RVA PWO KAREN

ယ့ၫရှူၬစဲၪ့ထၪ့ခွံၬထီးနီၪတၭ, ဒၪဘၪၦၡၩလၧအမံၩ့မွဲစမၭၥုၫဆၧၫ့နၩ့ဝ့ၫ လၧၦအၪ့ကံၩ့အခီၫ့အလးနီၪ တၭ,စံၭအဝ့ၫ, ဖိၬယခဲၫ့ဆံၭ. အဝ့ၫနီၪဂဲထုၪ့တၭ ဖိၬထၪ့အခဲၫ့လီၫ.- ဆၧမၩအၥၭလၧယ့ၫရှူၬဆၧၫ့နၩ့ဒံၩ့ခံၫ့ လၧစပွဲထံၭလၧအဂံၪ့ဖၧၩ့ အဘိၩ့ဘၭနီၪတၭ, ယိ ခွါ,ၦအၪ့ကံၩ့အခီၫ့ၥံၪ ဒဲၦဆၧဒဲၩဘၭဖိၪၥံၪအၪဂၩ ဂဲၫဆၧၫ့နၩ့ဒံၩ့ခံၫ့ဎုၬလၧအဝ့ၫနီၪ, ဒဲလၧအထံၩအဖျဲအၥိၭလၧစပွဲထံၭဆ့လီၫ.- ၦဖၫရစံၫလဖၪဒၪဘၪဝ့ၫတၭ, စံၭအထံၩအဖျဲၥံၪ, မွဲဘၪနီၫလၧနၥံၪအဆရၫအၪ့ဎုၬဆၧ လၧၦအၪ့ကံၩ့အခီၫ့, ဒဲလၧၦဆၧဒဲၩဘၭဖိၪအၥိၭနီၪလဲၪ.- ယ့ၫရှူၬနါဂၧၫ့တၭလီၩဘၪအဝ့ၫၥံၪ,ၦလၧ အအီၪဆီၪ့အီၪချဲၫ့လဖၪ မၩၥံၪ[ၥံၪ့ဎွံ] ဆရၫအလးအီၪအ့ၬ. မၩဝ့ၫအလးအီၪန့ၫ ၦလၧအဆၫလဖၪလီၫ.-  ဘၪယၥၭလၧဆၧယၫ့ၥုၪ့ယၫ့ၥၭတၭ, မွဲဆၧလုဆၧဖၬနီၪအ့ၬ. အနီၪလထံၪမွဲအစံၭဝ့ၫ ဘဲၫၥ့ၪလဲၪနီၪ, လ့ၩမၩလိၪဆံၭ. အဂဲးဘဲၫယီၩ မွဲယဂဲၫကိၭထဲၩ့ၦအတီၩအလီၩ့အ့ၬး အ့ၪမွဲၦဆၧဒဲၩဘၭဖိၪလခီၫလီၫ.

ၦမုၪလဖၪလၧအဖိၬယ့ၫၡုၬအခဲၫ့. လၧခဲၫ့ထဲၩ့နီၪ, ဆၧမၩအၥၭလၧအလ့ၩလီၩလၩ့လၬလၩ့ယွၩအဘၩ့အမုး အဆၧၥၭထိၬအပရၧၫ့လၧ ကယဲဒိၩ့ ကယဲတဝၫ့အဖၧၩ့ထူထူတၭ, ၦလဆံၫနံၫဂၩနီၪ အီၪလၧအၥိၭလီၫ.- ၦမုၪလနၩ့နၩ့လၧဆၧနၪအီၪ လၧအလီၩ့ ဒဲအဘၪဆၧဆၫ လၧအဘၪဆၧမၩဘျၪ ထဲၩ့ဝ့ၫလဖၪ, ၦလၧအဝ့ၫဒၪနၫ့ထၪ့ခွံၬဆၧနၪနွ့ၫဒုၩ လၧအလီၩ့နးမၫရံၫကိၭဝ့ၫ လၧမၭဂဒၫလံနံၫလဂၩ. ဒဲစဟ့ရၧၭအၡၩယိအဆၧဖိၪဆၧလံၩ, စစုဇၫအမၫ နးယိၫအၫ့နၫလဂၩ, ဒဲနးစုၫစၫ့နၫလဂၩ, ဒဲၦမုၪအဂူၫဂၩအၪဂၩ လၧအလုအၪ့လုအီၩ အဝ့ၫၥံၪလၧအဆၧ ဖိၪဆၧလံၩအီၪဝ့ၫလၧအကျၩလီၫ.

ယ့ၫၡှုၬအီၪလၧၦဖၫရစံၫစစဲမၧၫ့အဂံၪ့. တၭၦဖၫရစံၫလဂၩ ကိၭယ့ၫၡုၬဘဲၫၥိၭအမိအၪ့ဆၧလၧအၥိၭလီၫ. အဝ့ၫဒၪလ့ၩနုၬ လၧၦဖၫရစံၫအဂံၪ့ ဖၧၩ့တၭ, ဆၧၫ့နၩ့ဒံၩ့ခံၫ့ဝ့ၫလၧစပွဲထံၭနီၪလီၫ. ယိခွါ,ၦဆၧဒဲၩဘၭဖိၪၦမုၪအီၪလၧဒိၩ့ဖၧၩ့လဂၩနီၪ, ၥ့ၪယၫလၧအဆၧၫ့နၩ့ဒံၩ့ခံၫ့လၧ စပွဲထံၭလၧၦဖၫရစံၫအဂံၪ့ဖၧၩ့တၭ, ဂဲၫဆိၬကီၩ့လိးဘွၩလဖျိၪ့ အီၪလၧဆၧနၧၫ့မၧၫ့တၭ, ဆၧၫ့ထုၪ့ဝ့ၫလၧအခၪ့ထံၭ လၧအချိၫ့လခီၫတၭ,ဂၪ့ဝ့ၫ,- ၥူၫဝၭခွံၬအဝ့ၫအခၪ့လၧအမ့ၬထံၫတၭ,ထူၭခွံၬဝ့ၫလၧအခိၪၥူၪတၭ, အဲၪဂါအခၪ့တၭ,ဂုၪဝ့ၫလၧဆၧနၧၫ့မၧၫ့လီၫ. ၦဖၫရစံၫလၧအကိၭဝ့ၫလဂၩနီၪဒၪဘၪဝ့ၫတၭ, စံၭဆၧလၧအၥၭခံဖၧၩ့, အဝ့ၫလဂၩယီၩ, အ့ၪမွဲမီၪနီၪ, ၦမုၪလၧအထိၭဘၪဝ့ၫလဂၩယီၩ, မွဲၦဘဲၫၥ့ၪလဲၪဘဲၫၥ့ၪလဲၪနီၪ, မိၥ့ၪယၫဝ့ၫလီၫ. အဂဲးဘဲၫယီၩမွဲၦဆၧဒဲၩဘၭဖိၪလီၫ. …

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ ဆၧကဲၪထၪ့ ထီးအလူၬနီၪ ဘၪဆဲၫ့ဘၪထွ့ၫယၧၩအ့ၬ ပဆီၫ့မီၪ့ လန့ဘၪ အဂဲးအကၠီၩ့နီၪလီၫႉ ပကယိလၧ အထီအခံၫ့ယီၩစွါဘဲၫ ဂၪ့ခိၪထၧၫ့ဘံၪ့ယၫ န့ၩခၠၧၫအနဲၩ့အဎီၩ့ ဂၭဂီၩ့နီၪ ဂၪ့ခိၪဖိၪၥံၪ ဘၪဒၪဆၧၫ့ယၫ ကိၭဂၩဒ့ၭနီၪလီၫႉ ၦဂၪ့ခိၪဖိၪၥံၪယီၩ န့ၩခၠၧၫဆၧန့ၥၫ ထီးအလူၬနီၪ ၥိၩ့ထၪ့ဝ့ၫ ဘဲၫၥိၭအဝ့ၫၥံၪ နၫ့ဆါအပိၭအလိၬနီၪလီၫႉ အဝ့ၫၥံၪယီၩ ယိဂ့ၩယိဘၪ န့ၩခၠၧၫ အနဲၩ့အဎီၩ့ နးမံၩ့အ့ၬႇ အီၪဒၪ မၩဂၭဂီၩ့ဆၧနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ကဆါကၠဲၭ ဖ့ၪလၫ့ထးအ့ၪ ဂၪ့ခိၪဖိၪၥံၪ အတၩလၫ့နီၪ ကဘၪ ယိဂ့ၩယိဘၪ…

