RVA PWO KAREN

မၩန့ထၪ့ထဲၩ့နဆၧတၭ,ထဲၩ့ထဲၩ့ဆံၭ. ၦအထုၬလဂၩယီၩယၥၭအီၪလၧယမိဖ့ၪလၫ့အဝ့ၫနီၪ ဘဲၫနဝ့ၫဒၪအၥိၭဆ့လီၫ. ယမၩယဆၧဒၪယဝ့ၫ ထီးဒၪယၥၭယီၩ တီၩအ့ၬဧၪ. မွဲယဂ့ၩအကၠီၩ့နီၪ နယိဆၫနမ့ၬဆ့ဧၪ. ဘဲၫနီၪအၥိၭၦလၧခဲၫ့လဖၪနီၪ မိအီၪဘၪလၧယၫတၭ, ၦလၧယၫလဖၪ မိအီၪဘၪလၧခဲၫ့လီၫ. အဂဲးဘဲၫယီၩ, ၦလၧဆၧကိၭဝ့ၫလဖၪနီၪ အီၪဝ့ၫအၪဂၩတၭ, အ့ၪမွဲၦလၧဆၧရွံန့ဝ့ၫလဖၪနီၪ အီၪၡၩခိၬဂၩလီၫ. ယ့ၫရှူၬလီၩဖျီၪထၪ့ၥၧၫ့ဖၧၫ့လဖၧၫ့ ဘၪဆဲၫ့အဆၧၥံၫအဂဲး. ယ့ၫရှူၬလ့ၩထၪ့ လၧယရုစလံၫ့တၭ, လၧဖၧၩ့ၥၭနီၪကိၭန့ အထံၩအဖျဲလဆံၫနံၫဂၩ လၧဆၧကဒုၩအလးလီၫ. စံၭဝ့ၫဒၪ, ယိခွါ,ပလ့ၩထၪ့လၧယရုစလံၫ့တၭ, ၦၡၩအဖိၪခွၫယီၩ မိဘၪဆၧဖ့ၪလၫ့ခွံၬဝ့ၫလၧၦလုဆၧအဒိၪၥံၪ ဒဲလၧၦကွ့ၭလံၬၥံၪအစူၪဖၧၩ့လီၫ. ၦလဖၪနီၪoမိစ့ၩရၫ့ၥံၫဝ့ၫတၭ, မိဖ့ၪလၫ့ဝ့ၫလၧၦဆၨၩလဖၪ အစူၪဖၧၩ့ဘဲၫအမိဒုၪဒွ့ၪဝ့ၫ, ဒိၪဝ့ၫထးဝ့ၫ, ဒဲဖျၩထၪ့ဝ့ၫလၧထုၪ့စူၪယၫအလီၩ့အၥိၭလီၫ. ထီးအဘၪ ၥၧၫ့နံၩလနံၩနီၪ, မိဂဲထုၪ့ထဲၩ့ဝ့ၫဒၪလီၫ. မိလဂၩအဆၧအၪ့ကံၩ့အၪ့ယၫ. ထီးနီၪလဖၧၫ့ စဇ့ၭဘဒံၫအဖိၪခွၫလဖၪ…

“မမှိန်သော မီးအိမ်” “မ့ၪဒိၩ့လၧ လလၩ့ဖံၭဘၪ” ဧဖက် ၅:၂၅ (ၦဝၩၥံၪဧ့ႇ အဲၪနၥံၪအမၫၥံၪ ဘဲၫဎရံၬအဲၪ ဆၧအီၪကီၪ့အၥိၭဆံၭႉ) အချင်းယောင်္ကျားတို့ ခရစ်တော်သည် အသင်းတော်ကိုချစ်သကဲ့သို့ သင်တို့လည်း ကိုယ့်ခင်ပွန်းကိုချစ်ကြလော့.

