RVA PWO KAREN

မၩအၥၭဘဲၫနီၪတၭ, ဆၧချဲၩ့အဒီၩ့လၧၦဎွံၪဆၧနီၪ, ခိၭနၪနၥံၪဝ့ၫဆံၭ.- ထီးၦနါဂၧၫ့ဘၩ့မုးအလူတၭ, နၪဝ့ၫလၥ့ၪဘၪလဂၩဂၩနီၪ, ဆၧအၧၩ့လဂၩဂဲၫအၪ့ဂူၬန့ခွံၬဆၧဎွံၪအၥၭ လၧအၥၭခံဖၧၩ့လီၫ. အနီၪမွဲဆၧဘၪဎွံၪဝ့ၫလၧဖၧၩ့ၥၭအနဲၩ့ထံၭနီၪလီၫ.- ဆၧဎွံၪအၥၭလၧလိးကျၩနီၪ, မွဲၦလၧအနါဂၧၫ့ဆၧအလူအထၫတၭ,ဒိၭန့ဝ့ၫချဲၫ့ချံၭလၧအၥုၪ့ထိၬအၥၭထိၬတၭ, အဝံလအီၪဘၪလၧအနၫ့ဆါဒၪဝ့ၫအဖၧၩ့တၭ, အီၪဝ့ၫလဆိလလး, ထီးဆၧနၭဆၧၡၪ့မွဲဂ့ၩ, ဆၧမၩအၧၩ့မၩနၭမွဲဂ့ၩ, အီၪထၪ့လၧဆၧအလူအထၫအကၠီၩ့, မွဲအဂၭဂီၩ့ဝ့ၫချဲၫ့မၬလီၫ.- ဆၧဘၪဎွံၪဝ့ၫလၧဆၧဆူၪဆၧမဲၪအကျၩနီၪ, မွဲၦနါဂၧၫ့ဆၧအလူအထၫတၭ, ဆၧအၪ့ယိၪလၧအဘၪဆဲၫ့ဆၧအယီၩလကၠၪ, ဒဲဆၧအၪ့လီၫလၧအဘၪဆဲၫ့လၧဆၧအစူၪလးအခၪ့ခိၪလဖၪနီၪ, ခဲၪဘံၭခွံၬဆၧအလူအထၫတၭ, ၥၪထၪ့ဝ့ၫအ့ၬ.- ဆၧဘၪဎွံၪဝ့ၫလၧဂၪ့ခိၪဂ့ၩနီၪ, မွဲၦလၧအနါဂၧၫ့ဆၧအလူအထၫ, နၪဝ့ၫၥ့ၪတၭ, ၥၪထၪ့ဝ့ၫလနၩ့နၩ့အၪနဲၪ့ထဲၩ့အလးလယၩ,လနၩ့နၩ့ဎူၫဆံၫ, လနၩ့နၩ့ၥၧၫ့ဆံၫလီၫ.

