RVA PWO KAREN

ဘၪထွ့ၫလၧ ၥၫ့ဎွၩဖရၫ့စံအဆၧလ့ၩဆၧထဲၩ့လၧ Asia ဒဲ Oceania အဖၧၩ့နီၪ ၦဎြံၬဖိၪၥံၪလဖၪ ကန့ထၪ့ဘၪ ဆၧဆူနဲၩအဆၧၥ့ၪယၫဒဲ ဂဲးဘၭအဂဲး ကၫဒံၫနဲၫ ခၠၩစဘိၫနီၪ စံၭဝ့ၫဒၪနီၪလီၫႉ “ၥၫ့ဎွၩအဆၧလ့ၩဆၧထဲၩ့လၧ ခးအ့ၩၡၩဖၧၩ့ကဘျၩ့ယီၩနီၪ ခးအ့ၩၡၩဖိၪၥံၪအဂး ဆၧဆူနဲၩ အဂဲးကဆီၪ့ထၪ့ဒဲ ဆၧဆူနဲၩဆၧၥ့ၪယၫနၪၥ့ၪလဖၪ ကဒိၪထၪ့ဝ့ၫလီၫႉ ဘၪနီၪလဲၪစွါဘဲၫ ၥၫ့ဎွၩအ ၥုၪ့အၥၭနီၪ လယဲၩ့ဘၪလၧ ခးအ့ၩၡၩဖိၪၥံၪအကၠီၩ့ ၥၫ့ဎွၩအဆၧလ့ၩထဲၩ့ယီၩ ဖ့ၪနဲၪပၧၩအဂဲးႇ ခးအ့ၩၡၩဖိၪၥံၪအၪဒၪဆၧနီၪ ဒၪဘၪဒဲနါဂၧၫ့ဘၪၥၫ့ဎွၩအဂဲးအဖးလဖၪ လၧဆိၫၡဲၫမံၫဒံၫယၫအဖၫ့ ခိၪလီၫအကၠီၩ့တၭ ဆၧအယီၩမီၪ့ဎီၩ့ဒၪ အဝ့ၫၥံၪလၧၥၫ့ဎွၩအကျၩ အဆၧၩ့ယဲၩ့ဝ့ၫဒၪအဂဲးႇ ဘဲၫယီၩနီၪ ၡၩခမျၧးၥံၪ ကဒၪဘၪၥၫ့ဎွၩလၧခီၫ့အကၠီၩ့ အၥုၪ့ၥၭဂဲၩဝၭထၪ့ကၠၭယူၭအဂဲးႇ ၡၩခမျၧးၥံၪယီၩ ကန့ဘၪ…

ၦမၩဎွ့ၩပၩရမံၫနီၪ ပကဲၪလၫ့ထၧၫ့မၫဝၩနီၪမွဲအ့ၬႉ ပကဲၪလၫ့ထၧၫ့မၫဝၩလါနၫ့ ပကဲၪထၪ့ ၦမၩဎွ့ၩပၩရမံၫလမွဲဘၪလီၫႉ ဆၧအဲၪတၩ့ဖိၪၥံၪအၪဒၪဆၧ ဆီၪ့မီၫ့ထၬဝ့ၫနီၪ ပဂဲၫထဲၩ့အဲၪလိၬၥၭအနံၪ့အ့ၪယံၭဂီၩ့ အ့ၪပအီၪဎုၬဘၪလၧ ပအဲၪဝ့ၫဒၪၦလဂၩစွါဘဲၫ အနီၪစီၪဘၪဝ့ၫလၧ ပကဲၪထၪ့ၦမၩဎွ့ၩပၩရမံၫ ယူၭနီၪလီၫႉ အၡါမၪဆၧအဂဲးယီၩယိၬန့အယီၩဒံၭႉ ဆၧနီၪအကၠီၩ့ ကနံၩယီၩ ယအဲၪဒိၭလီၩၥ့ၪယၫအ့ၪဘၪနၥံၪ ပၩရမံၫ၁၀မံၩ့အဂဲးဒဲ ပၩရမံၫလဖၪယီၩ ပကဘၪမၩဎွ့ၩထၪ့ပၥ့ၪလဲၪအဂဲးနီၪလီၫႉ ပၩရမံၫအဆိၪထုၬကမံၩ့နီၪ မွဲလၧဆၧဖ့ၪလၫ့နီၪလီၫႉ ဘဲၫအဝ့ၫကအီၪဘၪအၪ့ဘၪဂ့ၩဂ့ၩ အဂး လၧပဆၧအီၪဝ့ၫအဖၧၩ့ ပဖ့ၪလၫ့အ့ၪအဝ့ၫလီၫႉ လၧဆၧဖ့ၪလၫ့နီၪအဖၫ့ခိၪ လအီၪက့ၪဘၪ ဆၧအီၪက့ၪထၪ့ထီၫၥၭ ဘဲၫၥိၭ အဝ့ၫနီၪယဖ့ၪလၫ့မၬန့ဘၪဝ့ၫဘဲၫနီၪလီၫႉ ကန့ထဲၩ့အဂးဆ့ ယိလါဝ့ၫဧၪအ့ၬႉ အယီၩနီၪ မွဲလၧဆၧဖ့ၪလၫ့ပၩရမံၫနီၪလီၫႉ ၂ႉ အီၪဝ့ၫဒၪလၧ တခ့ၭဖဝၭဂ့ၩဘွၩအဖၧၩ့လီၫႉ လၧဆၧအဲၪတၩ့ၥံၪအကျၩ ကဲၪထၪ့ယံၩယါဆၧဘံၪဘူၪကမံၩ့နီၪ…

လံၬလဲအဂ့ၩနီၪ ဝဲထၪ့အ့ၪပၧၩ ပခိၪနူၬ ပဆၧဆီၫ့မီၫ့ ဘဲၫၥိၭပလမၩဘၪ ဆၧဘၪမၪအဂး ပထုၪ့ၥုၪ့ထုၪ့ၥၭၥ့ၪနီၪလီၫႉ ပဖီလံၬနီၪမွဲဝ့ၫဒၪလၧ ပနးခီၫ့နးၥၭအဂးပအီၪက့ၪတဲၩ့ဝဲၩ့ပၥၭအကၠီၩ့ ၥၫ့ဎွၩ Francis နီၪကွ့ၩထၬဝ့ၫလၧ ‘letter to future priests ‘ လံၬအဖၧၩ့နီၪလီၫႉ ၦလၧမၩဆၧၩ့ဆၧအီၪကီၪ့ ၥၫ့ခၫၥံၪလဖၪ ဆၧအီၪ့ကီၪ့ၥၭဘၪ့မုၪခွၫၥံၪလဖၪနီၪ ၡါဒီၩ့ၥံၪဒဲ ထၭခိၪၥံၪနီၪအဲၪကွံၩဖီကၠၭဝ့ၫမုၬအၪမၬလီၫႉ  ဖၧၩ့ၥၭယီၩနီၪ မွဲဝ့ၫဒၪလၧ ပၧၩကဂၩအဂး ပၥုၪ့ထၪ့ ဆၧဒိၪထုၬကုၭဎွ့ၩနီၪလီၫႉ ၥဖၠးကၠီးလဖၪအဖၧၩ့ ဘဲၫၥိၭကဖီကၠၭလံၬအဂး ဆၧပဂၨၪထၪ့နီၪ ကွ့ၭဝ့ၫလၧ လၩယူလဲၪ (၁၉) ၥၪ့ဒၪအိၩဂီၩ့ လၩအီဂၧၭ (၄) ၥၪ့ဒၪအိၩ အၪ့နၩ့လၩ့ထဲၩ့ဘၪဝ့ၫနီၪလီၫႉ ဆၧထိစိၩနီၪမွဲဝ့ၫဒၪလၧ…

