RVA PWO KAREN

ၦမုၪလဂၩအဆၧနဲၩ. ယ့ၫရှူၬစဲၪ့ထၪ့ခွံၬထီးနီၪတၭ, လ့ၩထီၩ့ဝ့ၫလၧတဲအၫဒဲစဲဒၧၫ့အခးလီၫ. ယိခွါ, ၦကၫနအၫ့မုၪလဂၩ ဂဲၫလၧခးနီၪ ကိၭၡၭထၪ့ဝ့ၫတၭ စံၭဝ့ၫဒၪ, စဒၫဝံၭအဖိၪခွၫကဆါဧ့, ယၫ့ၥုၪ့ယၫ့ၥၭလါယၧၩဆံၭ. ဆၧနၪအီၪလၧယဖိၪမုၪလဂၩအလီၩ့တၭ, ဘၪဆၧနၭမၬလီၫ. အဝ့ၫဒၪချဲၩ့ဆၧၫ့ဆၧနးထံၪအ့ၬ. အထံၩအဖျဲလဖၪဂဲၫလၧအအီၪတၭ, အၪ့ယၫဝ့ၫစံၭဝ့ၫဒၪ, ကွဲၪဖျါခွံၬၦမုၪနီၪဆံၭ. အဂဲးဘဲၫယီၩ မွဲအကိၭၡၭထၪ့ လၧပလးခဲၫ့လီၫ. အဝ့ၫဒၪချဲၩ့ဆၧၫ့ဝ့ၫတၭ, စံၭဝ့ၫဒၪ, ဆၧအၪ့မၧၫ့လၩ့ ယဂဲၫန့ၫလၧၥိၪလၧအလၩ့မါ လၧၦအံၫစရ့လၭအဂံၪ့ဖိၪအအီၪလီၫ.- ၦမုၪနီၪဂဲၫလၧအအီၪ,ထွံၩလၩ့လၧအမ့ၬယၫတၭ, စံၭဝ့ၫဒၪ, ကဆါဧ့, မၩဘိၭမၩဆၧၩ့ယၧၩဆံၭ.- အဝ့ၫဒၪချဲၩ့ဆၧၫ့ဆၧတၭ,စံၭဝ့ၫဒၪ, ဆၧလၧဖိၪၥၪအဆၧအၪ့နီၪ ပမၩန့တၭ, ခွံၬလၩ့လၧထွံၪအီၪနီၪဂ့ၩအ့ၬ.- အဝ့ၫနီၪစံၭဝ့ၫဒၪ,မွဲယူၭ, ကဆါဧ့, အဂဲးဘဲၫယီၩ, ထွံၪဒၪလ့ၬအၪ့ဆၧအီၪဘျဲၪအီၪဆဲ လၩ့ဎွံၪလၩ့လဲၩ့လၧအကဆါစပွဲထံၭနီၪလီၫ. ထီးနီၪလဖၧၫ့, ယ့ၫရှူၬချဲၩ့ဆၧၫ့ဆၧတၭ, စံၭအဝ့ၫနီၪၦမုၪဧ့,…

လၧဎြံၬဆၧအဲၪဆၧကွံၩဖၧၩ့  အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪ မွဲဝ့ၫဒၪ ဖံၭယၪစီၪၥံၫ့ ၡၫဖျၩ့ပၥၭခံဖၧၩ့အဂဲး အကၠီၩ့နီၪလီၫႉ ၥၭမုဆံၫ့ဎံၫ ကဂဲၫလၩ့အဂး ပကဝဲထၪ့ထၬပၥၭစွါဘဲၫ ၥၭမုဆံၫ့ဎံၪနီၪ ကအၪ့လဲၩထၪ့အ့ၪပၧၩ ဆၧအၥၫ့ ဒဲ ကဖ့ၪအ့ၪပၧၩ ဆၧအဖၩ့နီၪလီၫႉ ဂၪ့ခိၪဖိၪၥံၪ လဂၩဘၪလဂၩ ဆၧဖံၭထံၩဖံၭၥိၭလိၭၥၭအဂးႇ  ကကၧၩ့ကၩဎိၭလၩ့ဆၧအဂး ကဆါယွၩ တဲၩ့လၩ့ထၬပၧၩနီၪလီၫႉ ဆၧနီၪအကၠီၩ့ ဂၪ့ခိၪဖိၪၥံၪယီၩ လဂၩဘၪလဂၩ မၩဘၪထံၭဘၪဆၫလိၬၥၭႇ မၩၥံၫမၩဆၧလိၭၥၭႇ မၩနၧၩ့မၩစၪလိၬၥၭ အမံၩ့မံၩ့စွါဘဲၫ မီၫ့ဎီၩ့ဒၪ ပမၩဘၪထံၭဘၪဆၫ ပဂၪ့ခိၪနီၪလီၫႉ ဆၧနီၪအကၠီၩ့ နၥံၪဒိၭန့ၥၭမုဆံၫ့ဎံၪစွါဘဲၫ နၥံၪကန့ထၪ့ဘၪ …

ထီးနီၪလဖၧၫ့ ၦဖၫရစံၫ,ဒဲၦကွ့ၭလံၬၥံၪ လၧယရုစလံၫ့အဖၧၩ့နီၪ, ဂဲၫလၧယ့ၫရှူၬအအီၪတၭ, စံၭဝ့ၫဒၪ, ၦမွံၩၦၡါလီၩဆိၩလၬဆိၩဆၧနီၪ, မွဲဘၪနီၫလၧ နထံၩနဖျဲၥံၪလၨၪခၫ့ဖၬအဆၧလဲၪ အဂဲးဘဲၫယီၩ လၥူၫဝၭခွံၬဘၪအစူၪတၭ, အၪ့မၬဆၧကၨ. ဆၧလဖၪလၧအမၩစံၪစၪၦၡၩ.အဝ့ၫဒၪကိၭန့ၦခမျၧးလၧအအီၪတၭ, စံၭဝ့ၫဒၪ, ခိၭနၪဆၧတၭနၪၥ့ၪဆံၭ.- မွဲဆၧလၧအလ့ၩနုၬလၧၦနိၭဖၧၩ့နီၪ မၩစံၪစၪၦၡၩအ့ၬ. မွဲဆၧလၧအဂဲၫထၪ့လၧ ၦနိၭဖၧၩ့တၭ, အယီၩမၩစံၪစၪၦၡၩလီၫ.ထီးနီၪလဖၧၫ့ အထံၩအဖျဲၥံၪဂဲၫ လၧအအီၪ, စံၭဝ့ၫဒၪ, ၦဖၫရစံၫၥံၪ နါဂၧၫ့ဆၧချဲၩ့လထံၪနီၪ, အၥၭဂၭဂီၩ့ဝ့ၫတၭ, မွဲနၥ့ၪယၫဆ့ဧၪ.- အဝ့ၫဒၪချဲၩ့ဆၧၫ့ဆၧတၭ, စံၭဝ့ၫဒၪ, ကယဲဆၧအထံၭလၧယဖါအီၪလၧမူၭခိၪလၥုၪ့လၩ့ဘၪဝ့ၫကိၭထံၭဒ့ၭနီၪ, မိဘၪဆၧထ့ၭခွံၬဝ့ၫဒၪလီၫ. မၩဘူၭအဝ့ၫၥံၪလဂ့ၩ ၦမ့ၬဘျီၪမီၩ့ၦလၧအမ့ၬဘျီၪနီၪ, ၦမ့ၬဘျီၪခီၫ ၦမ့ၬဘျီၪအ့ၪမီၩ့လိၬအ ၥၭတၭ,မိလၩ့ထ့ၬလၧဆၧဖၧၩ့နံၫဂၩလူၬလီၫ.

