RVA PWO KAREN

၂၀၂၆နံၪ့ လၩအ့ၫဖြ့ၫ ၂၇ၥၫ့နီၪ ဆၧမၩလၩမၩဖၩ့ ဖျိၩ့ဖါထံၭလံၬလဲၥဖၠးဖျါလၩ့ဒဲ ဆၧဒိၭစ့ၭလံၬအီၪဝ့ၫဒၪလၧ တောင်ယာကုန်းဆၧအီၪကီၪ့ႇ တောင်ယာကုန်းတဝၫ့နီၪလီၫႉ လၧဆၧယီၩခၫဆၧမၩလိၪလးဖိၭဘံၭအထီ ဘဲၫၥိၭဖျိၩ့ဖိၪၥၪၥံၪ ကမၩလိၪဘၪအၥၭ ဖျိၩ့လံၬဂ့ၩဂ့ၩဘၪဘၪအဂးနီၪ စၭထၪ့လၧ လၩမၫၡါ ဒဲ ထီၩ့စိၩလၧ လၩအ့ၫဖြ့ၫအထီ လၩ၂ဘ°ၪ့ ဆၧၥီၪ့လိၪဖျိၩ့လံၬလဲၥဖၠးအီၪဝ့ၫဒၪနီၪလီၫႉ ဘၪမၩဝ့ၫဒၪ ၥဖၠးယီၩ အဆၧထိစိၩနီၪ ဘဲၫၥိၭ ၦဖျိၩ့ ဆၧချဲၩ့ဒဲ လံၬလဲလဖၪ လလၩ့မါဘၪအဂးႇ ပဘၩယွၩကကၠၪဆ့ ဘဲၫၥိၭပဘိၪ့ထၪ့ဘၩထၪ့ၡီၩ့ယွၩ လၧဖျိၩ့လၨခီၫ ကန့အဂးနီၪထိစိၩဝ့ၫလီၫႉ ဆၧနီၪအကၠီၩ့ ဆၧအီၪကီၪ့ဂူၫဂၩ တဝၫ့ဂူၫဂၩ လၧဖျိၩ့အီၪဝ့ၫဒၪ အလးအကျဲၩ့လဖၪနီၪ ကြၨၭအၪ့န့ အဒီၩ့အထ့ၬလၧ ဆၧအီၪကီၪ့အယီၩဂီၩ့ ပကအီၪက့ၪဒိၪထဲၩ့…

လၧဎြံၬဆၧအဲၪဆၧကွံၩဖၧၩ့  အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪ မွဲဝ့ၫဒၪ ကိၭဆၧလၧ ဆၧဆံၫ့ဖျ့ၪအဂဲး အကၠီၩ့နီၪလီၫႉ လံၬဆိၫ့ဂ့ၩဆိၫ့ဘွၩအခီၫပယီၫနီၪ မွဲကဲၪဒၪဝ့ၫ ကဆါဎြံၬအဂးနီၪလီၫႉ ၦမၩၥၫထနၫဖိၪ ၥၫ့ခၫၥံၪထီးလူၬယီၩ ကဘၪအၪ့န့ ဆၧၥ့ၪယၫနၧၥ့ၪလၧကဆါဎြံၬအီၪ့ဂီၩ့ ကဘၪအီၪလၧ ကဆါဎြံၬကၠၧၫ့ကၠၧၫ့ နီၪလီၫႉ ကဘၪမၩအ့ၪၦဂူၫဂၩအဂး လၧဆၧဆံၫ့ဖျ့ၪဖၧၩ့နီၪလီၫႉ လကၭဒ့ၭဘၪ ကဘၪအီၪ့ဘူၭထဲးလၧ ကဆါဎြံၬနီၪလီၫႉ လကၭဒ့ၭဘၪ ကဘၪဒၪဆၧၫ့ယၫ ဂၪ့ခိၪလုၫလါဒဲ အနဲၩအဎီၩ့နီၪလီၫႉဆၧလၧၥၫထနၫအဆၧမၩနီၪ ပကဘၪမၩ ကဂၩလီၫ လမွဲဘၪအကၠီၩ့ ပမၩဆၧမၩကဘၪၥ့ၪလၧ ၦဂူၫဂၩနီၪလီၫႉ အရ့ၩဎိၩထုၬကမံၩ့နီၪ ပဘၪအီၪ့ထးန့ၫ ကဂၩလီၫ ပစီၪလၩ့ပၥၭစွါဘဲၫ…

