RVA PWO KAREN

လၩခူၭခဲးစူၪအဖၧၩ့ ပၫဝ့ၫဒၪဆၧပိၭဆၧလၫ့လဖၪနီၪမွဲဝ့ၫ နိၪဝါႇ ဆံၫဖိၬႇ ၥၭကျုၩၥၪႇ မ့ၩဒူၪႇ ဖီၫဝံ ႇ မ့ၩအဲၩ့ ႇ ထံၫ ဒဲ လူၫဘွၩနီၪလီၫႉ             အဆိၪထုၬ နိၪဝါနီၪ အခီၫပယီၫအီၪဝ့ၫ ဘဲၫၥိၭပၥၭကမၧၫ့အဂး ပဘၪအၪ့ထံၩ့အၪ့ဖီၫ့ကိၭနံၩဒ့ၭအကၠီၩ့             လၧခဲၫ ဆၧလၧဆံၫဖိၬနီၪ ပမၩလၩ့ဘျ့ၭလၩ့နူၬလါနၫ့ အဝ့ၫအဆၧၫ့ထံၫလလူၬဘၪဒဲ အဆၧၫ့လဖၪ ဆုးၥၭမၧၫ့ထၪ့ဝ့ၫန့အကၠီၩ့             ထီး ၥၭကျုၩၥၪနီၪ အခီၫပယီၫအီၪဝ့ၫဒၪ ဆၧလၧၥၭကျုၩနီၪ မွဲလအီၪဘၪကထံၭလီၫဒဲ အထံၭၥံၪလဖၪ စူၭကီၪ့မၧၫ့ထၪ့ဝ့ၫဒၪ လကၭဘၪ ၥၪအခၫနးဆ့ ၥၪဝ့ၫဒၪလၧအဎံၫအဆူၭနီၪလီၫႉ             ဂီၩ့နီၪ မ့ၪဒူၪအခီၫပယီၫနီၪ…

ယ့ၫရှူၬချဲၩ့ဆၧၫ့ဆၧတၭ, စံၭဒီၭဝ့ၫလၧဆၧချဲၩ့အဒီၩ့လဖၪတၭ, စံၭဝ့ၫ, မူၭခိၪအဘၩ့အမုးမၩအၥၭ ဘဲၫစဎွၩလၧအမၩဆၧအီၪဎုၬလိၬအၥၭအမူၭလၧ အဖိၪခွၫအဂးအၥိၭနီၪတၭ,- အၪ့မၧၫ့အဎီးအၡၩလ့ၩလၧၦလၧအဘၪဆၧလီၩဝဲၩဝ့ၫလဖၪနီၪ ကိၭန့အဝ့ၫၥံၪလၧမူၭအဖၧၩ့လီၫ. တၭအဝ့ၫၥံၪဂဲၫနီၪအၥၭအီၪအ့ၬ. မၩဒီၭလဖၧၫ့အၪ့မၧၫ့အဎီးအၡၩအဂူၫဂၩလဖၪ လ့ၩဝ့ၫတၭ, စံၭဝ့ၫဒၪ, လီၩဘၪၦလၧအဘၪဆၧလီၩဝဲၩဝ့ၫလဖၪနီၪ, ယိခွါ, ယတဲၩ့ဝဲၩယူၭယဆၧအၪ့ဆၧအီၩယူၭ, ချီၥံၪ, ဒဲဆၧလၧအဘီၪ့အၥိၪလဖၪ လၧဆၧမၩၥံၫယူၭဝ့ၫယူၭ. ဆၧအီၪတဲၩ့ဝဲၩယူၭ ကိၭမံၩ့ဒ့ၭယူၭ, ဂဲၫလၧမူၭအဖၧၩ့ဆံၭႉ မွဲလါနၫ့ဘိၩ, အဝ့ၫၥံၪ အီၪက့ၪဝ့ၫလၧဆၧနးမံၩ့အ့ၬ လ့ၩဝ့ၫလဂၩ လၧအဎံၪအဎုၭအဆံၬအနၩတၭ, လဂၩဒၪလၧအဆၧမၩဖနံၬလီၫ.