RVA PWO KAREN

ယ့ၫၡုၬချဲၩ့ဆၧဘၪဆဲၫ့ဆၧလုဂံၪ့ အဆၧဂၭဂီၩ့.တၭၦလနၩ့နၩ့စံၭဝ့ၫ,လၧဆၧလုအဂံၪ့အဂဲး, လၧအဘၪဆၧကယၧၩ့အၥၭလၧလိးဂ့ၩ, ဒဲလၧဆၧမၩဘိၪ့လဖၪတၭ, အဝ့ၫဒၪစံၭဝ့ၫ,- ဆၧလၧနၥံၪဒၪဘၪလဖၪယီၩ,အနံၩအၥၫ့မိဘၪဝ့ၫ လၧလိးအီၪဒၩ့ဒိၭလိၬအၥၭနီၪ လလၩ့ဎီးခွံၬဘၪတၭ, အီၪလၩ့ထးဘၪနးဖျိၪ့အ့ၬ.

၂၀၂၅နံၪ့ လၩနိၫဝ့ၩဘၧၫ ၁၇ၥၫ့ လဂီၩ၇နၩရံၫအခံၫ့နီၪ ၦၡၩမၩလၩမၩဖၩ့ၡီၩ့ စိန်ဖရန်စစ် ဇေးဗီးယဲ မံၭထၭမုၪၥံၪ အယူၩဘလံၫ မံဆၩဆၧလုထၪ့အီၪဝ့ၫဒၪလၧ ဒိၩ့ပၥံၫ့ စံၫ့ပံတၧၫကၥံၫ ဒရဲၫၥရိၬလးဝၩ့ဖၧၩ့နီၪလီၫႉ မံၭထၭမုၪလၧအထိးဆၧၫ့ဒိၭန့ ၂၅နံၪ့စ့ၩဘျံၭယူၩဘလံၫအီၪ၉ဂၩ ဒဲ အနံၪ့၅၀ထီၫ့ယူၩဘ လံၫအီၪဝ့ၫဒၪ၅ဂၩနီၪလီၫႉ ၦလၧအလ့ၩခိၪလ့ၩနါ ယူၩဘလံၫမံဆၩဆၧလုထၪ့နီၪ မွဲဝ့ၫဒၪလၧ ဒိၩ့ပၥံၫ့ဆၧအီၪကီၪ့ၥၫ့ခိၪဒိၪ Bp.Henry မၩ့အဲၪချံၫ့နီၪလီၫႉ  “ပဆၧၥၭမၧၫ့ ပအီၪက့ၪဂုးခၧၫ့ပဆၧအုၩ့လၩ့နီၪ အကၧၩ့ဒိၪန့ ဆၧဆူနဲၩအၥံၫဒံၭနီၪလီၫႉ ခီၫခီၫပကဆူနဲၩဒၪ ကဆါယွၩပျီၩပျီၩနီၪ မုကိနံၩအဖၧၩ့ လၧပဘၪမၩဝ့ၫဒၪ ဆၧမၩလဖၪအဖၫ့ ခိၪ လၧပၥုၪ့အီၪၥၭအီၪအဖၧၩ့ ပမၩထၪ့ဂ့ၩဂ့ၩဘၪဘၪနီၪ အခီၫပယီၫအီၪနၭကဆံၭအဂဲး မာ သာရ်ထရေဇား ၥ့ၪယၫထၪ့ဝ့ၫလီၫႉ…