နိၭဆီၪ့ႇ နိၭဖၧၩ့ႇ နိၭဂၭဂီၩ့ႇ နိၭဖျံၩႇ နိၭဖိၬႇ နိၭဆဲၪ့ဘၩ့ႉ နိၭၥ့ၪ ဖျ့ၩထီၫ ဒဲနိၭထၭႇ နိၭဖျံၩဆဲၩဒဲ နိၭဖၩထံၭႉ နိၭဖၧၩ့ကၪဒဲ နိၭဖၧၩ့ဆၧၫ့ႇ ကွ့ၭကဲၪ့ကူၭ (-ၭ) ကိၭဖၧၫ့ႉ နိၭ ပချဲၩ့ဆၧဒဲ ပအၪ့ႇ ဘၪကွ့ၭကဲၪ့ကူၭ (-ၭ) လၥၭနၪ့ႉ ၀၁ႉ နိၭ – ပါးစပ်။ ၀၂ႉ နိၭဆီၪ့ – နူတ်ခမ်းမွေး။ ၀၃ႉ နိၭၥ့ၪ ဖျ့ၩထီၫ – စကားတတ် လျှာရှည်သည်။

ယ့ၫရှူၬဂၭဖၬလၧထံၫဖံၭခိၪ. ထီးအကွဲၪဖျါခွံၬ ၦခမျၧးအဘိၩ့ဘၭနီၪ, ယ့ၫရှူၬ အၪ့မၧၫ့အထံၩအဖျဲၥံၪ လ့ၩနုၬလၧချံၫလဖျိၪ့အဖၧၩ့ချဲၫ့ချဲၫ့တၭ, ခၫ့စိၩဝ့ၫလၧဝါလခီၫလီၫ.- ကွဲၪဖျါခွံၬၦခမျၧးဂီၩ့တၭ, လ့ၩဘၩဆိၪဖၪဆၧ လၧခိၪလီၩ့လဖျိၪ့အလီၩ့လၧဆၧကဒုၩအလးလီၫ. မုမ့ၬဂၪလၩ့တၭ, အီၪဝ့ၫထီးနီၪလဂၩဎးလီၫ.- ချံၫအီၪဝ့ၫလၧကွံၩအၥၭကျၩတၭ, လပီၩထၪ့မၩဝၭဝ့ၫနၭနၭလ့ၬဆ့လီၫ. အဂဲး ဘဲၫယီၩလံၩတီၩအ့ၬ.- ဆၧခိၭဆၧလၧမုနၩလံဆၫ့လဆၫ့နီၪ, ယ့ၫရှူၬလ့ၩလၧအအီၪတၭ, စဲၪ့ဝ့ၫလၧကွံၩဖၧၩ့လၧထံၫဖံၭခိၪလီၫ. စဲၪ့ဝ့ၫလၧကွံၩဖၧၩ့လၧထံၫဖံၭခိၪနီၪ, အထံၩအဖျဲၥံၪဒၪဘၪဝ့ၫတၭ, အဝ့ၫၥံၪၡုၭၥၭမဲၪထၪ့ဝ့ၫတၭ, စံၭလၧအမွဲၦစၪလီၫ. ၥၭမဲၪၥၭဖျဲၩ့ဆၧတၭ, ကိၭၡၭထၪ့ဝ့ၫဒၪလီၫ. ယ့ၫရှူၬလီၩဘၪအဝ့ၫၥံၪချဲၫ့မၬတၭ, စံၭဝ့ၫဒၪ, မွဲနၥံၪအၥၭဎွံၫထၪ့ဘီၪ, မွဲယၧၩတၭ, ထီးၥၭမဲၪလဂ့ၩ. စပံတၧၫချဲၩ့ဆၧၫ့ဆၧတၭ, စံၭဝ့ၫဒၪ, ကဆါဧ့, အ့ၪမွဲနၧၩတၭ, မၪလူၬလါယၧၩဘဲၫယမိလ့ၩစိၩ လၧနအီၪလၧထံၫဖံၭခိၪအၥိၭဆံၭ.- အဝ့ၫနီၪ စံၭဝ့ၫဒၪ, ဂဲၫဘီၪ. စပံတၧၫစဲၪ့လၩ့ခွံၬဝ့ၫလၧချံၫဖၧၩ့တၭ,…