ယ့ၫၡုၬအဆၧချဲၩ့လဖၪကစ့ၩရၫ့ဆၧ. ယ့ၫၡုၬကိၭၡၭထၪ့ဆၧ, စံၭဝ့ၫ, ၦလၧအနဲၩထဲၩ့ ယၧၩယီၩ,မွဲအနဲၩထဲၩ့ၦလၧအအၪ့မၧၫ့လၩ့ယၧၩ လဂၩနီၪလီၫ. ၦလၧအဒၪဘၪယၧၩယီၩ မွဲအဒၪဘၪ ၦလၧအအၪ့မၧၫ့လၩ့ယၧၩ လဂၩနီၪလီၫ. ယဝ့ၫဒၪ ယီၩယမွဲဆၧဖၩ့လဖျိၪ့ဂဲၫထီၩ့လၩ့ လၧဂၪ့ခိၪချိၫ့ယီၩ ဘဲၫၥိၭကယဲၦလၧအနဲၩထဲၩ့ယၧၩလဂၩဂၩနီၪ, ထီးအီၪလၧဆၧခံၭကျၩလဂ့ၩလီၫ. ၦအ့ၪနါဂၧၫ့ယလူတၭ, လနဲၩဘၪဝ့ၫနီၪ ယလစ့ၩရၫ့ဘၪအဝ့ၫတၭ, အဂဲးဘဲၫယီၩ ဘဲၫၥိၭယမိစ့ၩရၫ့ဂၪ့ခိၪဖိၪနီၪ ယဂဲၫယဝ့ၫအ့ၬ, မွဲဘဲၫၥိၭ ယမိထိးထဲၩ့တၩ့ထဲၩ့ အဝ့ၫၥံၪလီၫ. ၦၡၩလဂၩဂၩလၧအခွံၬၡိၭယၧၩယီၩ, ဒဲလထီး န့ဘၪယလူနီၪ, ၦစ့ၩရၫ့အဝ့ၫဒၪအီၪဝ့ၫလဂၩလီၫ. ဆၧချဲၩ့လၧယလီၩဘၪဒၪလ့ၬ မိစ့ၩရၫ့အဝ့ၫလၧမုနံၩထုၬခိၬလီၫ. အဂဲးဘဲၫယီၩ မွဲယချဲၩ့ဒၪယဝ့ၫလၧယဂဲးမွဲအ့ၬ, အ့ၪမွဲဖါလၧအအၪ့မၧၫ့လၩ့န့ယၧၩနီၪ, မွဲယဘၪစံၭဘဲၫၥ့ၪလဲၪဘဲၫၥ့ၪလဲၪ, မွဲယဘၪချဲၩ့ဘဲၫအံၩဘဲၫအိၩအဂဲးနီၪ, အဝ့ၫဒၪမၪလူၬယၧၩလီၫ. ယၥ့ၪ ယၫယဝ့ၫဒၪလၧအဆၧမၪလူၬနီၪ မွဲဆၧမၧၫ့လၩ့ဆိၩလၩ့ကၠၪလီၫ. မၩအၥၭဘဲၫနီၪတၭ,…

ဆၧလထိးဆၧၫ့ယ့ၫၡုၬ. ဘၪလၧဆၧဂီးခၫနီၪ, ၦမၩဘိၪ့ဖလါဆၧလၧယရုစလံၫ့အဖၧၩ့, ယ့ၫၡုၬစဲၪ့လဲးလီၩ့လၧဆၧလုအဂံၪ့စစီလမၧၫ့အထိၬချိၫ့နီၪလီၫ. မၩအၥၭဘဲၫနီၪတၭ, ၦယုဒၫဖိၪၥံၪ ဂဲၫအီၪဝၬဖီၩ့အဝ့ၫတၭ, စံၭဝ့ၫ, နဝ့ၫဒၪယီၩ နမိမၩဂံၩ့ဂၩ့ပၥၭဆံၭယံၬလဲၪ. နအ့ၪမွဲဎရံၬနီၪ လီၩဘၪပၧၩ လၩ့ထံးလၩ့ဆ့ၭဆံၭ. ယ့ၫၡုၬချဲၩ့ဆၧၫ့အဝ့ၫၥံၪ, ယလီၩဘၪယူၭနၥံၪယူၭတၭ, နၥံၪနဲၩနၥံၪဝ့ၫအ့ၬ. ဆၧမၩလၧယမၩလၧယဖါအမံၩ့လဖၪနီၪ, ထိးအၥၭလၧယဂဲးယကၠီၪ့လီၫ. မွဲလါနၫ့ဘိၩ နၥံၪဝ့ၫဒၪယီၩ နၥံၪနဲၩနၥံၪဝ့ၫအ့ၬ. အဂဲးဘဲၫယီၩဘဲၫ ယစံၭနၥံၪအၥိၭနီၪ နၥံၪဘၪဆဲၫ့လၧယၥိၪအ့ၬ. ယၥိၪလဖၪမိခိၭနၪယလူတၭ, ယၥ့ၪယၫအဝ့ၫၥံၪတၭ, အဝ့ၫၥံၪဖိၬယခဲၫ့လီၫ. ယဖ့ၪလၫ့အဝ့ၫၥံၪ လၧဆၧမၧၫ့လၩ့ဆိၩလၩ့ကၠၪတၭ, အဝ့ၫၥံၪမိဘၪဆၧဂၭဂီၩ့ဂၭစၪနးဆိၭအ့ၬ ၦအၪ့ဂူၬမၩန့ဆီၪ့အဝ့ၫၥံၪလၧယစူၪဖၧၩ့ယီၩၥ့ၪနးဂၩအ့ၬ. ယဖါလၧအဖ့ၪလၫ့အဝ့ၫၥံၪလၧယစူၪဖၧၩ့လဂၩနီၪ, ဒိၪနဲၪ့ ကယဲဆၧထီးအလူၬတၭ, ၦအၪ့ဂူၬန့ဆီၪ့အဝ့ၫၥံၪ လၧယဖါအစူၪဖၧၩ့ၥ့ၪနးဂၩအ့ၬ. ယဝ့ၫဒၪဒဲယဖါနီၪ မွဲဆၧလမံၩ့ဎးလီၫ.-

ယဝ့ၫဒၪယီၩ ယမွဲၦယူၬၥိၪလၧအဂ့ၩလဂၩလီၫ. ၦယူၬၥိၪလၧအဂ့ၩလဂၩယီၩ, အီၪက့ၪလၩ့ခွံၬအၥၭလၧၥိၪအဂးလီၫ. အ့ၪမွဲၦလၧအလမွဲဘၪၦယူၬၥိၪ, လမွဲဘၪၥိၪအကဆါတၭ, ဒိၭအၪ့လံၩ့လၩ့အၥၭလဂၩနီၪ,ထီးအဒၪဘၪ ထွံၪမံၩ့ဂဲၫဝ့ၫတၭ, စဲၪ့ဒၪခွံၬၥိၪတၭ,စဲၪ့ဖျိၭဝ့ၫလီၫ. ထွံၪမံၩ့နီၪအၪ့ဂူၬအဲၪ့အဝ့ၫၥံၪတၭ,မၩလၩ့မုလၩ့ဖၭၥိၪလဖၪလီၫ. ၦဒိၭအၪ့လံၩ့လၩ့အၥၭလဂၩနီၪ, မွဲလၧအဒိၭအၪ့လံၩ့လၩ့အၥၭအကၠီၩ့နီၪ အၥၭလအီၪဘၪလၧၥိၪတၭ, စဲၪ့ဒၪခွံၬဝ့ၫလီၫ. ယဝ့ၫဒၪယီၩ ယမွဲၦယူၬၥိၪလၧအဂ့ၩတၭး ယၥ့ၪယၫယဆၧ,ဒဲယဆၧၥ့ၪယၫယၧၩဆ့, ဘဲၫဖါၥ့ၪယၫယၧၩ,ဒဲယၥ့ၪယၫဖါအၥိၭနီၪဆ့လီၫ. ယအီၪက့ၪလၩ့ယၥၭမၧၫ့လၧၥိၪအဂးလီၫ. ယၥိၪလၧအဂူၫဂၩလဖၪနီၪ, လၧအလမွဲဘၪလၧဖီၩ့ယီၩ အီၪဒံၭဝ့ၫလီၫ.