- ၦအီၪလၩ့ထးလဖၪနီၪ ဖီၪ့ထၬအဎီးအၡၩတၭ, မၩအၧၩ့မၩနၭဝ့ၫဒဲမၩၥံၫဝ့ၫလီၫ.- စဎွၩနါဂၧၫ့ဘၪဆၧနီၪ,အၥၭထၪ့တၭ ခၫ့ထၪ့အၥုၭအၥ့ၪနီၪ, မၩၥံၫခွံၬၦလၧအမၩၥံၫၦၡၩလဖၪနီၪတၭ, ဆူၭထၪ့ခွံၬအဝ့ၫၥံၪအဒိၩ့လီၫ.- ထီးနီၪလဖၧၫ့ အဝ့ၫဒၪစံၭအဎီးအၡၩ, ဆၧလၧမူၭယီၩဆၧတဲၩ့ဝဲၩယူၭ အ့ၪမွဲၦလၧအဘၪဆၧလီၩဝဲၩဝ့ၫလဖၪနီၪကြၨၭအ့ၬ.- မၩအၥၭဘဲၫနီၪတၭ, လ့ၩလၧဖၧၩ့ၥၭထဲၩ့ဖၭအခၪ့ထံၭတၭ,…

ကၭၥလံၬၥနိၫ့ဖၧၩ့  ဆၧအဲၪတၩ့အဆၧဆုးကျိၭနီၪ မွဲအခၪ့ယဲး လအီၪဘၪ လၧဆၧအဲၪဆၧကွံၩကမံၩ့လီၫတၭ မွဲဖၧၩ့ၥၭလၧအဘၪ လီၩ့ဖိၬခိၭနၪ ယွၩအဆၧအဲၪဆၧကွံၩအဒီၩ့နီၪလီၫႉ ဆၧနီၪအကၠီၩ့ ဆၧနၪၥ့ၪႇ ဆၧအွံၪၥၭဆၧၩ့ဒဲ ဆၧကွဲၪဖျါလဖၪနီၪ အရ့ၩဒိၪဝ့ၫအၪမၬလီၫႉ ဆၧနၪၥ့ၪလိၬၥၭလအီၪဘၪ ဆၧအဲၪဆၧကွံၩနီၪ ထိးယံၬယံၬအ့ၬႉ ကဂၩအဆၧဂဲးဆါဘၭဆါ ကဂၩထိးဆၧၫ့အ့ၪႉ ကဂၩအဆၧမၪ ကဂၩဖျါခွံၬအ့ၪ ဒဲ ခိၭနၪအ့ၪလိၬၥၭနီၪ မွဲလၧဆၧအဲၪဆၧကွံၩတၡါ အဆၧနဲၪ့လဖၪလီၫႉ ဆၧအဲၪဆၧကွံၩနီၪ ထိးဆၧထီးအလူၬ, နဲၩဆၧထီးအလူၬ, ယိလါဆၧထီးအလူၬ, အွံၪၥၭဆၧၩ့ဆၧထီးလူၬလီၫ. (၁ကီရံၫ့ ၁၃:၇)  ၦအအဲၪဆၧတၡါလဂၩနီၪ လယိလၩ့ဘၪန့ၫအဝ့ၫအဂးလီၫတၭ နၪၥ့ၪအ့ၪ ၦဂူၫဂၩအၥၭဒဲ အဆၧကၪဆၧဂဲၩလဖၪလီၫႉ ဘၪန့လဲၪ ဘဲၫကဆါဎြံၬအဲၪပၧၩဒဲ နၪၥ့ၪအ့ၪပၧၩအၥိၭ ယွၩကိၭဖံၭၥိၭပၧၩလၧ…

