စယီၫဟၫ့ (၃:၁၃-၁၆)ၦၡၩလ့ၩထၪ့လၧမူၭခိၪနးဂၩအ့ၬ. လ့ၩထၪ့န့ၫ ၦလၧအဂဲၫလၩ့လၧမူၭခိၪ, ၦၡၩအဖိၪခွၫလၧအအီၪဝ့ၫလၧမူၭခိၪအဖၧၩ့လဂၩယီၩလီၫ. ဘဲၫစမိစ့ၭဘီၩ့ထၪ့ ဂူလၧၡါမုနၧၫ့ဖၫအၥိၭနီၪ, ၦၡၩအဖိၪခွၫယီၩ, မိဘၪဘီၩ့ထၪ့အၥၭ ဘဲၫနီၪအၥိၭ, ဘဲၫၥိၭကယဲၦလၧ အနဲၩထဲၩ့ဝ့ၫလဂၩလါလါနီၪ, မိန့ဘၪဆၧမၧၫ့လၩ့ဆိၩလၩ့ကၠၪလီၫ. အဂဲးဘဲၫယီၩ ယွၩအဲၪၦဂၪ့ခိၪဖိၪ ထီးအဖ့ၪလၫ့ခွံၬ အဖိၪခွၫအီၪဝ့ၫလဂၩဎး ဘဲၫၥိၭကယဲၦလၧအနဲၩထဲၩ့ဝ့ၫလဂၩဂၩနီၪ, မိဘၪဆၧဂၭဂီၩ့အ့ၬ. အ့ၪမွဲမိန့ဘၪဆၧမၧၫ့လၩ့ဆိၩလၩ့ကၠၪလီၫ.
ဆၧအၪ့စၪ့ဘၪဆဲၫ့ယ့ၫၡုၬအဆၧစီၩ့ဆၧမၩ့. အဝ့ၫၥံၪဂဲၫထီၩ့ဒီၭဝ့ၫလၧယရုစလံၫ့လီၫ. အဝ့ၫဒၪ စဲၪ့လဲးလီၩ့ဝ့ၫ လၧဆၧလုအဂံၪ့ဖၧၩ့အဘိၩ့ဘၭနီၪ, ၦလုဆၧအဒိၪၥံၪ ဒဲၦကွ့ၭလံၬၥံၪဒဲၦၥုၪ့က့ၭၥၭၡါၥံၪ ဂဲၫလၧအအီၪတၭ, အၪ့စၪ့ဝ့ၫ, မွဲနမၩဆၧယီၩလဖၪ လၧပလၫအစီၩ့အမၩ့လဂၩလဲၪ. ဘဲၫၥိၭနမိမၩဆၧယီၩလဖၪတၭ, မွဲပလၫဖ့ၪလၫ့ နစီၩ့နမၩ့ယီၩလဂၩလဲၪ. ယ့ၫၡုၬချဲၩ့ဆၧၫ့ဆၧတၭ, စံၭဝ့ၫ, ယမိအၪ့စၪ့နၥံၪ ဆၧနးမံၩ့ဆ့လီၫ. လီၩဘၪယၧၩတၭ, ယမၩဆၧယီၩလဖၪ လၧပလၫအစီၩ့အမၩ့လဂၩလဲၪနီၪ, ယမိလီၩဘၪနၥံၪဆ့လီၫ. စယီဟၫ့အဘၭတံၫဇၫ့နီၪ, မွဲအဂဲၫလၧမူၭခိၪလခီၫ, မွဲအဂဲၫလၧၦၡၩလခီၫလဲၪ. လီၩဘၪယၧၩနးထံၪဆံၭ. အဝ့ၫၥံၪကိၪ့ထၪ့လိၬအၥၭတၭ, စံၭဝ့ၫဒၪ, ပအ့ၪစံၭလၧမူၭခိၪနီၪ, အဝ့ၫမိစံၭပၧၩ, အ့ၪမွဲဘဲၫနီၪတၭ, မွဲဘၪနီၫလၧနၥံၪလနဲၩဘၪလဲၪ. မွဲလါနၫ့တၭ, ပအ့ၪစံၭလၧၦၡၩနီၪ ပၥၭမဲၪၦခမျၧးလီၫ. အဂဲးဘဲၫယီၩ ၦထီးအလူၬအီၪက့ၪစယီဟၫ့လၧမီၪလၩ့ထံးလၩ့ဆ့ၭလီၫ.- အဝ့ၫၥံၪချဲၩ့ဆၧၫ့ဆၧတၭ, စံၭယ့ၫၡုၬ, ပၥ့ၪယၫအ့ၬ.…
