RVA PWO KAREN

အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧလၧပၥ့ၪယၫပတၩလၫ့နီၪ မွဲဝ့ၫပလ့ၩလၧ ဆၧၡူၪဆၧမုၬ ဖၧၩ့ၥၭနီၪလီၫႉပကဖျါထုၬခွံၬ ၦကိၭဂၩအဆၧမၪစွါဘဲၫ ပဂၪ့ခိၪယီၩကအၪ့လဲၩထၪ့ၥၭနီၪလီၫႉလယံၬလမီးလၧဘၪအခံၫ့နီၪ ပယူၩဘလံၫအခံၫ့ကထုၬနီၪလီၫႉ ဆၧဆံၫ့ဎံၪတလၫ့ကဖၬဘံၭၥၭနီၪလီၫႉ လါနၫ့ကဆါဎြံၬနီၪအီၪလၧပၧၩကိၭကၠၪနီၪလီၫႉ ကဆါဎြံၬအီၪဖျဲၪနီၪ မွဲဝ့ၫအၪ့န့ၦယိယိဖိၪၥၭမၧၫ့နီၪလီၫႉ ကဆါဎြံၬနီၪမွဲဂဲၫမၩဖျီၪၥၭကဖျါလီၫမွဲအ့ၬႇ မွဲဝ့ၫကအီၪလၧပၧၩအဆိၩအကၠၫနီၪလီၫႉဆၧနီၪအကၠီၩ့ အၥံၪကိၭဂၩအၥၭခံဖၧၩ့ Christmas ဆၧၡူၪဆၧမုၬအဂးယအၪ့က့ၩဘၩဆိၪဖၪန့နီၪလီၫႉ

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရါလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ   Blaise အဂဲးအကၠီၩ့နီၪလီၫႉ  ၦဆံၫ့ဎံၪ   Blaise ယီၩမွဲဝ့ၫဒၪ ၥံၫ့ဎွံၫဆရၫနီၪလီၫႉ လၧခဲၫ့နီၪ လ့ၩနုၬလၩ့ကဲၪၥၫ့ခၫဂီၩ့ ကဲၪထၪ့ ၥၫ့ခိၪဒိၪနီၪလီၫႉ ၦမၩနၧၩ့မၩစၪဎရံၬဖိၪၥံၪအခံၫ့နီၪ ၦဆံၫ့ဎံၪ   Blaise ဘၪထိးဖီၫ့ၥၭဂီၩ့ ၦၡၩမၪနၧၩ့မၩစၪအဝ့ၫအမံၩ့မံၩ့နီၪလီၫႉ အဝ့ၫအဆၧဆူၩနဲၩႇ   အဝ့ၫဒိၭနဲၩကဆါဎြံၬအီၪထီးလူၬနီၪ ကဘၪခွံၬၡိၭဝ့ၫအကၠီၩ့ ၦၡၩလီၩအဝ့ၫကိၭမံၩ့လါနၫ့ အဝ့ၫထုၬဆၧၫ့နးဆံၭအ့ၭနီၪလီၫႉ  ဆၧနီၪအကၠီၩ့ ၦၡၩဖ့ၬထ့ၬခွံၬ အဝ့ၫအခိၪဎွံၫနီၪလီၫႉ  ၦဆံၫ့ဎံၪ   Blaise ယီၩ ၥၭဘၪ့ဖိၪကဂၩ ယၪဎွံၪဘၪဆ့ၭအခိၭဘီၩ့အခံၫ့နီၪ အဝ့ၫမၩဆၧၩ့အ့ၪဂီၩ့ ဘျၪထဲၩ့အကၠီၩ့နီၪ…

