RVA PWO KAREN

၂၀၂၆နံၪ့ လၩမ့ၫ ၁၂ၥၫ့ လဂီၩ ၆နၩရံၫအခံၫ့နီၪ ဒိၩ့ပၥံၫ့ ကၭၥလံၬဆၧအီၪကီၪ့ ထၧၫ့ဘံၪ့ယၫ ဆၧအီၪကီၪ့ဆရၫ ဆရၫမုၪၥံၪ အ၁ဖၠးဖျါလၩ့ မံဆၩဆၧလုထၪ့ အီၪဝ့ၫဒၪလၧ ဒိၩ့ပၥံၫ့ ပယၩ့ခၠီၩ့ ယ့ၫၡူၬအၥၭဆံၫ့ဎံၪၥရိၬလးဝၩ့ဖၧၩ့နီၪလီၫႉ ၁ဖၠးနီၪ စၭထၪ့ဝ့ၫဒၪလၧ လၩမ့ၫ၃ၥၫ့ဒဲ ထီၩ့စိၩလၧ၁၂ နီၪလီၫႉ ဆၧအီၪကီၪ့ဆရၫ ဆရမုၪလဖၪ ဂဲၫထၪ့ဝ့ၫဒၪ ကအီၪဖိၭဘိၭအဂၩ (၇၄) နီၪလီၫႉ ၦလၧအလ့ၩခိၪလ့ၩနါ မံဆၩဆၧလုထၪ့နီၪ မွဲဝ့ၫဒၪလၧ ဒိၩ့ပၥံၫ့ဆၧအီၪကီၪ့ၥၫ့ခိၪဒိၪ Henry မၩ့အဲၪချံၫ့တၭ နီၪလီၫႉ လၧမိဆၧအီၪကီၪ့ ထၧၫ့ဘံၪ့ယၫအဖၧၩ့ နုၬလၩ့ဖီၪ့ထၪ့ဖံၭထၪ့ ယွၩအဆၧဖံၭဆၧမၩ ဆၧအီၪကီၪ့ဆရၫ ဆရၫမုၪလဖၪအဂး…

အ့ၪမွဲဘိၩ့နဲၪ့ယီၩ, ယမိထဲၩ့ ထၪ့လၧၦလၧအအၪ့မၧၫ့လၩ့န့ယၧၩလဂၩ အအီၪနီၪတၭ, မွဲနမိလ့ၩခီၫခီၫလဲၪနီၪ နၥံၪအၪ့စၪ့ယၧၩနးဂၩအ့ၬ. မွဲလါနၫ့ဘိၩယလီၩဘၪနၥံၪလၧဆၧယီၩလဖၪအဂဲးတၭ, နၥံၪအၥုၪ့နၥံၪအၥၭလၧၫ့ဎွ့ၩယူၭလၧ ဆၧၥၭအုၭလခီၫနီၪလီၫ. မွဲလါနၫ့ဘိၩ ယလီၩဘၪနၥံၪလၧ ဆၧမွဲဆၧတီၩ, ယထဲၩ့ထၪ့နီၪ မွဲအဂ့ၩဒၪအဆၧလၧနၥံၪအဂးလီၫ.အဂဲးဘဲၫယီၩ ယအ့ၪလထဲၩ့ထၪ့ဘၪတၭ, ၦမၩမုၬဆၧလဂၩနီၪ မိဂဲၫလၧနၥံၪအီၪအ့ၬ. မွဲလါနၫ့ယအ့ၪထဲၩ့ထၪ့နီၪ ယမိအၪ့မၧၫ့အဂဲၫလၩ့လၧနၥံၪအအီၪလီၫ. ထီးအဝ့ၫဒၪဂဲၫအ့ၪထီၩ့တၭ, မိဒုၭၥ့ၪယၫဂၪ့ခိၪဖိၪလၧဆၧဒဲၩဘၭအဂဲး, ဒဲဆၧတီၩဆၧလီၩ့အဂဲး, ဒဲဆၧစ့ၩရၫ့အဂဲးလီၫ. လၧဆၧဒဲၩဘၭအဂဲး, မွဲအဝ့ၫၥံၪလနဲၩဘၪယၧၩအကၠီၩ့နီၪ, လၧဆၧတီၩဆၧလီၩ့အဂဲး, မွဲယထဲၩ့ ထၪ့လၧယဖါအအီၪ, ဒဲနၥံၪလဒၪလၧၩ့ဘၪယၧၩအကၠီၩ့နီၪ, လၧဆၧစ့ၩရၫ့အဂဲး, မွဲဂၪ့ခိၪအခိၪလဂၩ ဘၪဆၧစ့ၩရၫ့အကၠီၩ့နီၪလီၫ.

အ့ၪမွဲထီးၦမၩမုၬဆၧလၧယမိအၪ့မၧၫ့လၩ့ဝ့ၫလၧဖါအအီၪလဂၩနီၪ, ၥၭမုလၧအဘၪဆဲၫ့လၧဆၧမွဲဆၧတီၩလၧ အဂဲၫလၩ့လၧဖါအအီၪ အ့ၪဂဲၫcထီၩ့ဝ့ၫတၭ,မိထိးအၥၭလၧယဂဲးယကၠီၪ့လီၫ.- နၥံၪဝ့ၫဒၪလဖၪယီၩ နၥံၪမိထိးနၥံၪအၥၭဆ့လီၫ. အဂဲးဘဲၫယီၩနၥံၪအီၪလၧယၥိၭလၧအခၪ့ထံၭလံၩလံၩခီးဘိၩ့နဲၪ့ယီၩအကၠီၩ့လီၫ.

နၥံၪအ့ၪအဲၪယၧၩတၭ, ထီးန့ဖံၭထၬယဆၧမၪ လူၬလဖၪနီၪဆံၭ. ဆၧအုၩ့လၩ့ဘၪဆဲၫ့ၥၭမုဆံၫ့ဎံၪ. ယမိအၪ့ကံၩ့ဆၧလၧဖါတၭ, အဝ့ၫမိဖ့ၪလၫ့နၥံၪ လၧၦမၩမုၬဆၧအဂူၫဂၩလဂၩ ဘဲၫအမိအီၪဘၪလၧနၥံၪအၥိၭလၩ့ဆိၩလၩ့ကၠၪလီၫ. အဝ့ၫနီၪ မွဲၥၭမုလၧ အဘၪဆဲၫ့လၧဆၧမွဲဆၧတီၩ လၧဂၪ့ခိၪဖိၪ ထိးဆၧၫ့ဝ့ၫဒၪၥ့ၪအ့ၬ. အဂဲးဘဲၫယီၩ လဒၪဘၪဝ့ၫနီၪ ၥ့ၪယၫဝ့ၫအ့ၬ.အ့ၪမွဲနၥံၪဝ့ၫယီၩ နၥံၪၥ့ၪယၫအဝ့ၫလီၫ. အဂဲးဘဲၫယီၩ အီၪဂုးခၧၫ့လၧနၥံၪအၥိၭတၭ, မိအီၪလၧ နၥံၪအဖၧၩ့လီၫ. ယလအီၪက့ၪဖိၪဎွ့ၪဘၪနၥံၪတၭ ယမိဂဲၫထဲၩ့လၧနၥံၪ အအီၪလီၫ. မီခိၬဖီၩ့ခွံၬနီၪ, ဂၪ့ခိၪဖိၪလဒၪလၧၩ့ဘၪယၧၩတၭ, အ့ၪမွဲနၥံၪဝ့ၫဒၪယီၩ နၥံၪမိဒၪဘၪယၧၩလီၫ. မွဲယမၧၫ့အကၠီၩ့တၭ, နၥံၪမိမၧၫ့ဆ့လီၫ. လၧမုလနံၩနီၪ နၥံၪမိၥ့ၪယၫ လၧယအီၪလၧဖါအဖၧၩ့, ဒဲနၥံၪအီၪလၧယဖၧၩ့ဒဲ ယအီၪလၧနၥံၪအဖၧၩ့လီၫ. ၦလၧအအီၪလၧ ယဆၧမၪလူၬလဖၪ, ဒဲထီးန့ဖံၭထၬဝ့ၫနီၪ, မွဲၦလၧအအဲၪယၧၩ, ဒဲ…

