ထီးအထီနီၪ ယ့ၫရှူၬချဲၩ့ဆၧၫ့ဆၧတၭ, စံၭဝ့ၫဒၪ, မူၭခိၪဒဲဂၪ့ခိၪအကဆါ, ဖါဧ့, ယစံၭထၪ့အၪ့အူၭနၧၩလီၫ. အဂဲးဘဲၫယီၩ ဆၧလဖၪယီၩ နအီၪက့ၪၥူၪခွံၬလၧ ၦအကိၪ့ဘၪကိၪ့ၥ့ၪလဖၪအမ့ၬယၫလါနၫ့ဘိၩ, နမၩဖျီၪထၪ့ဝ့ၫလၧဖိၪၥၪအမ့ၬယၫလီၫ. မွဲယူၭ,ဖါဧ့, မွဲအဘၪနၥၭဘဲၫနီၪအဂဲးလီၫ. ယဖါနီၪ ဖ့ၪလၫ့ယူၭယၧၩလၧဆၧထီးအလူၬယူၭ. အ့ၪလမွဲဘၪဖါနီၪ, ၦၥ့ၪယၫဖိၪခွၫနးဂၩအ့ၬ. အ့ၪလမွဲဘၪဖိၪခွၫဒဲထီးဒၪ ၦလၧဖိၪခွၫမိမၩဖျီၪထၪ့ဝ့ၫလဂၩဂၩနီၪ, ၦၥ့ၪယၫဖါနးဂၩအ့ၬ.
ထီးနီၪလဖၧၫ့ အဝ့ၫဒၪအီၪက့ၪၥၫ့ ဆၧမၪလၧဒိၩ့လဖၪ လၧအမၩလၩ့လၭဆၧ လၧအအၪဒၪဆၧဒံၭလၧအ ဖၧၩ့နီၪ အလီၩ့, လၧအလနီၫ့ယါလၩ့ထဲၩ့ဘၪ အၥၭအကၠီၩ့လီၫ. ခိၫရဇံၫ့ဧ့, နဝ့ၫဒၪယီၩ နဘၪဆၧအၡၪ့လီၫ. ဘ့ၭၥစ့ဒၫဧ့, နဝ့ၫဒၪယီၩ, နဘၪဆၧအၡၪ့လီၫ. အဂဲးဘဲၫယီၩ ဆၧလၩ့လၭလၧအမၩယူၭ လၧနၥံၪအဖၧၩ့လဖၪနီၪ, အ့ၪဘၪဆၧမၩဝ့ၫလၧဒိၩ့တဲအၫ အဖၧၩ့ဒဲဒိၩ့စဲဒၧၫ့အဖၧၩ့တၭ, မိနီၫ့ယါလၩ့ထဲၩ့ယူၭ အၥၭယံၬယံၬယူၭ လၧရၧၬအဆၧကဲၩ့ယၬ, ဒဲလၧဖံၫ့ချၪအဖၧၩ့ယူၭလီၫ. အ့ၪမွဲယဝ့ၫဒၪယီၩ, ယလီၩဘၪနၥံၪ, လၧဆၧစ့ၩရၫ့အမုနံၩနီၪ, တဲအၫဒဲစဲဒၧၫ့ မိဘၪဆၧယီၫနဲၪ့နၥံၪဒံၭလီၫ.နဝ့ၫဒၪ,ကပၧနအၫ့ဧ့, နထၪ့ဘၭလၧမူၭခိၪလါနၫ့ဘိၩ, နမိsဘၪလ့ၩလၩ့ထီၩ့လၧဖျႃဖၧၩ့လီၫ. အဂဲးဘဲၫယီၩ, ဆၧလၩ့လၭလၧအမၩယူၭလၧနဖၧၩ့လဖၪနီၪ, အ့ၪဘၪဆၧမၩဝ့ၫ လၧစီဒၧၫ့အဖၧၩ့တၭ, မိအီၪဒံၭဝ့ၫထီးမုလနံၩယီၩလီၫ. ယလီၩဘၪနၥံၪယီၩ, ထီးဆၧစ့ၩရၫ့အမုနံၩနီၪ ခးစီဒၧၫ့မိဘၪ ဆၧယီၫနဲၪ့နၧၩဒံၭလီၫ.
ကနံၩယီၩနီၪ မွဲလၧဒိၩ့ပၥံၫ့ဆၧအီၪကီၪ့ၥၫ့ခိၪဒိၪ ဟင်နရီမၩ့အဲၪချံၫ့ အဘိၪ့မုနံၩအကၠီၩ့ အဝ့ၫ လ့ၩလုထၪ့လၩ့ဎိၭမံဆၩဆၧလုထၪ့လၧ ဝံးပၥံၫ့ st.Bruno ၦခွၫဆၧမၩလိၪဖိၪၥံၪအီၪအလးနီၪလီၫႉ ၥၫ့ခိၪယီၩ လ့ၩခိၪလ့ၩနါ မံဆၩဆၧလုထၪ့တၭ “အ့ၪမွဲဆၧကိၪ့ဘၪကိၪ့ၥ့ၪလအီၪဘၪ ဖိၪၥၪၥံၪအထီလၧယၫအီၪန့အ့ၬႉ ဆၧကိၪ့ဘၪကိၪ့ၥ့ၪယီၩနီၪ အရ့ၩဒိၪဝ့ၫဒၪ အၪမၬဒ့ၭတၭ ဆၧမၩလိၪဖိၪၥံၪယီၩ ကဘၪကျ့ၭစၨၭမၩလိၪကၠၭအၥၭဆၧမၩလိၪနီၪလီၫႉ မွဲလၧထီဆၧတုၩ့ထၪ့တုၩ့လၩ့အကၠီၩ့ အလးကနၩ့နၩ့ ဖိၪၥၪၥံၪမိထၪ့ကၠီးလါနၫ့ ထၪ့ဘၪဝ့ၫအ့ၬဘနီၪ အီၪအၪမၬလီၫႉ အယီၩနၥံၪဝ့ၫ နၥံၪအဆၧဘိၪ့ဆၧထးဂ့ၩအၪမၬဒံၭႉ နၥံၪထၪ့ဘၪကၠီးအခံၫ့နီၪ မၩလိၪလံၬဂ့ၩဂၩဘၪဘၪဂီၩ့ ကိထီလၧယၫကိ မွဲလၧ မိဆၧအီၪကီၪ့အဂး မွဲလၧၡၩခမျၧးအဂး မွဲနၥံၪကဲၪထၪ့ဒၪဝ့ၫ ၦအဖ့ၪခိးဖ့ၪတၩဆၧလဖၪလါဆံၭ” အဂဲး ၥၫ့ခိၪဒိၪယီၩ လီၩလၩ့လါလၩ့ဝ့ၫဒၪ ဘဲၫယီၩအၥိၭနီၪလီၫႉ ဘိၪ့မုနံၩအဂးဆၧမၩဘိၪ့နီၪ ၥၫ့ခိၪဒိၪယီၩ…
ထီးဆီၫ့မီၪ့လၧယဂဲၫခွံၬလၩ့ ဆၧဘၪလိၬအိၭလိၬ လၧဂၪ့ခိၪချိၫ့ယီၩလဂ့ၩ. မွဲယဂဲၫခွံၬလၩ့ဆၧဘၪလိၬအိၭလိၬအ့ၬ, မွဲနၭလဘံၪ့လီၫ. အဂဲးဘဲၫယီၩ ယဂဲၫမၩလၩ့မုလၩ့ဖၭၦလဂၩလၧအဖါ, ဖိၪမုၪလၧအမိ,ဒဲၪလၧအမံၩ့ၡါမုၪလီၫ.- ဂံၪ့ကဆါအဒုၪအဒၩမိမွဲအဂံၪ့ဖိၪၥံၪလီၫ.ၦလၧအအဲၪ အမိဂ့ၩအဖါဂ့ၩအၪနဲၪ့အအဲၪယၧၩယီၩ, ကြၨၭလၧယၧၩအ့ၬ. ၦလၧအအဲၪအဖိၪမုၪဂ့ၩ ဖိၪခွၫဂ့ၩအၪနဲၪ့အအဲၪယၧၩယီၩ, ကြၨၭလၧယၧၩအ့ၬ. ၦလၧအလမၩန့ဘၪအထုၪ့စူၪယၫဒဲအလဖိၬဘၪယခဲၫ့နီၪ,ကြၨၭလၧယၧၩအ့ၬ.