခီၫလဲၪအိၩဆရၫဖၭဒိၪႉ ဆရၫ – ကနံၩယီၩ ယကဘၪလ့ၩထၪ့ဆၧအီၪကီၪ့အီၪကမံၩ့ဘီၪႉ ဆရၫမုၪ – အီၩမွဲဧၪ အ့ၪဘနီၪဘိၭ လ့ၩဂ့ၩဂ့ၩဆရၫဖၭဒိၪဧ့ႉ ဆရၫ – မွဲမွဲႉ ဟံၭ ဖျဲၪဖိၪၥံၪ မၩဖျဲၪဖျဲၪ ပအခံၫ့ကစွံလီၫႉ ပကဘၪလ့ၩ အခံၫ့ထီၩ့ယူၭႉ ဆၧအီၪကီၪ့အယီၩ…

ထၧၫ့ဖုဝဲၥံၪဧ့ အဆိၪထုၬ ယမိအၪ့စၪ့ဘၪနၥံၪ လၧနၥံၪအဆၧၥၭမၧၫ့ဖၧၩ့ နၥံၪဒိၭန့ထၪ့ဘၪ ဆၧလဖၪနီၪ နၥံၪအီၪက့ၪ ဒိၪဧၪ နၥံၪစံၭခိးစံၭတၩထဲၩ့ကကၠၪကၠၪဧၪနဲၪႉ အၡါမၪနီၪ လၧပဆၧၥၭမၧၫ့ဖၧၩ့ ပဒိၭန့ထၬဘၪလဖၪနီၪ ပကဘၪအီၪက့ၪဒိၪဒဲ ပကဘၪစံၭခိးစံၭတၩဝ့ၫဒၪ ဂီၩ့နီၪ ပကဘၪမံၪ့ၥုၪ့မံၪ့ၥၭဝ့ၫဒၪနီၪလီၫႉ လၧပဆၧၥၭမၧၫ့ဖၧၩ့ ပန့ထၬဘၪဆၧ အီၪအၪအၪအ့ၬဧၪ အတွၭအီၪအ့ၬႉ လါနၫ့ပဒိၭန့ထၬဘၪ မန့လဲၪၥံၪလဲၪနီၪ ပကဘၪၥ့ၪယၫလၩ့ပၥၭနီၪလီၫႉလၧပဆၧၥၭမၧၫ့ဖၧၩ့ ပဒိၭန့ထၬဘၪ ပမိပဖါ ပထၧၫ့ဖုထၧၫ့ဝဲ ပဘူၭပထံး ပဂံၪ့ပဎၫ့ ပထံၩပၥိၭ ဆၫအၪ့ဆၫအီၩ ပဆၧအဲၪတၩ့ ပဆၧဖိၪဆၧဎါ ပဆၧကီၩ့ဆၧၥိၭ ဆၧလဖၪယီၩ ပန့ထၬဘၪအကၠီၩ့ ပကဘၪစံၭခိးစံၭတၩဝ့ၫဒၪ ပကဘၪ အီၪက့ၪဒိၪဝ့ၫဒၪနီၪလီၫႉ အ့ၪဂီၩ့နီၪ ပကဘၪစံၭခိးစံၭတၩ…

ယမိမိနီၪ ဂါဎံၪဎံၪလီၫႉ  အဝ့ၫနီၪ မွဲလၧၦဘၠၩ့ဆၧဆရၫမုၪကဂၩလီၫႉ အဝ့ၫယီၩဆၧဖၩ့လၫ့ယူၭစွါဘဲၫ မၩနးခီၫ့မိၡါဆၧဂဲၩဆၧဝၭယူၭႉ. အ့ၪဂီၩ့နီၪ အၪ့လူထံၫလီၫႉ အၪ့လူထံၫဂီၩ့ ကၠၧၫ့လၩ့အၥၭႇ အ့ၪဂီၩ့နီၪ အၪ့လဂီၩဆၧအၪ့ ဂီၩ့  လ့ၩလၧဆၧဆၫဂံၪ့လ့ၬ. ယမိမိနီၪ လ့ၩနၫ့ဒၪလဲၪ့ၥိၪကဂၩဘီၪႉ လ့ၩထီၩ့လၧဆၧဆၫဂံၪ့အခၫ ဒၪလိၬၥၭလၧဆၧဆၫဆါလဖၪဂီၩ့ ဘၪအၪ့စံၭအၪ့စၪ့ဝ့ၫ ဆၧဆၫအဂဲးလဖၪႇ ဘၪမၩယိခွါဆၧဆၫအဂဲးအဖးလဖၪႇ  ဘၪလီၩ့ဎွါဆၧဆၫလဖၪႇ ဘၪကွ့ၭလၩ့ထၬဆၧဆၫအဂဲးလဖၪႇ ဘၪထိၪအ့ၪ ၦၡၩဆၧအခိႇ ဘၪဆ့ၭအ့ၪၦၡၩၥံၪ့ဎွံၪႇ ဘၪဎွ့ၦၡၩ လကၭဘၪ ဘၪပဒၩ့ထၬ ကိၫရိၫနၫၥံၭလဖၪဒံၭနီၪလီၫႉ အယီၩနီၪ မွဲယမိမိအဆၧမၩအဂဲးလဖၪလီၫႉ

ပကဲၪၦၡၩကိၭဂၩဒ့ၭနီၪ မွဲလၧဆၧကမံၩ့မံၩ့အကၠီၩ့ မွဲလၧဆၧအစၪလဖၪအကၠီၩ့ မွဲပၥုၪ့ပၥၭအဂဲးလၩ့ဆါၥ့ၪဝ့ၫဒၪနီၪ လီၫႉ ၦၡၩကနၩ့နၩ့အၥုၪ့ၥၭလၩ့ဆါဂီၩ့ မၩၥံၫလၩ့အၥၭဘဲၫနီၪအၥိၭ အီၪဝ့ၫဆ့နီၪ ပဒၪယံၩယါပနါဂၧၫ့ယံၩယါနီၪလီၫႉ ကနံၩယီၩ ယအဲၪဒိၭလီၩၥ့ၪယၫအ့ၪဘၪနၥံၪနီၪ အထီဘဲၫယီၩနီၪ ထီးပဒၪဘၪဆၧအအၧၩ့ ဆၧအစၪနးမံၩ့နီၪ ၥၭအုၭဘၪနၭနၭလဂ့ၩႉ ဘၪန့လဲၪနီၪဘိၭ လၧအမ့ၬယၫအိၩ ပဂးထီလၧယၫလၧအဖဲးထၪ့နီၪ အီၪခိၭထၬပၧၩအဂဲး ပမိလီၩၥ့ၪယၫအ့ၪဘၪနၥံၪနီၪလီၫႉ ပအီၪက့ၪထၬ ပဖီၫထုၪ့ယီၩ ပကမၩထၪ့ဖျီၪအဂး ပအီၪယီၩဂဲးစီၩ့အီၪဝ့ၫဒၪအဂဲး ဆူနဲၩထၬလါဆံၭႉ နဖီၫထုၪ့ကဖျီၫ့ထၪ့ အဂးနီၪ ဆုးထဲၩ့ကျ့ၭစၨၭလါဆံၭႉ ဂီၩ့နီၪအီၪက့ၪထၬနၥၭလၧအဂ့ၩကကဲၩ့ခီၫဂီၩ့ ဆီၫ့မီၪ့စိၩထၬနၥၭနီၪ လၧအမ့ၬယၫအိၩ ယဂးထီလၧယၫလၧအဖဲးထၪ့နီၪ အီၪခိၭထၬယၧၩ အဂဲးနီၪလါဆံၭႉ ၦၡၩလၧအကျ့ၭစၨၭဝ့ၫဒၪလဖၪအဂး ထီလၧယၫအဂ့ၩဒိၪ ထုၬအီၪခိၭထၬနီၪ ယဆူနဲၩဝ့ၫဒၪတၡါၡါနီၪလီၫႉ

