ၦဆံၫ့ဎံၪ John de Britto, SJ အဂဲး
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရါလၩ့ဖၧၩ့ မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ John de Britto, SJ အဂဲးအကၠီၩ့နီၪလီၫႉ ၦဆံၫ့ဎံၪ John de Britto ယီၩအီၪဖျဲၪလၧ ခး India နီၪလီၫႉ အဝ့ၫယီၩ မွဲဝ့ၫ ၦကဲၪဒိၪကဲၪမု အဖိၪနီၪလီၫႉ အဝ့ၫယီၩကမၩၥၫထနၫဆၧမၩအဂး အၥၭလူၬအီၪအၪမၬဒ့ၭနီၪလီၫႉ ဆၧနီၪအကၠီၩ့ အဝ့ၫ လ့ၩကဲၪၥၫ့ခၫလၧ Jesuit ခရၧၫ့နီၪလီၫႉ ကဲၪၥၫ့ခၫဂီၩ့ လ့ၩမၩၥၫထ နၫဆၧမၩလၧ ခး India နီၪလီၫႉ လၧ ခး India နီၪအဝ့ၫကဲၪထၪ့ ၥၫ့ခၫအခိၪအနါနီၪလီၫႉ အခံၫ့အထီနီၪထံၫခးဖၧၩ့ ဆၧဒုၭကဲၪထၪ့အကၠီၩ့ အဝ့ၫဘၪဒၪ ဆၧကၪဆၧဂဲၩအရ့ၩဎိၩထုၬနီၪ ဆၧအၪ့လၩ့ၡၩႇ ထံၫဎိၩႇ ၦအၪ့ဎူၫဆၧ အမံၩ့မံၩ့နီၪလီၫႉ
လါနၫ့ အဝ့ၫယီၩ ၥိၭထၪ့ India ဆၨၩ့ဖိၪၥံၪ အဆၧၥိၭဆၧကီၩ့ဂီၩ့ မၩဆၧ ခးဖိၪၥံၪ အမံၩ့မံၩ့နီၪလီၫႉ ဆၧနီၪအကၠီၩ့ ၦၡၩဖီၫအဝ့ၫဂီၩ့ မၩနၧၩ့မၩစၪအဝ့ၫနီၪလီၫႉ နံၪ့ ၁၈၉၀ နီၪ ၦဆံၫ့ဎံၪ John de Britto လၧအၥိၭၥၫ့ခၫ ၂၅ ပၩ ဂဲၫထဲၩ့လၧ ဉရောပအခံၫ့ လၧဖၧၩ့ၥၭနီၪ လံၩလဖုၬလၩ့ဂီၩ့ အထံၩၥိၭ လနၩ့နၩ့နီၪ ၥံၫဖီၩ့ခွံၬလၧ ဖၧၩ့ၥၭနီၪလီၫႉ ၦဆံၫ့ဎံၪ John de Britto ယီၩမၩၥၫထနၫဆၧမၩဘဲၫၥ့ၪလဲၪ ၦၡၩၥ့ၪယၫကိၭဂၩဒ့ၭအကၠီၩ့နီၪ အဝ့ၫဂဲၫထဲၩ့ထီၩ့လၧ ခး India အခံၫ့နီၪ ၦၡၩနုၬလၩ့လၧ ကၭၥၭလ့ၬ ဆၧအီၪကီၪ့ဖၧၩ့ အၪမၬဒ့ၭအကၠီၩ့ ၦၡၩၥ့ၪယၫတၭ ၦဆံၫ့ဎံၪ John de Britto ယီၩဘၪထိးဖၧၫ့ၥၭဂီၩ့ နံၪ့ ၁၆၉၃ လၩ January 4 ၥၫ့နီၪ ဘၪထိးမၩၥံၫၥၭနီၪလီၫႉ အဲၪကွံၩဘၪ ထၧၫ့ဖုဝဲထံၩၥိၭ ထီးအလူၬ နၥံၪထီးန့ထၬ ၦဆံၫ့ဎံၪ John de Britto အဂဲးကၠီၩ့ ကမံၩ့မံၩ့ကန့အဂး ယအဲၪဒိၭရၩလၩ့န့အ့ၪဘၪနၥံၪနီၪလီၫႉ
