RVA PWO KAREN

မုဆၫကနံၩယီၩ ပကဒၪဘၪၥၭဘၪ့ဖိၪခီၫ့ၡၩဆါလဖၪအၪအၪနီၪလီၫႉ အဝ့ၫၥံၪယီၩ လၧအၥၭဆံၭဆံၭအဖၧၩ့ ဘၪလ့ၩထၪ့လ့ၩထီၫဎွ့ၩနီၪလ့ၬနီၪ ဘၪမနီၪလဲၪႉ အဝ့ၫၥံၪယီၩ အ့ၪမွဲကမိမၩထၪ့ ခီၫ့ၡၩကမံၩ့မံၩ့ယူၭစွါဘဲၫ ဒၪၦၡၩမၩအကၠီၩ့ လီၩ့မၩဖိၬၦၡၩအခဲၫ့ လမွဲဘၪတၭ မွဲလၧ ၦၡၩၥံၪလိၪမနီၪလဲၪ အဝ့ၫၥံၪယီၩ ကမိဖ့ၪလၫ့အ့ၪၦၡၩမနီၪလဲၪႉ အဝ့ၫၥံၪကမိမၩထၪ့ဆၧမၩအယီၩနီၪ ဘၪနီၪ လဲၪအဂဲး အဝ့ၫၥံၪအအီၪ ဆၧထံၪဆၧဆၭအီၪဝ့ၫဒၪကိၭမံၩ့အကၠီၩ့ အဝ့ၫၥံၪယီၩမိမၩဝ့ၫဒၪခီၫ့ၡၩကမံၩ့နီၪ မၩထၪ့ဝ့ၫ ဒၪလီၫႉ ဆၧနီၪအကၠီၩ့ အဝ့ၫၥံၪယီၩ စၭထၪ့မၩဝ့ၫဒၪဒဲ ကျ့ၭစၨၭထၪ့ဝ့ၫၡီၫၡီးအခၫအဝ့ၫၥံၪအခီၫ့ၡၩနီၪ လထဲၩ့လၩ့ဘၧၩ့ ဘၪဂီၩ့ ဆုးထဲၩ့လ့ၩထၪ့လ့ၩထီၫနီၪလီၫႉ ဆၧနီၪအကၠီၩ့ အ့ၪမွဲပကမိမၩထၪ့ခီၫ့ၡၩ ဆၧမၩကမံၩ့မံၩ့စွါဘဲၫ ပကဘၪ အၪ့ဎၬအဆိၪထုၬနီၪ ဆၧအယီၩမွဲၦၡၩၥံၪအဂး လိၪဧၪ လလိၪဧၪ အ့ၪမွဲၦၡၩၥံၪအဂး…

ဂံၪ့ဒီၪ့ဖိၪၥံၪ ထီးအလူၬ စူၭအီၪကီၪ့ဂီၩ့ အၪ့ကံၩ့ဘၩဆိၪဖၪဆၧနီၪမွဲဒၪလၧ ဖိၪမုၪဖိၪခွၫၥံၪ အဆၧဆူၩနဲၩ ကဎိၩထၪ့ဒိၪထၪ့အဂး ဖ့ၪနဲၪအ့ၪဝ့ၫ ဆၧကိၪ့ဘၪကိၪ့ၥ့ၪကမံၪ့နီၪလီၫႉ ဂံၪ့ဒီၪ့ဖိၪၥံၪထီးအလူၬနီၪ မွဲအၪ့ကံၩ့ဘၩဆိၪဖၪဆၧ ကိၭနံၩကိၭနၩစွါဘဲၫ ကဆါယွၩအဆၧဆိၪဂ့ၩဆိၪဘွၩနီၪ ကလၩ့ဘၪဝ့ၫလၧ အဝ့ၫၥံၪအဂံၪ့ဒီၪ့ဖၧၩ့နီၪလီၫႉ ပဖိၪပဒံၪၥံၪဘဲၫၥိၭအၪ့ကံၩ့ဘၩဆိၪဖၪဆၧကိၭနံၩကိၭနၩကၥ့ၪအဂး အ့ၪပကၥီၪ့လိၪထၬ စွါဘဲၫ အဝ့ၫၥံၪ ဎိၩထၪ့ဒိၪထၪ့ကကၠၪ အဝ့ၫၥံၪအဂး အခိးအတၩကအီၪထးဝ့ၫအၪမၬနီၪလီၫႉ အဝ့ၫၥံၪဎိၩထၪ့ကကၠၪ လၧကဆါယွၩအဖၫ့ခိၪ အဝ့ၫၥံၪအဆၧဆူနဲၩနီၪ ကဎိၩဒိၪဝ့ၫအၪမၬနီၪလီၫႉ ဆၧနီၪအကၠီၩ့ ဖိၪမုၪဖိၪခွၫၥံၪ လၧအၥၭဆံၭဆံၭအခံၫ့နီၪ မိဖါၥံၪကဘၪၥီၪ့လိၪ ကဘၪဖ့ၪနဲၪအ့ၪအဝ့ၫၥံၪ ဆၧဒီၩ့ဆၧထ့ၬ အဂ့ၩနီၪလီၫႉ

ဂံၪ့ဒီၪ့ဖိၪၥံၪ ထီးအလူၬ စူၭအီၪကီၪ့ဂီၩ့ အၪ့ကံၩ့ဘၩဆိၪဖၪဆၧနီၪမွဲဒၪလၧ ဖိၪမုၪဖိၪခွၫၥံၪ အဆၧဆူၩနဲၩ ကဎိၩထၪ့ဒိၪထၪ့အဂး ဖ့ၪနဲၪအ့ၪဝ့ၫ ဆၧကိၪ့ဘၪကိၪ့ၥ့ၪကမံၪ့နီၪလီၫႉ ဂံၪ့ဒီၪ့ဖိၪၥံၪထီးအလူၬနီၪ မွဲအၪ့ကံၩ့ဘၩဆိၪဖၪဆၧ ကိၭနံၩကိၭနၩစွါဘဲၫ ကဆါယွၩအဆၧဆိၪဂ့ၩဆိၪဘွၩနီၪ ကလၩ့ဘၪဝ့ၫလၧ အဝ့ၫၥံၪအဂံၪ့ဒီၪ့ဖၧၩ့နီၪလီၫႉ ပဖိၪပဒံၪၥံၪဘဲၫၥိၭအၪ့ကံၩ့ဘၩဆိၪဖၪဆၧကိၭနံၩကိၭနၩကၥ့ၪအဂး အ့ၪပကၥီၪ့လိၪထၬ စွါဘဲၫ အဝ့ၫၥံၪ ဎိၩထၪ့ဒိၪထၪ့ကကၠၪ အဝ့ၫၥံၪအဂး အခိးအတၩကအီၪထးဝ့ၫအၪမၬနီၪလီၫႉ အဝ့ၫၥံၪဎိၩထၪ့ကကၠၪ လၧကဆါယွၩအဖၫ့ခိၪ အဝ့ၫၥံၪအဆၧဆူနဲၩနီၪ ကဎိၩဒိၪဝ့ၫအၪမၬနီၪလီၫႉ ဆၧနီၪအကၠီၩ့ ဖိၪမုၪဖိၪခွၫၥံၪ လၧအၥၭဆံၭဆံၭအခံၫ့နီၪ မိဖါၥံၪကဘၪၥီၪ့လိၪ ကဘၪဖ့ၪနဲၪအ့ၪအဝ့ၫၥံၪ ဆၧဒီၩ့ဆၧထ့ၬ အဂ့ၩနီၪလီၫႉ

မုကနံၩယီၩ ယအဲၪဒိၭလီၩၥ့ၪယၫအ့ၪဘၪနၥံၪနီၪ မွဲဝ့ၫဒၪလၧ ပကဘၪဆူနဲၩလၩ့ပၥၭ ဒဲ ပကဘၪအီၪမၧၫ့ ဘဲၫပနၫ့ဆါဒၪပၧၩအၥိၭအဂဲးနီၪလီၫႉ ပကဲၪၦၡၩကမံၩ့နီၪ ဆၧဆူနဲၩလၩ့ၥၭကဘၪအီၪဝ့ၫဒၪတၡါၡါနီၪလီၫႉ ဘၪထွ့ၪလၧဆၧအဂဲးယီၩနီၪ ယအဲၪဒိၭလီၩၥ့ၪယၫအ့ၪဘၪနၥံၪ ဆယ်လီနာဂိုးမက်အဂဲးနီၪလီၫႉ အဝ့ၫ အမိမိနီၪ အၥၭအီၪ၁၆နံၪ့အထီ အီၪဖျဲၪထၪ့န့အဝ့ၫနီၪလီၫႉ အဝ့ၫယီၩအၥၭအီၪ ၇နံၪ့အခံၫ့နီၪ ၥ့ၪယၫလၩ့အၥၭ လၧ ကမိကဲၪဎံၪလၩမုၪကဂၩဒဲ အၥၭအီၪ၁၁နံၪ့အခၫနီၪ ကမၩထၪ့ဆၧမၩအနီၪအဂး အဝ့ၫယီၩအဆၧၥ့ၪဆၧဘၪ အီၪ လၧၫ့ဎွ့ၩအ့ၬအဂဲး Directorကဂၩနီၪ စံၭဘၪဆယ်လီနာဘဲၫနီၪလီၫႉ ၦၡၩကိဂၩဒ့ၭနီၪ ကဘၪထိးစံၭယံၩယါအၥၭ နမၩမွဲကန့အ့ၬ နလးခဲၫ့ၦၡၩကမၩဆၧၩ့နၧၩကျိၪစ့ၩအီၪ အ့ၬဘဲၫနီၪလီၫႉ အ့ၪမွဲၦၡၩစံၭပၧၩ နမၩန့အ့ၬ ဘဲၫနီၪစွါဘဲၫ ပဆၧဆူနဲၩကလၩ့မါဂီၩ့ ပကလၩ့ထံၩဖါနီၪလီၫႉ အဝ့ၫဆ့ လၩ့ဘူၭကလၩ့ထံၩဖါလီၫႉ…

အ့ၪမွဲပကဲၪထၪ့ ထၧၫ့မၪဝၩယူၭစွါဘဲၫ ကြၨၭပစဲၪ့လၫ့လၧ မိဖါအလၩဒုၩဖၫ့လၬနီၪလီၫႉ ဆၧလၧပဒၩ့ဂံၪ့ဒၩ့ဎၫ့နီၪ ပၧၩဒဲ အဝ့ၫ ပစၭထၪ့ၥုၪ့လၫ့ကၠၭ ဆၧၥၭမၧၫ့အၥၫ့ကဖျိၪ့နီၪလီၫႉ မွဲလၧနံၫခီၫနံၫကဲၩ့မိဖါၥံၪ အဆၧပဒၩ့လဖၪအကၠီၩ့ ဂံၪ့ဒီၪ့အဆၧၥၭမၧၫ့ ဘၪလၩ့ဎီးနီၪ မွဲလၩ့ဎိၪဎါအၪမၬနီၪလီၫႉ လၧထၧၫ့မၫဝၩနံၫဂၩအကျၩ ၦၡၩနၪလၥ့ၪဘၪ ဆၧချဲၩ့ဘံၪ့ၥူၪလဖၪႇ ဆၧဖံၭဆၧမၩလဖၪႇ ဆၧဖ့ၪလၫ့အၪ့န့လဖၪ အီၪၥ့ၪဝ့ၫနီၪလီၫႉ ဘၪကကၠၪကၠၪ ပဒၪထၪ့အဝ့ၫၥံၪအဆၧဖံၭဆၧမၩလၧ ပနၪလၥ့ၪဘၪလဖၪဂီၩ့ ပလီၩ့စီၪဝံၩ့စီၪဝၩ့အဝ့ၫၥံၪ ပလီၩ့စီၪဘၪမၪအဝ့ၫၥံၪလန့ဘၪနီၪလီၫႉ ပကဲၪၥၭဘၪ့ဖိၪၥံၪပကဘၪနၪၥ့ၪထၬနီၪ ဂံၪ့ဒီၪ့ကဖျိၪ့ဖၧၩ့ ဆၧနၪၥ့ၪလိၬၥၭနီၪ မွဲအ ကၧၩ့ဒိၪထုၬနီၪလီၫႉ ကဂၩနီၪ အ့ၪမွဲအၪ့ထံၩ့အၪ့ဖီၪ့စွါဘဲၫ အကဂၩနီၪ ကမၩဆံၫ့မၩဖျ့ၪဆၧႉ အနီၪနဆၧမၩ မၩဒၪနၧၩ အယီၩ ယဆၧမၩ ယကမၩဒၪယၧၩ ဘဲၫယီၩၥိၭ…