ဆၧမၩလၩမၩဖၩ့ ယွၩအမိဆံၫ့ဎံၪဘၪဆၧဆိၬထၪ့လၧမူၭခိၪဖၧၩ့ ဘိၪ့မုနံၩယီၩ မွဲဝ့ၫဒၪ ဆၧမၩလၩမၩဖၩ့ ယွၩအဆၧယၫ့ၥုၪ့ယၫ့ၥၭအဘိၪ့မုနံၩလီၫႉ နးမၫရံၫဘၪဆိၬထၪ့ လၧမူၭခိၪအဂဲးယီၩ ဖ့ၪလၫ့ပၧၩ ဆၧယိလါ လၧမုနံၩအလးခဲၫ့ထုၬကကၠၪႇ ယွၩကဒုၭဂဲးထုၪ့မၧၫ့ထၪ့ထဲၩ့ပၧၩဂီၩ့ႇ ပနးခီၫ့ဒဲပနးၥၭ ကဘၪဆၧဆိၬထၪ့လၧမူၭခိးဘၩ့မုးအဖၧၩ့နီၪလီၫႉ ခၫ့ဖျီၫ့ယၧယွၩ အခိးအတၩႇ ဒဲပဆၧၥၭမၧၫ့အဂ့ၩတၭႇ ကနံၩကကၠၪႇ ပကစံၭထၪ့အၪ့အူၭႇ ပမၩလၩမၩဖၩ့ယွၩ ကၠၧၫ့ကၠၧၫ့လၧကဆါမုၪနးမၫရံၫယၩလီၫႉ ဘိၪ့မုနံၩယီၩ ဖံၭၥိၭပၧၩ ဘဲၫၥိၭ ပဖိၬထွ့ၫယိဒီၩ့ ယွၩအမိဆံၫ့ဎံၪ အဆၧဆူနဲၩ ဒဲအဆၧခိၭနၪယွၩအလူအထၫႇ ဒဲမၩလၧၫ့ထၪ့ဎွ့ၩထၪ့ ယွၩအၥၭနီၪလီၫႉ ၦမုၪနၩ့ၥံၪ့ဆ့ၭနးမၫရံၫယၩ အီၪက့ၪဆံၫ့ဎ့ၪလၩ့ၥၭ ဒဲ ဆၪ့လၩ့ၥုၪ့ဆၪ့လၩ့ၥၭ လၧအဆၧၥၭမၧၫ့ဖၧၩ့အကၠီၩ့ႇ အဝ့ၫဒိၭန့ဘၪခိၪဖၭႇ ဘၪဆၧဆိၬထၪ့ဝ့ၫ လၧမူၭခိၪအဖၧၩ့လီၫႉ ပဝ့ၫၥ့ၪလဖၪယီၩႇ ဘဲၫကဆါမုၪနးမၫရံၫအၥိၭႇ…

ဂံၪ့ဒီၪ့ဖိၪၥံၪအီၪက့ၪထၭဆၧဆူၩနဲၩ့ ဒဲဆၧယိလါလၧယွၩအဖၫ့ခိၪနီၪမွဲလလၫ့ဎွ့ၩ ဘၪလၧ အဝ့ၫၥံၪအဂးနီၪလီၫႉဆၧအဲၪဆၧကွံၪပၫမၬလၧၫ့ဎွ့ၩဝ့ၫဒၪလီၫႉ ဆၧဆူၩနဲၩႇဆၧယိလါဒဲ ဆၧအဲၪ ဆၧကွံၩအီၪဝ့ၫၥၧၫ့မံၩလီၫႉ တၭလၧၥၧၩ့မံၩအကျၩနီၪဆၧအဲၪဆၧကွံၩနီၪမွဲအဒိၪထုၬလီၫႉ ဆၧအဲၪဆၧကွံၩနီၪလၧဂံၪ့ဒီၪ့ဖိၪၥံၪအဂးမၩလၩ့ပၠၪအ့ၪဘၪလၧအဂံၪ့ဒီၪ့အဂး ဆၧကဲၪဆၧဂဲၩ လဖၪန့ဝ့ၫဒၪလီၫႉ ဂံၪ့ဒီၪ့ဖၧၩ့လၧဆၧအဲၪဆၧကွံၩပၧၩ့ထၭဘၪလိၬၥၭစွါဘဲၫ လဂၩဘၪလဂၩ ဆၧယုၬယၪ့အီၪဝ့ၫလီၫႉဖ့ၪလၫ့လိၭၥၭဆၧအဂ့ၩန့ဝ့ၫလီၫႉဖ့ၪဂဲးဖ့ၪဘၩလိၭၥၭလီၫႉ                                                                      လီၩ့ဎွါလိၭၥၭဆၧဒဲၩဘၭအ့ၬႉ ဖျါခွံၬလိၭၥၭအဆၧမၪဒၪလိၭၥၭအဂ့ၩနီၪလီၫႉအ့ၪမွဲဆၧအဲၪ ဆၧကွံၩအီၪနီၪထိးဆၧၫ့လိၭၥၭန့ဝ့ၫဒၪလီၫႉအ့ၪမွဲဆၧအဲၪဆၧကွံၩလၧအီၪဘၪနီၪ လဂၩဘၪ လဂၩယိဎွါလိၭၥၭအဆၧမၪဒဲကွဲဖျါလိၭၥၭလန့ဘၪနီၪလီၫႉလၧယံၭလၧမီၫ့ဘၪႇ ဘၪဒၪ ဆၧၫ့ယၪႇ ဂံၪ့ဒီၪ့ဖိၪၥံၪ ၥၭဂၭဂီၩ့လိၭၥၭၥ့ၪဝ့ၫဒၪလီၫႉ လၧဂံၪ့ဒီၪ့ဖၧၩ့ ဆၧအဲၪဆၧကွံၩကအီၪအဂး လဂၩဘၪလဂၩဆၧနၪၥ့ၪလိၬၥၭကအီၪအဂးကဘၪကျၨၭစၧၭဝ့ၫလီၫႉ ဆၧအဂဲးၥံၪလဖၪ ကဒၪဘၪအဂ့ၩအဂး ကဘၪအၪ့ဎါဝ့ၫဒၪလီၫႉ ကဘၪအီၪက့ၪဆၧၥုၪ့ဆၧၩ့ၥၭဆၧၩ့လီၫႉ မွဲကဘၪၥ့ၪယၪအၪ့ယၫလၩ့ထဲၩ့အဆၧမၪၥံၪနီၪလီၫႉ လၧအဘၪဒၪဆၫ့ယၪဆၧကၪလဖၪနီၪ ကဘၪလီၩထဲၩ့လၩ့ဎိၭဝ့ၫဒၪဂ့ၩဂ့ၩဘၪဘၪနီၪလီၫႉ ဂံၪ့ဒီၪ့ဆံၫ့ဎံၪလၧဖျိၪ့ကအီၪမၧၫ့ဘၪအၥၭလၧ ဆၧမုၬလၩၥၭဎွံၪအဂးကဘၪအီၪက့ၪထၭဆၧအဲၪဆၧကွံၩပၫရမံၪနီၪဂီၩ ကဘၪအီၪဂုးခၧၫ့ ဝ့ၫဒၪလၧဂံၪ့ဒီၪ့ဖိၪၥံၪကိၩဂၩနီၪလီၫႉဂံၪဒီၪ့ဖိၪၥံၪကိၩဂၩမွဲန့ဘၪဆၧမုၬလၩၥၭဎွံၪလၧ ဂံၪ့ဒီၪ့ဖၧၩ့ ကိၩဂၩဒ့ၭလီၫႉ

