RVA PWO KAREN

ၦကွ့ၭလံၬဒဲၦဖၫရစံၫ, ၦအၪ့လီၫဆၧၥံၪဧ့, နၥံၪဘၪဆၧအၡၪ့လီၫ. အဂဲးဘဲၫယီၩ နၥံၪလၩ့ဂၬလၧ ဆၧၥွၪခိၪဖၧၩ့လၧအဂုၪဘွၩအၥၭအၥိၭနီၪလီၫ. အချိၫ့လခီၫဖျီၪဝ့ၫလၧအဎံၫအလၩတကၨ. အ့ၪမွဲအဖၧၩ့နီၪ ဎွ့ၩဝ့ၫလၧၦၥံၫအဎွံၪအနၧၩ့, ဒဲကယဲဆၧစံၪစၪဘၪၥၭလိၪၥၭလံၭထီးအလူၬလီၫ. ဘဲၫနီၪအၥိၭနၥံၪဝ့ၫဒၪယီၩ,နၥံၪမၩတီၩနၥံၪအၥၭလၧခီၫ့ လၧၦၡၩအမ့ၬယၫလီၫ.အ့ၪမွဲလၧယၫလခီၫနီၪ, နၥံၪဎွ့ၩလၧဆၧအၪ့လီၫ ဆၧအၪ့ဝံၩ, ဒဲဆၧလတီၩလလီၩ့ဘၪလီၫ. ယ့ၫရှူၬလီၩဆိၫဝဲၩဆၧစ့ၩရၫ့လၧအဝ့ၫၥံၪအဂး. — ၦကွ့ၭလံၬဒဲၦဖၫရစံၫ, ၦအၪ့လီၫဆၧၥံၪဧ့,နၥံၪဘၪဆၧအၡၪ့လီၫ. အဂဲးဘဲၫယီၩ နၥံၪမၩထၪ့မီၪလဖၪအၥွၪခိၪဖၧၩ့နီၪ, နၥံၪကယၧၩ့ ၦအတီၩအလီၩ့လဖၪအၥွၪခိၪနီၪ,- နၥံၪစံၭနၥံၪဝ့ၫ, လၧပမိပဖါအဆိၩနီၪပအ့ၪ အီၪဝ့ၫတၭ, ၦမၩဎုၬဆၧလၧအဝ့ၫၥံၪအၥိၭလၧမီၪအၥွံၪဆ့အ့ၬ.- မၩအၥၭဘဲၫနီၪတၭ,နၥံၪထိးလၩ့ဒၪနၥံၪ အၥၭလၧနၥံၪမွဲ ၦမၩၥံၫမီၪလဖၪ အဖိၪအလံၩလီၫ. နၥံၪဝ့ၫဒၪယီၩမၩဎွ့ၩထၪ့နၥံၪအဖါလဖၪ အဆၧတိၪ့နီၪဆံၭ. #RVAPwoKaren #DailyReflection

ၦကွ့ၭလံၬဒဲၦဖၫရစံၫ, ၦအၪ့လီၫဆၧၥံၪဧ့, နၥံၪဘၪဆၧအၡၪ့လီၫ. အဂဲးဘဲၫယီၩနၥံၪမၩဘိၪ့ဖီၫဘိၭ, ဒဲစမူၭ, ဒဲစံၩယၩၥံၪဆံၫပိၩ့နီၪလပိၩ့လီၫ. အ့ၪမွဲဆၧၥီၪ့ဆၧၥၫ့လၧအဎၧၫ့နဲၪ့အနီၪ, ဆၧစ့ၩရၫ့, ဆၧယၫ့ၥၭ ဒဲ ဆၧနဲၩနီၪ,နၥံၪအီၪက့ၪလၩ့ထးဝ့ၫလီၫ. အနီၪလဖၪ နၥံၪကြၨၭမၩတၭ, အယီၩလဖၪ ကြၨၭနၥံၪအီၪက့ၪလၩ့ထးဝ့ၫဆ့အ့ၬ. ၦမ့ၬဘျီၪလၧအဒုၭနဲၪဖၧၩ့ၥၭၥံၪဧ့, နၥံၪဆၩ့ခွံၬခံၫနိၬနးဘီၩ့တၭ, အၪ့ယုလၩ့ကလအူၭနးဒုၩလီၫ. ၦကွ့ၭလံၬဒဲၦဖၫရစံၫၦအၪ့လီၫဆၧၥံၪဧ့, နၥံၪဘၪဆၧအၡၪ့လီၫ. အဂဲးဘဲၫယီၩ နၥံၪၥူၫဝၭဆံၫ့လိၫ့အ ချိၫ့ဒဲတဲၪလဲၪအချိၫ့လီၫ. အ့ၪမွဲအဖၧၩ့နီၪ ဎွ့ၩဝ့ၫလၧဆၧအၪ့ဘျံၭအၪ့ဘျၪ ဒဲဆၧလတီၩလလီၩ့ဘၪလီၫ. ၦဖၫရစံၫ လၧအမ့ၬဘျီၪၥံၪဧ့, ၥူၫဝၭဆံၫ့ဆိၫဒၪခလူၬ လိၫ့ဒဲတဲၪလဲၪအဖၧၩ့လခီၫဘီၪ, တၭအချိၫ့နီၪမိဆံၫ့ဝ့ၫ ဘဲၫနီၪၥိၭဆ့လီၫ. #RVAPwoKaren #DailyReflection

၀၁ႉ ပံစလီၫ့ – မိုးမခ ၀၂ႉ နဲၪ – အုန်းနှဲ ၀၃ႉ ဖံတခၩ – မဲဇလီ ၀၄ႉ အလံၫ့ – တမာ ၀၅ႉ အၧၩ့နါမု – သဖန်းမွှေဆုတ်ပင် ၀၆ႉ တးတရၫ – သရောပင်

စဖံလံၭနီၪဒၪန့လၧ စနၥၫ့နအ့လၭတၭ, စံၭအဝ့ၫ, ပဒၪဘၪယူၭ ၦလၧစမိစ့ၭလၧလံၬဆၧမၪလူၬအဖၧၩ့, ဒဲမီၪၥံၪကွ့ၭဝ့ၫလၧ အဂဲး, ၦနၭဇရ့ၭဖိၪ စယိၥၭအဖိၪခွၫ ယ့ၫၡုၬလဂၩနီၪ ယူၭ.- စနၥၫ့နအ့လၭစံၭအဝ့ၫ, ဆၧဂ့ၩဆၧဘွၩလမံၩ့မံၩ့ဂဲၫထၪ့လၧနၭဇရ့ၭအဖၧၩ့နီၪ ဘၪမိၥ့ၪဧၪ. တၭစဖံလံၭစံၭအဝ့ၫ, ဂဲၫယိခွါဘီၪ. ယ့ၫၡုၬဒၪဘၪစနၥၫ့နအ့လၭ ဂဲၫလၧအအီၪတၭ, လီၩဘၪဝ့ၫလၧအဂဲး, ယိခွါ, ၦအံၫစရ့လၭဖိၪ လၩ့ထံးလၩ့ဆ့ၭလၧ ဆၧအၪ့လံၬအၪ့လီၫလအီၪဘၪ လၧအဖၧၩ့လဂၩနီၪဆံၭ. စနၥၫ့နအ့လၭစံၭအဝ့ၫ, နဝ့ၫဒၪနၥ့ၪယၫယၧၩယီၩ ဘဲၫၥ့ၪလဲၪ. ယ့ၫၡုၬချဲၩ့ဆၧၫ့ဆၧတၭလီၩဘၪအဝ့ၫ, လၧစဖံလံၭလချႃၭကိၭဒံၭဘၪနၧၩတၭ, လၧနအီၪလၧချိၪ့ဒိၩ့အခၪ့ထံၭနီၪယဒၪဘၪယူၭနၧၩလီၫ.- စနၥၫ့နအ့လၭချဲၩ့ဆၧၫ့အဝ့ၫတၭ, စံၭဝ့ၫ, ရၭဘံၫဧ့, နဝ့ၫဒၪယီၩ နမွဲယွၩအဖိၪခွၫနီၪ, နမွဲအံၫစရ့လၭအစဎွၩလီၫ.- ယ့ၫၡုၬချဲၩ့ဆၧၫ့ဆၧတၭ, စံၭအဝ့ၫ, ယလီၩဘၪနၧၩလၧယဒၪဘၪနၧၩလၧချိၪ့ဒိၩ့အခၪ့ထံၭအကၠီၩ့တၭ,မွဲနနဲၩဆ့ဧၪ, နမိဒၪဘၪဆၧဒိၪနဲၪ့…

