RVA PWO KAREN

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ ဆိၬၥၫထနၫဖိၪၥံၪအဂး ၥၫ့ဎွၩဖရၫ့စ့ၭ ဘၩဆိၪဖၪန့ဆၧအဂဲး အကၠီၩ့နီၪလီၫႉ ၥၫထနၫဆၧမၩအဂး ၦလၧလုထၪ့လၩ့ၥၭလၧ ကဆါယွၩအီၪၥံၪဧ့ႇ ယဘၩဆိၪဖၪန့နၥံၪအဂး ကိၭနံၩကိၭနၩနီၪအကၠီၩ့ ၥၫ့ဎွၩဖရၫ့စ့ၭ လီၩဝ့ၫဒၪဘဲၫယီၩၥိၭနီၪလီၫႉ ၥၫထနၫဆၧမၩအဂး ၦလုထၪ့လၩ့ၥၭ အီၪအကၠီၩ့နီၪ ၥၫထနၫကဲၪထၪ့န့နီၪလီၫႉ အဲၪကွံၩဘၪဆိၬၥၫထနၫဖိၪ ထီးအလူၬၥံၪဧ့ႇ ၦလၧလုထၪ့လၩ့ၥၭ ၥၫ့ခၫၥံၪႇ မံၭထၬမုၪၥံၪ ဒဲၦယိၩယိၩဖိၪၥံၪအဂး ပကဘၪအၪ့က့ၩဘၩဆိၪဖၪန့ အဝ့ၫၥံၪအဂးနီၪလီၫႉ ၦၡၪ့ဖိၪၥံၪအဂးမွဲဂ့ၩႇ ၦလၧဘၪထိး အီၪက့ၪပဲၩခွံၬၥၭၥံၪအဂးမွဲဂ့ၩႇ ၦလၧဘၪထိး အၪ့ဆၫအၪ့ၥၭဂီၩ့ ဘၪကဲၪ ၦၡၩဎီးၡၩၥံၪအဂးမွဲဂ့ၩ အဝ့ၫၥံၪအဂး နၥံၪကဘၪမၩဆၧၩ့ လိၪအၪမၬဒ့ၭအကၠီၩ့ ယအၪ့ယၫ…

ဒိၭ ဒိၭ အလူလဖၪထီးလူၬႇ ကွ့ၭန့ၫလၧ ကဲၪ့ကူၭ (-ၭ) အ့ၪနကွ့ၭ ကဲၪ့ထၪ့ (-ၬ) ကကၠၪႇ လံၬခဒိၭဘၪမၪႉ ၁ႉ ဒိၭ(ထံၫ)  – (ရေ) ခံသည်။ ၂. ဒိၭခၩ – ဘီလူး။ ၃ႉ ဒိၭနဲၩ့ – အမှီပြုသည်၊ မှီခိုသည်။

