RVA PWO KAREN

ထၧၫ့ဖုဝဲၥံၪဧ့ အဆိၪထုၬ ယမိအၪ့စၪ့ဘၪနၥံၪ လၧနၥံၪအဆၧၥၭမၧၫ့ဖၧၩ့ နၥံၪဒိၭန့ထၪ့ဘၪ ဆၧလဖၪနီၪ နၥံၪအီၪက့ၪ ဒိၪဧၪ နၥံၪစံၭခိးစံၭတၩထဲၩ့ကကၠၪကၠၪဧၪနဲၪႉ အၡါမၪနီၪ လၧပဆၧၥၭမၧၫ့ဖၧၩ့ ပဒိၭန့ထၬဘၪလဖၪနီၪ ပကဘၪအီၪက့ၪဒိၪဒဲ ပကဘၪစံၭခိးစံၭတၩဝ့ၫဒၪ ဂီၩ့နီၪ ပကဘၪမံၪ့ၥုၪ့မံၪ့ၥၭဝ့ၫဒၪနီၪလီၫႉ လၧပဆၧၥၭမၧၫ့ဖၧၩ့ ပန့ထၬဘၪဆၧ အီၪအၪအၪအ့ၬဧၪ အတွၭအီၪအ့ၬႉ လါနၫ့ပဒိၭန့ထၬဘၪ မန့လဲၪၥံၪလဲၪနီၪ ပကဘၪၥ့ၪယၫလၩ့ပၥၭနီၪလီၫႉလၧပဆၧၥၭမၧၫ့ဖၧၩ့ ပဒိၭန့ထၬဘၪ ပမိပဖါ ပထၧၫ့ဖုထၧၫ့ဝဲ ပဘူၭပထံး ပဂံၪ့ပဎၫ့ ပထံၩပၥိၭ ဆၫအၪ့ဆၫအီၩ ပဆၧအဲၪတၩ့ ပဆၧဖိၪဆၧဎါ ပဆၧကီၩ့ဆၧၥိၭ ဆၧလဖၪယီၩ ပန့ထၬဘၪအကၠီၩ့ ပကဘၪစံၭခိးစံၭတၩဝ့ၫဒၪ ပကဘၪ အီၪက့ၪဒိၪဝ့ၫဒၪနီၪလီၫႉ အ့ၪဂီၩ့နီၪ ပကဘၪစံၭခိးစံၭတၩ…

ယမိမိနီၪ ဂါဎံၪဎံၪလီၫႉ  အဝ့ၫနီၪ မွဲလၧၦဘၠၩ့ဆၧဆရၫမုၪကဂၩလီၫႉ အဝ့ၫယီၩဆၧဖၩ့လၫ့ယူၭစွါဘဲၫ မၩနးခီၫ့မိၡါဆၧဂဲၩဆၧဝၭယူၭႉ. အ့ၪဂီၩ့နီၪ အၪ့လူထံၫလီၫႉ အၪ့လူထံၫဂီၩ့ ကၠၧၫ့လၩ့အၥၭႇ အ့ၪဂီၩ့နီၪ အၪ့လဂီၩဆၧအၪ့ ဂီၩ့  လ့ၩလၧဆၧဆၫဂံၪ့လ့ၬ. ယမိမိနီၪ လ့ၩနၫ့ဒၪလဲၪ့ၥိၪကဂၩဘီၪႉ လ့ၩထီၩ့လၧဆၧဆၫဂံၪ့အခၫ ဒၪလိၬၥၭလၧဆၧဆၫဆါလဖၪဂီၩ့ ဘၪအၪ့စံၭအၪ့စၪ့ဝ့ၫ ဆၧဆၫအဂဲးလဖၪႇ ဘၪမၩယိခွါဆၧဆၫအဂဲးအဖးလဖၪႇ  ဘၪလီၩ့ဎွါဆၧဆၫလဖၪႇ ဘၪကွ့ၭလၩ့ထၬဆၧဆၫအဂဲးလဖၪႇ ဘၪထိၪအ့ၪ ၦၡၩဆၧအခိႇ ဘၪဆ့ၭအ့ၪၦၡၩၥံၪ့ဎွံၪႇ ဘၪဎွ့ၦၡၩ လကၭဘၪ ဘၪပဒၩ့ထၬ ကိၫရိၫနၫၥံၭလဖၪဒံၭနီၪလီၫႉ အယီၩနီၪ မွဲယမိမိအဆၧမၩအဂဲးလဖၪလီၫႉ