နးဎံၫး                ဟ့ၭ နးဘွၩ နဖီ မနီၪလဲၪႉ နးဘွၩး               အီၩ ယဖီ ပၫပၩ ဖရၫ့စ့ၭ အလံၬစီၩ့ ပကဘၪယိထွ့ၫ ပဂၪ့ခိၪဂံၪ့ အဂဲးနီၪဘီၪႉ အထီဘဲၫယီၩ ပဘၪဒၪဎီၩ့ဆၧၫ့ယၫ ဂၪ့ခိၪ ထၧၫ့ဘံၪ့ယၫ နဲၩ့ဎီၩ့ ဂဲၫဂၭဂီၩ့ဂၭစၪထၪ့ႇ ပအီၪအလး ဂံၪ့ႇ ဂၪ့ခိၪချိၫ့ယီၩ မွဲထီၩ့ဝ့ၫယူၭလၧ ဆၧလၩ့အၪ့ယိၫ အဖၧၩ့ယူၭလီၫ အကၠီၩ့တၭ ဆၧယီၩ ပကဘၪယိထွ့ၫပဒၩ့ထၬ စွါဘဲၫႉ နးဎံၫး                မွဲဘၪနီၪ နးဘွၩဧ့ႇ အဆိၪထုၬ ဒုၭအီၩပၧၩ ထံၫချံၪ့ချံၪ့ခလူၬႉ လၧခီၫအိၩ မုမ့ၬနီၪ မီၪ့ဎီၩ့ အၪ့ဎိၪထၬပၧၩအၥိၭႉ…

ဂၪ့ခိၪအဆၧၥၭဂဲၫ့. ————————– ဂၪ့ခိၪဖိၪအ့ၪမ့ၬလဲၩနၥံၪနီၪ, ၥ့ၪယၫနၥံၪဝ့ၫလၧအလချႃၭမ့ၬလဲၩဒံၭဘၪနၥံၪနီၪ, မ့ၬလဲၩဆိၫယၧၩ ယီၩလီၫ. နၥံၪအ့ၪဘၪဆဲၫ့ လၧဂၪ့ခိၪဖိၪနီၪ ဂၪ့ခိၪဖိၪ မိအဲၪအဆၧဒၪဝ့ၫလီၫ. အ့ၪမွဲနၥံၪဝ့ၫယီၩ နၥံၪလဘၪဆဲၫ့ဘၪလၧဂၪ့ခိၪဖိၪတၭ, ယရွံန့ခွံၬ နၥံၪလၧဂၪ့ခိၪဖိၪၥံၪအကျၩအကၠီၩ့နီၪ ဂၪ့ခိၪဖိၪမ့ၬလဲၩနၥံၪလီၫ. နၪ့ထၪ့ထဲၩ့ဆၧချဲၩ့လၧယလီၩဘၪနၥံၪနီၪ, အဎီးအၡၩဒိၪနဲၪ့အကဆါအ့ၬ. အဝ့ၫၥံၪအ့ၪမၩအၧၩ့ယၧၩ တၭမိမၩအၧၩ့နၥံၪဆ့လီၫ. အ့ၪထီးန့ဖံၭထၬယလူတၭ, မိထီးန့ဖံၭထၬနၥံၪအလူဆ့လီၫ. မွဲလါနၫ့ဘိၩ အဝ့ၫၥံၪမိမၩနၥံၪလၧဆၧနီၪလဖၪ ထီးအလူၬလၧယမံၩ့အကၠီၩ့လီၫ. အဂဲးဘဲၫယီၩ ၦလၧအအၪ့မၧၫ့လၩ့န့ယၧၩနီၪ အဝ့ၫၥံၪၥ့ၪယၫဝ့ၫအ့ၬ.

