RVA PWO KAREN

ကိၭမုဆဲၪ့နံၩ ခးပယၩ့ဖိၪၥံၪ ကမၩလၩမၩဖၩ့ဝ့ၫဒၪ ဆၨၩဆၬမုနံၩနီၪလီၫႉ ဆၧအယီၩဒုၭနၪ့ ထၪ့ထဲၩ့ပၧၩ အဆိၪထုၬလဘျၩ့ဆၧမၩလိၪဖိၪၥံၪအဆၧပိၩ့ထၪ့နီၪ ဒုၭလ့ၩထီၩ့စိၩထံၪခးယီၩ လၧဆၧပျီၩ ဖျ့ၭဖၧၩ့ၥၭဖၫ့ခိၪန့ဝ့ၫအဂဲးနီၪလီၫႉ ကလ့ၩထၪ့လ့ၩထီၫဂီၩ့ ခီၫ့ၡၩဂးကဂ့ၩထၪ့ဒဲ ကကဲၪထၪ့ဆၧပျီၩဖျ့ၭထံၪခးအဂးနီၪဘိၭ ထီးမု ဆၫကနံၩယီၩ ကၪဂဲၩဝ့ၫဘိၩ့ဒံၭနီၪလီၫႉ အဆိၫထုၬယမိလီၩဘၪနီၪ ယအီၪလၧခးပယၩ့ဖိၪၥံၪ ကၠၧၫ့ ကၠၧၫ့လီၫႉ အကၧၩ့ဒိၪထုၬနီၪဘိၭ မွဲလၧဆၧဒုၭဆၧခၭအကၠီၩ့ ၦလၧအဘၪဒၪဆၧၫ့ယၫ ဆၧကၪဆၧဂဲၩ ဆၧၡၪ့ဆၧနၭလဖၪႇ ၦၥၭၡါလဖၪႇ ဖိၪဒံၪဖိၪၥၪလဖၪႇ ၦလၧအဘၪထံၭဘၪဆၫထၬလဖၪႇ ၦလၧ အဘၪလီၩ့ဂၭဎ့ၬဆၧဒုၭဆၧခၭလဖၪ ဒဲ လၧရိုဟင်ဂျာၥံၪကၠၧၫ့ကၠၧၫ့ ယအီၪဘၪလီၫႉ ယအၪ့ကံၩ့ ဘၩဆိၪဖၪအ့ၪအဝ့ၫၥံၪအဂးလီၫႉ ၦအဖီၪ့စူၪဝဲၩလဖၪဒဲ ၦလၧအဘၪဆဲၫ့ဘၪထွ့ၫလဖၪဧ့ ဆၧဎူၫဆၧဎၩ့ ဆၧနဲၩန့ထိးၥၭ က…

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ ဂၪ့ခိၪဆၧထူၭဆၧလၧၫ့နီၪ မွဲဝ့ၫဒၪ ဆၧအဲၪဆၧကွံၩအဂး အဂဲးအကၠီၩ့နီၪလီၫႉ ပကန့ထၪ့ဘၪ ဆၧၥၭမၧၫ့ အဆိၩအကၠၪအဂး ပဘၪစူၭကီၪ့စ့ၩ လလိၪဘၪနီၪလီၫႉ အရ့ၩဎိၩထုၬနီၪ ပကဘၪ မၩထၪ့ဖျီၪဆၧအဲၪဆၧကွံၩလၧ ထၧၫ့ဖုဝဲ ဆၧအီၪက့ၪၥၭနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဂၪ့ခိၪဆၧထူၭဆၧလၧၫ့နီၪ ပလကြၨၭၥိၩ့ထၪ့ဘၪလၧ ဆၧအဲၪလၩ့ၥၭနီၪလီၫႉ ပကဘၪဆီၪ့မီၫ့အ့ၪ ၦဂူၫဂၩအဂးလိၪဝ့ၫဒၪနီၪလီၫႉ ပၥိၩ့ထၪ့ ဂၪ့ခီၪဆၧပိၭဆၧလၧၫ့ဂီၩ့  ပကဘၪ လီၩလၩ့လၬလၩ့ လံၬဆံၫ့ဎံၪဆၧပရၧၫ့နီၪလီၫႉ လကၭဒ့ၭဘၪႇ ကဆါကၠဲၭ ဖ့ၪလၫ့ထၬပၧၩ လၬဆီၫထီးအလူၬနီၪ ပကဘၪၥိၩ့ထၪ့ ပၧၩကဂၩအဂး အနဲၩအဎီၩ့ ထၧၫ့ဖု ထၧၫ့ဝဲၥံၪအဂး…