၆ႉ ဆၧအွံၪၥၭဆၧၩ့ဆၧ ဆၧအွံၪၥၭဆၧၩ့ယီၩ အ့ၪပလီၩနီၪယီၫလါနၫ့ ပကမၩထၪ့အဂးနီၪ မွဲကၪဂဲၩဝ့ၫအၪမၬလီၫႉ လါနၫ့ လၧဆၧအဲၪတၩ့ဖၧၩ့ၥၭထၧၫ့ဖျီၩ့ယၫအဖၧၩ့ ဘၪဂဲၫထဲၩ့ဒၪဆၧကၪဆၧဂဲၩ ဆၧဂ့ၩဆၧအၧၩ့ကိၭမံၩ့အဖၫ့ခိၪ အွံၪၥၭဆၧၩ့ဝ့ၫဂီၩ့ ကဂၩဒဲကဂၩ ၥၭလလၩ့ဖၭဘၪဒဲ ထဲၩ့မၩထၪ့ဆၧဖံၭဆၧမၩလၧအခိးအတၩအီၪလဖၪန့ဝ့ၫဒၪထၧၫ့အထုၬစွါဘဲၫ အယီၩနီၪမွဲၦမၩဎွ့ၩပၩရမံၫလဖၪ အၥုၪ့အၥၭနီၪလီၫႉ ၇ႉ အဆၧအုၩ့လၩ့ဂုးခၧၫ့ ပၩရမံၫ ဆၧဖံၭဆၧမၩနီၪ မၩထၪ့ဝ့ၫ တီၩတီၩလီၩ့လီၩ့လီၫႉ ဎွ့ၩမၩဝ့ၫန့နီၪ မၩထၪ့ဝ့ၫလီၫႉ အဝ့ၫမၩလန့ဘၪအဂး ချဲၩ့ဎိၩအနိၭလအီၪဘၪဒဲ လီၩ့ဖ့ၪလၫ့ပျီၩၦဂူၫဂၩဆၧယိလါဧၪအ့ၬႉ ဘဲၫအဝ့ၫမၩန့အၥိၭအဝ့ၫယီၩလီၩဝ့ၫဒၪ မၩဝ့ၫဒၪ တီၩတီၩလီၩ့လီၩ့လီၫႉ ၈ႉ ဆၧခွံၬလၩ့ၥၭ ဂုးခၧၫ့ဝ့ၫဒၪ ပလီၩထၬလၧပကဖ့ၪလၫ့နီၪ ပကဘၪဖ့ၪလၫ့ႇ ပမၩအ့ၪလန့ဘၪဆၧအဂဲးကမံၩ့အဖၫ့ခိၪ ပကဘၪချဲၩ့ပဒၩ့ဂ့ၩဂ့ၩဘၪဘၪ ဘဲၫအဝ့ၫကအီၪအၪ့ဘၪဂ့ၩဂ့ၩအဂး ပမၩထၪ့အ့ၪကန့နီၪ ပခွံၬလၩ့ထၬပၥၭ…

ထၧၫ့ဖုဝဲၥံၪဧ့ လၧပဆၧၥၭမၧၫ့မုကိၭနံၩဒ့ၭအဖၧၩ့ မွဲပကဒၪဘၪၦၡၩအၪမံၩ့အၪမၠိၩ့နီၪလီၫႉ ပကဒၪဘၪ ၦၡၩအၥုၪ့ဂ့ၩၥၭဘွၩအီၪလဖၪႇ ၦၡၩအယၪ့ၥၭဆၧၥ့ၪလဖၪႇ ၦၡၩအစီၪဒီၩ့ဘၪဎီၩ့ဆၧၥ့ၪလဖၪႇ ၦၡၩလၧအၥုၪ့အၥၭ လၩ့အုၪလၩ့အီၩ့လဖၪႇ ၦၡၩလၧအမ့ၬလဲၩ့ၥၭဂဲၫ့ဆၧလဖၪႇ ဒဲ ၦၡၩလၧကမိမၩနၧၩ့မၩစၪဆၧလဖၪနီၪလီၫႉ ၦၡၩကနၩ့နၩ့ လၧအဝ့ၫၥံၪအဆၧကိၪ့ဘၪကိၪ့ၥ့ၪအဖၫ့ခိၪ အၪ့န့အခွးအယၬဂီၩ့ အ့ၪၦၡၩအဆၧကိၪ့ဘၪ ကိၪ့ၥ့ၪလအီၪဘၪခိၭအဝ့ၫၥံၪစွါဘဲၫ စီၪဆံၭဝ့ၫဒၪႇ ၦၡၩကနၩ့နၩ့ဒီၭ အီၩၥံၭထံၫဂၬထံၫ အ့ၪမၧၩ့လၫ့စွါဘဲၫ နၪၦၡၩၥ့ၪ လၧၩ့အ့ၬ ဘၪထံၭဘၪနဲၪ့လိၬၥၭ အစူၪပၫခၪ့ပၫလၧၦၡၩအဖၫ့ခိၪႇ ၦၡၩကနၩ့နၩ့ဒီၭ ကဲၪဒိၪကဲၪမုအကၠီၩ့ ၦၡၪ့ဖိၪယၬ ဖိၪၥံၪစွါဘဲၫ စီၪဝ့ၫလၧၦၡၩအ့ၬႉ ၦၡၩဘဲၫယီၩၥိၭလဖၪ လၧပနဲၩ့ပဎီၩ့ဖၧၩ့ မွဲပကဒၪဘၪ ကဘျၩ့လမွဲဘၪကဘျၩ့နီၪ လီၫႉ ဘၪထွ့ၫလၧၦၡၩဘဲၫယီၩၥိၭလဖၪအဂး ၦကွ့ၭလံၬဆရၫ ဆရၫအီၫ့ၥ့ၩစံၭဝ့ၫဒၪနီၪ ၦၡၩကဂၩနီၪ အီၩဂၬထံၫ…

ထၧၫ့ဖုဝဲၥံၪဧ့ ပမိကဲၪနီၪကဲၪထၪ့အ့ၬ ပလမိကဲၪဘၪလဖၪနီၪ ကဲၪထၪ့ဒၪလူၬ ထီးၥုၪ့ၥၭလၩ့ဆါဘၪလဂ့ၩႉ အ့ၪပအီၪၥ့ၪနီၪ လၩ့မံၪ့ၥုၪ့မံၪ့ၥၭလီၫႉ ပကဲၪၡၩအဆၧၥၭမၧၫ့ယီၩ ပဘၪဂၪ့ခီၫ ပဘၪနံခီၫလါနၫ့ အီၪမၧၫ့နၥၭလၧ ဆၧမုၬလၩၥၭဎွံၪအဖၧၩ့နီၪဆံၭႉ ယဆၧၥၭမၧၫ့ယီၩ ဘၪအၧၩ့ၥၫ့ထဲနီၪ ဂၪ့အံၪဂၪ့အူၭဘဲၫယီၩအၥိၭလဂ့ၩႉ ဂၪ့ခိၪချိၫ့အလး လခဲၫ့ကကဲၩ့ဖၧၩ့ ၦၡၩအဆၧၥၭမၧၫ့ အၧၩ့ၥၫ့နၬန့ပၧၩအီၪဝ့ၫဒၪအၪမၬအဂဲး အီၪနၪ့ထၪ့လါဆံၭႉ ပဘၪအီၪလၩ့စဲၪပၧၩလဂၩဎးလီၫအကၠီၩ့ ထီးၥုၪ့ဆံၭၥၭဆံၭဘၪလဂ့ၩႉ လၧပနဲၩ့ထံၭ အ့ၪၦၡၩလအီၪဘၪနးဂၩဆ့ ပကဘၪမၩပထံၩပၥိၭလၧ ဆၧအဲၪဆၧကွံၩဂီၩ့ ပကဘၪအီၪမၧၫ့ပၥၭနီၪလီၫႉ ပဆၧၥၭမၧၫ့ဖၧၩ့ ဆၧကိၭမံၩ့နီၪလအီၪဘၪဘၪလါနၪ့ မံၫဆိၭမံၫခံၫ့ဘၪလဂ့ၩႉ ဆၧၥၭမၧၫ့ကမံၩ့နီၪ ဘဲၫပမိကဲၪ အၥိၭ ပကဲၪထၪ့မွဲန့အ့ၬနီၪႉ ဆၧနီၪအကၠီၩ့ ထိးစၪခွံၬပဆၧၥၭမၧၫ့နီၪ နးဆိၬလဂ့ၩႉ ဆၧၥၭမၧၫ့ကမံၩ့နီၪ မွဲပကဘၪ ထိးစၪခွံၬအဂးအ့ၬဘီၪႉ