- ၦလၧအဒၪန့အၥၭမၧၫ့နီၪ, မွဲအမိမၩလၩ့မါဝ့ၫလီၫ. ၦလၧအၥၭမၧၫ့ လၩ့မါဝ့ၫလၧယကၠီၩ့ယီၩ မိဒၪန့ထဲၩ့ဝ့ၫလီၫ. ဆၧဒိၭန့ဆၧအခိးအတၩအခိၪဖၭ. ၦလၧအထိးဆၧၫ့နၥံၪနီၪမွဲအထိးဆၧၫ့ယၧၩတၭ, ၦလၧအထိးဆၧၫ့ယၧၩယီၩ မွဲအထိးဆၧၫ့ ၦလၧအအၪ့မၧၫ့လၩ့န့ယၧၩလဂၩနီၪလီၫ.- ၦလၧအထိးဆၧၫ့ မီၪလၧမီၪအမံၩ့အကၠီၩ့နီၪ, မိန့ဘၪမီၪအခိးအတၩတၭ, ၦလၧအထိးဆၧၫ့ ၦအတီၩအလီၩ့ လၧၦအတီၩအလီၩ့ အမံၩ့အကၠီၩ့နီၪ, မိန့ဘၪၦအတီၩအလီၩ့အခိးအတၩလီၫ. ထီးဒၪၦလၧအဖ့ၪလၫ့အီၩၦလဂၩလၧ ၦအဆံၭလဖၪယီၩအကျၩန့ၫထံၫချံၪ့နးဘျႃၪ့ လၧအထံၩအဖျဲအမံၩ့အကၠီၩ့လဂၩဂၩနီၪ, ယလီၩဘၪနၥံၪ တီၩတီၩယီၩ, အခိးအတၩလၩ့မါဘၪအ့ၬ.
ဆၧချဲၩ့ဒီၩ့လၩ့ဘၪဆဲၫ့ၦဎွံၪဆၧချံၫ. မုလနံၩနီၪ, ယ့ၫရှူၬစဲၪ့ထၪ့ခွံၬလၧဂံၪ့တၭ, ဆၧၫ့နၩ့ဝ့ၫလၧကွံၩနဲၩ့ထံၭတၭ, ၦခမျၧးဖၭဒိၪၥံၪ အီၪကီၪ့လၧအအီၪ ထီးအထၪ့ဆၧၫ့နၩ့ဝ့ၫ လၧချံၫလဖျိၪ့အဖၧၩ့တၭ, ၦခမျၧးဆၧၫ့ထုၪ့ဝ့ၫ လၧခီၫ့ထီးအလူၬလီၫ.အဝ့ၫဒၪချဲၩ့ဆၧအၪလၧဆၧချဲၩ့အဒီၩ့တၭ, စံၭဝ့ၫဒၪ, ယိခွါ,ၦလၧအဎွံၪဆၧလဂၩလ့ၩဎွံၪဆၧလီၫ. လၧအဎွံၪဆၧနီၪ လနၩ့နၩ့လၩ့ဘၪဝ့ၫလၧဖၧၩ့ၥၭအနဲၩ့ထံၭတၭ, ထိၪၥံၪလံၪၥံၪဂဲၫအၪ့ခွံၬဝ့ၫဒၪလီၫ. အဂူၫဂၩလနၩ့နၩ့လၩ့ဘၪဝ့ၫလၧ လိးကျၩထီးဂၪ့ခိၪအီၪလအၪဘၪတၭ, ဂၪ့ခိၪလယိၬဘၪအကၠီၩ့နီၪ, မဲၪထၪ့ဝ့ၫချဲၫ့ချံၭလီၫ. ထီးမုမ့ၬထၪ့နီၪ, ဆၧခိဆ့ၭဘၪဝ့ၫတၭ, အဝံလအီၪဘၪအကၠီၩ့ ဎဲၫ့ထၪ့ခွံၬဝ့ၫလီၫ. အဂူၫဂၩလနၩ့နၩ့လၩ့ဘၪဝ့ၫ လၧဆၧဆူၪဆၧမဲၪအကျၩတၭ, ဆၧဆူၪဆၧမဲၪနီၪ မဲၪထၪ့ဝ့ၫတၭ, ခဲၪဘံၭခွံၬဝ့ၫဒၪလီၫ. အဂူၫဂၩလနၩ့နၩ့လၩ့ဘၪဝ့ၫလၧဂၪ့ခိၪဂ့ၩတၭ, ၥၪထၪ့ဝ့ၫလနၩ့နၩ့ အၪနဲၪ့ထဲၩ့အလးလယၩ, လနၩ့နၩ့ဎူၫဆံၫ, လနၩ့နၩ့ၥၧၫ့ဆံၫလီၫ. ၦအီၪလၧအနါ လၧအနါဂၧၫ့ဆၧနီၪ, မွဲအနါဂၧၫ့ဒၪဝ့ၫဆံၭ. ဆၧချဲၩ့ဒီၩ့လၩ့လဖၪအဆၧထိစိၩ.