စဎွၩအဖိၪခွၫ ၡ့ၫမၡၩနီၪ ထီၩ့လၧမံၩ့လၬတိၩ့ဖၧၩ့ အဝ့ၫဘၪမၪ ဖၧၩ့ၥၭယူၭနီၪ ၥ့ၪယၫဝ့ၫ ကဂဲၫထဲၩ့စဲၪထၪ့အဂး လီၩ့ယိဎွါ ဖၧၩ့ၥၭအမွဲဂီၩ့ လ့ၩဂၭဖၭကဆၫ့ကဆၫ့ ထီၩ့စိၩလၧ ထိၪၡၬလဖၪ အဝးဖၧၩ့နီၪလီၫႉ အဝ့ၫနီၪ ဘၪဂၭဖၭ ပွံၭၥုၪ့ပွံၭၥၭဒဲ စူၪလၩ့ဘျဲၩ့ ခၪ့လၩ့ဘျဲၩ့ႇ အဂဲးအဘၭလၩ့ဆါအကၠီၩ့ အီၪပွံၭလၧ ၥံၪ့ဖၭဒိၪခၪ့ထံၭဂီၩ့ မံၫမၪဝ့ၫဒၪယူၭလီၫႉ အဝ့ၫနီၪ မံၫမၪယံၬနၭလ့ၬတၭ မုမ့ၬဆ့ၭၡါလၩ့ဒိၭ အဝ့ၫလီၫႉ အဝ့ၫမံၫမၪအခၫ လၧထိၪၡၬဖၧၩ့ ထိၪၡၬအခိၪနါဒိၪကဘံၪ့နီၪ ဒၪစိၩအဝ့ၫ ၥၭလမုၬဘၪ ယၪ့ၥုၪ့ ယၪ့ၥၭဝ့ၫအကၠီၩ့ ပၠၪလၩ့အဒံၭနံၫခီၫဂီၩ့ ဒီၪ့ဒုၩထၬ ၡ့ၫမၡၩနီၪလီၫႉ လယံၬလမီဘၪ ကျၭကဘံၪ့နီၪ ဂဲၫဒၪဘၪ ၡ့ၫမၡၩမံၫမၪလၧ…

အထံၩအဖျဲလဖၪဂဲၫလၧယ့ၫရှူၬအီၪတၭ, စံၭဝ့ၫဒၪ, မွဲဘၪနီၫလၧနလီၩဘၪအဝ့ၫၥံၪ လၧဆၧချဲၩ့အဒီၩ့နီၪလဲၪ.- အဝ့ၫဒၪချဲၩ့ဆၧၫ့ဆၧတၭ, စံၭအဝ့ၫၥံၪ, အဂဲးဘဲၫယီၩ မူၭခိၪအဘၩ့အမုးအဆၧအီၪၥူၪနီၪ, ဆၧဖ့ၪၥ့ၪယၫနၥံၪလီၫ. အ့ၪမွဲအဝ့ၫၥံၪဆၧဖ့ၪဝ့ၫအ့ၬ.- အ ဂဲးဘဲၫယီၩ ထီးဒၪၦလၧအဆၧအီၪဝ့ၫလဂၩဂၩနီၪ, ဆၧမိဖ့ၪလၫ့ဆၧလၧအဝ့ၫနီၪတၭ, အဆၧမိအၪလၨၪလီၫ.အ့ၪမွဲထီးဒၪ ၦလၧအဆၧလအီၪဘၪလဂၩဂၩနီၪ,  ဆၧမိမၩန့ထဲၩ့ဆၧ လၧအအီၪဒၪလ့ၬလီၫ.- မၩအၥၭဘဲၫနီၪတၭ, ယလီၩဘၪအဝ့ၫၥံၪလၧဆၧချဲၩ့အဒီၩ့ၥံၪလီၫ.အဂဲးဘဲၫယီၩအဝ့ၫၥံၪဒၪဧီၪလဒၪဘၪတၭ,  နါဂၧၫ့ဧီၪလနါဂၧၫ့ဘၪတၭ, နၪဝ့ၫဒၪၥ့ၪအ့ၬ.