လၧဎြံၬဆၧအဲၪဆၧကွံၩဖၧၩ့  အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪ မွဲဝ့ၫဒၪ ကဆါယွၩ မုခိၪထံၫခးနီၪ ကအၪ့လဲၩထၪ့ ၥၭမၧၫ့အဂး မွဲဝ့ၫဆၧလူဒိၪဎွ့ၩဒိၪအဂဲး အကၠီၩ့နီၪလီၫႉ ပထီၩ့လၧကဆါယွၩ မုခိၪထံၫခးနီၪ ၥၭမၧၫ့အဂး ပဒၩ့ထၬဆၧမွဲအ့ၬႇ မွဲဝ့ၫဒၪ ၥၭမၧၫ့ကအၪ့လဲၩထၪ့ၥၭအၥၫ့အဂးနီၪလီၫႉ    ဆၧဂၩ့ဒီၩ့မုၪခွၫၥံၪႇ ၦမၩဆံၬဖိၪၥံၪႇ ဖနံၬဖိၪၥံၪႇ ၦမၩယၪဖိၪၥံၪႇ ဆၥုၪ့ဆၧဒီၩ့ဖိၪၥံၪႇ ၦယိၥိၪၥံၪ အဝ့ၫၥံၪထီးအလူၬယီၩနီၪ မွဲဝ့ၫၦယိၩယိၩဖိၪၥံၪနီၪလီၫႉ ၦအယီၩၥံၪယီၩ အီၪၥၭမၧၫ့ ကဂၩကမံၩ့ႇ မၩဆၧမၩကဂၩကမံၩ့နီၪလီၫႉ လါနၫ့ဆၧလမီၫ့ဎီၩ့ဘၪယီၩထီးလူၬနီၪ ကဆါယွၩ မုခိၪထံၫခးနီၪအဂး ကဲၪထၪ့ဆၧဎံၫလၩအကၠီၩ့ ၥၫ့ဎွၩလ့ၫအိၫ လီၩ့လၩ့ဆၧပရၧၫ့နီၪလီၫႉ…

ၦမၩဆၧဖိၪလဖၪလၧစဘံၭလးဖၧၩ့.အဂဲးဘဲၫယီၩ ဆၧလၧမူၭခိၪအဘၩ့အမုးနီၪ, မၩအၥၭဘဲၫဂံၪ့ကဆါအၥိၭလၧအစဲၪ့ထၪ့လၧဂီၩနၪခုၬ ဘဲၫအမိအၪ့မၧၫ့လံၩ့ ၦမၩစဘံၭအလးအၥိၭနီၪလီၫ. အဝ့ၫဒၪအုၩ့လၩ့ဝ့ၫလၧၦမၩဆၧလဖၪ လၧအဝ့ၫၥံၪမိန့ဒန့ရံၫလဂၩ လဘံၪ့လၧလနံၩအဂးတၭ, အၪ့မၧၫ့အလ့ၩလၧအစဘံၭအလးဖၧၩ့လီၫ.ၥၧၫ့နၩရံၩဘၪကၪတၭ, အဝ့ၫဒၪစဲၪ့ထၪ့ဝ့ၫတၭ, ဒၪဘၪလၧၦဂူၫဂၩလဖၪ ဆၧၫ့ထုၪ့ပျီၩပျီၩလၧဖၠၫဖၧၩ့တၭ, စံၭအဝ့ၫၥံၪ,လ့ၩနၥံၪဝ့ၫလၧစဘံၭအလးဖၧၩ့ဆ့ဆံၭ. ထီးအတီၩအဘၪနီၪယမိဖ့ၪလၫ့နၥံၪလီၫ. အဝ့ၫၥံၪလ့ၩဝ့ၫလီၫ.မၩဒီၭလဖၧၫ့, လၧဎူၫနၩရံၩဒဲခွံၫနၩရံၩဘၪကၪနီၪ, စဲၪ့ထၪ့ဝ့ၫတၭ, မၩဝ့ၫဘဲၫနီၪအၥိၭလီၫ. လၧလဆံၫလနၩရံၩဘၪကၪနီၪ စဲၪ့ထၪ့ဝ့ၫတၭ, ဒၪဘၪလၧၦဂူၫဂၩလဖၪ ဆၧၫ့ထုၪ့ပျီၩပျီၩတၭ, စံၭအဝ့ၫၥံၪ မွဲဘၪနီၫလၧနၥံၪဆၧၫ့ထုၪ့ပျီၩပျီၩၥံၫ့နံၩချီၩ့ထီးယီၩလဲၪ.အဝ့ၫၥံၪစံၭ, အဂဲးဘဲၫယီၩ ၦအၪ့မၧၫ့လံၩ့ပၧၩနးဂၩအ့ၬ.