RVA PWO KAREN

စယီဟၫ့ (၄:၅-၄၂) မၩအၥၭဘဲၫနီၪတၭ,လ့ၩထီၩ့လၧဒိၩ့လဖျိၪ့ ကိၭဝ့ၫလၧစဲခၫအီၪလၧခး စမ့ရအၫဘူၭလၧဂၪ့ခိၪအဝၩ့ လၧစယၫကူၭဖ့ၪလၫ့အဖိၪခွၫစယိၥၭနီၪလီၫ. စယၫကူၭအထံၫဖၧၩ့ အီၪဝ့ၫထီးနီၪလီၫ. မၩအၥၭဘဲၫနီၪတၭ, ယ့ၫၡုၬလ့ၩဆၧနီၪ ဆၧပွံၭအၥၭတၭ, ဆၧၫ့နၩ့ဝ့ၫလၧထံၫဖၧၩ့အနဲၩ့ထံၭနီၪ,လၩ့ဘူၭဎူၫနၩရံၩလီၫ. ၦစမ့ရအၫမုၪလဂၩဂဲၫအၪ့ဒုၪ့ထံၫနီၪ, ယ့ၫၡုၬစံၭအဝ့ၫ, ဒုၭအီၩယၧၩနးဆံၭဘီၪ. အဂဲးဘဲၫယီၩ အထံၩအဖျဲလဖၪလ့ၩဝ့ၫလၧဒိၩ့ဖၧၩ့ ဘဲၫၥိၭအမိဎွ့ၩဆၧအၪ့နီၪလီၫ. မၩအၥၭဘဲၫနီၪတၭ, ၦစမ့ရအၫမုၪစံၭအဝ့ၫ, နဝ့ၫဒၪနမွဲၦယုဒၫဖိၪတၭ, နအၪ့ကံၩ့အီၩဆၧလၧၦစမ့ ရအၫမုၪယီၩမွဲဘၪလဲၪး အဂဲးဘဲၫယီၩ ၦယုဒၫဖိၪ,ဒဲၦစမ့ရအၫဖိၪယီၩ, ဖံၭၥိၭလိၬအၥၭအ့ၬ. ယ့ၫၡုၬချဲၩ့ ဆၧၫ့ဆၧတၭ, စံၭအဝ့ၫ, နအ့ၪၥ့ၪယၫယွၩအခိးအတၩ, ဒဲၦလဂၩလၧအလီၩဘၪနၧၩ, ဒုၭအီၩယၧၩဆံၭ, နမိအၪ့ကံၩ့ဆၧလၧအဝ့ၫနီၪတၭ, အဝ့ၫမိဖ့ၪလၫ့နၧၩလၧထံၫမၧၫ့လီၫ. ၦမုၪစံၭအဝ့ၫ, ကဆါဧ့,နအၪ့ဒုၪ့ထံၫ ယီၩနထံၫဆဲၩ လအီၪဘၪတၭ, ထံၫဖၧၩ့ယီၩယိၬမၬလီၫ. မၩအၥၭဘဲၫနီၪတၭ,…