- မီၪစအဲၫ စ့ယၫအလူလၧၫ့ထၪ့ဎွ့ၩထၪ့ဝ့ၫလၧအဖၧၩ့လီၫ. စံၭဝ့ၫဒၪ, နါဂၧၫ့ဆၧနီၪနၥံၪမိနါဂၧၫ့တၭ, မိနၪၥ့ၪနၥံၪအၥၭအ့ၬ. ယိဆၧနီၪနၥံၪမိယိဆၧတၭ, မိဒၪဘၪနၥံၪအၥၭအ့ၬ. အဂဲးဘဲၫယီၩ ၦလဆၨၩယီၩအၥၭဘီၪ့ဝ့ၫ, ၥိၪဝ့ၫ, ဒဲအနိၩ့ဎၧၫ့အနါဎၧၫ့တၭ, အဝ့ၫၥံၪဘံၪ့ဒၪအမ့ၬ, မိဒၪဘၪခိၬဆၧလၧအမ့ၬၥၪ, ဒဲနါဂၧၫ့ဘၪခိၬဆၧလၧအနါ, ဒဲၥ့ၪယၫဘၪခိၬဆၧလၧအၥၭ, ဒဲကၠၪလီၩ့ထဲၩ့ဘၪ ခိၬအၥၭ, ဒဲယမိမၩဘျၪထဲၩ့ဘၪခိၬအဝ့ၫၥံၪလီၫ.…

ကကွဲၪဖျါခွံၬဝ့ၫအဂး အခံၫ့စွံအကၠီၩ့ ဘၪထိးဆိၫ့ခွံၬအဂံၪ့ဒီၪ့ဖိၪၥံၪခီၫႉ ကနံၩယီၩ ပၥၭထၪ့အကၠီၩ့ ပချဲၩ့ ဒုၪ့အ့ၬ ပဝဲၫ့ဒိၭချိၫ့ထၬၦၡၩနီၪ လၧခဲၫ့နးနံၩဒီၭကိ ပဒၪဘၪလၧၩ့အ့ၬဘနီၪမွဲကဲၪၥ့ၪဆ့ႉ ဆၧၥၭထၪ့ႇ ၥၭထၪ့ထီၫ ဒဲ ဆၧၥၭဆၫလဖၪနီၪ အ့ၪမွဲအခံၫ့ယံၭထၪ့ကကၠၪ လၩ့မါခွံၬထဲၩ့န့လါနၫ့ ပဘၪထိးဆိၫ့ခွံၬ ပဂံၪ့ဒီၪ့ဖိၪၥံၪနီၪဘိၭ ပကန့ထဲၩ့ဘၪအဂး မွဲပအၪ့လဲၩလၧ ဆၧလန့ဘၪနးမံၩ့နီၪလီၫႉ ဆၧနီၪအကၠီၩ့ ခိၭဘၪ အဝ့ၫကစၭထၪ့ချဲၩ့ဒုၪ့နၧၩ အခံၫ့နီၪလဂ့ၩႉ ယိလါဘၪအဝ့ၫ ကဂဲၫအၪ့ယၫဂုနၧၩအခံၫ့နီၪလဂ့ၩႉ ဂံၪ့ဒီၪ့ဖိၪၥံၪနီၪ မွဲပကဘၪအၪ့န့အနၧၩ့ အဂးအ့ၬႉ ပကဘၪပၧၩ့ထၬလၧ ပဆၧအဲၪဆၧကွံၩ ပဆၧယိထဲၩ့ခွါထဲၩ့ခီၫႉကိမုဆဲၫ့နံၩနီၪ လၧပဂးကအီၪဒံၭဧၪ အီၪလၧၩ့အ့ၬဧၪ မွဲပလီၩလန့ဘၪအကၠီၩ့တၭ ကွဲၪဖျါခွံၬထဲၩ့လိၬၥၭ ဝါထၬထဲၩ့လိၬၥၭလါဆံၭႉ

