RVA PWO KAREN

ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ  ၁၄ ဂၩလဂၩ အဆၧၥီၪ့ဆၧၥၫ့နီၪ မွဲဝ့ၫဒၪ ဎရံၬဖိၪၥံၪဘၪထိးမၩနၧၩ့မၩစၪၥၭနီၪ ဆၧတီၩလီၩအဂး မွဲဝ့ၫဆၧယိလါ အဂဲးအကၠီၩ့နီၪလီၫႉ ဆၧလၧဆၧမၩနၧၩ့မၩစၪဆၧကမံၩ့နီၪ ၦမၩၥံၫမၩဆၫလိၬၥၭကမံၩ့လီၫမွဲအ့ၬႇ ပဆၧလူၬဆၧချဲၩ့ႇ ပမၩဘၪထံၭၦၡၩအၥၭႇ ပအီၪပဲၩ့ခွံၬၦၡၩႇ အဝ့ၫၥံၪအမိဎွါကမံၩ့လီၫမွဲအ့ၬႇ အဝ့ၫၥံၪအၥၭခံဖၧၩ့  ဆၧဘၪထံၭဘၪဆၫ အီၪထီးလူၬနီၪ မွဲဝ့ၫ ပမၩနၧၩ့မၩစၪအဝ့ၫၥံၪနီၪလီၫႉ ၦလၧဘၪထိၬ ဆၧမၩနၧၩ့မၩစၪၥၭၥံၪလဖၪယီၩနီၪ အဝ့ၫၥံၪအဂး ဆၧအဂ့ၩကဂဲၫထီၩ့ကမံၩ့မံၩ့နီၪလီၫႉ ကဆါယွၩအခိးအတၩနီၪ ဆၧမၩနၧၩ့မၩစၪဆၧၥံၪအဂး ကဒီၪ့ဝ့ၫကမံၩ့မံၩ့နီၪလီၫႉ ပဘၪဒၪဆၧၫ့ယၫ ဆၧမၩနၧၩ့မၩစၪၥံၪယီၩ ကအီၪပထုၬၥၭအဂး ဎရံၬဖိၪၥံၪ ကဘၪအၪ့က့ၩဘၩဆိၪဖၪကိၭဂၩနီၪလီၫႉ ဆၧလဂ့ၩဘၪထီးလူၬနီၪ ဂၧးခၧၫ့ယံၬယံၬအ့ၬ လၩ့မၬခွံၬအခံၫ့ကဂဲၩ့ထီၩ့အကၠီၩ့ ၥၫ့ဎွၩလ့ၫအိၫ ၁၄…

ယ့ၫရှူၬစၭထၪ့အဆၧမၩလၧဂၫလလံၫ. ———— ထီးယ့ၫရှူၬနါဂၧၫ့ လၧစယီဟၫ့လၩ့ဘၪဝ့ၫလၧ ထီၫ့ဖၧၩ့တၭ,ထဲၩ့ထဲၩ့ဝ့ၫလၧဂၫလလံၫအဖၧၩ့နီၪလီၫ. စဲၪ့ထၪ့ခွံၬလၧနၭဇရ့ၭနီၪ, လ့ၩအီၪဝ့ၫလၧ ကပၧနအၫ့အဖၧၩ့ အီၪဘူၭလၧကွံၩ, လၧခးဇ့ၭဘလၧၫ့ဒဲ ခးနၭၥလဲၫအနဲၩ့ထံၭ, ဘဲၫမီၪစအဲၫစ့ယၫအလူနီၪ မိလၧၫ့ထၪ့ဎွ့ၩထၪ့ဝ့ၫအၥိၭ, အလူနီၪစံၭဝ့ၫဒၪ. ခးဇ့ၭဘလၧၫ့, ဒဲခးနၭၥလဲၫ, လၧကွံၩနဲၩ့ထံၭ, လၧယီၫဒၫ့ဝါလခီၫ, ဂၫလလံၫဘၪဆဲၫ့ လၧၦဆၨၩလဖၪ ၦခမျၧးၥံၪလၧ အဆၧၫ့နၩ့လၧဆၧခံၭကျၩနီၪ, ဒၪဘၪဝ့ၫလၧဆၧဖၩ့ဖၭဒိၪ, ဒဲၦဆၧၫ့နၩ့ လၧဆၧၥံၫအခးအလၩၡုၪအဖၧၩ့လဖၪနီၪ, ဆၧဖၩ့ဂဲၫထၪ့ လၧအဝ့ၫၥံၪအဂးလီၫ. လၧအဆၧၫ့အထီနီၪ ယ့ၫရှူၬလီၩလၩ့လၬလၩ့ ဆိၫဆၧတၭ, စံၭဝ့ၫဒၪ, နီၫ့ယါလၩ့ထဲၩ့ နၥံၪအၥၭဆံၭ. အဂဲးဘဲၫယီၩ မူၭခိၪအဘၩ့အမုးနီၪ ဘူၭထၪ့ယူၭလီၫ. ယ့ၫရှူၬကိၭန့ၦမၩယၪလံဂၩ. ယ့ၫရှူၬsလ့ၩဝ့ၫလၧကွံၩဂၫလလံၫအနဲၩ့ထံၭတၭ, ဒၪဘၪၦထၧၫ့ဖုဝဲနံၫဂၩ, စစဲမၧၫ့ကိၭဝ့ၫစပံတၧၫ…

