RVA PWO KAREN

ထီးနီၪလဖၧၫ့, စပံတၧၫလီၩဘၪဝ့ၫ, ယိခွါ,ပဝ့ၫဒၪ ယီၩ, ပစဲၪ့ဒၪဆၧထီးအလူၬတၭ,ပဖိၬယူၭနခဲၫ့ယူၭ. ယ့ၫၡုၬစံၭဆၧၫ့ဆၧတၭ, စံၭဝ့ၫဒၪ, ယလီၩဘၪနၥံၪ တီၩတီၩယီၩ, ၦလၧအစဲၪ့ဒၪအဂံၪ့အဎၫ့မွဲဂ့ၩ, အထၧၫ့ဖုဝဲမုၪမွဲဂ့ၩ, အထၧၫ့ဖုဝဲခွၫမွဲဂ့ၩ, အမိမွဲဂ့ၩ,အဖါမွဲ ဂ့ၩ,အဖိၪအမၫမွဲဂ့ၩ, အဖိၪအလံၩမွဲဂ့ၩ, အဆံၬအ နၩအဎံၪအဎုၭမွဲဂ့ၩ, လၧယကၠီၩ့, ဒဲလၧဆၧၥၭထိၬအပရၧၫ့အကၠီၩ့နီၪ, – အ့ၪလန့ထဲၩ့ဘၪဝ့ၫအၪနဲၪ့အလးလယၩ, လၧအဆၧၫ့အထီထီးယီၩ,အဂံၪ့အဎၫ့ဒဲအ ထၧၫ့ဖုဝဲမုၪ, ဒဲအထၧၫ့ဖုဝဲခွၫ, ဒဲအမိၥံၪ,ဒဲအဖိၪအလံၩၥံၪ, ဒဲအဆံၬအနၩအဎံၪအဎုၭၥံၪ, ဒဲလခီၫဆၧမၩအၧၩ့ မၩနၭဝ့ၫဆ့, ဒဲဆၧမၧၫ့လၩ့ဆိၩလၩ့ကၠၪလၧကဲၪခိၬနးကၠၪနီၪ အီၪနးဂၩအ့ၬ. မွဲလါနၫ့ဘိၩ, ၦအီၪလၧယၫ အၪဂၩမိအီၪဘၪထဲၩ့ဝ့ၫ လၧခဲၫ့တၭ, ၦအီၪလၧခဲၫ့ မိအီၪဘၪထဲၩ့ဝ့ၫလၧယၫလီၫ.

ဖၧၩ့လၧအအီၪဎွ့ၩဝ့ၫ လၧဆၧဆဲၪ့ထံၫအီၪဝ့ၫ ထီးနီၪလဖျိၪ့တၭ, ၦလဖၪနီၪ စုၪစီၪလၩ့ဎၧၩ့မၫဆမံၭ လလီၪ့လၧဆၧဆဲၪ့ထံၫနီၪ, ထၫ့ထၪ့ဝ့ၫလၧဟံစိၭလဘီၩ့အခံၫထိၭဂီၩ့တၭ, ယူၬထၪ့ဝ့ၫလၧအနိၭထံၭလီၫ. မၩအၥၭဘဲၫနီၪတၭ, ထီးယ့ၫၡုၬဒိၭန့ဆၧဆဲၪ့ထံၫနီၪ, စံၭဝ့ၫဒၪ, ဆၧဂီၩ့ယူၭ ဖျၭလၩ့အခိၪတၭ, ဒုၭစဲၪ့ထၪ့ခွံၬအၥၭလီၫ.ယ့ၫၡုၬအဂုၬဖၩဘၪဆၧဆ့ၭဝ့ၫ.မၩအၥၭဘဲၫနီၪတၭ, ဘဲၫၥိၭအစွၪထီးအီၪလၧ ထုၪ့စူၪယၫအလီၩ့လၧမးၥံၫအနံၩလဂ့ၩ, (အဂဲးဘဲၫယီၩ ဆၧလၧမးၥံၫအနံၩလနံၩနီၪ, မွဲမုနံၩအဒိၪတၭ, မွဲမုတဲၩ့ဝဲၩဆၧအနံၩအကၠီၩ့နီၪ, ၦယုဒၫဖိၪၥံၪအၪ့ကံၩ့စပဲလၭဘဲၫၥိၭဆၧမိမၩခါအခၪ့တၭ, လ့ၩဆိၬခွံၬဝ့ၫဒၪလီၫ. မၩအၥၭဘဲၫနီၪတၭ, ၦၥုၭဖိၪၥံၪလ့ၩမၩခါ ၦလၧအခၪ့ထံၭလဂၩအခၪ့ ဒဲအဝ့ၫလဂၩ လၧအဘၪဆၧဖျၩထၪ့ဝ့ၫ လၧထုၪ့စူၪယၫအလီၩ့ လၧအၥိၭနီၪလီၫ. အ့ၪမွဲထီးအထီၩ့လၧယ့ၫၡုၬအအီၪနီၪ, ဒၪဘၪဝ့ၫလၧအၥံၫယူၭတၭ, မၩခါလၧၩ့ဝ့ၫအခၪ့အ့ၬ. မွဲလါနၫ့ဘိၩ ၦၥုၭဖိၪလဂၩဆ့ၭထၪ့ယ့ၫၡုၬ အဂုၬဖၩလၧဖၩ့တၭ, အၥွံၪဒဲအထံၫယွၩလၩ့ဝ့ၫချဲၫ့မၬလီၫ.

