သင်္ဃန်းတောဆၧအီၪကီၪ့အဖၧၩ့ ထံၫဎိၩလၩ့တဝၫ့ (၁၀တဝၫ့) အဂး KMSS Pathein လ့ၩမၩဘိၪ့ဆၧအဂဲး
ဧရာဝတီခးဒီၪ့/ ဟင်္သာတဇိၫ့ႇ သင်္ဃန်းတောဆၧအီၪကီၪ့ဖၧၩ့ ထံၫဎိၩလၩ့တဝၫ့ ၁၀တဝၫ့အဂး ၂၀၂၆နံၪ့ လၩစဲၭတံၫ့ဘၧၫ (၁၁) ၥၫ့ဒၪအိၩ KMSS Pathein ခရၧၫ့ လၩမၩဘိၪ့ ဂူဆၫႇ ထံၫႇ ဆၧအၪ့ဆၧအီၩဂူၫဂၩလဖၪႇ ဆၧပိၬဆၧလၫ့လဖၪ ဒဲ ထီးလဖၪနီၪလီၫႉ
ဆၧမၩဘိၪ့ကဘျၩ့ယီၩနီၪ ဂံၪ့ဒီၪ့ ၆၄၈ဂံၪ့အဂး ဂံၪ့ကဖျိၪ့နီၪ ဂူဆၫ ၃တလိၭႇ ဆၧအၪ့ဆၧအီၩဂူၫဂၩဒဲ ဆၧပိၬဆၧလၫ့ဂူၫဂၩပၫဝ့ၫဒၪဂီၩ့ ဂံၪ့ဒီၪ့ ၇၁ဂံၪ့ဒီၪ့အဂး ဂံၪ့ကဖျိၪ့နီၪ မၩဘိၪ့ဝ့ၫ ထီး ၂၅၅၀၀၀ နီၪလီၫႉ
လကၭဘၪ ဝံးပၥံၫ့ စိန်ဂျွန်းဆၧမၩလိၪလး မၩဘိၪ့ဝ့ၫဒၪ ဆၧမၩဘိၪ့မၩဆၧၩ့လဖၪနီၪ ဖ့ၪလၫ့စိၩဘၪ PERT ခရၧၫ့ဖိၪၥံၪဂီၩ့ အၪ့မၧၫ့ဆုးထဲၩ့လီၩ့အၪ့နၩ့ဝ့ၫဒၪလၧ အဝ့ၫၥံၪအဒိၩ့မုတဝၫ့ဖၧၩ့ဒံၭနီၪလီၫႉ
ၦမၩဘိၪ့မၩဆၧၩ့ဆၧထီးလူၬ စူၭကီၪ့မၩဘိၪ့ဆၧကဘျၩ့ယီၩ ထီးအကုၬကအီၪဝ့ၫဒၪ ဖိၭဘိၭ ၂၉၀၀၀၀၀၀နီၪလီၫႉ ဆၧမၩဘိၪ့ယီၩနီၪ လရွံဘၪဆၨၩဆၬ ဆၧဘိၪ့ဆၧဘၩတၭ ၦအလိၪဘၪဆၧမၩဆၧၩ့လဖၪနီၪ ဘဲၫမၩဆၧၩ့ဝ့ၫန့အၥိၭ လတွၭဘၪ အအၪ အၡၩ အဖၧၩ့ ဖ့ၪလၫ့မၩဆၧၩ့ဝ့ၫဒၪအဂဲး ပန့ဘၪဆၧပရၧၫ့ ဘဲၫယီၩအၥိၭနီၪလီၫႉ
နးအဲၪဖီၫဘွၩ
