RVA PWO KAREN

အဝ့ၫဒၪစံၭဝ့ၫ, ယွၩအဘၩ့အမုးယီၩ, မၩအၥၭဘဲၫၦၡၩဎွံၪလၩ့ဆၧချံၫလၧဂၪ့ခိၪတၭ, မံၫဝ့ၫတၭဂဲထုၪ့ဝ့ၫလၧ မုနၩဒဲလၧမုဆၫနီၪ, ဆၧချံၫမဲၪထၪ့ထီၫထၪ့ဝ့ၫ ဘဲၫၥ့ၪလဲၪဘဲၫၥ့ၪလဲၪနီၪ, မွဲအဝ့ၫလၥ့ၪယၫဘၪလီၫ. အဂဲးဘဲၫယီၩဂၪ့ခိၪဒုၭမဲၪထၪ့ဒၪအဆၧ, လၧအဆိၫမွဲအထံၭ, လၧခဲၫ့ထဲၩ့အၥၪဆဲၩ, လၧခဲၫ့ထဲၩ့တၭ, အၥၪဆၭဎွ့ၩထၪ့လၧအဆဲၩအလီၩ့လီၫ. ထီးအၥၪ အီၪတၭ, ဆၧကူၭဝ့ၫလၧထၭဂ့ၬချဲၫ့မၬလီၫ. အဂဲးဘဲၫယီၩကူၭဆၧအထီဘၪယူၭဝ့ၫယူၭ. ဆၧချဲၩ့ဒီၩ့လၩ့ဘၪဆဲၫ့ဘၪချံၫ. အဝ့ၫဒၪစံၭဝ့ၫ, မွဲပမိမၩဎီၩ့ယွၩအဘၩ့အမုးလၧဆၧနီၪလမံၩ့လဲၪ မွဲပမိဒီၩ့လၩ့ဝ့ၫလၧဆၧနီၪလမံၩ့လဲၪ. မၩအၥၭဘဲၫဘၪအချံၫ လၧအဘၪဎွံၪလၩ့ဝ့ၫလၧ ဂၪ့ခိၪအဖၧၩ့, အထီနီၪဆံၭနဲၪ့ဆၧဂူၫဆၧဂၩအချံၫလၧဂၪ့ခိၪချိၫ့ဒံၭလီၫ. ထီးအဘၪဆၧဎွံၪလၩ့ဝ့ၫဂီၩ့နီၪ, မဲၪထၪ့ဝ့ၫတၭ, ဒိၪထၪ့ဒိၪနဲၪ့နၪ့ၥံၪမံၩ့ၥံၪထီးအလူၬတၭ,ထိၪၥံၪလံၪၥံၪလၧမူၭဖိၭဖၫ့လဖၪနီၪ, အီၪဝ့ၫလၧ အလၩၡုၪၥ့ၪလီၫ.ဘဲၫနီၪအၥိၭ, အဝ့ၫဒၪချဲၩ့ဒီၩ့လၩ့ဆၧအၪမံၩ့တၭ, လီၩလၩ့လၬလၩ့ဆၧအလူအထၫ ဘဲၫၦခိၭနၪဝ့ၫၥ့ၪအၥိၭနီၪလီၫ. အ့ၪလမွဲဘၪဆၧချဲၩ့အဒီၩ့တၭ, လီၩဘၪဆၧလၧအဝ့ၫၥံၪအ့ၬ. ထီးအအီၪလၧဆၧကဒုၩအလးတၭ,လီၩဖျီၪထၪ့အထံၩအဖျဲၥံၪ လၧအခီၫပယီၫထီးအလူၬလီၫ.

ဂံၪ့ဒီၪ့ကဖျိၪ့ဖၧၩ့ဘဲၫၥိၭဆၧအဲၪဆၧကွံၩကအီၪအဂး ဆၧဘၩဆိၪဖၪဆၧနီၪ အကၧၩ့ဒိၪ ထုၬလိၪဝ့ၫကမံၩ့နီၪလီၫႉလၧဂံၪ့ဒီၪ့ကဖျိၪ့ဖၧၩ့ ဆၧဘၪဆိၪဖၪဆၧလအီၪဘၪ စွါဘဲၫပကဒၪခိၩ့ဘၪလၧဆၧၡၪ့ဆၧနါဂီၩ့ ဆၧကၪဆၧဂဲၩ့ကအီၪဝ့ၫအၪမၬနီၪလီၫႉ လကၭဒံၭဘၪအခံၪ့ထီၩကကၠၪပဖိၪအီၪအခၪစွါဘဲၫအဝ့ၫၥံၪအဂးပကဘၪယိဝ့ၫကကၠၪဒိၭနီၪလီၫႉ အ့ၪဆၧကၪဆၧဂဲၩအီၪအခံၪ့ ပဒၪခီၩ့လၧဆၧကၪဆၧဂဲၩအခံၪ့ ပကၥ့ၪယၪနၪ့ထၪ့အၪ့ကံၩဘၪဆိၪဖၪဆၧလၧ ကဆါယွၩအီၪစွါဘဲၫပကန့ဘၪကဆါယွၩအခိးအတၩနီၪလီၫႉ ပလဒိၭနဲၩဘၪပၥၭလၧကဆါယွၩအအီၪစွါဘဲၫဆၧကၪဆၧဂဲၩထီးအလူလဖၪနီၪ ပခၫ့ဖျီၫ့လန့ဘၪအကၠီၩ့ပကဘၪၥ့ၪယၪထၬနီၪလီၫႉ မွဲဆၧအနီၪအကၠီၩ့ ပဂံၪ့ဒီၪ့ဖိၪၥံၪထီးအလူ ဘဲၫၥိၭကဒိၭနဲၩ့အၥၭလၧကဆါယွၩအီၪကၥံၪအဂးယလီၩဖျီၪ့ထၪ့ဘၪဆၧအဂဲးဖိၪကဆံၭယီၪနီၪလီၫႉ  

လၩ့ဆၫ့ဝ့ၫဒၪကမံၩ့နီၪ ၦၡၩမၩၥံၫ နးဖျီၩ့ၥၪအလးနီၪ ၥရိၬကဲၪ့ထၪ့ဝ့ၫကဖျိၪ့လီၫႉ ထီးနီၪ လၧၥရိၬနီၪ ဒဲၩယၬကၭ နံၫဘံၪ့ ဂဲၫအီၪဝ့ၫဒၪကိၭကၠၪလီၫႉ ကနံၩနီၪတၭ စဎွၩအဖျဲလဂၩ လ့ၩလီၩ့ခၬဆၧဖိၪဆၧဎါၥံၪအထီ ဆၧပွံၭအၥၭတၭ ဒၪၥရိၬကဖျိၪ့နီၪ လ့ၩအီၪပွံၭလၧၥရိၬဖၧၩ့အထီ မံၫမၫဝ့ၫဒၪလီၫႉ အဝ့ၫလမံၫဒံၭဘၪအထီနီၪ လီၩ့ဎဲၫ့ဎီၫ့ယိစိၩ ၥရိၬနီၪဒံၭနီၪလီၫႉ ဎံၪလၩဝ့ၫဒၪ ၥရိၬယီၩ မပၫလဲၪဂဲၫၥုၪ့ထၬလဲၪ အၪ့ဎၬဝ့ၫဒၪအထီ နါဂၧၫ့ဒဲၩယၬကၭနံၫဘံၪ့ယီၩ လီၩ့နးဖျီၩ့ၥၪအဂဲး မွဲဝ့ၫ နးဖျီၩ့ၥၪနီၪ လၩ့ယၫ့ၥၭဝ့ၫအၪမၬအကၠီၩ့ ဘဲၫယီၩ စဎွၩအမၫနီၪ မွဲဝ့ၫ ၥံၪ့ကလိၭအကၠီၩ့တၭ ဆၧအဂဲးၥံၪလဖၪယီၩ စဎွၩအဖျဲနါဂၧၫ့ထီးအလူၬတၭ ထဲၩ့လၧနီးဖၧၩ့ဂီၩ့ လီၩဂူၪအ့ၪအစဎွၩနီၪလီၫႉ ဆၧပရၧၫ့ယီၩ စဎွၩနါဂၧၫ့ကထံၪဎး အၥၭထၪ့ဒိၪဒိၪလ့ၬလါနၫ့ အၪ့မၧၫ့ဝ့ၫ…

အဝ့ၫဒၪစံၭၦလဖၪနီၪ, ၦဂဲၫဆိၬမ့ၪဒိၩ့တၭ, အီၪက့ၪလၩ့လၧဒၩ့မွဲဂ့ၩ,ခၬမွဲဂ့ၩ, အဖၫ့လၬဆ့ဧၪ,ၦအီၪက့ၪထၪ့ဝ့ၫလၧမ့ၪဒိၩ့အလးမွဲအ့ၬဧၪ. အဂဲးဘဲၫယီၩ ဆၧအီၪလၧဆၧကဒုၩနီၪ, လမိဖျီၪထၪ့ဘၪဝ့ၫတၭ, အီၪဝ့ၫနးမံၩ့အ့ၬ. ဆၧလၧအအီၪၥူၪနီၪ, လဂဲၫအီၪဖျီၪထၪ့ဘၪဝ့ၫတၭ, အီၪဝ့ၫနးမံၩ့အ့ၬ. ၦလဂၩဂၩအ့ၪအီၪလၧအနါ လၧအနါဂၧၫ့ဆၧနီၪ, မွဲအနါဂၧၫ့ဒၪဝ့ၫဆံၭ. အဝ့ၫဒၪစံၭၦလဖၪနီၪ, နၥံၪနါဂၧၫ့ဆၧဘဲၫၥ့ၪလဲၪ ဘဲၫၥ့ၪလဲၪနီၪ, ထီးလၩ့နၥံၪအၥၭဆံၭ. နၥံၪမိဘၪ ဆၧတိၪ့န့နၥံၪဘဲၫနၥံၪတိၪ့န့ဆၧအၥိၭနီၪတၭ ဆၧမိဖ့ၪလၫ့အၪထၪ့ဒံၭလၧနၥံၪအဂးဒံၭလီၫ. အဂဲးဘဲၫ ယီၩထီးဒၪၦလၧအန့ဘၪဝ့ၫလဂၩဂၩနီၪ, ဆၧမိဖ့ၪလၫ့အဝ့ၫနီၪလီၫ. ၦလၧအလန့ဘၪဆၧ ထီးဒၪအဆၧ အီၪဒၪလ့ၬနီၪ, ဆၧမိမၩန့ထဲၩ့ဝ့ၫလၧအအီၪလီၫ.