ၦဘၧၩ့လၩ့ဆၧစယီဟၫ့အဆၧၥံၫ. ထီးအထီနီၪၦဒိၪဖၭဒိၪစဟ့ရၧၭ နါဂၧၫ့ယ့ၫရှူၬအဆၧဂၧၫ့ထၪ့ၥၩလၩ့တၭ,- စံၭအခ့ၫအၡၩၥံၪ, ၦလဂၩနီၪမွဲၦဘၭတံၫဇၫ့ဆၧစယီဟၫ့တၭ, ဂဲထုၪ့လၧဆၧၥံၫအဖၧၩ့လီၫ. မၩအၥၭဘဲၫနီၪတၭ, ဆၧလၩ့လၭလဖၪယီၩမၩအၥၭလၧအဝ့ၫနီၪလီၫ.အဂဲးဘဲၫယီၩ မွဲလၧအထၧၫ့ဖုဝဲစဖံလံၭအမၫ နးဟရိဒအၭအကၠီၩ့တၭ, စဟ့ရၧၭဖီၪ့ထၬစယီဟၫ့နီၪ, စၧၩ့ထၬဝ့ၫတၭ, အီၪက့ၪလၩ့ဝ့ၫလၧထီၫ့ဖၧၩ့လီၫ. အဂဲးဘဲၫယီၩ စယီဟၫ့စံၭအဝ့ၫ, ၦမုၪနီၪနမၩန့နဝ့ၫတီၩအ့ၬ.- အဝ့ၫနီၪမိမၩၥံၫဘၪအၥၭလၧအဝ့ၫဒၪလါနၫ့ဘိၩ, ၥၭမဲၪၦခမျၧးလီၫ. အဂဲးဘဲၫယီၩ ၦခမျၧးအီၪက့ၪစယီဟၫ့လၧအမွဲမီၪလဂၩလီၫ.အ့ၪမွဲထီးစဟ့ရၧၭအီၪဖျဲၪဝ့ၫအမုလနံၩဆၧၫ့ထဲၩ့အလးနီၪ, နးဟရိဒအၭအဖိၪမုၪဂဲထုၪ့လံလၧအဝ့ၫၥံၪအမ့ၬယၫတၭ, ဘၪစဟ့ရၧၭအၥၭလီၫ. မၩအၥၭဘဲၫနီၪတၭ, ဆိၪလၩ့အၥၭလၧအမိဖ့ၪလၫ့ဝ့ၫထီးဒၪဆၧလၧအအၪ့ကံၩ့ဝ့ၫလမံၩ့မံၩ့လီၫ. အဝ့ၫနီၪဘၪဆၧၥီၪ့ဝဲၩဝ့ၫလၧ အမိတၭ, စံၭအဝ့ၫဒၪ, ဖ့ၪလၫ့လါယၧၩ လၧၦဘၭတံၫဇၫ့ဆၧစယီဟၫ့အခိၪဎွံၪနီၪ လၧတဲၪလဲၪအဖၧၩ့ဆံၭ. စဎွၩအၥုၪ့အုၭအၥၭအုၭလါနၫ့, မွဲလၧအဆိၪလၩ့အၥၭနီၪ, ဒဲလၧၦဆၧၫ့နၩ့ဒံၩ့ခံၫ့ဎုၬလၧအၥိၭလၧ စပွဲထံၭအကၠီၩ့တၭ, မၪလူၬဝ့ၫလၧဆၧဘၪဖ့ၪလၫ့ဝ့ၫလီၫ. တၭအၪ့မၧၫ့ၦလ့ၩဖ့ၬထ့ၬ စယီဟၫ့အခိၬလၧထီၫ့ဖၧၩ့နီၪ- ၦဂဲၫထဲၩ့ဆိၬဝ့ၫအခိၪဎွံၪ လၧတဲၪလဲၪအဖၧၩ့တၭ, ဖ့ၪလၫ့ဖိၪၥၪမုၪနီၪ,…

