RVA PWO KAREN

ပကဲၪၦၡၩကမံၩ့နီၪ မွဲပဂၬဎ့ၭ ဆၧၡါထၪ့ႇ ဆၧစူၭဆၧဆၫ ဒဲ ဆၧၥံၫလန့ဘၪနးဂၩနီၪလီၫႉ ဆၧနီၪအကၠီၩ့အ့ၪမွဲ မိဖါၥၭၡါလဖၪနီၪ အၥၭဎိၩထၪ့ဂီၩ့ ၥၭနၪ့ဆၧဆီၪ့လၫ့အခံၫ့ႇ လၩ့ဖိၪၥၪအခံၫ့ ဒဲ မၩဆၧဖံၭဆၧလနၧၩ့လၧၩ့ဘၪစွါဘဲၫ ဆၧချဲၩ့၅မီၪ့ယီၩထီးလီၩဘၪအဝ့ၫၥံၪနးဆိၭလဂ့ၩႉ     ၁ႉ အယီၩမၬနၥ့ၪယၫအ့ၬဧၪ     ၂ႉ မၩလၫ့ဒီၭ     ၃ႉ မၩဆၧနးမံၩ့ကစ့ၩ အီၪမၬကယုကစုၩလီၫႉ    ၄ႉ ပလီၩထၬနၧၩနဲၪ    ၅ႉ  ယၥၭဂၭဂီၩ့တီၩ    ဆၧချဲၩ့လဖၪယီၩနီၪလီၫႉ ဆၧချဲၩ့လဖၪယီၩနီၪ မွဲမၩဘၪထံၭအဝ့ၫၥံၪအၥၭ န့ဝ့ၫဒၪအၪမၬဒ့ၭအကၠီၩ့နီၪလီၫႉ အ့ၪမွဲပကလီၩအဝ့ၫၥံၪဘဲၫနီၪအၥိၭစွါဘဲၫ လချုၭပလလီၩဒံၭဘၪနီၪ ပၧၩဆ့ကနံၩကိမွဲပကကဲၪထၪ့ဘဲၫအဝ့ၫၥံၪဒံၭအဂဲးနီၪ အီၪနၪ့ထၪ့ကၠၭဘၪလါဆံၭနဲၪႉ နးအဲၪဖီၫဘွၩ

ဖါလဂၩနီၪ လၧအဝ့ၫလၥံၫဒံၭဘၪအခံၫ့နီၪ ဖ့ၪလၫ့အ့ၪအဖိၪခွၫနၩရံၫအလံၩကဖျိၪ့နီၪလီၫႉ နၩရံၩနီၪမွဲလၧ ဖါနီၪအဖူၫဖူၫဖ့ၪလၫ့ထးအ့ၪအဝ့ၫနီၪလီၫႉ နၩရံၫနီၪအၥၭကအီၪဝ့ၫဖိၭဘိၭအနံၪ့၂၀၀ယူၭနီၪလီၫႉ ဖါနီၪဖ့ၪလၫ့အ့ၪအဖိၪခွၫနၩရံၫနီၪဂီၩ့ အၪ့မၧၫ့အဖိၪခွၫလ့ၩလီၩ့အၪ့ဆၫယိဒဲမၪလူၬအဖိၪခွၫ ၦၡၩဖ့ၪလၫ့နၧၩ အနံၪ့ကန့ပၥ့ၪလဲၪနီၪဆ့ ဂဲၫထဲၩ့ထီးနဲၪ့ထၬအီ စံၭဝ့ၫဘဲၫနီၪလီၫႉ ဖိၪခွၫနီၪဆ့ လ့ၩဆိၭန့နၩရံၫအလံၩကဖျိၪ့နီၪဂီၩ့ လ့ၩလီၩ့အၪ့ဆၫဝ့ၫဒၪလီၫၥၨၩႉ လ့ၩအၪ့ဆၫဝ့ၫလၧ ဆၧအၪ့ဎွ့ၩနၩရံၫအလးကစီၪ့စီၪ့ အနၩရံၫနီၪမွဲလၧ နၩရံၫခီၩ့ခီၩ့အိၩ အကၠီၩ့ ဆၧဖ့ၪလၫ့အဝ့ၫ ၅ဒီၫလၫနီၪလီၫႉ လ့ၩလခဲၫ့ကလးဆ့ မွဲအနံၪ့န့ဒၪ ၅ဒီၫလၫႉ အဝ့ၫယီၩလ့ၩလီၩ့အၪ့ဆၫဝ့ၫ အလးအၪစီၪ့ဒ့ၭလါနၫ့ အနံၪ့န့ဒၪ၅ဒီၫလၫနီၪလီၫႉ လခဲၫ့ထုၬဖိၪခွၫနီၪ လ့ၩအၪ့ဆၫဝ့ၫလၧ ဆၧဒုၭနဲၪဆၧနဲၪ့လၧဖီၩ့ခွံၬလး(ပြတိုက်)အထီ ၦမူၩဒၩအီၪလဂၩနီၪ ယိထၪ့အဝ့ၫအနၩရံၫနီၪဂ့ၩဘၪစဲၪဂီၩ့ စံၭဆၧၫ့အဝ့ၫ နနၩရံၫယီၩ မွဲနၩရံၫလၧခီၩ့ခီၩ့အိၩ ထီဘဲၫယီၩပလီၩ့ဎွါလန့လၧၩ့ ဘၪနၩရံၫကဖျိၪ့အကၠီၩ့ ယကဖ့ၪလၫ့နၧၩဒီၫလၫ၁ခွးနီၪလီၫ စံၭဝ့ၫဘဲၫနီၪၥိၭဂီၩ့…