ယ့ၫၡုၬဒုၭနဲၪဖျီၪထၪ့အၥၭလၧ အထံၩအဖျဲလဖၪ.မၩအၥၭဘဲၫနီၪတၭ, လၧမုနွ့ၫနံၩအထးဖၧၩ့ မုခၪ့ထံၭအနံၩနီၪ ဘၪလၧမုဂၪလၩ့တၭ, အထံၩအဖျဲၥံၪ ၥၭမဲၪၦယုဒၫဖိၪအကၠီၩ့နီၪ, အီၪကိၩ့အီၪကီၪ့ကၭဘံၭထၬတရၫ့ဂီၩ့ယူၭတၭ, ယ့ၫၡုၬဂဲၫဆၧၫ့ထုၪ့လၧအၥၭကျၩတၭ,စံၭအဝ့ၫၥံၪ, မွဲဆၧအမုၬအီၪလၧနၥံၪအလီၩ့ဆံၭ.စံၭဆၧနီၪတၭ ဒုၭနဲၪအဝ့ၫၥံၪလၧအစူၪယၫၥၭဒဲအဂုၬဖၩလီၫ. မၩအၥၭဘဲၫနီၪတၭ, အထံၩအဖျဲၥံၪဒၪဘၪအကဆါနီၪ အၥုၪ့ထိၬအၥၭထိၬထၪ့ဝ့ၫဒၪလီၫ. မၩအၥၭဘဲၫနီၪတၭ, ယ့ၫၡုၬစံၭဒီၭအဝ့ၫၥံၪ, မွဲဆၧအမုၬ အီၪလၧနၥံၪအလီၩ့ဆံၭ. ဘဲၫယဖါအၪ့မၧၫ့လၩ့န့ယၧၩအၥိၭနီၪ, ယမိအၪ့မၧၫ့လၩ့န့နၥံၪဘဲၫနီၪအၥိၭဆ့လီၫ.အဝ့ၫဒၪစံၭဆၧလဖၪနီၪဂီၩ့တၭ, ၥၪၡိၪလၧအဝ့ၫၥံၪအလီၩ့တၭ, စံၭဝ့ၫဒၪ, ဒိၭန့နၥံၪဝ့ၫၥၭမုဆံၫ့ဎံၪနီၪဆံၭ. ထီးဒၪၦၡၩအဆၧမၪ လၧနၥံၪကွဲၪဖျါခွံၬဝ့ၫလဖၪနီၪ မိဘၪကွဲၪဖျါခွံၬအၥၭလီၫ. ထီးဒၪၦၡၩ အဆၧမၪလၧနၥံၪဖီၪ့ထၬလဖၪနီၪ မိဘၪဖီၪ့ထၬအၥၭဆ့လီၫ.

