RVA PWO KAREN

မုကနံၩ ကျၭကဘံၪ့နီၪ မိကဲၪဘၪအၥၭလၧ ထိၪၡၬနီၪ ဂဲၫမၩလၩ့ဒိၩ့ၥၭႇ မၩလၩ့အဲၪၥၭလၧ အဝ့ၫၥံၪအနဲၩ့ အဎီၩ့လီၫႉ ကျၭယီၩ မွဲမၩထံၩမၩၥိၭဘၪလၧ ထိၪၡၬလဖၪ ကၠၧၫ့ကၠၧၫ့နီၪတၭ အဝ့ၫနီၪ ၥုၪ့မုၬၥၭဎွံၫဝ့ၫအၪမၬဆ့လီၫႉ လၧထိၪၡၬဖၧၩ့ ထိၪၡၬဒိၪကဘံၪ့နီၪ ဒၪဘၪကျၭကဘံၪ့ ဂဲၫမၩလၩ့ဒိၩ့ၥၭ ဂဲၫအီၪလၧ အထံၭၥိၭအကျၩနီၪ အဝ့ၫဆီၪ့မီၪ့ဝ့ၫဒၪ ကနံၩနံၩကကၠၪကၠၪနီၪ ကျၭကဘံၪ့ယီၩ ကဖ့ၪဒၪပၧၩၥ့ၪ ဆၧကၪဆၧဂဲၩ ဆၧနိၪ့ဆၧနၭဒံၭလီၫႉ အကၠီၩ့နီၪတၭ ယကကိၭယထံၭၥိၭဂီၩ့ ယကလီၩဘၪ အဝ့ၫၥံၪ ဆၧချဲၩ့နးဆံၭ လီၫႉ ဆီၪ့မီၪ့ဝ့ၫ ဘနီၪလီၫႉ လယံၬလမီဘၪ ထိၪၡၬဒိၪ ကဘံၪ့နီၪ ကိၭအထံၩၥိၭၥံၪဂီၩ့ မၩဆၧအီၪကီၪ့ဝ့ၫဒၪလီၫႉ            …

လ့ၩလီၩလၩ့လၬလၩ့ဆၧတၭ, စံၭနၥံၪဝ့ၫ, မူၭခိၪအဘၩ့အမုးနီၪဘူၭထၪ့ယူၭ.- မၩဘျၪထဲၩ့ၦဆၫၥံၪ, ဒုၭဂဲထုၪ့ထဲၩ့ၦၥံၫလဖၪနီၪ, မၩဆံၫ့ထၪ့ထဲၩ့ၦလၧအခံၫ ထူၬဆၫအၧၩ့လဖၪနီၪ, နၫ့ထၪ့ခွံၬဆၧနၪလဖၪဆံၭ. နၥံၪဒိၭန့ဆၧပျီၩပျီၩတၭ, ဖ့ၪလၫ့ဆၧပျီၩပျီၩဆံၭ.ထီၫ့မွဲဂ့ၩ, စ့ၩမွဲဂ့ၩ, ထီးလၧနၥံၪအခၧၩ့ယးဖၧၩ့မွဲဂ့ၩ,- ထိၪ့လဖျိၪ့လၧဖၧၩ့ၥၭအဂးမွဲဂ့ၩ, ဆဲၫ့နံၫဘံၪ့ မွဲဂ့ၩ,ခၪ့ဖံၭလဖၪမွဲဂ့ၩ, နိၪထိၭလဘီၩ့မွဲဂ့ၩ, တဲၩ့ဝဲၩလၧနၥံၪအဂးလဂ့ၩ အဂဲးဘဲၫယီၩ ၦလၧအမၩဆၧနီၪ ဂ့ၩန့ဘၪဆၧအၪ့ဆၧအီၩလီၫ. ထီးဒၪဒိၩ့ဂ့ၩတဝၫ့ဂ့ၩ, လၧနၥံၪလ့ၩနုၬဘၪလဖျိၪ့ဖျိၪ့တၭ, ၦအဂ့ၩအီၪလၧအဖၧၩ့ မွဲပလၫလဂၩလဲၪနီၪ, အၪ့စၪ့ဒၪခလူၬတၭ, နၥံၪလချႃၭစဲၪ့ထၪ့ခွံၬဒံၭဘၪနီၪ, အီၪထီးနီၪဆံၭ. ထီးနၥံၪအ့ၪလ့ၩနုၬလၧဂံၪ့ဖၧၩ့တၭ, ချဲၩ့မုၬဝ့ၫဆံၭ. ဆၧလၧဂံၪ့နီၪအ့ၪဂ့ၩန့ဘၪဆၧတၭ, မွဲနၥံၪအဆၧမုၬ ဆၧလၩမိဘၪဒၪဝ့ၫဆံၭ အ့ၪလဂ့ၩန့ဘၪနီၪ, မွဲနၥံၪအဆၧမုၬဆၧလၩ ဘၪထဲၩ့ဒၪနၥံၪဆံၭ. ထီးဒၪၦလၧအလထိးဆၧၫ့ဘၪနၥံၪတၭ, လခိၭနၪဘၪနၥံၪအလူလဂၩဂၩနီၪ, ထီးနၥံၪအ့ၪစဲၪ့ထၪ့ခွံၬ လၧအဂံၪ့မွဲဂ့ၩ, အဒိၩ့မွဲဂ့ၩ,…

လၧဎြံၬဆၧအဲၪဆၧကွံၩဖၧၩ့  အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪ မွဲဝ့ၫဒၪ ကဆါယွၩနီၪ ၥၭၡါႇ ၥၭဘၪ့ ရွံဝ့ၫအ့ၬ အဲၪၦၡၩကိၭဂၩဒ့ၭအဂဲးအကၠီၩ့ နီၪလီၫႉ အဆၫ့လၧၫ့ထုၬနီၪ ၦၥၭၡါၥံၪလၧ ဘၪထိးခွံၬၡိၬၥၭႇ ၦၥၭၡါၥံၪလၧ ဘၪထိၬအီၪပဲၩခွံၬၥၭၥံၪလဖၪအဂး ၥၫ့ဎွၩလ့ၫအိၫ လီၩၥ့ၪယၫထၬ ဆၧပရၧၫ့နီၪလီၫႉ ဘၪထွ့ၫလၧ ၦၥၭၡါၥံၪအဂး ၥၫ့ဎွၩလ့ၫအိၫ ဖ့ၪထၬဆၧပရၧၫ့အီၪဝ့ၫဒၪနီၪလီၫႉ -ဖိၪမုၪဖိၪခွၫၥံၪလဖၪယီၩ ကဘၪယိဂ့ၩယိဘၪ ၦၥၭၡါၥံၪႇ နၥံၪကဘၪဖ့ၪအ့ၪအဝ့ၫၥံၪ ဆၧအဲၪဆၧကွံၩႇ လကၭဒ့ၭဘၪ အဝ့ၫၥံၪအ့ၪအီၪလၧ အယဲၩ့နီၪ နၥံၪကဘၪလ့ၩအီၪကွ့ၩအဝ့ၫၥံၪ ခိမၬခိမၬ လိၪဝ့ၫဒၪနီၪလီၫႉ -ပကဘၪအီၪဒုၩၥၭလၧ ကဆါယွၩအီၪနီၪ…