အဝ့ၫၥံၪလ့ၩနုၬဝ့ၫလၧအဂံၪ့ဖၧၩ့တၭ, ၦခမျၧးအီၪကိၩ့အီၪကီၪ့ဒီၭတၭ, န့ၫအအၪ့ဆၧနီၪချႃၭအ့ၬ. ထီးယ့ၫၡုၬ အဘူၭအထံးနါဂၧၫ့ဝ့ၫတၭ, လ့ၩထၪ့ဘဲၫၥိၭအမိဖီၪ့ထၬအဝ့ၫဒၪလီၫ. အဂဲးဘဲၫယီၩအဝ့ၫၥံၪစံၭဝ့ၫ,မွဲအဖျႃထၪ့လီၫ.

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ  Bibiana    အဂဲးအကၠီၩ့နီၪလီၫႉ ၦဆံၫ့ဎံၪ  Bibiana  ယီၩမွဲဝ့ၫဒၪ ၦယိယိဖိၪကဂၩနီၪလီၫႉ အဝ့ၫအမိမိနီၪ ဒိၭနဲၩကဆါယွၩအၪမၬဒ့ၭအကၠီၩ့ ၦၡၩစၧၩ့ထၬလၧ အဝ့ၫၥံၪအဂံၪ့ဂီၩ့ လၧခဲၫ့နီၪ ၦၡၩဖ့ၬထ့ၬခွံၬအဝ့ၫအခိၪဎွံၫဂီၩ့  ၦၡၩစၧၩ့ထၬထဲၩ့ အဖိၪမုၪ ၦဆံၫ့ဎံၪ  Bibiana လၧအဂံၪ့ဖၧၩ့ လၩယဲဘံၪ့နီၪလီၫႉ လါနၫ့ ၦဆံၫ့ဎံၪ  Bibiana နီၪ အီၪလၧဆၧဘၩဆိၪဖၪ ဒိၭနဲၩကဆါယွၩနီၪလီၫႉ လကၭဒ့ၭဘၪ ၦၡၩအၪ့မၧၫ့အဝ့ၫလၧ  ဆၧလဆံၫ့ဖျ့ၪဘၪဖၧၩ့ၥၭနီၪလီၫႉ ၦဆံၫ့ဎံၪ  Bibiana ယီၩ…

ယ့ၫၡုၬရွံန့အထံၩအဖျဲလဆံၫနံၫဂၩ. မွဲအလ့ၩထၪ့လၧခိၪလီၩ့အလီၩ့တၭ, ကိၭန့ၦလၧ အဘၪအၥၭလဖၪနီၪ, အဝ့ၫၥံၪဂဲၫလၧအအီၪလီၫ. အဝ့ၫဒၪအီၪက့ၪလၩ့ၦလဆံၫနံၫဂၩ ဘဲၫအမိအီၪလၧ အၥိၭတၭ, ဘဲၫၥိၭအမိအၪ့မၧၫ့ အလ့ၩလီၩလၩ့လၬလၩ့ဆၧ, ဒဲအီၪဝ့ၫ လၧအစီၩ့အမၩ့ ဘဲၫၥိၭအမိမၩဘျၪထဲၩ့ ဆၧစူၭဆၧဆၫ, ဒဲနၫ့ထၪ့ခွံၬဆၧနၪလဖၪလီၫ. စစဲမၧၫ့ကိၭဝ့ၫ အမံၩ့အၥၫ့လၧစပံတၧၫ, ဒဲစဇ့ၭ ဘဒံၫအဖိၪခွၫ စယ့မံၭ အထၧၫ့ဖုဝဲစယီဟၫ့ ကိၭဝ့ၫအမံၩ့အၥၫ့စဘိအနၧက့ၭ, ဘဲၫၦစံၭဆၧအၥိၭ, ၦလၫ့အဖိၪခွၫၥံၪလီၫ.ဒဲစအၫ့ဒူၫ,ဒဲစဖံလံၭ, ဒဲစဘၫၥီလမုၫ,ဒဲစမၭၥုၫဒဲစထီမၭ, ဒဲစအၫလဖံအၧၭ အဖိၪခွၫစယ့မံၭ, ဒဲစၥၭဒံအၧၭ, ဒဲၦကၫနအၫ့ဖိၪ စစဲမၧၫ့, ဒဲၦလၧအဖ့ၪလၫ့ခွံၬအဝ့ၫ စယုဒၫအံၭစကၫရအၧၭနီၪလီၫ.

စဎွၩအဖိၪခွၫလဂၩ ထဲၩ့အၪ့န့ကဆၫ့ဂီၩ့ ဂဲၫထဲၩ့ထီၩ့ထဲၩ့လၧၥံၪ့ခၪ့ထံၭအခၫ စီၪဘၪၥံၪ့ကလိၭမုၪနီၪ လၧနးဖျီၩၥၪတၭ အၪ့မၧၫ့ဝ့ၫထၪ့လၧ ကဆၫ့လီၩလီၫႉ ကထံၪဎး ကဆၫ့နီၪ ၥ့ၪယၫလၧ ၥံၪ့ကလိၭမုၪအကၠီၩ့ ဝ့ၫဝၬအခိၪဎွံၪလီၫႉ လၧခဲၫ့ ၥံၪ့ကလိၭမုၪနီၪၥ့ၪယၫတၭ ကျဲၩ့အဲၪ့လိၬကဆၫ့နီၪ နၥ့ၪယၫနကဆါအ့ၬဧၪ လါနၫ့ ကဆၫ့နီၪ မွဲထိးဆၧၫ့အ့ၬတၭ ၥံၪ့ကလိၭမုၪယီၩ ဘၪလ့ၩဂၭဖၭထီးထီၩ့နးဖၧၩ့နီၪလီၫႉ လၧခဲၫ့ ၥံၪ့ကလိၭမုၪနီၪ ထၪ့အီၪဎုၬလၧ စဎွၩဖိၪဂီၩ့ အၪ့ၦၡၩကိၭနံၩ လါနၫ့ ဆၧအဂဲးယီၩ မွဲစဎွၩလၥ့ၪယၫဘၪလီၫႉ စဎွၩယီၩ စီၪဝ့ၫမွဲ အမၫၥၭဘီၩ့ နးဖျီၩၥၪလီၫႉ နးဖျီၩၥၪလဂၩ ၥံၫဂီၩ့ ဂဲၫကဲၪထၪ့ထဲၩ့ ဆံၫဖိၬလၧ ကမၫကကမၫအနဲၩ့ထံၭလီၫႉ လါနၫ့ ဆံၫဖိၬယီၩ…