လၩဎူၫဘံၪ့လဘံၪ့အဖၧၩ့နီၪ, ယွၩအၥီၫ့ဂၫဘြံလၭ လ့ၩလၧဒိၩ့လဖျိၪ့လၧဂၫလလံၫအဖၧၩ့ ကိၭဝ့ၫအမံၩ့ လၧနၭဇရ့ၭ, လၧၦမုၪနၩ့လၧအဘၪအဲၪတၩ့လၧ ၦလၧစဒၫဝံၭအဂံၪ့ဖၧၩ့လဂၩအမံၩ့ မွဲစယိၥၭအအီၪ တၭ, ၦမုၪနၩ့နီၪအမံၩ့မွဲနးမၫရံၫလီၫ.- အၥီၫ့လ့ၩနုၬလၧအအီၪတၭ, စံၭဝ့ၫ,ၦလၧအဘၪဆၧအခိးအတၩ အၪလဂၩဧ့, ယွၩအီၪလၧနၥိၭလီၫ. လၧၦမုၪအကျၩနီၪ,နဘၪဆၧဆိၪဂ့ၩဝ့ၫလီၫ. ထီးအဝ့ၫနီၪဒၪဘၪဝ့ၫတၭ,အၥုၪ့ခိအၥၭဝီၩလၧအဆၧချဲၩ့အကၠီၩ့နီၪ, မွဲဆၧချဲၩ့ဒုၪ့ဝ့ၫဘဲၫၥ့ၪလဲၪဘဲၫၥ့ၪလဲၪနီၪ, ဆီၫ့မီၪ့ဝ့ၫဒၪလီၫ. အၥီၫ့နီၪစံၭဝ့ၫ, နးမၫရံၫဧ့,ၥၭမဲၪဆၧလဂ့ၩ, အဂဲးဘဲၫယီၩနဘၪဆၧအခိးအတၩလၧယွၩလီၫ.- ယိခွါ,နမိ ဒၧၩ့ထၪ့လၧနဒၧၩ့လးဖၧၩ့တၭ, နမိအီၪဖျဲၪန့နဖိၪခွၫနီၪ နမိဘၪဖျိၬအမံၩ့ယ့ၫၡုၬလီၫ. အဝ့ၫဒၪနီၪမိကဲၪထၪ့ လၧၦအဒိၪတၭ, ဆၧမိကိၭဝ့ၫလၧဆၧထီၫထုၬ အဖိၪခွၫလီၫ.ကဆါယွၩမိဖ့ၪလၫ့ဝ့ၫ လၧအဖါစဒၫဝံၭ အလးဆီၩ့ဆီတၭ, အဝ့ၫဒၪမိ စ့ၩရၫ့စယၫကူၭအ ဂံၪ့အဆိၩဆိၩအကၠၪကၠၪတၭ, အဘၩ့အမုးနီၪ အထုၬအီၪအ့ၬ. နမၫရံၫစံၭအၥီၫ့နီၪ, မွဲယလၥ့ၪယၫဘၪ ၦခွၫတၭ, ဆၧယီၩမိမၩအၥၭဘဲၫၥ့ၪလဲၪ.-…

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ Joseph De Anchieta, SJ အဂဲး အကၠီၩ့နီၪလီၫႉ ၦဆံၫ့ဎံၪ Joseph De Anchieta ယီၩ အီၪဖျဲၪလၧ နံၪ့ ၁၅၃၄ နံၪ့ လၧခး ၦ့ၫၥ့ၭနီၪလီၫႉ ၦဆံၫ့ဎံၪ Joseph ယီၩ မၩၥၫထနၫ ဆၧမၩ ၥၭဆီၪ့အီၪအၪမၬဒ့ၭအကၠီၩ့နီၪ နုၬလၩ့လၧ ခး Potugi Jesuit ခရၧၩ့ဖၧၩ့ဂီၩ ဘၪမၩၥၫထနၧဆၧမၩလၧ ခး…

ထီးၦဖၫရစံၫၥံၪနါဂၧၫ့လၧအတ့ၭနၧၩ့ ၦစၭဒုၫစံၫၥံၪ အဆၧချဲၩ့နီၪ, အဝ့ၫၥံၪအီၪကိၩ့အီၪကီၪ့ဝ့ၫဒၪလၧအအီၪ တၭ, ၦၥ့ၪလံၬလၧအကျၩလဂၩနီၪ, ကျဲၩ့ဖစီၩ့ဆၧတၭ, အၪ့စၪ့ဝ့ၫလၧဆၧလမံၩ့နီၪ, စံၭဝ့ၫဒၪ, ဆရၫဧ့, ဆၧမၪလူၬဖၭဒိၪ လၧလံၬဆၧမၪလူၬအဖၧၩ့နီၪ မွဲထံၪထံၪလဲၪ.- ယ့ၫရှူၬစံၭဝ့ၫ, အဲၪယွၩ န က ဆါ လၧ န ၥၭ ထၧၫ့ ဖျိၪ့ ယၫ ဒဲ လၧ န ၥၭ ၡီၩ့ ထီး အ လူၬ, ဒဲ လၧ န ၥၭ ကိၪ့ ၥ့ၪ ထီး အ…

၂၀၂၆နံၪ့ လၩအီဂၧၭ ၁၆ၥၫ့ လဂီၩ ၁၀နၩရံၫခီၫအခံၫ့နီၪ ၦဎြံၬဖိၪၥံၪလဖၪ စူၭကီၪ့မၩဎိၭလၩ့ လံၬဆံၫ့ဎံၪအဘိၪ့မုနံၩလၧ ဝံးပၥံၫ့ စံၫ့ပံၫတၧၫကၥံၫဒရဲၫ ၥရိၬလးဝၩ့ဖၧၩ့နီၪလီၫႉ ဆၧထံၪလၩ့ဒီၪလၩ့နီၪအဖၧၩ့ ကၭၥလံၬဆၧဘိၪ့ဆၧဘၩဖၧၩ့ Msgr. Pius Win Than၊ Fr. Fidelis ဒဲ ၦဆူနဲၩဖိၪလဖၪႇ လၧၦဆူနဲၩဎြံၬ ဆၧဘိၪ့ဆၧဘၩဂူၫဂၩဖၧၩ့ ခိၪနါလဖၪဒဲ အခရၧၫ့ဖိၪၥံၪလဖၪ ဂဲၫထၪ့ဝ့ၫဒၪနီၪလီၫႉ ၦအလ့ၩခိၪလ့ၩနါ ဆၧထံၪလၩ့ဒီၪလၩ့နီၪ မွဲလၧ ၥၫ့ခၫFr. Fidelis Saw Naing Lin Htet နီၪလီၫႉ ဆရၫဦးဇော်မိုးစိန်နီၪ လီၩလၩ့လၬလၩ့ ဆၧၥၭထိၬပရၧၫ့ ဘၪထွ့ၫလၧ…

ပျူၪလၩ ပျူၪလၩ ပျူၪလၩဂဲၫထဲၩ့ ဂဲၫထဲၩ့ ဂဲၫထဲၩ့အီၪဒုၩအီၪထိ ပျူၪခိၭထဲၩ့လၧ ၦနွ့ၫမုၪ ၦနွ့ၫခွၫၥံၪ အမိၡါလီၩ့ယီၩလါဆံၭႉ နၥံၪအစီၩ့အမၩ့ အလၩလဖၩ့ ဆၧဎံၪဆၧလၩၥံၪလၧအမွဲဝ့ၫ ၥၭမုဆံၫ့ဎံၪႇ အခ့ၬဂ့ၩဘၪႇ ၥ့ၪယၫနၪၥ့ၪႇ ဖ့ၪဘိၪ့ဖ့ၪဘၩ ကိၪ့ၥ့ၪကိၪ့ဘၪႇ မ့ၬမဲအရဲၫႇ ၥၭမဲၪဆၧဒဲၩဘၭႇ ပဝံၫပလၩနွ့ၫဘံၪ့ယီၩ ပျူၪထၬလါဆံၭႉပလံၫနၧၩနဲၩလဂ့ၩ ပလီၫနၧၩနဲၩလဂ့ၩႉ အီၪဘဲၫနးချီအၥိၭလဂ့ၩႉ အီၪဘဲၫနးလီၫအၥိၭလဂ့ၩႉ ၥံၪ့ဖီးလီၩ့လဂ့ၩႉ ဝၪဖီးလီၩ့လဂ့ၩႉယဖျိၩ့ဆၨၩယဝ့ၫဧ့ ၦဂူၫဂၩၥံၪ အဆၧအၪ့လံၬအၪ့လီၫနီၪ နဲၩဘၪလၩလါလဂ့ၩႉ အ့ၪမွဲနၥံၪနဲၩ ၦဂူၫဂၩအဆၧအၪ့လံၬအၪ့လီၫနီၪ မုကနံၩ ဆၧနိၫ့ဆၧနၬ ဆၧၡၪ့ဆၧယၬ ကဘၪနၥံၪၡါမၬလီၫႉ ဆၧနိၫ့ဆၧနၬ ဆၧၡၪ့ဆၧယၬ ဘဲၫလဘၪဘၪနၥံၪၥိၭ ခိၭနိၭခိၭနၪ စီၪနိၩ့စီၪနါႉ…