အ့ၪပန့ဘၪပဂံၪ့ဒီၪ့ဖိၪ ဝၩလဂၩနီၪ အ့ၪမွဲအီၪလၧ ကဆါယ့ၫၡူကၠၧၫ့ကၠၧၫ့ အီၪလၧဆၧဘၩဆိၪဖၪဖၧၩ့စွါဘဲၫ အဂ့ၩထုၬနီၪလီၫႉ ဘၪနီၪလဲၫစွါဘဲၫ အဝ့ၫၥံၪနီၪ အ့ၪနမၩဘၪ ဆၧဘၪမၪစွါဘဲၫ ကကွဲၪဖျါခွံၬနဆၧမၪနီၪလီၫႉ နၥၭၡၪ့အခၫကဖ့ၪဂဲးဖ့ၪဘၭနၧၩနီၪလီၫႉ နလၩ့ထံၩဖါအခၫ ကကၠူၭဂဲထုၪ့နၧၩနီၪလီၫႉ နဘၪဂၪ့အခံၫ့ကကံၭဒူၭအ့ၪနၧၩ နမ့ၬထံၫနီၪလီၫႉ နမၩလဘၪဘၪဆၧလဖၪနီၪ ကၥီၪ့လိၪဖ့ၪနဲၪအ့ၪနၧၩလီၫႉ ဘဲၫအဲၪအဝ့ၫအမိအဖါအၥိၭ ကအဲၪနမိနဖါနီၪလီၫႉ အ့ၪပရွံထၪ့ ပမၫပဝၩအခၫ ပကဘၪရွံန့ဝ့ၫလၧ ၦလၧဆၧဆူၩနဲၩအီၪလၧ ကဆါယ့ၫၡူအဖၫ့ခိၪ ၦၡၩလဖၪနီၪလီၫႉ အ့ၪမွဲဘဲၪနီၪစွါဘဲၫ ဂံၪ့ဒီၪ့ကဖျိၪ့နီၪ အခိၫ့ပယိၫကအီၪအၪမၬနီၪလီၫႉ လကၭဒံၭဘၪ အဝ့ၫၥံၪအဂံၪ့ဒီၪ့ဖၧၩ့ ပကနါဂၧၫ့ဘၪ ဆၧအၪ့ကံၩ့ဘၩဆိၪဖၪဆၧ ကိၭမုနံၩ ကိၭမုနၩနီၪလီၫႉ 

နခဲၫ့ကံၭနၥၭကဎိၩကဖျီးလၨၫဂီၩ့ ထၪ့ၡါဘၪအဖျဲၪလဂ့ၩႉ အ့ၪနမွဲနတဲၩဝဲၩ့ထၬနၥၭဂီၩ့ဂ့ၩဘၪစဲၪယူၭမၬ ထၪ့ ၡါမၬဆံၭႉ ပဘၪအီၪထးန့ၫကဂၩလီၫအကၠီၩ့ ပထိးဆၧၫ့ဆၧယီၩလန့ဘၪဂီၩ့ထၪ့ၡါလဂ့ၩႉ ဘၪအီၪကဂၩလီၫအကၠီၩ့ ဘၪၥံၫခွံၬၦၡၩဘနီၪ လအီၪဒံၭဘၪနးဂၩနီၪလီၫႉ ထၪ့ၡါဘၪလၧၦအဘၪမၪလဖၪနီၪမၬ အၥၭမၧၫ့ဝ့ၫဒၪလါနၫ့ အဆၧ ၥၭမၧၫ့ဘၪၥံၫဝ့ၫလီၫႉ ပဆၧအဲၪတၩ့နီၪ ကဘျဲၩထၪ့ၥၭပၧၩ အၪ့ယိၫခဲၫ့ကံၭဘဲၫနီၪဂီၩ့ထၪ့ၡါလဂ့ၩႉ ၦလၧအအဲၪနၧၩအတီၩအလီၩ့ လ ဂၩနီၪ ကအီၪဘၪလၧနနဲၩ့ထံၭအဂး ဆၧအဲၪဆၧကွံၩအ့ၪအီၪနီၪ လၧၫ့ဎွ့ၩယူၭလီၫႉ မိဖါဘူၭထံးလဖၪအၪ့မၧၫ့ဆီၫ့ အၪ့မၧၫ့နီၩ့ပၧၩအကၠီၩ့ ထၪ့ၡါလဂ့ၩႉ ၦလၧကဘၪဂၭဖၬလၧ ဂံၪ့ဒီၪ့အဆၧၥၭမၧၫ့ဖၧၩ့ၥၭနီၪ လမွဲဘၪနမိနဖါတၭ မွဲဒၪလၧ နကဘၪဂၭဖၬဒၪနၧၩလီၫအကၠီၩ့ ဖၧၩ့ၥၭအယီၩနီၪ မၩဖိးထၪ့ဒၪနၧၩလီၫႉ နဘၪနၥၭ ဆၧထၪ့အီၪဎုၬမုနံၩမုၬနီၪအကၠီၩ့ ထၪ့ၡါဘၪလဂ့ၩႉ ဂံၪ့ဒီၪ့အဆၧၥၭမၧၫ့နီၪ ဘဲၫၦၡၩဖ့ၪနဲၪထၬလၧ ဆၧဂၩ့ဖၧၩ့အၥိၭ မွဲလယီၫဘၪလီၫႉ…

ပဂဲၫထဲၩ့ဂၭဖၬထၬဖၧၩ့ၥၭထၧၫ့ဖျီၩ့ယၪအဖၧၩ့ အ့ၪမွဲပမိဒၪထဲၩ့ ပဝံၫပလၩဘံၪ့ဘံၪ့စွါဘဲၫ ပကဘၪဂၭဖၬဝ့ၫဒၪ လၧ ဆၧတီၩဆၧလီၩ့နီၪလီၫႉ ဆၧဖံၭဆၧမၩနီၪ မၩထၪ့ဒၪလၧဆၧတီၩဆၧလီၩ့အဖၧၩ့ ဆၧချဲၩ့လဖၪနီၪ ချဲၩ့ဒၪလၧဆၧတီၩဆၧလီၩ့အဖၧၩ့ႇ လၧ နထံၩၥိၭဘူၭထံးလဖၪ အဖၫ့ခိၪအီၪလၧဆၧတီၩဆၧလီၩ့လါဆံၭႉ ဆၧလၧကျိၪစ့ၩလဖၪဒဲ လးလၩအဆၧလၩဆၧဖၩ့ လဖၪနီၪ မွဲဖ့ၪလၫ့ပၧၩ ဆၧဒူၩဆၧယးအီၪဝ့ၫဒၪ ဆၧ၁ၭမၧၫ့လန့ဘၪနီၪလီၫႉ ဆၧတီၩဆၧလီၩ့ကမံၩ့လီၫနီၪ ဖ့ၪလၫ့ပၧၩ ဆၧၥၭမၧၫ့လၧ ဆၧဒူၩဆၧယးအီၪဝ့ၫဒၪန့နီၪလီၫႉ ဂၪ့ခိၪချိၫ့ဖၧၩ့ ၦလၧအကဲၪဒိၪကဲၪမုလဖၪ ၦလၧအဎီးအၡၩအီၪအၪဝ့ၫဒၪ ၦလဖၪနီၪ စီၪဘၪလၧၦအလူဒိၪ ဎွ့ၩဒိၪအီၪလဂ့ၩႉ ၦလၧအလူဒိၪဎွ့ၩဒိၪအအီၪထုၬနီၪ မွဲၦလၧအအီၪအၪ့လၧ ဆၧတီၩဆၧလီၩ့လဖၪနီၪလီၫႉ အ့ၪမွဲပက မိစဲၪ့ထၪ့လၧဂၪ့ခိၪချိၫ့ဖၧၩ့ယီၩ လၧပဝံၫပလၩအဆံၫ့အဖျ့ၪဖၧၩ့စွါဘဲၫ လၧနအီၪနီၪဆၧအဂူၫဂၩ အ့ၪလအီၪဘၪလါနၫ့ ဆၧတီၩဆၧလီၩ့ ကမံၩ့နီၪအီၪဒၪဝ့ၫလါဆံၭႉ ၦၡၩကနၩ့နၩ့…

