RVA PWO KAREN

ယဝ့ၫဒၪယီၩ ယမွဲဆၧမၧၫ့iအကိၪ လၧအဂဲၫလၩ့လၧမူၭခိၪလီၫ. ဆၧလၧကိၪယီၩၦလၧအအၪ့ဝ့ၫလဂၩဂၩနီၪ မိမၧၫ့ဝ့ၫ လၩ့ဆိၩလၩ့ကၠၪလီၫ. ကိၪလၧယမိဖ့ၪလၫ့နီၪ, မွဲယယၪလၧယမိဖ့ၪလၫ့ လၧဂၪ့ခိၪဖိၪအဂးလီၫ.မၩအၥၭဘဲၫနီၪတၭ, ၦယုဒၫဖိၪၥံၪ တ့ၭလိၬအၥၭတၭ, စံၭဝ့ၫ, ၦၡၩယီၩ ဖ့ၪအၪ့ပၧၩလၧအယၪမိၥ့ၪဘဲၫၥ့ၪလဲၪ. မၩအၥၭဘဲၫနီၪတၭ ယ့ၫၡုၬလီၩဘၪအဝ့ၫၥံၪ, ယစံၭနၥံၪတီၩတီၩလီၩ့လီၩ့, နၥံၪအ့ၪလအၪ့ ဘၪၦၡၩအဖိၪခွၫအယၪ, နၥံၪအ့ၪလအီၩဘၪအၥွံၪနီၪ ဆၧမၧၫ့အီၪလၧနၥံၪအဖၧၩ့အ့ၬ. ၦလၧအအၪ့ ယယၪဒဲအီၩယၥွံၪနီၪ မွဲအအီၪလၧဆၧမၧၫ့လၩ့ဆိၩလၩ့ကၠၪတၭ, ယမိဒုၭဂဲထုၪ့ထဲၩ့အဝ့ၫလၧမုနံၩအထုၬခိၬလီၫ.အဂဲးဘဲၫယီၩ ယယၪမွဲဆၧအၪ့လၩ့ထံးလၩ့ဆ့ၭတၭ, ယၥွံၪမွဲဆၧအီၩလၩ့ထံးလၩ့ဆ့ၭဆ့လီၫ. ၦလၧအအၪ့ ယယၪဒဲ အီၩယၥွံၪနီၪ မွဲအအီၪဂုးခၧၫ့ဝ့ၫ လၧယဖၧၩ့တၭ, ယအီၪယဝ့ၫလၧအဖၧၩ့ဆ့လီၫ.

ယ့ၫၡုၬဒုၭထီးလၩ့ၥၭဘၪဆဲၫ့ၦကွ့ၭလံၬအဆၧၥီၪ့ ဆၧၥၫ့လဖၪ.(မၫကၨၭ ၁၂:၃၈-၄၄)အဝ့ၫဒၪစံၭၦလဖၪနီၪ လၧအဆၧၥီၪ့ဆၧၥၫ့အဖၧၩ့, ထီးလၩ့နၥံၪအၥၭလၧၦကွ့ၭလံၬၥံၪဆံၭ.ၦလဖၪနီၪ, အဲၪဒိၭဝ့ၫလၧ အလ့ၩဆၧနီၪ ၥိၭဆဲၫ့ထီၫထီၫလ့ၬ, ဒဲလၧၦချဲၩ့ဒုၪ့ဝ့ၫလၧဖၠၫဖၧၩ့ ဒဲလးဆၧၫ့နၩ့လၧအဂ့ၩထုၬ လၧၥရိၬဖၧၩ့, ဒဲလးအဂ့ၩလၧဆၧဘိၪ့ဖၧၩ့နီၪ မွဲၦလၧအအၪ့ယုလၩ့ခွံၬၦမုၪမဲၫအဂံၪ့ၥံၪတၭ, ဘဲၫဆၧမိဖျီၪထၪ့လၧအဂးနီၪ, အဝ့ၫၥံၪဘၩဆိၪဖၪ ဆၧထီၫထီၫလ့ၬလီၫ. အခိးမွဲအဝ့ၫၥံၪ မိဘၪဆၧစ့ၩရၫ့ နၭထၪ့လခီၫဒံၭလီၫ. ၦမုၪမဲၫအဆၧဖ့ၪမၩဘိၪ့. ယ့ၫၡုၬဆၧၫ့နၩ့ လၧစ့ၩအီၪကီၪ့အလး အမ့ၬယၫတၭ, ယိဝ့ၫလၧၦခမျၧးခွံၬလၩ့ဆၧလၧစ့ၩအီၪကီၪ့ အလးအဖၧၩ့လီၫ. ၦၥထံၫအၪဂၩခွံၬလၩ့အၪအၪလ့ၬလီၫ. ၦမုၪမဲၪအၡၪ့လဂၩဂဲၫတၭ, ခွံၬလၩ့ကၭနံၫဘံၪ့လၧအကဲၪထၪ့ဝ့ၫထီးလဘံၪ့လီၫ. အဝ့ၫဒၪကိၭန့အထံၩအဖျဲၥံၪတၭ, စံၭဝ့ၫ, ယလီၩဘၪနၥံၪတီၩတီၩယီၩ, ၦလၧအခွံၬလၩ့ဆၧ လၧဆၧအီၪက့ၪကီၪ့အလးနီၪ, ၦမုၪမဲၪအၡၪ့လဂၩယီၩ ခွံၬလၩ့ယူၭ ဆၧအၪနဲၪ့အဝ့ၫၥံၪကိၭဂၩဒ့ၭယူၭ. အဂဲးဘဲၫယီၩ အဝ့ၫၥံၪနီၪ, ကိၭဂၩဒ့ၭခွံၬလၩ့ဝ့ၫ လၧအဆၧဎွ့ၩလၨၪခွံၬလၩ့ဘျဲၪလီၫ.…

