ကနံၩယီၩနီၪ ၥၫ့ဎွၩလ့ၫအိၫ၁၄ဂၩဂၩ ကဲၪထၪ့ ၥၫ့ဎွၩ ဎွ့ၩထၪ့ ၁နံၪ့ မုနံၩနီၪလီၫႉ ၥၫ့ဎွၩယီၩ ဘဲၫၥိၭကဆုးထဲၩ့ ဖီၪ့ထၪ့ဖံၭထၪ့ဘၪ ယွၩအဆၧဖံၭဆၧမၩလၧ ဆၧဆီၪ့ဆၧချဲၫ့ဖၧၩ့ လၧဆၧမုၬဆၧၡူၪဖၧၩ့ကန့ အၥၭထၧၫ့ဖျိၩ့ယၫအဂးနီၪ ပကဲၪအဝ့ၫအၥိၪဖိၪၥံၪကိၭဂၩ မွဲပကဝၩ့အၪ့ကံၩ့ဘၩဆိၪဖၪအ့ၪအဝ့ၫအဂး ကိၭဂၩဒ့ၭလါဆံၭႉ မွဲယွၩအဆၧဆိၪဂ့ၩဆိၪဘွၩလၩ့ဘၪလၧၥၫ့ဎွၩအဖၫ့ခိၪ ကိၩနံၩဂၫဂီၩတၭ မွဲဖီၩ့ဒူၪဖီၩ့ဒၩဒၪဝ့ၫဆံၭႉ
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရါလၩ့ဖၧၩ့ မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ John de Britto, SJ အဂဲးအကၠီၩ့နီၪလီၫႉ ၦဆံၫ့ဎံၪ John de Britto ယီၩအီၪဖျဲၪလၧ ခး India နီၪလီၫႉ အဝ့ၫယီၩ မွဲဝ့ၫ ၦကဲၪဒိၪကဲၪမု အဖိၪနီၪလီၫႉ အဝ့ၫယီၩကမၩၥၫထနၫဆၧမၩအဂး အၥၭလူၬအီၪအၪမၬဒ့ၭနီၪလီၫႉ ဆၧနီၪအကၠီၩ့ အဝ့ၫ လ့ၩကဲၪၥၫ့ခၫလၧ Jesuit ခရၧၫ့နီၪလီၫႉ ကဲၪၥၫ့ခၫဂီၩ့ လ့ၩမၩၥၫထ နၫဆၧမၩလၧ ခး India နီၪလီၫႉ…
အယီၩမွဲယဆၧမၪလူၬ, ဘဲၫယအဲၪနၥံၪအၥိၭနီၪ, အဲၪလိၬကွံၩလိၬနၥံၪ အၥၭဘဲၫနီၪအၥိၭဆံၭ. ၦလဂၩဂၩအ့ၪအီၪက့ၪလၩ့အၥၭမၧၫ့ လၧအထံၩအၥိၭအကၠီၩ့နီၪ, ၦၡၩအဆၧအဲၪဆၧကွံၩနီၪဒိၪ နဲၪ့အဝ့ၫနီၪအီၪနးဂၩအ့ၬ. ထီးဒၪဆၧလၧယမၪလူ နၥံၪနီၪ နၥံၪအ့ၪမၩတၭ, နၥံၪမွဲယထံၩယၥိၭလီၫ. ယကိၭလၧၩ့နၥံၪလၧဎီးလၧၡၩအ့ၬ. အဂဲးဘဲၫယီၩ အ ကဆါမၩနီၫလဲၪနီၫလဲၪနီၪ, အဎီးအၡၩၥ့ၪယၫဝ့ၫအ့ၬ. ယကိၭထဲၩ့နၥံၪ လၧထံၩလၧၥိၭလီၫ. အဂဲးဘဲၫယီၩ ကယဲယနါဂၧၫ့ဆၧလၧဖါအအီၪနီၪ ယဒုၭၥ့ၪယၫနၥံၪလီၫ. နၥံၪဝ့ၫဒၪယီၩ နၥံၪလရွံန့ဘၪယၧၩတၭ, ယဝ့ၫဒၪယီၩ ယရွံန့ယူၭနၥံၪ, ဒဲအီၪက့ၪလၩ့ယူၭနၥံၪဘဲၫၥိၭ နၥံၪမိလ့ၩၥၪထၪ့, ဒဲနၥံၪအဆၧၥၪနီၪ မိအီၪဂုးခၧၫ့ဝ့ၫလီၫ.ဘဲၫၥိၭနၥံၪအ့ၪအၪ့ကံၩ့ဆၧလမံၩ့လါလါလၧဖါနီၪ လၧယမံၩ့အကၠီၩ့တၭ, အဝ့ၫဒၪမိဖ့ၪလၫ့ဝ့ၫလၧနၥံၪအဂးလီၫ. ယမၪလူၬနၥံၪလၧဆၧလဖၪယီၩ ဘဲၫၥိၭနၥံၪမိအဲၪလိၬကွံၩလိၬနၥံၪအၥၭလီၫ.