ဒိၩ့ပၥံၫ့ကၭၥလံၬဆၧအီၪကီၪ့ ၥၫ့ခိၪဒိၪBp.John မၩ့ဆံၫ့ဎံၪ မံၫမၪထဲၩ့လၧကဆါဎြံၬ ထၪ့ဘၭ၅နံၪ့ ဆၧနၪ့ထၪ့ မံဆၩဆၧလုထၪ့နီၪ ၦၡၩမၩလၩမၩဖၩ့ဝ့ၫလၧ လၩယူၫလဲၫ့ ၂၂ၥၫ့ လဂီၩ၆နၩရံၫအခံၫ့ လၧစံၫ့ပံၫတၧၫကၥံၫဒရဲၫ ၥရိၬဖၧၩ့နီၪလီၫႉ ၦအလ့ၩခိၪလ့ၩနါ မံဆၩဆၧလုထၪ့နီၪ မွဲဝ့ၫဒၪလၧ မီၫလမၠဲၫ့ဆၧအီၪကီၪ့ ၥၫ့ခိၪဒိၪ Maurice ညွန့်ဝေ နီၪလီၫႉ “အ့ၪမွဲ ပကလီၩ့ဎွါ ယွၩအၥံၫနီၪ မွဲပကဒၪဘၪလၧယွၩအမၧၫ့နီၪအ့ၬႉ ပဒၪလၧဆၧနိၫ့ဆၧနၭအခၫ ယဘၪနိၫ့ဘၪနၭထဲဎွ့ၩယီၩယူၭနီၪ ယွၩဒၪယၧၩအ့ၬဧၪႉ ယွၩနီၪမၥံၫယူၭဧၪႉ ယွၩနီၪမွဲလအီၪဘၪအၡါမၪဧၪႉ ပအၪ့ဎၬဆၧဘယီၩနီၪ မီၪ့ဎီၩ့ ပလီၩ့ဎွါယွၩအၥံၫနီၪလီၫႉ ပအၪ့ဎၬထၪ့ ဆၧဆိၫ့ခွံၬလဖၪနီၪဂီၩ့ ပကဂၪ့ဒၪဘနီၪစွါဘဲၫ ယွၩအီၪလၧပနဲၩနီၪ မွဲပကဒၪအ့ၬႉ ယွၩနီၪ မၩဆၧန့နၧၩ့မံၩ့အ့ၬဧၪ…

လၧဎြံၬဆၧအဲၪဆၧကွံၩဖၧၩ့  အဲၪကွံၩဘၪ ထၧၫ့ဖုဝဲထံၩၥိၭထီးအလူၬၥံၪဧ့ႇ အီၪဆီၪ့အီၪချဲၫ့ကိၭဂၩဒ့ၭလါဆံၭႉ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪ မွဲဝ့ၫဒၪ ပကဖီၪ့ဆုၭထၬဒၪ ပဆၧဆူၩနဲၩကမံၩ့လီၫစွါဘဲၫ ပကၧၩ့ထၪ့ ဆၧယံၩၡီၩ့ လန့ဘၪ အဂဲးအကၠီၩ့နီၪလီၫႉ ဆၧလၧ နိၪဝံၬနီၪ ပကဒိၪခါမၩပျၩဆၧအဂး မွဲအ့ၬႇ ပကအီၪလၧၩ့ပၥၭလၧ ဂံၪ့ဖၧၩ့အဂး ဝဲထၪ့အ့ၪပၧၩတရၫ့ဖၭဒိၪနီၪလီၫႉ ဘဲၫနီၪအၥိၭ ထံၫခးခိၪနါၥံၪလဖၪယီၩနးဆ့ၭ  ကဖီၪ့ဆုၭထၬဒၪ အဝ့ၫၥံၪ အဆၧဆူၩနဲၩကမံၩ့လီၫစွါဘဲၫ ကၧၩ့ထၪ့ ဆၧယံၩၡီၩ့ကန့ နးဆိအ့ၪႉ ဆၧနီၪအကၠီၩ့ အဝ့ၫၥံၪ ဖျါထုၬခွံၬအဆၧဆူၩနဲၩဂီၩ့ ကဂဲၫထဲၩ့အီၪလၧ ဂံၪ့ကဖျိၪ့ဖၧၩ့ လၧၩလၧၩအဂး ၥၫ့ဎွၩလ့ၫအိၫ ကိၭဖံၭၥိၭအဝ့ၫၥံၪနီၪလီၫႉ…

