RVA PWO KAREN

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪနီၪမွဲဝ့ၫဒၪ ၦလၧဘၪထိး န့ၩခၠၧၫ့ဆၧလၩ့အၪ့ယိၪမံၩ့မံၩ့အဂး ၥၫ့ဎွၩလ့ၫအိၫ ၁၄ ဂၩလဂၩ ဘၩဆိၪဖၪန့ဆၧအဂဲး အကၠီၩ့နီၪလီၫႉ န့ၩခၠၧၫ့ဆၧလၩ့အၪ့ယိၪဖၧၩ့ ၦလၧဘၪဆိၪခွံၬအဂံၪ့ဒီၪ့ဖိၪၥံၪလဖၪအဂး အဆၫ့လၧၫ့ထုၬ ၥၫ့ဎွၩလ့ၫအိၫ ဘၩဆိၪဖၪန့နီၪလီၫႉ လကၭဒ့ၭဘၪ ၦလၧၥံၫဖီၩ့ခွံၬလၧ န့ၩခၠၧၫ့ဆၧလၩ့အၪ့ယိၪဖၧၩ့ အဝ့ၫၥံၪအနးၥၭအဂး ၥၫ့ဎွၩလ့ၫအိၫ ဘၩဆိၪဖၪန့နီၪလီၫႉ ၦလၧလီၩပြံၭထဲၩၦၡၩအၥၭၥံၪလဖၪယီၩ ကဘၪဖီၪ့ထၪ့ဖံၭထၪ့ဆၧလၧ ဆၧယံၩၡီၩ့အကၠီၩ့ ၥၫ့ဎွၩလ့ၫအိၫ ပဂၧၫ့ထၪ့ဝ့ၫနီၪလီၫႉ န့ၩခၠၧၫ့ဆၧလၩ့အၪ့ယိၪကဲၪထၪ့ဂီၩ့အခံၫ့နီၪ အဝ့ၫၥံၪကအီၪအဂးႇ အဂံၪ့အီၪလၧအ့ၬႇ ကအၪ့အဂး ဆၧအီၪနးမံၩ့လၧအ့ၬႇ အဝ့ၫၥံၪဘၪဒၪဆၧၫ့ယၫ ထံၫတတုၬတနၭႇ မ့ၩတတုၬတနၭ အၪမၬဒ့ၭနီၪလီၫႉ လကၭဒ့ၭဘၪ ဆၧအအၧၩ့ထုၬနီၪ အဝ့ၫၥံၪအီၪဘၪလၧအဂံၪ့ဒီၪ့ဖိၪၥံၪလၧအ့ၬနီၪလီၫႉ ဆၧနီၪအကၠီၩ့…

စယီဟၫ့ ( 5:1-16 )

ၥၫ့ခၫ Pierre EI- RAhi ယီၩ အၥၭအီၪ ၅၀ နီၪလီၫႉ အဝ့ၫယီၩ ဆၧဒုၭထၪ့အခံၫ့ လ့ၩမၩဆၧၩ့ပဒၩ့အ့ၪ ခး လက်ဘနွန် ဖိၪၥံၪလၧအဝ့ၫၥံၪအဂံၪ့အခံၫ့နီၪ ၦခၭဆၧဖၧၩ့ ၥံၫဖီၩ့ခွံၬဝ့ၫဒၪနီၪလီၫႉ ၥၫ့ခၫ Pierre EI- RAhi ၥံၫဖီၩ့ခွံၬဂီၩ့ ၥၫထနၫခိၪနါၥံၪအီၪအလးနီၪ အဝ့ၫၥံၪဂဲၪဒုၭဆၧအီၪထၪ့အၪမၬဒ့ၭအကၠီၩ့ ခး လက်ဘနွန် ဖိၪ ၃ ကုၬနီၪ ဘၪစဲၪဖီၩ့ခွံၬလၧအယဲၩ့နီၪလီၫႉ ခး လက်ဘနွန် ဖိၪ ၥၫ့ခၫ Pierre EI- RAhi ဖ့ၪလၫ့လၩ့ထး အၥွံၫအယၫနီၪ မွဲကဲၪထၪ့ဒၪဝ့ၫ ဆၧၡူၪဆၧမုၬအဂး…

၁ႉ ကိၪ့ဒိၪခိၪ ၂ႉ ကိၪ့ခိၪဒိၪ ၃ႉ ကိၪ့ၥ့ၪခိၪ ၄ႉ ကိၪ့ၥ့ၪခိၪလး ၅ႉ ခီၫ့ၡၩဘျၪ့ကိၪ့ဒိၪ ၆ႉ စဲၬခိၪနူၬဘျၪ့ကိၪ့ဒိၪ ၇ႉ ၥံၪ့ဎွံၪဘျၪ့ကိၪ့ဒိၪ ၈ႉ ဆၧၥ့ၪဆၧဘၪဘျၪ့ကိၪ့ဒိၪ ၉ႉ ၦယိဆၧဆၫဘျၪ့ကိၪ့ဒိၪ

စယီဟၫ့ ( 4:43-54 )

ဂံၪ့ဒီၪ့ဖၧၩ့ အကၧၩ့ဒိၪထုၬနီမန့လဲၪႉ ပဂံၪ့ဒီၪ့ဖၧၩ့အကၧၩ့ဒိၪထုၬမန့လဲၪနီၪယမိလီၩဖျီၪ့ထၪ့ဘၪလၧဆၧအဂဲး 7 ထူၪဖိၪယီၩနီၪလီၫႉ အဆိၪထုၬလထုၪနီၪ မွဲဒၪလၧ ပချဲၩ့လၧပဂံၪ့ဒီၪ့ဖိၪၥံၪစွါဘဲၪပကဘၪထုၪ့ၥုၪ့ထုၪ့ၥၭဂီၩ့ ပကဘၪချဲၩ့နီၪလီၫႉ ပဆၧချဲၩ့ကဖျိၪ့နီၪလၧပဂံၪ့ဒီၪ့အဂးကဲၪထၪ့ဆၧအဂံၩန့ လါနၧၫ့ ကဲၪထၪ့ဆၧအအၧၩ့မွဲၥံၪနီၪပကဘၪထုၪ့ပၥၭနီၪလီၫႉ နံၩထုၪလထုၪနီၪ ပထၪ့ၡါဂီၩ့ယူၭစွါဘဲၫပအၪ့ဎၬပၩကဂၩလီၩအဂးန့လၩ့အ့ၬ ပကဘၪအၪ့ဎၬ ပဂံၪ့ဒီၪ့ဖိၪၥံၪထီးအလူၬအဂးနီၪလီၫႉ ၥၧၫ့ထုၪလထုၪနီၪမွဲဒၪလၧ ပဂံၪ့ဒီၪ့အဂး ထီးၥံၪလဖၪနီၪ ပကဘၪဖီၪ့ထၬဂံၩဂံၩဂီၩ့ လိၪလၧအလးနီၪပဘၪၥိၩ့မၬအ့ၪဘၪနီၪလီၫႉ ဘၪဎၬလၧထီးအကၠီၩ့ဂံၪ့ဒီၪ့လဖၪလၩ့ဖၬမွဲအီၪနီၪပကဘၪၥံၪယၪလီၫႉ   လံၬထုၪလထုၪနီၪ ပကဘၪယူၬယၪ့ အဝ့ၫအမိအဖါပမိပဖါနီၪလီၫႉ ပမိပဖါအဝ့ၫယူၬယၪ့ အဝ့ၫအမိအဖါပယူၬယၪ့စွါဘဲၫပဂံၪ့ဒီၪ့နီၪ ဆၧမုၬဆၧလၩဒဲဆၧအဲၪဆၧကွံၩကအီၪဝ့ၫအၪမၬနီၪလီၫႉ ယဲထုၪလထုၪနီၪ ပကဘၪကွဲဖျါလိၬၥၭဆၧဒဲၩဘၭနီၪလီၫႉ ပကဲၪၦၡၩနီၪပကမၩဘၪဆၧဒဲၩဘၭကိၭဂၩနီၪလီၫႉ လါနၫ့ပကဘၪကွဲဖျါထဲၩ့လိၬၥၭနီၪလီၫႉ ဎူၫထုၪလထုၪနီၪမွဲဒၪလၧပကဘဲၪနဲၪဖျိၪထၪ့ပဆၧအဲၪနီၪလီၫႉ ပနဲၪဖျိၪထၪ့ပဆၧအဲၪမၬ ပဂံၪ့ဒီၪ့ဆၧမုၬဆၧလၩဒဲဆၧအဲၪဆၧကွံၩကအၪထၪ့နီၪလီၫႉ လခဲၪ့ထုၬကထုၪနီၪမွဲဒၪလၧ ပကဘၪအီၪကံၪကဆါယွၩလၧပဂံၪ့ဒီၪ့ဖိၪၥံၪအကျၩ ပကဘၪဒိၭနဲၩပၥၭလၧကဆါယွၩနီၪလီၫႉ

စယီဟၫ့ ( 9:1-41 )

ဆၧချဲၩ့ဒီၩ့လၩ့ဘၪဆဲၫ့ၦဖၫရစံၫ ဒဲၦအၪ့ကံၩ့အခီၫ့. ၦစံၭလၩ့အၥၭလၧအမွဲၦအတီၩeတၭ, လယူၭလ ယၪ့ဘၪၦဂူၫဂၩလနၩ့နၩ့နီၪ, အဝ့ၫဒၪလီၩဘၪအဝ့ၫ  ၥံၪလၧဆၧချဲၩ့ဒီၩ့လၩ့ယီၩ, ၦနံၫဂၩလ့ၩထၪ့ဘၩဆိၪဖၪဆၧလၧဆၧလုဂံၪ့အဖၧၩ့လီၫ. အလဂၩမွဲၦဖၫရစံၫတၭ, အဝ့ၫလဂၩမွဲၦအၪ့ကံၩ့အခီၫ့လီၫ. ၦဖၫရစံၫလဂၩဆၧၫ့ထုၪ့တၭ, အနၫ့ဆါဒၪဝ့ၫဘၩဆိၪဖၪဆၧဘဲၫယီၩ, ယွၩဧ့, ယစံၭထၪ့အၪ့အူၭနၧၩလီၫ. အဂဲးဘဲၫယီၩ ယလမီၪ့ဎီၩ့ဘၪၦဂူၫဂၩ, ၦအၪ့ဂူၬဆီၪ့ဆၧၦလတီၩလလီၩ့ဘၪ, ၦမၩမၪၦမုၪၦမၧၩ့, ဒဲၦအၪ့ကံၩ့အခီၫ့ လဂၩယီၩဒၪလ့ၬလီၫ. နွ့ၫနံၩအထးဖၧၩ့ယဒုၪဆၧအၪ့ဆၧအီၩနံၫနံၩလီၫ. ထီးဒၪယန့ဆၧထီးအလူၬနီၪ, ဆံၫပိၩ့ယမၩဘိၪ့လပိၩ့လီၫ. ၦအၪ့ကံၩ့အခီၫ့လဂၩ အီၪဆၧၫ့ထုၪ့ဝ့ၫယဲၩ့ယိၬတၭ, လယိထၪ့ဘၪလၧမူၭခိၪနီၪ, ဒဲၩလၩ့အၥၭနၫၡါတၭစံၭဝ့ၫ, ယွၩဧ့,ယၫ့ၥုၪ့ယၫ့ၥၭၦဆၧဒဲၩဘၭဖိၪယၧၩယီၩဆံၭ. ယလီၩဘၪနၥံၪ, အယီၩလဂၩဆၧအီၪက့ၪဝ့ၫလၧအတီၩတၭ, ထဲၩ့လၩ့ဝ့ၫလၧအဂံၪ့လီၫ. အ့ၪမွဲအဝ့ၫဒၪလဂၩနီၪမွဲအ့ၬ. အဂဲးဘဲၫယီၩ ကယဲၦလၧအအီၪက့ၪထၪ့ထီၫအၥၭဒၪဝ့ၫလဂၩလါလါhနီၪ, မိဘၪဆၧဆၪ့လၩ့ဝ့ၫလီၫ.ၦ လၧအဆၪ့လၩ့အၥၭဒၪဝ့ၫလဂၩ လါလါနီၪ, မိဘၪဆၧအီၪက့ၪထၪ့ထီၫဝ့ၫလီၫ.