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့ မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ Maria Soledad အဂဲးအကၠီၩ့နီၪလီၫႉ ၦဆံၫ့ဎံၪ Maria Soledad ယီၩ နံၪ့ ၁၈၂၆ နံၪ့ အီၪဖျဲၪလၧ ခး Spain နီၪလီၫႉ အဝ့ၫ ခီၫလၧ ဖိၪၥၪဆံၭအခံၫ့ဒၪအိၩ မၩဆၧၩ့ၦၡၪ့ဖိၪၥံၪအၪမၬဒ့ၭနီၪလီၫႉ အရ့ၩဎိၩထုၬနီၪ ၦၡၪ့ဖိၪၥံၪအီၪလမုၬၪဘၪအခံၫ့စွါၪဘဲၫ အဝ့ၫလ့ၩ ဘၩဆိၪဖၪအ့ၪဝ့ၫကိၭကၠၫလ့ၬနီၪလီၫႉ ၦဆံၫ့ဎံၪ Maria Soledad အၥၭအီၪ ၂၄ နံၪ့နီၪ အဝ့ၫဒဲ အထံၩၥိၭ…
ယ့ၫၡုၬလ့ၩနုၬဝ့ၫလၧယရုစလံၫ့, ဒဲလၧဆၧလုအဂံၪ့ဖၧၩ့တၭ, ယိဝၬဝၬဆၧထီးအလူၬလီၫ. နၩရံၩထီးနီၪမွဲမုဂၪလၩ့တၭ, အဝ့ၫဒၪစဲၪ့ထၪ့ဝ့ၫလၧၦလဆံၫနံၫဂၩ အၥိၭလၧခီၫ့နီၪ နုၬလၧဘ့ၭၥနံၫအဖၧၩ့လီၫ. ယ့ၫၡုၬဆိၪအၧၩ့ချိၪ့ဒိၩ့.ကဲဂီၩလနံၩ,လၧအဝ့ၫၥံၪစဲၪ့ထၪ့ခွံၬဝ့ၫ လၧဘ့ၭၥနံၫအဖၧၩ့နီၪ, အဝ့ၫဒၪၥၭဝံအၥၭလီၫ.- ဒၪစိၩချိၪ့ဒိၩ့ လထံၭအီၪလၧအလၪတၭ, ဘၪလဘၪမိဒၪဆၧအီၪ လၧအလီၩ့လမံၩ့မံၩ့တၭ, လ့ၩယိဝ့ၫ, အ့ၪလမွဲဘၪအလၪနီၪ ဒၪဘၪဆၧနးမံၩ့အ့ၬ. အဂဲးဘဲၫယီၩ ချိၪ့ဒိၩ့ၥၪအမုအလၩလဘၪဒံၭဘၪလီၫ.- ယ့ၫၡုၬချဲၩ့ထၪ့ဆၧတၭ, စံၭဝ့ၫ, ထီးယီၩလၧယၫလခီၫ မွဲပထီးအၪ့ဘၪလၧၩ့နၥၪ နးဂၩနးဆိၭလဂ့ၩ. အထံၩအဖျဲၥံၪနါဂၧၫ့ဝ့ၫလီၫ. ယ့ၫၡုၬလ့ၩနုၬလၧဆၧလုဂံၪ့အဖၧၩ့.