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရါလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ   John de Britto, SJ  အဂဲးအကၠီၩ့နီၪလီၫႉ ၦဆံၫ့ဎံၪ   John de Britto ယီၩအီၪဖျဲၪလၧ ခး India နီၪလီၫႉ အဝ့ၫယီၩ မွဲဝ့ၫ ၦကဲၪဒိၪကဲၪမု အဖိၪနီၪလီၫႉ အဝ့ၫယီၩကမၩၥၫထနၫဆၧမၩအဂး အၥၭလူၬအီၪအၪမၬဒ့ၭနီၪလီၫႉ ဆၧနီၪအကၠီၩ့ အဝ့ၫ လ့ၩကဲၪၥၫ့ခၫလၧ Jesuit ခရၧၫ့နီၪလီၫႉ ကဲၪၥၫ့ခၫဂီၩ့ လ့ၩမၩၥၫထ နၫဆၧမၩလၧ ခး India နီၪလီၫႉ…

အယီၩမွဲယဆၧမၪလူၬ, ဘဲၫယအဲၪနၥံၪအၥိၭနီၪ, အဲၪလိၬကွံၩလိၬနၥံၪ အၥၭဘဲၫနီၪအၥိၭဆံၭ. ၦလဂၩဂၩအ့ၪအီၪက့ၪလၩ့အၥၭမၧၫ့ လၧအထံၩအၥိၭအကၠီၩ့နီၪ, ၦၡၩအဆၧအဲၪဆၧကွံၩနီၪဒိၪ နဲၪ့အဝ့ၫနီၪအီၪနးဂၩအ့ၬ. ထီးဒၪဆၧလၧယမၪလူ နၥံၪနီၪ နၥံၪအ့ၪမၩတၭ, နၥံၪမွဲယထံၩယၥိၭလီၫ. ယကိၭလၧၩ့နၥံၪလၧဎီးလၧၡၩအ့ၬ. အဂဲးဘဲၫယီၩ အ ကဆါမၩနီၫလဲၪနီၫလဲၪနီၪ, အဎီးအၡၩၥ့ၪယၫဝ့ၫအ့ၬ. ယကိၭထဲၩ့နၥံၪ လၧထံၩလၧၥိၭလီၫ. အဂဲးဘဲၫယီၩ ကယဲယနါဂၧၫ့ဆၧလၧဖါအအီၪနီၪ ယဒုၭၥ့ၪယၫနၥံၪလီၫ. နၥံၪဝ့ၫဒၪယီၩ နၥံၪလရွံန့ဘၪယၧၩတၭ, ယဝ့ၫဒၪယီၩ ယရွံန့ယူၭနၥံၪ, ဒဲအီၪက့ၪလၩ့ယူၭနၥံၪဘဲၫၥိၭ နၥံၪမိလ့ၩၥၪထၪ့, ဒဲနၥံၪအဆၧၥၪနီၪ မိအီၪဂုးခၧၫ့ဝ့ၫလီၫ.ဘဲၫၥိၭနၥံၪအ့ၪအၪ့ကံၩ့ဆၧလမံၩ့လါလါလၧဖါနီၪ လၧယမံၩ့အကၠီၩ့တၭ, အဝ့ၫဒၪမိဖ့ၪလၫ့ဝ့ၫလၧနၥံၪအဂးလီၫ. ယမၪလူၬနၥံၪလၧဆၧလဖၪယီၩ ဘဲၫၥိၭနၥံၪမိအဲၪလိၬကွံၩလိၬနၥံၪအၥၭလီၫ.