၁ႉ နၧၩလည်း မွဲနၧၩ = နၧၩဆ့ မွဲနၧၩ (နးဆ့) ၂ႉ ယၧၩလည်း မွဲယၧၩ = ယၧၩဆ့ မွဲယၧၩ ၃ႉ အဝ့ၫလည်း မွဲအဝ့ၫ = အဝ့ၫနးဆ့ မွဲအဝ့ၫ ၄ႉ အယီၩလည်း ဂ့ၩဧၪအ့ၬ = အယီၩနးဆ့ ဂ့ၩဧၪအ့ၬ ၅ႉ အနီၪလည်း အီၪဘၧၩ့ဖျၪဒၪလီၫ = အနီၪဆ့ အီၪဘၧၩ့ဖျၪဒၪလီၫႉ ၆. ဆၫ့ယၪယီၩလဲ ပအၪ့အွံၪနးဆံၭအ့ၬႉ  ဆၫ့ယၫယီၩဆ့ ပအၪ့အွံၪနးဆံၭအ့ၬႉ ၇ႉ အိၩ ၥၧၫ့အယီၩလဲ ဂၪ့ထီၩ့လၪ့လၧမူၭခိၪအိၩႉ…

ၦမုၪမဲၫအဆၧဖ့ၪမၩဘိၪ့. (လုကၭ (၂၁:ၥ-၄) အဝ့ၫဒၪယိထၪ့ဝ့ၫတၭ, ဒၪဘၪၦၥထံၫခွံၬလၩ့ အဆၧဖ့ၪလၫ့ လၧစ့ၩအီၪကီၪ့အလးဖၧၩ့လီၫ. တၭဒၪဘၪဆ့ ၦမုၪမဲၫအၡၪ့လဂၩ ဂဲၫခွံၬလၩ့ကၭနံၫဘံၪ့လီၫ. တၭအဝ့ၫဒၪစံၭဝ့ၫ, ယစံၭနၥံၪ လၩ့ထံးလၩ့ဆ့ၭ ၦမုၪမဲၫအၡၪ့လဂၩယီၩ, ခွံၬလၩ့ဆၧအၪနဲၪ့ၦထီးအလူၬလီၫ. အဂဲးဘဲၫယီၩ အဝ့ၫၥံၪကိၭဂၩဒ့ၭနီၪ, မၩန့ဝ့ၫလၧ အဆၧဎွ့ၩလၨၪခွံၬအဘျဲၪတၭ, ခွံၬလၩ့လၧ ဆၧမၩဘိၪ့အဖၧၩ့လီၫ. အ့ၪမွဲၦမုၪမဲၫလဂၩယီၩ, မၩန့ဝ့ၫလၧအဆၧ လလၧၫ့လဎွ့ၩဘၪအဖၧၩ့တၭ, ခွံၬလၩ့ကယဲအဆၧအီၪလၧအဆၧအၪ့ဆၧအီၩအဂးထီးအလူၬလီၫ.

ပဂံၪ့ဒီၪ့ဖိၪၥံၪနီၪ ပကဘၪအဲၪကွံၩလိၬၥၭနီၪလီၫႉ ပဂံၪ့ဒီၪ့ဖိၪၥံၪ အ့ၪအဲၪလိၬၥၭမၬ ပဂံၪ့ဒီၪ့နီၪ ဆၧမုၬဆၧလၩကအီၪဝ့ၫနီၪလီၫႉ