ထီးလၧဆၧခိခၫအထီစွါဘဲၫ လးကျဲၩ့အၪဒၪဆၧ ဘၪလီၩ့ဎွါၥိၩ့ထံၫ ကၪကၪဂဲၩဂဲၩအကၠီၩ့ ပၥိၩ့ထၪ့အဂး ထံၫလအီၪဘၪ လၧၫ့လၧၫ့ဎွ့ၩဎွ့ၩနီၪလီၫႉ လကၭဒံၭဘၪ ထံၫနီၪ ဘၪဂဲၫထဲၩ့န့ဝ့ၫအဆၫ့ဆၫ့အကၠီၩ့ ထံၫအဆံၫ့အဖျ့ၪမိန့လၧၩ့အ့ၬနီၪလီၫႉ             ဂၪ့ခိၪဆၧဆီၪ့ဆၧချဲၫ့ခရၧၫ့ အဆၧအၪ့ဎၬထယါအဖၧၩ့ စၭထၪ့ခီၫလၧ နံၪ့ ၂၀၀၀အိၩ ဂိးလ့ၩဆၧဆၫကဲၪထၪ့ ဖိၭဘိၭ လံဘံၫလံၫယၫ့နီၪ မွဲဝ့ၫ ထံၫအဆံၫ့အဖျ့ၪလအီၪဘၪအကၠီၩ့ နဲၪထၪ့ထၬဝ့ၫနီၪလီၫႉ ဆံၫ့ဎံၪဝ့ၫဒၪ ထံၫလၧပအီၩအဂးဒဲ ပအၪ့လူအဂး လအီၪဘၪအလၧၫ့အဎွ့ၩနီၪ ဖိၪၥၪဆံၭဖိၪၥံၪအဂး လိၫဝ့ၫဒၪအခၪ့ထံၭခၪ့ဎၧၩ့မွဲဝ့ၫ ဆၧဆီၪ့ဆၧချဲၫ့ဒဲ ဆၧကိၪ့ဘၪကိၪ့ၥ့ၪၥံၪနီၪ ကဘၪထံၭဆၫဝ့ၫနီၪလီၫႉ ကိၭနံၩ့ဒ့ၭ ဖိၪၥၪဆံၭဖိၪ ယဲနံၪ့အဖၫ့လၬ ဖိၭဘိၭကထီၪ့ဘျဲၪနီၪ ဆၧဆီၪ့ဆၧချဲၫ့လၧၫ့ဎွ့ၩဝ့ၫဒၪ ထံၫ လအီၪဘၪႇ အမိၡါခံးဂၩ့…