ဆၧၥွၪခိၪလၧအအီၪပျီၩဖျ့ၭ. လၧမုနွ့ၫနံၩအထးဖၧၩ့မုခၪ့ထံၭအနံၩဂီၩဂီၩလ့ၬ လၧဆၧခံၭဒံၭအဘိၩ့ဘၭနီၪ, နးမၫရံၫမၭဂဒၫလံနံၫ လ့ၩထီၩ့ဝ့ၫလၧဆၧၥွၪခိၪအအီၪနီၪ ဒၪဘၪလိးအီၪလၧ ဆၧၥွၪခိၪအဖၧၩ့ခိၪထိၭနီၪ ချံးခွံၬယူၭအၥၭယူၭလီၫ. မၩအၥၭဘဲၫနီၪတၭ, ထဲၩ့စဲၪ့တလဲးဝ့ၫထီၩ့လၧစစဲမၧၫ့ပံတၧၫဒဲအဖျဲဂူၫဂၩလၧယ့ၫၡုၬအဲၪဝ့ၫလဂၩအအီၪနီၪ, စံၭအဝ့ၫၥံၪ,ၦလဖၪလ့ၩဆိၬခွံၬယူၭ ကဆါလၧဆၧၥွၪခိၪအဖၧၩ့ယူၭတၭ, မွဲအအီၪက့ၪဝ့ၫ ခီၫခီၫလဲၪနီၪ ပၥ့ၪယၫအ့ၬ.ယ့ၫၡုၬဒုၭနဲၪဖျီၪ ထၪ့အၥၭ လၧနးမၫရံၫမၭဂဒၫလံနံၫ အ့ၪမွဲနးမၫရံၫနီၪဂၪ့ဆၧၫ့ထုၪ့ဝ့ၫလၧခီၫ့လၧဆၧၥွၪခိၪဖၧၩ့အနဲၩ့ထံၭလီၫ. မၩအၥၭဘဲၫနီၪတၭ, ဂၪ့ဝ့ၫအဘိၩ့ဘၭနီၪ, ၡီၫ့လၩ့အၥၭတၭ ယိနုၬဝ့ၫလၧဆၧၥွၪခိၪအဖၧၩ့,- ဒၪဘၪအၥီၫ့နံၫဂၩကီၩ့ၥိၭဝ့ၫလၧအကီၩ့အၥိၭဘွၩ, ဆၧၫ့နၩ့ဝ့ၫထီးလၧယ့ၫၡုၬအစွၪအီၪက့ၪလၩ့အၥၭအလးနီၪ လၧအခိၪလဂၩလၧအခၪ့လဂၩနီၪလီၫ.- အဝ့ၫၥံၪစံၭအဝ့ၫနီၪ, ၦမုၪဧ့, နဂၪ့နီၪ မွဲအဘၪ ဆၧနီၪလဲၪ. အဝ့ၫဒၪစံၭဆၧၫ့အဝ့ၫၥံၪ, အဂဲးဘဲၫယီၩ ၦလဖၪဆိၬခွံၬယကဆါတၭ, အီၪက့ၪလၩ့ဝ့ၫခီၫခီၫလဲၪနီၪယၥ့ၪယၫအ့ၬ.ၦမုၪနီၪစံၭဝ့ၫဂီၩ့, ကၠၪထဲၩ့အၥၭလၧအလးခဲၫ့တၭ, ဒၪဘၪလါနၫ့ယ့ၫၡုၬဆၧၫ့ထုၪ့ဝ့ၫတၭ, ၥ့ၪယၫဝ့ၫလၧအမွဲယ့ၫၡုၬနီၪအ့ၬ.- ယ့ၫၡုၬစံၭဝ့ၫ, ၦမုၪဧ့, နဂၪ့နီၪမွဲ…