အထံၩအဖျဲလဖၪဂဲၫလၧယ့ၫရှူၬအီၪတၭ, စံၭဝ့ၫဒၪ, မွဲဘၪနီၫလၧနလီၩဘၪအဝ့ၫၥံၪ လၧဆၧချဲၩ့အဒီၩ့နီၪလဲၪ.…
အဖျဲအီၪလၧ အဆရၫအဖၫ့ခိၪအ့ၬ. အဎီးအၡၩ အီၪလၧအကဆါအဖၫ့ခိၪဆ့အ့ၬ. အဖျဲ အ့ၪအီၪဘဲၫအဆရၫအၥိၭတၭ, အဎီးအၡၩအ့ၪအီၪဘဲၫအကဆါအၥိၭနီၪဘၪယူၭ. ၦအ့ၪကိၭဂံၪ့ကဆါ လၧဘၫအလၭဇဘၧၭတၭ, မိကိၭၦဂံၪ့ဖိၪနၭနဲၪ့အနီၪဆံၭအၪလဲၪ. ဘၪၥၭမဲၪပၫလဲၪ. မၩအၥၭဘဲၫနီၪတၭ, ထီးၥၭမဲၪအဝ့ၫၥံၪလဂ့ၩ. အဂဲးဘဲၫယီၩ ဆၧလၧအဘၪဆၧချႃၬဘံၭထၬနီၪ ဆၧလမၩဖျီၪထၪ့ဘၪဝ့ၫအီၪနးမံၩ့အ့ၬ. ဆၧလၧအအီၪၥူၪနီၪ, ဆၧလဒုၭၥ့ၪယၫဘၪဝ့ၫအီၪနးမံၩ့အ့ၬ.- ဆၧလၧယလီၩဘၪနၥံၪ လၧဆၧခံၭကျၩယီၩ, လီၩဘၪထဲၩ့ လၧဆၧဖၩ့အကျၩဆံၭ. ဆၧလၧနၥံၪဂၧၫ့ဘၪလၧနၥံၪအနါဖၧၩ့, လီၩဘၪလၧဂံၪ့ခိၪအဖၫ့ခိၪဆံၭ. ၦလၧအမၩၥံၫ ၦနးခီၫ့တၭ, မၩၥံၫၦၥၭၡီၩ့လၥ့ၪဘၪနီၪ, ထီးၥၭမဲၪလဂ့ၩ, အ့ၪမွဲၦလၧအမၩဂၭဂီၩ့ၦၥၭၡီၩ့ ဒဲၦနးခီၫ့လၧလရၬဖၧၩ့ၥ့ၪလဂၩနီၪ, ၥၭမဲၪအဝ့ၫဒၪအၪနဲၪ့အနီၪဆံၭ.ၦအၪ့ဆၫခွံၬ ထိၪဎွံၭနံၫဘံၪ့လၧထီးလဘံၪ့အဂးမွဲအ့ၬဧၪ. နၥံၪအဖါလအီၪဘၪတၭ, လၩ့ထ့ၬဝ့ၫလၧဂၪ့ခိၪနးဘံၪ့အ့ၬ.- နၥံၪအခိၪၥူၫလဘီၩ့နီၪ ဒၪလ့ၬ ဘၪ, ဆၧဝံထၪ့နၬထၪ့ဝ့ၫထီးအလူၬလီၫ.- မၩအၥၭဘဲၫနီၪတၭ, ထီးၥၭမဲၪဆၧလဂ့ၩ,…
