RVA PWO KAREN

၀၂၁ နံၪ့လၩမၭ ၇ ၥၫ့အတုၬမုနံၩအိၩ ၥၫ့ဎွၩဖရၫ့စံၭ လ့ၩဂၭကွ့ၩလၧ အံၪရါ မိၪဆူ ဒဲ က့ၩရၫက့ၭ ဝံးလဖၪဂီၩ့ နၪ့ဆၫ့ထွ့ၪဘၪၦခမျၨးလဖၪအီၪအၪ့ဘၪဘဲၫထၧၫ့ဖုဝဲလဖၪၥိၭ လၧဆၧယိလါအဖၧၩ့ အီၪမၧၫ့ကၠၭဘၪဎူၫဎၩ့ဎၩ့အဂးနီၪလီၫႉ ၥၫ့ဎွၩယီၩလ့ၩဒၪလၩ့ဎိၭဘၪလိၬၥၭလၧ အံၪရါထံၫခးခးဒိၪ အံၪရါကၪဒံၪစတၪ့လးဝၩ့ခၩ့ဒိၪ ထံၫခးခိၪနါလဖၪဒဲ ဆၧဘိၪ့ဆၧဘၪခိၪနါလဖၪ လၧအၫဘံၪဝံးနီၪလီၫႉ ဂီၩ့နီၪၥၫ့ဎွၩလီၩဆုးထဲၩ့လ့ၩစိၩလၧ က့ၪရၫက့ၭဝံး ဆၧဒၩ့ထၪ့လၧဆၧဆံၫ့ဎံၫ့ၦမုၪနၩ့နးမၫရံၫ ၥရိၬဖၧၩ့ဒဲ ဒၪလၩ့ဎိၭလိၬၥၭလၧ ၦဎြံၬဖိၪလဖၪနီၪလီၫႉ လၧဆၧဒၪလၩ့ဎိၭနီၪအဖၧၩ့ ၥၫ့ဎွၩစံၭဘၪဲၥိၪဖိၪလဖၪ အၪ့လုထၬထၧၫ့ဖုဝဲၥုၪ့ၥၭ အၪ့န့ထၬခၪ့ဂုးလၧဆၧကွဲၪဖျါအဖၫ့ခိၪဂီၩ့ ကၧၩ့ဖျိၪ့ထၪ့ထဲၩ့ခရၧၫ့ လဖၪအဂဲးနၪ့ဆၫ့ထွ့ၪဘၪအၥိၪဖိၪလဖၪနီၪလီၫႉ လခဲၫ့ထုၬၥၫ့ဎွၩထဲၩ့ထဲၩ့လၧ အၫရါဘံၪဝံးနီၪဂီၩ့ လုထၪ့လၩ့ဎိၭထဲၩ့မံဆၩဆၧလုထၪ့ကၠၧၫ့ကၠၧၫ့လၧ ၦဆူၩနဲၩပိၪက အီၪဖိၭဘိၭအဂၩ ၁၀၀၀၀ နီၪလီၫႉ လၧဆၧၥၭထိၬလရၧၫ့ဖၧၩ့ၥၫ့ဎွၩစံၭဝ့ၫ…

လၧ ၂၀၂၁ နံၪ့ လၩဖ့ၫဖီၫဝၫရံၫ ၂၈ ၥၫ့အထီအိၩ လၧမၠ့ၬကၠံၩနၩဝံးဒီၪ့ အီၪနၩ့လးဝၩ့ မလံဂံၪ့ဒဲၪ့ ဆၧဆၫဒူၭအမ့ၭယၫ ပယၩ့ၥုၭဖိၪလဖၪဒဲဒူၩယၫ့ဖိၪလဖၪနီၪ လီၩ့ဖီၪ့ၦလၫအလ့ၩထုၬဖျီၪထၪ့ဆၧၥၭလုၦခမျၨးလဖၪနီၪလီၫႉ ဆၧနီၪအကၠီၩ့ ၦခမျၨးကအီၪဖိၭဘိၭအဂၩ ၁၀၀ နီၪလ့ၩနုၬလၩ့အီၪၥူၫအၥၭလၧ မလံဂံၪ့ဒဲၪ့ ဆၧ ဆၫဂံၪ့နီၪလီၫႉ ၦဒူၩဖိၪလဖၪဒဲ ၥုၭဖိၪလဖၪနီၪ ကလ့ၩနုၬလၩ့ဖီၪ့ၦခမျၨးလဖၪလၧ ဆၧဆၫဒုၭဖၧၩ့နီၪအထီ ၦလၧအမူၩဒၩလၩ့လၧဆဆၫဒူၭနီၪအဖၧၩ့မွဲဝ့ၫ စံၫ့ဖရၫ့စံဇ့ၩဘံၩယဲၩ စံၫစတၫရိၭနီၪ လ့ၩစဲၪ့လၫ့ လၧခီၫ ဂီၩ့ လၧမ့ၬထံၫမ့ၫနီၫ့အဖၧၩ့ထၧၩ့ဖီၪ့ဘၪၦခမျၨးလဖၪလဂ့ၩ ထၧၩ့မၩခိမၩဝီၩဘၪ ၦခမျၨးလဖၪနးမံၩ့ လဂ့ၩအဂး ထွံၩလၩ့အခၪ့ဒဲ အၪ့ကံၩ့အၪ့ယၫထၪ့ဘၪ ၥုၭဖိၪလဖၪဒဲ ၦဒူၩဖိၪလဖၪနီၪလီၫႉ ဆၧနီၪအကၠီၩ့ မုကနံၩယီၩ လၩ…

ဂၪ့ခိၪချိၫ့ယီၩ ၦလၧအမံၩ့ဂၧၫ့ထၪ့ၥၩလၩ့ အၪ့ဎူၫအၪ့ဎၬဖိၬလိၬထၪ့ဆၧၦကိၪ့ဘၪဂါၪ့ၥ့ၪဖိၪ အဲၪဒံၫဆံၫ့ အဂဲးအဖးဖၧၩ့ ယဖီယုၩယါဘၪလမံၩ့နီၪလီၫႉ အဝ့ၫနီၪ အၪ့ဎူၫအၪ့ဎၬ ဖိၬလိၬထၪ့ဆၧအခၫတၭ အဂူၫဂၩဆၧၥုၪ့ဆုးလီၩ့ၥၭဆုးလီၩ့လဖၪ ဒၪထဲၩ့ဝံၫၥ့ၪလီၫႉ ဆၧနီၪအကၠီၩ့ႇ ၥုၪ့ဆုးလီၩ့ၥၭဆုးလီၩ့ဝ့ၫတၭမၩယခွါဝ့ၫကကၠၪႇ ဒၪဒိၭထဲၩ့လဘျၩ့ႇ အဂူၫဂၩ ဆၧဂဲးဆၧဖးအၥၫ့လမံၩ့လီၫႉ ဆၧမၩအၥၭဘဲၫယီၩၥိၭတၭႇ လခဲၫ့ထုၬမၩကဲၪထၪ့အၪ့ဎၬဆၧဂ့ၩဂ့ၩလန့လၧၩ့ဘၪနးမံၩ့နီၪအကၠီၩ့ႇ ဝံၩ့ဝၩ့ၥၭၥ့ၪလၧ ဆၧဖိၭဖၫ့နီလီၫႉ အဂူၫဂၩဆၧၥုၪ့ဆုးလီၩ့ၥၭဆုးၥီၩ့လဖၪနီၪ ဘၪကွ့ၭထၬလၧၥံၬဖၧၩ့ဂီၩ့ ဘၪ ထီးနဲၪ့ထၬဝ့ၫလီၫႉ ဆၧဘဲၫနီၪၥိၭတၭႇ မွဲပဆၧထိဒိၩအီၪထၬဆၧဖံၭဆၧမၩနီၪ ဘဲၫလလၩ့မါဘၪအဂးဘၪဆုးမၩထဲၩ့ဝ့ၫလိၫနီၪလီၫႉ မၩထၪ့ထဲၩ့ဝ့ၫဘနီၪမၬ အဆၧဖံၬဆၧမၩနီၪ အီၪပထုၬထဲၩ့ဝ့ၫန့နီၪအကၠီၩ့ႇ ကွ့ၭထၬဝ့ၫဘဲၫယီၩၥိၭလီၫႉ အဲၪကွံၩဘၪထၧၫ့ဖုဝဲမုၪခွၫထံၩၥိၭၥံၪဧ့ႇ မွဲတၡါ ပကဘၪမၩဆၧဖံၭဆၧမၩနီၪမနီၫလဲၪႉ ၦကွ့ၭလံၬဆရၫအီၫ့ၥ့ၩ့ စံၭလၩ့ၥၭ “မွဲအၡါ ယကဘၪမၩဝ့ၫနီၪၦလၧအကွ့ၭၥိၫ့ထၭယၧၩလံၬလဖၪနီၪ ဖီထၪ့ဂီၩ့ အ့ၪဆၧစံၭဆၧၫ့အီၪနီၪႇ…