ပကဲၪၦၡၩကမံၩ့နီၪ မွဲပဆၧကိၪ့ၥ့ၪကိၪ့ဘၪ ကဘၪအီၪဝ့ၫဒၪနီၪလီၫႉ ဘဲၫပဆၧကိၪ့ၥ့ၪကိၪ့ဘၪကအီၪ အဂး နီၪ စၭထၪ့လၧပဆံၭဆံၭအထီအိၩ မွဲပကဘၪမၩလိၪထၬကၠၭပၥၭနီၪလီၫႉ လါနၫ့အ့ၪမွဲပဆၧကိၪ့ၥ့ၪကိၪ့ဘၪလၧၫ့ဎွ့ၩ ထၪ့ဂီၩ့ ထီးပစီၪဎိၩလၩ့ဘၪပၥၭလဂ့ၩအဂးနီၪ မွဲပကဘၪထုၪ့လၩ့ပၥၭဒံၭနီၪလီၫႉ လၧပဆူၭပကျၩဖၧၩ့ ပကဒၪဘၪ ၦလၧအစီၪဎိၩလၩ့အၥၭဘနီၪ ကအီၪဝ့ၫဒၪနီၪလီၫႉ ၥ့ၪခီၫနီၪကဆံၭ လၧ ၦၡၩကျၩမိမၩၥ့ၪမၩၥီၫအၥၭခီၫနံၫဆံၭ ၦဘဲၫနီၪၥိၭလဖၪမွဲပကဒၪယံၩယါနီၪလီၫႉ  အဝ့ၫၥ့ၪထၬဘၪ ဆၧကိၪ့ၥ့ၪကိၪ့ ဘၪလဖၪနီၪမိအၪ့နၩ့ထဲၩ့အ့ၪၦဂူၪဂၩအ့ၬႉ ၦကိၪ့ၥ့ၪဖိၪတၡါနီၪ အဝ့ၫၥ့ၪထၬဘၪ ဆၧကိၪ့ၥ့ၪကိၪ့လဖၪနီၪ  အၪ့နၩ့လၩ့ ထဲၩ့အ့ၪၦဂူၪဂၩႇ ကယဲဆၧနးမံၩ့အဝ့ၫမိၥ့ၪကဂၩလီၫ မိအၪ့နၩ့ဝ့ၫလၧၦဂူၪဂၩအ့ၬ ၥၭဘဲၫနီၪၥိၭ လအီၪဘၪႇ ၥၭအဲၪလၩ့ ၥၭလအီၪဘၪႇ အ့ၪမွဲအဝ့ၫၥံၪလ့ၩထၪ့လ့ၩထီၫယူၭစွါဘဲၫ လအီၪက့ၪထးဘၪ ၦအဖၫ့လၬလဖၪဂီၩ့ ကၠူၭထၪ့ဝ့ၫလၧ ဆၧဖၫ့ခိၪႇ လဆၫ့လၩ့ဘၧၩ့ထၬဘၪၦဂူၪဂၩ…