ဂံၪ့ဒီၪ့ကဖျိၪ့ဖၧၩ့ထၧၫ့မၫဝၩနံၩဂၩအီၪဝ့ၫတၭလဂၩဒဲလဂၩအ့ၪကမၩဆၪလိၬၥၭ စွါဘဲၫကထိးဆၧၫ့လိၬၥၭဘဲၫၥ့ၪလဲၪႉကဲၪယၥၭနီၪဘိၭဆၧကကဲၪထၪ့ကမံၩ့မံၩ့နီၪ လီၫႉအဝ့ၫၥံၪနီၪကလီၩနၪၥံၪလိၬၥၭဘဲၫၥ့ၪလဲၪႉ အ့ၪမွဲအဝ့ၫၥံၪၥုၪ့ထၪ့ထၬအဂံၪ့ဒီၪ့ ယီၩလမိလၩ့ဖၭဘၪစွါဘဲၫလဂၩဒဲလဂၩကဘၪအၪ့ကံၩ့အၪ့ယၫထဲၩ့ လိၬၥၭနီၪလီၫႉ ကဘၪအၪ့လဲၩထၪ့အၥၭနီၪလီၫႉဘဲၫပစံၭဆၧအၥိၭဝၩလဂၩနီၪ အ့ၪမၩဆၫအမၫ အၥၭစွါဘဲၫအဝ့ၫအမၪနီၪကထိးဆၧၫ့ထဲၩ့အဝ့ၫဘဲၪၥ့ၪလဲၪႉ အမၪနီၪကၥၭထၪ့ အဝၩဧၪႉလါနၫ့ဂ့ၩအမၪနီၪလီၫအီၪတီၩလီၩ့ဧၪ အဆၧမၪအီၪဧၪ အဝၩအဂးဖ့ၪလၫ့ဝ့ၫအခံၫ့ဧၪ ပကဘၪအၪ့ဎၬနီၪလီၫႉ အ့ၪမွဲအဝ့ၫတီၩလီၩ့စွါဘဲၪ ကချဲၩ့လၩ့ဎိၭလိၬၥၭ ချံၫ့ချံၫ့ဂီၩ့ ကလီၩနၪၥ့ၪလိၬၥၭဂ့ၩဂ့ၪဘၪဘၪကန့ဝ့ၫနီၪလီၫႉ ဂံၪ့ဒီၪ့ကဖျိၪ့ဖၧၩ့နီၪ ထၧၫ့မၫဝၩနံၩဂၩယီၩကဘၪကဲၪလၥွံၪဎးလယၪဎး နီၪလီၫႉ လဂၩမၩဘၪဆၧမၪ စွါဘဲၫလဂၩကဘၪနၪၥ့ၪအဝ့ၫနီၪလီၫႉ လဂၩဒဲလဂၩကဘၪဖ့ၪလၫ့လိၬၥၭ ဆၧအဲၪ ဆၧကွံၩ ဒဲကဘၪနဲၩလိၬၥၭနီၪလီၫႉ အကၧၩ့ဒိၪထုၬနီၪ မွဲဆၧၥ့ၪယၫနၪၥံၪလီၫႉ

အဲၪကွံၩဘၪထၧၫ့ဖုဝဲဎြံၬဖိၪၥံၪဧ့ႇ (၁) လၧဆၧၥၭထိၬပရၧၫ့လနံၩယီၩအဖၧၩ့ႇ ပနါဂၧၫ့ဘၪယ့ၫၡုၬဒုၭနဲၪဖျီၪထၪ့ၥၭလၧအထံၩအဖျဲၥံၪအမ့ၬယၫႇ စံၭအဝ့ၫၥံၪႇ မွဲဆၧအမုၬအီၪလၧနၥံၪအလီၩ့ဆံၭ. ယ့ၫၡူုၬအဆၧချဲၩ့ႇ မွဲဆၧအမုၬအီၪလၧနၥံၪအလီၩ့ဆံၭနီၪ လၧဆၧၥၭထိၬပရၧၫ့လနံၩယီၩအဖၧၩ့ ပနါဂၧၫ့ဘၪ (၃) ဘျၩ့လီၫႉ  ဘၪနီၪလဲၪစွါဘိၩ အထံၩအဖျဲၥံၪလဖၪ ယ့ၫၡုၬမွဲအဝ့ၫၥံၪအဆရၫႇ အကဆါႇ လအီၪလၧၩ့ဘၪအဝ့ၫၥံၪအၥိၭတၭႇ ၥၭမဲၪၥၭဖျဲၩ့ဆၧႇ အၥုၪ့အုၭၥၭအုၭ ဒဲလကၭဒံၭဘၪႇ ယ့ၫၡုၬမၧၫ့ထၪ့ထဲၩ့လၧဆၧၥံၫအဂဲးနီၪ အဝ့ၫၥံၪနါဂၧၫ့ဘၪလါနၫ့ဂ့ၩႇ လဒၪဒံၭဘၪယ့ၫၡုၬလၧအဝ့ၫၥံၪအမ့ၬၥၪအကၠီၩ့ႇ အၥၭဂံၩ့ဂၩ့ဝ့ၫဒိၪဒိၪလ့ၬလီၫႉ မွဲဆၧဘနီၪအကၠီၩ့ႇ ဘဲၫၥိၭအထံၩအဖျဲၥံၪအၥၭကလၧၫ့ထၪ့ဎွ့ၩထၪ့ထဲၩ့လၧဆၧမုၬဆၧၡူၪႇဒဲ လၧဆၧဆူနဲၩအဂး ယ့ၫၡူၬဒုၭနဲၪဖျီၪထၪ့ၥၭႇ အဆိၫထုၬႇ ဖ့ၪလၫ့အထံၩအဖျဲၥံၪ ဆၧမုၪဆၧၡူၪႇ ဒဲဆၧၥုၪ့ထိၬၥၭထိၬလီၫႉ (၂) နံၫထံၫလထံၫယီၩႇ ယ့ၫၡုၬစံၭအထံၩအဖျဲႇ ဘဲၫယဖါအၪ့မၧၫ့လၩ့န့ယၧၩအၥိၭနီၪႇ ယမိအၪ့မၧၫ့လၩ့န့နၥံၪဘဲၫနီၪၥိၭလီၫႉ ယ့ၫၡုၬဖ့ၪလၫ့အထံၩအဖျဲၥံၪ ၥၭမုဆံၫ့ဎံၪတၭႇ ကကွဲၪဖျါခွံၬၦၡၩအဆၧမၩမွဲဂ့ၩႇ…