အဝ့ၫၥံၪလ့ၩထီၩ့လၧယရုစလံၫ့တၭ, ယ့ၫၡုၬနုၬဝ့ၫလၧဆၧလုအဂံၪ့ဖၧၩ့တၭ, နၫ့ထၪ့ခွံၬၦဎွ့ၩဆၧ, ဒဲၦအၪ့ဆၫဆၧလၧဆၧလုအဂံၪ့အဖၧၩ့တၭ, ချႃၬလၩ့ခွံၬ ၦအၪ့လဲၩစ့ၩအစပွဲၥံၪ, ဒဲၦအၪ့ဆၫထိၪလွံအလးဆၧၫ့နၩ့လဖၪလီၫ. မွဲအဖ့ၪလၫ့ၦဆိၬဖၬဖၧၩ့ၥံၪ လၧဆၧလုအဂံၪ့နီၪနးဂၩအ့ၬ. ၥီၪ့ထဲၩ့ၥၫ့ထဲၩ့ဆၧတၭ, စံၭအဝ့ၫၥံၪ, ဆၧကွ့ၭအၥၭး ယ ဂံၪ့ မိ…
လၧခဲၫ့ကနံၩအခၫ စဎွၩအဖိၪခွၫနီၪ လ့ၩလီၩ့ယိဂူၪၦမုၪနၩ့ဖိၪနီၪ စွါဘဲၫႉ ကထံၪဎး ၦမုၪနၩ့ဖိၪနီၪ ဂဲၫစဲၪ့လၫ့ၡၧးလၧ အဝ့ၫအမ့ၬ ယၫတၭ စံၭဝ့ၫ ၦမုၪနၩ့ဎံၫလၩဧ့ ဘၪနီၪလဲၪနဘၪလီၩ့စဲၪလၧ ဆၩ့ထံၫကျၩနီၪ ၦမုၪနၩ့ဖိၪစံၭဆၧၫ့ထဲၩ့ အမိမိအၪ့မၧၫ့ယၧၩ ယိအ့ၪထိၪ ဘဲၫ လဂဲၫဘၪ လၧခိၬဖၧၩ့အဂးဒဲ ယဘၪယိထွ့ၫထၬအ့ၪနီၪလီၫႉ စဎွၩအဖိၪခွၫယီၩ နါဂၧၫ့ဘၪၦမုၪနၩ့ဎံၫလၩဖိၪယီၩ အဆၧချဲၩ့ကထံၪဎး မွဲအၥၭလမုၬဘၪဒဲ ယၪ့ၥၭၦမုၪနၩ့ဖိၪနီၪလီၫႉ လၧခဲၫ့ စဎွၩဖိၪယီၩ ဂဲၫန့အ့ၪၦမုၪနၩ့ဖိၪနီၪ ဆၧကီၩ့ဆၧၥိၭၥံၪဒဲ အၪ့ကံၩ့အဲၪဝ့ၫဒၪနီၪလီၫႉ လါနၫ့ ၦမုၪနၩ့ဖိၪဎံၫလၩနီၪ ၥ့ၪယၪဒၪအဝ့ၫအဂဲးအကၠီၩ့ စံၭဆၧၫ့ထဲၩ့ စဎွၩအဖိၪခွၫ ကဆါဧ့ႇ ယၧၩဝ့ၫမွဲ ၦဖိၪဎွ့ၪဖိၪလဂၩလီၫႉ နမိနီၪ ဒုၭအၪ့ယၧၩမွဲ…
ယ့ၫၡုၬမၩဘျၪထဲၩ့ၦမ့ၬဘျီၪ စဘၫတမံအၧၭ.အဝ့ၫၥံၪလ့ၩထီၩ့လၧယ့ၫရခိၫလီၫ. ထီးအစဲၪ့ထၪ့ခွံၬလၧယ့ၫရခိၫနီၪ, အထံၩအဖျဲၥံၪ ဒဲၦခမျၧးဖၭ ဒိၪဖိၬထၪ့အခဲၫ့ဆ့တၭ, စတမံအၧၭအဖိၪခွၫၦအမ့ၬ ဘျီၪစဘၫတမံအၧၭလဂၩ, ဆၧၫ့နၩ့အၪ့ကံၩ့ဆၧလၧဖၧၩ့ၥၭအနဲၩ့ထံၭလီၫ. ထီးအနါဂၧၫ့လၧအမွဲၦနၭဇရ့ၭဖိၪယ့ၫၡုၬနီၪ, ကိၭၡၭထၪ့ဆၧတၭ, စံၭဝ့ၫဒၪ, စဒၫဝံၭအဖိၪခွၫယ့ၫၡုၬဧ့, ယၫ့ၥုၪ့ယၫ့ၥၭလါယၧၩဆံၭ. ၦအၪဂၩအၪ့လၬလါနၫ့အဝ့ၫနီၪ ဘဲၫၥိၭအမိအီၪလၩ့မါပံၭတၭ, မွဲအကိၭၡၭထၪ့ဆၧဒိၪနဲၪ့အလးဒံၭeအၪအၪလ့ၬ, စဒၫဝံၭအဖိၪခွၫဧ့, ယၫ့ၥၭလါယၧၩဆံၭ. ယ့ၫၡုၬအီၪထီဝ့ၫတၭ, အၪ့မၧၫ့ၦကိၭန့အဝ့ၫလီၫ. ၦလဖၪကိၭစိၩ ၦမ့ၬဘျီၪလဂၩနီၪစံၭဝ့ၫ, မွဲနၥၭဎွံၫထၪ့တၭ, ဂဲထုၪ့ထဲၩ့ဘီၪ,အဝ့ၫဒၪကိၭနၧၩလီၫ. အဝ့ၫခွံၬလၩ့ခွံၬအဖၭဘဲၩ့လုၬနီၪ, ဂဲထုၪ့လ့ၩစိၩဝ့ၫလၧအအီၪလီၫ. ယ့ၫၡုၬချဲၩ့ထၪ့ဆၧတၭ, စံၭအဝ့ၫနီၪ, မွဲ နၥၭအီၪလၧယမိမၩနၧၩ လၧဆၧနီၪလမံၩ့လဲၪ. ၦမ့ၬဘျီၪစံၭဆၧၫ့ဝ့ၫရၫဘိနံၫဧ့, ဘဲၫယမ့ၬၥၪယီၩ မိဖၩ့ထၪ့ ထဲၩ့ဝ့ၫအၥိၭလီၫ. ယ့ၫၡုၬစံၭအဝ့ၫ, ထဲၩ့ထဲၩ့ဘီၪ. နဆၧနဲၩနီၪ ထိးထဲၩ့တၩ့ထဲၩ့နၧၩယူၭလီၫ.…
ယအဲၪနီၪ အဝ့ၫကၥ့ၪယၫဆ့ဘ့ၭ စီၪဘၪဘနီၪလဂ့ၩႉ ယိထဲၩ့ခွါထဲၩ့အဝ့ၫ လၧနဆၧဖံၭဆၧမၩဖၧၩ့လါဆံၭႉ ကိၭချဲၩ့ဒုၪ့စိၩအဝ့ၫလါဆံၭႉ ၦၡၩလဂၩနီၪ အ့ၪၥ့ၪယၫလၩ့အၥၭလၧ ဘၪထိးအဲၪၥၭကကၠၪ အဝ့ၫအဆၧၥၭမၧၫ့ဆ့ ဂဲၫမုၬလၩထၪ့ ဂဲၫယဲထၪ့ထဲၩ့ၥ့ၪဝ့ၫလီၫႉ ၦၡၩအၪဒၪဆၧနီၪ အ့ၪၦအနီၪလအီၪလၧၩ့ဘၪမၬ ၥ့ၪယၫထၪ့ထဲၩ့ ၦအနီၪအလူဒိၪဎွ့ၩဒိၪနီၪ ကဲၪထၪ့ ဘဲၫဆၧယံၫယါအၥိၭလီၫႉ ထီးပလကဲၪဘၪဘနီၪအဂး ပဂံၪ့ဒီၪ့ဖိၪၥံၪလဖၪ ပအီၪဘၪလၧ ဂံၪ့ကဖျိၪ့ဖၧၩ့ ကၠၧၫ့ကၠၧၫ့အခံၫ့ႇ ပအီၪဘၪလၧဂၪ့ခိၪချိၫ့ဖၧၩ့ကၠၧၫ့ကၠၧၫ့အခံၫ့ ကဂၩဒဲကဂၩ ပကဘၪအီၪက့ၪထၬလိၬၥၭ ဘဲၫဆၧအလူဒိၪဎွ့ၩဒိၪၥိၭနီၪလီၫႉ ပဆၧအဲၪဆၧကွံၩလဖၪနီၪဆ့ ကဘၪကဲၪဝ့ၫဒၪ ဆၧနီၫ့ယါလအီၪဘၪ ဆၧအဲၪဆၧကွံၩနီၪလီၫႉ ဆၧၥၭမၧၫ့ကမံၩ့နီၪ ဖၨၪဝ့ၫဒၪအကၠီၩ့ ဆၧမ့ၬလဲၩၥၭဂဲၫ့အဂး ဖ့ၪလၫ့ဘၪအခံၫ့လဂ့ၩဂီၩ့ နၥံၪအဆၧၥၭမၧၫ့ဖၧၩ့ မွဲဎွ့ၩလၩ့ဒၪဝ့ၫလၧ ဆၧအဲၪဆၧကွံၩနီၪလါဆံၭႉ