အဝ့ၫၥံၪနီၪ ယဘၪဂဲၫၥိၫ့ထဲၩ့ဝ့ၫတၭ, အဝ့ၫၥံၪမိခိၭနၪယလူတၭ, မိအီၪဝ့ၫဘဲၫၥိၪလဒီၪ့ဎး ဒဲၦယူၬၥိၪလဂၩဎးလီၫ. မွဲယဖ့ၪလၫ့ခွံၬယၥၭမၧၫ့ ဘဲၫၥိၭယမိမၩန့ထဲၩ့ ဒီၭဝ့ၫအကၠီၩ့နီၪတၭ, ယဖါအဲၪယၧၩလီၫ.- ၦအၪ့ဂူၬန့ဝ့ၫလၧယၧၩနးဂၩအ့ၬ. မွဲယဖ့ၪလၫ့ ခွံၬဒၪယဝ့ၫတၭ ယဖ့ၪလၫ့ခွံၬၥ့ၪ, ဒဲယအၪ့မၩန့ထဲၩ့ဒီၭၥ့ၪလီၫ. ဆၧမၪလူၬယီ ၩယဒိၭန့လၧယဖါလီၫ.

ဆၧချဲၩ့ဒီၩ့ဘၪဆဲၫ့ၦယူၬၥိၪ. (စယီဟၫ့ (၁၀:၁-၁၀) ယလီၩဘၪနၥံၪ တီၩတီၩလီၩ့လီၩ့ယီၩ, ၦလၧအဂဲၫနုၬဝ့ၫ လၧၥိၪအဖီၩ့ဖၧၩ့ လၧအလမွဲဘၪ လၧတရၫ့ အဖၧၩ့နီၪတၭ, အ့ၪဂဲၫခၫ့ဖၬ လၧအလးလစီၪ့ဒၪနီၪ, မွဲဆၧဂူၪဆၧဘျၪ,ဒဲထမျိၭထမျၬလီၫ. အ့ၪမွဲၦလၧ အဂဲၫနုၬဝ့ၫလၧတရၫ့လဂၩနီၪ မွဲၥိၪအၡၩယူၬၥိၪလီၫ.  ၦအီၪခိၭတရၫ့လဂၩနီၪ ဝဲထၪ့န့ဝ့ၫအဂးတၭ, အၥိၪလဖၪခိၭနၪအလူတၭ, ကိၭထၪ့အၥိၪဒၪဝ့ၫ လၧအမံၩ့တၭ,စဲၪ့ထၪ့ဂၧၩ့အဝ့ၫၥံၪလီၫ.- ထီးအဒုၭစဲၪ့ထၪ့ အၥိၪဒၪဝ့ၫထီးအလူၬနီၪ, လ့ၩထၪ့လၧယၫတၭၥိၪလဖၪဖိၬထၪ့အခဲၫ့လီၫ. အဂဲးဘဲၫယီၩ ၥ့ၪယၫဝ့ၫအလူလီၫ.- အ့ၪမွဲၦမွံၩနီၪ ဖိၬဝ့ၫအခဲၫ့အ့ၬ. မွဲအစဲၪ့ခွံၬဒၪဝ့ၫ လၧအအီၪလီၫ. အဂဲးဘဲၫၫယီၩ ၥ့ၪယၫၦမွံၩအလူအ့ၬ. ယ့ၫၡုၬလီၩလၩ့လၬလၩ့ၦလဖၪနီၪ လၧဆၧချဲၩ့အဒီၩ့ယီၩ လါနၫ့ဘိၩ့, ဆၧလၧအလီၩဘၪအဝ့ၫၥံၪနီၪ မွဲအနၪဝ့ၫၥ့ၪအ့ၬ. ယ့ၫၡုၬမွဲၦယူၬၥိၪအဂ့ၩ. မၩအၥၭဘဲၫနီၪတၭ, ယ့ၫၡုၬစံၭဒီၭဝ့ၫ,…