ဆၧဘံၪၥိၭလဖၪၥံၪယီၩ အ့ၪပခွံၬၡိၬထၪ့ဘဲၫယီၩၥိၭအခၫ ကဆုးကဲၪထၪ့ဝ့ၫဆၧအအၧၩ့လဖၪနီၪ ဘဲၫယလီၩ ထၬအဂုးခိၪအိၩအၥိၭ အၪဝ့ၫအၪမၬနီၪလီၫႉ အ့ၪပနီၫစွါဘဲၫ ဆၧအၪ့စၪ့ကအီၪလၧ ပမၩထဲၩ့အဂူၫဂၩန့နးမံၩ့အ့ၬဧၪႉ ကဝ့ၫနီၪ မွဲပၥိၩ့ထၪ့ထဲၩ့နးကၠၪဒီၭ ၥ့ၪဒံၭနီၪလီၫႉ ၥဲၫထံၫခးနီၪ ဘဲၫထံၫခးလ့ၩထၪ့လ့ၩထီၪ့ဝ့ၫအၥိၭ  ဆၧဘံၪၥိၭနီၪ မွဲၦလၧအမၩကဲၪထၪ့ဝ့ၫဘဲၫထီၪ့ၥံၪနီၪလီၫႉ အၡါမၪနီၪ ပအၪဒၪဆၧ ပခွံၬၡိၬခွံၬ ဆၧဘံၪၥိၭၥံၪလဖၪနီၪ ပကဘၪၥိၭထၪ့ထဲၩ့ပၥ့ၪလဲၪ မွဲလၧ ပၥ့ၪယၫဘၪနီၪလီၫႉ ပကၥိၩ့ထၪ့ထဲၩ့ ပၥ့ၪယၫယူၭလါနၫ့ ပကဘၪၥိၩ့ပၥ့ၪလဲၪ မွဲပဆုးအၪ့ဎၬလန့ဘၪလီၫႉ ဆၧအယီၩနီၪမွဲ ဂၪ့ခိၪယီၩ ပလၭစတ့ၭဆၧဘံၪၥိၭလဖၪ ပလီၩ့အၪ့ထုၪ့ဎီၩ့လူၬလၧၩ့အ့ၬ ဘၪအၪဝ့ၫဒၪ အဂဲးအဖးနီၪလီၫႉ မွဲဆၧဘဲၫနီၪ ဆၧလၧဆၧဘံၪၥိၭနီၪ လၧပၥိၩ့ထၪ့ထဲၩ့ဘၪအကၠီၩ့ ဘၪကဲၪထၪ့ဆၧဘံၪၥိၭနီၪလီၫႉ အ့ၪပကၥိၩ့ထၪ့ထဲၩ့ လၧအဂူၫဂၩစွါဘဲၫ ဆၧဘံၪၥိၭနီၪ…