ၦလ့ၩမၩဆၧမၩလၧ ခးSingapore ကယန်းကၭၥလံၭဆၧအီၪကီၪ့ဖိၪလဖၪယီၩ အဂုထုၬ လုထၪ့ဘၪမံၩဆၩဆၧလုထၪ့လၧ ကယန်းအဆၧချဲၩ့ခီၫနီၪလီၫႉ ၦလၧလ့ၩခိၪလ့ၩနါ မံဆၩဆၧလုထၪ့ယီၩနီၪ မွဲဝ့ၫဒၪလၧ ဖယ်ခုံကၭၥလံၬဆၧအီၪကီၪ့ ၥၫ့ခိၪဒိၪ ဖိလစ်ဇယ်ဘထူး နီၪလီၫႉ လၩ Setember  ( 15 ) ၥၫ့ မုဆၪ ( 1:00 ) နၩရံၩအခံၪ့နီၪ လၧ Church of the Immaculate Heart of Mary ဆၧအီၪကီၪ့ၥရိၬဖၧၩ့ လုထၪ့မံဆၩလၧ ကယန်း ဆၧချဲၩ့ခီၫနီၪလီၫႉ မံဆၩယီၩနီၪလၧ ကယန်း ဆၧချဲၩ့ခီၫ မွဲအဂုၬထုၬမံဆၩဆံၫ့ဎံၪနီၪလီၫႉ…

ၦခိၭနၪဆၧဖိၪၥံၪဧ့ႇ ခီၩခီၩအိၩၦၡၩလဖၪနီၪ အၥၭအီၪဝ့ၫနံၫဆံၫဘျဲၪၥၧၫ့ဆံၫ ထိၪတၭအၪ့ဎၬႇ အၪ့နၩ့ဘဲၩဖၭစၧၥ့ၪဝ့ၫဒၪဂ့ၩဘၪစဲၪမၬန့ဖိၪန့ဝၩမွဲအ့ၬဧၪႉ ဆၧနီၪအကၠီၩ့ဘၪဒၪခီၩ့ဆၧၫ့ယၫလၧ ဂံၪ့ဒီၪ့အဆၧကၪဆၧဂဲၩလဖၪလါနၫ့အၪ့နၩ့ထိးခ့ၬအ့ၪလိၬၥၭႇ ကဂၩဒဲကဂၩအဆၧနၪၥ့ၪအ့ၪ လိၬၥၭဆ့မွဲလၡၩဘၪခိၭအၥၭဆံၭဆံၭဆိၭဆိၭအဖၧၩ့ထၪ့ၡါဝ့ၫဒၪပၧၩလဖၪအၥိၭနီၭလီၫႉ ထီးနီၪ လၧခီၩခီၩအိၩၦၡၩလဖၪနီၪ အီၪက့ၪဒိၪဝ့ၫဒၪ ဆၧမ့ၬမဲနၭဒ့ၭမွဲအ့ၬဧၪႉ ကဂၩဒဲကဂၩ ၥုၪ့ၥၭလလၩ့ဎိၭဘၪလိၬၥၭလါနၫ့ ထီၩ့အဂံၪ့ဒီၪ့ကလၩ့ပြံၩလၩ့ပြၩဘနီၭအဝ့ၫၥံၪမၩဝ့ၫ မွဲလဘၧၫ့ဘၪနီၪလီၫႉ အထီဘဲၫယီၩၥၭဘၪ့ဖိၪလဖၪနီၪဘိၭ ဒၪလိၬၥၭဘဲၫယီၩ အဲၪလိၬၥၭ ဘဲၫယီၩႇ အဲၪလိၬၥၭဘဲၫယီၩ အၪ့န့လိၬၥၭဘဲၫယီၩ အၪ့န့လိၬၥၭဘဲၫယီၩ ပျၩလိၬၥၭဘဲၫယီၩႉ ဂံၪ့ဒီၪ့အဆၧၥၭမၧၫ့နီၪအဝ့ၫၥံၪအီၪက့ၪဝ့ၫဘဲၫဖိၪၥၪဖိၪလဖၪအဆၧကွ့ၩအၥိၭနီၪလီၫႉ မွဲဆၧ ဘနီၭၦလၧအကဲၪဝ့ၫဒၪၥၭဘၪ့မုၪခွၫၥံၪဧ့ႇလချုၭပလထၪ့ၡါဒံၭဘၪအထီ ပကဘၪခိၭနၪလီၩ့ဖိၬ မန့လၪလဖၪလဲၪနီၪဘဲၫယီၩ ယကလီၩဖ့ၪနဲၪအ့ၪနၥံၪနီၪလီၫႉ အဆိၫထုၬပဆၧအဲၪတၩ့ဖိၪနံၫဂၩ ယီၩကဂၩဒဲကဂၩကဘၪဘၪထံၭယူၩယါလိၬၥၭနီၪလီၫႉၦလၧပကအီၪဎုၬဝ့ၫဒၪကဂၩနီၪ လချုၭ ပလအီၪဎုၬဒံၭဘၪလိၬၥၭအထီဆၧဘၪထံၭလိၬၥၭႇ ဆၧၥၭထၪ့လိၬၥၭကဘၪအီၪဝ့ၫနီၪလီၫႉ ပဘၪထံၭလိၬၥၭအထီကဂၩဒဲကဂၩ ပဆၧနၪၥ့ၪအ့ၪလိၬၥၭကဂဲၫဒိၪထၪ့အၪထၪ့ဒဲ အဝ့ၫ လအဲၪဒိၭဘၪနီၪအဝ့ၫကၥ့ၪယၫထၪ့ဝ့ၫဂီၩ့…

