အ့ၪဘၪထွ့ၫလၧ ဆၧအဂဲးလဖၪယီၩစွါဘဲၫ ၦအနီၪမွဲယွၩရွံထၪ့ထၬအ့ၪနၧၩအ့ၬႉ
၁ႉ ပၥၭဖၧၩ့ ဆၧမုၬဆၧၡူၪလအီၪဘၪ
- ပအဲၪလိၬၥၭလၧအဝ့ၫအထီ ပၥၭဖၧၩ့ကဲၪထၪ့ဆၧမုၬဆၧၡူၪအ့ၬဂီၩ့ ပၥၭဘၪၡၪ့ ပၥၭဘၪခိဝီၩ စွါဘဲၫ ပကဘၪၥ့ၪယၫလၧ ၦအနီၪယွၩရွံထၪ့ထၬအ့ၪပၧၩပဂး လမွဲဒံၭဘၪအဂဲးလီၫႉ
- ဖလံဖံၫ (၄:၇)အဖၧၩ့ တၭယွၩအဆၧမုၬဆၧလၩ လၧအဒိၪနဲၪ့ယိၬနဲၪ့ ကယဲၥၭကိၪ့ဆၧၥ့ၪနီၪ မိခိၭနၥံၪ အၥုၪ့ နၥံၪအၥၭ လၧယ့ၫၡူၬဎြံၬအဖၧၩ့လီၫႉ
- ကဆါယွၩဖ့ၪလၫ့ပၧၩၦၡၩနီၪ မွဲကမၩခိဝီၩပၥၭအ့ၬႉ မွဲကမၩမုၬမၩလၩပၥၭလီၫႉ
- ၂ႉ ဆၧလနဲၩဘၪဆၧ ကဲၪထၪ့ကိၭဆၧၫ့ထီလီၫႉ
- အဝ့ၫအဆၧအီၪအၪ့လ့ၩထဲၩ့လဖၪနီၪ ကဲၪထၪ့ခိၭနနဲၩလန့ဘၪအၥိၭဧၪႉ ပအီၪဘူၭလိၬၥၭလါနၫ့ အ့ၪကဲၪ ထၪ့ခိၭ ပနဲၩလိၬၥၭလန့ဘၪစွါဘဲၫ အယီၩမွဲဆၧဖ့ၪထုၪ့ၥၭကမံၩ့လီၫႉ ပၥ့ၪယၫအဝ့ၫအဂဲးထီးလူၬလါနၫ့ ပဘၪကျဲၩ့မၩၥ့ၪယၫပၥၭအ့ၬဂီၩ့ ပဘၪယိဖၭခွံၬကိၭဘျၩ့ဒ့ၭစွါဘဲၫ ဆၧအယီၩနီၪ မွဲပကဘၪအၪ့ဎၬထၪ့ ထဲၩ့ကလိၪယူၭနီၪလီၫႉ ဆၧဆူနဲၩလအီၪဘၪအဖၫ့ခိၪ ပၥုၪ့ထၪ့ထၬ ဆၧအဲၪနီၪ မွဲကဂုးခၧၫ့နးဆိၭအ့ၬႉ ၦအယီၩ မွဲယွၩရွံထၬအ့ၪနၧၩနဂးအ့ၬနီၪ ၥ့ၪယၫလၩ့ထဲၩ့နၥၭဆံၭႉ
- ၃ႉ ၥုၪ့ၥၭလမီၪ့ဎီၩ့ဘၪ
- ပအီၪက့ၪၥုၪ့အီၪက့ၪၥၭဒဲ ပဆၧအဲၪဖိၪ အအီၪက့ၪၥုၪ့အီၪက့ၪၥၭနီၪ ဘၪလၩ့ဎိၭနးမံၩ့အ့ၬႉ ပၧၩဝ့ၫ အယီၩ စွါဘဲၫ အနၫ့ဆါဝ့ၫအနီၪႉ အ့ၪကဲၪထၪ့ဘယီၩစွါဘဲၫ အယီၩနးဆ့ မွဲယွၩတဲၩ့ဝဲၩ့ထၬအ့ၪပၧၩ ပဂးဒံၭအ့ၬႉ ဘၪထွ့ၫလၧ ဆၧအဂဲးယီၩနီၪ လၧလံၬဆံၫ့ဎံၪ အၫမူၭ(၃:၃)ဖၧၩ့ စံၭထၬဝ့ၫဒၪ ၦနံၫဂၩ အၥၭအ့ၪလမီၪ့ ဎီၩ့ဘၪတၭ မိလ့ၩဆၧလစီၪ့ဎးနီၪ ဘၪမိၥ့ၪဆ့ဧၪႉ
- ဆၧနီၪအကၠီၩ့ပၧၩဒဲ ပဆၧအဲၪဖိၪနီၪ အ့ၪကဲၪထၪ့ဘိၩ ဆၧအဂဲး၃ထံၫယီၩယူၭစွါဘဲၫ အနီၪပကဘၪၥ့ၪ ယၫထၪ့လၧ ၦအယီၩနီၪ မွဲကဆါရွံထၪ့ထၬအ့ၪပၧၩ ပဂးအ့ၬအဂဲးလီၫႉ