အဝ့ၫဒၪကိၭန့အထံၩအဖျဲလဆံၫနံၫဂၩနီၪ လၧအအီၪတၭ, ဖ့ၪလၫ့ဝ့ၫဆၧစီၩ့ဆၧမၩ့ လၧဆၧနၪအဖၫ့ခိၪ, ဘဲၫၥိၭအမိနၫ့ထၪ့ခွံၬဝ့ၫ, ဒဲမၩဘျၪထဲၩ့ကယဲ ဆၧဆၫဒဲကယဲဆၧဆီၫ့ကိၭဆီၫ့ကဲၩ့ ထီးအလူၬအၥိၭနီၪလီၫ.ၦဆၧအၪ့မၧၫ့ဖိၪလဆံၫနံၫဂၩနီၪ အမံၩ့မွဲဘဲၫယီၩ, အခၪ့ထံၭမွဲစစဲမၧၫ့ကိၭဝ့ၫလၧစပံတၧၫ, ဒဲအထၧၫ့ဖုဝဲ စအၫ့ဒူၫ,စဇ့ၭဘဒံၫအဖိၪခွၫစယ့မံၭ, ဒဲအထၧၫ့ဖုဝဲစယီဟၫ့ စဖံလံၭဒဲစဘၫၥီလမုၫ, စထီမၭ, ဒဲၦအၪ့ကံၩ့အခီၫ့စမၭၥုၫ စအၫလဖံအၧၭအဖိၪခွၫစယ့မံၭ, ဒဲစလ့ၭဘအၧၭကိၭဝ့ၫအမံၩ့အၥၫ့စၥၫဒံအၧၭ,- ၦကၫနအၫ့ဖိၪစစဲမၧၫ့, ဒဲစယုဒၭအံၭစကၫရအၧၭ လၧအဖ့ၪ လၫ့ခွံၬယ့ၫရှူၬလီၫ. ၦဆၧအၪ့မၧၫ့ဖိၪလဆံၫနံၫဂၩအဆၧၥၭထိၬ အပရၧၫ့ဆၧမၩ. ၦလဆံၫနံၫဂၩနီၪ ယ့ၫရှူၬအၪ့မၧၫ့အလ့ၩဆၧတၭ, မၪလူၬဝ့ၫစံၭဝ့ၫဒၪ, လ့ၩဖိၬဖၧၩ့ၥၭလၧ ၦဆၨၩလဖၪအအီၪလဂ့ၩ, လ့ၩနုၬလၧၦစမ့ရအၫဖိၪ အဒိၩ့ၥံၪနးစီၪ့လဂ့ၩတၭ- အ့ၪမွဲ,လ့ၩဆိၫဒၪခလူၬလၧၥိၪလၧအလၩ့မါ, ၦအံၫစရ့လၭအဂံၪ့ဖိၪအအီၪနီၪဆံၭ. လ့ၩလီၩလၩ့လၬလၩ့ဆၧတၭ, စံၭနၥံၪဝ့ၫ, မူၭခိၪအဘၩ့အမုးနီၪဘူၭထၪ့ယူၭ.

ဆၧလၧဂံၪ့ဒီၪ့ဖိၪၥံၪနီၪ ၥွံၪဘူၭထံးလိၬၥၭကမံၩ့လီၫဂီၩ့ လၧၫ့ဎွ့ၩဒံၭအ့ၬႉ ဆၧနၪၥ့ၪလိၬၥၭႇ ဆၧဖျါခွံၬလိၬၥၭႇ ဆၧအွံၪၥၭဆၧၩ့လိၬၥၭလဖၪ ကဘၪအီၪဝ့ၫလီၫႉ ဆၧလဖၪယီၩ အ့ၪအီၪမၬ ပဂံၪ့ဒီၪ့နီၪ ကကဲၪထၪ့ ဆၧအလး လၧ အဎွ့ၩလၩ့ ဆၧမုၬလၩၥၭဎွံၫလီၫႉဂံၪ့ဒီၪ့ဖိၪၥံၪ ကဂၩဒဲကဂၩ ပဖျါခွံၬလိၬၥၭ လန့လၧၩ့ဘၪကကၠၪ ပန့ဘၪ ဆၧအနၧၩ့ ဆၧအစၪ ၥ့ၪလါနၫ့ ပဘၪထိးဂၭဂီၩ့ဂၭစၪခွံၬ ပဂံၪ့ဒီၪ့ၥ့ၪနီၪလီၫႉ “ယအၪ့ယၫနၧၩ” ဆၧချဲၩ့ကမီၫ့ယီၩဒဲ “ယဖျါခွံၬနၧၩ” ဆၧချဲၩ့ကမီၫ့ ယီၩနီၪ မၩလၩ့ဘူၭထဲၩ့ ၥၭလၧအအီၪယဲၩ့လိၬၥၭလဖၪန့ အစီၩ့အမၩ့အီၪဝ့ၫလီၫႉ ဆၧၥၭမၧၫ့ယီၩ ဖုၫဝ့ၫဒၪလီၫႉ မွဲလၧပၥၭထၪ့ထီၫအကၠီၩ့ ပအဲၪဘၪၦလဖၪ ထီးပဘၪယဲၩ့ထၪ့လဂ့ၩႉ ဆၧလၧဂံၪ့ဒီၪ့ဖိၪၥံၪနီၪ မွဲယွၩဖ့ၪလၫ့ပၧၩ လၬဆီၪ့လၧ…

ထီးအဝ့ၫၥံၪ စဲၪ့ထၪ့ဝ့ၫအဘိၩ့ဘၭနီၪ, ယိခွါ, ၦဂဲၫဆိၬၦအုၭအၭလၧဆၧနၪအီၪလၧအလီၩ့လဂၩလၧအအီၪ,- ထီးအနၫ့ထၪ့ခွံၬဆၧနၪတၭ, ၦအုၭအၭနီၪ ချဲၩ့ထၪ့ထဲၩ့ဆၧလီၫ. ၦခမျၧးထီၫမံၫထီၫမၪတၭ, စံၭဝ့ၫဒၪ, ဆၧဒၪဘၪဆၧဘဲၫယီၩၥိၭ လၧအံၫစရ့လၭအကျၩနးဆိၭအ့ၬ. အ့ၪမွဲၦဖၫရစံၫလဖၪစံၭဝ့ၫဒၪ, မွဲအနၫ့ထၪ့ခွံၬ ဆၧနၪလၧဆၧနၪအခိၪလဂၩအကၠီၩ့လီၫ.ယ့ၫရှူၬယၫ့ၥၭၦခမျၧးလဖၪ.ယ့ၫရှူၬစဲၪ့ဝံၩ့ဝၩ့ ကိၭဒိၩ့ကိၭတဝၫ့တၭ, ၥီၪ့ထဲၩ့ဆၧလၧအဝ့ၫၥံၪ အၥရိၬဖၧၩ့တၭ, လီၩလၩ့လၬလၩ့ ဘၩ့မုးအဆၧၥၭထိၬအပရၧၫ့တၭ, မၩဘျၪထဲၩ့ကယဲဆၧဆၫ,ဒဲဆၧဆီၫ့ကိၭဆီၫ့ကဲၩ့ထီးအလူၬလီၫ.- အဝ့ၫနီၪဒၪဘၪၦခမျၧးတၭ, ယၫ့ၥၭဝ့ၫလီၫ. အဂဲးဘဲၫယီၩ ၦလဖၪနီၪ လၩ့ပွံၭလၩ့ထၩ့တၭ, လၩ့မုလၩ့ဖၭဝ့ၫ ဘဲၫၥိၪလဖၪလၧၦလအီၪယူၬဘၪဝ့ၫအၥိၭနီၪလီၫ.ထီး နီၪလဖၧၫ့ အဝ့ၫဒၪစံၭအထံၩအဖျဲၥံၪ, ကူၭဆၧအလးအီၪအၪမၬတၭ, အ့ၪမွဲၦမၩဆၧလဖၪနီၪ အီၪၡၩဂၩလီၫ. မၩအၥၭဘဲၫနီၪတၭ, ဘၩဆိၪဖၪအၪ့ကံၩ့ ကူၭဆၧအလးအကဆါ, ဘဲၫၥိၭအမိအၪ့မၧၫ့လၩ့ ၦမၩဆၧလဖၪလၧကူၭဆၧအလးအဖၧၩ့နီၪဆံၭ.

အဝ့ၫဒၪလီၩလၩ့လၬလၩ့ဆၧလဖၪနီၪ လၧအဝ့ၫၥံၪအဘိၩ့ဘၭတၭ, ယိခွါ, ၦအခိၪလဂၩဂဲၫၡီၫ့လၩ့လၧအမ့ၬယၫတၭ, စံၭဝ့ၫဒၪ ယဖိၪမုၪလဂၩ ဘိၩ့နဲၪ့ယီၩၥံၫယူၭႉ မွဲလါနၩ့ဘိၩဂဲၫအီၪက့ၪလၩ့နစူၪလၧအလီၩ့တၭ, မွဲအမိမၧၫ့ထၪ့ထဲၩ့ဝ့ၫလီၫ. ယ့ၫရှူၬဂဲထုၪ့လ့ၩဖိၬအခဲၫ့တၭ, အထံၩအဖျဲၥံၪ အီၪလၧအၥိၭလီၫ. ယိခွါ, ၦမုၪလၧ အဆၫၥွံၪလၩ့ဝ့ၫ လဆံၫနံၫနံၪ့လဂၩ လ့ၩလၧယ့ၫရှူၬအချိၫ့တၭ, ထိၭဝ့ၫအဖၬဘဲၩ့အနွံၫလီၫ. အဂဲးဘဲၫယီၩ စံၭဝ့ၫလၧအၥၭဖၧၩ့, ယအ့ၪထိၭန့ၫအဖၬဘဲၩ့တၭ, ယမိဘျၪထဲၩ့ယဝ့ၫလီၫ.- ယ့ၫရှူၬကၠၪထဲၩ့အၥၭတၭ, ဒၪဘၪဝ့ၫနီၪ စံၭဝ့ၫဒၪ, ဖိၪမုၪဧ့, မွဲနၥၭဎွံၫထၪ့ဘီၪ, နဆၧနဲၩနီၪ မၩဘျၪထဲၩ့နၧၩယူၭ. ၦမုၪနီၪဘျၪထဲၩ့ဝ့ၫလၧနၩရံၩနီၪလီၫ.- ယ့ၫရှူၬလ့ၩနုၬလၧၦအခိၪအဂံၪ့တၭ, ဒၪဘၪဝ့ၫလၧၦဖိၬဒိၩ့, အူၪပံၩ, ဒဲၦခမျၧးဂၪ့ကိၭဂၪ့ၡၭနီၪ,- လီၩဘၪဝ့ၫ, အီၪပဲၩဘီၪ ၦဖိၪၥၪမုၪယီၩ လၥံၫဘၪတၭ, မွဲအမံၫမၪဝ့ၫလီၫ.အဝ့ၫၥံၪနံဘၪဒုၪဒွ့ၪအဝ့ၫလီၫ.- ထီးအနၫ့ထၪ့ခွံၬၦခမျၧးနီၪ,…

ထီးအထီနီၪယ့ၫရှူၬချဲၩ့ဆၧၫ့ဆၧတၭ, စံၭဝ့ၫဒၪ, မူၭခိၪဒဲဂၪ့ခိၪအကဆါ, ဖါဧ့, ယစံၭထၪ့အၪ့အူၭနၧၩလီၫ. အဂဲးဘဲၫယီၩ ဆၧလဖၪယီၩ နအီၪက့ၪၥူၪခွံၬလၧ ၦအကိၪ့ဘၪကိၪ့ၥ့ၪလဖၪအမ့ၬယၫလါနၫ့ဘိၩ, နမၩဖျီၪထၪ့ဝ့ၫလၧဖိၪၥၪအမ့ၬယၫလီၫ.- မွဲယူၭ,ဖါဧ့, မွဲအဘၪနၥၭဘဲၫနီၪအဂဲးလီၫ.