နံၪ့၂၀၂၄နံၪ့လၩစဲတံၫ့ဘၧၫ၁၃ၥၫ့နီၪ ၥၫ့ဎွၩဒၪလၩ့ဎိၭလိၬၥၭလၧ ခးစံၫကပူၫၥၭဘၪ့ဖိၪလဖၪ နီၪလီၫႉ ၥၫ့ဎွၩယီၩဆၫ့ထွ့ၫဘၪ ၥၭဘၪ့ဖိၪလဖၪ ကမၩ့ဎိၭလၩ့ဆၧယံၩယံၩၡီၩ့ၡီၩ့အဂးႇ ကကဲၪထၪ့ ၥၭဘၪ့လၧအၥ့ၪယၫအၪ့န့မူၩဒၩလဖၪအဂး ဒဲ အဝ့ၫၥံၪၥီၪ့လိၪထၬအၥၭ ဆၧကိၪ့ဘၪကိၪ့ၥ့ၪလဖၪ ကဆုးထဲၩ့ဖ့ၪလၫ့ဘၪ ဖိၪဒံၪဖိၪၥၪအဂးနီၪလီၫႉ ဆၧဒၪလၩ့ဎိၭဖၧၩ့ ဆၧမၩလိၪလး၅၀ဘျဲၪ ဒဲ ဆၧဘိၪ့ဆၧဘၩထီးလူၬဖၧၩ့ၥၭဘၪ့ဖိၪအဂၩ ၆၀၀နီၪ ဂဲၫထၪ့ဝ့ၫဒၪလီၫႉ ၥၫ့ဎွၩချဲၩ့လၩ့ဂီၩ့အထီ လချူၭဘၩဆိၪဖၪဒံၭဘၪဆၧ ကယုကစုၩဖၧၩ့ အခံၫ့နီၪ ၥၭဘၪ့ဖိၪၥံၪယီၩ အုၩ့လၩ့ထဲၩ့အၥၭ ဘဲၫယီၩအၥိၭနီၪလီၫႉ “ပၥၭဘၪ့ဖိၪၥံၪလဖၪယီၩ လၧပဆူနဲၩဝ့ၫဆၧဘိၪ့ဆၧဘၩလဖၪအကျၩ ဆၧဘၪလိၬဎွ့ၩဎီၩ့ကအီၪထၪ့အဂး ဆၧမၩဎိၭလၩ့ဆၧ ဒဲ ဆၧဖံၭထံၩဖံၭၥိၭနီၪ ပကမၩဒိၪထၪ့ထီၫထၪ့ဂီၩ့တၭ ပကအီၪဆၧၫ့ထုၪ့ ဘိၩဆၧယံၩဆၧၡီၩ့ ဒဲ ဆၧယိလါမ့ၪၡီၫအၥိၭအဂး ပအုၩ့လၩ့ကၠၭပၥၭနီၪလီၫ”. ၥၫ့ဎွၩဆ့…