လၧလၩယူၫလဲၫ့၁၇ၥၫ့ဒၪအိၩ ဒိၩ့ပၥံၫ့ဆၧအီၪကီၪ့ဖၧၩ့ စိန့်ဖရန်စစ်ဇေးဗီးယား မံၭထၭမုၪလဖၪ လ့ၩခိၪလ့ၩနါဂီၩ့ မၩလၩမၩဖၩ့မိဖါဘိၪ့မုနံၩလၧ စံၫ့ပံၫတၧၫၥရိၬလးဝၩ့ဖၧၩ့ မံၭထၭမုၪအကၠီးဝးဖၧၩ့နီၪလီၫႉ လၧဆၧထံၪလၩ့ဒီၪလၩ့နီၪအဖၧၩ့ ၥၫ့ခိၪဒိၪ ဟင်နရီ မၩ့အဲၪချံၫ့၊ ၥၫ့မုၥၫ့ခၫလဖၪ၊ မံၭထၭမုၪလဖၪဒဲ ၦဆူနဲၩဖိၪၥံၪလဖၪ ဂဲၫထၪ့ကၠၭဂီၩ့ ဖ့ၪလၩဖ့ၪဖၩ့ဘၪ မိဖါခိးတၩလဖၪနီၪလီၫႉ ၥၫ့ခိၪဒိၪ ဟင်နရီ မၩ့အဲၪချံၫ့ လီၩလၩ့လၬလၩ့ဝ့ၫဒၪ ယူၭယၪ့နမိနဖါဆံၭ ဆၧၥီၪ့လိၪယီၩ ပကဲၪဖိၪဒံၪၥံၪလဖၪ မွဲပကဘၪခိၭနၪလီၩ့ဖိၬဝ့ၫဒၪအဂးလီၫႉ လကၭဘၪ ပမၩလၩမၩဖၩ့ မိဖါဘိၪ့မုနံၩယီၩနီၪ မွဲဒံၭလၧ ပဖီၪ့ဂုးထၬ ၥၫ့ဎွၩ ဖရၫ့စံ ဂဲၫထဲၩ့အီၪက့ၪထၬ ဂၪ့ခိၪထီးဘံၪ့ယၫ ၦၥၭၡါလဖၪအဘိၪ့မုနံၩဒံၭနီၪလီၫႉ ဂီၩ့နီၪ စိန့်ဖရန်စစ်ဇေးဗီးယား မံၭထၭမုၪခရၧၫ့ ခိၪနါဒိၪမွဲဝ့ၫ…

အဝ့ၫဒၪ လီၩလၩ့ဆၧလၧၦခမျၧးအဘိၩ့ဘၭတၭ, ယိခွါ, အမိဒဲအထၧၫ့ဖုဝဲလဖၪနီၪ, မိချဲၩ့ဒုၪ့ဘၪအၥၭလၧ အဝ့ၫဒၪတၭ, ဆၧၫ့ထုၪ့ဝ့ၫလၧခီၫ့လီၫ. ၦလဂၩ စံၭဝ့ၫ, ယိခွါ, နမိဒဲနထၧၫ့ဖုဝဲၥံၪ အၪ့ဎၬချဲၩ့ဒုၪ့နၧၩတၭ, ဆၧၫ့ထုၪ့ဝ့ၫလၧခီၫ့လီၫ. အဝ့ၫဒၪ ချဲၩ့ဆၧၫ့ဝ့ၫတၭ, စံၭၦလၧအလီၩဘၪဝ့ၫလဂၩနီၪ, ယမိနီၪ မွဲပလၫလဂၩလဲၪ ယထၧၫ့ဖုဝဲၥံၪ မွဲပလၫလဖၪလဲၪ. ယူၬစိၩအစူၪ လၧအထံၩအဖျဲၥံၪအအီၪတၭ, စံၭဝ့ၫဒၪ, ယိခွါ, ယမိ, ဒဲယထၧၫ့ဖုဝဲၥံၪလီၫ. အဂဲးဘဲၫယီၩထီးဒၪၦလၧအမၩဝ့ၫထီးယဖါအီၪလၧမူၭခိၪအၥၭ, လဂၩဂၩနီၪ, အဝ့ၫဒၪမွဲယထၧၫ့ဖုဝဲမုၪ, ဒဲယထၧၫ့ဖုဝဲခွၫ, ဒဲယမိလီၫ.