မုဆၫကနံၩယီၩ ၥၭဘၪ့ဖိၪလၧ ခိးဂဲးခိးဘၭ မၩလိၪအၥၭ ဆၧကိၪ့ဘၪကိၪ့ၥ့ၪလဖၪ အီၪဝ့ၫအၪမၬအၥိၭ က နၩ့နၩ့နီၪ လၩ့ဆ့ၭလၩ့ယွၩလၧ ၥံၫမၧၩ့ပၠိၭကျၩႇ ကနၩ့နၩ့နီၪ လၩ့ဆ့ၭလၩ့ယွၩလၧ ဆၧအဲၪဆၧကွၩကျၩႇ ဆၧမုၪဆၧမၧၩ့ ၦထံၪၦခွၫကျၩဆ့ အီၪဝ့ၫအၪမၬနီၪလီၫႉ ဘဲၫဆၧကိၪ့ဘၪကိၪ့ၥ့ၪအီၪမၬ ပဘွၫၦၡၩကဖိးအၥိၭ အ့ၪဆၧကိၪ့ဘၪကိၪ့ၥ့ၪလအီၪဘၪနီၪ လၧၡၩအကျၩ ပမ့ၬပနၫကဘၪဆံၭဝ့ၫနီၪလီၫႉ ဆၧကိၪ့ဘၪကိၪ့ၥ့ၪနီၪ ကၠၧၩ့ဒၪဆၧၥီၪ့လိၪလံၬလဲလီၫ လကၭဘၪဒဲ ပဆၧၥၭမၧၫ့ထီ လၧယၫ ပကမၩအၪ့ဖံၭအၪ့အဂး ပကလ့ၩထၪ့လ့ၩထီၫအဂး လိၪဝ့ၫဒၪဆၧၥ့ၪဆၧဘၪလဖၪဆ့ မွဲပကဘၪၥီၪ့လိၪ ပ ၥၭကိၭမံၩ့နီၪလီၫႉ ဘဲၫဆၧချဲၩ့အီၪထၬဝဲၩ အခံၫ့အီၪဒံၭအထီ ပကဘၪကျ့ၭစၨၭခိးဂဲးခိးဘၭအၥိၭ ပၥၭဘၪ့အထီ ပကဘၪကျ့ၭ စၨၭမၩလိၪဆၧကိၪ့ဘၪကိၪ့ၥ့ၪႇ အ့ၪမွဲပၥၭထီၩ့လၧ ၥၭလွါအခံၫ့နီၪ…

ဘဲၫၥူၫလ့ၫဖၩ့လၧလဖူၬဖၬဘၪအဒံၭလဖၪနီၪ အဆၧဖၩ့ကစဲၪ့ထၪ့အဂး ကၪဂဲၩဝ့ၫအၥိၭ ၥၭဘၪ့လၧၥၭလိၭဖၭ လအီၪဘၪ ၥၭကျ့ၭစၨၭလအီၪဘၪလဖၪနီၪဆ့ ကလ့ၩထၪ့လ့ၩထီၫအဂး မွဲကကၪဂဲၩဝ့ၫလီၫႉ ဆၧနီၪအကၠီၩ့ ၦကွ့ၭ လံၬဆရၫ အီၫ့ၥ့ၩစံၭဝ့ၫဒၪ ၥၭဘၪ့လၧဆၧကိၪ့ၥ့ၪအီၪဝ့ၫလဖၪနီၪ မၩထၪ့လ့ၩထီၫ အဆၧၥၭမၧၫ့န့ဝ့ၫအၥိၭ မၩထၪ့ထီၫ ၦဂူၪဂၩအဆၧၥၭမၧၫ့ဆ့ န့နီၪလီၫႉ ၥၭဘၪ့လၧထိၪတွၭအ့ၪ ၦဂူၪဂၩအဂးၥ့ၪလဖၪနီၪ ၥၭအဲၪလၩ့ၥၭအီၪၡၩဝ့ၫဂီၩ့ ၦဂူၪဂၩအဆၧၥၭအုၭလဖၪနီၪ ဆ့ အီၪက့ၪထၬဝ့ၫ ဘဲၫအဝ့ၫၥံၪအဆၧၥၭအုၭၥိၭ ၥ့ၪနီၪလီၫႉ ဆၧၡၪ့ဆၧယၬႇ ဆၧကိၪဒိၪကဲၪမုႇ အယၪဘွၩႇ အယၪၥၧၫ့ႇ အမ့ၬဎံၪ လဎံၪလဖၪနီၪ လမွဲဘၪ ၥၭဘၪ့လဂၩ အလူအဎွ့ၩတၭ ၥၭဘၪ့လဂၩ အလူအဎွ့ၩနီၪ မွဲဒၪလၧ ပၩရမံၫအီၪ လအီၪႇ…