တၭအဝ့ၫဒၪ စံၭၦလဂၩ အဖိၪခွၫအီၪနံၫဂၩလီၫ.  အဖိၪခွၫဒၪဘၨၩလဂၩ လ့ၩလၧအဖါအအီၪတၭ, စံၭ ဝ့ၫ,ဖါဧ့, ဆၧဖိၪဆၧလံၩလၧ နမိဖ့ၪၥၫလဖၪနီၪ အၪ့နၩ့ဖၭ အဆၧၫ့တၭ, ဖ့ၪလၫ့ယၧၩဘီၪ. အဝ့ၫနီၪအၪ့နၩ့ဖၭ အဆၧဖိၪဆၧလံၩတၭ, ဖ့ၪလၫ့အဝ့ၫၥံၪလီၫ. လအၪနံၩအၪၥၫ့ဘၪတၭ, အဖိၪခွၫဒၪဘၨၩအီၪက့ၪကီၪ့န့ အစူၪလးအခၪ့ခိၪ ထီးအလူၬတၭ, လ့ၩဝ့ၫထီၩ့လၧ ထံၫယဲၩ့ခးယဲၩ့လီၫ. အၪ့ဂီၩ့ခွံၬ အစူၪလးအခၪ့ခိၪထီးနီၪ လၧဆၧလၨၪဖၬအဖၧၩ့လီၫ. အၪ့ဂီၩ့ကယဲအဆၧထီးအလူၬနီၪ, ဆၧၥၭဝံလၩ့ဒိၩဖၭဒိၪ အီၪထၪ့လၧခးလဘံၪ့နီၪအဖၧၩ့တၭ, အဝ့ၫဘၪၡၪ့ဘၪယၬဝ့ၫဒၪလီၫ. လ့ၩအီၪဝ့ၫလၧၦခးဖိၪလဂၩအၥိၭတၭ, အဝ့ၫဒၪအၪ့မၧၫ့အလ့ၩယိထိၭလဖၪလၧ မံၩ့လၬကျၩလီၫ. ဆၧမိအၪ့ဘၪအၥၭလၧၥံၪ့ကၩရိၬအၥၪလၧထိၭအၪ့ဝ့ၫနီၪ, ဆၧဖ့ၪဒုၭအၪ့ဘၪနးဂၩအ့ၬ. အဝ့ၫဒၪနၪ့လၩ့ထဲၩ့အၥၭတၭ, စံၭဝ့ၫ, ယဖါအဎီးအၡၩဒိၭအၪ့လံၩ့အၥၭလၧ အအၪ့ကုၭအီၩဎွ့ၩလဖၪ အီၪဎွ့ဂၩဎွ့ဂၩလဲၪနီၪ ယဝ့ၫဒၪယီၩ ယအီၪဝံအီၪဆံၩ့တၭ,…

ဒိၩ့ပၥံၫ့ဆၧအီၪကီၪ့ဖၧၩ့ မိမၫရံၫခရၧၫ့ ဂဲၫထဲၩ့အီၪထၪ့ ထၪ့ဘၭအနံၪ့ ၇၀ယူၭအကၠီၩ့ ၦၡၩမၩလၩမၩဖၩ့ ဘိၪ့မုနံၩယီၩ လၧမံဆၩဆၧလုထၪ့နီၪလီၫႉ ဆၧထံၪလၩ့ဒီၪလၩ့ယီၩနီၪ ၦၡၩမၩဝ့ၫဒၪလၧ ဒိၩ့ပၥံၫ့ဆၧအီၪကီၪ့ႇ မယၩ့ခၠီၩ့ႇ ယ့ၫၡူၬအၥၭဆံၫ့ဎံၪၥရိၬအနဲၩ့ထံၭ မိမၫရံၫအလိးအိၩအမ့ၬယၫနီၪလီၫႉ မံဆၩဆၧလုထၪ့စၭထၪ့ဝ့ၫဒၪ ၂၀၂၆နံၪ့ လၩမၫၡါ ၁ၥၫ့ လဂီၩ၆နၩရံၫအခံၫ့နီၪလီၫႉ ၦလၧအလ့ၩခိၪလ့ၩနါမံဆၩဆၧလုထၪ့ယီၩနီၪ မွဲဒိၩ့ပၥံၫ့ဆၧအီၪကီၪ့ၥၫ့ခိၪဒိၪ Bp.Henry မၩ့အဲၪချံၫ့နီၪလီၫႉ ၁၊၃၊၂၀၂၆

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ  ၦဆံၫ့ဎံၪ  John Henry Newmen  အဂဲးအကၠီၩ့နီၪလီၫႉ ၦဆံၫ့ဎံၪ  John Henry  ယီၩအီၪဖျဲၪလၧ ခး England နီၪလီၫႉ နံၪ့ ၁၈၂၅ နံၪ့နီၪ ကဲၪထၪ့ၥၫ့ခၫနီၪလီၫႉ ကဲၪၥၫ့ခၫဂီၩ့ ၃၄ နံၪ့နီၪ ၥၫ့ဎွၩ Leo ၁၃ ရွံထၪ့အဝ့ၫ ကာဒီနယ်နီၪလီၫႉ နံၪ့ ၂၀၁၉ နံၪ့ လၩအီၭတိၫဘၧၫ့ ၁၃ ၥၫ့နီၪ ၦၡၩရွံထၪ့အဝ့ၫ…

