RVA PWO KAREN

နၥံၪအ့ၪၥ့ၪယၫယၧၩတၭ, မွဲနၥံၪမိၥ့ၪယၫယဖါဆ့လီၫ. တၭအယီၩစူၩယၫနၥံၪၥ့ၪယၫအဝ့ၫနီၪတၭ, မွဲနၥံၪဒၪဘၪယူၭဆ့လီၫ. စဖံလံၭစံၭအဝ့ၫ, ကဆါဧ့, ဒုၭနဲၪပၧၩလၧဖါတၭ, မိမံၫ့ၥုၪ့မံၫ့ၥၭပၧၩလီၫ. ယ့ၫၡုၬစံၭအဝ့ၫ, စဖံလံၭဧ့, ယအီၪလၧနၥံၪအၥိၭ ယံၬခီးယီၩတၭ, မွဲနၥံၪၥ့ၪယၫယၧၩဒံၭအ့ၬဧၪ. ၦလၧအဒၪဘၪယၧၩယီၩ မွဲအဒၪဘၪယူၭဖါဆ့လီၫ. အ့ၪမွဲဘဲၫနီၪတၭ, မွဲဘၪနီၫ နစံၭဒုၭနဲၪပၧၩလၧဖါနီၪလဲၪ.- ယအီၪလၧဖါအဖၧၩ့, ဒဲဖါအီၪလၧယဖၧၩ့နီၪ မွဲနနဲၩအ့ၬဧၪ. ဆၧချဲၩ့လၧယလီၩဘၪ နၥံၪယီၩ မွဲယလီၩဘၪဒၪယဝ့ၫအ့ၬ. ဆၧလၧယမၩယဝ့ၫနီၪ မွဲဖါအီၪလၧယဖၧၩ့မၩဆၧလီၫ. နဲၩထဲၩ့ယၧၩလၧ ယအီၪလၧဖါအဖၧၩ့, ဒဲဖါအီၪလၧယဖၧၩ့ဆံၭ. အ့ၪလမွဲဘၪဘဲၫနီၪတၭ, နဲၩလၧယဆၧမၩလဖၪအကၠီၩ့ဆံၭ. ယလီၩဘၪနၥံၪတီၩတီၩလီၩ့လီၩ့ယီၩ, ၦလၧအနဲၩထဲၩ့ယၧၩ လဂၩဂၩ, ဆၧမၩလၧယမၩနီၪ မိမၩ ဒၪဝ့ၫဆ့တၭ, မိမၩဆၧဒိၪနဲၪ့အနီၪဒံၭလီၫ. အဂဲးဘဲၫယီၩ မွဲယထဲၩ့ထၪ့လၧယဖါအီၪအကၠီၩ့လီၫ.…

ဆၧမၩအၥၭ ထီးယ့ၫရှူၬချဲၩ့ဆၧချဲၩ့အဒီၩ့ လဖၪယီၩဂီၩ့တၭ, စဲၪ့ထၪ့ခွံၬဝ့ၫထီးနီၪလီၫ. ထဲၩ့ဝ့ၫထီၩ့ လၧအခးဒၪဝ့ၫတၭ, ၥီၪ့ထဲၩ့sၥၫ့ထဲၩ့ဆၧလၧအဝ့ၫၥံၪ အၥရိၬဖၧၩ့ ထီးၦထီၫမံၫထီၫမၪဝ့ၫတၭ, စံၭဝ့ၫဒၪ, အဝ့ၫလဂၩယီၩ အဆၧကိၪ့ဘၪကိၪ့ၥ့ၪ ဒဲအစီၩ့အမၩ့ယီၩ, မွဲအန့ဘၪဝ့ၫခီၫခီၫလဲၪ. မွဲလဲၬၥမါအဖိၪခွၫမွဲအ့ၬဧၪ. အမိဆၧကိၭဝ့ၫ နးမၫရံၫနီၪ, မွဲအ့ၬဧၪ. အထၧၫ့ဖုဝဲခွၫၥံၪ, မွဲစယ့မံၭ, ဒဲ စယိစ့ၭ, ဒဲစစဲမၧၫ့, ဒဲစယုဒၭမွဲအ့ၬဧၪ. အထၧၫ့ဖုဝဲမုၪၥံၪနီၪ အီၪလၧပၥိၭထီးအလူၬမွဲအ့ၬဧၪ. မၩအၥၭဘဲၫနီၪတၭ, မွဲအန့ဘၪ ကယဲဆၧထီးအလူၬလဖၪယီၩခီၫခီၫလဲၪ. အဝ့ၫၥံၪအၥၭဂၭဂီၩ့လၧအကၠီၩ့နီၪလီၫ. ယ့ၫၡုၫစံၭအဝ့ၫၥံၪ မီၪနီၪအ့ၪလမွဲဘၪလၧအထံၫအခးဒၪဝ့ၫ, ဒဲလၧအဂံၪ့ဒၪဝ့ၫအဖၧၩ့နီၪ အလၩအဖၩ့အီၪဝ့ၫလီၫ. အလးနီၪ ၦၡၩလနဲၩဘၪဆၧအကၠီၩ့တၭ, မၩလၩ့လၭဆၧလၧအအၪအ့ၬ.

ယလီၩဘၪနၥံၪတီၩတီၩလီၩ့လီၩ့ယီၩ, အဎီးအၡၩနီၪ လဒိၪနဲၪ့ဘၪ အကဆါတၭ ၦဆၧအၪ့မၧၫ့ဖိၪနီၪ ဒိၪနဲၪ့ၦလၧအအၪ့မၧၫ့လၩ့ဝ့ၫနီၪဆ့အ့ၬ. ဆၧနီၪလဖၪ နၥံၪအ့ၪၥ့ၪယၫ, ဒဲ နၥံၪအ့ၪမၩဝ့ၫဆ့, မွဲနၥံၪဘၪဆၧဆိၪဂ့ၩနၥံၪဝ့ၫလီၫ. မွဲယစံၭနၥံၪကိၭဂၩဒ့ၭအ့ၬ. ၦလၧယရွံန့လဖၪနီၪ ယၥ့ၪယၫအဝ့ၫၥံၪလီၫ. ဘဲၫၥိၭဆၧကွ့ၭအၥၭ မိလၧၫ့ထၪ့ဎွ့ၩထၪ့နီၪ, ၦလၧအအၪ့ဎုၬဆၧလၧယၧၩလဂၩနီၪ, မွဲ အထၧၫ့ယၧၩလၧအခၪ့နိးခဲၫ့လီၫ. 19 ယလီၩဘၪနၥံၪဘိၩ့နဲၪ့ယီၩ, လၧဆၧလချႃၭမၩဒံၭဘၪအၥၭ ဘဲၫၥိၭထီးဆၧမၩအၥၭနီၪ နၥံၪမိနဲၩလၧယမွဲအဝ့ၫဒၪလီၫ. ယလီၩဘၪနၥံၪတီၩတီၩလီၩ့လီၩ့, ၦအ့ၪထိးဆၧၫ့ၦလၧယအၪ့မၧၫ့လၩ့ဝ့ၫလဂၩဂၩနီၪ, မွဲအထိးဆၧၫ့ယၧၩဆ့ ၦလၧအထိးဆၧၫ့ယၧၩလဂၩဂၩနီၪ, မွဲအထိးဆၧၫ့ၦလၧအအၪ့မၧၫ့လၩ့ယၧၩလဂၩနီၪဆ့လီၫ.