ထီးနီၪလဖၧၫ့ယ့ၫရှူၬလီၩဘၪ ဆၧလၧၦခမျၧးဒဲလၧ အထံၩအဖျဲလဖၪတၭ, စံၭဝ့ၫဒၪ, ၦကွ့ၭလံၬဒဲၦဖၫရစံၫၥံၪ ဆၧၫ့နၩ့ဝ့ၫလၧ စမိစ့ၭအလးဆၧၫ့နၩ့အဖၧၩ့လီၫ. မၩအၥၭဘဲၫနီၪတၭ, ထီးဒၪအမၪလူၬနၥံၪကိၭမံၩ့ဒ့ၭနီၪ, ထီးန့မၩနၥံၪဝ့ၫဆံၭ. အ့ၪမွဲဘဲၫအမၩဆၧအၥိၭနီၪ, မၩလဂ့ၩ. အဂဲးဘဲၫယီၩ အဝ့ၫၥံၪလီၩလၩ့လၬလၩ့ဆၧတၭ,မၩဝ့ၫအ့ၬႉ အဂဲးဘဲၫယီၩအဝ့ၫၥံၪ ဘဲၩ့ထၬဆၧယိၭလၧအဎၧၫ့ဒဲဆၧယိၭဝ့ၫကၪတၭ, အီၪက့ၪထၪ့ဝ့ၫ လၧၦၡၩအခိၬထံၭလီၫ. အ့ၪမွဲအဝ့ၫ ၥံၪမိၥုၭဝ့ၫန့ၫ လၧအစူၪမုစူၪနိၩ့နးဘီၩ့နီၪအၥၭအီၪအ့ၬ. ကယဲအဆၧမၩdထီးအလူၬနီၪဘဲၫၦဂူၫဂၩမိဒၪ ဘၪဝ့ၫအၥိၭတၭမၩဝ့ၫလီၫ. အဝ့ၫၥံၪခဲးအစူၪဖၭလဲတၭ, မၩထီၫထၪ့အကီၩ့အၥိၭအနွံၫလီၫ. အဲၪဒိၭဝ့ၫ အလးလၧအဂ့ၩထုၬလၧဆၧဘိၪ့ဖၧၩ့, ဒဲအလးဆၧၫ့နၩ့အဂ့ၩထုၬလၧၥရိၬဖၧၩ့, ဒဲဆၧချဲၩ့ဒုၪ့ဘၪဝ့ၫလၧဖၠၫဖၧၩ့,ဒဲၦကိၭဝ့ၫလၧ,ရၭဘံၫဧ့, ရၭဘံၫဧ့,နီၪလီၫ. အ့ၪမွဲနၥံၪဝ့ၫယီၩ ထီးဖ့ၪလၫ့ၦကိၭနၥံၪ, ရၭဘံၫဧ့, နီၪgလဂ့ၩ. အဂဲးဘဲၫယီၩ နၥံၪအဆရၫဖၭဒိၪအီၪဝ့ၫ လဂၩဎး,ဒဲနၥံၪဝ့ၫဒၪထီးအလူၬယီၩ နၥံၪမွဲထၧၫ့ဖုဝဲလီၫ. နၥံၪထီးကိၭၦလၧဂၪ့ခိၪချိၫ့ယီၩလၧဖါနးဂၩ လဂ့ၩ.အဂဲးဘဲၫယီၩ…

မၩအၥၭဘဲၫနီၪတၭ, ဘဲၫနၥံၪအဖါယၫ့ၥၭဆၧအၥိၭနီၪ,ယၫ့ၥၭဆၧနၥံၪဝ့ၫ ဘဲၫနီၪၥိၭဆ့ဆံၭ. ဆၧစ့ၩရၫ့ၦဂူၫဂၩလဖၪ. (မၭ ၇:ၥ-0) နၥံၪထီးစ့ၩရၫ့ဆၧလဂ့ၩတၭ, ဆၧမိစ့ၩရၫ့နၥံၪဆ့အ့ၬ.နၥံၪထီးစ့ၩရၫ့စၪဆၧလဂ့ၩတၭ, ဆၧမိစ့ၩရၫ့စၪနၥံၪဆ့အ့ၬ. ကွဲၪဖျါဆၧဆံၭ, ဆၧမိကွဲၪဖျါနၥံၪအဆၧလီၫ. ဖ့ၪလၫ့ဆၧဆံၭ,ဆၧမိဖ့ၪလၫ့ဆၧလၧနၥံၪလီၫ. ၦမိတိၪ့ဆၧဂ့ၩဘၪစဲၪ, မိဆၪ့လၩ့ထဲၩ့, မိဂံၩဂုလၩ့ မိဎွ့ၩစီၩ့နီၩ့တၭ, မိဖ့ၪလၫ့ဝ့ၫလၧနၥံၪအၥၭနၫၡါ လီၫ. အဂဲးဘဲၫယီၩ ဘဲၫနၥံၪတိၪ့ဖ့ၪလၫ့ဆၧအၥိၭနီၪ,ဆၧမိတိၪ့ဖ့ၪလၫ့ထဲၩ့နၥံၪလီၫ.