၁ႉ ဆၧၥၭမၧၫ့ကမံၩ့နီၪ မွဲဘဲၫဆၧဒုၭၥုၭၥိၭအကၠီၩ့ အ့ၪပလၩ့ထံၩဖါစွါဘဲၫ ပကဘၪကျ့ၭစၨၭဂဲထုၪ့လၫ့ထဲၩ့လီၫႉ ၂ႉ ၦၡၩကိၭဂၩဒ့ၭ ကဘၪမၩပျၩ့ခွံၬအဆၧကၪဆၧဂဲၩလဖၪအီၪဝ့ၫဒၪကိၭဂၩနီၪလီၫႉ လါနၫ့ ကမၩပျၩ့ခွံၬဝ့ၫဘဲၫၥ့ၪလဲၪနီၪ မွဲအကၧၩ့ဒိၪဝ့ၫဒၪလီၫႉ ၃ႉ ဘၪကကၠၪကၠၪ ပလမိကဲၪထၪ့ဘၪလဖၪ အ့ၪဂဲၫကဲၪထၪ့စွါဘဲၫ ယိဆၧၫ့ခွံၬအဂ့ၩထုၬဆံၭႉ ၄ႉ ပကမိမၩဝ့ၫဒၪဒဲ ပကြၨၭမၩဝ့ၫဒၪအကျၩ ပဖ့ၪဆိၫမၩအကြၨၭမၩနီၪ မွဲအဂ့ၩထုၬလီၫႉ ၅ႉ အ့ၪမွဲပမၩဘၪမၪဆၧကမံၩ့မံၩ့စွါဘဲၫ ပကဘၪအုၩ့လၩ့ပၥၭထၧၫ့အဘၧၫ့နီၪလီၫႉ ၆ႉ ပဆၧၥၭမၧၫ့အဂး အ့ၪမွဲပဘၪခွံၬလၩ့ ၥၭဆၧခွံၬလၩ့အခၫ အၪ့ယိၫခဲၫ့ကံၭလၧ ကဘၪမၪနီၪလဂ့ၩႉ ဆၧဘၪၥူၭဘၪ မၪလဖၪနီၪ မွဲလၧဆရၫလဖၪလီၫႉ ၇ႉ တခၩနဘၪမၩ ဆၧမၩနးမံၩ့ အီၪက့ၪဒိၪနဆၧမၩနီၪ မွဲအ့ၪၥ့ၪလါဆံၭႉ ၈ႉ ပကဘၪလီၩ့ဎွါဆၧကိၪ့ဘၪကိၪ့ၥ့ၪအခံၫ့နီၪလီၩ့ဎွါဂီၩ့…

 ပမိမၩလဖၪနီၪ ပလမၩဘၪဘၪအကၠီၩ့ႇ ပလမိကဲၪဘၪလဖၪ ဂဲၫကဲၪထၪ့အကၠီၩ့ႇ ပၥၭလဘၪဆုးဘၪလဖၪ ပဘၪဒၪ ဆၧၫ့ယၫအကၠီၩ့ ၥၭအဆၧဒၨၭလၩ့လဖၪ ဂဲၫကဲၪထၪ့ၥ့ၪနီၪလီၫႉ အ့ၪမွဲကဲၪထၪ့ဘဲၫနီၪအခၫ ပကဘၪထုၪ့လၩ့ပၥၭ ဆၧဒုၭကဲၪ ထၪ့ ၥၭအဆၧဒၨၭလၩ့လဖၪယီၩဂီၩ့ ပကဘၪနၪ့စဲၪခွံၬနီၪလီၫႉ          ဆၧအဂဲးလၧ အမၩကဲၪထၪ့ ၥၭအဆၧဒၨၭလၩ့လဖၪနီၪ ၥၭနၪ့ခွံၬလါဆံၭႉ လီၩ့ဎွါထၪ့ ဆၧဘၪနံလဖၪနီၪဂီၩ့ နံထၪ့ဒဲ မၩမုၬထၪ့နၥၭလါဆံၭႉ ဆၧဖံၭဆၧမၩလၧ နၥၭဆုးလီၩ့ဝ့ၫလမံၩ့နီၪ မၩထၪ့လါဆံၭႉ အဂ့ၩထုၬနီၪဘိၭ ဆၧၫ့နၩ့အီၪ ဂုးဂုးဂီၩ့ ၥၪထၪ့ ၥၪလၩ့လါဆံၭႉ ထီးန့တရၩလါဆံၭႉ အ့ၪမွဲနကမၩဘဲၫယီၩၥိၭစွါဘဲၫ မွဲနကနၧၩ့ဆၧၫ့ထဲၩ့ နၥၭအဆၧဒၨၭလၩ့လဖၪဂီၩ့ မွဲနကမုၬ လၩၥၭဎွံၪထၪ့လဆိၩယၫနီၪလီၫႉ (ရသစာပေပျိုးခင်းဂရု)