ၦခမျၧးၥံၪဆၧၫ့ထုၪ့ယိဆၧလီၫ. ဒဲၦဒိၪၦၡါၥံၪဒုၪဒွ့ၪဆၧတၭ, စံၭဝ့ၫ, ၦလဂၩယီၩထိးထဲၩ့တၩ့ထဲၩ့မၬၦဂူၫဂၩတၭ, အ့ၪမွဲဎရံၬၦလၧယွၩရွံန့ဝ့ၫလဂၩနီၪ, မွဲအထိးထဲၩ့တၩ့ထဲၩ့ဒၪအၥၭဆံၭ. ၦၥုၭဖိၪလ့ၩလၧအအီၪတၭ, ဒုၭအီၩဝ့ၫဆၧဆဲၪ့ထံၫ, ဒဲဒုၪဒွ့ၪဝ့ၫဆ့တၭ,စံၭဝ့ၫ, နအ့ၪမွဲၦယုဒၫဖိၪအစဎွၩနီၪ, ထိးထဲၩ့တၩ့ထဲၩ့ဒၪနၥၭဆံၭ. လံၬဒုၭနဲၪဆၧအီၪကွ့ၭအၥၭ (လၧဂြံစၭ,ဒဲရိမၫ,ဒဲဟံ ဘြႃၫအဆၧချဲၩ့) ဘၪဆၧအီၪက့ၪထၪ့ဝ့ၫလၧအဖၫ့ခိၪ, အယီၩမွဲၦယုဒၫဖိၪၥံၪအစဎွၩလီၫ. ၦထမျၬၥံၪလၧအဘၪဆၧဖျၩထၪ့ဝ့ၫနီၪ အလဂၩဒုၪဒွ့ၪဆၧတၭ, စံၭဝ့ၫ, နအ့ၪမွဲဎရံၬနီၪ ထိးထဲၩ့တၩ့ထဲၩ့န့ဎုၬလါနၥၭဒၪ နဝ့ၫဒဲပဝ့ၫဒၪယီၩဆ့ဘီၪ. အ့ၪမွဲအဝ့ၫဒၪလဂၩချဲၩ့ဆၧၫ့ဆၧ, အၪ့လၬအဝ့ၫနီၪ, စံၭဝ့ၫ, နဘၪဆၧစ့ၩရၫ့စၪလမံၩ့ဎးလၧၦလဂၩယီၩတၭ,မွဲနၥၭမဲၪယွၩအ့ၬဧၪ. ပဝ့ၫဒၪယီၩပဘၪဆၧစ့ၩရၫ့တီၩတီၩလီၫ. အဂဲးဘဲၫယီၩပထိးဘၪဆၧ ထီးဒၪအကြၨၭ လၧပမၩဆၧအဂဲးလီၫ. အ့ၪမွဲအဝ့ၫလဂၩယီၩ, မၩမၪဆၧနးမံၩ့အ့ၬ. အဝ့ၫဒၪစံၭယ့ၫၡုၬ, ကဆါဧ့, ထီးနအ့ၪနုၬလၧနဘၩ့နမုးအဖၧၩ့တၭ, နၪ့ထၪ့ထဲၩ့ယၧၩဆံၭ. ယ့ၫၡုၬစံၭအဝ့ၫဒၪ, ယလီၩဘၪနၧၩ တီၩတီၩယီၩ, မုဆၫလနံၩယီၩ…