လၧခးပယၩ့လၬကကဲၩ့ခီၫ ထံၫထၪကျိၩ့လးကျဲၩ့ လကၭဘၪ ၦဖျိၩ့ဆၨၩဖိၪၥံၪ အီၪအလး လၧခဲၫ့ကလးနီၪ မွဲခိၪလီၩ့လးကျဲၩ့နီၪလီၫႉ ဖျိၩ့ၥံၪနီၪ န့ထၬဘၪ ဒီၩ့ဂိၩဒဲ ၥဲၫ့အကျၩ ခိၪလီၩ့လဖၪနီၪလီၫႉ အဝ့ၫၥံၪ အီၪပြံၩပြၩလၩ့လၧ ခိၪလီၩ့ဒၩ့ခိၪနီၪလီၫႉ ဖျိၩ့ဆၨၩၥံၪနီၪ မၩအၪ့ ဎုၬအဆၧမၩ ဆၧၥုၪ့ဆၧဖျါနီၪလီၫႉ ဖျိၩ့ၥံၪလၧအအီၪခိၪလီၩ့ခိၪလဖၪ အီၪယဲၩ့ဝ့ၫဒၪလၧ ဒီၩ့ဂိၩၥံၪလါနၫ့ ဘၪထိးဒီၩ့ဂိၩၥံၪ အဆၧမၩနၧၩ့မၩစၪနီၪလီၫႉ လၧခိၪလၩဘွၩ လဂဲၫပၧၩ့ဒံၭဘၪဆၧအထီ ၦဖျိၩ့ဖိၪၥံၪနီၪ အီၪလၧ ထံၫထၪကျိၩ့ဒဲ လၧမုထၪ့ကကဲၩ့ခီၫ ခိၪလီၩ့လးကျဲၩ့နီၪလီၫႉ ထံၫထၪကျိၩ့လးဝၩ့ႇ တန့ၩၥၫရံၫလးကျဲၩ့ဒဲ ၥၫ့လွ့ၫခးရ့ၫၥံၪနီၪ မွဲမိၫဆၨၩဒဲ ဖျိၩ့ဆၨၩၥံၪအီၪအလးဂီၩ့ အအၪထုၬနီၪ မွဲ ဖျိၩ့ဆၨၩၥံၪနီၪလီၫႉ…
ဘဲၫဖါအဲၪယၧၩအၥိၭနီၪ, ယဝ့ၫဒၪယီၩယအဲၪနၥံၪဆ့လီၫ.အီၪဂုးခၧၫ့လၧယဆၧအဲၪအဖၧၩ့ဆံၭ. နၥံၪအ့ၪ ထီးန့ဖံၭထၬယဆၧမၪလူၬလဖၪjနီၪ, နၥံၪမိအီၪဂုးခၧၫ့လၧ ယဆၧအဲၪအဖၧၩ့ ဘဲၫယထီးန့ဖံၭထၬယဖါ အဆၧမၪလူၬလဖၪနီၪ, ဒဲ ယအီၪဂုးခၧၫ့ ယဝ့ၫလၧအဆၧအဲၪအဖၧၩ့အၥိၭနီၪလီၫ. ဘဲၫၥိၭ ယဆၧၥၭထိၬမိအီၪဝ့ၫလၧနၥံၪအဖၧၩ့, ဒဲ နၥံၪအဆၧၥၭထိၬမိလၧၫ့ထၪ့ဎွ့ၩထၪ့ဝ့ၫတၭ, ယလီၩဘၪယူၭဆၧယီၩလဖၪလီၫ.
