RVA PWO KAREN

“တၭအီၪက့ၪလိၬနၥံၪအၥၭလၧဆၧမၪအလးအ့ၪအီၪနီၪ ထိးဆၪ့လၩ့နၥံၪအၥၭတၭကွဲၪဖျါခွံၬလိၬနၥံၪအၥၭဘဲၫဎြံၬကွဲၪဖျါနၥံၪအၥိၭနီၪ မၩနၥံၪဝ့ၫ ဘဲၫနီၪအၥိၭဆံၭႉ” ကလီစံၫ (၃:၁၃)

ဖလံဖံၫ ၄:၁၃နီၪ နနၪ့ထၪ့ဒၪဆၧ မွဲအ့ၬဧၪ? လၧၦလၧအဒုၭဆီၪ့ထၪ့ ယဂဲးယဘၭ ကဆါဎြံၬအဖၧၩ့နီၪ ယမၩဆၧထီးအလူၬၥ့ၪလီၫႉ လံၬဆံၫ့ဎံၪအနီၪဘီၪႉ အ့ၪမွဲဆၧကၪဆၧဂဲၩအီၪနၧၩ ကမံၩ့မံၩ့စွါဘဲၫ နၥၭဂၭဂီၩ့လဂ့ၩနဲၪဖိၪခွၫႉ ကဆါယွၩနီၪ အီၪဒၪလၧနၥိၭအဆိၩအကၠၪလီၫအီႉ ယၧၩမွဲယအီၪလၧနၧၩဆ့ႉ

လၧဎြံၬဆၧအဲၪဆၧကွံၩဖၧၩ့  အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪ ကဆါယွၩဖ့ၪထၬပၧၩ ဆၧအခိးအတၩ ထီးလူၬနီၪ ပကဘၪအၪ့နၩ့ ထဲၩ့လိၬၥၭ အဂဲးအကၠီၩ့နီၪလီၫႉ ကဆါဎြံၬ ဖ့ၪထၬပၧၩဆၧအခိးအတၩထီးအလူၬနီၪ မွဲဝ့ၫအပျီၩနီၪလီၫႉ ဆၧနီၪအကၠီၩ့ ပကဘၪ ဖ့ၪလၫ့လၩ့အ့ၪထဲၩ့ ၦဂူၫဂၩအဂး ဎြံၬဖိၪၥံၪ ကိၩဂၩ အတၩလၫ့အီၪအကၠီၩ့ ၥၫ့ဎွၩလ့ၫအိၫ ပဂၧၫ့ထၪ့ထၬဆၧနီၪလီၫႉ      ၦၡၪ့ဖိၪၥံၪအဂး ပကဘၪဖ့ၪအ့ၪ ဆၧအဲၪဆၧကွံၩႇ ၦလၧဆၧယိလါလၩ့မၬခွံၬၥံၪအဂး ပဘၪဖ့ၪအ့ၪဆၧယိလါႇ ၦလၧဘၪဒၪဆၧၫ့ယၫ ဆၧတတုၬတနါၥံၪအဂး ပကဘၪဖ့ၪအ့ၪဆၧဆူၩနဲၩ နီၪလီၫႉ အရ့ၩဎိၩထုၬဒဲ အလးခဲၫ့ထုၬနီၪ ကဆါဎြံၬ ဖ့ၪထၬအ့ၪပၧၩ…