ၦနွ့ၫမုၪၥံၪနးဆ့ အဖါဖါလီၩနီၪ စီၪဝ့ၫအၡါမၪဘိၭ ခိၬကၠၭဝ့ၫလၥၨၩႉ လါနၫ့ မွဲအဖါဖါလဂဲၫထဲၩ့ဘၪလၧအဝ့ၫၥံၪအီၪ နးကၠၪလီၫႉ လၧခဲၫ့ ဆၧကဂဲၫခံၭလၩ့လီၫ အဖါဖါမွဲဂဲၫထဲၩ့နးကၠၪလၧၩ့တၭ စီၪဘၪဝ့ၫ ဘီၪအဲၪ့အဖါဖါဘိၭ လီၩယိဎွါကၠၭဝ့ၫလၧ ၡိၬကျၩဖၧၩ့နီၪလီၫႉ ၦနွ့ၫမုၪၥံၪယီၩ ထဲၩ့အဂံၪ့ခီၫ မဘၪလၧၩ့ဧၪအ့ၬ ဆၧခံၭယူၭတၭ ၥၭမဲၪဆၧ ကကၠၪကၠၪ အထၧၫ့ဖုဝဲမုၪနွ့ၫဂၩယီၩ ဖီၪ့ဝၭထၬလိၬၥၭဂီၩ့ဂၪ့ကၠၧၫ့ကၠၧၫ့ အဝ့ၫၥံၪဘၪထိးဆၧကၪဆၧဂဲၩလၧ ၡိၬကျၩ အမံၩ့မံၩ့နီၪလီၫႉ ၦနွ့ၫမုၪၥံၪလဖၪယီၩ လီၩလ့ၩလၧ ၡိၬကျၩ အခံၫ့ယံၬ နံၫၥၫ့ကကၠၪ အၪ့ဘၪဆၧနးမံၩ့အ့ၬ အီၩဘၪထံၫဧၪအ့ၬ ကလၩ့ထံၩဖါထီနီၪ လဘူၭလယဲၩ့ဘၪလၧအဝ့ၫၥံၪ နီၪ နါဂၧၫ့ထံၫကၠီၪ့ဆ့ၭယွၩလၩ့ကဒုၩတၭ ဆုးလ့ၩဝ့ၫထၧၩ့အထီၩ့နီၪလီၫႉ အဝ့ၫၥံၪ လ့ၩထီၩ့လၧ ထံၫကၠီၪ့ဖိၪနီၪကကၠၪ…

ပကဲၪၦဖျိၩ့ဖိၪၥံၪယီၩ အၪဒၪဆၧနီၪ ပၥၭဂ့ၩၥၭဘွၩအီၪ လကၭဘၪ ပဆၨၫကၠၭဒံၭႉ ပၥၭဂ့ၩၥၭ ဘွၩအီၪ ပအီၪၥ့ၪတီၩတီၩလီၩ့လီၩ့နီၪ မငါႉ လါနၫ့ဂ့ၩ အ့ၪပဆၨၫနီၪဘိၭ မငါလၧၩ့အ့ၬႉ ဘၪထွ့ၫလၧ အဆၧအဂဲးယီၩ ယဖီထၬဘၪလၧ လံၬစီၩ့ဖၧၩ့ လၧအခီၩ့အိၩ လၧဒိၩ့မုတဝၫ့ၥံၪနီၪ ဆၧဂၩ့မၧၫ့ၥံၪ စဲၭလူလဲၥံၪ စဲၭလူၥီၫၥံၪ အီၪနၭဒံၭအ့ၬမွဲအ့ၬဧၪႉ အနီၪဒၪအိၩ အ့ၪမွဲဆၧဘိၪ့ၥံၪဘၪၥံၪ အီၪအခၫ ၦၡၩလီၩ့အၪ့လံၩ့ ဝဲလၫ့စဲၭလူလဲ ဘနီၪအီၪဘီၩႉ အနီၪ ၦထၧၫ့ဖိၪဖါနံၫဂၩနီၪ လီၩ့အၪ့လံၩ့လၩ့ အစဲၭလူလဲဘနီၪဂီၩ့ လီၩ့ဎွါကၠၭကျိၪစ့ၩလၥၨၩႉ အဝ့ၫၥံၪအစဲၭလူလဲနီၪ အ့ၪမွဲပျၩကမံၩ့မံၩ့စွါဘဲၫ အဝ့ၫၥံၪယီၩ ဘၪလ့ၩမၩဂ့ၩလၫ့ထဲၩ့ဝ့ၫလၥၨၩႉ လၧအဝ့ၫၥံၪ လ့ၩမၩဂ့ၩလၫ့ယံၩယါဝ့ၫအလး ၦအမၩဂ့ၩလၫ့ဆၧနီၪ…