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့ မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ Vicent Kaun အဂဲးအကၠီၩ့နီၪလီၫႉ ၦဆံၫ့ဎံၪ Vicent Kaun ယီၩ မွဲဝ့ၫ Koea ဆၨၩဖိၪကဂၩနီၪလီၫႉ နံၪ့ ၁၅၉၁ နံၪ့နီၪ ဘၪထိးဖီၫၥၭဂီၩ့ ၦၡၩထဲၩ့ကိန့လၧ ခး Japan နီၪလီၫႉ အဝ့ၫဘၪအီၪလၧ ခး Japan ယံၬထၪ့အခၫ အဝ့ၫကနုၬလၩ့လၧ ကၭၥလ့ၬဆၧအီၪကီၪ့ဖၧၩ့အဂး စ့ၩရၫ့လၩ့ၥၭနီၪလီၫႉ လၩ့မၬရံၬ အနံၪ့ ၃၀နီၪ စထၪ့ တရါလၩ့…
၂၀၂၆နံၪ့ လၩယူၫလဲၫ့၄ၥၫ့ဒၪအိၩ ဆၧမၩလၩမၩဖၩ့ၡီၩ့ ခၬၥၭဆၧဆၫဖီၫ့ဒ့ၩၡ့ၩ နံၪ့ဆၧၫ့လးထဲၩ့မုနံၩ မံဆၩဆၧလုထၪ့ အီၪဝ့ၫဒၪလၧ မၫ့တၨၭဆၧအီၪကီၪ့ ယ့ၫၡူၬအၥၭဆံၫ့ဎံၪၥရိၬလးဝၩ့ဖၧၩ့နီၪလီၫႉ ၥၫ့ခိၪဒိၪ မၫကုတ့ၫဝ့ၩ လ့ၩခိၪလ့ၩနါ မံဆၩဆၧလုထၪ့ဂီၩ့ အၪ့ကံၩ့ဘၩဆိၪဖၪအ့ၪ ၦအဂဲၫထဲၩ့ မၩကဲၪထၪ့ ခၬၥၭဆၧဆၫဖီၫ့ဒ့ၩၡ့ၩ ၥၫ့ခိၪဒိၪအလံၩ ပေါလ်ဇင်းထွန်းဂရောင် အနးၥၭအဂးနီၪလီၫႉ ၥၫ့ခိၪဒိၪပေါလ်ဇင်းထွန်းဂရောင်ယီၩ ဘၪထိးခၬၥၭဆၧဆၫအကၠီၩ့ အဝ့ၫယီၩ လ့ၩထၪ့ဘျၩ့ၥၭလၧ ခးစံၫကပူၫဂီၩ့အခံၫ့ အီၪထးဝ့ၫဒၪ ဆၧမၩဘိၪ့လဖၪနီၪ အဝ့ၫယီၩ လဆိၫ့ကၩဝ့ၫလၧၩ့ဘၪတၭ မၩကဲၪထၪ့ထဲၩ့ ၦအၡၪ့အယၬဖိၪၥံၪအဂး ခၬၥၭဆၧဆၫဖီၫ့ဒ့ၩၡ့ၩယီၩ လၧဆၧမၩဘိၪ့အအီၪထးလဖၪနီၪလီၫႉ ဖီၫ့ဒ့ၩၡ့ၩခိၪနါဒိၪ ၥၫ့ခၫဂျွန်စိုးတင့်စံၭဝ့ၫဒၪ “ထီဘဲၫယီၩ ၦအဘၪထိးခၬၥၭဆၧဆၫ အဂၩ၃၀ဘျဲအဂး အဝ့ၫၥံၪအဖီၫ့ဒ့ၩၡ့ၩယီၩ ဖ့ၪလၫ့အ့ၪ…
ယိခွါ, ယအၪ့မၧၫ့နၥံၪလ့ၩဆၧ ဘဲၫၥိၪလဖၪလၧ ထွံၪမံၩ့ၥံၪအကျၩအၥိၭနီၪလီၫ. မၩအၥၭဘဲၫနီၪတၭ,ကဲၪထၪ့ၦအကိၪ့ဆၧၥ့ၪဘဲၫဂူအၥိၭ, ဒဲဆၧမၪလအီၪဘၪ ဘဲၫထိၪလွံအၥိၭနီၪဆံၭ. ထီးလၩ့နၥံၪအၥၭလၧၦၡၩၥံၪဆံၭ. အဂဲးဘဲၫယီၩ အဝ့ၫၥံၪမိဖ့ၪလၫ့ခွံၬ နၥံၪလၧၦအီၪကီၪ့စ့ၩရၫ့ခွးအစူၪဖၧၩ့တၭ, မိထး နၥံၪလၧအဝ့ၫၥံၪအၥရိၬဖၧၩ့လီၫ.