အီၪဆီၪ့အီၪချဲၫ့နဲၪႉ ယၧၩနီၪ စအဲၪလၩ့ဆၫ့လီၫႉ ယၥၭအီၪ ၂၅နံၪ့ဒၪအိၩ ကထၪ့ၡါလီၫႉ ယမၫနီၪဘိၭ နးဆၩ့ဘွၩလီၫႉ ပထၧၫ့မၫဝၩယီၩ ပဖိၪခွၫအီၪကဂၩ ဒဲ ပဖိၪမုၪအီၪကဂၩဘီၪႉ လကၭဘၪ လယံၬလမီးလၧၩ့ဘၪနီၪ ပဖိၪကန့ထဲၩ့ လခဲၫ့ကဂၩလီၫႉ ဘဲၫယီၩ ယမၫနီၪဒၧၩ့ဘီၪႉ အဝ့ၫဒၧၩ့ အီၪလၩ၆ဘံၪ့ယူၭႉ လၧခဲၫ့လၩ၄ဘံၪ့ကိ ကလၩ့ဖျဲၪလီၫႉ ဘဲၫလၩ့ဖျဲၪကန့ဂ့ၩဂ့ၩအဂး အၪ့ကံၩ့ဘၩဆိၪဖၪအ့ၪ အဝ့ၫအဂးလူၬအီႉ စံၭခိးစံၭတၩကိၭဂၩဒ့ၭနဲၪႉ

လၧကကၠၪအိၩ ကဲၪဒိၪကဲၪမုဝ့ၫဒၪ ၦမနံၬထၪ့မျါခွါၡါအီၪဝ့ၫဒၪကဂၩနီၪလီၫႉ ၦလၧကမိမၩအၪ့ဖံၭအၪ့လၧမနံၬထၪ့မျါ ဆၧမၩလဖၪနီၪဂဲၫၥီၪ့လိၪအၥၭဆၧၥ့ၪယၫနၪၥ့ၪလၧအဝ့ၫအီၪ အီၪဝ့ၫဒၪအၪမၬနီၪလီၫႉ ၦအၪဒၪဆၧနီၪ ဂဲၫထိးၥီၪ့လိၪအၥၭထၪ့ ဘၭ၂နံၪ့ဂီၩ့ ထဲၩ့မၩအၪ့ဖံၭအၪ့ဆၧမံၭဆၧမၩလဖၪနီၪလီၫႉ လါနၫ့လၩ့ဆၫ့ဒၪဆၧ ၦနံၫဂၩနီၪ လထဲၩ့ဒံၭဘၪဒဲ ဆုးထဲၩ့မၩလိၪဆၧမၩ လိၪလၧဖူၫခွါၡါနီၪအအီၪ ဖိၭဘိၭဆံၫနံၪ့နီၪလီၫႉ ထၪ့ဘၭဆံၫနံၪ့အခၫအဝ့ၫၥံၪအၥိၭနံၫဂၩယီၩ ထဲၩ့ထဲၩ့လၧအထံၪအခးဂီၩ့ထဲၩ့ မၩထၪ့ခီၫ့ၡၩနီၪလီၫႉ အဝ့ၫၥံၪအၥိၭနံၫဂၩယီၩ ထဲၩ့မၩဆၧမၩထၪ့ဘၭ၅နံၪ့အခၫ လ့ၩထဲၩ့လၧအဆရၫအီၪဒဲ လ့ၩကလိၭလၫ့ထဲၩ့အဆရၫ လၧလၬဆီၪ့လဖၪနီၪလီၫႉ အဝ့ၫၥံၪယီၩလ့ၩကၠၭလၧ ပလဲၪ့ၥိၪယလဲၪ့ၥိၪဒဲ လၬဆီၪ့လဖၪနီၪလီၫႉ အဝ့ၫၥံၪလ့ၩထီၩ့လၧနီၪအခၫ အၥိၭနံၫဂၩနီၪ ဒၪဆုးဆ့ၭလိၬၥၭနီၪလီၫႉ အခၫနီၪ အဲၪချံၫ့အလဲၪ့ၥိၪဒဲအလၬဆီၪ့ၥံၪလဖၪနီၪ ဂ့ၩန့အၪန့ထံၫမၧၫ့အလဲၪ့ၥိၪဒံၭ အဂဲး ထံၫမၧၫ့ယီၩထုၪ့အၥၭနီၪလီၫႉ အဲၪချံၫ့နီၪ ဒၪထဲၩ့ဘၪအၥိၭထံၫမၧၫ့အကၠီၩ့ အၥၭဎွံၪဝ့ၫဒၪဒဲချဲၩ့ဒုၪ့စိၩထံၫမၧၫ့လီၫ ထံၫမၧၫ့ဆ့ ချဲၩ့ဆၧၫ့ထဲၩ့အဲၪချံၫ့ဆ့လါနၫ့…