နးနွဲနါဂၧၫ့ ၦၡၩၥၭအွံၪဆၧ ဘူၭဘူၭဒၪအနၫ့ဆါအအီၪ ဆၧၥၭအွံၪနီၪ ပၥ့ၪလဲၪစွါဘဲၫႉ ယမံၩ့ ထံၩ့ထိၩ့ဘၩ့ႇ ယအီၪလၧ ထံၫကျၩ ႇ နးနွဲ အၪ့ဝဲယၧၩ ႇ ကွၬလၩ့ဆဲၩလၧ ၥံၪ့ထိၬနၪႇ ယဎဲၪ့ထီးယဎဲၪ့ထၬႉ ဆၧကဂၩနီၪ ၥၭအွံၪၥဲၩအဆၧၥၭအွံၪနီၪ ကဘျၩ့ဂီၩ့ကဘျၩ့ ထီးနးနွဲနၫ့ဖျးအၥၭကကၠၪ အနီၪမွဲ ဖိၬဖၪ့မုလီးယူၭႉ နးနွဲၥၭမဲၪဆၧနၭလ့ၬတၭ ဒူၭဘံၭအခိၪ လၧအၡၪ့ လုၬဂီၩ့ ကိၪ့မံၫထဲၩ့ဒံၭႉ ဎွ့ၪမံၫန့လီၫ မံၫမးဘၪထဲၩ့ မွဲၥၪဆၧမံၫမးအနီၪဒီၭႉ နၫ့ဖျးအၥၭ အယီၩအကၠၪယီၩ နးနွဲမံၫထဲၩ့န့လၧၩ့အ့ၬႉ ဘၪအီၪဂူၪအၥၭ လၧအလးမံၫဖၧၩ့ ထီးဆၧဖၩ့လၫ့ကကၠၪႉ အမိအဖါၥံၪ မံၫဂဲထုၪ့ကကၠၪ နးနွဲလီၩနဲၪထဲၩ့ အဆၧကဲၪဘနီၪဘယီၩၥံၪနီၪတၭ…

၂၀၂၆နံၪ့ လၩအ့ၫဖြ့ၫ ၂၇ၥၫ့နီၪ ဆၧမၩလၩမၩဖၩ့ ဖျိၩ့ဖါထံၭလံၬလဲၥဖၠးဖျါလၩ့ဒဲ ဆၧဒိၭစ့ၭလံၬအီၪဝ့ၫဒၪလၧ တောင်ယာကုန်းဆၧအီၪကီၪ့ႇ တောင်ယာကုန်းတဝၫ့နီၪလီၫႉ လၧဆၧယီၩခၫဆၧမၩလိၪလးဖိၭဘံၭအထီ ဘဲၫၥိၭဖျိၩ့ဖိၪၥၪၥံၪ ကမၩလိၪဘၪအၥၭ ဖျိၩ့လံၬဂ့ၩဂ့ၩဘၪဘၪအဂးနီၪ စၭထၪ့လၧ လၩမၫၡါ ဒဲ ထီၩ့စိၩလၧ လၩအ့ၫဖြ့ၫအထီ လၩ၂ဘ°ၪ့ ဆၧၥီၪ့လိၪဖျိၩ့လံၬလဲၥဖၠးအီၪဝ့ၫဒၪနီၪလီၫႉ ဘၪမၩဝ့ၫဒၪ ၥဖၠးယီၩ အဆၧထိစိၩနီၪ ဘဲၫၥိၭ ၦဖျိၩ့ ဆၧချဲၩ့ဒဲ လံၬလဲလဖၪ လလၩ့မါဘၪအဂးႇ ပဘၩယွၩကကၠၪဆ့ ဘဲၫၥိၭပဘိၪ့ထၪ့ဘၩထၪ့ၡီၩ့ယွၩ လၧဖျိၩ့လၨခီၫ ကန့အဂးနီၪထိစိၩဝ့ၫလီၫႉ ဆၧနီၪအကၠီၩ့ ဆၧအီၪကီၪ့ဂူၫဂၩ တဝၫ့ဂူၫဂၩ လၧဖျိၩ့အီၪဝ့ၫဒၪ အလးအကျဲၩ့လဖၪနီၪ ကြၨၭအၪ့န့ အဒီၩ့အထ့ၬလၧ ဆၧအီၪကီၪ့အယီၩဂီၩ့ ပကအီၪက့ၪဒိၪထဲၩ့…