စယီဟၫ့ (၁၁:၁၇-၂၁)ၦယုဒၫဖိၪအၪဂၩ ဂဲၫဝ့ၫဘဲၫၥိၭ အမိချဲၩ့မုၬချဲၩ့လၩနးမၫၥၫ,ဒဲနးမၫရံၫလၧ အထၧၫ့ဖုဝဲခွၫအကၠီၩ့လီၫ.မၩအၥၭဘဲၫနီၪတၭ, ထီးနးမၫၥၫနါဂၧၫ့လၧယ့ၫၡုၬဂဲၫဝ့ၫနီၪ, လ့ၩအၪ့ဂၬအဝ့ၫတၭ, အ့ၪမွဲနးမၫရံၫလဂၩ ဆၧၫ့နၩ့အီၪဝ့ၫလၧဂံၪ့ဖၧၩ့နီၪလီၫ. မၩအၥၭဘဲၫနီၪတၭ, နးမၫၥၫစံၭယ့ၫၡုၬ, ကဆါဧ့, နအ့ၪအီၪထီးယီၩယထၧၫ့ဖုဝဲခွၫၥံၫဝ့ၫအ့ၬ. မွဲလါနၫ့ဘိၩ့နဲၪ့ယီၩဒၪလ့ၬ, ယၥ့ၪယၫထီးဒၪနအၪ့ကံၩ့ဆၧလၧယွၩလမံၩ့မံၩ့နီၪ, ယွၩမိဖ့ၪလၫ့နၧၩလီၫ. ယ့ၫၡုၬစံၭအဝ့ၫ, နထၧၫ့ဖုဝဲခွၫနီၪ မိဂဲထုၪ့ထဲၩ့ဝ့ၫလီၫ. နးမၫၥၫစံၭဆၧၫ့ဝ့ၫ, မွဲအမိဂဲထုၪ့ထဲၩ့ဝ့ၫလၧမုနံၩထုၬခိၬအဆၧဂဲထုၪ့ထဲၩ့နီၪ ယၥ့ၪယၫယဝ့ၫလီၫ. ယ့ၫၡုၬစံၭဆၧၫ့အဝ့ၫ, ယဝ့ၫဒၪယီၩ ယမွဲဆၧဂဲထုၪ့ထဲၩ့ဒဲဆၧမၧၫ့လီၫ.ၦလၧအနဲၩထဲၩ့ယၧၩယီၩ, အ့ၪၥံၫလါနၫ့နီၪ, မိမၧၫ့ဝ့ၫဒၪလီၫ. ကယဲၦလၧအမၧၫ့ဝ့ၫ, ဒဲ နဲၩထဲၩ့ယၧၩလဂၩဂၩနီၪ, အဆိၩဆိၩအကၠၪကၠၪၥံၫလၧၩ့နးဆိၭအ့ၬ. အယီၩလမံၩ့မွဲနနဲၩဆ့ဧၪ.- အဝ့ၫဒၪစံၭဆၧၫ့ဝ့ၫယနဲၩလီၫ, ကဆါဧ့, ယနဲၩနၧၩလၧနမွဲ ၦလၧအဂဲၫလၩ့လၧဂၪ့ခိၪချိၫ့ယီၩ, ယွၩအဖိၪခွၫဎရံၬနီၪလီၫ.

အဝ့ၫနီၪစံၭဆၧၫ့ဆၧ, မိန့ဘၪနၥၭလၧဆၧနီၪလမံၩ့လဲၪ. အဝ့ၫဒၪစံၭဝ့ၫဘဲၫ ၥိၭယဖိၪခွၫနံၫဂၩယီၩ မိဆၧၫ့နၩ့လၧနစူၪထွ့ၪနးဂၩ, ဒဲလၧနစူၪစ့ၪနးဂၩလၧနဘၩ့နမုးအဖၧၩ့နီၪတၭ, မၪ လူၬနဝ့ၫနးထံၪဘီၪ.- ယ့ၫရှူၬချဲၩ့ဆၧၫ့ဆၧတၭ, စံၭဝ့ၫဒၪ, နၥံၪအၪ့ကံၩ့နီၫလဲၪနီၫလဲၪနီၪ, နၥံၪၥ့ၪယၫအ့ၬ. လိၫ့လၧယအီၩနီၪ နၥံၪအီၩမိကဲၪဧၪ. အဝ့ၫၥံၪစံၭဝ့ၫဒၪ,ကဲၪဝ့ၫတကၨ. အဝ့ၫဒၪစံၭ, နၥံၪမိအီၩဘၪလိၫ့ လၧယအီၩတၡါတၭ မွဲလါနၫ့ဘိၩ ဆၧဆၧၫ့နၩ့လၧ ယစူၪထွ့ၪဒဲယစူၪစ့ၪနီၪ မွဲယဆၧဘဲၫယမိဖ့ၪလၫ့အၥိၭ မွဲန့ၫလၧၦလၧယဖါတဲၩ့ဝဲၩလၧအဂးလီၫ.- ထီးၦလဆံၫနီၪ နါဂၧၫ့ဝ့ၫတၭ, အၥၭထၪ့အထၧၫ့ဖုဝဲနံၫဂၩနီၪလီၫ. ယ့ၫရှူၬကိၭဝ့ၫတၭ, စံၭဝ့ၫဒၪ, နၥံၪၥ့ၪယၫလၧၦအဆၨၩအခိၪလဖၪ မၩဒိၪအၥၭလၧအဖၫ့ခိၪနီၪ, ၦဒိၪၦၡါမၩဝ့ၫလၧအစီၩ့အမၩ့လီၫ. ဆၧမၩဘၪအၥၭလၧနၥံၪအကျၩဘဲၫနီၪၥိၭအ့ၬ.အ့ၪမွဲထီးဒၪၦလၧအမိကဲၪဘၪအၥၭလၧအဒိၪလဂၩဂၩ လၧနၥံၪအကျၩနီၪ, မွဲအကဲၪဒၪဝ့ၫလၧနၥံၪအခ့ၫအၡၩဆံၭ. ထီးဒၪၦလၧအမိကဲၪဘၪ အၥၭလၧအခိၪလဂၩဂၩလၧနၥံၪအကျၩနီၪ, မွဲအကဲၪဒၪဝ့ၫလၧနၥံၪအဎီးအၡၩဆံၭ. ဘဲၫနီၪအၥိၭ ၦၡၩအဖိၪခွၫယီၩ ဂဲၫအၪ့မၧၫ့ၦၡၩအ့ၬ,…