ယ့ၫၡုၬလီၩဖျီၪထၪ့ဆၧၥၧၫ့ဖၧၫ့လဖၧၫ့ ဘၪဆဲၫ့အဆၧၥံၫအဂဲး. အဝ့ၫၥံၪအီၪဝ့ၫလၧဖၧၩ့ၥၭ ထီးအလ့ၩထၪ့ဝ့ၫလၧ ယရုစလံၫ့နီၪ, ယ့ၫၡုၬလ့ၩလၧယၫတၭ, အထံၩအဖျဲၥံၪ ထီၫမံၫထီၫမၪတၭ, ဖိၬဝ့ၫအခဲၫ့အဘိၩ့ဘၭနီၪ, ၥၭမဲၪၥၭဖျဲၩ့ဝ့ၫဒၪလီၫ. အဝ့ၫဒၪကိၭန့ဒီၭ ၦလဆံၫနံၫဂၩ လီၩဘၪဆိၫအဝ့ၫၥံၪလၧ ဆၧမိမၩအၥၭလၧအလီၩ့အဂဲးလီၫ. အဂဲးဘဲၫယီၩ, ယိခွါ, ပလ့ၩထၪ့လၧယရုစလံၫ့တၭ, ၦၡၩအဖိၪခွၫဘၪဆၧဖ့ၪလၫ့ခွံၬဝ့ၫ လၧၦလုဆၧအဒိၪၥံၪ, ဒဲၦကွ့ၭလံၬၥံၪအစူၪဖၧၩ့တၭ, အဝ့ၫၥံၪမိစ့ၩရၫ့ၥံၫအဝ့ၫဒၪနီၪ, မိဖ့ၪလၫ့ဝ့ၫလၧၦဆၨၩလဖၪအစူၪဖၧၩ့လီၫ. အဝ့ၫၥံၪမိဒုၪဒွ့ၪဝ့ၫမိဒိၪဝ့ၫထးဝ့ၫ, မိထိၪဖျံၭဝ့ၫတၭ, မိမၩၥံၫအဝ့ၫဒၪလီၫ.ထီးအဘၪၥၧၫ့နံၩလနံၩနီၪ, မိဂဲထုၪ့ထဲၩ့ဝ့ၫဒၪလီၫ. စယ့မံၭဒဲစယီဟၫ့အဆၧအၪ့ကံၩ့အၪ့ယၫ.စဇ့ၭဘဒံၫအဖိၪခွၫစယ့မံၭ, ဒဲစယီဟၫ့ဂဲၫလၧအအီၪတၭ, စံၭဝ့ၫဒၪ, ဆရၫဧ့, ထီးဒၪပအၪ့ကံၩ့အၪ့ယၫဆၧနီၪ, ဘၪပၥၭလၧနမိမၩလၧပဂးလီၫ. အဝ့ၫဒၪစံၭအဝ့ၫၥံၪ, မွဲအဘၪနၥံၪအၥၭလၧယမိမၩ ဆၧနီၫလၫလၧနၥံၪအဂးလမံၩ့လဲၪ. အဝ့ၫၥံၪစံၭအဝ့ၫဒၪ, ဖ့ၪလၫ့ပၧၩလၧ ပမိဆၧၫ့နၩ့လၧနစူၪထွ့ၪနးဂၩ, ဒဲလၧနစူၪစ့ၪနးဂၩလၧနလၩနဖၩ့အကျၩဘီၪ. ယ့ၫၡုၬစံၭအဝ့ၫၥံၪ,…
