RVA PWO KAREN

၁ႉ ဘဲၫဆၧဆုးကျိၭလိၭၥၭအဂ့ၩကကဲၪထၪ့အဂး အဆိၪထုၬလိၪဝ့ၫဒၪနီၪ မွဲလၧ ပကဘၪဆုးကျိၭလိၭၥၭ ပျၩ့ပျၩ့နီၪလီၫႉ ဆၧဘံၪၥူၫလအီၪဘၪနးမံၩ့ ဆၧဆုးကျိၭနီၪ မွဲအရ့ၩဒိၪဝ့ၫဒၪဆၧအဂဲး ကမံၩ့နီၪလီၫႉ ၂ႉ ဆၧခိၭနၪဒဲ ဆၧထိးဘၪၥၭ ဆၧဆုးကျိၭလိၭၥၭကမံၩ့အဖၧၩ့ ၦနံၫဂၩယီၩ ကဂၩဘၪကဂၩအဝ့ၫၥံၪဘၪဒၪဆၧၫ့ယၫ ဆၧကၪဆၧဂဲၩလဖၪနီၪ လီၩၥ့ၪယၫအ့ၪ လိၭၥၭလါခီၫလါဘၩဒဲ ခိၭနၪအ့ၪလိၭၥၭနီၪ ဆၧဆုးကျိၭအဂးအဂ့ၩထုၬဆ့နီၪလီၫႉ ကဂၩဘၪကဂၩ အဆၧထိးဘၪၥၭလဖၪႇ အဆၧလိၪလဖၪနီၪ အ့ၪမွဲပကယိဖၬခွံၭလိၭၥၭစွါဘဲၫ ကဲၪထၪ့ဘဲၫ ဆၧယူၭယၪ့လိၭၥၭလအီၪဘၪဒဲ ပဆၧဆုးကျိၭယီၩဆ့ မွဲကဂဲၫအၧၩ့နၭထၪ့နီၪလီၫႉ ၃ႉ မၩပျၩ့ခွံၬဆၧကၪဆၧဂဲၩလဖၪကၠၧၫ့ကၠၧၫ့ လၧဆၧအဲၪတၩ့လဖၪအကျၩ အ့ၪမွဲဆၧကၪဆၧဂဲၩအီၪထၪ့ကမံၩ့မံၩ့အထီ လမၩပျၩ့ခွံၬဘၪဝ့ၫကၠၧၫ့ကၠၧၫ့ဒဲ အကဂၩနီၪအ့ၪမွဲ ကဎဲၫဒၪခွံၬပၧၩစွါဘဲၫ ဆၧဆုးကျိၭလိၭၥၭအယီၩနီၪ မွဲကဆၧၫ့ထၪ့နီၪလီၫႉ ၥၭလဘၪလၩ့ဎိၭဘၪဆၧအဂဲးလဖၪနီၪ ပၥိၭနံၫဂၩ…

ဆၧအဲၪဆၧကွံၩနီၪ ဆၧလၧၫ့ဆၧဎွ့ၩမွဲလအီၪဘၪလီၫႉ မွဲလၧဆၧအဲဆၧကွံၩအကၠီၩ့ ဆၧမုၬပၥၭႇ ဆၧအုၭပၥၭႇ ပဘၪဂၪ့ႇ ပဘၪနံ ဆၧကဲၪထၪ့ၥ့ၪဝ့ၫဒၪကိၭမံၩ့နီၪလီၫႉ ဆၧနီၪအကၠီၩ့ ဆၧအဲၪဆၧကွံၩနီၪ မွဲဆၧလၧၫ့ဆၧဎွ့ၩလအီၪဘၪလီၫႉ မွဲလၧဆၧအဲၪဆၧကွံၩအကၠီၩ့ ပၥုၪ့ပၥၭဘၪလၩ့ဆါဒဲ ပၥုၪ့ပၥၭဂဲၫဆီၪ့ထၪ့ၥ့ၪဝ့ၫဒၪဂီၩ့ ပန့ထၪ့ဘၪဆၧမၩလိၪအၪမၬဆ့နီၪလီၫႉ နးအဲၪဖီၫဘွၩ