ၦစၭဒုၫစံၫလၧအစံၭဝ့ၫ, ဆၧဂဲထုၪ့ထဲၩ့လအီၪဘၪလနၩ့နၩ့လ့ၩလၧအအီၪတၭ,အၪ့စၪ့အဝ့ၫ,- စံၭဝ့ၫ,ဆရၫဧ့, စမိစ့ၭကွ့ၭန့ပလံၬ,စံၭဝ့ၫ,ၦလဂၩဂၩ အထၧၫ့ဖုဝဲလၧအအီၪလၧအမၫအ့ၪၥံၫတၭ, ထီးအၥံၫနီၪအဖိၪအ့ၪလအီၪဘၪတၭ, အထၧၫ့ဖုဝဲ ဘၪအီၪဎုၬလၧအမၫတၭ, ဘၪမၩအီၪထၪ့န့ အထၧၫ့ဖုဝဲအချံၫအၥၪလီၫ.မၩအၥၭဘဲၫနီၪတၭ, ၦထၧၫ့ဖုဝဲခွၫအီၪနွ့ၫဂၩလီၫ. အခၪ့ထံၭလဂၩန့အမၫတၭ, အဖိၪလအီၪဘၪၥံၫဝ့ၫလီၫ.- နံၫဂၩလဂၩမၩန့အမၫတၭ, အဖိၪလအီၪဘၪၥံၫဝ့ၫလီၫ.- ၥၧၫ့ဂၩလဂၩမၩန့ဝ့ၫတၭ, ဆၧမၩအၥၭဘဲၫနီၪဆ့ နွ့ၫဂၩလူၬတၭ, အဖိၪလအီၪလၩ့ထးဘၪနီၪ ၥံၫဝ့ၫဒၪလီၫ.- တၭလၧခဲၫ့ထုၬၦမုၪလဂၩၥံၫဝ့ၫဆ့လီၫ.- မၩအၥၭဘဲၫနီၪတၭ,လၧဆၧဂဲထုၪ့ထဲၩ့အဖၧၩ့ နီၪ,မွဲအမိကဲၪထဲၩ့လၧၦလဖၪနီၪ အမၫလဂၩဂၩလဲၪ. အဂဲးဘဲၫယီၩ ၦနွ့ၫဂၩနီၪန့အမၫလၧအဝ့ၫလီၫ.ယ့ၫၡုၬချဲၩ့ဆၧၫ့ဆၧလၧအဝ့ၫၥံၪတၭ, စံၭဝ့ၫ ၦအယီၩလကၠၪဖိၪအီၪဎုၬတၭ, ဒုၭအီၪဎုၬလိၬအၥၭလီၫ. အ့ၪမွဲၦၡၩလၧအဂ့ၩဒိၭန့ဝ့ၫလၧနးကၠၪဒီၭ, ဒဲဆၧဂဲထုၪ့ထဲၩ့လၧဆၧၥံၫအဖၧၩ့လဖၪနီၪ,အီၪဎုၬလၧၩ့အ့ၬ. ဘၪဆၧဒုၭအီၪဎုၬလိၬအၥၭဆ့အ့ၬ.- တၭအဝ့ၫၥံၪ ၥံၫၥ့ၪလၧၩ့ဆ့အ့ၬႉ အဂဲးဘဲၫယီၩ မွဲဘဲၫအၥီၫ့ လဖၪအၥိၭတၭ,မွဲဆၧဂဲထုၪ့ထဲၩ့အဖိၪတၭ, မွဲယွၩအဖိၪလီၫ. မွဲလါနၫ့ဘိၩ လၧၦၥံၫမိဂဲထုၪ့ထဲၩ့နီၪ,…

ထၧၫ့ဖုဝဲမုၪခွၫၥံၪဧ့ႇ ပစံဖံၭမၫဆမံၭနီၪ ဂၪ့ခိၪချိၫ့ယီၩ မွဲအဎိၩထုၬ မၫဆမံၭဒဲ ဆၧအမံၩ့ယီၩ အီၪဂဲၫထဲၩ့စဲၪ့လၫ့လၧ လက်တင် လၨဆၧချဲၩ့တၭ အခီၫပယီၫနီၪ မွဲဝ့ၫလၧ ကယုၩကစုၩပၫ့လဲၫ “ဆိတ်ငြိမ်သောပင်လယ်“ နီၪလီၫႉ လၧမုထၪ့ကကဲၩ့ခီၫ အမ့ၫရံကၭခးမိၡါနံၫဒုၩႇ မုနုၬကကဲၩ့ခီၫနီၪ အ့ၩၡၩခးမိၡါဒဲ အီၭစတ့ၩလျၭခးမိၡါၥံၪအကျၩ အခံးအဂၩ့မၩအၥၭ ခွၩ့ခွၩ့နီၪလီၫႉ အဝ့ၫနီၪ အလဲးအီၪဝ့ၫ စတုယၩ့မံလၬ ၆ ဘၩ့ ၈ခွး ၆ကုၬ ၃လၬ ၄ထီၫ့ ဒဲ အယိၬအီၪဝ့ၫဒၪ ဖိၭဘိၭ ပ့ၫ ၁၄၀၅၀ နီၪလီၫႉ ပစံဖံၭမၫဆမံၭနီၪ လၧဂၪ့ခိၪချိၫ့ယီၩ လဲးန့ဒံၭ ခီၫၥွံၪခိၪထီးအလူၬဒံၭနီၪလီၫႉ…