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ ဆၧလမီၪ့ဎီၩ့ဘၪနီၪ မၩဒိၪထၪ့အၪထၪ့ ဆၧအခိးအတၩ အဂဲးအကၠီၩ့နီၪလီၫႉ ဆၧလမီၪ့ဎီၩ့ဘၪအီၪနီၪ ပဘၪၥၭမဲၫလိၪအ့ၬ ပအီၪၥၭမၧၫ့ဖၧၩ့  ဆၧလမီၪ့ဎီၩ့ဘၪ အီၪအမံၩ့မံၩ့အကၠီၩ့နီၪ ပန့ထၪ့ဘၪ ဆၧမုၬဆၧလၩအမံၩ့မံၩ့နီၪလီၫႉ ဆၧလၩ့ဆၫဒဲ ဆၧယံၩၡီၩ့နီၪ ခီၫလၧဎရံၬဖိၪၥံၪ စၭထၪ့အီၪဒၪအိၩ အီၪထၬဝဲၩ့နီၪလီၫႉ ဆၧလၩ့ဆၫ ၥၭနီၩ့ထၪ့ဒၪဆၧ ပကဘၪမၩလီၩပျၩ့ ကၩ့ကၩဎိၬလၩ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧလမီၪ့ဎီၩ့ဘၪအီၪနီၪ ဎရံၬဖိၪၥံၪအဂး ကဆါယွၩဖ့ၫအ့ၪ အခိးအတၩကမံၩ့နီၪလီၫႉ ပကယိ မုၬထၪ့ခးဒီၪ့ ဎရံၬဖိၪၥံၪစွါဘဲၫ အဝ့ၫၥံၪဘိၪ့ထၪ့ဘၩထၪ့ ဆၧမီၪ့ဎီၩ့လိၬၥၭ အီၪန့မံၩ့အ့ၬ လါနၫ့ အဝ့ၫၥံၪယီၩ အီၪအၪ့လၧ…

ၥၭလၩ့ဂူၬနီၪ အၪ့ယူခွံၬ ဂံၪ့ဒီၪ့ဖၧၩ့ ဆၧအဲၪဆၧကွံၩ ဆၧၥ့ၪယၫနၪၥ့ၪဒဲ ဆၧဆူၩနဲၩ လဖၪၥ့ၪဝ့ၫဒၪလီၫ ဆၧနီၪကၠီၩ့ ၥၭလၩ့ဂူၬနီၪ မွဲဂံၪ့ဒီၪ့ဆၧကဲၪဆၧဂဲၩ ကမံၩနီၪလီၫ အ့ၪမွဲဂံၪ့ဒီၪ့ဖၧၩ့လဂၩဒဲလဂၩကစၧၩ့ထၬလိၬၥၭဆၧမၪစွါဘဲၫဆၧဘၪထံၭဘၪနဲၪ့ကအီၪထၪ့လီၫအ့ၪဆၧဘၪထံၭဘၪနဲၪ့အီၪထၪ့ယူၭစွါဘဲၫ ဂံၪ့ဒီၪ့ဆၧမုၬဆၧလၩ ကလၩ့မါဝ့ၫနီၪလီၫႉမွဲဘဲၫနီၪအကၠီၩ့လံၬဆံၫ့ဎံၪဖၧၩ့လီၩထၬဝ့ၫ ဆၧၥုၪ့ခါၥၭလၩ့ ထီးအလူၬနီၫႉပကဘၪအီၪပဲၩခွံၬဝ့ၫလီၫႉ ဆၧနီၪအကၠီၩ့ ဘဲၫၥိၭဂံၪ့ဒီၪ့ကဂုးခၧၫ့အဂး ဂံၪ့ဒီၪ့ဖၧၩ့ဆၧမုၬဆၧလၩကအီၪအဂးပကဘၪအီၪပဲၩထၬ ဆၧလဖၪနီၪ မွဲဝ့ၫဒၪလၧ ဆၧစၧၩ့ထၬလိၬၥၭဆၧမၪဒဲ ၥၭလၩ့ဂူၬနီၪလီၫႉ