- ယဖါနီၪဖ့ၪလၫ့ယူၭယၧၩလၧ ဆၧထီးအလူၬယူၭ. အ့ၪလမွဲဘၪဖါနီၪ, ၦၥ့ၪယၫဖိၪခွၫနးဂၩအ့ၬ. အ့ၪလမွဲဘၪဖိၪခွၫဒဲထီးဒၪ ၦလၧဖိၪခွၫမိမၩဖျီၪထၪ့ဝ့ၫလဂၩဂၩနီၪ, ၦၥ့ၪယၫဖါနးဂၩအ့ၬ.ၦလၧအယိၭဆၧဎၧၫ့ ဒဲဆၧပွံၭအၥၭထီးအလူၬၥံၪဧ့, ဂဲၫထဲၩ့လၧယအီၪဆံၭ. ယမိဒုၭအီၪပွံၭနၥံၪလီၫ.-မၩန့ထၪ့ယနိၪယိၭဘီၩ့ လၧနၥံၪအလီၩ့တၭ, မၩလိၪဆၧလၧယၧၩယီၩဆံၭ. အဂဲးဘဲၫယီၩ ယၥၭဆၧၩ့ဒဲယဆၪ့လၩ့ယၥၭတၭ, နၥံၪမိဒၪန့ဆၧအီၪပွံၭလၧနၥံၪအၥၭၡီၩ့အဂးလီၫ. အဂဲးဘဲၫယီၩ ယနိၪယိၭဘီၩ့မွဲအယီၫ, ဒဲယဆၧယိၭမွဲအဎွံၫခိၬလီၫ.

ထီးနီၪလဖၧၫ့စယီဟၫ့အထံၩအဖျဲၥံၪ ဂဲၫလၧအအီၪတၭ,စံၭဝ့ၫ,မွဲဘၪနီၫလၧပဝ့ၫဒဲၦဖၫရစံၫလဖၪဒုၪဆၧအၪ့ဆၧအီၩအၪဘျၩ့အၪဘျၩ့တၭ, နထံၩနဖျဲလဖၪလဒုၪဘၪဆၧအၪ့ဆၧအီၩလဲၪ. ယ့ၫရှူၬလီၩဘၪဝ့ၫ, ဆၧလၧတလၭမူၭအဖျဲယီၩ, ထီးတလၭမူၭအခွၫအီၪလၧ အၥိၭအဘိၩ့ဘၭတၭ, အၥုၪ့အုၭအၥၭအုၭဘၪမိၥ့ၪဆ့ဧၪ.မွဲလါနၫ့ဘိၩအနံၩအၥၫ့မိဘၪလၧဆၧမိထုၭလၩ့ဖၭ တလၭမူၭအခွၫလၧအအီၪလီၫ. ထီးနီၪလဖၧၫ့အဝ့ၫၥံၪ မိဒုၪဆၧအၪ့ဆၧအီၩလီၫ. ဆၧကီၩ့ဆၧၥိၭအလးလံၩနီၪ ၦလဆၭဒၭဘၪလၧအၥၫ့နးဂၩတၭ, အ့ၪမၩဝ့ၫဘဲၫနီၪ, ဆၧအၥၫ့ၡၫ့ယၬဝ့ၫ, အဖၧၩ့လးယၬလဲထၪ့ဝ့ၫလီၫ. ဆၧလၧထိၪ့ဆၧဖံၭအလးလံၩအဖၧၩ့နီၪ ၦလူၫနုၬဝ့ၫစဘံၭထံၫအၥၫ့အ့ၬ. အ့ၪမၩဝ့ၫဘဲၫနီၪတၭ, ထိၪ့ဆၧဖံၭနီၪ ဖီးဖၭဝ့ၫတၭ, စဘံၭထံၫလၩ့ယွၩခွံၬ,ဒဲထိၪ့ဆၧဖံၭဂၭဂီၩ့ဝ့ၫလီၫ. အ့ၪမွဲစဘံၭထံၫအၥၫ့နီၪ ၦလူၫနုၬဝ့ၫ လၧထိၪ့ဆၧဖံၭအၥၫ့အဖၧၩ့တၭ, အီၪဒၪအဆၧနံၫမံၩ့လူၬလီၫ.