ယ့ၫၡုၬဒဲအထံၩအဖျဲအဂူၫဂၩလဂၩ.စပံတၧၫကၠၪထဲၩ့အၥၭတၭ, ဒၪဘၪအဖျဲ လၧယ့ၫၡုၬအဲၪဝ့ၫလဂၩဖိၬအခဲၫ့နီၪ, မွဲၦလၧအဆၧၫ့နၩ့ဒံၩ့ခံၫ့လၧ အၥၭနၫအလီၩ့လၧအအၪ့ဆၧအဘိၩ့ဘၭနီၪဒဲစံၭဝ့ၫ, ကဆါဧ့, ၦလၧအမိဖ့ၪလၫ့ခွံၬနၧၩလဂၩနီၪ, မွဲပလၫလဂၩလဲၪ. စပံတၧၫဒၪဘၪအဝ့ၫနီၪတၭ, စံၭယ့ၫၡုၬ, ကဆါဧ့, အဝ့ၫလဂၩယီၩ မိမၩအၥၭဘဲၫၥ့ၪလဲၪ.ယ့ၫၡုၬစံၭအဝ့ၫ, ၦလဂၩယီၩ အ့ၪဘၪယၥၭလၧ အအီၪထီးယအ့ၪဂဲၫထဲၩ့ခိၬနီၪ, မွဲအဘၪဆဲၫ့လၧ နၧၩဘဲၫၥ့ၪလဲၪ. နဝ့ၫဒၪယီၩဖိၬယခဲၫ့ဆံၭ. မၩအၥၭဘဲၫနီၪတၭ, ဆၧဂၧၫ့ထၪ့ၥၩလၩ့လၧ ၦထၧၫ့ဖုဝဲအကျၩ, လၧအဖျဲလဂၩနီၪ မိၥံၫဘၪအ့ၬ. မွဲလါနၫ့ဘိၩ လၧအလမိၥံၫဘၪနီၪယ့ၫၡုၬစံၭအ့ၬ. စံၭဝ့ၫအဝ့ၫလဂၩယီၩ အ့ၪဘၪယၥၭလၧအမိအီၪ ထီးယဂဲၫထဲၩ့ခိၬနီၪ,မွဲအဘၪဆဲၫ့လၧနၧၩဘဲၫၥ့ၪလဲၪ.အဖျဲလဂၩနီၪ မွဲၦလၧအထိးအၥၭ လၧဆၧယီၩလဖၪအဂဲး, ဒဲကွ့ၭဆၧလဖၪယီၩလီၫ. တၭပၥ့ၪယၫ လၧအဆၧထိးအၥၭနီၪ မွဲအတီၩလီၫ.ဆၧချဲၩ့လၧခဲၫ့ထုၬ.ယ့ၫၡုၬမၩဆၧလၧအဂူၫဂၩ အီၪဝ့ၫအၪမံၩ့လီၫ. ကယဲဆၧလဖၪနီၪ အ့ၪဘၪဆၧကွ့ၭဝ့ၫလမံၩ့လစီၪ့ လမံၩ့လစီၪ့ ကိၭအမံၩ့ဒ့ၭတၭ,…

၂၀၂၆ နံၪ့ လၩမ့ၫ ၂၀ၥၫ့ လဂီၩ ၁၀နၩရံၫအခံၫ့ Fr.ဂျော်ကင်းနိုင်မိုး အနးၥၭအဂး ဆၧနၪ့ထၪ့ မံဆၩဆၧလုထၪ့နီၪ ပမၩဝ့ၫဒၪလၧ ဒိၩ့ပၥံၫ့ ပယၩ့ခၠီၩ့ ယ့ၫၡူၬအၥၭဆံၫ့ဎံၪ ၥရိၬ လးဝၩ့ဖၧၩ့နီၪလီၫႉ ၦအလ့ၩခိၪလ့ၩနါ မံဆၩဆၧလုထၪ့နီၪ မွဲဝ့ၫဒၪလၧ မွန်ဆီညှော် Pius Win Than နီၪလီၫႉ မွန်ဆီညှော်စံၭဝ့ၫ ”ဖာသာရ်ဂျော်ကင်းယီၩ လ့ၩဖီၪ့ထၪ့ဖံၭထၪ့ ယွၩအဆၧဖံၭဆၧမၩလၧ ခးအံၫတလံၫအိၩဂီၩ့ အီၪလၧခးပယၩ့ႇ ဒိၩ့ပၥံၫ့ဆၧအီၪကီၪ့ဖၧၩ့ အလးကနၩ့နၩ့အဂး လိၪဝ့ၫဒၪ တၩ့ဆိၫဆၧမၩလိၪလးကနၩ့နၩ့နီၪ အဝ့ၫယီၩဂဲၫထဲၩ့မၩကဲၪထၪ့ဝ့ၫဒၪႇ ၦအၡၪ့အယၬဖိၪၥံၪအဂး အဝ့ၫယီၩလီၩ့မၩဆၧၩ့ဝ့ၫဒၪႇ အဆၧမုလါလၧ ကမိမၩဒိၪထၪ့ထီၫထၪ့ ဆၧကိၪ့ၥ့ၪကိၪ့ဘၪအနိၪ့နီၪ…

ဆၧလၧ ခိဆၧၩ့ချံၪ့အၪ့လဲၩ့ထၪ့အၥၭနီၪ လးကျဲၩ့ကဒုၩအဂး ဖိၭဘိၭအနံၪ့ (၃၀)  ဂဲၫကဲၪထၪ့ဝ့ၫဒၪ ဆၧအခိႇ ဆၧဆၧၩ့ႇ ဆၧအုၭပုၭဒဲ လံၩဂဲၫၥံၪ ပၫဝ့ၫဒၪ ခိဆၧၩ့ချံၪ့အဆၧၫ့အထီ အၪ့လဲၩ့ထၪ့အၥၭနီၪလီၫႉ ဂၪ့ကိၪ ကုလၭၥၭမဂၭအခရၧၫ့စံၭဝ့ၫ ခိဆၧၩ့ချံၪ့ အၪ့လဲၩ့ထၪ့အၥၭနီၪ ဆၧၫ့ထီယံၬယံၬအဖၧၩ့ ဆၧအခိဒဲ ခိဆၧၩ့ချံၪ့အဒီၩ့လဖၪ ဂဲၫကဲၪထၪ့ဝ့ၫဒၪ ဆၧအၪ့လဲၩ့ထၪ့ၥၭ ဖၭဒိၪအကၠီၩ့ ဝဲထၪ့ထၬဝ့ၫအခီၫပယီၫနီၪလီၫႉ ပကလီၩလၧခဲၫ့ကမံၩ့နီၪဘိၭ ဆၧလၧခိဆၧၩ့ချံၪ့အၪ့လဲၩ့ထၪ့အၥၭနီၪ ဂၪ့ခိၪ ခိဆၧၩ့ချံၪ့အဒီၩ့လဖၪ အၪ့လဲၩ့ထၪ့အၥၭနီၪလီၫႉ ဖျီၪ့ထၪ့ဝ့ၫဒၪ ဆၧကဲၪထၪ့လနၩ့နီၪ ဂၪ့ခိၪဆၧခိဂဲၫဆီၪ့ထၪ့ဒဲ ဆၧဆၧၩ့ဂဲၫအၪ့လဲၩ့ထၪ့အၥၭၥံၪနီၪလီၫႉ ဂၪ့ခိၪဎံၩ့လး ပလီၩ့ဎွါအၪ့ဎၬဆၧလဖၪ အဆၧလီၩ့ဎွါအၪ့ဎၬထၪ့အဖၧၩ့ ဂၪ့ခိၪ ခိဆၧၩ့ချံၪ့အၪ့လဲၩ့ထၪ့အၥၭယူၭနီၪ အီၪက့ၪ ဂုးခၧၫ့ထၬဝ့ၫန့ယူၭနီၪလီၫႉ…

ယ့ၫၡုၬဒဲစပံတၧၫ. မၩအၥၭဘဲၫနီၪတၭ, ထီးအအၪ့ဆၧလၧဂီၩအၪ့ဂီၩ့တၭ,ယ့ၫၡုၬစံၭစစဲမၧၫ့ပံတၧၫ, စယိနၫအဖိၪခွၫ စစဲမၧၫ့ဧ့,မွဲနအဲၪယၧၩအၪနဲၪ့အဝ့ၫၥံၪနီၪဆ့ဧၪ.