ဆၧဘၩဆိၪဖၪနီၪ ဖိၪၥၪအဂးမွဲဂ့ၩႇ ဂံၪ့ဒီၪ့ဖိၪၥံၪအဂးမွဲဂ့ၩ လိၫဝ့ၫတၡါနီၪလီၫႉ ဆၧလၧဆၧအဲၪဆၧကွံၩနီၪ အီၪစၭထၪ့လၧ ဂံၪ့ဒီၪ့ဖၧၩ့နီၪလီၫႉ လၧဆၧအဂဲးဖၧၩ့ယီၩ ၦမုၪနၩ့ဖိၪကဂၩနီၪ လၧဆၧဘိၪ့ဆၧဘၩအဂး ခိးဂဲးခိးဘၭနၭနၭလ့ၬအကၠီၩ့ ၦၡၩစီၪဘၪအဝ့ၫ ကကဲၪထၪ့လၧ sr ကဂၩနီၪလီၫႉ လါနၫ့အဝ့ၫယီၩ ကထၪ့ၡါအဂဲး ၦၡၩၥ့ၪယၫအခၫ မၩ့ကဂၩနီၪ လ့ၩအၪ့စၪ့အဝ့ၫ အဂဲးအဖးကကၠၪ ၦမုၪနီၪ စံၭဆၧၫ့ထဲၩ့အဝ့ၫ မၩ့ဧ့ ခီၫလၧအဂုအိၩ ယကထၪ့ၡါအဂး ယထိၪတွၭထၬအကၠီၩ့ ယဂဲၫထဲၩ့ခိးဂဲးခိးဘၭထၪ့ ဆၧဘိၪ့ဆၧဘၩအၪအၪလီၫႉ ဘဲၫနၥ့ၪယၫထၬဝဲၩ့အၥိၭ ဆၧလၧဆၧဒၩ့ဂံၪ့ဒၩ့ဎၫ့နီၪ မွဲယီၫအ့ၭဘီၪႉ ဆၧဒၩ့ဂံၪ့ဒၩ့ဎၫ့နီၪ လိၫဘၪကဆါယွၩအဆၧမၩဆၧၩ့အၪအၪလ့ၬ မွဲအ့ၬဧၪ ၦမုၪနီၪစံၭဆၧၫ့ထဲၩ့ဝ့ၫ ဘနီၪလီၫႉ မွဲလီၫ ဆၧကိၭအမံၩ့အဂး အဆိၪထုၬလိၫနီၪ…

လၧဆၧအဂဲးဖၧၩ့ယီၩ ၦလၧကဲၪဝၩနီၪ ကနံၩနံၩအီၩဂါထံၫ ဂဲၫထဲၩ့ဒိၪဖိထးဖိ အဖိၪအမၫ လီၩ့ဎွါမၩဘုၪလၩ့ အဖိၪအမၫန့နးမံၩ့အ့ၬႉ အမၫနီၪ လၧဆၧၡၪ့ၡၪ့ယၬယၬအဖၧၩ့ ဘၪလီၩ့ဎွါအၪ့နီၪလီၫႉ ကနၩတၭ အမၫနီၪမံၫမးဘၪဝ့ၫ အဝ့ၫထီၩ့စိၩလၧ မူၭခိၪဘၩ့မုးအဂဲး ၦလၧကဲၪမၫနီၪလီၩအ့ၪအဝၩနီၪလီၫႉ အနီၪအခၫအဝၩနီၪ အၪ့စၪ့ထဲၩ့အဝ့ၫ ယၧၩဧီၪ ယၧၩမွဲယထီၩ့စိၩလၧ မူၭခိၪဘၩ့မုးဆ့ဧၪ နီၪလီၫႉ အနီၪအခၫ အမၫနီၪစံၭဆၧၫ့ထဲၩ့အဝ့ၫ မွဲတီၩ နၧၩမွဲနထီၩ့စိၩလၧ မူၭခိၪဘၩ့မုးဆ့ ဆၧနီၪအကၠီၩ့ ယမံၫနၪ့ၥၭအခၫ ဆၧအနီၪမွဲဒၪလၧ ဆၧမံၫမးလီၫအဂဲး ပၥ့ၪယၫထဲၩ့ဂီၩ့ ယအီၪထဲၩ့ ယၥၭချံၫ့ချံၫ့ဘၩဘၩန့လီၫၥၨၩႉ အမၫနီၪစံၭဆၧၫ့ထဲၩ့ အဝ့ၫဘဲၫနီၪၥိၭလီၫႉ ဆၧအဂ့ၩခီၫ ပမၩနၧၩ့နးမံၩ့အ့ၬဂီၩ့ ပကမိထီၩ့စိၩလၧ မူၭခိၪဘၩ့မုးစွါဘဲၫ ပကထီၩ့စိၩလၧ…