ဆၧချဲၩ့ဒီၩ့လၩ့ဘၪဆဲၫ့ၦမၩကၩလၧစဘံၭလးဖၧၩ့. ———————————— ၦမၩကၩလဖၪနီၪ ဖီၪ့ထၬန့အဎီးအၡၩတၭး ဒိၪဝ့ၫထးဝ့ၫလဂၩတၭ, မၩၥံၫဝ့ၫလဂၩဒၪတၭ,ခွံၬဝ့ၫလၧလိးလဂၩဒၪလီၫ. မၩဒီၭလဖၧၫ့,အဝ့ၫဒၪအၪ့မၧၫ့ အဎီးအၡၩဂူၫဂၩအၪနဲၪ့ လၧ အခၪ့ထံၭဒံၭတၭ, မွဲအမၩအဝ့ၫၥံၪဘဲၫလးလးလီၫ. လၧခဲၫ့ထုၬလဖၧၫ့နီၪ, မွဲအအၪ့မၧၫ့အဖိၪခွၫ လ့ၩလၧအအီၪတၭ, စံၭဝ့ၫဒၪ, အဝ့ၫၥံၪမိယူၭယၪ့ ယဖိၪခွၫလီၫ. အ့ၪမွဲထီးၦမၩကၩလဖၪဒၪဘၪအဖိၪခွၫနီၪ, စံၭလိၬအၥၭ, အယီၩလဂၩမွဲၦန့ၥၫဆၧလီၫ. ဂဲၫမၩၥံၫၡီၩ့ဘီၪ ပမိမၩန့အဆၧန့ၥၫလီၫ. အဝ့ၫၥံၪဖီၪ့ထၬဝ့ၫ တၭ, နၫ့ထၪ့ခွံၬဝ့ၫလၧစဘံၭအလး လၧခီၫ့နီၪမၩၥံၫခွံၬဝ့ၫလီၫ. မၩအၥၭဘဲၫနီၪတၭ, ထီးစဘံၭလးအက ဆါအ့ၪဂဲၫထဲၩ့ဝ့ၫတၭ, မွဲအမိမၩၦမၩကၩလဖၪနီၪဘဲၫၥ့ၪလဲၪ. အဝ့ၫၥံၪစံၭ, မိမၩဂၭဂီၩ့ခွံၬၦအအၧၩ့လဖၪနီၪနၭမၬလီၫ. မိဖ့ၪလၫ့စဘံၭအလး လၧၦမၩကၩၥံၪအဂူၫဂၩလၧအမိဖ့ၪလၫ့ထဲၩ့ ဆၧၥၪလၧအဆၧၫ့အထီဘၪလီၫ. ယ့ၫရှူၬစံၭအဝ့ၫၥံၪ, လိးလၧၦမၩဂံၪ့လဖၪခွံၬၡိၭဝ့ၫလဖျိၪ့နီၪ, ကဲၪထၪ့ဝ့ၫလၧဆၧအနိၪ့အခိၪစီၪ့တၭ အယီၩဂဲၫလၧကဆါတၭ, မွဲဆၧလၩ့လၭလၧပမ့ၬၥၪဖၧၩ့လီၫ.…