လၧဎြံၬဆၧအဲၪဆၧကွံၩဖၧၩ့  အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪ မွဲဝ့ၫဒၪ ကိၭဆၧလၧ ဆၧဆံၫ့ဖျ့ၪအဂဲး အကၠီၩ့နီၪလီၫႉ လံၬဆိၫ့ဂ့ၩဆိၫ့ဘွၩအခီၫပယီၫနီၪ မွဲကဲၪဒၪဝ့ၫ ကဆါဎြံၬအဂးနီၪလီၫႉ ၦမၩၥၫထနၫဖိၪ ၥၫ့ခၫၥံၪထီးလူၬယီၩ ကဘၪအၪ့န့ ဆၧၥ့ၪယၫနၧၥ့ၪလၧကဆါဎြံၬအီၪ့ဂီၩ့ ကဘၪအီၪလၧ ကဆါဎြံၬကၠၧၫ့ကၠၧၫ့ နီၪလီၫႉ ကဘၪမၩအ့ၪၦဂူၫဂၩအဂး လၧဆၧဆံၫ့ဖျ့ၪဖၧၩ့နီၪလီၫႉ လကၭဒ့ၭဘၪ ကဘၪအီၪ့ဘူၭထဲးလၧ ကဆါဎြံၬနီၪလီၫႉ လကၭဒ့ၭဘၪ ကဘၪဒၪဆၧၫ့ယၫ ဂၪ့ခိၪလုၫလါဒဲ အနဲၩအဎီၩ့နီၪလီၫႉဆၧလၧၥၫထနၫအဆၧမၩနီၪ ပကဘၪမၩ ကဂၩလီၫ လမွဲဘၪအကၠီၩ့ ပမၩဆၧမၩကဘၪၥ့ၪလၧ ၦဂူၫဂၩနီၪလီၫႉ အရ့ၩဎိၩထုၬကမံၩ့နီၪ ပဘၪအီၪ့ထးန့ၫ ကဂၩလီၫ ပစီၪလၩ့ပၥၭစွါဘဲၫ…

ယ့ၫၡုၬအဆၧချဲၩ့လဖၪကစ့ၩရၫ့ဆၧ. ယ့ၫၡုၬကိၭၡၭထၪ့ဆၧ, စံၭဝ့ၫ, ၦလၧအနဲၩထဲၩ့ ယၧၩယီၩ,မွဲအနဲၩထဲၩ့ၦလၧအအၪ့မၧၫ့လၩ့ယၧၩ လဂၩနီၪလီၫ. ၦလၧအဒၪဘၪယၧၩယီၩ မွဲအဒၪဘၪ ၦလၧအအၪ့မၧၫ့လၩ့ယၧၩ လဂၩနီၪလီၫ. ယဝ့ၫဒၪ ယီၩယမွဲဆၧဖၩ့လဖျိၪ့ဂဲၫထီၩ့လၩ့ လၧဂၪ့ခိၪချိၫ့ယီၩ ဘဲၫၥိၭကယဲၦလၧအနဲၩထဲၩ့ယၧၩလဂၩဂၩနီၪ, ထီးအီၪလၧဆၧခံၭကျၩလဂ့ၩလီၫ. ၦအ့ၪနါဂၧၫ့ယလူတၭ, လနဲၩဘၪဝ့ၫနီၪ ယလစ့ၩရၫ့ဘၪအဝ့ၫတၭ, အဂဲးဘဲၫယီၩ ဘဲၫၥိၭယမိစ့ၩရၫ့ဂၪ့ခိၪဖိၪနီၪ ယဂဲၫယဝ့ၫအ့ၬ, မွဲဘဲၫၥိၭ ယမိထိးထဲၩ့တၩ့ထဲၩ့ အဝ့ၫၥံၪလီၫ. ၦၡၩလဂၩဂၩလၧအခွံၬၡိၭယၧၩယီၩ, ဒဲလထီး န့ဘၪယလူနီၪ, ၦစ့ၩရၫ့အဝ့ၫဒၪအီၪဝ့ၫလဂၩလီၫ. ဆၧချဲၩ့လၧယလီၩဘၪဒၪလ့ၬ မိစ့ၩရၫ့အဝ့ၫလၧမုနံၩထုၬခိၬလီၫ. အဂဲးဘဲၫယီၩ မွဲယချဲၩ့ဒၪယဝ့ၫလၧယဂဲးမွဲအ့ၬ, အ့ၪမွဲဖါလၧအအၪ့မၧၫ့လၩ့န့ယၧၩနီၪ, မွဲယဘၪစံၭဘဲၫၥ့ၪလဲၪဘဲၫၥ့ၪလဲၪ, မွဲယဘၪချဲၩ့ဘဲၫအံၩဘဲၫအိၩအဂဲးနီၪ, အဝ့ၫဒၪမၪလူၬယၧၩလီၫ. ယၥ့ၪ ယၫယဝ့ၫဒၪလၧအဆၧမၪလူၬနီၪ မွဲဆၧမၧၫ့လၩ့ဆိၩလၩ့ကၠၪလီၫ. မၩအၥၭဘဲၫနီၪတၭ,…

ဆၧလထိးဆၧၫ့ယ့ၫၡုၬ. ဘၪလၧဆၧဂီးခၫနီၪ, ၦမၩဘိၪ့ဖလါဆၧလၧယရုစလံၫ့အဖၧၩ့, ယ့ၫၡုၬစဲၪ့လဲးလီၩ့လၧဆၧလုအဂံၪ့စစီလမၧၫ့အထိၬချိၫ့နီၪလီၫ. မၩအၥၭဘဲၫနီၪတၭ, ၦယုဒၫဖိၪၥံၪ ဂဲၫအီၪဝၬဖီၩ့အဝ့ၫတၭ, စံၭဝ့ၫ, နဝ့ၫဒၪယီၩ နမိမၩဂံၩ့ဂၩ့ပၥၭဆံၭယံၬလဲၪ. နအ့ၪမွဲဎရံၬနီၪ လီၩဘၪပၧၩ လၩ့ထံးလၩ့ဆ့ၭဆံၭ. ယ့ၫၡုၬချဲၩ့ဆၧၫ့အဝ့ၫၥံၪ, ယလီၩဘၪယူၭနၥံၪယူၭတၭ, နၥံၪနဲၩနၥံၪဝ့ၫအ့ၬ. ဆၧမၩလၧယမၩလၧယဖါအမံၩ့လဖၪနီၪ, ထိးအၥၭလၧယဂဲးယကၠီၪ့လီၫ. မွဲလါနၫ့ဘိၩ နၥံၪဝ့ၫဒၪယီၩ နၥံၪနဲၩနၥံၪဝ့ၫအ့ၬ. အဂဲးဘဲၫယီၩဘဲၫ ယစံၭနၥံၪအၥိၭနီၪ နၥံၪဘၪဆဲၫ့လၧယၥိၪအ့ၬ. ယၥိၪလဖၪမိခိၭနၪယလူတၭ, ယၥ့ၪယၫအဝ့ၫၥံၪတၭ, အဝ့ၫၥံၪဖိၬယခဲၫ့လီၫ. ယဖ့ၪလၫ့အဝ့ၫၥံၪ လၧဆၧမၧၫ့လၩ့ဆိၩလၩ့ကၠၪတၭ, အဝ့ၫၥံၪမိဘၪဆၧဂၭဂီၩ့ဂၭစၪနးဆိၭအ့ၬ ၦအၪ့ဂူၬမၩန့ဆီၪ့အဝ့ၫၥံၪလၧယစူၪဖၧၩ့ယီၩၥ့ၪနးဂၩအ့ၬ. ယဖါလၧအဖ့ၪလၫ့အဝ့ၫၥံၪလၧယစူၪဖၧၩ့လဂၩနီၪ, ဒိၪနဲၪ့ ကယဲဆၧထီးအလူၬတၭ, ၦအၪ့ဂူၬန့ဆီၪ့အဝ့ၫၥံၪ လၧယဖါအစူၪဖၧၩ့ၥ့ၪနးဂၩအ့ၬ. ယဝ့ၫဒၪဒဲယဖါနီၪ မွဲဆၧလမံၩ့ဎးလီၫ.-

ယဝ့ၫဒၪယီၩ ယမွဲၦယူၬၥိၪလၧအဂ့ၩလဂၩလီၫ. ၦယူၬၥိၪလၧအဂ့ၩလဂၩယီၩ, အီၪက့ၪလၩ့ခွံၬအၥၭလၧၥိၪအဂးလီၫ. အ့ၪမွဲၦလၧအလမွဲဘၪၦယူၬၥိၪ, လမွဲဘၪၥိၪအကဆါတၭ, ဒိၭအၪ့လံၩ့လၩ့အၥၭလဂၩနီၪ,ထီးအဒၪဘၪ ထွံၪမံၩ့ဂဲၫဝ့ၫတၭ, စဲၪ့ဒၪခွံၬၥိၪတၭ,စဲၪ့ဖျိၭဝ့ၫလီၫ. ထွံၪမံၩ့နီၪအၪ့ဂူၬအဲၪ့အဝ့ၫၥံၪတၭ,မၩလၩ့မုလၩ့ဖၭၥိၪလဖၪလီၫ. ၦဒိၭအၪ့လံၩ့လၩ့အၥၭလဂၩနီၪ, မွဲလၧအဒိၭအၪ့လံၩ့လၩ့အၥၭအကၠီၩ့နီၪ အၥၭလအီၪဘၪလၧၥိၪတၭ, စဲၪ့ဒၪခွံၬဝ့ၫလီၫ. ယဝ့ၫဒၪယီၩ ယမွဲၦယူၬၥိၪလၧအဂ့ၩတၭး ယၥ့ၪယၫယဆၧ,ဒဲယဆၧၥ့ၪယၫယၧၩဆ့, ဘဲၫဖါၥ့ၪယၫယၧၩ,ဒဲယၥ့ၪယၫဖါအၥိၭနီၪဆ့လီၫ. ယအီၪက့ၪလၩ့ယၥၭမၧၫ့လၧၥိၪအဂးလီၫ. ယၥိၪလၧအဂူၫဂၩလဖၪနီၪ, လၧအလမွဲဘၪလၧဖီၩ့ယီၩ အီၪဒံၭဝ့ၫလီၫ.အဝ့ၫၥံၪနီၪ ယဘၪဂဲၫၥိၫ့ထဲၩ့ဝ့ၫတၭ, အဝ့ၫၥံၪမိခိၭနၪယလူတၭ, မိအီၪဝ့ၫဘဲၫၥိၪလဒီၪ့ဎး ဒဲၦယူၬၥိၪလဂၩဎးလီၫ. မွဲယဖ့ၪလၫ့ခွံၬယၥၭမၧၫ့ ဘဲၫၥိၭယမိမၩန့ထဲၩ့ ဒီၭဝ့ၫအကၠီၩ့နီၪတၭ, ယဖါအဲၪယၧၩလီၫ.- ၦအၪ့ဂူၬန့ဝ့ၫလၧယၧၩနးဂၩအ့ၬ. မွဲယဖ့ၪလၫ့ ခွံၬဒၪယဝ့ၫတၭ ယဖ့ၪလၫ့ခွံၬၥ့ၪ, ဒဲယအၪ့မၩန့ထဲၩ့ဒီၭၥ့ၪလီၫ. ဆၧမၪလူၬယီ ၩယဒိၭန့လၧယဖါလီၫ.