ယ့ၫၡုၬမွဲစဘံၭအမုလၩ့ထံးလၩ့ဆ့ၭ. ယဝ့ၫဒၪယီၩ ယမွဲစဘံၭအမု လၩ့ထံးလၩ့ဆ့ၭတၭ, ယဖါမွဲၦခိၭစဘံၭအလးလီၫ. ကယဲအထဲၩ့လၧယလီၩ့လၧအလၥၪဘၪဝ့ၫနီၪ, မွဲအဖ့ၬခွံၬဝ့ၫတၭ ကယဲအထဲၩ့လၧအၥၪဝ့ၫနီၪ, ဘဲၫၥိၭအမိၥၪအၪထၪ့တၭ, မၩဆံၫ့ထၪ့ဝ့ၫဒၪလီၫ. ဘိၩ့နဲၪ့ယီၩ မွဲလၧယလူလၧ ယလီၩဘၪနၥံၪအကၠီၩ့ယီၩ နၥံၪဆံၫ့ယူၭနၥံၪဝ့ၫလီၫ. အီၪဂုးခၧၫ့နၥံၪဝ့ၫလၧယဖၧၩ့တၭ, ယမိအီၪဂုးခၧၫ့ ယဝ့ၫလၧနၥံၪအဖၧၩ့လီၫ. ဘဲၫထဲၩ့အ့ၪလအီၪဂုးခၧၫ့ဘၪဝ့ၫ လၧစဘံၭမုအလီၩ့နီၪ ၥၪဒၪအဆၧလၥ့ၪဘၪအၥိၭနီၪ, နၥံၪဝ့ၫဒၪယီၩ နၥံၪအ့ၪလအီၪဂုးခၧၫ့ဘၪလၧယဖၧၩ့တၭ, နၥံၪလၥၪဘၪဘဲၫနီၪအၥိၭလီၫ. ယဝ့ၫ ဒၪယီၩ ယမွဲစဘံၭအမုတၭ, နၥံၪမွဲအထဲၩ့လီၫ. ၦလၧအအီၪဂုးခၧၫ့လၧယဖၧၩ့, ဒဲယအီၪလၧအဖၧၩ့နီၪ, ၥၪဝ့ၫအၪဖျိၪ့လီၫ. အဂဲးဘဲၫယီၩ အ့ၪလမွဲဘၪလၧ ယကၠီၩ့တၭ, နၥံၪမၩဆၧၥ့ၪနးမံၩ့အ့ၬ. ၦလဂၩဂၩ အ့ၪလအီၪဂုးခၧၫ့ဘၪဝ့ၫလၧယဖၧၩ့ယီၩ, ဘၪဆၧခွံၬၡိၭဝ့ၫ ဘဲၫဆၧအထဲၩ့အၥိၭတၭ, ဎဲၫ့ထၬခွံၬဝ့ၫဒၪလီၫ. ၦအၪ့ထုၫ့ကီၪ့အဝ့ၫၥံၪဖျႃၭလၩ့ဝ့ၫလၧမ့ၪဖၧၩ့တၭ,…
လၧဎြံၬဆၧအဲၪဆၧကွံၩဖၧၩ့ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ အဆၧၥီၪ့ဆၧၥၫ့နီၪ မွဲဝ့ၫဒၪ ကဆါယွၩအခိးအတၩနီၪ ပကဘၪလၩ့ဎွါလၧ ပၥၭခံဖၧၩ့အဂဲး အကၠီၩ့နီၪလီၫႉ ၦလၧဘၪထိးကိၭဖံၭၥိၭၥၭနီၪ မွဲဝ့ၫကဆါယွၩအလၬဆီၪ့နီၪလီၫႉ ၦကိၭဂၩနီၪ လမံၩ့လမွဲဘၪလမံၩ့ ဘၪထိးကိၭဖံၭၥိၭၥၭကိးဂၩနီၪလီၫႉ ဆၧလၧဆၧကိၭဖံၭၥိၭဆၧနီၪ မွဲဝ့ၫ ကဆါယွၩ အဆၧအဲၪဆၧကွံၩနီၪလီၫႉ ပအီၪၥၭမၧၫ့ ကိၭနံၩဖၧၩ့ လိၪမနီၪလဲၫနီၪ ကဆါယွၩၥ့ၪယၫပၧၩကိၭကၠၪနီၪလီၫႉ ဆၧနီၪအကၠီၩ့ ပၧၩဝ့ၫနးဆ့ၭ ပကဘၪမၩထၪ့ ဆၧဘၩဆိၪဖၪႇ ပကဘၪခိနၫယွၩလူၬယွၩထၫ နီၪလီၫႉ လၩ့ဆၫ့ဒၩဆၧ ၥၭဘၪ့ဖိၪၥံၪလဖၪယီၩ ကဘၪခိၭနၫကဆါယွၩႇ လကၭဒ့ၭဘၪ ကဆါယွၩ ကိၭဖံၭၥိၭထၬနၥံၪလၧ ဖၧၩ့ၥၭအမံၩ့မံၩ့နီၪ နၥံၪကဘၪအီၪၥၭမၧၫ့…
၂၀၂၆နံၪ့ လၩမ့ၫ၃ၥၫ့နီၪ ဟားခါး ဒဲ ဖလမ်း RVA ဆၧရၩလၩ့လူလဖၪ စူၭကီၪ့မၩဎိၭလၩ့ RVAမုနံၩ အဆိၪထုၬကဘျၩ့ လၧဟားခါးဝံးနီၪလီၫႉ ဖလၩ့ဝံးဖၧၩ့ ဆၧတုၩ့ထၪ့တုၩ့လၩ့လဖၪ ကဲၪထၪ့ဝ့ၫဒၪအကၠီၩ့ စၭထၪ့လၧ၂၀၂၂နံၪ့ အခံၫ့အိၩ RVAဖလမ်းနီၪ ဘၪၥုၭထဲၩ့အလးလၧ ဟၩခၩဝံးနီၪလီၫႉ ၦလၧအလ့ၩခိၪလ့ၩနါ မံဆၩဆၧလုထၪ့နီၪ မွဲဝ့ၫဒၪ ဟၩခၩဆၧအီၪကီၪ့ ၥၫ့ခိၪဒိၪ Lucius Hre Kung ဒဲ ၥၫ့မုၥၫ့ခၫ၉ဂၩနီၪလီၫႉ လၧဆၧထံၪလၩ့ဒီၪလၩ့နီၪအဖၧၩ့ မံၭထၭမုၪ ဂဲၫဝ့ၫဒၪ ၁၈ဂၩ ဒဲ ၦဆူနဲၩဖိၪၥံၪ ဂဲၫဝ့ၫဒၪ ကအီၪဖိၭဘိၭ အဂၩ၁၀၀၀နီၪလီၫႉ ၥၫ့ခိၪဒိၪ စံၭဝ့ၫဒၪ…