၁. နှလုံးသွေးကြောကျဉ်းရောဂါ – ခၭၥၭၥွံၪဖျီၩ့အံၪ့ ၂. နှလုံးသွေးကြောပိတ် – ခၭၥၭၥွံၪဖျီၩ့ဘံၭ ၃. ကျောက်ကပ်ရောင် – အလ့ယိၭ ၄. အစာအိမ်ရောင် – အဖူၫယိၭ ၅. အသည်းရောင် – အၥုၪ့ယိၭ ၆. အသည်းကြီး – အၥုၪ့ဎိၩ ၇. အသည်းအဆီဖုံး – အၥုၪ့ၥိၪဘံၭ ၈. အသည်းခြောက် – အၥုၪ့ဎဲၫ့ထၬ ၉. အသည်းကင်ဆာ – အၥုၪ့ဆၧဆၫဝံစဲၩ ၁၀. အူအတက်ရောင် – ဎွံၭထဲၩ့ဖၫ့ယိၭ

ပဂံၪ့ဒီၪ့ကဖျိၪ့ဘဲၫၥိၭကကဲၪထၪ့ဂံၪ့ဒီၪ့ဆံၫ့ဎံၪကဖျိၪ့အၥိၭ ပကဘၪဒိၭနဲၩ့ပၥၭလၧ ကဆါယွၩအီၪ နီၪလီၫႉဂံၪ့ဒီၪ့ဖၧၩ့ကျိၪစ့ၩၥံၪဆၧလၧၫ့ဆၧဎွၩအီၪထိးအလူၬလါနၧၫ့ ဂံၪ့ဒီၪ့ထိးအလူၬနီၪ ဆၧမုၬဆၧၡူၪ အီၪအ့ၬႉပဂံၪ့ဒီၪ့ဖၧၩ့ဆၧအၪ့ကံၩဘၪဆိၪဖၪဆၧလအီၪဘၪစွါဘဲၫပဂံၪ့ဒီၪ့ဖိၪၥံၪလဖၪ ကဒၪခီၩ့ ဘၪလၧမုၪခီၩလဲအဆၧမၩထံၬထၬၥံၪလဖၪနီၪလီၫႉ လကၭဒံၭဘၪကဒၪခီၩ့ဘၪလၧဆၧကၪဆၧဂဲၩၥံၪလဖၪနီၪလီၫႉ အ့ၪပကဒိၭနဲၩ့ပၥၭလၧကဆါယွၩ ပကကၧၩ့ဖျိၪ့ပၥၭလၧကဆါယွၩကၠၧၫ့ကၠၧၫ့စွါဘဲၫဆၧကၪဆၧဂဲၩၥံၪဒဲ မုၪခီၩလဲအဆၧမၩထံၬထၬၥံၪလဖၪနီၪ ကဖီၩ့ဖျ့ၭလၧပဂံၪ့ဒီၪ့ဖိၪၥံၪအအီၪနီၪလီၫႉ ပဂံၪ့ဒီၪ့ဘဲၫၥိၭကကဲၪထၪ့ဂံၪ့ဒီၪ့ဆံၫ့ဎံၪကဖျိၪ့အၥိၭ ပကဘၪဒိၭနဲၩပၥၭလၧကဆါယွၩအီၪဂီၩ့ ပကဘၪအၪ့ကံၩဘၩဆိၪဖၪဆၧကိမုနံၩကိမုနၩနီၪလီၫႉ   