ဆၧအၪ့စၪ့ဘၪဆဲၫ့မစဲအၫအဂဲး. ယ့ၫၡုၬချဲၩ့ဆၧၫ့ဆၧတၭ, ထီးအၥီၪ့ထဲၩ့ၥၫ့ထဲၩ့ဆၧ လၧဆၧလုအဂံၪ့ဖၧၩ့နီၪ စံၭဝ့ၫဒၪ, ၦကွ့ၭလံၬၥံၪစံၭဝ့ၫ, ဎရံၬနီၪ, မွဲစဒၫဝံၭအဖိၪခွၫဘဲၫၥ့ၪလဲၪ. အဂဲးဘဲၫယီၩ စဒၫဝံၭ အနၫ့ဆါဒၪဝ့ၫ လၧၥၭမုဆံၫ့ဎံၪအဖၧၩ့ စံၭဝ့ၫဒၪ, ကဆါစံၭ ယကဆါလဂၩ, ဆၧၫ့နၩ့လၧယစူၪထွ့ၪ, ထီးယအီၪက့ၪနဒုၪနဒၩၥံၪ လၧ ယခၪ့ယဲးလၩ့အလးဆံၭ.မၩအၥၭဘဲၫနီၪတၭ, စဒၫဝံၭအနၫ့ဆါဒၪဝ့ၫနီၪ, ကိၭဝ့ၫလၧ ကဆါတၭ, မိမွဲအဖိၪခွၫဘဲၫၥ့ၪလဲၪ. ၦခမျၧးဖၭဒိၪခိၭနၪဝ့ၫမုၬမၬလီၫ.

လၩ ထဲၫ့ခူၬဖိၪ ယိၭထၪ့ ၁ၥၫ့ နီၪ မွဲၦဖျိၩ့ဆၨၩဖိၪၥံၪထီးအလူၬ နံၪ့ၥၫ့ဆၧၫ့ထီ မုနံၩလၩ့ဆၫ့ မုနံၩဒိၪကနံၩနီၪလီၫႉ ပကလီၩ လၧခဲၫ့ကမံၩ့ နီၪဘိၭ ၦဖျိၩ့ဆၨၩဖိၪၥံၪအဂး မုနံၩဎိၩဒိၪမွဲဝ့ၫ လၩ ထဲၫ့ခူၬဖိၪ ယိၭထၪ့ ၁ ၥၫ့နီၪ ပဆၧဆၧးဎံၫဆၧးလၩ လုၫလါထူၫရူၫလဖၪ ပနဲၪဖျီၪထၪ့ န့ဝ့ၫဒၪ ဆၧၫ့ထီဂ့ၩဝ့ၫအခံၫ့နီၪလီၫႉ             ဆၧလၧ လုၫလါထူၫရူၫနီၪ မနီၫလဲၪစွါဘဲၫ လံၬလဲ ဆၧချဲၩ့ ဆၧဆၧးဎံၫဆၧးလၩႇ ဆၧကီၩ့ဆၧၥိၭ ဆၧဆၧးဎံၫဆၧးလၩႇ ဆၧအူၪ ဆၧဒံၩ့ ဆၧဂၭထလ့ၬ ဆၧဆၧးဎံၫဆၧးလၩ အီၪဝ့ၫအၪမၬနီၪလီၫႉ ဆၧဆၧးဎံၫဆၧးလၩယီၩ ပကဘၪဆုးဖီၪ့ဂုးခၧၫ့ထၬဒဲ…

အဝ့ၫၥံၪချဲၩ့လိၬအၥၭနီၪ, ၦကွ့ၭလံၬလဂၩ နါဂၧၫ့အဝ့ၫၥံၪ ကၩ့ကၩလိၬအၥၭတၭ, ၥ့ၪယၫဝ့ၫလၧအချဲၩ့ဆၧၫ့ဆၧလၧအဘၪတၭ, လ့ၩစိၩဝ့ၫလၧအအီၪနီၪ, အၪ့စၪ့ဝ့ၫ, လၧဆၧမၪလူၬ ထီးအလူၬအကျၩနီၪအခၪ့ထံၭမွဲထံၪထံၪလဲၪ. ယ့ၫၡုၬချဲၩ့ဆၧၫ့ဝ့ၫ, လၧဆၧမၪလူၬ ထီးအလူၬအကျၩနီၪ, အခၪ့ထံၭ စံၭဝ့ၫဒၪ, ၦ အံၫ စ ရ့ လၭ ဖိၪ ၥံၪ ဧ့, ခိၭ နၪ ဆံၭ. ယွၩပကဆါနီၪ, မွဲကဆါလဂၩဎးလီၫ. အဲၪယွၩနကဆါလၧ နၥၭထၧၫ့ဖျိၪ့ယၫ, ဒဲလၧနၥၭၡီၩ့ထီးအလူၬ,ဒဲလၧနၥၭကိၪ့ၥ့ၪထီးအလူၬ, ဒဲလၧနဂဲးနဘၭထီးအလူၬဆံၭ. ဆၧယီၩ မွဲဆၧမၪလူၬအခၪ့ထံၭလထံၪလီၫ. နံၫထံၪလထံၪနီၪ, မွဲအလၩ့ဂၬအဝ့ၫနီၪလီၫ. အဲၪ ၦ လၧ န နဲၩ့ထံၭ…