လၧအဖီၩ့ခွံၬနံၫၥၧၫ့လံၥၫ့အိၩ ခးထဲၩ့လံၩခံၫကကဲၩ့ခီၫ အလးလနၩ့နၩ့နီၪ ဆၧဆၧၩ့ဎိၩဝ့ၫဒၪအ ကၠီၩ့ ထံၫဎိၩလၩ့ဒဲ ဖံၭလၩ့ဎီးဂီၩ့ ဆၧၥုၪ့ဆၧဒီၩ့လဖၪ လၩ့ဎီးဝ့ၫဒၪနီၪလီၫႉ လၧဆၧကဲၪထၪ့ဘဲၫနီၪၥိၭ အလးလဖၪအကျၩ ချင်းရိုင်ကၭၥလံၬဆၧအီၪကီၪ့ဆ့ မွဲပၫထဲးဆ့အကၠီၩ့ ချင်းရိုင်ကၭၥလံၬဆၧ အီၪကီၪ့ၥၫ့ခိၪဒိၪ ဒဲ ၥၫ့မုၥၫ့ခၫလဖၪ စံၫစတၫလဖၪနီၪ လ့ၩလီၩ့ယိထွ့ၫထဲၩ့ ဆၧအီၪကီၪ့ဖိၪၥံၪအဂဲး ပၥ့ၪယၫဘၪနီၪလီၫႉ ဆၧဆၧၩ့ဎိၩယီၩနီၪ ဘၪထွ့ၫလၧ လံၩမုလဖုၬယၫဂံၫတဲၫ့ ဂဲၫထဲၩ့ဘၪလၧ ခးဘံၫယနၫ့အထီ ထဲၩ့ဘၪဖျါထဲၩ့ခးထဲၩ့အကၠီၩ့နီၪလီၫႉ ဆၧဆၧၩ့ဎိၩအကၠီၩ့ထံၫလဖၪဂဲၫထၪ့ကဆံၭဆံၭနီၪစၭထၪ့လၧ အစီၩ့မုနံၩအိၩနီၪလီၫႉ ချင်းရိုင်ကၭၥလံၬဆၧအီၪကီၪ့ ကၥံၫဒြဲၫၥရိၬအဖၧၩ့ဆ့ ထံၫထီၩ့လၫ့ထၧၩ့ထီၩ့ လၧဆၧလုဂံၪ့အလးနီၪလီၫႉ ၥၫ့ခိၪဒိၪအကၠီးနီၪနးဆ့ ထံၫထီၩ့လၫ့ ထီၩ့လၧနံၫထၧၫ့လထၧၫ့အလး အကၠီၩ့ၥၫ့ခိၪဒိၪဆ့ အီၪဝ့ၫလၥ့ၪလၧၩ့ဘၪဂီၩ့ ဘၪၥုၭခွံၬအလးနီၪလီၫႉ ထံၫဎိၩလၩ့အကၠီၩ့…

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ Elizabeth  Ann Bayley  Seton အဂဲးအကၠီၩ့နီၪလီၫႉ ၦဆံၫ့ဎံၪ Elizabeth ယီၩ အီၪဖျဲၪလၧ နံၪ့ (၁၇၇၄) နံၪ့ လၧ ဝံး Newyork  နီၪလီၫႉ အဝ့ၫၥံၪ အဂံၪ့ဒီၪနီၪ မွဲဝ့ၫဒၪ protestan နီၪလီၫႉ အဝ့ၫယီၩ ခီၫလၧ ဖိၪၥၪအခံၫ့ဒၪအိၩ အမိမိၥံၫဖီၩ့ခွံၬအဝ့ၫတၭ ဘၪဂဲၫဎိၩထၪ့လၧ အဖါဖါနီၪလီၫႉ အဝ့ၫယီၩ ယၧၫ့ၥၭ ၦၡၪ့ဖိၪၥံၪအၪမၬဒ့ၭနီၪလီၫႉ …