ခးပယၩဆၧထၫ့ဒၩအဂး ၥၫ့ဎွၩလ့ၫအိၫ အဖ့ၩဎိၩထုၬလီၩဝ့ၫဂီၩ့ ဆၧၡုၪဆၧမုၬဖၧၩ့ၥၭအဂး အၪ့က့ၩထၪ့ဆၧနၧလီၫႉ ဆၧပရၧၫ့ယီၩနီၪ နံၪ့၂၀၂၆ လၩစၪ့နွ့ၫရံၫ ၉ ၥၫ့ဒၪအိၩ ၥၫ့ဎွၩလ့ၫအိၫ လီၩၥ့ၪယၫဘၪ သံအမတ်ကြီး ထီးလူၬနီၪလီၫႉ လကၭဒ့ၭဘၪ ခးပယၩ ၥၫ့ဎွၩဒိၪအၥီၫ့ Msgr. Andrea Ferrante နီၪဆ့ၭ ခးပယၩဖိၪၥံၪ ဘၪဒၪဆၧၫ့ယၫ ဆၧကၪဆၧဂဲၩအၪမၬဒ့ၭအကၠီၩ့ လီၩၥ့ၪယၫထၬ ၥၫ့ဎွၩဒိၪနီၪအကၠီၩ့ ချဲၩ့လၩ့ဆၧဖၧၩ့နီၪ လီၩၥ့ၪယၫဝ့ၫနီၪလီၫႉ

မ့ၬလဲၩၥၭဂဲၫ အီၪထီးလူၬနီၪ ခွံၬၡိၭထီးလူၬႉ မ့ၬလဲၩၥၭဂဲၫယီၩအၪ့န့အလးလၧ ပအီၪဂၪ့ခိၪဖၧၩ့အကၠီၩ့နီၪ မ့ၬလဲၩၥၭဂဲၫ ဂဲၫဎိၩထၪ့ဒိၪထၪ့နီၪလီၫႉ ဂၪ့ခိၪထၧၫ့ဘံၪ့ယၫ ဆၧၥၭမဲၫဆၧ ၥၭနီၩ့ထၪ့အၪမၬဒ့ၭအကၠီၩ့ ပကဘၪမၩဖျီၪထၪ့ ဆၧၡုၪဆၧမုၬအဂး ၥၫ့ဎွၩလ့ၫအိၫ ၁၄ ဂၩလဂၩ ပဂၧၫ့ထၪ့ထၬဆၧနီၪလီၫႉ ဆၧပရၧၫ့ယီၩနီၪ လၧခး အမေရိကန် အစ္စရေး ဆၧဒုၭကဲၪထၪ့လၧ ခးအီရန်အခံၫ့ဒၪအိၩ ၦၡၩအၥၭဘၪဆိၫခွ့ၬအၪမၬဒ့ၭႇ ၦဘၪဒၪ ဆၧကၪဆၧဂဲၩအၪမၬဒ့ၭအကၠီၩ့ ပကမၩထၪ့ဆၧၡုၪဆၧမုၬ ခိၭစူၪဝဲလပၫဘၪအဂး ၥၫ့ဎွၩလ့ၫအိၫ ၁၄ ဂၩလဂၩ အၪ့က့ၩထၪ့ဆၧနီၪလီၫႉ

ၦဖိၪဎွ့ၪမုၪဖိၪယီၩ လ့ၩထီၩ့လၧ အဆၧအဲၪခွၫ အတဝၫ့အခၫ ဖနံၬထးကၩအမိနီၪ ဒၪအဖိၪခွၫဂဲၫထဲၩ့ကိၭန့ ၦမုၪတၭ ၥၭထၪ့ စံၭအဖိၪခွၫ ဖိၪခွၫ ဘၪနီၫလဲၪ နဘၪဂဲၫထဲၩ့န့နမၫလၧ ၦၡၩအတဝၫ့ နလီၩၥ့ၪယၫယၧၩနးမံၩ့အ့ၬဂီၩ့ နဂဲၫထဲၩ့ကိၭနီၪ ယဘၪယၥၭအ့ၬႇ နအၪ့န့ထၬ နမၫယီၩ မၦၡၩအမုၪပၥ့ၪလဲၪနီၪ ယယိ ယၥ့ၪယၫ အ့ၪမွဲနကမိမၩ ၦမုၪအဂ့ၩအဘၪနီၪ မိမိကလီၩ့ဎွါအ့ၪနၧၩ ဖနံၬထးကၩ အမိမိလီၩဆၧလဖၪနီၪ ၦဖိၪဎွ့ၪမုၪလဂၩ ၡီၫ့လၩ့ထၬ အခိၪဎွံၪဂီၩ့ ချဲၩ့နးမီၪ့အ့ၬဂီၩ့ ခိၭနၪဝ့ၫဒၪနီၪလီၫႉ အဝ့ၫလီၩဆၧနးမံၩ့အ့ၬ အီၪလၧ အမံၩ့ၡါအဂံၪ့နီၪဂီၩ့ မၩဆၧမၩကိၭမံၩ့ဒ့ၭနီၪလီၫႉ လါနၫ့ အဝ့ၫ မၩဂံၪ့အဆၧမၩကိၭမံၩ့ဒ့ၭတၭ အမံၩ့ၡါမုၪနီၪ မၩဆၧမၩနးမံၩ့လၧၩ့အ့ၬဂီၩ့…