မိၥိၫ့နၥံၪလၧၦဒိၪၦၡါဒဲလၧၦဘိၪ့ၦဎွၩ အအီၪလၧယကၠီၩ့, ဘဲၫၥိၭနၥံၪမိကဲၪထၪ့ၦထိးအၥၭ လၧအဝ့ၫၥံၪအမ့ၬယၫ, ဒဲလၧၦဆၨၩလဖၪ အမ့ၬယၫလီၫ.ထီးအဖ့ၪလၫ့ခွံၬနၥံၪတၭ, မွဲနၥံၪမိချဲၩ့ဆၧ ဘဲၫၥ့ၪလဲၪဘဲၫၥ့ၪလဲၪ, နၥံၪမိချဲၩ့ဆၧဘဲၫအံၩဘဲၫအိၩနီၪ, ထီးအၪ့ယိၪဆၧလဂ့ၩ, အဂဲးဘဲၫယီၩ လၧနၩရံၩနီၪ ဆၧမိဖ့ၪလၫ့နၥံၪဆၧလၧနၥံၪမိချဲၩ့ဆၧလီၫ. အဂဲးဘဲၫယီၩ နၥံၪချဲၩ့ဒၪနၥံၪဝ့ၫအ့ၬ, မွဲနၥံၪအဖါအၥၭချဲၩ့ဆၧလၧနၥံၪအဖၧၩ့လီၫ. ထၧၫ့ဖုဝဲမိဖ့ၪလၫ့အထၧၫ့ဖုဝဲလၧဆၧၥံၫအဖၧၩ့, ဒဲဖါမိဖ့ၪလၫ့အဖိၪဆ့လီၫ. ဖိၪ လဖၪနီၪ မိထၫ့ဒုၪထၫ့ဒၩအမိအဖါတၭ, မိဒုၭၥံၫအဝ့ၫၥံၪလီၫ. နၥံၪမိဘၪဆၧၥၭဂဲၫ့လၧၦၡၩ ထီးအလူၬလၧယမံၩ့အကၠီၩ့လီၫ. အ့ၪမွဲၦလၧအဂုးအခၧၫ့ဝ့ၫ ထီးအထုၬနီၪ, မိထီၩ့ဝ့ၫလၧဆၧထိးထဲၩ့တၩ့ထဲၩ့လီၫ.ထီးၦမၩအၧၩ့မၩနၭနၥံၪ လၧဒိၩ့လဖျိၪ့ယီၩတၭ,…
မွဲလၧ ဆၧတုၩ့ထၪ့တုၩ့လၩ့အကၠီၩ့ ဆရၫ ဆရၫမုၪ လၩ့ၡၩဝ့ၫဒၪ ဆၧကၪဆၧဂဲၩလဖၪ အီၪထၪ့လၧ ဖယ်ခုံဆၧအီၪကီၪ့ဖၧၩ့နီၪလီၫႉ ဆၧနီၪအကၠီၩ့ ဘဲၫၥိၭ ကမၩပျၩ့ခွံၬ ဆၧကၪဆၧဂဲၩယီၩ ကန့ကနၩ့နၩ့အဂးနီၪ လၧအဖီၩ့ခွံၬ လၩယူၫလဲၫ့ ၅ၥၫ့ဒၪအိၩ ၥၫ့ခိၪဒိၪ ဖိလစ် ဘာထူး နီၪ ဝဲထၪ့ဘၪ စေတမန် ၁ဖၠး ၃၄ဘျၩ့လဘျၩ့နီၪလီၫႉ ၥဖၠးနီၪ ဝဲထၪ့ဝ့ၫဒၪလၧ ဟန်အိုဆၧအီၪကီၪ့ ၊ တီခူတဝၫ့ဖၧၩ့နီၪလီၫႉ ၁ဖၠးဝဲထၪ့မံဆၩဆၧလုထၪ့နီၪ ၥၫ့ခိၪဒိၪ ဖံလံလ့ၩခိၪလ့ၩနါဂီၩ့ လၧၥၫ့မုၥၫ့ခၫ ၄ဂၩဒဲ ၦဆူနဲၩဖိၪ အဂၩ ကအီၪဖိၭဘိၭ၂၀၀နီၪ ဂဲၫထၪ့ဝ့ၫဒၪလီၫႉ “ကဆါယွၩဖ့ၪလၫ့ထၬပၧၩဆၧမၩနီၪ မွဲလၧၦမူၩဒၩလီၫႉ…