ထၧၫ့မၫဝၩလဖၪနီၪ ကဂၩဒဲကဂၩအဖၫ့ခိၪ ကဘၪအီၪက့ၪထၬၥီၫကၠဲၪနီၪလီၫႉ မွဲလၧပ၁ုၪ့လဲးၥၭဘျၪအကၠီၩ့ ထီးပဖိၪပဒံၪလဖၪ အမ့ၬအနၫဘၪဆံၭဘၪ လၧၦၡၩအကျၩလဂ့ၩႉ မိဖါၥံၪ ထၧၫ့ၥုၪ့ထၧၫ့ၥၭကိၭဂၩဆံၭႉ

ဆၧအဲၪဆၧကွံၩနီၪ ကမၩလၩ့မါခွံၬ ဆၧၥၭမဲၪၥၭဖျဲၩ့လဖၪအဂး ဖ့ၪလၫ့ပၧၩ ဂဲးဘၭန့နီၪလီၫႉ နၧၩယီၩ အ့ၪမွဲနအဲၪဘၪၦၡၩ လၧဆၧအဲၪဆၧကွံၩတၡါအဖၧၩ့စွါဘဲၫ နကဘၪထိးဆၫနၥၭအဂး နၥၭမဲၪအ့ၬႉ အဝ့ၫအဂးနကဘၪဖ့ၪဆၧၫ့လၩ့နၥၭဆ့ မွဲနကၥၭမဲၪအ့ၬႉ အဝ့ၫအဂး နကဘၪထိးနိၫ့ ထိးနၭဆ့ မွဲနကၥၭမဲၪအ့ၬႉ နကဘၪထိးလူၬနအခံၫ့လဖၪဆ့ မွဲနကၥၭမဲၪလၧၩ့ဧၪအ့ၬႉ ပအဲၪဝ့ၫဒၪၦလဂၩအဂး ပကဘၪထိးဆၫပၥၭႇ ပကဘၪထိးနိၫ့ထိးနၭၥၭအဂး ၦလၧအၥၭ မဲၪဆၧနီၪ ၥုၪ့ထၪ့ဂံၪ့ဒီၪ့အမုၬအၡူၪလန့ဘၪနီၪလီၫႉ ဘၪန့လဲၪ အဝ့ၫအီၪနီၪ ဆၧအဲၪဆၧကွံၩတ ၡါလအီၪဘၪအကၠီၩ့နီၪလီၫႉ ဆၧအဲၪဆၧကွံၩတၡါ အီၪဝ့ၫဒၪၦလဖၪနီၪ အဝ့ၫၥံၪအဲၪဘၪ ၦလဂၩ အဂး အီၪက့ၪထးခွံၬဆၧလဖၪန့ထီးလူၬနီၪလီၫႉ ဆၧထယီၩယအဲၪဒိၭလီၩၥ့ၪယၫအ့ၪဘၪနၥံၪ စဎွၩ အဲဒွဲအဂဲး ကဆံၭကခ့ၭနီၪလီၫႉ စဎွၩအဲဒွဲယီၩနီၪ အဲၪဘၪလိၬၥၭလၧ…