ပကဲၪၦၡၩကိၭဂၩဒ့ၭနီၪ မွဲလၧဆၧကမံၩ့မံၩ့အကၠီၩ့ မွဲလၧဆၧအစၪလဖၪအကၠီၩ့ မွဲပၥုၪ့ပၥၭအဂဲးလၩ့ဆါၥ့ၪဝ့ၫဒၪနီၪ လီၫႉ ၦၡၩကနၩ့နၩ့အၥုၪ့ၥၭလၩ့ဆါဂီၩ့ မၩၥံၫလၩ့အၥၭဘဲၫနီၪအၥိၭ အီၪဝ့ၫဆ့နီၪ ပဒၪယံၩယါပနါဂၧၫ့ယံၩယါနီၪလီၫႉ ကနံၩယီၩ ယအဲၪဒိၭလီၩၥ့ၪယၫအ့ၪဘၪနၥံၪနီၪ အထီဘဲၫယီၩနီၪ ထီးပဒၪဘၪဆၧအအၧၩ့ ဆၧအစၪနးမံၩ့နီၪ ၥၭအုၭဘၪနၭနၭလဂ့ၩႉ ဘၪန့လဲၪနီၪဘိၭ လၧအမ့ၬယၫအိၩ ပဂးထီလၧယၫလၧအဖဲးထၪ့နီၪ အီၪခိၭထၬပၧၩအဂဲး ပမိလီၩၥ့ၪယၫအ့ၪဘၪနၥံၪနီၪလီၫႉ ပအီၪက့ၪထၬ ပဖီၫထုၪ့ယီၩ ပကမၩထၪ့ဖျီၪအဂး ပအီၪယီၩဂဲးစီၩ့အီၪဝ့ၫဒၪအဂဲး ဆူနဲၩထၬလါဆံၭႉ နဖီၫထုၪ့ကဖျီၫ့ထၪ့ အဂးနီၪ ဆုးထဲၩ့ကျ့ၭစၨၭလါဆံၭႉ ဂီၩ့နီၪအီၪက့ၪထၬနၥၭလၧအဂ့ၩကကဲၩ့ခီၫဂီၩ့ ဆီၫ့မီၪ့စိၩထၬနၥၭနီၪ လၧအမ့ၬယၫအိၩ ယဂးထီလၧယၫလၧအဖဲးထၪ့နီၪ အီၪခိၭထၬယၧၩ အဂဲးနီၪလါဆံၭႉ ၦၡၩလၧအကျ့ၭစၨၭဝ့ၫဒၪလဖၪအဂး ထီလၧယၫအဂ့ၩဒိၪ ထုၬအီၪခိၭထၬနီၪ ယဆူနဲၩဝ့ၫဒၪတၡါၡါနီၪလီၫႉ

အီၪဆီၪ့အီၪချဲၫ့နဲၪႉ ယၧၩနီၪ စအဲၪလၩ့ဆၫ့လီၫႉ ယၥၭအီၪ ၂၅နံၪ့ဒၪအိၩ ကထၪ့ၡါလီၫႉ ယမၫနီၪဘိၭ နးဆၩ့ဘွၩလီၫႉ ပထၧၫ့မၫဝၩယီၩ ပဖိၪခွၫအီၪကဂၩ ဒဲ ပဖိၪမုၪအီၪကဂၩဘီၪႉ လကၭဘၪ လယံၬလမီးလၧၩ့ဘၪနီၪ ပဖိၪကန့ထဲၩ့ လခဲၫ့ကဂၩလီၫႉ ဘဲၫယီၩ ယမၫနီၪဒၧၩ့ဘီၪႉ အဝ့ၫဒၧၩ့ အီၪလၩ၆ဘံၪ့ယူၭႉ လၧခဲၫ့လၩ၄ဘံၪ့ကိ ကလၩ့ဖျဲၪလီၫႉ ဘဲၫလၩ့ဖျဲၪကန့ဂ့ၩဂ့ၩအဂး အၪ့ကံၩ့ဘၩဆိၪဖၪအ့ၪ အဝ့ၫအဂးလူၬအီႉ စံၭခိးစံၭတၩကိၭဂၩဒ့ၭနဲၪႉ