ပလီၩလၧၥံၪ့ကျိၭစွါဘဲၫ အၪဒၪဆၧ ၦၡၩကစီၪဘၪဒိၭလၧ လဘူၭဘၪလၧၦၡၩအလး ၥံၪ့ကျိၭၡါမုနၧၫ့ဖၫနးဆ့ ၦၡၩဒဲ ၥံၪ့ကျိၭနီၪ မွဲဆုးကျိၭအၥၭနီၪလီၫႉ အ့ၪၥံၪ့ကျိၭလအီၪဘၪ ဂၪ့ခိၪချိၪ့ဒဲ ခိဆၧၩ့ချံၪ့ ၦၡၩအဆၧအၪ့ဆၧအီၪ ကအၪ့လဲၩ့ထၪ့အၥၭလီၫႉ ထံၫခးအၪဒၪဆၧနီၪ အၪ့ဆၫခွံၬလၧအထံၫခး ၥံၪ့ဒဲ ဆၧပိၭဆၧလၫ့လၧအန့ထၪ့ၥံၪ့အီၪ လဖၪဂီၩ့ လၧထံၫခးကလ့ၩထၪ့လ့ၩထီၫ့အဂး ထီးန့နီၪ မွဲလါနၫ့ဂ့ၩ ၥံၪ့ကျိၭအခိးအတၩဎိၩဒိၪဝ့ၫဎွ့ပၥ့ၪလဲၪနီၪ ၦလၧအအၪ့ဎၬ အီၪၡၩခိၬဖိၪနီၪလီၫႉ ၥံၪ့ကျိၭၥံၪနီၪ လၧၦခမျၧးၥံၪအဂး အခိးအတၩန့ဝ့ၫပၥ့ၪလဲၪစွါဘဲၫ မၩဂ့ၩထၪ့ ခိဆၧၩ့ချံၪ့ႇ ဖံၬအထုၪ့လဂၭဂီၩ့ ဘၪအဂး ပဒၩ့ထၬဝ့ၫ ႇထံၫခးအခၪ့ထံၭခၪ့ဎၧၩ့မွဲဝ့ၫ ဆၧဖိၪဆၧဎါၥံၪလဖၪ အီၪဒုၩ့အၥၭအလး ဒဲ ၦခမျၧးၥံၪအဂးနးဆ့ မွဲဒံၭလၧ အၥၭကဎွံၪထၪ့ လ့ၩအီၪပွံၭအလးဒံၭနီၪလီၫႉ…

ထၧၫ့ဖုဝဲထံၩၥိၭ ၦလၧအဲၪဒိၭခိၭနၪၦဖျိၩ့ၡါဖိၪၥံၪဧ့ အီၪဆီၪ့အီၪချဲၪ့ ကိၭဂၩဒ့ၭလါဆံၭနဲၪႉ မုကနွ့ၫယီၩ ၦဖျိၩ့ၡါဖိၪအနိၪ့ ယမိဆုးအဲၪဒိၭလီၩအ့ၪဘၪနၥံၪ နးမံၩ့ဖီၫဝီၩၡါဖိၪနီၪ ထီၩ့လၧ နးမံၩ့ဖီၫဝီၩအမိယါ ၦမုၪမဲၪအဖိၪမုၪလဂၩ လ့ၩလၧနီးဖၧၩ့ ကျဲၩ့မၩထၬအၥၭ ဘဲၫနးမံၩ့ဖီၫဝီၩအၥိၭနီၪလီၫႉ ၦမုၪမဲၫအဖိၪမုၪ နးမုၪၥၧၫ့ထၧၩ့ လ့ၩထီၩ့လၧနီးဖၧၩ့အခၫ စဎွၩဖိၪနီၪ ၥ့ၪယၫလၧ လမွဲဘၪ အဝ့ၫအမၫၥၭဘီၩ့နီၪလီၫႉ မွဲဆၧဘဲၫနီၪ စမုၪလၧဂဲၫထဲၩ့ပၫနီၪ လမွဲဘၪအဝ့ၫအမၫအကၠီၩ့ လီၩဝ့ၫလီၫႉ လါနၫ့ နးမုၪၥၧၫ့ထၧၩ့နီၪ လီၩလၩ့အၥၭမွဲ နးမံၩ့ဖီၫဝီၩလီၫႉ လါနၫ့ ကမွဲဒၪကမိလီၩဝ့ၫနးမံၩ့ မွဲစဎွၩဖိၪလနဲၩ့ဘၪဒဲ အဖိၪခွၫဖိၪနးဆ့ ၥ့ၪယၫဝ့ၫလၧ လမွဲဘၪအဝ့ၫအမိမိတၭ မွဲလအဲၪဘၪဝ့ၫနးဆံၭလီၫႉ စဎွၩဖိၪနီၪ ကနံၩဒဲ ကနံၩ နၪ့ထၪ့မွဲ…

ဟၨၩ ယဆၧၥၭမၧၫ့ယီၩနီၪ အိၭဆၧအ့ၬယါဧ့ စီၪဘဲၫနီၪဂီၩ့ ၥၭနူန့ၭလဂ့ၩႉ ဘဲၫပၥၭကနူ န့ၭအဂး ၦအမၩထၪ့ဆၧနီၪမွဲၦဂူၫဂၩအ့ၬႉ မွဲကလိၭကလၭအ့ၬႉ မွဲဒၪပနၫ့ဆါဒၪပၧၩနီၪလီၫႉ ဘဲၫ ပမၩအၥိၭ ပကန့ဘၪထဲၩ့ဆၧချဲၩ့အၥိၭ ပဆၧၥၭမၧၫ့ဖၧၩ့ဂဲၫကဲၪထၪ့အ့ၪပၧၩလဖၪနီၪ မွဲဒၪပဆၧမၪ ဒၪပၧၩအကၠီၩ့တၭ ဆၧဘၪမၪဘဲၫနီၪၥိၭလဖၪနီၪ မွဲပကဘၪကွဲၪလၩ့ခွံၬနီၪလီၫႉ နစီၪလၩ့နၥၭ နလၩ့ဂံၬအၪမၬလ့ၬယူၭဧၪႉ ၥၭလၩ့ဆ့ၭလၩ့ယွၩဒံၭလဂ့ၩႉ နအၪ့ဎၬဆၧနီၪ ဘၪမၪအကၠီၩ့ မၩဂ့ၩထၪ့ထဲၩ့လါဆံၭႉ ယိလၧနနဲၩ့ဝါဝါနီၪ ကဲၪထၪ့ဘၪၦၡၩလါနၫ့ဂ့ၩ ခါကမုၪခါႇ ဘျီၪကမုၪဘျီၪႇ နါအၧၩ့ကမုၪအၧၩ့ ၦၡၩဘဲၫယီၩၥိၭလဖၪ အဆၧၡၪ့ဆၧယၬနီၪ အၪ့ဎၬယိနးထံၪ ဒၪလူၬႉ လၩ့ၥၭမဲၪဝ့ၫဒၪအၪမၬလ့ၬမွဲအ့ၬဧၪႉ အ့ၪမွဲနကအၪ့ဎၬထၪ့ဘဲၫနီၪစွါဘဲၫ နကစံၭလၩ့ထဲၩ့ ဘၪနၥၭ ယါကဆါဧ့ ယဆၧၥၭမၧၫ့ယီၩနီၪ ကီၩ့ယါဒံၭ…