အီၪလၧဂၪ့ခိၪချိၫ့ဖၧၩ့ ဆၧကိၭအမံၩ့ဖၧၩ့ ပဂံၪ့ဒီၪ့ဖိၪၥံၪနီၪ မွဲပအၪ့လဲၩလၧဆၧလန့ဘၪနးမံၩ့နီၪလီၫႉ ဆၧနီၪ အကၠီၩ့ ပဂံၪ့ဒီၪ့ဖိၪၥံၪ ပအၪ့လၩ့ဎိၭမ့ၩကၠၧၫ့ကၠၧၫ့ႇ ပနံအုၩ့နံကၠၭဘၪကၠၧၫ့ကၠၧၫ့ႇ ပလ့ၩဂၭကွ့ၩကၠၭကၠၧၫ့ကၠၧၫ့အခံၫ့ လဖၪနီၪ မွဲကကဲၪထၪ့ထး ဆၧနၪ့ထၪ့ဆၧနဲၪ့ အဂ့ၩဒိၪထုၬလဖၪနီၪလီၫႉ ဆၧအယီၩနီၪ မွဲအလူဒိၪဎွ့ၩဒိၪအီၪအၪနဲၪ့ ကျိၪၥံၪစ့ၩၥံၪဒံၭနီၪလီၫႉ အီၪက့ၪဖိၫလိၫဘၪ ပဂံၪ့ဒီၪ့ဖိၪၥံၪ အဆၧၥၭဎွံၪၥၭယီၫလဖၪနီၪဂီၩ့တၭ နၪၥ့ၪအ့ၪဘၪ အဝ့ၫၥံၪ အဆၧအဲၪဒိၭ ဒဲ အဆၧၥၭဆုးလီၩ့လဖၪနီၪလါဆံၭႉ

ဘဲၫယီၩ နမုၬလၩဝ့ၫဒၪ “ထီ” နီၪ မွဲအၪ့မၧၫ့နၧၩ လၩ့ယွၩလီၩ့အ့ၬ. ဆၫ့ထွ့ၫနၧၩ ဘဲၫနကတငၨၭလၫ့ထဲၩ့အဂးခီၫႉ ဆၧမုၬဆၧလၩ ကမံၩ့နီၪ မီၪ့ဎီၩ့ၦမွံၩလီၫႉ ဂဲၫဂီၩ့ကထဲၩ့ထဲၩ့လီၫႉ လါနၫ့ အဝ့ၫအီၪက့ၪထး ဆၧဆီၪ့ဆၧချဲၫ့ အဂၭဂီၩ့ဒဲ အခံၫ့လူၬဂီၩ့လူၬစၪ လဖၪနီၪ ကအီၪထးလၧနအီၪလဆိၩယၫလီၫႉ ပဖီၪ့ထၬ ဂၭထံၫခွၭဂီၩ့ ပဂဲထုၪ့လံလၧ ကလၭ အဖၧၩ့နီၪ မွဲပဆၧၥၭမၧၫ့အ့ၬႉ ပကၥုၪ့ထၪ့ ပထီလၧယၫပၥ့ၪလဲၪနီၪမၬ မွဲပဆၧၥၭမၧၫ့လီၫႉ နမုၬလၩဝ့ၫဒၪ ကဆိကလးအခံၫ့နီၪ နမိဖါၥံၪအဂး မွဲကဲၪထၪ့ရၬၥ့ၪလီၫႉ ထီးန့ထၬလါဆံၭႉ ၦအထၪ့ထူၬလပီၩနီၪ မွဲလီၩ့ဖိၬ လပီၩအခဲၫ့အ့ၬႉ လီၩ့ပၧၩ့ လပီၩအထၧး အလၧးခီၫႉ လၩ့ယွၩလီၩ့လၧ…