ယ့ၫရှူၬအခံးအဂၩ့အၪ့လဲၩအၥၭ. (မၭၥုၫ ၁၇:၁-၉,) လၧဎူၫနံၩအလးခဲၫ့နီၪ, ယ့ၫရှူၬကိၭန့စပံတၧၫ,စယ့မံၭ,ဒဲအထၧၫ့ဖုဝဲစယီဟၫ့တၭ, ၥိၫ့ထၪ့ဝ့ၫလၧဆၧကဒုၩ,လၧခိၪလီၩ့ဖၭထီၫလဖျိၪ့အလီၩ့လီၫ. အခံးအဂၩ့ဘၪဆၧအၪ့လဲၩခွံၬအၥၭ လၧအဝ့ၫၥံၪအမ့ၬယၫတၭ, အမ့ၬယုၩ့ယဲဝ့ၫဘဲၫမုမ့ၬအၥိၭ,အကီၩ့အၥိၭနီၪ ဘွၩဝ့ၫဘဲၫဆၧဖၩ့အၥိၭနီၪလီၫ. ယိခွါ,စမိစ့ၭဒဲစအံၫလဲယၫအီၪဖျီၪထၪ့ဝ့ၫ လၧအဝ့ၫၥံၪအမ့ၬယၫတၭ, ချဲၩ့ဒုၪ့လိၬအၥၭလၧယ့ၫရှူၬလီၫ. စပံတၧၫ့ချဲၩ့ဆၧၫ့ဆၧတၭ,စံၭယ့ၫရှူၬ, ကဆါဧ့, ပအီၪထီးယီၩမုၬကၨ. နၥၭအ့ၪအီၪတၭ, ပမိမၩတဲၩထီးယီၩနးၥၧၫ့ဖျိၪ့, လၧကဆါအဂးနးဖျိၪ့, လၧစမိစ့ၭအဂးနးဖျိၪ့,ဒဲလၧစအံၫလဲယၫအဂးနးဖျိၪ့လီၫ. မွဲအချဲၩ့ဆၧနီၪအဘိၩ့ဘၭတၭ, ယိခွါ,ဆၧအုၪ့ဖၩ့အလၩၡုၪလၩ့ ဘၪအဝ့ၫၥံၪလီၫ. ယိခွါ,ဆၧအလူၥီၫလၩ့ လၧဆၧအုၪ့အကျၩတၭ, စံၭဝ့ၫဒၪ,အယီၩလဂၩ မွဲယဖိၪခွၫၥၭဘီၩ့တၭ, မုၬယၥၭလၧအဝ့ၫနီၪ ခိၭနၪအလူဆံၭ. အထံၩအဖျဲလဖၪနါဂၧၫ့တၭ, လၩ့ထံၩဖါချႃၬလၩ့အၥၭတၭ, ၥၭမဲၪၥၭဖျဲၩ့ဝ့ၫဒိၪမၬလီၫ. ယ့ၫရှူၬဂဲၫထိၭဘၪဝ့ၫတၭ,စံၭဝ့ၫဒၪ, ဂဲထုၪ့ဘီၪ. ထီးၥၭမဲၪဆၧလဂ့ၩ. အဝ့ၫၥံၪစၪ့ထၪ့အမ့ၬတၭ, အ့ၪလမွဲဘၪယ့ၫရှူၬလဂၩနီၪဒၪဘၪၦနးဂၩအ့ၬ.  အဝ့ၫၥံၪဂဲၫထဲၩ့လၩ့ လၧခိၪလီၩ့အဘိၫ့ဘၭနီၪ ယ့ၫရှူၬမၪလူၬဝ့ၫ,…

စမၭၥုၫ ( 5:43-48 )

ၥၧၫ့ထံၪကထံၪနီၪဘိၭ ပကဘၪၥီၪ့လိၪအ့ၪအဝ့ၫၥံၪ ဘဲၫအဲၪကွံၩယူၭယၪ့ဆၧ အၥ့ၪအဂးနီၪလီၫႉ မၩခၬဆၧအထံၭလဖၪလဂ့ၩႇ မၩနၧၩ့မၩစၪ ဆၧဖိၪဆၧဎါၥံၪလဂ့ၩအဂးနီၪ ပကဘၪၥီၪ့လိၪအဝ့ၫၥံၪလီၫႉ ဆၧလၧဂၪ့ခိၪနဲၩ့ဎီၩ့နီၪ ဆုးကျိၭလိၬၥၭထီးအလူၬတၭ အရ့ၩဒိၪဝ့ၫအကၠီၩ့ႇ ၦကဲၪၦၡၩလဖၪ လၧနဲၩ့ဎီၩ့အဖၫ့ခိၪ ၦမူၩဒၩအီၪဝ့ၫဎွ့ပၥ့ၪလဲၪ ပကဘၪလီၩနဲၪအ့ၪ ထီးအဝ့ၫၥံၪနၪၥ့ၪလီၫႉ လၧခဲၫ့ထုၬကထံၪနီၪ ပကဘၪၥီၪ့လိၪအ့ၪအဝ့ၫၥံၪ လုၫလါလၧ ပၥိၩ့ထၪ့န့လဖၪနီၪလီၫႉ ပအီၪလၧ ဂံၪ့အခၫ ဆၧၥိၩ့ထၪ့ ထံၫႇ မ့ၪ ၥ့ၪၥ့ၪဘၪဘၪႇ ပၥိၩ့ထၪ့ထဲၩ့န့ ဆၧဘံၪၥိၭလဖၪ ၥိၩ့ထၪ့ထဲၩ့ဝ့ၫ (Recycle) ႇ မၩလၩ့ၡၩၥိၩ့ထၪ့ ပလၭစတ့ၭထိၪ့လဖၪ မွဲဝ့ၫ ဆၧပဒၩ့ထၪ့ ဂၪ့ခိၪနဲၩ့ဎီၩ့အဂး ဆၧမၩဆံၭဆံၭဖိၪၥံၪလဖၪယီၩ မွဲဖိၪၥၪဆံၭၥံၪ ပၫဒၪဝ့ၫလီၫႉ ဆၧလဖၪၥံၪယီၩ…

စမၭၥုၫ ( 5:20-26 )