ၦဆံၫ့ဎံၪ Andrew Kim Taegon ဒဲအဝ့ၫအထံၩၥိၭၥံၪအဂဲး
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရါလၩ့ဖၧၩ့ မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ Andrew Kim Taegon ဒဲအဝ့ၫအထံၩၥိၭၥံၪအဂဲးအကၠီၩ့နီၪလီၫႉ ၦဆံၫ့ဎံၪ Andrew Kim Taegon ယီၩမွဲဝ့ၫ ခး Korea ဖိၪကဂၩနီၪလီၫႉ အဝ့ၫအၥၭအီၪ ၁၅ နံၪ့နီၪ ဒိၭန့ ဆၧၥုၫဝၬစကြၫမ့ၫတူၩဂီၩ့ နံၪ့ ၁၈၄၅ နံၪ့နီၪ ကဲၪၥၫ့ခၫနီၪလီၫႉ အဝ့ၫမၩဘၪ ၥၫထနၫအဆၧမၩ ကနံၪ့ဂီၩ့ အၥၭအီၪ ၂၅ နံၪ့နီၪ ၦဆံၫ့ဎံၪ Andrew Kim Taegon ဒဲအဝ့ၫအထံၩၥိၭၥံၪလဖၪ ဆၧဆူၩနဲၩအဂး ဘၪထိးၥံၫၥၭနီၪလီၫႉ
ခး Korea နီၪ ၦဆံၫ့ဎံၪ Andrew Kim Taegon မွဲဝ့ၫကဲၪထၪ့ဘၪၥၫ့ခၫ အဆၫ့လၧၫ့ထုၬနီၪလီၫႉ နံၪ့ ၁၉၈၄ နံၪ့ နီၪ ၥၫ့ဎွၩ John Paul နံၫဂၩလဂၩ ရွံထၪ့အဝ့ၫ ၦဆံၫ့ဎံၪနီၪလီၫႉ ဆၧနီၪအကၠီၩ့ ထီၩ့လၧလၩစဲၭတ့ၫဘၪ အၥၫ့ ၂၀ စွါဘဲၫ ၦၡၩမၩလၩ့မၩဖၩ့အဝ့ၫၥံၪ ဘိၪ့မုနံၩနီၪလီၫႉ အဲၪကွံၩဘၪ ထၧၫ့ဖုဝဲထံၩၥိၭ ထီးအလူၬ နၥံၪထီးန့ထၬ ၦဆံၫ့ဎံၪ Andrew Kim Taegon အဂဲးအကၠီၩ့ ကမံၩ့မံၩ့ကန့အဂး ယအဲၪဒိၭရၩလၩ့န့အ့ၪဘၪနၥံၪနီၪလီၫႉ