ဘၪထွ့ၪလၧကိၫပံ ဆၧဆၫအကၠီၩ့ ၥၫ့ဎွၩဖရၫ့စံဘၪအီၪပထုၬထၬ ဆၧဒၪလၩ့ဎီၭလၧ အၥိၪဖိၪလဖၪယံၭကဆိယူၭနီၪလီၫႉ လါနၫ့ နံၪ့ ၂၀၂၁ နံၪ့ လၩမၫၡါ ၅ ၥၫ့ကိနီၪ အဝ့ၫယီၩကစၭထၪ့ထဲၩ့အဆၧလ့ၩဆၧထဲၩ့လဖၪအဂဲး ပၥ့ၪယၫဘၪနီၪလီၫႉအဆိၪထုၬအဝ့ၫကစၭထၪ့လ့ၩဝ့ၫနီၪ မွဲလၧအံၪရါထံၫခးနီၪလီၫႉ အဝ့ၫယီၩ ကအီၪစဲၪ့ထၪ့လၧဝံးရီၩမၬလၧ လၩမၫၡါ ၅ ၥၫ့လဂီၩ့ခီၫနီၪဂီၩ့ မုဎဲးလၩ့အခၫနီၪမွဲကထီၩ့စိၩလၧ ခးအံၪရါလီၫႉ ဂီၩ့နီၪခးအံၪရါဒိၪနီၪ ကအီၪခိၭထိးဆၧၫ့အဝ့ၫလၧ ဆအဎိၭထံၪဎိၭဒီၪလဖၪဂီၩ့ ၥၫ့ဎွၩယီၩကဒၪလၩ့ဎိၭလီၬၥၭလၧခးဒိၪ ဂီၩ့နီၪကဆုးထဲၩ့ဒၪလၩ့ဎိၭလိၬၥၭလၧ ၦဒိၪၦမုလဖၪ ဘိၪ့ခိၪၥၫ့ခၫလဖၪ မံၭထၭမုၪ့မံၭထၭခွၫလဖၪ ၥၪ့ခိၪဒိၪလဖၪ ၦမၩယၪၩအဆၧဖံၭဆၧမၩလဖၪ ဆ့ၫမ့ၫနရံၫဆၧမၩလိၪဖိၪလဖၪဒဲဆၧအီၪကီၪ့ဆရၫဆရၫမုၪလဖၪနီၪလီၫႉ ကဒၪလၩ့ဎိၭလိၬၥၭအလးနီၪ အီၪလၧဝံးဘဒဲဆံၩရံၩယၩကဲၬၥလံၬၥရိၬအမံၩ့မွဝ့ၫ ဆၧထိးထဲၩ့တၩ့ထဲၩ့မိမၫရံၫၥရိၬဖၧၩ့နီၪလီၫႉ အဝ့ၫၥံၪဒၪလၩ့ဎိၭလိၬၥၭဂီၩ့ဝံၫကကၠၪ မွဲကလုထၪ့လၩ့ဎိၭမံဆၩဆၧလုထၪ့ ကၠၧၫ့ကၠၧၫ့လၧၥရိၬနီၪအဖၧၩ့လီၫႉလၩမၫၡါ ၆…

လၧအဖီၩ့ခွံၬအတုၬမုနံၩ မုဆၧဆၧလုထၪ့ဘၩဆိၪပၪဆၧဂီၩ့ဝ့ၫအထီ ၥၫ့ဎွၩဖရၫ့စံ စံၭဘၪဝ့ၫ ၂၀၁၇ နံၪ့အထီစၭထၪ့လၧအဝ့ၫဂဲၫထီၩ့စိၩလၧ ခးပယၩ့အခၫအိၩ အဝ့ၫအၥၭဖၧၩ့နီၪ ခးပယၩ့အီၪထး ဝ့ၫအဂဲးစံၭဘၪဝ့ၫနီၪလီၫႉ ဆၧနီၪအကၠီၩ့ ဘိၩ့ယီၩခးပယၩ့ဘၪဒၪဆၧၫ့ယၫလၧဆၧကၪဆၧဂဲၩအထီ အဝ့ၫအၪ့ကံၩ့ဘၩဆိၪဖၪအ့ၪပခးပယၩ့ယီၩအကဲး နးၥၭအဂးမွဲဂ့ၩႇ လၧဆၧဘၩဆိၪဖၪခိၫမွဲဂ့ၩအဝ့ၫအီၪဘူၭလၧခးပယၩ့ဖိၪကၠၧၫ့ကၠၧၫ့အဂဲး အဝ့ၫအီၪလၧပၧၩၥုၪ့ၥၭလဖျိၪ့ဎးအဂဲး ခးပယၩ့ထံၫခးခိၪနါ မၩဒၩအီၪလဖၪနီၪထံၫခးဖၧၩ့ကဲၪထၪ့ဝ့ၫအထုးအလုးလဖၪလၧဆၧတီၩဆၧလီၩ့အဖၧၩ့ဘဲၫၥိၭဖီၪ့ထၪ့ဖံၭထၪ့ဝ့ၫကန့အဂး ဘဲၥိၭခးပယၩ့ကဒိၭန့ထၪ့ဘၪ ဒံၪမိၫကရ့ၫစံၪဂီၩ့ ဆၧဎူၫဆၧဎၩ့ဒဲ ဆၧဘၪလိၬဎွ့ၪဎီၩ့ဖၧၩ့ဘဲၫထံၫခးဖိၪလဖၪကအီၪဘၪအၪ့ဘၪကန့အဂးနီၪ အဝ့ၫအၪ့ခံၩ့အၪ့ယၫထၪ့ဘၪအဂဲးၥၪ့ဎွၩဖရၫ့စံၭယီၩလၧၡၩခမျၨးလဖၪအမ့ၬယၫ အၪ့ခံၩ့ဘၩဆိၪဖၪထၪ့ ခးပယၩ့အဂးဒဲ အၪ့ကံၩ့အၪ့ယၫထၪ့ဝ့ၫ ဘဲၫနီၪၥိၭအဂဲးဆၧပရၧၫ့ယီၩ ပန့ဘၪလၧ ပၫတံၫကၫ့ဆၧပရၧၫ့အဖၧၩ့နီၪလီၫႉ နးအဲၪဖီၪဘွၩ

လၧလယံၭလမီဒံၭဘၪအထီအိၩ အမ့ၫရံၫ့ခးဒိၪဘိၭဘၪၥ့ၪယၫထၬဝ့ၫ ၦအဂံၪ့အဎၫ့ လအီၪဘၪလဖၪအဂး ကဎိၭဒီၪအ့ၪဝ့ၫဂံၪ့ဎၫ့လဖၪဒဲ ဆၫအၪ့ဆအီၩလဖၪအဂဲး ဆၧဘိၭဘၪၥ့ၪယၫနီၪအမ့ၫရံကၫ့ကဲၬၥလံၬၥၫ့ကိၪဒိၪလဖၪထိးဆၧၫ့ကၠၭဝ့ၫနီၪလီၫႉ ဘၪထွ့ၪလၧကိၫပံဆၧဆၫအကၠီၩ့ ၡၩခမျၨးလၧအဂံၪ့အဎၫ့ဒဲဆၫအၪ့ဆၫအီၩလအီၪဘၪလဖၪဂဲၫအၪထၪ့ဖိၭဘိၭ ၁၅ ယၩဒုၩအဂဲးအဝံၫၥံၪကမၩဆၧၩ့ဝ့ၫအဖၧၩ့ ဂံၪ့ဒီၪ့လၧဒီၪ့လၧကျိၩစ့ၩဆၧလၧၫ့ဆၧဎွၩလအီၪဘၪလဖၪဂံၪ့ဒီၪ့လၧအၪ့အီၩဘဲၫဆၧချဲၫ့ၥိၭလန့ဘၪလဖၪဆ့မွဲပၫစ့အဂဲး ဆၧမၩဆၧၩ့ယီၩနီၪ မွဲကဆုးထဲၩ့မၩဝ့ၫထၪ့ၩ့အထီၩ့စိၩလၧ ၂၀၂၁ နံၪ့လၩမၭ ၃၁ ၥၪ့အဂဲးပၥ့ၪယၫဘၪနီၪလီၫႉ ၦဘၪကၪဘၪဂဲၩဖိၪလဖၪအဂးမၩဆၧၩ့ထၪ့ဝ့ၫဘဲၫယီၩနီၪ စံၭခိးစံၭတၩဘၪဝ့ၫအဂဲး လၧခးအမ့ၫရံကၫ့ဖၧၩ့ဂံၪ့ဒီၪ့ဖိၪလၧဖ့ၪလၫ့ဂံၪ့အလံၩ့အလဲၫ့လန့ဘၪအကၠီၩ့ ကဘၪအီၪက့ၪထးခွံၬအဂံၪ့ဂံၪ့ဒီၪ့ဖိၪလဖၪအီၪဝ့ၫအၪမၬအကၠီၩ့ဆၧမၩဆၧၩ့ဘဲၫယီၩၥိၭနီၪ မွဲမၩဆၧၩ့ထၪ့ဂံၪ့ဒီၪ့ဖိၪဘဲၫနီၪၥိၭလဖၪန့ဝ့ၫအကၠီၩ့ အ့ၪမွဲၦအဂံၪ့ဎၫ့လအီၪဘၪဆၧဝံဆၧနၬအၪလၫ့စွါဘဲၫ ဘၪအၪ့ယိၫခဲၫ့ကံၭကိၫပံဆၧဆၧအဆၧလၩ့အၪ့ယိၫအၪမၬယ့ၬအဂဲးၥၫ့ခိၪဒိၪကိၫလ့ၫနီၪစံၭဘၪဝ့ၫလီၫႉ လကၭဒံၭဘၪ ကိယံဆၧဆၫအကၠီၩ့ၦလၧအဆၧဖံၭဆၧမၩလအီၪလၧၩ့ဘၪလဖၪ ကျိၪစ့ၩနုၬလၩ့ၡၩဝ့ၫဒၪၦလဖၪ ဆၧမၩဆၧၩ့လိၫဝ့ၫၦလဖၪအဂး ၦမၩဆၧၩ့ထၪ့နီၪ ၦအလိၫလဖၪအဂးမွဆၧမၩဆၧၩ့အလိၫတၡါအဂဲး လကၭဒံၭဘၪဆၧမၩဆၧၩ့ဆၧဘဲၫယီၩၥိၭနီၪ လၧကဲၬၥလံၬဆၧၥၪ့ဆၧၥၫ့ဖၧၩ့မွဲကွ့ၭထၬဝ့ၫဆ့အဂဲးၥၫ့ခိၪဒီၪနီၪဆုးထဲၩ့စံၭဘၪဝ့ၫအဂဲး ဆၧပရၧၫ့ယီၩပန့ဘၪလၧ ပၫတံၫကၫ့ဆၧပရၧၫ့အဖၧၩ့နီၪလီၫႉ နးအဲၪဖီၫဘွၩ

ထွံၪဂၪ့ခိၪလဒုၩ အၪ့မၩစဘံၭၥၪလထုၭဘၪနီၪတၭစံၭထၪ့ဆၧ စဘံၭၥၪနီၪဆဲၪ့အကၠီၩ့ႇ ထၧၫ့ဖုဝဲမုၪခွၫထံၩၥိၭၥံၪထီးလူၬ ကနါဂၧၫ့ ယုၩယါဝ့ၫလၧၡါဖၧၩ့နီၪလီၫႉ စဘံၭၥၪလဖၪနီၪ နၧၫ့မၧၫ့ဝ့ၫႇ လၩ့အၪ့ဝ့ၫလါနၫ့ မွဲထွံၪဂၪ့ခိၪလဒုၩနီၪ လၥၭကွံၩလၧၩ့ ဘၪဝ့ၫတၭ စံၭထၪ့ဆၧ “စဘံၭၥၪလဖၪယီၩ အီၪဒံၭၥၪအၥံၪ့လီၫႉ လအွံၪလစၧၫ့ ဘၪဒဲ ဆဲၪ့ဝ့ၫနီၪအကၠီၩ့” စဲၪ့ထၪ့ခွံၬ လထံၪဎးလီၫႉ အဲၪကွံၩ ဘၪထၧၫ့ဖုဝဲမုၪခွၫထံၩၥိၭၥံၪဧ့ႇ မွဲဝ့ၫထွံၪဂၪ့ခိၪ အဆၧဂဲၩဆၧဝၭယီၩကြၨၭပအၪ့န့ထၪ့အဒီၩ့နီၪလီၫႉ ပလန့လၧၩ့ ဘၪဆၧလမံၩ့မံၩ့နီၪတၭ ဆၧအယီၩဂ့ၩအ့ၬအကၠီၩ့ႇ မွဲဆၧအၪ့ဎူၫအၪ့ဎၬဆၧဘနီၪ ကြၨၭပလထိးဆၧၫ့ ဘၪနီၪလီၫႉ လါတၫ့ဂ့ၩႇ ကဲၪလၥ့ၪလၧၩ့ဘၪ ဆၧလမံၩ့နီၪ ပၥုၪ့ကွံၩၥၭကွံၩ ကြၨၭလအီၪလၧၩ့ ဘၪအကၠီၩ့ႇ ဘၪထိးဆၧၫ့ဝ့ၫလီၫႉ မွဲတၡါလီၫႉ ပလအၪ့ ဘၪစ…

ထၧၨဖးဝဲထံၩၥိၭထီးလူၬၥံၪဧ့ႇ အဆိၪထုၬၥၭဎွံၫမုၬမုၬနဲၪႉ မုကနံၩယီၩလၧမုၬလၧၥၭဎွံၫဂံၪ့ဒီၪ့ဆံၫ့ဎံၪအနိၪ့ဖၧၩ့ယအဲၪဒိၭလီၩၥ့ၪယၫအ့ၪဘၪနၥံၪဆၧအဂဲးခမံၩ့နီၪလီၫႉ ဆၧလၧပမိနီၪ စၭထၪ့လၧဒၧၩ့ထၪ့န့ပၧၩအထီ ထီးပဂဲၫဎိၩဒိၪထၪ့ကကၠၪ မွဲလုအၪ့လုအီၩပၧၩ ဂ့ၩဂ့ၩဘၪဘၪနီၪလီၫႉ ပကဲၪဖိၪလဖၪယီၩ ပဂဲၫဎိၩထၪ့ပဆၧကိၪ့ဘၪကိၪ့ၥံၪ ဂဲၫလၧၫ့ဎွ့ၩထၪ့ကကၠၪပ ဘၪအီၪက့ၪထး ပမိပဖါဂီၩ့ဘဲၫပကအီၪဘၪအၪ့ဘၪဂ့ၩဂ့ၩဘၪဘၪၥိၭ မွဲပလ့ၩကၠၭလၧအယဲၩ့ဂီၩ့ပလ့ၩမၩကၠၭဆၧမၩဒဲ ပလီၩ့ဎွါကၠၭကျိၪစ့ၪလဖၪနီၪလီၫႉ ပကဲၪဖိၪလဖၪယီၩ ပလ့ၩလီၩ့ဎွါကျိၪစ့ၩဂီၩ့ ပၥိၫ့စိၩအ့ၪပမိပဖါန့စွါဘဲၫ ပစီၪဘၪဖိၪလဂၩအမူၩဒၩလၧၫ့ဎွ့ၩထၪ့ယူၭၥ့ၪနီၪလီၫႉ လါနၫ့ ပမိမိလဖၪနီၪ ကနံၩဘၪကနံၩ ခိၭယိလါပၧၩ ပကဂဲၫထဲၩ့အီၪကွ့ၭအဝ့ၫၥံၪပကဂဲၫထဲၩ့ယိထဲၩ့ခွါထဲၩ့အဝ့ၫၥံၪနီၪလီၫႉ ဆၧအဂဲးယီၩနီၪ ပကဲၪဖိၪလဖၪမွဲ ပလထုၪ့ပၥၭဘၪနီၪလီၫႉ လၧဖိၪလဖၪအအီၪမိဖါလဖၪခိၭယိလါဝ့ၫနီၪမွဲလၧဖိၪလဖၪဆၧယိထဲၩ့ခွါထဲၩ့ဖိၪလၧကအီၪကၠၧၫ့ကၠၧၫ့လၧအဝ့ၫၥံၪအဂးအခံၫ့လဖၪနီၪလီၫႉ ဆၧနီၪအကၠီၩ့ ပကဲၪဖိၪလဖၪတခၩပလ့ၩထီၩ့လၧဆၧအလးနးစီၪ့ မွဲပကဘၪကျ့ၭစၨၭ ဖ့ၪလၫ့ထဲၩ့ပမိပဖါလဖၪအခံၫ့နီၪလီၫႉ