၂၀၂၆နံၪ့ လၩအ့ၫဖြ့ၫ ၂၅ၥၫ့ လဂီၩ ၆:၃၀အခံၫ့နီၪ ဆၧမၩလၩမၩဖၩ့ ကာဒီနယ်ချားလ်စ်မောင်ဘို ဒိၭန့ နံၪ့၅၀ ထီၫ့ယူၩဘလံၫ ဒဲ စိန်ပေါလ်Broလဖၪ ဒိၭန့ ဆၧအုၩ့လၩ့အဆိၪထုၬ မံဆၩဆၧလုထၪ့အီၪဝ့ၫဒၪလၧ ဒိၩ့ပၥံၫ့ဆၧအီၪကီၪ့ ဒိၩ့ပၥံၫ့ဝံးႇ မြက်တိုႇ စိန်ပေါလ်ၥရိၬဝးဝၩ့ဖၧၩ့နီၪလီၫႉ ၦအကဲၪထၪ့ မံၭထၭခွၫအီၪဝ့ၫဒၪ ၆ဂၩနီၪလီၫႉ ၦလၧအလ့ၩခိၪလ့ၩနါမံဆၩဆၧလုထၪ့နီၪ မွဲဝ့ၫဒၪလၧ ကၫဒံၫနဲၫခၠၩစဘိၫနီၪလီၫႉ မိဖါလၧ အလုထၪ့ အဖိၪအဒံၪလၧ မိဆၧအီၪကီၪ့ဖၧၩ့ယီၩလဖၪဧ့ ယစံၭခိးစံၭတၩဘၪနၥံၪ ဒိၪဒိၪအၪအၪလ့ၬနီၪလီၫႉ ကၫဒံၫနဲၫယီၩ စံၭဘၪ မံၭထၭခွၫၥံၪ အမိဖါလဖၪ ဘဲၫယီၩအၥိၭနီၪလီၫႉ မုကနံၩယီၩ ၦအဒိၭန့ ဆၧအုၩ့လၩ့အဆိၪထုၬ မံၭထၭခွၫလဖၪဒဲ…

အဝ့ၫ ဒၪစံၭအဝ့ၫၥံၪ, လ့ၩလၧဂၪ့ခိၪချိၫ့ထၧၫ့ဖျိၪ့ယၫတၭ, လီၩလၩ့လၬလၩ့ဆၧၥၭထိၬအပရၧၫ့ လၧကယဲၦၡၩကိၭဂၩဒ့ၭဆံၭ. ၦလၧအနဲၩ့ထဲၩ့ဆၧဒဲ ဒိၭဘၭတံၫဇၫ့ အၥၭလဂၩဂၩနီၪ, မိထီၩ့ဝ့ၫ လၧဆၧထိးထဲၩ့တၩ့ထဲၩ့လီၫ. အ့ၪမွဲၦလၧအလနဲၩဘၪဝ့ၫလဂၩဂၩနီၪ, မိဘၪဆၧစ့ၩရၫ့စၪလီၫ. ၦလၧအနဲၩဆၧလဖၪနီၪ, ဆၧမိမၩလၩ့လၭအၥၭလၧအဝ့ၫၥံၪဘဲၫယီၩ, မွဲအမိနၫ့ထၪ့ခွံၬဆၧနၪလၧ ယမံၩ့, မိချဲၩ့ထၪ့ဆၧလၧ ၦဂူၫဂၩၥံၪအလၨလခီၫ.  မိဖီၪ့ဂူတၭ,အ့ၪအီၩဆၧမၧၩ့ၥံၫနီၪ, မိဘၪဆၧနးမံၩ့အ့ၬ. မိအီၪက့ၪထၪ့အစူၪလၧ ၦအဆၫလဖၪအလီၩ့တၭ, အဝ့ၫၥံၪမိဘျၪထဲၩ့ဝ့ၫလီၫ. ယ့ၫၡုၬဘၪဆၧမၩန့ထၪ့ဝ့ၫလၧမူၭခိၪ. ———- မၩအၥၭဘဲၫနီၪတၭ, ကဆါလီၩလၩ့လၬလၩ့ဆၧ လၧအဝ့ၫၥံၪနီၪအလးခဲၫ့,ဆၧအၪ့မၩန့ထၪ့ဝ့ၫလၧမူၭခိၪနီၪတၭ, ဆၧၫ့နၩ့ဝ့ၫလၧယွၩအစူၪထွ့ၪလခီၫလီၫ. အဝ့ၫၥံၪစဲၪ့လီၩလၩ့လၬလၩ့ဆၧ လၧအလးကိၭစီၪ့ဒ့ၭတၭ, ကဆါမၩဎုၬဆၧလၧအဝ့ၫၥံၪအၥိၭနီၪမၩဂုးမၩခၧၫ့ဆၧ အလူအထၫလၧဆၧလၩ့လၭလၧ အမၩအၥၭနီၪလီၫ.