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ ဆၧအဂ့ၩနီၪမၩ ဆၧလဂ့ၩဘၪ ပကဘၪ ဂၭဎ့ၭလိၪဝ့ၫဒၪအဂဲး အကၠီၩ့နီၪလီၫႉ ၦကိၭဂၩအၥၭခံဖၧၩ့နီၪ ၥၭစီၩ့ဆၧမၩ့အဂ့ၩဒဲ လဂ့ၩဘၪအီၪနံၫမံၩ့နီၪလီၫႉ ၥၭစီၩ့ဆၧမၩ့အဂ့ၩနီၪ အီၪဂဲၫလၧကၠဲၭအီၪနီၪလီၫႉ  ၥၭစီၩ့ဆၧမၩ့ အဂ့ၩယီၩနီၪ ပမၩ ဆၧမၩလၧ ဂံၪ့ဒီၪ့ဖိၪ ဆၧအီၪက့ၪၥၭ ကၥ့ၪအဂး ကဲၪခိၪကဲၪနါပၧၩနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ၥၭစီၩ့ဆၧမၩ့ အဂ့ၩယီၩနီၪ မၩဆၧမၩအဂ့ၩနီၪလီၫႉ လၩ့ဆၫ့ဒၪဆၧႇ  ကလၩ့ဘူၭလၧ ကၠဲၭအဂး ခိးဂဲးခိးဘၭ ဘၩကၠဲၭဂီၩ့ မၩဆၧအဂ့ၩထီးအလူၬနီၪလီၫႉ ဆၧအယီၩနီၪမွဲဝ့ၫဒၪ ၥၭစီၩ့ဆၧမၩ့ အဂ့ၩနီၪလီၫႉ ပကယိထဲၩ့ လၧခဲၫ့ကမံၩ့ခီၫနီၪ မွဲဝ့ၫဒၪ…

နံၪ့၂၀၂၄နံၪ့ လၩနိၫဝံၩဘၧၫ ၁၇ၥၫ့လဂီၩ ၆နၩရံၫခီၫအခံၫ့နီၪ စိန့်ဖရန်စစ်ဇေးဗီးယားမံၭထၭမုၪလဖၪ ဒိၭန့ ထၪ့ ၂၅နံၪ့စ့ၩဘျံၭယူၩဘလံၫ မံဆၩဆၧလုထၪ့အီၪဝ့ၫဒၪလၧ ဒိၩ့ပၥံၫ့ မယၩ့ခၠီၩ့နီၪလီၫႉ လၧမံဆၩဆၧလုထၪ့ဖၧၩ့ ၥၫ့ခိၪဒိၪဂဲၪထၪ့ဖ့ၪဂဲးဖ့ၪဘၭဝ့ၫဒၪ၃ဂၩနီၪလီၫႉ ၥၫ့ခိၪဒိၪလဖၪနီၪ မွဲဝ့ၫဒၪ ဒိၩ့ပၥံၫ့ ဆၧအီၪကီၪ့ၥၫ့ခိၪဒိၪ Bp.Henry Mahn Eikhlein, ဝံးတခိၩ့ဆၧအီၪကီၪ့ၥၫ့ခိၪဒိၪ Bp.Francis Than Htun ဒဲ တောင်ကြီးဆၧအီၪကီၪ့ ၥၫ့ခိၪဒိၪ Bp.အားသိုက် ၥံၪနီၪလီၫႉ ၦလၧအထိးဆၧၫ့ဒိၭန့ ကဲၪထၪ့မံၭထၭမုၪအနံၪ့အီၪထၪ့ဘၭ၂၅နံၪ့ စ့ၩဘျံၭယူၩဘလံၫလဖၪနီၪမွဲဝ့ၫဒၪ – စစ္စတာရ် ကာမဲလားမော်စီလတ် – စစ္စတာရ် ဖလော်ရာနော်ဒါး – စစ္စတာရ်…

မိ နအၪ့ဖီၫ့ၥၧၫ့ပၩလဲၪ? အမေ ဘာဟင်းချက်လဲ?ကဂီၩယီၩ ယအၪ့ဖီၫ့လၫ့ဆၫ့ယၫလၧထံၫလုၩၥၪဘီၪႉ ဒီမနက် ငါကြက်သားနဲ့ဗူးသီး ချက်တယ်လေ.အိ မွဲဧၪ ပနါဂၧၫ့ ပနိၭကွံၫလၫ့ယူၭနဲၪမိႉ အို့ဟုတ်လား ကြားတာနဲ့သွားရည်ယိုနေပြီအမေရေ.အ့ၪမွဲနၥၭဘဲၩနီၪ ထဲၩ့ဘူၭလၫ့အၪ့ဘီၪႉ နင်ဗိုက်ဆာနေရင် ပြန်ခူးစားလေ.မွဲမိဧ့ ဟုတ်ကဲ့အမေဧ့ မိ နဆၫ့ယၫယီၩ မိဂၫ့ကဆံၭနဲၪႉ အမေရေ အမေ့ကြက်သားဟင်းက နဲနဲငန်နေတယ်.မွဲဘဲၫဧၪ ယထံၭလၩ့ထံၪလၪ အၪကဆံၭကဲၪၥၭႉ ဟုတ်လား ငါဆားထည့်တာ နဲနဲများသွားတာထင်တယ်.ဂီၩ့နီၪ မိဂဲၪန့ ကိကၠၪကၠၪအိၩနဲၪ မိႉ ပြီးတော့ အရင်အခေါက်တွေထက် နဲနဲလဲပိုစပ်တယ် အမေရေ.မမွဲဧၪ ယအၪ့နီၪ ဂဲၪနၬအ့ၬနဲၪႉ ဟုတ်လို့လား ငါစားတာသိပ်မစပ်ပါဘူးဟယ်.မနနိၭဘျူၭခီၫဧၪႉ နၧၩခီၫနီၪ…