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရါလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ  ၦဆံၫ့ဎံၪ   Irenaeus  အဂဲးအကၠီၩ့နီၪလီၫႉ ၦဆံၫ့ဎံၪ   Irenaeus  မွဲဝ့ၫ ၥၫ့ခိၪဒိၪနီၪလီၫႉ အဝ့ၫကဲၪၥၫ့ခၫလၧ ဝံး Roma ဂီၩ့ ဘၪလ့ၩမၩၥၫထနၫဆၧမၩလၧ ခး French နီၪလီၫႉ လၧခဲၫ့နီၪ ဘၪထိးရွံထၪ့ၥၭ ၥၫ့ခိၪဒိၪလၧ ခး French နီၪလီၫႉ ၦဆံၫ့ဎံၪ   Irenaeus  ယီၩကွ့ၩလံၬ ဘၪထွ့ၫလၧ ဆၧဆီၫ့မီၪ့ကိၪ့ၥ့ၪအဘၪမၪ အဂဲးအကၠီၩ့နီၪလီၫႉ အရ့ၩဎိၩထုၬ အဝ့ၫကွ့ၩထၬနီၪ ဂၪ့ခိၪဖၧၩ့ ကဆါယွၩ…

ဟားခါးဆၧအီၪကီၪ့ဖၧၩ့ ၦဂဲၫထဲၩ့ဖီၪ့ထၪ့ဖံၭထၪ့ဆၧလၧ RVA Hakha Chin ဆၧရၩလၩ့ဖၧၩ့ ၥၫ့ခၫ ပေါလ် ကစ်သောင်နီၪ အလးလၩ့ထဲၩ့လၧ ဖလမ်းဇိၫ့ စိန့်ဖရန်စစ်အာစီစီ ဆၧအီၪကီၪ့ဖၧၩ့အကၠီၩ့ လၧ ၂၀၂၆နံၪ့ လၩယူၫလဲၫ့၂၂ၥၫ့ဒၪအိၩ လ့ၩၥုၭစိၩအလးယူၭနီၪလီၫႉ လၧဆၧအၪ့ဂၬထိးဆၧၫ့အဝ့ၫ ဆၧထံၪလၩ့ဒီၪလၩ့ဖၧၩ့ “မွဲလၧကဆါယွၩအဆၧယိထဲၩ့ခွါထဲၩ့အကၠီၩ့ ယဂဲၫထီၩ့စိၩလၧဆၧအလးယီၩ ဂ့ၩဂ့ၩဘၪဘၪနီၪ ယစံၭခိးစံၭတၩကဆါယွၩဒိၪဒိၪလီၫႉ ၦလၧအဂဲၫၥိၫ့ယၧၩလဖၪဒဲ ၦလၧအဂဲၫအီၪခိၭထိးဆၧၫ့ယၧၩ ထီးလူၬနီၪနးဆ့ မွဲယစံၭခိးစံၭတၩဘၪနၥံၪ ဒိၪမၬလီၫႉ” ၥၫ့ခၫပီၩယီၩ စံၭဝ့ၫဒၪ ဘဲၫနီၪအၥိၭလီၫႉ လကၭဘၪ စၭထၪ့မုကနံၩယီၩ လၧဆၧအီၪကီၪ့ယီၩဖၧၩ့ ကမၩဆၧဖံၭဆၧဘဲၫဆၧအီၪ့ကီၪ့အဂံၪ့ဒီၪ့ဖိၪကဂၩအၥိၭဂီၩ့ ၦဆူနဲၩဖိၪၥံၪလဖၪနးဆ့ လၧဆၧယံၩဆၧၡီၩ့အဖၧၩ့ ကျ့ၭစၨၭနုၬလၩ့ဂဲၩဝၭကၠၭအဂးဆ့ အဝ့ၫယီၩ ဆုးထဲၩ့ဆၫ့ထွ့ၪဝ့ၫဒၪလီၫႉ…