မၩအၥၭဘဲၫနီၪတၭ, ၦယုဒၫဖိၪၥံၪ တ့ၭလိၬအၥၭတၭ,စံၭဝ့ၫ, ၦၡၩယီၩဖ့ၪအၪ့ပၧၩလၧအယၪမိၥ့ၪ ဘဲၫၥ့ၪလဲၪ. မၩအၥၭဘဲၫနီၪတၭ ယ့ၫၡုၬလီၩဘၪအဝ့ၫၥံၪ, ယစံၭနၥံၪတီၩတီၩလီၩ့လီၩ့, နၥံၪအ့ၪလအၪ့ဘၪၦၡၩအဖိၪခွၫအယၪ, နၥံၪအ့ၪလအီၩဘၪအၥွံၪနီၪ ဆၧမၧၫ့အီၪလၧနၥံၪအဖၧၩ့အ့ၬ.ၦလၧအအၪ့ယယၪဒဲအီၩယၥွံၪနီၪ မွဲအအီၪလၧဆၧမၧၫ့လၩ့ဆိၩလၩ့ကၠၪတၭ, ယမိဒုၭဂဲထုၪ့ထဲၩ့အဝ့ၫလၧမုနံၩအထုၬခိၬလီၫ. အဂဲးဘဲၫယီၩ ယယၪမွဲဆၧအၪ့လၩ့ထံးလၩ့ဆ့ၭတၭ, ယၥွံၪမွဲဆၧအီၩလၩ့ထံးလၩ့ ဆ့ၭဆ့လီၫ.  ၦလၧအအၪ့ယယၪဒဲ အီၩယၥွံၪနီၪ မွဲအအီၪဂုးခၧၫ့ဝ့ၫ လၧယဖၧၩ့တၭ, ယအီၪယဝ့ၫလၧအဖၧၩ့ဆ့လီၫ. ဘဲၫဖါလၧအမၧၫ့နီၪအၪ့မၧၫ့လၩ့န့ယၧၩ, ဒဲယမၧၫ့လၧအဝ့ၫနီၪ အကၠီၩ့အၥိၭတၭ, ၦလၧအအၪ့ယၧၩနီၪ,  မိမၧၫ့ဝ့ၫလၧယကၠီၩ့ဆ့လီၫ.- ဆၧယီၩ မွဲကိၪလၧအဂဲၫလၩ့လၧမူၭခိၪလီၫ. မွဲဘဲၫနၥံၪအဖါၥံၪ အၪ့မၪ့နၫတၭ ၥံၫဝ့ၫအၥိၭနီၪမွဲအ့ၬ. ၦလၧအအၪ့ကိၪယီၩ, မိမၧၫ့ဝ့ၫအဆိၩဆိၩအကၠၪကၠၪလီၫ. ဆၧယီၩလဖၪ မွဲအလီၩလၩ့လၬလၩ့ဝ့ၫ လၧၥရိၬဖၧၩ့, ထီးအၥီၪ့ဆၧၥၫ့ဆၧလၧကပၧနအၫ့အဘိၩ့ဘၭနီၪလီၫ.