လၧကကၠၪအိၩ ကဲၪဒိၪကဲၪမုဝ့ၫဒၪ ၦမနံၬထၪ့မျါခွါၡါအီၪဝ့ၫဒၪကဂၩနီၪလီၫႉ ၦလၧကမိမၩအၪ့ဖံၭအၪ့လၧမနံၬထၪ့မျါ ဆၧမၩလဖၪနီၪဂဲၫၥီၪ့လိၪအၥၭဆၧၥ့ၪယၫနၪၥ့ၪလၧအဝ့ၫအီၪ အီၪဝ့ၫဒၪအၪမၬနီၪလီၫႉ ၦအၪဒၪဆၧနီၪ ဂဲၫထိးၥီၪ့လိၪအၥၭထၪ့ ဘၭ၂နံၪ့ဂီၩ့ ထဲၩ့မၩအၪ့ဖံၭအၪ့ဆၧမံၭဆၧမၩလဖၪနီၪလီၫႉ လါနၫ့လၩ့ဆၫ့ဒၪဆၧ ၦနံၫဂၩနီၪ လထဲၩ့ဒံၭဘၪဒဲ ဆုးထဲၩ့မၩလိၪဆၧမၩ လိၪလၧဖူၫခွါၡါနီၪအအီၪ ဖိၭဘိၭဆံၫနံၪ့နီၪလီၫႉ ထၪ့ဘၭဆံၫနံၪ့အခၫအဝ့ၫၥံၪအၥိၭနံၫဂၩယီၩ ထဲၩ့ထဲၩ့လၧအထံၪအခးဂီၩ့ထဲၩ့ မၩထၪ့ခီၫ့ၡၩနီၪလီၫႉ အဝ့ၫၥံၪအၥိၭနံၫဂၩယီၩ ထဲၩ့မၩဆၧမၩထၪ့ဘၭ၅နံၪ့အခၫ လ့ၩထဲၩ့လၧအဆရၫအီၪဒဲ လ့ၩကလိၭလၫ့ထဲၩ့အဆရၫ လၧလၬဆီၪ့လဖၪနီၪလီၫႉ အဝ့ၫၥံၪယီၩလ့ၩကၠၭလၧ ပလဲၪ့ၥိၪယလဲၪ့ၥိၪဒဲ လၬဆီၪ့လဖၪနီၪလီၫႉ အဝ့ၫၥံၪလ့ၩထီၩ့လၧနီၪအခၫ အၥိၭနံၫဂၩနီၪ ဒၪဆုးဆ့ၭလိၬၥၭနီၪလီၫႉ အခၫနီၪ အဲၪချံၫ့အလဲၪ့ၥိၪဒဲအလၬဆီၪ့ၥံၪလဖၪနီၪ ဂ့ၩန့အၪန့ထံၫမၧၫ့အလဲၪ့ၥိၪဒံၭ အဂဲး ထံၫမၧၫ့ယီၩထုၪ့အၥၭနီၪလီၫႉ အဲၪချံၫ့နီၪ ဒၪထဲၩ့ဘၪအၥိၭထံၫမၧၫ့အကၠီၩ့ အၥၭဎွံၪဝ့ၫဒၪဒဲချဲၩ့ဒုၪ့စိၩထံၫမၧၫ့လီၫ ထံၫမၧၫ့ဆ့ ချဲၩ့ဆၧၫ့ထဲၩ့အဲၪချံၫ့ဆ့လါနၫ့…

ပကဲၪၦၡၩလဖၪယီၩ အၪဒၪဆၧနီၪ မွဲပစီၪဆံၭလၩ့ပၥၭၥ့ၪနီၪလီၫႉ အ့ၪမွဲၦၡၩအၪ့မၧၫ့ပၧၩ ဆၧမၩဎိၩဎိၩဒိၪဒိၪကမံၩ့ယူၭ စွါဘဲၫ ပစီၪဆံၭလၩ့ပၥၭဂီၩ့ ပမၩမိဘၧၫ့အ့ၬႉ ပနဲၩလၩ့ပၥၭအ့ၬ  ဆၧနီၪအကၠီၩ့ ပနၫ့ဆါဒၪပၧၩ ဆၧဆူနဲၩလၩ့ၥၭ ကအီၪထၪ့ အဂးနီၪ ပကမၩကၠၭပၥ့ၪလဲၪ ဘၪထွ့ၪလၧဆၧအဂဲးယီၩနီၪ ယအဲၪဒိၭလီၩၥ့ၪယၫအ့ၪဘၪနၥံၪ Myanmar Excellence institute CEO ဆရၫပြည်ခိုင်အဂဲး ကဆံၭနီၪလီၫႉ အဝ့ၫအဖါဖါနီၪ မွဲလၧၦၥီၪ့လံၬဆရၫကဂၩလီၫႉ ကနံၩအဖါအၪ့မၧၫ့အဝ့ၫ အဝ့ၫကဘၪထၪ့ချဲၩ့လၩ့လၧ အဖါအထံၩ အဖျဲၥံၪအမ့ၬယၫနီၪလီၫႉ အဝ့ၫကဘၪထၪ့ချဲၩ့လၩ့အဂးဖ့ၪလၫ့ထၬအ့ၪအဝ့ၫအခိၪတၩ့နီၪ မွဲလၧ ဆၧၥုၪ့ဎွံၪၥၭယီၫအဂဲးနီၪလီၫႉ အခၫနီၪအဝ့ၫယီၩအၥၭဆံၭဒံၭဒဲ ကဘၪထၪ့ချဲၩ့လၩ့လၧအဖါအထံၩအဖျဲၥံၪအမ့ၬယၫအကၠီၩ့ အဝ့ၫယီၩ အၥၭခိဝီၩနၭလ့ၬတၭ မိထၪ့ချဲၩ့လၩ့ဝ့ၫအ့ၬအဂဲး လီၩထဲးအ့ၪအဖျါအမံၩ့မံၩ့လါနၫ့ အဝ့ၫအဖါဖါနီၪ အၪ့မၧၫ့အဝ့ၫထၪ့ချဲၩ့လၩ့ထၧၩ့အဘၭနီၪလီၫႉ…

၁ႉ ၦလၧကကဲၪခိၪနါကဂၩနီၪ အဆိၪထုၬ Self leadership လ့ၩခိၪလ့ၩနါလၩ့ၥၭကဘၪန့ ၂ႉ Team Leadership ကဘၪလ့ၩခိၪလ့ၩနါၦၡၩကဘၪန့ ၃ႉ Orgnizational Leadership ခရၧၫ့ထၧၫ့ဒီၪ့ယၫ ထံၪခးထၧၫ့ဘံၪ့ယၪနီၪ လ့ၩခိၪလ့ၩနါဝ့ၫကဘၪန့             အဆိၪထုၬအဆၫ့ ၁. ပကဘၪကဲၪထၪ့ခိၪနါလၧလးလၩအီၪဝ့ၫဒၪလဂၩနီၪလီၫႉ ဘၪန့လဲၪ အ့ၪမွဲပကကဲၪထၪ့ ခိၪနါစွါဘဲၫ ပလးလၩအီၪမၬ မွဲၦၡၩကခိၭနၪပၧၩအကၠီၩ့နီၪလီၫႉ အဝ့ၫၥံၪယီၩနီၪမွဲလအဲၪပၧၩအကၠီၩ့ ခိၭနၪပၧၩလမွဲဘၪနီၪလီၫႉ နံၫဆၫ့လဆၫ့နီၪဘိၭ ပကဘၪကဲၪထၪ့ခိၪနါလၧၦၡၩအဲၪကွံၩဝ့ၫဒၪလဂၩနီၪလီၫႉ ခိၪနါဘဲၫယီၩၥိၭလဖၪနီၪ မွဲယိထဲၩ့ခွါ ထဲၩ့အထံၩအဖျဲလဖၪႇ ခိၭနၪအ့ၪအထံၩအဖျဲလဖၪဒဲ မၩလိၪဆၧအထုၬလအီၪဘၪနီၪလီၫႉ ၦအအီၪလၧအဝ့ၫအခရၧၫ့ဖၧၩ့ လဖၪနီၪ ဂဲၫယူၭယၪ့ထၪ့အဝ့ၫယူၭႇ ဂဲၫအီၪက့ၪဒိၪလၫ့အဝ့ၫယူၭႉ အ့ၪမွဲပကကဲၪထၪ့ခိၪနါဘဲၫယီၩၥိၭနီၪ ၦအဆံၭန့ပၧၩလဖၪ…

