ၦဆံၫ့ဎံၪ John Bosco အဂဲး
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့ မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ John Bosco အဂဲးအကၠီၩ့နီၪလီၫႉ ၦဆံၫ့ဎံၪ John Bosco ယီၩ အီၪဖျဲၪလၧ ခး Italy နီၪလီၫႉ အဝ့ၫ ၥၭဘၪ့အခံၫ့ဒၪအိၩ ဘၪအီၪၡၪ့ၡၪ့ယါယါဒ့ၭအကၠီၩ့ အ့ၪဒၪဘၪ ၥၭဘၪ့ဖိၪၥံၪ ဘၪဖိၪ ၥံၪဘၪအီၪ ၡၪ့ၡၪ့ယါယါစွါဘဲၫ အဝ့ၫမၩဆၧၩ့အ့ၪဝ့ၫနီၪလီၫႉ အဝ့ၫယီၩဘၪလ့ၩထၪ့ကၠီးနီၪ ယဲၩ့လၧအဂံၪ့အၪမၬဒ့ၭ လါနၫ့ လ့ၩဂၬဖၬလၧအခၪ့နီၪလီၫႉ လကၭဒ့ၭဘၪ လၧဖၧၩ့ၥၭနီၪ ဒၪဘၪၦလၧဘၪအီၪၡၪ့ၡၪ့ယါယါၥံၪစွါဘဲၫ အဝ့ၫမၩဆၧၩ့အ့ၪဝ့ၫနီၪလီၫႉ
မၩဆၧၩ့ဝ့ၫဘဲၫၥ့ၪလဲၪစွါဘဲၫ အဝ့ၫလ့ၩမၩဆၧမၩလၧ ၦဆါဆၧ ဆၧမၩလးႇ ၦမၩကိၪဆၧမၩလးႇ ၦဆါခၪ့ဖံၭဆၧမၩလးႇ လကၭဒ့ၭဘၪ ကယဲဒၪဆၧမၩအီၪနီၪ လ့ၩမၩဝ့ၫဂီၩ့ မၩဆၧအ့ၪ ၦၡၪ့ဖိၪၥံၪနီၪလီၫႉ ၦဆံၫ့ဎံၪ John Bosco ယီၩစုကီၪ့ ၥၭဘၪဖိၪၥံၪဂီၩ့ မၩအ့ၪဝ့ၫဆၧဘၩဆိၪဖၪႇ မၩအ့ၪဝ့ၫ ပၥဲၪကွ့ၩဆၧအမံၩ့မံၩ့နီၪလီၫႉ အရ့ၩဎိၩထုၬ မၩဆၧၩ့အ့ၪ ၥၭဘၪဖိၪၥံၪနီၪလီၫႉ ၦၡၪ့ဖိၪၥံၪႇ ၥၭဘၪ့ဖိၪၥံၪအဂး ၥုၪ့ထၪ့ ဆၧၥုၪ့ ဆၧဒီၩ့ဂီၩ့ ကိၭထၬအဝ့ၫၥံၪနီၪလီၫႉ လကၭဒ့ၭဘၪ ဘၪထွ့ၧလၧ ယွၩလူၬယွၩထၫ မံၭဆါဆၧလုထၪ့ထံၫ့ဎံၪအဂး အဝ့ၫခိးဂဲးခိးဘၭ မၩအ့ၪ ၥၭဘၪ့ဖိၪၥံၪနီၪလီၫႉ ၥၭဘၪ့ဖိၪၥံၪအဂး ကယဲလိၪနီၪ မၩဆၧဝ့ၫကိၭမံၩ့နီၪလီၫႉ
လကၭဒ့ၭဘၪ ၦဆံၫ့ဎံၪ John Bosco ယီၩကၧၩ့ထၪ့ထၬ ခ ရၧၫ့နီၪလီၫႉ ၦဆံၫ့ဎံၪ John Bosco ဘိၪ့မုနံၩ့နီၪ မွဲဝ့ၫ လၩစၫ့နွ့ၫရံၫ ၃၁ ၥၫ့နီၪလီၫႉ ၦဆံၫ့ဎံၪ John Bosco ယီၩ ၦဘၪဒိၭနဲၩၥၭ မွဲဝ့ၫ ၦဆံၫ့ဎံၪနီၪလီၫႉ လကၭဒ့ၭဘၪ ၦၡၩကိၭလၧ ၥၭဘၪ့ဖိၪၥံၪ အဖါဖါနီၪလီၫႉ အဲၪကွံၩဘၪထၧၫ့ဖုဝဲထံၩ ၥိၭထီးအလူၬ မွဲနၥံၪလၧၫ့ဎွ့ၩဝ့ၫဒၪလၧ ကဆါယွၩ အဆၧအဲၪဆၧကွံၩလါဆံၭႉ