စမၭၥုၫ အဆၧၫ့ဒိၪ ၂၂ အဆၧၫ့ဖိၪ ၃၉ အဖၧၩ့ ကဆါဎရံၬ လီၩ့ထၬဝ့ၫဒၪ အဲၪပၧၩလၧနနဲၩ့ထံၭ ဘဲၫနနၫ့ဆါဒၪ နဝ့ၫအၥိၭနီၪဆံၭ ဆၧလီၩလၩ့လါလၩ့ယီၩ အရ့ၩဒိၪဝ့ၫဒၪ တၡါလီၫႉ ဘၪနီၪလဲၪစွါ ဘဲၫ ခိဆၧၩ့ချဲၫ့ အၪ့လဲၩ့ထၪ့အၥၭနီၪ ထံၫခးလၧ အကဲၪဒိၪကဲၪမုလဖၪ လၧနဲၩ့ဎီၩ့အဖၫ့ခိၪ အၥၭလိဖၭအဆၧဖီၪ့ထၪ့ဖံၭထၪ့အကၠီၩ့ ၦၡၪ့ဖိၪယါဖိၪၥံၪလဖၪ ဘၪထိးခိဆၧၩ့ချံၪ့အၪ့လဲၩ့ထၪ့အၥၭ ဆၧလၩ့အၪ့ယိၫ အဆၧၫ့အထီနၬမၬ အကၠီၩ့ ၦၡၪ့ဖိၪယါဖိၪၥံၪအဂး ဘဲၫဆၧလိၬဎွ့ၪဎီၩ့အၪ့ဎၬထၪ့ထဲၩ့အ့ၪကန့အဂး ဆၧအီၪကီၪ့ၥံၪလဖၪ အမူၩဒၩအီၪနီၪလီၫႉ ဂၪ့ခိၪဘး အဆၧအၪ့ဎါထယါအဖၧၩ့ နံၪ့ ၂၀၅၀ခိၬနီၪ ခိဆၧၩ့ချံၪ့အဆၧအၪ့လဲၩ့ထၪ့အၥၭအကၠီၩ့ ၡၩခမျၧးအခွး ဖိၭ ဘိၭ ၂၀၀…

ဆၧမၩအၥၭထီးယ့ၫရှူၬချဲၩ့ ဆၧချဲၩ့အဒီၩ့လဖၪယီၩဂီၩ့တၭ, စဲၪ့ထၪ့ခွံၬဝ့ၫထီးနီၪလီၫ. ထဲၩ့ဝ့ၫထီၩ့ လၧအခးဒၪဝ့ၫတၭ, ၥီၪ့ထဲၩ့ၥၫ့ထဲၩ့ ဆၧလၧအဝ့ၫၥံၪ အၥရိၬဖၧၩ့ ထီးၦထီၫမံၫထီၫမၪဝ့ၫတၭ, စံၭဝ့ၫဒၪ, အဝ့ၫလဂၩယီၩ အဆၧကိၪ့ဘၪကိၪ့ၥ့ၪ ဒဲအစီၩ့အမၩ့ယီၩ, မွဲအန့ဘၪဝ့ၫခီၫခီၫလဲၪ. မွဲလဲၬၥမါအဖိၪခွၫမွဲအ့ၬဧၪ.- အမိဆၧကိၭဝ့ၫ နးမၫရံၫနီၪ, မွဲအ့ၬဧၪ. အထၧၫ့ဖုဝဲခွၫၥံၪ, မွဲစယ့မံၭ, ဒဲ စယိစ့ၭ, ဒဲစစဲမၧၫ့, ဒဲစယုဒၭမွဲအ့ၬဧၪ. အထၧၫ့ဖုဝဲမုၪၥံၪနီၪ အီၪ လၧပၥိၭထီးအလူၬမွဲအ့ၬဧၪ.- မၩအၥၭဘဲၫနီၪတၭ, မွဲအန့ဘၪကယဲဆၧထီးအလူၬလဖၪ ယီၩခီၫခီၫလဲၪ.- အဝ့ၫၥံၪအၥၭဂၭဂီၩ့လၧအကၠီၩ့နီၪလီၫ. ယ့ၫၡုၫစံၭအဝ့ၫၥံၪ မီၪနီၪအ့ၪလမွဲဘၪ လၧအထံၫအခးဒၪဝ့ၫ, ဒဲလၧအဂံၪ့ဒၪဝ့ၫအဖၧၩ့နီၪ အလၩအဖၩ့အီၪဝ့ၫလီၫ. အလးနီၪၦၡၩ လနဲၩဘၪဆၧအကၠီၩ့တၭ, မၩလၩ့လၭဆၧလၧအအၪအ့ၬ.