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪနီၪမွဲဝ့ၫဒၪ ၦလၧဘၪထိး န့ၩခၠၧၫ့ဆၧလၩ့အၪ့ယိၪမံၩ့မံၩ့အဂး ၥၫ့ဎွၩလ့ၫအိၫ ၁၄ ဂၩလဂၩ ဘၩဆိၪဖၪန့ဆၧအဂဲး အကၠီၩ့နီၪလီၫႉ န့ၩခၠၧၫ့ဆၧလၩ့အၪ့ယိၪဖၧၩ့ ၦလၧဘၪဆိၪခွံၬအဂံၪ့ဒီၪ့ဖိၪၥံၪလဖၪအဂး အဆၫ့လၧၫ့ထုၬ ၥၫ့ဎွၩလ့ၫအိၫ ဘၩဆိၪဖၪန့နီၪလီၫႉ လကၭဒ့ၭဘၪ ၦလၧၥံၫဖီၩ့ခွံၬလၧ န့ၩခၠၧၫ့ဆၧလၩ့အၪ့ယိၪဖၧၩ့ အဝ့ၫၥံၪအနးၥၭအဂး ၥၫ့ဎွၩလ့ၫအိၫ ဘၩဆိၪဖၪန့နီၪလီၫႉ ၦလၧလီၩပြံၭထဲၩၦၡၩအၥၭၥံၪလဖၪယီၩ ကဘၪဖီၪ့ထၪ့ဖံၭထၪ့ဆၧလၧ ဆၧယံၩၡီၩ့အကၠီၩ့ ၥၫ့ဎွၩလ့ၫအိၫ ပဂၧၫ့ထၪ့ဝ့ၫနီၪလီၫႉ န့ၩခၠၧၫ့ဆၧလၩ့အၪ့ယိၪကဲၪထၪ့ဂီၩ့အခံၫ့နီၪ အဝ့ၫၥံၪကအီၪအဂးႇ အဂံၪ့အီၪလၧအ့ၬႇ ကအၪ့အဂး ဆၧအီၪနးမံၩ့လၧအ့ၬႇ အဝ့ၫၥံၪဘၪဒၪဆၧၫ့ယၫ ထံၫတတုၬတနၭႇ မ့ၩတတုၬတနၭ အၪမၬဒ့ၭနီၪလီၫႉ လကၭဒ့ၭဘၪ ဆၧအအၧၩ့ထုၬနီၪ အဝ့ၫၥံၪအီၪဘၪလၧအဂံၪ့ဒီၪ့ဖိၪၥံၪလၧအ့ၬနီၪလီၫႉ ဆၧနီၪအကၠီၩ့…
2026နံၪ့ လၩမ့ၫ ၂၄ၥၫ့ လဂီၩ ၁၀နၩရံၫအခံၫ့နီၪ RVA A-KHA ဒဲ RVA ကယန်း Service ၥံၪလဖၪ ဘၪဆၧဝဲထၪ့ဝ့ၫဒၪလၧ ဝံးၥခိၩ့ စံၫ့မ့ၫရံၫ ကၥံၫဒြဲၫ ၥရိၬလးဝၩ့ဖၧၩ့နီၪလီၫႉ အဂုအိၩ ခးပယၩ့ဖၧၩ့ RVA ဆၧရၩလၩ့အီၪဝ့ၫဒၪ ဆၨၩဆၬအလၨ၁၀မံၩ့လါနၫ့ ဘဲၫယီၩနီၪ ဂဲၫအၪထၪ့ထဲၩ့၂မံၩ့ယူၭအကၠီၩ့ ထီးလူၬ လၧခးပယၩ့ဖၧၩ့ယီၩ RVA ဆၧရၩလၩ့ထီးလူၬ အီၪဝ့ၫဒၪ ၁၂မံၩ့ယူၭနီၪလီၫႉ ဆၧအယီၩနီၪ မွဲဝ့ၫဒၪလၧ ကဆါယွၩအစီၩ့အမၩ့နီၪလီၫႉ ဆၧနီၪအကၠီၩ့ ပစံးခိးစံၭတၩဘၪ ကဆါယွၩဒိၪဒိၪအၪအၪလ့ၬနီၪလီၫႉၦအဂဲၫထဲၩ့ ဖ့ၪဂဲးဖ့ၪဘၭ ပဆၧရၩလၩ့လဖၪနီၪဆ့ ပအဲၪဒိၭစံၭဘၪနၥံၪ စံၭခိးစံၭတၩဒိၪမၬလီၫႉ…