လၧဎြံၬဆၧအဲၪဆၧကွံၩဖၧၩ့  အဲၪကွံၩဘၪ ထၧၫ့ဖုဝဲထံၩၥိၭထီးအလူၬၥံၪဧ့ႇ အီၪဆီၪ့အီၪချဲၫ့ကိၭဂၩဒ့ၭလါဆံၭႉ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪ မွဲဝ့ၫဒၪ ပလကြၨၭဆိၫ့ခွံၬဘၪ ပဆၧဆီၫ့မီၪ့ဆီၫ့မၬလဖၪ အဂဲးအကၠီၩ့နီၪလီၫႉ ဆၧအုၩ့လၫ့ထီၫလၫ့ အထီဘိၫယီၩနီၪ ၦၥိၩ့ထၪ့ AI အၪမၬဒ့ၭနီၪလီၫႉ ဆၧကိၪ့ၥ့ၪကိၪဘၪ လ့ၩထၪ့လ့ၩထီၫအၪမၬဒ့ၭအကၠီၩ့နီၪ ၦအၪဒၪဆၧနီၪ ၥိၩ့ထၪ့အခိၪနုၬလၧအ့ၬႇ ဆၧဆီၫ့မီၪ့ဆီၫ့မၬဆၧ အီၪလၧအ့ၬႇ မၩထၪ့ဒၪ ဆၧကန့ယီၫယီၫနီၪလီၫႉ AI နီၪ ပၥိၩ့ထၪ့န့ကိၭမံၩ့ႇ ပၥိၩ့ထၪ့အလးန့ကိၭဒီၪ့ႇ လါနၫ့ ပကဘၪထုၪ့ပၥၭအလးအီၪကိၭမံၩ့နီၪလီၫႉ အရ့ၩဎိၩထုၬနီၪ အ့ၪပၥိၩထၪ့ AI နီၪ ပကဘၪၥိၩ့လၧ ဆၧအဂ့ၩအလးနီၪအကၠီၩ့ ယအဲၪဒိၭ…

ၦစၭဒုၫစံၫလၧအစံၭဝ့ၫ ဆၧဂဲထုၪ့ထဲၩ့လၥ့ၪဘၪနီၪ ဂဲၫလၧအအီၪတၭ,အၪ့စၪ့ဝ့ၫ,စံၭဝ့ၫဒၪ, ဆရၫဧ့, စမိစ့ၭကွ့ၭန့ပၧၩ, လၧၦလဂၩဂၩအထၧၫ့ဖုဝဲ အ့ၪၥံၫဒၪအမၫတၭ, အဖိၪလအီၪလၩ့ထးဘၪနီၪ, မွဲအထၧၫ့ဖုဝဲဘၪမၩန့အမၫတၭ, မၩအီၪထၪ့န့အထၧၫ့ဖုဝဲအချံၫအၥၪလီၫ.အနီၪတၭ, ၦထၧၫ့ဖုဝဲခွၫအီၪဝ့ၫနွ့ၫဂၩလီၫ.အခၪ့ထံၭလဂၩ န့အမၫနီၪ, ၥံၫဝ့ၫတၭ, အချံၫအၥၪအီၪလၩ့ထးဝ့ၫအ့ၬ. ၦနံၫဂၩ,လဂၩနီၪ, မၩန့အမၫနီၪ ၥံၫဝ့ၫတၭ, အချံၫအၥၪအီၪလၩ့ထးဝ့ၫဆ့အ့ၬ. ဘဲၫနီၪအၥိၭ, ၥၧၫ့ဂၩလဂၩဆ့လီၫ. ၦနွ့ၫဂၩ မၩန့ၦမုၪနီၪတၭ, အချံၫအၥၪအီၪလၩ့ထးဝ့ၫအ့ၬ. လၧခဲၫ့ထုၬနီၪ, ၦမုၪၥံၫဝ့ၫဆ့လီၫ. မၩအၥၭဘဲၫနီၪတၭ, လၧဆၧဂဲထုၪ့ထဲၩ့အဖၧၩ့ထီးအဝ့ၫၥံၪဂဲထုၪ့နီၪ, မွဲအမိ ကဲၪဝ့ၫၦလဖၪနီၪ, အမၫဂၩဂၩလဲၪ. အဂဲးဘဲၫယီၩ ၦနွ့ၫဂၩန့အမၫလၧအဝ့ၫနီၪလီၫ. ယ့ၫၡုၬချဲၩ့ဆၧၫ့ဆၧတၭ,စံၭဝ့ၫ, နၥံၪလၥ့ၪယၫဘၪ ဆၧကွ့ၭအၥၭမွဲဂ့ၩ, ယွၩအစီၩ့အမၩ့မွဲဂ့ၩတၭ, နၥံၪနဲၩမၪဆၧမွဲအ့ၬဧၪ. အဂဲးဘဲၫယီၩ ထီးအဂဲထုၪ့ထဲၩ့လၧဆၧၥံၫအဖၧၩ့နီၪ, အီၪဎုၬလိၬအၥၭမွဲဂ့ၩ,…