RVA PWO KAREN

ထၧၫ့ဖုဝဲထံၭၥိၭဖျိၩ့ဖိၪၥံၪဧ့ႇ မုကနွ့ၫယီၩ ပဆၧဆၧးဎံၫဆၧးလၩအနိၪ့ဖၧၩ့ ယမိအဲၪဒိၭအၪ့နၩ့လီၩဖ့ၪနဲၪ ဘၪနၥံၪ ၦထၧၫ့ဖုဝဲဖျိၩ့ဆၨၩကဆၨၩမွဲဝ့ၫ လၩ့အဲၪဝ့ၫဒၪ ပအိၩဆၨၩအဂဲးကဆံၭကခ့ၭဖိၪနီၪလီၫႉ လၧဖျိၩ့ဖျိၩ့အိၩ အီၪထၬဝဲၩလၧ ၡါဖၧၩ့နီၪ ပအိၩဒဲ ဖျိၩ့ဆၨၩၥံၪနီၪ မွဲဝ့ၫထၧၫ့ဖုဝဲဒဲ စူၭကီၪ့အီၪကၠၭကၠၧၫ့ကၠၧၫ့လီၫစွါဘဲၫႉ ပအိၩဆၨၩဖိၪ ၥံၪနီၪ လၧဖျိၩ့ဖျိၩ့အိၩ ၦၡၩကိၭလၧ ၦမၩဆံၬဖိၪ ကနၩ့နၩ့ကိၭဒံၭဝ့ၫလၧ ဖျိၩ့လၧအီၪခိၪလီၩ့ခိၪနီၪလီၫႉ ပအိၩဆၨၩၥံၪနီၪ မွဲလၩ့ဆၨၩထဲၩ့လၧ ၦဖျိၩ့ၡိအကၠီၩ့ လၨၪကိၪ့ၥ့ၪ (ဘာသာဗေဒ ပညာရှင်) လဖၪ နဲၩ့ထၪ့ထၬဝ့ၫဒၪနီၪလီၫႉ ပထၧၫ့ဖုဝဲဖျိၩ့ဆၨၩ ပအိၩၥံၪနီၪ အီၪလၧ ၥဲၫ့ဆၨၩခးဒီၪ့ လံၩထံၭကကဲၩ့ခီၫ ညီၫ့ၡွ့ၫ မုထၪ့ကကဲၩ့ခီၫဒဲ တီၫ့ကၠံၩ ထီးထီၩ့စိၩ ပင်လုံ…

ဖိၭဘိၭ နံၪ့ ၁၉၇၀နီၪ ၥဲၫ့ပကိၪ့ၥ့ၪလဖၪ ၦဖျိၩ့ဆၨၩဖိၪၥံၪလဖၪအဖၫ့ခိၪ စၭထၪ့အၪ့ဎၬထၪ့ဝ့ၫဒၪ နၭထၪ့နီၪလီၫႉ လၧခၠ့ၩမဲၫ့နီၪ ဖိၬလိၬဝဲထၪ့ထၬ ဘၪထွ့ၫလၧဆၨၩဆၬဆၧလီၩ့ဎွါအၪ့ဎၬလးကျဲၩ့ ကဒုၩနီၪလီၫႉ စၭထၪ့လၧအထီနီၪ ၥဲၫ့ပကိၪ့ၥ့ၪလဖၪ လ့ၩစဲၪ့လၩ့ အၪ့ဎူၪအၪ့ဎၬဆၧလၧ ၦဖျိၩ့ဆၨၩဖိၪၥံၪလဖၪ အီၪအလးအကျဲၩ့ႇ လ့ၩအၪ့ထုၪ့ၡၩအဆၧဝံဆၧနၭၥံၪလဖၪ မၩထၪ့ဝ့ၫဒၪနီၪလီၫႉ ဘဲၫၦဖျိၩ့ဆၨၩၥံၪလဖၪ အီၪလၧ ခးပယၩ့ယီၩအၥိၭ ဖျိၩ့ၥံၪအအီၪလၧ ၥဲၫ့ထံၫခးၥံၪလဖၪနးဆ့ အီၪဘူၭလၧ ၥဲၫ့ဆၨၩၥံၪ ၦဖျိၩ့လဖၪနီၪ အီၪဘဲၫၥိၭၥဲၫ့ဆၨၩၥံၪနီၪလီၫႉ ဖျိၩ့ဆၨၩၥံၪအအီၪလၧ ရၭဘူၫရံၫနီၪ ဘၪအီၪကၠၧၫ့ကၠၧၫ့ဝ့ၫဒၪလၧ ၥဲၫ့ဆၨၩၥံၪနီၪလီၫႉ ၥဲၫ့ ဒဲ ၦဖျိၩ့အကျၩ ဆၧကၪဆၧဂဲၩ အီၪနးမံၩ့အ့ၬႉ ၥဲၫ့ဆၨၩဖိၪၥံၪအၪဒၪဆၧနီၪ အီၪက့ၪၦဖျိၩ့ဆၨၩဖိၪၥံၪလၧ အဘူၭအထံၭနီၪလီၫႉ…

လၧၥဲၫ့ထံၫခး ဖးဖီၩ့လံၬလဲဖၧၩ့နီၪ မွဲပကဒၪဘၪၦဖျိၩ့ဆၨၩအဂဲးဖိၬနီၭအ့ၬ ဒဲ ကအီၪဒၪကဆံၭကခ့ၭနီၪလီၫႉ အီၪထးလၧ ၦဖျိၩ့ၡါဖၧၩ့နီၪ လထီၩ့ဒံၭဘၪ ၁၂ ဒဲ ၁၃ယၩနံၪ့ ၥဲၫ့ခးလံၩခံၫကကဲၩ့ခီၫ ခီၫလၧၥဲၫ့ၥံၪ လဂဲၫအီၪဒံၭဘၪနီၪ ၦဖျိၩ့ဆၨၩဖိၪၥံၪအီၪထၬဝဲၩ့ အကၠီၩ့ လီၩ့ထၬဝ့ၫဒၪလီၫႉ ဆၧလီၩ့ဆိၪထၬဆၧယီၩ မွဲၦကိၪ့ၥ့ၪၥံၪလဖၪ ထိးဆၧၫ့ကၠၭဝ့ၫဒၪ နီၪလီၫႉ ခၠ့ၩမဲၫ့လးကျဲၩ့ ပ့ၩထံၫချိၬနီၪ မွဲၦဖျိၩ့ဆၨၩဖိၪၥံၪဂဲၫအီၪအခၪ့ထံၭၥၫ့ဂီၩ့ ၥဲၫ့ဆၨၩၥံၪလဖၪ ဂဲၫထီၩ့အခၫ ဖျိၩ့ၥံၪလဖၪ ဘၪဂၭဎ့ၬလၫ့ဆၧလးနီၪဂီၩ့ လၧခဲၫ့ ၥဲၫ့ၥံၪနီၪ အစီၩ့အမၩ့ဂဲၫဎိၩ့ထၪ့ထဲၩ့အကၠီၩ့ ထိးဆၧၫ့ကၠၭဝ့ၫဒၪနီၪလီၫႉ ဒက်ချ်ဖနံၬထကၩ ကဂၩမွဲဝ့ၫ ဂျရက်မိယက်စ်ဗန်ဗလိယက်  ကွ့ၭထၬ ၥဲၫ့စဎွၩထံၫခးဖးဖီၩ့ဖၧၩ့နီၪ ဆူၫခိၪၥဲၫ့စဎွၩ နရဲစွၩ့ (၁၅၇၂-၁၆၀၅)…

ၥဲၫ့ထံၫခးလံၩခံၫကကဲၩ့ခီၫ မုနုၬလံၩခံၫလးကျဲၩ့လဖၪနီၪ ဖျိၩ့ဘွၩဆၨၩၥံၪဒဲ ခၠ့ၩမဲၫ့အလးခဲၫ မဲ‌ေဟာင်ဆောင်၊ မွန်သုမ်နခုန်စ၀◌မ် ၥံၪနီၪ ကယၩဆၨၩဖိၪၥံၪအီၪနီၪလီၫႉ အဝ့ၫၥံၪ အတဝၫ့လဖၪနီၪ အီၪလၧ ခိၪလီၩ့ခိၪႇ ခိၪလီၩ့ဒၩ့ခိၪ ဒဲ ဖံၬဒၩလး လဖၪၥံၪနီၪလီၫႉ လၧၥဲၫ့ခးနီၪ ၦဖျိၩ့ဆၨၩအီၪအၪန့ဒံၭ ကယၩဆၨၩၥံၪဒံၭနီၪလီၫႉ ခီၫလၧ နံၫဆံၫယၩဒူၩ လထၪ့ဘၭဒံၭဘၪအထီ ထီးမုဆၫကနံၩယီၩ ၥဲၫ့ခး ခိၪလီၩ့ခိၪလးကျဲၩ့လဖၪနီၪ ဆၨၩဆၬၥံၪလဖၪအီၪဝ့ၫဒၪအၪမၬလီၫႉ မွဲဝ့ၫ ဖျိၩ့ၡၩ့ႇ ဖျိၩ့ၡိႇ မိၫ-ခမၫႇ အခၫႇ လၩဟူၫႇ လံၫဆူၩဒဲ ခမူၫဆၨၩၥံၪ လဖၪနီၪလီၫႉ လၧၥဲၫ့ခးဖၧၩ့နီၪနးဆ့ ၦဖျိၩ့ဆၨၩဖိၪၥံၪလဖၪ ခိၪလီၩ့ခိၪဒဲ ဖံၬဒၩလး လးကျဲၩ့လဖၪနီၪ…

ထၧၫ့ဖုဝဲထံၩၥိၭဖျိၩ့ဖိၪၥံၪဧ့ ဆၧလၧဖးဖီၩ့နီၪ ပမိၥ့ၪယၫ ဘဲၫအီၪအၥိၭ ဖးဖီၩ့အအီၪ အမွဲ အတီၩ ထီးအလူၬလီၫႉ  ခးပယၩ့ဆၧဖီၩ့ဖျ့ၭန့ဂီၩ့ ပဒိၪပမုၥံၪလဖၪ ဘဲၫထံၫခးဖးဖီၩ့ကဂဲၫအီၪထၪ့အဂး ၁၉၅၉နံၪ့ လၩစဲၭတ့ၫဘၫနီၪ ဖိၬလိၬထၪ့ ခးပယၩ့ဖးဖီၩ့ကီၫမၡ့ၫခရၧၫ့ လံၬလဲကိၪ့ၥ့ၪလဖၪဒဲ ဖးဖီၩ့ပကိၪ့ၥ့ၪလဖၪနီၪလီၫႉ ခီၫလၧဖျိၩ့ဖျိၩ့အိၩ ခပယၩ့ဖးဖီၩ့နီၪ မၩကဲၪထၪ့ထၬဝ့ၫန့စဎွၩထံၫခး အၪဒၪဆၧ ဖးဖီၩ့လဖၪနီၪ ကွ့ၭထၬဝ့ၫန့ၫ ဒီၩ့ဝိၩၥံၪအဂဲး အကၠီၩ့တၭ လၧခးပယၩ့ဖးဖီၩ့ဖၧၩ့နီၪ မွဲဆၨၩဆၬဖိၪၥံၪအနိၪ့လပၫဘၪလီၫႉ မွဲဆၧဘဲၫနီၪ ခးပယၩ့အဂးအီၪဝ့ၫဒၪ ဖးဖီၩ့နီၪ မွဲဒၪ ဒီၩ့ဝိၩအဖးဖီၩ့ဒဲ လမွဲဘၪ ခးစၧၩ့ကီၪ့ခးပယၩ့အဖးဖီၩ့နီၪလီၫႉ ထီးနီၪ ပကိၪ့ၥ့ၪဆၨၩဆၬဖိၪၥံၪလဖၪ လီၩထၪ့ဝ့ၫ ဘၪနီၪလဲၪ ခပယၩ့ခးစၧၩ့ကီၪ့ယီၩ ဆၧမုၬဆၧၡူၪန့အ့ၬအကၠီၩ့နီၪ…