ထၧၫ့ဖုဝဲထံၩၥိၭဖျိၩ့ဖိၪၥံၪဧ့ လၩ အီဂုၭ (၁၂) ၥၫ့နီၪ ဘဲၫထၧၫ့ဖုဝဲဖျိၩ့ဖိၪၥံၪၥ့ၪယၫထၬအၥိၭ  မွဲၦဖျိၩ့မၫတုရၫမုနံၩတၭ မုနံၩယီၩ မွဲဒံၭလၧ ၦဖျိၩ့မၫတုရၫ စီၩဘၭအူၩကၠံၩဒဲ အၥုၭဖိၪလဖၪ ဘၪထိးမၩၥံၫအၥၭ မုနံၩမွဲမွဲဆ့တၭ ဘဲၫယီၩ ယမိအၪ့နၩ့လီၩ့ဖ့ၪနဲၪဘၪ နၥံၪ အဝ့ၫအဆၧဆူၩနဲၩအဂး ၦလၧဖ့ၪလၫ့လၩ့အၥၭ စီၩဘၭအူၩကၠံၩအဂဲးနီၪလီၫႉ နံၪ့ ၁၉၅၀ လၩ အီဂုၭ (၁၁) ၥၫ့နီၪ ပဒိၪအၥုၭလဖၪ လ့ၩထီၩ့လၧ နဘူၫတဝၫ့အနဲၩ့အဎီၩ့နီၪဂီၩ့ စီၩဘၭအူၩကၠံၩဒဲ အခရၧၫ့လဖၪ ထီၩ့လၧ ထော့ကော်ကိုး တဝၫ့အကၠီၩ့ အဝ့ၫၥံၪန့ဘၪဆၧပရၧၫ့နီၪလီၫႉ ပဒိၪအၥုၭၥံၪလဖၪ တဲၩ့ဝဲၩ့ထၪ့အၥၭ ကဆုးဂဲၫလၧ ထီကီၫကိၩတဝၫ့နီၪ ဖျိၩ့ခိၪနါလဂၩ…

မၩဒီၭလဖၧၫ့, မူၭခိၪအဘၩ့အမုးနီၪ,မၩအၥၭဘဲၫ ၦခွံၬၡၬလၧကွံၩဖၧၩ့တၭ, ဘၪန့ဆၧကိၭမံၩ့ဒ့ၭအၥိၭနီၪလီၫ. ထီးအဆၧဎွ့ၩထၪ့တၭ, မီၩ့ကၠူၭထၪ့ဝ့ၫလၧခီၫ့နီၪ, ဆၧၫ့နၩ့ဝ့ၫတၭ, ရွံန့ဆၧအဂ့ၩလဖၪ ဒုၭလၩ့ဝ့ၫလၧဆၧဖၧၩ့, ဆၧအအၧၩ့လဖၪနီၪ ခွံၬၡိၭခွံၬဝ့ၫဒၪလီၫ. ဆၧမိမၩအၥၭလၧဂၪ့ခိၪအဆိၩထုၬ ဘဲၫနီၪၥိၭလီၫ. အၥီၫ့လဖၪမိဂဲၫလၩ့တၭ, မိအၪ့နၩ့ဖၭၦအအၧၩ့လၧၦအတီၩအလီၩ့အကျၩတၭ, မိခွံၬလၩ့ခွံၬဝ့ၫလၧမ့ၪဖံၫ့ချၪအဖၧၩ့နီၪလီၫ. ဆၧဘၪဂၪ့ဆၧခၪအဲၪ့ထံးမိအီၪဝ့ၫထီးနီၪလီၫ.ဆၧမွဲဆၧတီၩအၥၫ့ဒဲအလးလံၩလဖၪ.ယ့ၫရှူၬစံၭဝ့ၫဒၪ, ဆၧလဖၪထီးအလူၬနီၪ မွဲနၥံၪနၪၥ့ၪယူၭဧၪ. အဝ့ၫၥံၪစံၭ, နၪၥ့ၪယူၭ, ကဆါဧ့.အဝ့ၫဒၪစံၭ အဝ့ၫၥံၪ မၩအၥၭဘဲၫနီၪတၭ, ၦကွ့ၭလံၬ လၧအၥ့ၪမူၭခိၪအဘၩ့အမုးအဂဲးအကၠီၪ့ကိၭဂၩဒ့ၭနီၪ, မၩအၥၭဘဲၫဂံၪ့ကဆါလၧအဖီၪ့ထၪ့အဆၧအလံၩ ဒဲအဆၧအၥၫ့ လၧအအီၪက့ၪကီၪ့ဆၧအလးအၥိၭနီၪလီၫ.