ဘၪၥၭမဲၪပၫလဲၪ.(စမၭၥူၫ(၁၀:၂၆-၃၃)
မၩအၥၭဘဲၫနီၪတၭ, ထီးၥၭမဲၪအဝ့ၫၥံၪလဂ့ၩ. အဂဲးဘဲၫယီၩ ဆၧလၧအဘၪဆၧချႃၬဘံၭထၬနီၪ ဆၧလမၩဖျီၪထၪ့ဘၪဝ့ၫအီၪနးမံၩ့အ့ၬ. ဆၧလၧအအီၪၥူၪနီၪ, ဆၧလဒုၭၥ့ၪယၫဘၪဝ့ၫအီၪနးမံၩ့အ့ၬ. ဆၧလၧယလီၩဘၪနၥံၪလၧဆၧခံၭကျၩယီၩ, လီၩဘၪထဲၩ့ လၧဆၧဖၩ့အကျၩဆံၭ. ဆၧလၧနၥံၪဂၧၫ့ဘၪ လၧနၥံၪအနါဖၧၩ့, လီၩဘၪလၧဂံၪ့ခိၪအဖၫ့ခိၪဆံၭ. ၦလၧအမၩၥံၫၦနးခီၫ့တၭ, မၩၥံၫၦၥၭၡီၩ့လၥ့ၪဘၪနီၪ, ထီးၥၭမဲၪလဂ့ၩ, အ့ၪမွဲၦလၧအမၩဂၭဂီၩ့ၦၥၭၡီၩ့ ဒဲၦနးခီၫ့လၧလရၬဖၧၩ့ၥ့ၪလဂၩနီၪ, ၥၭမဲၪအဝ့ၫဒၪအၪနဲၪ့အနီၪဆံၭ.
ၦအၪ့ဆၫခွံၬထိၪဎွံၭနံၫဘံၪ့လၧထီးလဘံၪ့အဂးမွဲအ့ၬဧၪ. နၥံၪအဖါလအီၪဘၪတၭ, လၩ့ထ့ၬဝ့ၫလၧဂၪ့ခိၪနးဘံၪ့အ့ၬ. နၥံၪအခိၪၥူၫလဘီၩ့နီၪဒၪလ့ၬဘၪ, ဆၧဝံထၪ့နၬထၪ့ဝ့ၫထီးအလူၬလီၫ. မၩအၥၭဘဲၫနီၪတၭ, ထီးၥၭမဲၪဆၧလဂ့ၩ, နၥံၪဂ့ၩနဲၪ့ထိၪဎွံၭအၪဘံၪ့ဒံၭလီၫ.
ဆၧအုၩ့လၩ့ဒဲဆၧမီၪ့ဘံၭဎရံၬ.
မၩအၥၭဘဲၫနီၪတၭ, ကယဲၦလၧအအုၩ့လၩ့ယၧၩ လၧၦၡၩၥံၪအမ့ၬယၫလဂၩဂၩနီၪ, ယမိအုၩ့လၩ့အဝ့ၫနီၪ လၧယဖါအီၪလၧမူၭခိၪအမ့ၬယၫဆ့လီၫ. အ့ၪမွဲထီးဒၪၦလၧအမီၪ့ဘံၭယၧၩ လၧၦၡၩၥံၪအမ့ၬယၫလဂၩဂၩနီၪ ယမိမီၪ့ဘံၭအဝ့ၫနီၪ လၧယဖါ အီၪလၧမူၭခိၪအမ့ၬယၫဆ့လီၫ.