၂၀၂၆နံၪ့ လၩမ့ၫ ၃ၥၫ့ လဂီၩ ၈နၩရံၫအခံၫ့နီၪဘၪဆၧဆိၪဂ့ၩဆိၪဘွၩ တောင်ယာကုန်းဆၧအီၪကီၪ့ St.Remigius ၥရိၬ ဒဲ ဆၧဒိၭန့ ဆၧဒူၩယၪ့စကရမဲၫ့တူၩ ဆၧထံၪလၩ့ဒီၪလၩ့အီၪဝ့ၫဒၪလၧ တောင်ယာကုန်းဆၧအီၪကီၪ့ဖၧၩ့နီၪလီၫႉ ဒိၩ့ပၥံၫ့ဆၧအီၪကီၪ့ ၥၫ့ခိၪဒိၪ ဟင်နရီမန်းအိုင်ခလိန် လ့ၩခိၪလ့ၩနါ ဆိၪဂ့ၩဆိၪဘွၩၥရိၬနီၪဒဲ ဖ့ၪလၫ့အ့ၪ ၥၭဘၪ့ၥၭၡါ ဆၧဒူၩယၪ့စကရမဲၫ့တူၩနီၪလီၫႉ ၦလၧအဒိၭန့စကရမဲၫ့တူၩ အီၪဝ့ၫဒၪ ထီးလူၬ ဖိၭဘိၭ အဂၩ ၇၀နီၪလီၫႉ #RVAPwoKaren #တောင်ယာကုန်းသာသနာ #ခရစ္စမတ်အားပေးခြင်းစက္ကရမင်တူး #Remigiuschurch
ယအီၪက့ၪလၩ့ထး ဆၧမုၬဆၧလၩလၧနၥံၪအဂးတၭ, ယဆၧမုၬဆၧလၩနီၪယဖ့ၪလၫ့နၥံၪလီၫ. ယဖ့ၪလၫ့နၥံၪ ဘဲၫဂၪ့ခိၪဖိၪဖ့ၪလၫ့ဝ့ၫအၥိၭနီၪမွဲအ့ၬ. ထီးၥုၪ့ခိၥၭဝီၩလဂ့ၩ, ထီးၥၭမဲၪဆၧလဂ့ၩ,- နၥံၪနါဂၧၫ့ယူၭ လၧယစံၭနၥံၪ, ယလ့ၩဆၧတၭ ယမိဂဲၫထဲၩ့လၧနၥံၪအအီၪလီၫ. နၥံၪအ့ၪအဲၪယၧၩတၭ, မွဲယစံၭဆၧလၧယလ့ၩထၪ့ လၧဖါအအီၪနီၪ, နၥံၪမိၥၭထိၬနၥံၪဝ့ၫလီၫ. အဂဲးဘဲၫယီၩ ယဖါဒိၪနဲၪ့ယၧၩဒံၭလီၫ. ထီးဆၧနီၪလဖၪ မၩအၥၭတၭ, ဘဲၫၥိၭနၥံၪမိနဲၩဆၧနီၪ, ယလီၩဘၪဝဲၩ နၥံၪဘိၩ့နဲၪ့ယီၩ ဘိၩ့အလချႃၭ မၩဒံၭဘၪအၥၭနီၪလီၫ. လၧယၫလခီၫနီၪ ယမိလီၩဘၪဆၧလၧနၥံၪအၪလၧၩ့အ့ၬ. အဂဲးဘဲၫယီၩ ဂၪ့ခိၪအခိၪဂဲၫဝ့ၫတၭ, အဆၧအီၪလၧယဖၧၩ့နးမံၩ့အ့ၬ. မွဲလါနၫ့ဘိၩ ဘဲၫၥိၭဂၪ့ခိၪဖိၪ မိၥ့ၪယၫ လၧယအဲၪဖါတၭ, ဘဲၫဖါမၪလူၬယၧၩအၥိၭနီၪ, ယမၩယဝ့ၫဘဲၫနီၪအၥိၭလီၫ. ဂဲထုၪ့ဘီၪ, မွဲပစဲၪ့ထၪ့ခွံၬၡီၩ့ထီးယီၩဆံၭ.