အီၪလၧ ပခိၩခိၪလီၩ့ဖျိၩ့ၡၩ့လဖၪၥံၪနီၪ ပကဒၪဘၪ ၦဖျိၩ့အဆၧဆၧးဎံၫဆၧးလၩလဖၪအီၪထးဂ့ၩဘၪဆဲၪ့ဒံၭနီၪလီၫႉ အီၪလၧပခိၩခိၪလီၩ့ခိၪ ၦဖျိၩ့ၡၩ့ဖိၪၥံၪၥၭၡါလဖၪ ချဲၩ့ပယၩ့အဆၧချဲၩ့ လဘၪဘၪဂ့ၩဂ့ၩအီၪလါနၫ့ဂ့ၩ ၥၭဘၪ့ၥံၪလဖၪနီၪ ချဲၩ့ၥ့ၪဂ့ၩဂ့ၩနီၪလီၫႉ ဖျိၩ့ၡၩ့အမုၪၥၭၡါလနၩ့နၩ့နီၪ ဆဲၫ့ဆၭကံၪအၥၧၫ့လဖၪနီၪ အီၪလၧဂံၪ့ ၥိၭကီၩ့ဝ့ၫကိၭနံၩ မွဲအီၪဆ့နီၪလီၫႉ အဝ့ၫၥံၪ အၪ့အူၭၥၭမံၫ့လၩ့အၥၭလၧ ကဲၪဘၪဖျိၩ့ဆၨၩအကၠီၩ့နီၪလီၫႉ အီၪလၧ ဖံၭဒၩလး ဖျိၩ့ၡၩ့လဖၪနီၪ မွဲဖျိၩ့ဘုၭဒၭၥံၪဂီၩ့ တဝၫ့လနၩ့နၩ့နီၪ ဖျိၩ့ၡၩ့ဆၧချဲၩ့ဂဲၫလၩ့မါထၪ့ အီၪဝ့ၫနီၪလီၫႉ လၧဖံၫဖူၫၥံၪအထီဒံၭဒၪအိၩ ချဲၩ့ဖျိၩ့ဆၧချဲၩ့ ႇ မိဖါ မိဂါ ဖၫထံအထီအခၫ ချဲၩ့ဖျိၩ့ဆၧချဲၩ့လၩ့ၡၩ ထီးအထီဘဲၫယီၩ ၦချဲၩ့ဖျိၩ့ဆၧချဲၩ့လအီၪလၧၩ့ဘၪအကၠီၩ့ ချဲၩ့ဖျိၩ့ဆၧချဲၩ့ထီးထီၩ့ ဖိၭဘိၭ နံၪ့ ၁၉၆၀အကၠီၩ့ ပၥ့ၪယၫဘၪနီၪလီၫႉ ဖံၫဖူၫၥံၪလၧဖျိၩ့ဖျိၩ့အိၩ…

ၦထၧၫ့ဖုဝဲဖျိၩ့ဆၨၩ ဖျိၩ့ၡၩ့ၥံၪလဖၪ ကိၭလၩ့အၥၭလၧ ပွၩကညီၩ အခီၫပယီၫနီၪမွဲ ၦၡၩနီၪလီၫႉ ၦဖျိၩ့ၡိဖိၪၥံၪအအီၪလၧ ထံၫထၪကျိၩ့လဖၪနီၪ ကိၭလၧ ဖၭထံၭနီၪလီၫႉ ၦဖျိၩ့ၡၩ့ဖၭထံၭၥံၪနီၪ ပကဒၪဘၪအီၪလၧ ဖဒို၊ ပိန်းဇလုတ်၊ ကျောက်တံခါး လးကျဲၩ့လဖၪ ပခိၩခးဒီၪ့အလးခဲၫ့ကကဲၩ့မွဲဝ့ၫ နတလင်း၊ ဇီးကုန်း၊ ပခိၩခိၪလီၩခိၪတဝၫ့လဖၪႇဝံးတခိၩ့ႇ ဒိၩ့ပၥံၫ့ႇ ဟ့ၩၥတၭႇ မၠီၩ့မၠၭႇ မအူၪပ့ၫ မွဲဝ့ၫ ထံၫထၪကျိၩ့လးကျဲၩ့လဖၪႇကီၭကရံၭႇဒီၩနၭခိၪလီၩႇ လဲၫ့ဘွဲၩႇ ဖၫပိၫဝံးဒီၪ့မွဲဝ့ၫ ဘံၩၥၫ့လွ့ၫလးကျဲၩ့လဖၪ ၥဲၫ့ခးႇ မဲနၫ့ဘံၩ ဇ့ၩမဲ မုထၪ့ကကဲၩ့ခီၫလးကျဲၩ့လဖၪဒဲ ထီးထီၩ့စိၩ ရခဲၫ့မုနုၬကကဲၩ့ခီၫနီၪလီၫႉ အထီဘဲၫယီၩ ဖျိၩ့ၡၩ့ဆၧချဲၩ့နီၪ ၦဖျိၩ့ဆၨၩဖိၪၥံၪလဖၪအကျၩ ဆၨၩဖိၪၥံၪချဲၩ့အအၪထုၬ လူဆၧချဲၩ့ကမံၩ့နီၪလီၫႉ…

ကဲ ထၧၫ့ဖုဝဲဖျိၩ့ဆၨၩဖိၪၥံၪဧ့ႇ ၦဖျိၩ့ဆၨၩယီၩ မအီၪဎွ့ဆၨၩလဲၪ ဂီၩ့နီၪ ပအီၪကၠၭအလးခလဲၪႉႉႉ မွဲယူၭ ၂၀၁၇နံၪ့ လၩ မ့ၫ ၃ ၥၫ့ ဖျိၩ့ဆၨၩခးဒီၪ့ ဝံးဖၫအၫ့နီၪ လၧဆၧမၩဖျီၪ့ထၪ့ထဲၩ့ ၦဖျိၩ့ဆၨၩဆၬအမံၩ့လၩ့ထံးလၩ့ဆ့ၭလဖၪ ဆၧဒၪလၩ့ဎိၭနီၪ မွဲၦဖျိၩ့ဆၨၩအီၪဝ့ၫ (၇) ဆၨၩဒဲ လကၭဒံၭဘၪ ၦဖျိၩ့ဆၨၩဆၬလဖၪၥံၪယီၩအမံၩ့ ပကဘၪကိၭၥိၩ့ထၪ့ဝ့ၫလဖၪ အီၪက့ၪထၪ့ဆၧဂုးခၧၫ့အၥိၭ ဘဲၫယီၩ ယမိအၪ့နၩ့လီၩဖ့ၪနဲၪဘၪ ထၧၫ့ဖုဝဲဖျိၩ့ဖိၪၥံၪ ၦဖျိၩ့ဆၨၩ (၇) ဆၨၩယီၩ အမံၩ့ဒဲ အီၪအလးအကျဲၩ့ လဖၪၥံၪနီၪလီၫႉ အဆိၪထုၬ ၦဖျိၩ့ဆၨၩကဆၨၩနီၪ မွဲ  (၁) ဖျိၩ့ၡၩ့ႇ ကဲ ၦထၧၫ့ဝဲဖျိၩ့ဆၨၩ…