ယ့ၫၡုၬလ့ၩနုၬလၩ့လၧဆၧလုဂံၪ့ဖၧၩ့.(စလုကၭ (၁၉:၄၅-၄၈) )အဝ့ၫဒၪလ့ၩနုၬဝ့ၫလၧဆၧလုအဂံၪ့ဖၧၩ့တၭ, နၫ့ထၪ့ခွံၬၦဎွ့ၩဆၧ, ၦအၪ့ဆၫဆၧလဖၪတၭ လီၩဘၪအဝ့ၫၥံၪဆၧကွ့ၭအၥၭ, ယဂံၪ့မွဲ ဆၧ ဘၩ ဆိၪ ဖၪ အ ဂံၪ့ လီၫ. အ့ၪ မွဲ န ၥံၪ ဝ့ၫ ဒၪ ယီၩ, န ၥံၪ မၩ ယူၭ မၬ ဝ့ၫ လၧ ထ မျၬ အ ဖၧၩ့ လီၫ. တၭအဝ့ၫဒၪ ၥီၪ့ထဲၩ့ၥၫ့ထဲၩ့ဆၧ လၧဆၧလုအဂံၪ့ဖၧၩ့ ကိၭမုနံၩဒ့ၭလီၫ. တၭၦလုဆၧအဒိၪၥံၪ, ဒဲၦကွ့ၭ လံၬၥံၪ,ဒဲၦအဒိၪအၡါၥံၪနီၪ,…

လၧဖျိၩ့ဖျိၩ့အိၩ ၦဖျိၩ့ၡၩ့အီၪလၧ ခိၪလီၩ့ခိၪလနၩ့နီၪ မၩလၩမၩဖၩ့ယံၫယါ ဘိၪ့အၪ့ဆိၫလၧ လၩနၫ့လူၬ မုနံၩနီၪလီၫႉ ကဘၪကုၬဝ့ၫအခံၫ့ဘၪယူၭ ဆံၭလးလဖၪနီၪ ကုၬဆိၫဝ့ၫ ဘုၪ အဲၩ့ ကဆံၭကဆံၭဖိၪဂီၩ့ ကိၭဖံၭၥိၭ ၦခမျၧး တဝၫ့ဖိၪလဖၪ အၪ့ဖီၫ့ဒုၭအၪ့ယံၫယါဝ့ၫနီၪလီၫႉ  ဂီၩ့နီၪ ဆုးကုၬအဘုၪၥံၪအဲၩ့ၥံၪနီၪလီၫႉ ဖံၫဖူၫၥံၪ လၧဖျိၩ့ဖျိၩ့ အိၩ ဘၪမၩထၪ့ဝ့ၫ ဘဲၫယီၩၥိၭနီၪ အဝ့ၫၥံၪနဲၩ့ထၬ ပဘျုၪ့အၪ့ဘျုၪ့အီၩၦၡၩ ၦဘုၪအၥၪဆိၫၥံၪလဖၪနီၪ ဘုၪၥံၪ အဲၩ့ၥံၪလၧအအီၪထး ကဘၪဆုးကုၬဝ့ၫလဖၪ အၥၪန့အၪနၭထၪ့အကၠီၩ့နီၪလီၫႉ             ထၧၫ့ဖုဝဲဖျိၩ့ဖိၪၥံၪဧ့ႇ လၩခတူၭဂီဒဲ လၩနၫ့နီၪ မွဲၦမၩဆံၬဖိၪၥံၪ ဘၪကုၬဘုၪအခံၫ့နီၪလီၫႉ လၧဖျိၩ့ဖျိၩ့အိၩ ကိၭနံၪ့ကိၭနံၪ့ဒ့ၭ ဘၪကုၬဘုၪအခံၫ့နီၪ…