အဝ့ၫဒၪစံၭအဝ့ၫၥံၪ, လ့ၩနၥံၪဝ့ၫလၧစဘံၭအလးဖၧၩ့ဆ့ဆံၭ. (တၭထီးအတီၩအဘၪနီၪနၥံၪမိန့ဘၪလီၫ.)မုမ့ၬဂၪလၩ့နီၪ, စဘံၭလးအကဆါစံၭ, ၦလၧအခိၭယိဆၧလဂၩ, ကိၭထဲၩ့ၦမၩဆၧလဖၪဆံၭ. ၦလ့ၩမၩဆၧလၧခဲၫ့ထုၬလဖၪ ဖိးလၧၦမၩဆိၫဆၧလဖၪနီၪဖ့ၪလၫ့အလံၩ့အလဲၫဆံၭ.- ၦလၧအလ့ၩမၩဆၧ လဆံၫလနၩရံၩလဖၪဂဲၫဝ့ၫတၭ, န့ဘၪဒန့ရံၫဂၩဘံၪ့ဂၩဘံၪ့လီၫ.- ထီးၦလၧအလ့ၩမၩဆိၫဆၧလဖၪနီၪ ဂဲၫဝ့ၫတၭ, အဝ့ၫၥံၪဆီၫ့မီၪ့လၧအမိန့ဘၪဆၧအၪနဲၪ့အနီၪ ဒံၭလီၫ.…

ထီးနီၪလဖၧၫ့, ယ့ၫရှူၬစံၭအထံၩအဖျဲၥံၪ, ယလီၩဘၪနၥံၪတီၩတီၩ, ၦၥထံၫနီၪ နုၬဝ့ၫလၧမူၭခိၪအဘၩ့အမုးအဖၧၩ့ကၪမၬလီၫ. မၩဒီၭလဖၧၫ့ ယလီၩဘၪနၥံၪ လၧကလအူၭနုၬဖျီၫ့ထၭမ့ခဲၫ့ဖၧၩ့ယီၫနဲၪ့ဒံၭၦၥထံၫလဂၩ လ့ၩနုၬလၧမူၭခိၪအဘၩ့အမုးအဖၧၩ့ဒံၭလီၫ. အထံၩအဖျဲလဖၪနါဂၧၫ့ဝ့ၫတၭ, ထီၫမံၫထီၫမၪဒိၪမၬတၭ, စံၭဝ့ၫဒၪ, အ့ၪမွဲဘဲၫနီၪတၭ, မွဲၦထီၩ့လၧ ဆၧထိး ထဲၩ့တၩ့ထဲၩ့မိၥ့ၪနးဂၩလဲၪ. ယ့ၫရှူၬယိဆၧ ထံၫထံၫဆၭဆၭတၭ, စံၭအဝ့ၫၥံၪ, အယီၩၦၡၩမၩၥ့ၪအ့ၬ. အ့ၪမွဲယွၩနီၪၥ့ၪဆၧထီးအလူၬလီၫ. ထီးနီၪလဖၧၫ့ စပံတၧၫ ချဲၩ့ဆၧၫ့ဆၧတၭ, စံၭဝ့ၫ,ယိခွါ,ပဝ့ၫဒၪယီၩ, ပစဲၪ့ဒၪဆၧထီးအလူၬတၭ, ပဖိၬယူၭနခဲၫ့ယူၭ. မၩအၥၭဘဲၫနီၪတၭ, ပမိန့ဘၪဆၧနီၪလဲၪ.- ယ့ၫရှူၬစံၭဝ့ၫ, ယလီၩဘၪနၥံၪတီၩတီၩ လၧကယဲဆၧထီးအလူၬလဖၪ, ထီးဆၧအ့ၪမၩထဲၩ့အၥၫ့ခိၬအဖၧၩ့နီၪ, ထီးၦၡၩအဖိၪခွၫ မိဆၧၫ့နၩ့ဝ့ၫလၧအလးဆီၩ့ဆီ ကယးကဖးအဖၫ့ခိၪတၭ, ၦလၧအဖိၬယခဲၫ့နၥံၪဝ့ၫဒၪယီၩ, နၥံၪမိဆၧၫ့နၩ့ဆ့ လၧလးဆီၩ့ဆီ လဆံၫနံၫဖျိၪ့အဖၫ့ခိၪတၭ,နၥံၪမိစ့ၩရၫ့ဘၪၦအံၫစရ့လၭလဆံၫနံၫဒီၪ့လီၫ.…