၁ႉ မၩထ့ၬထ့ၬလါဆံၭႉ ပဆၧရွံထၪ့ယီၩနီၪ ဆၧၫ့မွဲဂ့ၩ ခၫမွဲဂ့ၩ ပကထိးဆၧၫ့ထ့ၬထ့ၬအဂဲး ခွံၬလၩ့ထၬၥၭဘဲၫနီၪဂီၩ့ လ့ၩစိၩလၧ ဖီၫထုၫ့အီၪ အလးထၧၫ့အထီၩ့လါဆံၭႉ ဘၪထွ့ၫလၧပရွံထၪ့ထၬလဖၪအဂး ဆၧအယီၩ ယမၩကမငါဧၪ ကမငါအ့ၬဧၪ ၥၭဘဲၫယီၩၥိၭနီၪ ဂၭဎ့ၭခွံၬယဲၩ့ယဲၩ့လါဆံၭႉ ပရွံထၪ့ဆၧယီၩ လၧပၥၭထ့ၬထ့ၬဖၧၩ့အကၠီၩ့ ၦဂူၫဂၩ ဂဲၫမၩတရီတပၩ ပဆၧရွံထၪ့ယီၩ မွဲလဘၧၫ့ဘၪနီၪလီၫႉ ၂ႉ အၪ့န့ထၪ့မူၩဒၩလၧ ပဆၧရွံထၪ့အဖၫ့ခိၪနီၪဆံၭႉ ပဆၧရွံထၪ့ယီၩ ဖ့ၪဆၧၫ့ထဲၩ့ပၧၩအဂ့ၩအဘၪမွဲဂ့ၩ အအၧၩ့အၥၫ့မွဲဂ့ၩနီၪ ပကဘၪထိးဆၧၫ့ထၧၫ့အန့နီၪလီၫႉ ဘဲၫပက ထီၩ့စိၩလၧ ပရွံထၪ့ထၬပဆၧထိစိၩယီၩအအီၪအဂးနီၪ ပကဘၪခွံၬလၩ့ထၬကၠီၪ့ဖျီၩ့ဂ့ၩဂ့ၩဘၪဘၪဂီၩ့ ပကဘၪမၩထၪ့ဝ့ၫနီၪလီၫႉ ပဆၧထိစိၩလဖၪကန့ထၪ့ဆၧအနၧၩ့အဂး ဆၧဖံၭဆၧမၩကၠီၪ့ဖျီၩ့လဖၪနီၪ မွဲအရ့ၩဒိၪဝ့ၫအၪမၬနီၪလီၫႉ ၃ႉ ပရွံထၪ့ထၬဝ့ၫဒၪဆၧလမံၩ့အဂး ကျ့ၭစၨၭထၪ့…

ပဂံၬဎွံၪလခဲၫ့ကဘီၩ့နီၪ ကဲၪထၪ့ဝ့ၫဒၪလၧနၧၩလီၫႉ ယဆၧၥၭမၧၫ့ဖၧၩ့ ဆၧအဲၪတၩ့ကဂၩလီၫနီၪ လၧၫ့ဎွ့ၩဝ့ၫဒၪဂ့ၩ ဘၪစဲၪယူၭလီၫႉ ယအခံၫ့အၪဒၪဆၧနီၪ ယမိမၩလူၬခွံၬဒၪလၧအဝ့ၫနီၪလီၫႉ အခံၫ့ဘဲၫယီၩဒဲ ထီၩ့လခဲၫ့ထုၬအခံၫ့နီၪ ယမိခၫ့ဂၬ ခွံၬဒၪလၧနၧၩလီၫႉ ဖီၩ့မၬလၧယဆၧအဲၪတၩ့နီၪ ယဝဲၫ့ဒိၭချိၫ့ထၬၦၡၩအဂူၫဂၩနီၪလီၫႉ စူၪလၧယဖီၪ့ထၬယီၩနီၪ ယမိဖ့ၪလၫ့အ့ၪ ဆၧမုၬဆၧ ၡူၪအၪမၬဒ့ၭနီၪလီၫႉ လၧလံၬဆံၫ့ဎံၪဖၧၩ့ၥီၪ့ၥၫ့ထၬဝ့ၫ ပဆၧၥၭမၧၫ့ထၧၫ့ဖျီၩ့ယၫအဂး ပကဘၪအီၪဒၪလၧ ပမၫပဝၩလဂၩဎး အဂးနီၪလီၫႉ ယဆၧၥၭမၧၫ့အဂး လဂၩဎးဒဲလခဲၫ့ထုၬဆၧအဲၪတၩ့နီၪ မွဲဒၪလၧနၧၩနီၪလီၫႉ ဆၧအလိၪအီၪအၪဝ့ၫဒၪ ဂၪ့ခိၪချိၫ့ဖၧၩ့ လခဲၫ့ဆၧအဲၪအၥၫ့မွဲလလိၪလၧၩ့ဘၪလီၫႉ ပဘၪအီၪန့ၫလဂၩအထီ ထီးလီၩ့ဎွါထၪ့ဘၪ ဆၧမုၬဆၧလၩလဆိလလး အဂးနီၪ လဂ့ၩႉ လံၬဆံၫ့ဎံၪဖၧၩ့စံၭထၬဝ့ၫ ဆၧအဲၪဆၧကွံၩနီၪ ဆၧအဘျံၭအဘျၪဆၧအဲၪဘိၩ့လအီၪဘၪနီၪလီၫႉ ၦလၧအအဲၪယွၩလ ဂၩနီၪ ဖီၩ့ဖျ့ၭလၧဆၧအဲၪဘိၩ့လဖၪနီၪလီၫႉ…

ပကဲၪၥၭဘၪ့အထီနီၪ ပဆၧထိၪတွၭအၪ့ဎၬလဖၪမွဲကၥၫ့ဝ့ၫဒၪ ပနးခီၫ့မိၡါဆ့ မွဲလၧၫ့ဎွ့ၩ လၧ ဆၧဆီၪ့ဆၧချဲၫ့လဖၪအကၠီၩ့ အ့ၪမွဲပၥၭလုအီၪလၧ ပကမိလ့ၩထၪ့လ့ၩထီၫစွါဘဲၫ ပကဲၪၥၭ ဘၪ့လဖၪယီၩ ပကလၩ့ဂၬဒၪ ဖီၫအထိ လၧပထိပၠၪထၪ့လဖၪနီၪလီၫႉ အခံၫ့အနီၪ အ့ၪမွဲပလ့ၩဖၧၩ့ၥၭဘၪမၪႇ ဆၧကဒုၩကမံၩ့အဖၫ့ခိၪ ပကျ့ၭစၨၭထၪ့ထၧၩ့ အဖျီၫ့အ့ၬႉ ပကဘၪ မၩပၥ့ၪလဲၪ ပၥ့ၪယၫအ့ၬႉ ပဆၧမံၫမးနီၪမန့လဲၪပၥ့ၪယၫအ့ၬႉ ပဘၪလီၩ့ ဒိၭနဲၩ့ပၥၭလၧ ၦဂူၫဂၩအအီၪဂီၩ့ ပဆၧၥၭမၧၫ့ယီၩ ပကဘၪဆုးထဲၩ့မၩပၥ့ၪလဲၪပၥ့ၪယၫအ့ၬ ဘဲၫ ယီၩၥိၭနီၪ ကြၨၭလကဲၪထၪ့ဘၪလီၫႉ ပကဲၪၥၭဘၪ့အထီယီၩ အ့ၪမွဲပၥိၩ့ပၥၭဘၪ့အခံၫ့လဖၪယီၩ လၧအခိးအတၩအီၪအီၪအ ဖၧၩ့ၥ့ၪမၬ ပကဲၪထၪ့ထဲၩ့၁ၭၡါအထီ ပဆၧၥ့ၪယၫနၪၥ့ၪကအီၪဝ့ၫဒၪအၪအၪဂီၩ့ ပမၩဆၧၩ့ၦၡၩ ကန့ဝ့ၫဒၪအၪအၪနီၪလီၫႉ ဆၧနီၪအကၠီၩ့ ပကဲၪၥၭဘၪ့အထီ…