ပကဲၪၦၡၩလဖၪယီၩ အၪဒၪဆၧနီၪ မွဲပစီၪဆံၭလၩ့ပၥၭၥ့ၪနီၪလီၫႉ အ့ၪမွဲၦၡၩအၪ့မၧၫ့ပၧၩ ဆၧမၩဎိၩဎိၩဒိၪဒိၪကမံၩ့ယူၭ စွါဘဲၫ ပစီၪဆံၭလၩ့ပၥၭဂီၩ့ ပမၩမိဘၧၫ့အ့ၬႉ ပနဲၩလၩ့ပၥၭအ့ၬ  ဆၧနီၪအကၠီၩ့ ပနၫ့ဆါဒၪပၧၩ ဆၧဆူနဲၩလၩ့ၥၭ ကအီၪထၪ့ အဂးနီၪ ပကမၩကၠၭပၥ့ၪလဲၪ ဘၪထွ့ၪလၧဆၧအဂဲးယီၩနီၪ ယအဲၪဒိၭလီၩၥ့ၪယၫအ့ၪဘၪနၥံၪ Myanmar Excellence institute CEO ဆရၫပြည်ခိုင်အဂဲး ကဆံၭနီၪလီၫႉ အဝ့ၫအဖါဖါနီၪ မွဲလၧၦၥီၪ့လံၬဆရၫကဂၩလီၫႉ ကနံၩအဖါအၪ့မၧၫ့အဝ့ၫ အဝ့ၫကဘၪထၪ့ချဲၩ့လၩ့လၧ အဖါအထံၩ အဖျဲၥံၪအမ့ၬယၫနီၪလီၫႉ အဝ့ၫကဘၪထၪ့ချဲၩ့လၩ့အဂးဖ့ၪလၫ့ထၬအ့ၪအဝ့ၫအခိၪတၩ့နီၪ မွဲလၧ ဆၧၥုၪ့ဎွံၪၥၭယီၫအဂဲးနီၪလီၫႉ အခၫနီၪအဝ့ၫယီၩအၥၭဆံၭဒံၭဒဲ ကဘၪထၪ့ချဲၩ့လၩ့လၧအဖါအထံၩအဖျဲၥံၪအမ့ၬယၫအကၠီၩ့ အဝ့ၫယီၩ အၥၭခိဝီၩနၭလ့ၬတၭ မိထၪ့ချဲၩ့လၩ့ဝ့ၫအ့ၬအဂဲး လီၩထဲးအ့ၪအဖျါအမံၩ့မံၩ့လါနၫ့ အဝ့ၫအဖါဖါနီၪ အၪ့မၧၫ့အဝ့ၫထၪ့ချဲၩ့လၩ့ထၧၩ့အဘၭနီၪလီၫႉ…

၁ႉ ၦလၧကကဲၪခိၪနါကဂၩနီၪ အဆိၪထုၬ Self leadership လ့ၩခိၪလ့ၩနါလၩ့ၥၭကဘၪန့ ၂ႉ Team Leadership ကဘၪလ့ၩခိၪလ့ၩနါၦၡၩကဘၪန့ ၃ႉ Orgnizational Leadership ခရၧၫ့ထၧၫ့ဒီၪ့ယၫ ထံၪခးထၧၫ့ဘံၪ့ယၪနီၪ လ့ၩခိၪလ့ၩနါဝ့ၫကဘၪန့             အဆိၪထုၬအဆၫ့ ၁. ပကဘၪကဲၪထၪ့ခိၪနါလၧလးလၩအီၪဝ့ၫဒၪလဂၩနီၪလီၫႉ ဘၪန့လဲၪ အ့ၪမွဲပကကဲၪထၪ့ ခိၪနါစွါဘဲၫ ပလးလၩအီၪမၬ မွဲၦၡၩကခိၭနၪပၧၩအကၠီၩ့နီၪလီၫႉ အဝ့ၫၥံၪယီၩနီၪမွဲလအဲၪပၧၩအကၠီၩ့ ခိၭနၪပၧၩလမွဲဘၪနီၪလီၫႉ နံၫဆၫ့လဆၫ့နီၪဘိၭ ပကဘၪကဲၪထၪ့ခိၪနါလၧၦၡၩအဲၪကွံၩဝ့ၫဒၪလဂၩနီၪလီၫႉ ခိၪနါဘဲၫယီၩၥိၭလဖၪနီၪ မွဲယိထဲၩ့ခွါ ထဲၩ့အထံၩအဖျဲလဖၪႇ ခိၭနၪအ့ၪအထံၩအဖျဲလဖၪဒဲ မၩလိၪဆၧအထုၬလအီၪဘၪနီၪလီၫႉ ၦအအီၪလၧအဝ့ၫအခရၧၫ့ဖၧၩ့ လဖၪနီၪ ဂဲၫယူၭယၪ့ထၪ့အဝ့ၫယူၭႇ ဂဲၫအီၪက့ၪဒိၪလၫ့အဝ့ၫယူၭႉ အ့ၪမွဲပကကဲၪထၪ့ခိၪနါဘဲၫယီၩၥိၭနီၪ ၦအဆံၭန့ပၧၩလဖၪ…

၁ႉ မၩထ့ၬထ့ၬလါဆံၭႉ ပဆၧရွံထၪ့ယီၩနီၪ ဆၧၫ့မွဲဂ့ၩ ခၫမွဲဂ့ၩ ပကထိးဆၧၫ့ထ့ၬထ့ၬအဂဲး ခွံၬလၩ့ထၬၥၭဘဲၫနီၪဂီၩ့ လ့ၩစိၩလၧ ဖီၫထုၫ့အီၪ အလးထၧၫ့အထီၩ့လါဆံၭႉ ဘၪထွ့ၫလၧပရွံထၪ့ထၬလဖၪအဂး ဆၧအယီၩ ယမၩကမငါဧၪ ကမငါအ့ၬဧၪ ၥၭဘဲၫယီၩၥိၭနီၪ ဂၭဎ့ၭခွံၬယဲၩ့ယဲၩ့လါဆံၭႉ ပရွံထၪ့ဆၧယီၩ လၧပၥၭထ့ၬထ့ၬဖၧၩ့အကၠီၩ့ ၦဂူၫဂၩ ဂဲၫမၩတရီတပၩ ပဆၧရွံထၪ့ယီၩ မွဲလဘၧၫ့ဘၪနီၪလီၫႉ ၂ႉ အၪ့န့ထၪ့မူၩဒၩလၧ ပဆၧရွံထၪ့အဖၫ့ခိၪနီၪဆံၭႉ ပဆၧရွံထၪ့ယီၩ ဖ့ၪဆၧၫ့ထဲၩ့ပၧၩအဂ့ၩအဘၪမွဲဂ့ၩ အအၧၩ့အၥၫ့မွဲဂ့ၩနီၪ ပကဘၪထိးဆၧၫ့ထၧၫ့အန့နီၪလီၫႉ ဘဲၫပက ထီၩ့စိၩလၧ ပရွံထၪ့ထၬပဆၧထိစိၩယီၩအအီၪအဂးနီၪ ပကဘၪခွံၬလၩ့ထၬကၠီၪ့ဖျီၩ့ဂ့ၩဂ့ၩဘၪဘၪဂီၩ့ ပကဘၪမၩထၪ့ဝ့ၫနီၪလီၫႉ ပဆၧထိစိၩလဖၪကန့ထၪ့ဆၧအနၧၩ့အဂး ဆၧဖံၭဆၧမၩကၠီၪ့ဖျီၩ့လဖၪနီၪ မွဲအရ့ၩဒိၪဝ့ၫအၪမၬနီၪလီၫႉ ၃ႉ ပရွံထၪ့ထၬဝ့ၫဒၪဆၧလမံၩ့အဂး ကျ့ၭစၨၭထၪ့…