လၧခဲၫ့ လယံၬလမီဘၪအထီ စဎွၩဖိၪယီၩ ဂဲၫထီၩ့ထဲၩ့လၧ ထွံၪမိဎွါၥၧၫ့ဘံၩဒဲ အဖိၪမုၪဒၪဘၨၩအီၪနီၪလီၫႉ စဎွၩဖိၪယီၩ အဲၪတၩ့ဘၪ နးဒၪဘၨၩယီၩအကၠီၩ့ အၪ့ကံၩ့အဲၪဝ့ၫ ထဲၩ့ကိၭန့ဝ့ၫလၧ အနီးဖၧၩ့လီၫႉ လၧခဲၫ့ ဖိၪမုၪဒၪဘၨၩယီၩ စံၭစဎွၩဖိၪနီၪ ယၧၩယမိနီၪ မွဲၦၡၩအ့ၬ မွဲဒၪထွံၪကဒုၩအကၠီၩ့ အ့ၪမွဲ နအဲၪယၧၩ ယမိမိမွဲ နကဘၪအဲၪဆ့လီၫႉ အ့ၪမွဲ ယမိမိလ့ၩဖိၬယခဲၫ့န့စွါဘဲၫ ယကလ့ၩဖိၬနခဲၫ့လီၫ အခၫ စဎွၩဖိၪစံၭဆၧၫ့ထဲၩ့ ယကအဲၪနမိမိ ဘဲၫနအဲၪအဝ့ၫအၥိၭနီၪလီၫႉ ထီးနီၪ ဖိၪမုၪဒၪဘၨၩဒဲ အမိမိလ့ၩဖိၬ စဎွၩဖိၪအခဲၫ့လၧ အနီးဖၧၩ့နီၪလီၫႉ စဎွၩဖိၪယီၩ ထဲၩ့ထီၩ့လၧ နီးဖၧၩ့ကထုၪ့ဎး ထၪ့အီၪဎုၬလၧ နးဒၪဘၨၩ လၧဆၧထံၫလၩ့ဒီၪလၩ့…

အဲၪကွံၩဘၪ ထံၫခးခိၪနါဒဲ ၦမၩထံၫခးဆၧမၩဖိၪၥံၪႇ ၥၫ့ဎွၩအၥီၫ့ Msgr. Andrea Ferrante ဒဲထၧၫ့ဖုဝဲထံၩၥိၭထီးအလူၬၥံၪဧ့ႇ ကဆါဎြံၬအဆၧၡူၪဆၧမုၬမွဲအီၪဝ့ၫလၧနၥံၪကိၭဂၩဒ့ၭလါဆံၭႉကဆါဎြံၬနီၪဂဲၫအီၪဖျဲၪဘဲၫၥိၭ ဖိၪၥၫကဂၩနီၪလီၫႉ အဝ့ၫယီၩဆၧစီၩဆၧမၩ့အီၪအ့ၬႇ ဘၪအီၪဖျဲၪလၧဆၧဆၫ့လၩ့ၥၭနီၪလီၫႉ ကဆါဎြံၬအီၪဖျဲၪဂီၩ့ ကဘၪထိးၥံၫၥၭအခံၫ့ကထီၩ့ထီ လီၩထၬ အထံၩအဖျဲၥံၪဆၧချဲၩ့နီၪမွဲဝ့ၫ ဆၧၡူၪဆၧမုၬမွဲအီၪဝ့ၫလၧနၥံၪကိၭဂၩဒ့ၭလါဆံၭနီၪလီၫႉ ဆၧနီၪအကၠီၩ့ ကဆါဎြံၬအထံၩ အဖျဲၥံၪနီၪ အီၪဆၧကဆါဎြံၬ ဆၧၡူၪဆၧမုၬဖၧၩ့နီၪလီၫႉ ကဆါဎြံၬ ဆၧၡူၪဆၧမုၬနီၪ စူၪဝဲၩပၪနးဆံၭအ့ၬ နီၪလီၫႉ ဆၧၡူၪဆၧမုၬ အၡါမၪနီၪ မွဲဝ့ၫယိဂ့ၩယိဘၪၦဂူၫဂၩဒဲ မၩဘျၪထဲၩ့ၦဂူၫဂၩ အဆၧဆၫနီၪလီၫႉခီၫခီၫပကစူၭကီၪ့စူၪဝဲၩၥံၪ လဂၩဘၪလဂၩဖၬထၬလိၭၥၭဆၧယူၭယၫ့ဂီၩ့ အၪ့န့ထၪ့ထဲၩ့ ဆၧၡူၪဆၧမုၬနီၪလီၫႉဆၧနီၪအကၠီၩ့ ၦ ၥၫ့ဎွၩလ့ၫအိၫ ၁၄ ဂၩလဂၩယီၩ နၥံၪကအီၪပထုၬထၬ ဆၧဒူၭဆၧခၭဆၧအဂး…

ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ  ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪမွဲဝ့ၫဒၪ  ကဆါယွၩနီၪ ရွံထၪ့ၦၡၪ့ဖိၪၥံၪအဂဲးအကၠီၩ့နီၪလီၫႉ ကဆါယွၩနီၪ ဆၧအဲၪဆၧကွံၩဒဲ ဆၧယၫ့ၥုၪ့ယၫ့ၥၭအီၪလၧ ၦၡၪ့ဖိၪၥံၪအဖၫ့ခိၪအၪမၬဒ့ၭနီၪလီၫႉ အဝ့ၫဂဲၫလၩ့လၧ ဂၪ့ခိၪဖၧၩ့ယီၩနီၪ ဂၪ့ခိၪဖိၪၥံၪ ကဖီၩ့ဖျ့ၭလၧ ၦဎီးၡၩအဂးႇ ကဖီၩ့ဖျ့ၭလၧ ဆၧၥၭမဲၪဆၧအဂးႇ ကဖီၩ့ဖျ့ၭလၧ ဆၧမၪအဂးနီၪလီၫႉ ဆၧတီၩလီၩဒဲ ထၧၫ့ဖုထၧၫ့ဝဲၥံၪ အၥၭလုကအီၪလၧ  ၦၡၪ့ဖိၪၥံၪ အဖၫ့ခိၪအဂး ကဆါယွၩနီၪ ဖၬထၬအ့ၪဝ့ၫ အလးနီၪလီၫႉ ကဆါယွၩနီၪ ၦၡၪ့ဖိၪၥံၪအဂး မွဲဝ့ၫဒၪ အထံၩၥိၭနီၪလီၫႉ ကဆါယွၩ အဆၧအဲၪဆၧကွံၩနီၪ မၩဖျီၪထၪ့ဝ့ၫလၧ ပဒၩ့ထၬၦၡၪ့ဖိၪၥံၪဒဲ မၩဆၧၩ့ ၦလၧအဂဲးဆံၭလဖၪနီၪလီၫႉ…

၂၀၂၅နံၪ့ ယုၩဘလံၫနံၪ့ကထုၬလီၫႉ လါနၫ့ ဂၪ့ခိၪဖိၪၥံၪအဆၧယိလါနီၪ ကဘၪအီၪပထုၬၥၭလမွဲဘၪနီၪလီၫႉပဆၧယိလါအ့ၪလအီၪ မီၪ့ဎီၩ့ဒၪပၥၭမၧၫ့လအီၪဘၪနီၪလီၫႉ ဆၧလၧ ဆၧကၪဆၧဂဲၩနီၪ ဖ့ၪအ့ၪပၧၩဆၧဆူၩနဲၩနီၪလီၫႉ အခံၫ့ဘဲၫယီၩဎြံၬအီၪဖျဲၪအခံၫ့ကထီၩ့လီၫအကၠီၩ့ အီၪလၧကဆါဎြံၬဘူၭဘူၭနီၪလီၫႉ ပအီၪၥၭမၧၫ့ဖၧၩ့ ဆၧယိလါအီၪကၠီၩ့နီၪ ပအီၪန့လၧဆၧပျၩ့ဖၧၩ့နီၪအကၠီၩ့ ၥၫ့ဎွၩလ့ၫအိၫ ၁၄ ဂၩလဂၩ လီၩဝ့ၫဘဲၫၥိၭနီၪလီၫႉ

၀၁ႉ ထုး – ပုရွက်ဆိတ် ၀၂. ခၩ့ – ပင့်ကူ ၀၃. ထွံၪမံၩ့ – ဝံပုလွေ ၀၄. ဖူၫထၫ့ – ဝက်ဝံ ၀၅. ထိၪပူၩဂူၪ – ဇီးကွက် ၀၆ႉ ဂိၫ့မိဖိၪ – သားပိုက်ကောင်

စလုကၭ ( 1:46-56 )