RVA PWO KAREN

၂၀၂၁နံၪ့ လၩအ့ၫပြံၫ၁၂ၥၫ့ အဂၫလၩ့ ၇:၁၅ မံန့အခံၫ့နီၪ အီၪလၧ ဒိၩ့ပၥံၫ့ဆၧအီၪကီၪ့ ကဲၬ၁လံၬဘိၪ့ခိၪၥၫ့ခၫလဖၪႇ မံၭထၭမုၪ ခွၫ လဖၪဒဲ ဆၧ ဘိၪ့ဆၧဘၩဖိၪလဖၪ စူၭကီၪ့ထၪ့အၥၭ လၧစံၫ့ပံၫတၫၥရိၬလးဝၩ့ဖၧၩ့နီၪလီၫႉဂီၩ့နီၪ ဘဲၫၥိၭခးပယၩ့ဖၧၩ့ ဆၧဎူၫဆၧဎၩ့ဒဲ ဒံၫမိၫကရ့ၫစံၫ ကန့ထၪ့ဖျဲၪ ဖျဲၪအဂး ဒဲ စၭထၪ့လၧ လၩဖ့ၫဖီၫဝၫရံၫ(၁)ၥၫ့ ၥုၭခိၪၥံၪထၪ့အၪ့ဂူၭအလး ဆၧ တုၩ့ထၪ့တုၩ့လၩ့ကဘျၩ့ယီၩအဖၧၩ့ ၦလၧအဘၪၥံၫဖီၩ့ ခွံၬထီးလူၬလဖၪအ နးၥၭ ကထဲၩ့အီၪဘၪလၧ ဆၧမုၬဆၧၡူၪဖၧၩ့အဂးနီၪ ပဝ့ၫၥံၪလဖၪပဝံထၪ့ ဖဲၫ့ဆံၫ့ဎံၪ၅၀ဂီၩ့ ပအၪ့ကံၩ့ဘၩဆိၪဖၪဝ့ၫနီၪလီၫႉဆၧဘၩဆိၪဖၪဆၧလဖၪ ဂီၩ့ခွံၬလၧမုနၩ၈နၩရံၫဒဲ ၦလၧအဂဲၫစူၭကီၪ့ အၪ့ကံၩ့ဘၩဆိၪဖၪဆၧ ထီးလူၬကအီၪဖိၭဘိၭအဂၩ ၁၀၀နီၪလီၫႉ

လၩအ့ဎြ့ၫထၪ့ (၁၁) ၥၫ့ႇ မုဂၫနံၩအိၩႇ ၥၫ့ဎွၩဒိၪဖရၫ့စ့ၭ ကၠၧၫ့ကၠၧၫ့လၧၦအဂၩ (၈၀) မၩလၩမၩဖၩ့ ယွၩအဆၧယၫ့ၥုၪ့ယၫ့ၥၭ ဘိၪ့မုနံၩ လၧ Santo Spirito ဘၩယွၩၥရိၬဖၧၩ့လီၫႉ  Covid ဘၪဂၭဆၧဆၫအထီယီၩအကၠီၩ့ႇ ၦအဂၩ ၈၀လၧၫ့ ဂဲၫထၪ့လုထၪ့ဘၪမံဆၩလၧၥရိၬဖၧၩ့ယီၩလီၫႉ လၧမံၩဆၧဆၧလုထၪ့အဖၧၩ့ယီၩႇ ၦလၧအဘၪလၩ့လၧထီၫ့ဖၧၩ့လဖၪႇ ၦလၧအယိၦစူၭၦဆၫလဖၪႇ ၦအီၪလမုၬဆီၪ့လချဲၫ့ ဘၪလဖၪႇ ဒဲၥၫ့မုၥၫ့ခၫၥံၪလဖၪဂဲၫဘၩလၩ့ဎိၭယွၩကၠၧၫ့ကၠၧၫ့လီၫႉ အဆၧလီၩလၩ့လၬလၩ့အဖၧၩ့ႇ ၥၫ့ဎွၩဒိၪဖရၫ့စ့ၭစံၭဝ့ၫႇ “ကဆါယွၩ မၩမၧၫ့ထၪ့အထံၩအဖျဲအၥုၪ့အၥၭႇ အၪ့လဲၩထၪ့အဝ့ၫၥံၪအၥၭ ခၪ့ဖျီၪ့လၧဆၧယၫ့ၥုၪ့ယၫ့ၥၭလီၫႉ အထံၩအဖျဲလၧအဒိၭန့ဘၪဆၧယၫ့ၥၭလဖၪယီၩႇ ကဲၪထၪ့ၦလၧအယၫ့ၥုၪ့ယၫ့ၥၭဆၧလဖၪလီၫႉ အထံၩအဖျဲၥံၪန့ ဘၪအခိးအတၭ(၃) မံၩ့လၧအကဆါယွၩအအီၪႇ မွဲဝ့ၫႇ ဆၧဎူၫဆၧဎၩ့ႇ ၥၭမုဆံၫ့ဎံၪ ဒဲအဝ့ၫအဖၧၩ့လးလဖၪ(ဆၧထိးနိၫ့ထိးနၭ)…

လၧတၫ့ဆဲၫဝံးဖၧၩ့ ၡၩခမျၧးလဖၪထုၬဖျီၪထၪ့ ဆၧၥၭလုလဖၪအထီ ပယၩ့အၥုၭလဖၪနီၪ ကမၩပြံၩပြၩခွံၬၡၩခမျၧးလဖၪအဂး အီၪဂဲၫထၪ့လၧ ယ့ၫအူၩဂီၩ့ လၧတၫ့ဆဲၫဝံးအခိၪထိၬ ၥုၭဖိၪလဖၪအဆၧဒုၭဆၧခၬအကၠီၩ့ ၡၩခမျၧးအကျၩ ခၠီၩ့ယိၩတဝၫ့ဖိၪ အၥၭအီၪ၃၁နံၪ့ ကိၫကၠီၫမိၠၩနီၪ ကျီၩ့ၥၪဘၪ လၧ အၥၭဘီၩ့ထိၬဂီၩ့ ၥံၫဝ့ၫဒၪအဂဲး အဝ့ၫအထံၩၥိၭလဂၩစံၭဝ့ၫဒၪနီၪလီၫႉ ကိၫကၠီၫမိၠၩယီၩနီၪ ပၥ့ၪယၪဘၪ မွဲလၧ ဖၫၥၫ ပံၫတၫ အူၩမၠၭအီၫ့ အလံၩ ခွၫနီၪလီၫႉ လၩအ့ၫပြံၫ၇ၥၫ့ မုဂၫလၩ့၃နၩရံၫ ထီၩ့စိၩလၧ၇နၩရံၫအခံၫ့နီၪ လၧ တၫ့ဆဲၫဝံးဖၧၩ့ ဆၧဒုၭဆၧခၬကဲၪထၪ့ဝ့ၫနီၪလီၫႉ ဆၧဒုၭဆၧခၬအဖၧၩ့ ၡၩခမျၧးၥံၫဝ့ၫဒၪကဂၩဂီၩ့ ဘၪထံၭဘၪနဲၪ့ဆၫဆၫ လ့ၬအီၪဝ့ၫဒၪ ၃ဂၩတၭ ၦဂူၪဂၩဘၪထံၬဘၪနဲၪ့ကအီၪ ဖိၭဘိၭအဂၩ၂၀အဂဲး လၧတၫ့ဆဲၫဝံး…

ပၧၩစီၪဝ့ၫ မၩဖီးဖၭ ဘိၩ့ ထိးၥံၫလၩ့အၥၭနီၪ ခးအ့ၫဒိၫနံၡၩ ဆူလၫဝံစံကျိၩ့  ဆၧအၪ့နၩ့ဖီၪ့အတုုုၬနံၩ မံဆၩဆၧလုထၪ့ဂီၩ့နီၪ ပၧၩလၧဂဲၫထဲၩ့စဲၪ့လၪ့လၧ ၥရိၬဖၧၩ့လဖၪ ဒုၭထၪ့ဝ့ၫလီၫႉ  မုနွ့ၫဆံၫ့ဎံၫစၭထၪ့မဲွဝ့ၫ လၩ မၭ (၂၈) ၥၫ့နီၪ ဆူလၫဝံစံဆၨၩခးဒီၪ့လံၩထံၭကကဲၩ့ခီၫ မဲၭကၫဆၫဝံး ယ့ၫဇူၫၥၭဆံၫ့ဎံၪ ၥရိၬဖၧၩ့အခီၫနီၪ ဎရံၬဖိၪလဖၪ စူၭကီၪ့ထၪ့အၥၭအထီ ဆၧဖီးဖၭ ကဲၪထၪ့နီၪလီၫႉ အဆိၪထုၬနီၪ ၦၡၩဘၪထံၭဆၫ ကအီၪဆံၫဂၩ ပၥ့ၪယၫဘၪလီၫႉ ၦလၧလုထၪ့မံဆၩဆၧလုထၪ့မဲွဝ့ၫ Fr.Wilhelmus Tulak  နီၪ လီၩဝ့ၫ ဆၧဖီးဖၭကဲၪထၪ့နီၪကအီၪ လဂီၩ ၁၀ နၫရံၫခီၫအကၠီၩ့ ၦလၥတံၫဘၪလဂၩနီၪ ဂဲၫလၧလဲၪ့ယဲးၥိၪဂီၩ့ ကျ့ၭစၨၭနူၭလၩ့လၧ…

ဎရံၬဖိၪၥံၪအဂး မုနံၩလၩ့ဆၫ့မွဲဝ့ၫ ဘိၪ့လ့ၩဖၭမုနံၩအဆၧနဲၪ့ အၪ့ကံၩ့ ဘၩဆိၪဖၪ မၩလၩမၩဖၩ့ၡီၩ့ထၪ့ဝ့ၫလၧ ဘၫတံကၫ့နီးဖၧၩ့နီၪ ပၥၫ့ဎွၩဖရၫ့စ့ၭ နဲၪဖျီၪ့ထၪ့ ကအီၪယံၩၡီၩ့လၧ ပၧၩလၧဒုၭထၪ့ ဒံမီကရ့ၫစံၫ ခးပယၩ့ၥၭ ဘၪ့ဖိၪလဖၪၥံၪနီၪလီၫႉ ကအီၪကၠၧၫ့ကၠၧၫ့လၧ ဂၪ့ခိၪထၧၫ့ ဘံၪ့ယၫ ၥၭ ဘၪ့ၥံၪနီၪလီၫႉအထီ ဘဲၫယီၩ ဒံမီကရ့ၫစံၫ အဆၧနဲၪ့လဖၪ ဆၧမ့ၬလဲၩ့ၥၭဂဲၫနီၪ ပက ဘၪခၪ့ဂၬထၪ့လၧ ဆၧအဲၪဆၧကွံၩအကၠီၩ့ ဆၧၥ့ၪယၫနၪၥ့ၪဒဲ ဘဲၫကနါဂၧၫ့ အဝ့ၫၥံၪအလူအဂး မၩထၪ့ဝ့ၫလၧ ဆၧချံၪ့ၡူၪအဖၧၩ့ ကအီၪဝ့ၫကၠၧၫ့ကၠၧၫ့လၧ ခးပယၩ့ၥၭ ဘၪ့လဖၪ လီၫႉ  ကနံၩယီၩ လၩ့ ဘၪဝ့ၫဒၪ ဘိၪ့လ့ၩဖၭမုနံၩယီၩ ပၧၩလအဲၪဒိၭ…

နံၪ့ ၂၀၂၁ႇ လၩမၫၡၭထၪ့ ၃၀ႇ မုကနံၩယီၩႇ ၥၫ့ခိၪဒိၪဂၠိၫ့မၩ့ဆံၫ့ဎံၪႇ ၥၫ့ခၫအဂၩဖိၭဘိၭ ၄၀ ဒဲၦဆူနဲၩဖိၪလနၩ့ မၩလၩမၩဖၩ ဆၧမၩဆံၫ့ဎံၪၥိၪ(ခရံၫဇ့ၫ) မံဆၩ လၧၦဆံၫ့ဎံၪစပံတၧၫအဘၩယွၩၥရိၬဖၧၩ့ႇ လၧဒိၩ့ပၥံၫ့ကၭၥလံၬဆၧအီၪကီၪ့ဖၧၩ့နီၪလီၫႉ ဘဲၫဆၧဘိၪ့ထၪ့ဘၩထၪ့လံၬနံၪ့လံၬလၩကွ့ၭထၬဝ့ၫအၥိၭႇ  ခရံၫဇ့ၫမံၩဆၧယီၩ ဘၪဆၧလုထၪ့ဝ့ၫ လၧပြီပတံၬမုနံၩဒိၪလဂီၩခီၫ လၧမုနွ့ၫဆံၫ့ဎံၪအထးဖၧၩ့ႇ အ့ၪလမွဲဘၪမုကနံၩနံၩလၧ လၧမုနွ့ၫဆံၫ့ဎံၪအဖၧၩ့လီၫႉ  ခရံၫဇ့ၫမံဆၩယီၩ မၩနဲၪဖျီၪထၪ့ ဆၧကၧၩ့ဖျိၪ့လိၬၥၭ(ဆၧလမံၩ့ဎး)အီၪဝ့ၫ လၧၥၫ့ခိၪဒဲၥၫ့ခၫၥံၪအကျၩနီၪလီၫႉ လၧအဆၧလီၩလၩ့လၬလၩ့(တရၩ)ဖၧၩ့ႇ ၥၫ့ခိၪဒိၪဂၠိၫ့မၩ့ဆံၫ့ဎံၪရၩလၩ့ဆၧ ဘၪဎါလၧၥၫ့မုၥၫ့ခၫၥံၪအမူၩဒၩလဖၪနီၪလီၫႉ ၥၫ့ခၫကဂၩနီၪ ကဘၪအီၪဆုးကျိၭလိၬၥၭလၩ့ထံးလၩ့ဆ့ၭ လၧကဆါယ့ၫၡူၬအကၠီၩ့ႇ ကဘၪယၫ့ၥုၪ့ယၫ့ၥၭဆၧအကၠီၩ့ႇ ဘဲၫကမၩဆၧၩ့ၦဂူၫဂၩၥံၪကန့အဂးႇ ကဘၪဖ့ၪလၫ့လၩ့ၥၭလၧဆၧအီၪတဲၩ့ဝဲၩၥၭကိၭအဆၧၫ့ကိၭအထီဒံၭအကၠီၩ့ႇ ၥၫ့ခၫနီၪ ကဘၪနဲၪအဒီၩ့အထ့ၬအဂ့ၩလၧဆၧတီၩဆၧလီၩ့အဂဲး ဒဲကဘၪၥ့ၪယၫလၩ့အဆၧဂဲးဆံၭ ဘၭဆါလဖၪနီၪအကၠီၩ့ႇ ၥၫ့ခိၪဒိၪလီၩနၪ့ထၪ့အ့ၪဘၪအၥၫ့ခၫလဖၪနီၪလီၫႉ လကၭဒံၭဘၪႇ…

ၫ့ဎွၩဒိၪဖရၫ့စ့ၭ အီၪက့ၪထၪ့ ကၫပ့ၩကၭၥလံၬ စအီၪကီၪအခိၪနါကၫဒံၫနဲၫ ဟိၫစ့ၩ F. အၫဗ့ၫကူၫလၫ ဘဲၫမနံၫလၫArchdiocese ဆၧအီၪကီၪ့ခိၪနါအၥၫ့လီၫႉ လၧပြီပတံၬမုနံၩႇ မၩမၫၡၩထၪ့ ၂၅ၥၫ့ မနံၫလၫအခံၫ့ လမုဂၫခီၫ ၇ နၩရံၩနီၪ ဗၫတံၫကၪ့ ဘိၭဘၪၥ့ၪယၫထၪ့ဆၧအဂဲးနီၪလီၫႉ လၧဆၧပရၧၫ့နီၪဆၧဘိၭဘၪၥ့ၪယၫလထံၫဎးႇ မနံၫလၫကၫၥံၫဒြဲၫအဒိၩ့လွ့ၫၥံၪအလူၥီၫထၪ့ႇ လၧဆၧမုၬလၩၥၭဎွံၫႇ အ့ၫထရၫမၠူၩရီၭ(ဝံးအလံၩအဖၧၩ့) အဖၧၩ့နီၪလီၫႉ လၧမၪ့ဂၩနံၪ့အိၩႇ လၩဖ့ၪဘြူအ့ၫရ့ၫအဖၧၩ့ႇ ကၫဒံၫနဲၫလွံၩအၫ့တိၩနံၫယိၫတၩဂလ့ၫ ဘၪဆၧဖ့ၪလၫ့အ့ၪအမူၩဒၩအၥၫ့ လၧဝံးရိမၫႇ ဘဲၫၦလီၩလၩ့လၬလၩ့ဆၧၥၭထိၬပရၧၫ့အခရၧၫ့ခိၪနါအၥိၭအကၠီၩ့ႇ မနံၫလၫဆၧအီၪကီၪ့ယီၩအခိၪနါၥၫ့ခိၪဒိၪလအီၪဘၪလီၫႉ ကၫဒံၫနဲၫအၫဗ့ၫကူၫလၫယီၩ အီၪဖျဲၪလၧ ၁၉၅၂နံၪ့ႇ လၩမၫၡၭထၪ့ ၃၀ႇ လၧဝံးကၫပ့ၭနီၪတၭႇ ကဲၪထၪ့ဘိၪ့ခိၪၥၫ့ခၫလၧ ၁၉၇၆နံၪ့နီၪလီၫႉ ဘၪဆၧမၩကဲၪစၫ့ကၩလီၭအၥၫ့ခိၪလၧ ၂၀၀၁နံၪ့ႇ…

အ့ၩၡၩကၫဒံၫနဲၫၥံၪလၧအဒၪဘၪဆၧကဲၪထၪ့ခးပယၩ့ဖၧၩ့ႇ ၦခမျၧးလၧအအဲၪဒိၭ ဆၧဎူၫဆၧဎၩ့ႇ ဆၧယံၩဆၧၡီၩ့ႇ ဆၧဖီၩ့ဖျ့ၭႇ ဒဲၦလၧအအၪ့ဎါဆၫလ့ၩထၪ့လ့ၩထီၫအခွးအယါလဖၪ ဘၪဆၧမၩအၧၩ့မၩနၭႇ ဆၧမၩအၧၩ့မၩဆၫႇ ဆၧမၩၥံၫမၩဆၫအဂဲးနီၪ လၧဆၧဘၪယိၪၥၪအုၭဒိၪဒိၪလ့ၬအဖၧၩ့ ၥ့ၪယၫနါဂၧၫ့ဘၪဝ့ၫလီၫႉ ဆၧမၩအၧၩ့ဆၧဆၧ အအီၪလထုၬခွံၬအဂး ဂၪ့ခိၪထၧၫ့ဘံၪ့ယၫ ထံၫခးစၧၩ့ကီၪ့ၥံၪလဖၪ အၪ့ကံၩ့အၪ့ယၫလထံၫဎးလီၫႉ ၥၫ့ဎွၩဒိၪဖရၫ့စ့ၭဆ့ ဆၧဘၪလိၬဎွ့ၪဎီၩ့ႇ ဆၧယံၩဆၧၡီၩ့ႇ ဆၧဎူၫဆၧဎၩ့အအီၪထၪ့အဂး အၪ့ကံၩ့အၪ့ယၫဝ့ၫ အဘျၩ့ဘျၩ့ယူၭလီၫႉ ထံၫခးအီၪလၧလၧအ့ၩၡၩမုထၪ့လံၩထံၭလဖၪဆ့ အၪ့ယၫခးပယၩ့ခိၪနါၥံၪ ကချဲၩ့လၩ့ဎိၭလၧဆၧဎူၫဆၧဎၩ့ႇ ဆၧဘၪလိၬအိၭလိၬကအီၪထၪ့ထဲၩ့အဂးလီၫႉ ပဝ့ၫဒၪ အ့ၩၡၩကၫဒံၫနဲၫလဖၪႇ ပအၪ့ယၫဘၪ ၦလၧအဂဲၩဝၭလၧခးပယၩ့အဂးလဖၪႇ ၥုၭဖိၪၥံၪႇ ၦလၧအနဲၪဖျီၪထၪ့အၥၭလဖၪႇ ဆၧဘိၪ့ဆၧဘၩခိၪနါၥံၪထီးအလူၬလီၫႉ ဆၧကၪဆၧဂဲၩအအီၪပထုၬအဂး ချဲၩ့လၩ့ဎိၭဆံၭႉ ခးပယၩ့ဖိၪၥံၪယီၩ အဲၪဒိၭဆၧဎူၫဆၧဎၩ့ႇ အၪ့ဎါဆၧအၪ့လဲၩ့ထၪ့ၥၭႇ ဆၧလ့ၩထၪ့လ့ၩထီၫအခွးအယါလဖၪလီၫႉ အဝ့ၫၥံၪ…

ပ့ၩကလၩဒ့ၭခး ရၫၡၫဟံၪ ကဲၭၥလ့ၭစအီၪကီၪ လၧလၩမၭ ၁၉ ၥၫ့ အိၩ ၦလၧဂၩၭဖၭလၥ့ၪဘၪလဖၪၥံၪအဂး မၩလၩ့မၩဖၩ့အ့ၪဝ့ၫ ဝီ ဆၧဘိၪဆၧဘၩ လၧ ၦယုၭၥိၪဆၧအဂံၩၥရိၬအဖၧၩ့နီၪလီၫႉ ၦလၧပၫလၧအဖၧၩ့ကဂၩဆံၭဝ့ၫ ဆၧဘိၪဆၧဘၩယီၩ မွဲဝ့ၫဒၪ ပဂး ယွၩအဆိၪဂံၩဆိၪဘွၩ ကိၭနံၪဒ့ၭ လကၭဒ့ၭဘၪ ပၧၩၥံၪကိၭဂၩယီၩမွဲဝ့ၫဒၪ ယွၩအဖိၪၥံၪလဖၪအကၠီၩ့ ပၥ့ၪယၫနၪၥ့ၪဘၪနီၪလီၫႉ ၦမုၪလၧအမံၩ့ ပကိၭဝ့ၫ နံၪပၫ စံၭဝ့ၫ “ယွၩနီၪ ယိလၩ့ခွါလၩ့ပၧၩလၧ ပထံၩပၥိၭၥံၪဖၪ အဆၧမၩဆၧၩ့လီၫႉ ပစံၭခိးစံၭတၩဘၪ ယွၩအဆိၩဆိၩအကၠၪကၠၪနီၪလီၫႉ” ဆၧထံၪလၩ့ဒီၪအဖၧၩ့ ပၫဝ့ၫ ဆၧဘၩဆိၪဖၪႇ ဆၧလီၩလၩ့လၬလၩ့ႇ ယွၩ ယိၬထုၪ့ဆူယၪ ဒဲ…

အဲၪကွံၩဘၪထၧၫ့ဖုဝဲထံၩၥိၭၥံၪဧ့ႇ ပဆၧထိစိၩနီၪ ကဘၪအီၪဝ့ၫထံၫထံၫဆၭဆၭအဖၧၩ့နီၪလီၫႉ အ့ၪလမိန့ဘၪဆၧအနၧၩ့နီၪ ပဆၧထိစိၩကဘၪအီၪဝ့ၫလီၫႉ ပကမိထီၩ့ဝ့ၫဒၪဆၧထိစိၩအလးနီၪဘၪအီၪက့ၪထၭဝ့ၫထံၫထံၫဆၭဆၭလီၫႉ ပကလ့ၩလၧပဆၧထိစိၩအီၪဝ့ၫအလးနီၪဘၪအီၪတဲၩ့ဝဲၩ့ထၬၥၭဒဲ ဘၪမၩထၬဆၧဎိၭထံၪဎိၭဒီၪလဖၪနီၪလီၫႉ ဘၪဎၭဆၧထိစိၩယီၩအဂဲးဘဲၫပၥၭဘၪ့ဖိၪၥံၪ ကၥ့ၪယၫနၪၥ့ၪထံၫထံၫဆၭဆၭဒဲ အစၧထိစိၩကဖျီၪထၪ့ဝံၫတၡါၡါအဂးဒီၪနါခိၭနၪထၪ့ဆၧဂၩ့မၧၫ့ယီၩလါဆံၭႉ