အ့ၪမွဲ နမိအီၪလၧ ဆၧၥၭဎွံၪအဖၧၩ့စွါဘဲၫ ကျ့ၭစၨၭထၪ့ဘဲၫၦၡၩကအဲၪပၧၩအဂးလဂ့ၩႉ ကျ့ၭစၨၭအဲၪထဲၩ့ဒၪၦဂူၪဂၩ လီၫႉ ထီးကျ့ၭစၨၭထၪ့  ဘဲၫၦဂူၪဂၩကနၪၥ့ၪပၧၩနီၪလဂ့ၩ ကျ့ၭစၨၭနၪၥ့ၪထဲၩ့ဒၪၦဂူၪဂၩလီၫႉ ထီးယိလါဘၪၦဂူၪဂၩ ကဖျါခွံၬပၧၩ နီၪလဂ့ၩ ကျ့ၭစၨၩဖျါခွံၬထဲၩ့ ၦဂူၪဂၩနီၪဆံၭႉ ထီးယိလါဘၪၦၡၩအဆၧမၩဆၧၩ့နီၪလဂ့ၩ ကျ့ၭစၨၭမၩဆၧၩ့ထဲၩ့ဒၪၦၡၩနီၪဆံၭႉ ထီးကျ့ၭစၨၭထၪ့ ဘဲၫၦၡၩကအွံၪၥၭဆၧၩ့ပၧၩနီၪလဂ့ၩ ကျ့ၭစၨၭအွံၪၥၭဆၧၩ့ထဲၩ့ၦဂူၪဂၩနီၪဆံၭႉ ထီးဆီၫ့မီၪ့ထၪ့လၧၦၡၩ ကနံမွံၫ ဖ့ၪနဲၪပၧၩနီၪလဂ့ၩ ကျ့ၭစၨၭနံမွံၫထၪ့စိၩဒၪ ၦဂူၪဂၩနီၪဆံၭႉ ဆၧလဖၪယီၩ အ့ၪမွဲပမၩန့နီၪ ပကအီၪဘၪလၧ ဆၧၥၭဎွံၪၥၭယီၫ အဖၧၩ့နီၪလီၫႉ အရှင်လက္ခဏ(အင်းပါ)

အ့ၪမွဲပဘၪဒၪဆၧၫ့ယၫလၧဆၧၥၭအုၭလဖၪအခၫ ထီးၥၭလၩ့ဆ့ၭလၩ့ယွၩဘၪ အၪမၬလဂ့ၩနဲၪႉ ပကဘၪကျ့ၭစၨၭပၨၩ့ ထၬပၥၭနီၪ လၧပခိၪနုၬလီၫႉ အ့ၪအခံၫ့ဘၪနီၪ ဆၧအဂဲးလဖၪယီၩ ကအီၪဘၪထၪ့ထဲၩ့လီၫ ပကဘၪအီၪက့ၪထၬပၥၭဘဲၫနီၪဂီၩ့ ပကဘၪခၫ့ဂၬခွံၬနီၪလီၫႉ အ့ၪမွဲပဘၪဒၪဆၧၫ့ယၫလၧ ဆၧထၪ့ဒုၪထၪ့ဒၩအခၫ ထီးကဲၪထၪ့ဘၪထၧၩ့ ပကမိထိးစၪခွံၬပဆၧၥၭမၧၫ့နီၪလဂ့ၩနဲၪႉ ပဘၪထိးစၪကဆံၭနီၪ မွဲပလၩ့လၧရၬဖၧၩ့ဒံၭအ့ၬအဂဲး ပကဘၪစံၭလၩ့ပၥၭဘဲၫနီၪဂီၩ့ ပကဘၪဖ့ၪဂဲးဖ့ၪဘၭလၩ့ပၥၭနီၪလီၫႉ ပထံၩဖါဂီၩ့ ပကဂဲထုၪ့လၫ့ထဲၩ့ႇ လၧဆၧစၪအဖၧၩ့ ပကနံမွံၫထၪ့ထဲၩဂီၩ့ ပကဘၪၥိၩ့ထၪ့ထဲၩ့ဆၧအစၪနီၪ လၧပဂးဘဲၫဆၧဆၫ့ ထွ့ၪ ကမံၩ့အၥိၭနီၪလီၫႉ အ့ၪမွဲပဘၪထိးအၪ့ကီၪပၥၭအခၫ ၥၭကဲၩ့လၫ့ဘၪလဂ့ၩႉ လအိၭဘၪပၧၩအကၠီၩ့ ချဲၩ့ခဲၪပၧၩနီၪ ပဘၪၥၭအုၭလလိၪဘၪ လီၫႉ ပကဘၪကျ့ၭစၨၭအီၪဒၪပၧၩ တီၩတီၩနီၪလီၫႉ ပဘၪထိးအၪ့အူၭပၥၭအခၫ ထီၩ့စီၪဎိၩလၩ့ၥၭနၭနၭလဂ့ၩႉ ကနံၩကကၠၪနီၪ ၦလၧအအၪ့အူၭပၧၩလဖၪယီၩ မွဲအၪ့ကီၪထဲၩ့ပၧၩၥ့ၪဆ့နီၪ…

