ဎြံၬဖိၪၥံၪလဖၪ စူၭကီၪ့မၩလၩ့ဎိၭ လံၬဆံၫ့ဎံၪအမုနံၩ Bible Day
၂၀၂၆နံၪ့ လၩအီဂၧၭ ၁၆ၥၫ့ လဂီၩ ၁၀နၩရံၫခီၫအခံၫ့နီၪ ၦဎြံၬဖိၪၥံၪလဖၪ စူၭကီၪ့မၩဎိၭလၩ့ လံၬဆံၫ့ဎံၪအဘိၪ့မုနံၩလၧ ဝံးပၥံၫ့ စံၫ့ပံၫတၧၫကၥံၫဒရဲၫ ၥရိၬလးဝၩ့ဖၧၩ့နီၪလီၫႉ ဆၧထံၪလၩ့ဒီၪလၩ့နီၪအဖၧၩ့ ကၭၥလံၬဆၧဘိၪ့ဆၧဘၩဖၧၩ့ Msgr. Pius Win Than၊ Fr. Fidelis ဒဲ ၦဆူနဲၩဖိၪလဖၪႇ လၧၦဆူနဲၩဎြံၬ ဆၧဘိၪ့ဆၧဘၩဂူၫဂၩဖၧၩ့ ခိၪနါလဖၪဒဲ အခရၧၫ့ဖိၪၥံၪလဖၪ ဂဲၫထၪ့ဝ့ၫဒၪနီၪလီၫႉ ၦအလ့ၩခိၪလ့ၩနါ ဆၧထံၪလၩ့ဒီၪလၩ့နီၪ မွဲလၧ ၥၫ့ခၫFr. Fidelis Saw Naing Lin Htet နီၪလီၫႉ ဆရၫဦးဇော်မိုးစိန်နီၪ လီၩလၩ့လၬလၩ့ ဆၧၥၭထိၬပရၧၫ့ ဘၪထွ့ၫလၧ ဆၧၥုၪ့ထၪ့ ဆၧအဲၪဆၧကွံၩခးၥဲၫ့နီၪ မွဲလၧယွၩအလူအထၫလံၬဆံၫ့ဎံၪအဂဲးနီၪလီၫႉ လၧမုကိၭနံၩအဖၧၩ့ ပနါဂၧၫ့ဘၪ ဆၧအလူအၪမံၩ့လါနၫ့ အ့ၪမွဲပကမိနါဂၧၫ့ ယွၩအလူအထၫနီၪ မွဲပကဘၪဖီလံၬဆံၫ့ဎံၪအဂဲးႇ လံၬဆံၫ့ဎံၪနီၪ ၦဎြံၬဖိၪၥံၪအဆၧၥၭမၧၫ့အဂး မွဲအရ့ၩဒိၪထုၬလီၫႉ ပဖီလံၬဆံၫ့ဎံၪနီၪဂီၩ့ ပကဘၪကျ့ၭစၨၭ လီၩ့ဖိၬခိၭနၪနီၪဆ့ မွဲအရ့ၩဒိၪထုၬလီၫႉ ပကအဲၪလိၬၥၭ ဒဲ ပအဲၪၦဂူၫဂၩ ဘဲၫပအဲၪလၩ့ပၥၭကၥ့ၪအၥိၭဆ့ လံၬဆံၫ့ဎံၪနီၪ ၥီၪ့ၥၫ့ထၬပၧၩလီၫႉ ဆၧနီၪအကၠီၩ့ ပဝ့ၫၥံၪလဖၪ ပကကဲၪထၪ့ကၠၭ ၦအလီၩ့ဖ့ၪလၫ့ ဆၧအဲၪဆၧကွံၩ ၦအလီၩ့မၩဖျီၪထၪ့ ဆၧအဲၪဆၧကွံၩလဖၪဂီၩ့တၭ ပကၥုၪ့ထၪ့ထဲၩ့ ဆၧအဲၪဆၧကွံၩအခးၥဲၫ့လါဆံၭ အဂဲး အဝ့ၫယီၩ လီၩဝ့ၫဒၪနီၪလီၫႉ Msgr. Pius Win Than ဖ့ၪလၫ့ထဲၩ့ဆၧဆိၪဂ့ၩဆိၪဘွၩဂီၩ့ အီၪပထုၬခွံၬဆၧထံၪလၩ့ဒီၪလၩ့နီၪလီၫႉ # ၦဎြံၬဖိၪၥံၪစူၭကီၪ့မၩဎိၭလၩ့လံၬဆံၫ့ဎံၪမုနံၩ #စိန့်ပီတာကာသီဒြယ် #၁၆၊ ၈.၂၀၂၆ # ဝံးပၥံၫ့