ယၧၩနီၪႇ နီၪလီၫႇ မၩအနီၪႇ ဆၧနီၪႇ ထီးနီၪႇ မွဲဘဲၫနီၪႇ အနီၪႇ လၧနီၪႇ နီၪဘၪကွ့ၭ ကဲၪ့ဆံၭ (-ၪ) ၥၭနၪ့အ့ၬႉ နီၪ – က၊ သည်။ ယၧၩနီၪ – ကျွန်ုပ်က၊ ကျွန်ုပ်သည်။ ဆၧနီၪ – သည်အရာ၊ သည်ဟာ။

ယိခွါ, ၦလဂၩဂဲၫလၧအအီၪတၭ, စံၭဝ့ၫဒၪ, ဆရၫလၧအဂ့ၩဧ့, ဘဲၫၥိၭယမိန့ဘၪဆၧမၧၫ့အဆိၩ အကၠၪတၭ, ယဘၪမၩဆၧနီၫလၫ လၧအဂ့ၩနးမံၩ့လဲၪ.အဝ့ၫဒၪလီၩဘၪဝ့ၫ, မွဲဘၪနီၫနကိၭယၧၩလၧၦအဂ့ၩလဲၪ. အ့ၪလမွဲဘၪယွၩလဂၩနီၪ, ၦအဂ့ၩအီၪနးဂၩအ့ၬ. မွဲလါနၫ့ဘိၩ အ့ၪမိလ့ၩနုၬဘၪနၥၭလၧဆၧမၧၫ့အဖၧၩ့တၭ,ထီးန့ဖံၭထၬဆၧမၪလူၬလဖၪဆံၭ. အဝ့ၫနီၪစံၭ ဝ့ၫ, လထံၪထံၪလဲၪ ယ့ၫရှူၬစံၭဝ့ၫဒၪ, ထီးမၩၥံၫၦ ၡၩ လ ဂ့ၩ. ထီး အဲၪ ဘိၩ့ မၫ အဲၪ ဘိၩ့ ဝၩ လ ဂ့ၩ. ထီး အၪ့ ဂူၫ ဆၧ လ ဂ့ၩ. ထီး ထိး န ၥၭ…

စံၫ့ပံၫတၧၫ ကၥံၫဒရဲၫ ၁၆.၈.၂၀၂၆ လၩအီဂၧၭ၁၅ၥၫ့နီၪ မွဲဝ့ၫဒၪလၧ ဘၪဆၧၥိၫ့ထၪ့ မိမၫရံၫလၧ မူၭခိၪဘၩ့မုး အဘိၪ့မုနံၩတၭ ကၭၥလံၬဆၧအီၪကီၪ့ အၪဒၪဆၧနီၪ ၥုၭထဲၩ့ဝ့ၫလၧ လၩအီဂၧၭ၁၆ၥၫ့ အတုၬမုနံၩဂီၩ့ မၩလၩမၩဖၩ့ဝ့ၫဒၪ ဘိၪ့မုနံၩယီၩနီၪလီၫႉလၧဒိၩ့ပၥံၫ့ဆၧအီၪကီၪ့ယီၩဆ့ မၩလၩမၩဖၩ့ဝ့ၫဒၪလၧ လၩအီဂၧၭ၁၆ၥၫ့နီၪလီၫႉ ၦလၧအလ့ၩခိၪလ့ၩနါ မံဆၩဆၧလုထၪ့နီၪ မွဲဝ့ၫဒၪလၧ ဖာသာရ်ဖီဒဲလစ်နီၪလီၫႉ “ၦဆူနဲၩထိးဆၧၫ့ထၬ မိမၫရံၫလၧ ဆၧအဂဲး ၄မံၩ့ယီၩလီၫႉ အဆိၪထုၬကမံၩ့နီၪ အဝ့ၫနီၪ မွဲယွၩအမိမိအကၠီၩ့ႇ , နံၫထံၪကထံၪနီၪ မွဲလၧ ၦမုနၩ့ၥံၫ့ဆ့ၬထံၫဎးလဂၩအကၠီၩ့ႇ ၃ထံၪကထံၪနီၪ ဖီၩ့ဖျ့ၭလၧဆၧဒဲၩဘၭအကၠီၩ့ႇ ဒဲ လခဲၫ့ထုၬကထံၪနီၪ မွဲၦမုၪလၧအဘၪဆၧၥိၫ့ထၪ့လၧမူၭခိၪဘၩ့မုးနးခီၫ့ဒဲနးၥၭ နံၫမံၩ့လူၬအကၠီၩ့နီၪလီၫႉ ဆၧအယီၩနီၪ…

လၧမုနံၩလဖၪနီၪ နးမၫရံၫဂဲထုၪ့တၭ, လ့ၩထၪ့ဝ့ၫ ချဲၫ့ချံၭလၧခိၪလီၩ့ထိၩ့ချိၬအလး လၧဒိၩ့အီၪလၧခးယုဒၫလဒိၩ့လီၫ. လ့ၩနုၬဝ့ၫလၧစဇၭခရဲအၫအဂံၪ့ဖၧၩ့တၭ ချဲၩ့ဒုၪ့နးအလံၭစဘ့ၭလီၫ. လၧနးအလံၭစဘ့ၭနါဂၧၫ့ နးမၫရံၫအဆၧချဲၩ့ဒုၪ့နီၪ, ဆၧမၩအၥၭလၧအဖိၪဂဲၩဝ့ၫ လၧအဒၧၩ့လးအဖၧၩ့လီၫ. နးအလံၭစဘ့ၭလၧၫ့ထၪ့ဎွ့ၩထၪ့လၧၥၭမုဆံၫ့ဎံၪနီၪတၭ,ကိၭထၪ့ဆၧလၧအလူဖၭဒိၪ, စံၭဝ့ၫ, နဝ့ၫဒၪယီၩ နဘၪဆၧဆိၪဂ့ၩလၧၦမုၪအကျၩလီၫ. နဒၧၩ့လးအဆၧၥၪနီၪဘၪဆၧဆိၪဂ့ၩဝ့ၫလီၫ. လၧယကဆါအမိဂဲၫလၧယအီၪယီၩတၭ, ဆၧယီၩလမံၩ့မွဲအအီၪထၪ့လၧယဂးခီၫခီၫလဲၪ. အဂဲးဘဲၫယီၩ ယိခွါ, လၧနဆၧချဲၩ့ဒုၪ့ယၧၩၥီၫနီၪ နုၬလၧယနါဖၧၩ့တၭ, ဖိၪၥၪၥုၪ့ဎွံၫၥၭယီၫအကၠီၩ့ ဂဲၩလၧယဒၧၩ့လးဖၧၩ့လီၫ.- ၦမုၪလၧအနဲၩဆၧလၧယွၩလီၩဘၪဝ့ၫနီၪ, မိလၧၫ့ထၪ့ဎွ့ၩထၪ့ဝ့ၫတၭ, ဘၪဆၧဆိၪဂ့ၩဝ့ၫလီၫ. နးမၫရံၫအဆၧစံၭထၪ့အၪ့အူၭအထၭခိၪ.နးမၫရံၫစံၭဝ့ၫ, ယၥၭယီၩအီၪက့ၪယွၩလၧဆၧအဒိၪ, တၭယၥုၪ့ထိၬၥၭထိၬလၧယွၩ, ယဆၧထိးထဲၩ့တၩ့ထဲၩ့အဖၧၩ့လီၫ. အဂဲးဘဲၫယီၩ မွဲအယိထဲၩ့ယူၭအခ့ၫအၡၩမုၪ အဆၧၡၪ့ယူၭအဂဲးဘဲၫယီၩ, ယိခွါ, ထီးယီၩစူၩယၫခိၬ, ကယဲၦအဆိၩဆိၩအကၠၪကၠၪ မိကိၭယၧၩလၧၦဘၪဆၧဆိၪဂ့ၩလီၫ. အဂဲးဘဲၫယီၩၦလၧအၥ့ၪဆၧလူၬလဂၩနီၪ မၩဆၧဖၭဒိၪလၧယဂးတၭ,…