လၧပနဲၩ့ပဎီၩ့အကျၩ ပကဒၪဘၪ ကိၭကၠၪဒ့ၭလီၫႉ မွဲဖိၪၥၪၥံၪအကၠီၩ့ႇ အဆၧကိၪ့ဘၪကိၪ့ၥ့ၪၡၩဒံၭအခံၫ့အကၠီၩ့တၭ လီၩ့ခွံၬၡိၭဆၧဘံၪၥိၭၥံၪ ထီးအဎံၩ့နီၪ ပဖျါခွံၬန့လါနၫ့ဂ့ၩ ၦၡၩအဎိၩၥံၪ လီၩ့ခွံၬၡိၭ ဆၧဘံၪၥိၭ ထီးအဎံၩ့နီၪ မွဲမငါနးဆံၭအ့ၬလီၫႉ  ပဝ့ၫဒၪပၧၩ ပၥနိၫ့အီၪမၬ ဘၪပဂၨၪထၪ့ ၦဂူၫဂၩကန့နီၪလီၫႉ ပၧၩဒၪပၧၩ မွဲၦလၧ အၥနိၫ့လအီၪဘၪလဂၩစွါဘဲၫ ပလီၩ့မၩဆရၫပၥၭနီၪ ကကဲၪထၪ့ ဆၧပျီၩ့ပျီၩ့လီၫႉ ထီမုဆၫကနံၩယီၩ အၪဒၪဆၧ ၦၡၩၥံၪလဖၪ ကဘၪခွံၬၡိၭဆၧဘံၪၥိၭနီၪ လမ့ၬမဲဘၪလီၫ လါနၫ့ အ့ၪကဘၪအၪ့ထုၪ့ ဆၧဘံၪၥိၭနီၪ မ့ၬမဲၥၭမဲၪကၠၭဝ့ၫနီၪ ပကဒၪဘၪလီၫႉ အၪ့ယိၪခဲၫ့ကံၭကၠၭဝ့ၫ အဆၧမၩအခံၫ့လအီၪဘၪႇ ထိးဝ့ၫအစီၩ့ လန့ဘၪ ဒဲ ကဘၪထဲးအဝ့ၫၥံၪအပလူၬၥံၪနီၪလီၫႉ ပၥိၩ့ထၪ့ထၬ…

ဆၧမၪလူၬဖၭဒိၪ. (မၭ ၂၂:၃၄-၄ဝ, လု ၥဝ:၂၅-၂၈) အဝ့ၫၥံၪချဲၩ့လိၬအၥၭနီၪ, ၦကွ့ၭလံၬလဂၩ နါဂၧၫ့အဝ့ၫၥံၪ ကၩ့ကၩလိၬအၥၭတၭ, ၥ့ၪယၫဝ့ၫလၧအချဲၩ့ ဆၧၫ့ဆၧလၧအဘၪတၭ, လ့ၩစိၩဝ့ၫလၧအအီၪနီၪ, အၪ့စၪ့ဝ့ၫ, လၧဆၧမၪလူၬထီးအလူၬအကျၩနီၪအခၪ့ထံၭမွဲထံၪထံၪလဲၪ.- ယ့ၫၡုၬချဲၩ့ဆၧၫ့ဝ့ၫ,လၧဆၧမၪလူၬထီးအလူၬအကျၩနီၪ, အခၪ့ထံၭ စံၭဝ့ၫဒၪ, ၦ အံၫ စ ရ့ လၭ ဖိၪ ၥံၪ ဧ့, ခိၭ နၪ ဆံၭ. ယွၩပကဆါနီၪ, မွဲကဆါလဂၩဎးလီၫ. အဲၪယွၩနကဆါလၧ နၥၭထၧၫ့ဖျိၪ့ယၫ, ဒဲလၧနၥၭၡီၩ့ထီးအလူၬ,ဒဲလၧနၥၭကိၪ့ၥ့ၪထီးအလူၬ, ဒဲလၧနဂဲးနဘၭထီးအလူၬဆံၭ. ဆၧယီၩမွဲဆၧမၪလူၬအခၪ့ထံၭလထံၪလီၫ. နံၫထံၪလထံၪနီၪ, မွဲအလၩ့ဂၬအဝ့ၫနီၪလီၫ. အဲၪ ၦ လၧ…