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ Francis Borgia  အဂဲးအကၠီၩ့နီၪလီၫႉ ၦဆံၫ့ဎံၪ Francis Borgia  ယီၩ အီၪဖျဲၪလၧ နံၪ့ (1510)  လၧ ခး Spain နီၪလီၫႉ  ၦဆံၫ့ဎံၪ Francis Borgia ယီၩ ခီၫလၧ ၥၭဘၪ့ အခံၫ့ဒၪအိၩ အီၪလၧကၠဲၭလူၬကၠဲၭထၫဂီၩ့ ၦၡၩအဲၪအဝ့ၫ ကိၭဂၩဒ့ၭနီၪလီၫႉ အဝ့ၫအၥၭအီၪ (၁၈) နံၪ့နီၪ လ့ၩမၩဆၧမၩလၧ ၦဎွၩခွးရိၩ့နီၪလီၫႉ နံၪ့…

ဖျိၩ့ဆၨၩၥံၪလဖၪနီၪ ခးတရူၭအလးခဲၫ့လံၩထံၭကကဲၩ့ခီၫ ကဆၫ့ လၧၥၫ့လွ့ၫဘံၩႇ မဲခီၫဘံၩဒဲ ရွံၫလံၫဘံၩ ဧရၫဝတံၫဘံၩ ဘံၩ(၃) ဘီၩ့ယီၩ ဂဲၫထဲၩ့ဖိၬထုၬလၩ့ဝ့ၫဂီၩ့ အီၪပျံၩပျၩလၩ့ထီးအဎံၩ့ လၧအဝ့ၫၥံၪထီးအလးၥံၪနီၪလီၫႉ လၧဘံၩယီၩ (၃) ဘီၩ့အဖၧၩ့ ဖျိၩ့ၥံၪအဂဲၫထဲၩ့ဖိၬလၩ့ ဧရၫဝတံၫဘံၩနီၪ အီၪလၧ ပခိၩခးဒီၪ့ ပၠ့ၫဒဲ တီၫ့ငူၫၥံၪနီၪလီၫႉ ထီးကဆၫ့ ဂဲၫထဲၩ့အီၪထီၩ့ထဲၩ့လၧ တခိၩ့ဝံးဒီၪ့နီၪလီၫႉ လၧခဲၫ့ ထီၩ့ဒံၭလၧ ပခိၩခိၪလီၩ့လီးဘီၩ့ႇ ထံၫထၪကျိၩ့ဒဲ ရခဲၫ့ခိၪလီၩ့လီးဘီၩ့ထၧၫ့ဘီၩ့ယၫနီၪလီၫႉ ဆၧလၧထံၫထၪကျိၩ့နီၪ ပခိၩခးဒီၪ့လံၩထံၭကကဲၩ့ခီၫႇ တခိၩ့ခးဒီၪ့ ဒဲ ဧရၫဝတံၫခးဒီၪ့ၥံၪနီၪ အီၪဂဲၫထဲၩ့ကိၭထၬဝ့ၫခီၫလၧ ခိၩလၩဘွၩပၧၩအထီဒံၭဒၪအိၩနီၪလီၫႉ ဆၧအလးၥံၪလဖၪယီၩ လၧအဖီၩ့ခွံၬနံၪ့ဆံၫလၩယံၬဒံၭဒၪအိၩ မွဲဝ့ၫဒၪ ပၫ့လဲၫ့ထံၫမ့ၬပၫနီၪလီၫႉ…