ၦၥထံၫအီၪဝ့ၫလဂၩတၭ, ကီၩ့ၥိၭဝ့ၫလၧဆၧဝီၩလုၭဖုၭ, ဒဲဆၧဘွၩဖျ့ၫလံၬကံၭတၭ, မုၬလၩဝ့ၫလၧဆၧအၪ့လၨၪအီၩလၨၪ ကိၭမုနံၩမုနၩဒ့ၭဒိၪမၬလီၫ. တၭၦၡၪ့ ဖိၪဘၪဆၧဆၫ အီၪဝ့ၫလၧအဖၧၩ့လး ထၧၫ့ဂၩယၫ, အမံၩ့မွဲစလၭဇရၧၭလဂၩနီၪ, ၦအီၪက့ၪလၩ့အဝ့ၫလၧ အဝ့ၫနီၪအဖၧၩ့ၥၭအတရၫ့အခၪ့ထံၭလီၫ.- တၭဆၧမိ အၪ့ဘၪအၥၭ လၧၦၥထံၫအၪ့ဆၧအလၩ့ဎွံၪ လၧစပွဲထံၭနီၪထွံၪလဖၪဂဲၫအၪ့လဲၪ့အဆၧဆၫ အဖၧၩ့လးၥံၪလီၫ. ဆၧမၩအၥၭလၧၦၡၪ့ဖိၪနီၪၥံၫဝ့ၫတၭ, ဆၧအၥီၫ့ၥံၪဆိၬထၪ့ထဲၩ့အဝ့ၫ လၧစအၫဘြဟၫ့အၥၭနၫၡါအလီၩ့လီၫ. ၦၥထံၫလဂၩနီၪၥံၫဝ့ၫဒၪဆ့တၭ, ဘၪဆၧခုၪ့လၩ့ဘၧၩ့ဝ့ၫလီၫ. လၧဖျႃဖၧၩ့နီၪဘၪဆၧၡၪ့ နၭနၭလ့ၬတၭ, စၪ့ထၪ့အမ့ၬၥၪ လၧဖျႃဖၧၩ့တၭ,ဒၪ ဘၪစအၫဘြဟၫ့, ဒဲစလၭဇရၧၭ အီၪလၧအၥၭနၫၡါ အလီၩ့လီၫ. အဝ့ၫဒၪကိၭထၪ့ဆၧတၭ,စံၭဝ့ၫ, ဖါအၫ ဘြဟၫ့ဧ့, ယၫ့ၥုၪ့ယၫ့ၥၭလါယၧၩဆံၭ. အၪ့မၧၫ့စလၭ ဇရၧၭဘၧၩ့လၩ့အစူၪနိၩ့ထိၭနၫ လၧထံၫကျၩတၭ,ဂဲၫမၩၡုၪလၩ့ယဖျ့ၩဆံၭ. အဂဲးဘဲၫယီၩ ယဘၪဆၧနၭဆၧၡၪ့လၧမ့ၪခဲၩအဖၧၩ့ယီၩလီၫ.- စအၫဘြဟၫ့,…