ၦဆံၫ့ဎံၪ Maria Soledad အဂဲး
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့ မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ Maria Soledad အဂဲးအကၠီၩ့နီၪလီၫႉ ၦဆံၫ့ဎံၪ Maria Soledad ယီၩ နံၪ့ ၁၈၂၆ နံၪ့ အီၪဖျဲၪလၧ ခး Spain နီၪလီၫႉ အဝ့ၫ ခီၫလၧ ဖိၪၥၪဆံၭအခံၫ့ဒၪအိၩ မၩဆၧၩ့ၦၡၪ့ဖိၪၥံၪအၪမၬဒ့ၭနီၪလီၫႉ အရ့ၩဎိၩထုၬနီၪ ၦၡၪ့ဖိၪၥံၪအီၪလမုၬၪဘၪအခံၫ့စွါၪဘဲၫ အဝ့ၫလ့ၩ ဘၩဆိၪဖၪအ့ၪဝ့ၫကိၭကၠၫလ့ၬနီၪလီၫႉ ၦဆံၫ့ဎံၪ Maria Soledad အၥၭအီၪ ၂၄ နံၪ့နီၪ အဝ့ၫဒဲ အထံၩၥိၭ ၆ ဂၩ လ့ၩကဲၪ မံၭထၬမုၪလၧ The congregation of the Sister Servants of Mary ခရၧၫ့နီၪလီၫႉ
အဝ့ၫမၩၥၫထနၫဆၧမၩ အရ့ၩဎိၩထုၬနီၪ မွဲဝ့ၫ မၩဆၧၩ့ ၦလၧအီၪလမုၬဆီၪ့လချဲၫ့ဘၪနီၪလီၫႉ နံၪ့ ၁၈၅၆ နံၪ့နီၪ လၧ ဝံး မဲၬဒရဲ နီၪ ဂူၭအိၪဖိၪ ဆၧဆၫကဲၪထၪ့အကၠီၩ့နီၪ အဝ့ၫၥံၪဘၪလ့ၩ မၩဆၧၩ့ ကိၭနံၩနီၪလီၫႉ အဝ့ၫၥံၪ ဖ့ၪလၫ့လၩ့ၥၭ ဘဲၫၥ့ၪလဲၪနီၪ လၧခး စပ့ၫ့နီၪ ၦၡၩၥ့ၪယၫအဝ့ၫၥံၪအၪမၬဒ့ၭနီၪလီၫႉ လၧခဲၫ့နီၪ ၦဆံၫ့ဎံၪ Maria Soledad ယီၩ ဘၪကဲၪ မံၭထၬမုၪ အခိၪနါနီၪလီၫႉ နံၪ့ ၁၈၈၇ နံၪ့နီၪ အဝ့ၫဘၪၥံၫဖီၩ့ခွံၬလၧ ပိၭၥိၭယိၭ (အဆုတ်ရောင်ရောဂါ) နီၪလီၫႉ ၦဆံၫ့ဎံၪ Maria Soledad ဘိၪ့မုန့ၩနီၪမွဲဝ့ၫ လၩ စၫ့နွ့ၫရ့ၫ ၃၀ နီၪလီၫႉ အဲၪကွံၩဘၪ ထၧၫ့ဖုဝဲထံၩၥိၭ ထီးအလူၬ နၥံၪထီးန့ထၬ ၦဆံၫ့ဎံၪ Maria Soledad အဂဲးကၠီၩ့ ကမံၩ့မံၩ့ကန့အဂး ယအဲၪဒိၭရၩလၩ့န့အ့ၪဘၪနၥံၪနီၪလီၫႉ