ထၧၫ့ဖုဝဲထံၩၥိၭဖျိၩ့ဖိၪၥံၪဧ့ႇ မုကနွ့ၫယီၩ ယမိအၪ့နၩ့လီၩဖ့ၪနဲၪဘၪနၥံၪ ၦထၧၫ့ဖုဝဲဖျိၩ့ဆၨၩကဆၨၩမွဲဝ့ၫ လၩ့အဲၪဝ့ၫဒၪ ဖျိၩ့ဘွၩဆၨၩဖိၪၥံၪအဂဲးနီၪလီၫႉဖျိၩ့ဘွၩယီၩ ကိၭဝ့ၫဒံၭလၧခဲၫ့ကမံၩ့နီၪမွဲ ဖျိၩ့မဲပု နီၪလီၫႉ ဖျိၩ့ဘွၩဆၨၩဖိၪၥံၪယီၩ ပအီၪလၧထံၫထၪကျိၩ့ ဖျိၩ့ဖိၪၥံၪလဖၪ မွဲလပနါဂၧၫ့ယံၫယါဘၪနၬဒဲ ၦဖျိၩ့ဆၨၩဆၬ ၁၁ ဆၨၩအဖၧၩ့နီၪ ဖျိၩ့ဘွၩမွဲ ပၫဝ့ၫဆ့နီၪလီၫႉ ဖျိၩ့ဘွၩဆၨၩဖိၪၥံၪယီၩ အီၪလၧ ပၠ့ၩမနၩမုထၪ့ကကဲၩ့ခီၫ ဘဲၫယီၩ ဆၧကိၭဝ့ၫလၧ န့ၫပၠ့ၫတီၫခးဒီၪ့နီၪ ကယဲၩ့ဝ့ၫဖိၬဘိၭ ၂၀မံလၬ ခိၪလီၩ့ခိၪလးကျဲၩ့လဖၪနီၪဂီၩ့ ဖျိၩ့ဘွၩအတဝၫ့ကအီၪဖိၬဘိၭ ၇၀-၈၀နီၪလီၫႉ ၁၉၃၄နံၪ့ ခိၪလၩဘွၩ အဆၧအၪ့ဎၬလီၩ့ဎွါ မၩနဲၪထၬဝ့ၫအဖၧၩ့ ဖျိၩ့ဘွၩဆၨၩဖိၪၥံၪနီၪ ခီၫလၧ ၁၆ယၩဒူၩအထီဒၪအိၩ အီၪထၬဝဲၩလၧ ယမဲၥ့ၩဒဲ ပၠ့ၩမနၩလးကျဲၩ့နီၪအကၠီၩ့ ပၥ့ၪယၫဘၪနီၪလီၫႉ…

လၧခဲၫ့ စီၩဘၭအူၩကၠံၩအစွၪနီၪ နံၪ့ ၁၉၅၀ လၩ အီဂုၭ ၁၄ၥၫ့ မုဆၫ ၁နၩရံၩခီၫအခံၫ့နီၪ ဂဲၫန့ဝ့ၫလၧ မီၫလမဲၫ့ဆၧဆၫ ဂံၪ့နီၪလီၫႉ လၧမီၫလမၠဲၫ့ဆၧဆၫဂံၪ့နီၪ ၦဖျိၩ့ခိၪနါဒိၪစီၩဘၭအူၩကၠံၩအစွၪယီၩ ဝံးဖိၪၥံၪလဖၪ ဘၪဒၧၭယိဝ့ၫ ၦၡၩဂဲၫအၪမၬနီၪလီၫႉ ကနံၩနီၪ လဂီၩခီၫနီၪ ပဒိၪပမုၥံၪလနၩ့ ႇ ၦလၧဂဲၫအၪ့န့ဆၧပရၧၫ့လဖၪႇ ထံၫယဲၩ့ခးယဲၩ့ဆၧပရၧၫ့ကိၫ့စၩလဖၪ ဂဲၫယိဝ့ၫလၧ ကဘၩ့ယူၩနီၪလီၫႉ အခံၫ့နီၪ ၦလၧဂဲၫစီၩဘၭအူၩကၠံၩအလးခဲၫ့ၥုၭၥံၪလဖၪ ဖိၭဘိၭ (၄၀) နီၪ ဘၪထဲၩ့ဆူၭခဲၫ့ထဲၩ့အၥၭလၧ လဲၫ့ဘွဲ နီၪလီၫႉ နံၪ့ ၁၉၅၀ လၩ အီဂုၭ ၁၂ၥၫ့နီၪ ကၠဲၬခမံၫခးရ့ၫ ကီၭကရံၭဝံးဒီၪ့…