အဝ့ၫဒၪစံၭဝ့ၫ, မွဲယူၭ, ကဆါဧ့, နၥ့ၪယၫလၧယအဲၪနၧၩလီၫ. အဝ့ၫဒၪစံၭအဝ့ၫ, လုအၪ့လုအီၩယၥိၪဖိၪၥံၪဆံၭ. စံၭဒီၭအဝ့ၫနံၫဖၧၫ့လဖၧၫ့, စယိနၫအဖိၪခွၫစစဲမၧၫ့ဧ့,မွဲနအဲၪယၧၩဧၪ. အဝ့ၫဒၪစံၭဝ့ၫ, မွဲယူၭကဆါဧ့, နၥ့ၪယၫလၧယအဲၪနၧၩလီၫ. အဝ့ၫဒၪစံၭအဝ့ၫ,ယိထဲၩ့ခွါထဲၩ့ယၥိၪလဖၪဆံၭ. စံၭအဝ့ၫဒၪၥၧၫ့ဖၧၫ့လဖၧၫ့,စယိနၫအဖိၪခွၫစစဲမၧၫ့ဧ့, မွဲနအဲၪယၧၩဧၪ. လၧအစံၭဝ့ၫ,မွဲနအဲၪယၧၩဧၪနီၪ. ၥၧၫ့ဖၧၫ့လဖၧၫ့အကၠီၩ့တၭ,စပံတၧၫ့အၥၭလမုၬဘၪတၭ, စံၭအဝ့ၫဒၪ, ကဆါဧ့, နၥ့ၪယၫဆၧထီးအလူၬနီၪ, နၥ့ၪယၫလၧယအဲၪနၧၩလီၫ. တၭယ့ၫၡုၬစံၭအဝ့ၫ, လုအၪ့လုအီၩယၥိၪလဖၪဆံၭ. ယစံၭနၧၩတီၩတီၩလီၩ့လီၩ့ လၧနၥၭဘၪ့ဒံၭအခၫနီၪ, နခဲးထူၬထၪ့နၥၭဒၪနဝ့ၫတၭ, ထီးဒၪအဘၪနၥၭနီၪ နစဲၪ့နဝ့ၫဒၪလီၫ. အ့ၪမွဲထီးနၥၭအ့ၪၡါထၪ့ခိၬနီၪ နမိယူၬထၪ့နစူၪတၭ, ၦဂူၫဂၩမိခဲးထူၬနၧၩတၭ, မိလ့ၩဆိၬနၧၩ ထီးဒၪအလးလၧနလမိလ့ၩဘၪနၥၭနီၪလီၫ. စံၭဆၧနီၪဒုၭနဲၪဝ့ၫလၧစပံတၧၫ မိဒုၭအီၪဖျီၪထၪ့ယွၩ အလၩအဖၩ့လၧအမိၥံၫ ဘဲၫအံၩဘဲၫအိၩအဂဲးနီၪလီၫ.စံၭဆၧနီၪဂီၩ့တၭ,…

ထၧၫ့ဖုဝဲမုၪခွၫၥံၪဧ့ႇ ခိၪလၩဘွၩၥံၪ ထဲၩ့စဲၪ့လၫ့ဂီၩ့ ခီၫလၧ ၁၉၄၈နံၪ့နီၪ လၧခးပယၩ့ထံၫခးဖၧၩ့ ကဲၪထၪ့ဝ့ၫဒၪ ဆၧဖီၪ့ထၪ့စူၪဝဲၩ ဆၧဒူၭဆၧယၩၥံၪနီၪ ထီးထီၩ့မုဆၫကနံၩယီၩ လဂီၩ့ဒံၭဘၪလီၫႉ  ကဲၪထၪ့ဝ့ၫဒၪ နံၪ့ဆံၫလၩယံၬ ဆၧဒုၭၥုၭလဖၪယီၩ ၦဖျိၩ့ဆၨၩဖိၪၥံၪလဖၪ ဘၪထိးအဆၫထုၬနီၪလီၫႉ ၦဖျိၩ့ဆၨၩဖိၪၥံၪနီၪ မွဲဒၪဎီၩ့အနိၪ့ဆၧနါဘဲၫ ခိၪလၩဘွၩၥံၪထဲၩ့အခံၫ့လီၫ လမွဲဘၪဒဲ ဘၪထိးမၩနၧၩ့မၩစၪထၬ ခီၫလၧ ခိၪလၩဘွၩၥံၪ ဂဲၫလထီၩ့ဒံၭဘၪအိၩယူၭနီၪလီၫႉ မွဲဆၧဘဲၫနီၪ ၦဖျိၩ့ဆၨၩခိၪနါ ဒီၭတၫ စၫ့စံၫဖိၩ ဖ့ၪအ့ၪ ဖျိၩ့ဆၨၩဖိၪၥံၪ ဆၧထုၪ့ၥုၪ့ထုၪ့ၥၭဆၧချဲၩ့နီၪ မနီၫလဲၪစွါဘဲၫ ခီၫလၧ စဎွၩအဆၧပၧၩ့ဆၧအထီ ဖံၫဖူၫၥံၪလၧဖျိၩ့ဖျိၩ့အိၩ ဘၪဂဲၫထဲၩ့ထိးမၩနၧၩ့မၩစၪ အၪမၬနီၪလီၫႉ ဘဲၫယီၩ ထီၩ့ထဲၩ့လၧ ပဒိၪအဆၧပၧၩ့လါနၫ့…

ယအၪ့ကံၩ့န့ ကယဲအဝ့ၫၥံၪအဂး လကၭလၧၩ့, ၦၡၩၥံၪလၧအနဲၩထဲၩ့ယၧၩ လၧအဝ့ၫၥံၪအလူအကၠီၩ့နီၪ,  မွဲယအၪ့ကံၩ့န့အဝ့ၫၥံၪအဂးဆ့လီၫ. မွဲဘဲၫၥိၭအဝ့ၫၥံၪ ထီးအလူၬ မိကဲၪထၪ့ ဆၧလမံၩ့ဎး, ဖါဧ့, ဘဲၫနအီၪလၧယဖၧၩ့, ဒဲယအီၪလၧနဖၧၩ့အၥိၭနီၪ, ဘဲၫၥိၭအဝ့ၫၥံၪ မိကဲၪထၪ့ဆၧလမံၩ့ဎးလၧပဖၧၩ့, ဘဲၫၦဂၪ့ခိၪဖိၪၥံၪမိနဲၩလၧနအၪ့မၧၫ့လၩ့န့ယၧၩအၥိၭနီၪလီၫ.ဆၧလၩဆၧဖၩ့လၧနဖ့ၪလၫ့ယၧၩနီၪး ယဖ့ၪလၫ့အဝ့ၫၥံၪ, ဘဲၫၥိၭအမိကဲၪထၪ့ဆၧလမံၩ့ဎး, ဘဲၫပအီၪပဝ့ၫဒၪလမံၩ့ဎးအၥိၭ, ယအီၪလၧအဝ့ၫၥံၪအဖၧၩ့ဒဲနအီၪလၧယဖၧၩ့, ဘဲၫၥိၭအဝ့ၫၥံၪ မိအီၪလၧၫ့ဎွ့ၩ လၧဆၧလမံၩ့ဎး ဘဲၫၦဂၪ့ခိၪဖိၪမိၥ့ၪယၫလၧနအၪ့မၧၫ့လၩ့ယၧၩအၥိၭနီၪ, ဒဲနအဲၪအဝ့ၫၥံၪဘဲၫနအဲၪယၧၩအၥိၭနီၪလီၫ. ဖါဧ့, ၦလၧနဖ့ၪလၫ့ယၧၩလဖၪ ဘဲၫၥိၭအမိဒၪဘၪ ယလၩယဖၩ့လၧနဖ့ၪလၫ့ယၧၩနီၪ, ယဆိၫ့မုလါလၧ အဝ့ၫၥံၪမိအီၪဘၪဝ့ၫထီးယအီၪအလးနီၪလီၫ. အဂဲးဘဲၫယီၩ, လၧဂၪ့ခိၪအခၪ့ထံၭ လချႃၭကဲၪထၪ့ဒံၭဘၪနီၪ, နဝ့ၫဒၪယီၩနအဲၪယူၭယၧၩယူၭလီၫ. ဆၧတီၩဖါဧ့, ၦဂၪ့ခိၪဖိၪၥ့ၪယၫနၧၩအ့ၬ. အ့ၪမွဲယဝ့ၫဒၪယီၩ ယၥ့ၪယၫနၧၩတၭ, ၦလဖၪယီၩၥ့ၪယၫလၧ…