စ့ၩဖီၫကဂၩ ဘၪကၠူၭဆၧဂၩ့နီၪ အဲၪဒိၭဝ့ၫအၪမၬလ့ၬလီၫႉ လါနၫ့ အဝ့ၫအဆၧအဲၪခွၫအဂုအိၩ ကဂၩနီၪ အၪ့ကီၪအဝ့ၫအဆၧဂၩ့လဖၪကိၭနံၩ စံၭအဝ့ၫလၧ “နဆၧဂၩ့ကပၫယီၩ ဎိၪဎါလၬအၧၩ့ထဲနီၪ နလီၩ့မၩလူၬဂီၩ့အခံၫ့မၬလီၫႉ” စံၭအဝ့ၫ ဘဲၫနီၪအၥိၭ ခိၬမၬခိၬမၬနီၪလီၫႉ မွဲလၧဆၧချဲၩ့လဖၪနီၪအကၠီၩ့ စ့ၩဖီၫကဂၩ အဆၧဆူနဲၩလၩ့ၥၭလဖၪ ထဲၩ့လၩ့မါကဆံၭကဆံၭဂီၩ့ လခဲၫ့ ကၠူၭဆၧဂၩ့လဘၧၫ့လၧၩ့ဘၪလီၫႉ အဝ့ၫယီၩ စီၪလၩ့အၥၭ အိၭထိၭဆၧအ့ၬဂီၩ့ အၥၭလၩ့ဆ့ၭ လၩ့ယွၩထၪ့အၪမၬနီၪလီၫႉ ကနံၩတၭ စ့ၩဖီၫယီၩ ဒၪခီၩ့ထဲၩ့လိၬၥၭလၧ စအဲၪတီၩနီၪလီၫႉ စအဲၪတီၩယီၩနီၪ အီၪက့ၪဒိၪအ့ၪ ၦၡၩအဆၧကိၪ့ၥ့ၪကိၪ့ဘၪၥ့ၪအၪမၬလ့ၬနီၪလီၫႉ စအဲၪတီၩ အၪ့စၪ့ဘၪ စ့ၩဖီၫ “စ့ၩဖီၫဧ့ နကၠူၭဆၧဂၩ့ လၧၩ့အ့ၬနီၪ ဘၪမန့လဲၪ”အခၫ စ့ၩဖီၫ…

ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ  ၁၄ ဂၩလဂၩ အဆၧၥီၪ့ဆၧၥၫ့နီၪ မွဲဝ့ၫဒၪ ဎရံၬဖိၪၥံၪဘၪထိးမၩနၧၩ့မၩစၪၥၭနီၪ ဆၧတီၩလီၩအဂး မွဲဝ့ၫဆၧယိလါ အဂဲးအကၠီၩ့နီၪလီၫႉ ဆၧလၧဆၧမၩနၧၩ့မၩစၪဆၧကမံၩ့နီၪ ၦမၩၥံၫမၩဆၫလိၬၥၭကမံၩ့လီၫမွဲအ့ၬႇ ပဆၧလူၬဆၧချဲၩ့ႇ ပမၩဘၪထံၭၦၡၩအၥၭႇ ပအီၪပဲၩ့ခွံၬၦၡၩႇ အဝ့ၫၥံၪအမိဎွါကမံၩ့လီၫမွဲအ့ၬႇ အဝ့ၫၥံၪအၥၭခံဖၧၩ့  ဆၧဘၪထံၭဘၪဆၫ အီၪထီးလူၬနီၪ မွဲဝ့ၫ ပမၩနၧၩ့မၩစၪအဝ့ၫၥံၪနီၪလီၫႉ ၦလၧဘၪထိၬ ဆၧမၩနၧၩ့မၩစၪၥၭၥံၪလဖၪယီၩနီၪ အဝ့ၫၥံၪအဂး ဆၧအဂ့ၩကဂဲၫထီၩ့ကမံၩ့မံၩ့နီၪလီၫႉ ကဆါယွၩအခိးအတၩနီၪ ဆၧမၩနၧၩ့မၩစၪဆၧၥံၪအဂး ကဒီၪ့ဝ့ၫကမံၩ့မံၩ့နီၪလီၫႉ ပဘၪဒၪဆၧၫ့ယၫ ဆၧမၩနၧၩ့မၩစၪၥံၪယီၩ ကအီၪပထုၬၥၭအဂး ဎရံၬဖိၪၥံၪ ကဘၪအၪ့က့ၩဘၩဆိၪဖၪကိၭဂၩနီၪလီၫႉ ဆၧလဂ့ၩဘၪထီးလူၬနီၪ ဂၧးခၧၫ့ယံၬယံၬအ့ၬ လၩ့မၬခွံၬအခံၫ့ကဂဲၩ့ထီၩ့အကၠီၩ့ ၥၫ့ဎွၩလ့ၫအိၫ ၁၄…