လၧၦၡၩအဆၧၥၭမၧၫ့အဖၧၩ့ လၩ့ၥၭမဲၪထုၬၥၭထၪ့ထီၫနီၪ မွဲလၧဆၧကိၪ့ဘၪကိၪ့ၥ့ၪၥၭထၪ့ထီၫႇ လၩ့ၥၭမဲၪထုၬ ဆၧၥၭနၪ့ နီၪ မွဲဝ့ၫဒၪလၧ ၥၭနၪ့ခွံၬ ဆၧၥၭမၧၫ့ႇ လၩ့ၥၭမဲၪထုၬဆၧလၩ့ဖၭနီၪ မွဲဝ့ၫလၧၥၭလၩ့ဖၭလိၭၥၭႇ ဆၧအခိထုၬနီၪ ဆၧၥၭၡၪ့ႇ  ဆၧအ ချံၫ့ထုၬနီၪ ဆၧအဲၪဆၧကွံၩႇ အ့ၪမွဲပအီၪယီၩ ဆၧအဲၪဆၧကွံၩလၩ့ၡၩနီၪ ဆၧၥၭထၪ့လဖၪကဂဲၫအၪထၪ့ႉ အ့ၪမွဲဆၧၥၭထၪ့ လဖၪဆၧမ့ၬလဲၩၥၭဂဲၫ့လဖၪအီၪထၪ့ယူၭနီၪ ဆၧဘၪမၪလဖၪ မွဲကထုၬန့လၧၩ့အ့ၬႉ လၧပဆၧၥၭမၧၫ့အဖၧၩ့ ပချဲၩ့ဝ့ၫဒၪကိနံၩဂီၩ့ ပလၥ့ၪဘၪနီၪ မွဲဆၧချဲၩ့ႇ ပယိထၪ့ဂီၩ့လူၬခွံၬဒၪပၧၩနီၪ မွွဲအခံၫ့ႇ ပလမိ မၩဘၪဂီၩ့ ပန့ဘၪနီၪ မွဲလၧၥၭၡါထၪ့ႇ ပအီၪဒၪပၧၩဂီၩ့ ပန့ထၪ့ဘၪနီၪ မွဲလၧအဘိၪ့အၧၩ့ႇ ကိနံၩဒ့ၭ ပၥၭနၪ့ဝ့ၫဒၪနီၪ ဆၧၥံၫအဂဲးႇ ဘဲၫပမိမၩဆၧအၪအၥိၭ…

ပကဲၪၦၡၩကိၭဂၩဒ့ၭနီၪ မွဲၥၭအဆၧဆၫအီၪဝ့ၫဒၪကိၭဂၩဒ့ၭနီၪလီၫႉ ၦလဂၩမိဂဲၫလၧပအီၪအ့ၬဧၪ ကိၭအဝ့ၫအတံၭအ တူၭလဂ့ၩႉ ၦလဂၩမိစံၭဆၧၫ့ပၧၩလၧၩ့အ့ၬဧၪ အၪ့စၪ့ထၪ့လၧၩ့လဂ့ၩႉ ၦလဂၩအၥၭဆုးလီၩ့လၧပၧၩလၧၩ့အ့ၬဧၪ မၩန့အတံၭအတူၭ လဂ့ၩႉ ၦလဂၩမိဖ့ၪလၫ့ပၧၩ နးမံၩ့လၧၩ့အ့ၬဧၪ အၪ့ကံၩ့ထၪ့လၧၩ့လဂ့ၩႉ   ၦလဂၩမိစဲၪ့ဒၪခွံၬပၧၩယူၭဧၪ ကၠူၭထၬအဝ့ၫလၧၩ့လဂ့ၩႉ ၦလဂၩ အၥၭလအီၪလၧၩ့ဘၪလၧ ပၧၩအကၠီၩ့ အဝ့ၫမၩအ့ၪပၧၩ လန့လၧၩ့ဘၪ လနၧၩ့လၧၩ့ဘၪဆၧလဖၪနီၪ အ့ၪမွဲပကလီၩ့အၪ့မၧၫ့န့အတံၭအတူၭစွါဘဲၫ အဝ့ၫအဂးဆ့ ကကဲၪထၪ့ ဆၧအွံၪဆၧယိၭဒဲ ပၧၩပဂးဆ့ကကဲၪထၪ့ ဆၧပွံၭဆၧထၩ့နီၪလီၫႉ ဆၧလဖၪယီၩလၧပၥိၭနံၫဂၩအအီၪအ့ၪမွဲကဂဲၫအၪထၪ့ယူၭစွါဘဲၫ ၦနံၫဂၩယီၩ အီၪဒၪဘူၭထဲးလိၭၥၭလါနၫ့ အၥၭလ ဖၪနီၪ မွဲကယဲၩ့ထၪ့ယဲၩ့ယိၬယူၭနီၪလီၫႉ ၦၡၩလမိမၩအ့ၪဘၪပၧၩလဖၪနီၪ ထီးပလအၪ့ကံၩ့ဘၪအဂး ပဘၪပၨၩ့ဆုၭထၬပၥၭနီၪ မွဲကၪဂဲၩဝ့ၫဒၪအၪမၬလါနၫ့ ဆၧအခံၫ့လဖၪယီၩ အ့ၪမွဲပခၫ့ဂၬခွံၬဂီၩ့…

(ဆၧပွံၭဆၧထၩ့ယၥၭထဲနီၪ) ၂ အ့ၪမွဲပကဂၪ့အံၪဂၪ့ဆီး ဘဲၫနီၪအၥိၭ ခိၬမၬခိၬမၬစွါဘဲၫ ဒံၩ့ပကဘၪ လၩ့ပွံၭလၩ့ထၩ့ ဒံၭနီၪလီၫႉ ဘၪန့လဲၪ ဆၧပွံၭဆၧထၩ့ပၥၭကကၠၪ ပကဂၪ့အံၪကကၠၪစွါဘဲၫ ဆၧအယီၩနီၪကဲၪထၪ့ မီၪ့ဎီၩ့ ပထိးဆၧၫ့ပဆၧပွံၭ ဆၧထၩ့လဖၪအၥိၭနီၪလီၫႉ ဘဲၫနီၪအၥိၭ အ့ၪမွဲပကဂၪ့အံၪ ယထီးအီၪအ့ၬ ခိၬမၬခိၬမၬစွါဘဲၫ ပထီးကအီၪအ့ၬ အၡါမၬနီၪလီၫႉ အ့ၪမွဲ ပကဂၪ့ အံၪ ယအီၪမုၬအ့ၬ စွါဘဲၫ မွဲပကအီၪမုၬအ့ၬတၡါလီၫႉ အ့ၪမွဲ ပကဂၪ့အံၪ ဘၪထွ့ၪလၧ ဆၧအဲၪဆၧကွံၩနီၪ ယဆၧဘိၪ့ဂ့ၩအ့ၬ ဘနီၪစွါဘဲၫ မွဲပကဒၪဆၧၫ့ယၫဘၪလၧ ၦလဂ့ၩဘၪလဖၪနီၪလီၫႉ ဘဲၫ ပလီၩအၥိၭ ဘၪကဲၪထၪ့ဝ့ၫနီၪ ဘၪန့လဲၪစွါဘဲၫ ကယဲဆၧဂဲၫကဲၪထၪ့လၧ…

လၧဖိၪဒံၪအအီၪ မိဖါလဖၪယိလါဝ့ၫဒၪလဖၪနီၪ ၁ႉ မိဖါၥံၪဂဲၫထဲၩ့ ဆူၩနဲၩထၬ ဘိၪ့ထၪ့ဘၩထၪ့ထၬ ဆၧဘိၪ့ဆၧဘၩနီၪ မုလါဝ့ၫလၧဖိၪလဖၪ ဆုးထဲၩ့ဘိၪ့ထၪ့ဘၩထၪ့ဝ့ၫလီၫႉ ၂ႉ မိဖါၥံၪ ဂဲၫထဲၩ့ မၩအၪ့ဖံၭအၪ့ထၬ ဆၧဖံၭဆၧမၩလဖၪနီၪ ခိၬလး ဎုၭလးဆၧမၩလဖၪနီၪ မုလါဝ့ၫလၧ ဖိၪလဖၪ ဆုးထဲၩ့ မၩအၪ့ဖံၭအၪ့ဝ့ၫဒၪ ၃ႉ မိဖါၥံၪဂဲၫထဲၩ့ အီၪထၬ ဂံၪ့ဒဲ ဖံၭလးလဖၪနီၪ ဘဲၫလလူၬဂီၩ့လူၬစၪဘၪအဂး မုလါဝ့ၫလၧ ဖိၪလဖၪ ဆုးထဲၩ့ ဖီၪ့ဂုးထၬ ဂ့ၩဂ့ၩဘၪဘၪ ၄ႉ မိဖါၥံၪအၥၭၡါထၪ့အထီ မုလါဝ့ၫလၧ ဖိၪလဖၪ ယိထဲၩ့ခွါထဲၩ့အဝ့ၫၥံၪလၧ ဆၧၥုၪ့ဆၧၩ့ၥၭဆၧၩ့အဖၧၩ့ႇ လၧဆၧအဲၪဆၧကွံၩအဖၧၩ့ႇ လၧဆၧယူၭယၪ့အဖၧၩ့ႇ အဝ့ၫၥံၪအဂးမုလါဝ့ၫလၧ…