မၩဎိၭလၩ့ဆၧယံၩယံၩၡီၩ့ၡီၩ့ဒဲ ကကဲၪထၪ့ထံၫခးၥၭဘၪ့အဂ့ၩအဂး ၥၫ့ဎွၩဖရၫ့စံဆၫ့ထွ့ၫဘၪ ခးစံၫကပူၫၥၭဘၪ့လဖၪအဂဲး
နံၪ့၂၀၂၄နံၪ့လၩစဲတံၫ့ဘၧၫ၁၃ၥၫ့နီၪ ၥၫ့ဎွၩဒၪလၩ့ဎိၭလိၬၥၭလၧ ခးစံၫကပူၫၥၭဘၪ့ဖိၪလဖၪ နီၪလီၫႉ ၥၫ့ဎွၩယီၩဆၫ့ထွ့ၫဘၪ ၥၭဘၪ့ဖိၪလဖၪ ကမၩ့ဎိၭလၩ့ဆၧယံၩယံၩၡီၩ့ၡီၩ့အဂးႇ ကကဲၪထၪ့ ၥၭဘၪ့လၧအၥ့ၪယၫအၪ့န့မူၩဒၩလဖၪအဂး ဒဲ အဝ့ၫၥံၪၥီၪ့လိၪထၬအၥၭ ဆၧကိၪ့ဘၪကိၪ့ၥ့ၪလဖၪ ကဆုးထဲၩ့ဖ့ၪလၫ့ဘၪ ဖိၪဒံၪဖိၪၥၪအဂးနီၪလီၫႉ ဆၧဒၪလၩ့ဎိၭဖၧၩ့ ဆၧမၩလိၪလး၅၀ဘျဲၪ ဒဲ ဆၧဘိၪ့ဆၧဘၩထီးလူၬဖၧၩ့ၥၭဘၪ့ဖိၪအဂၩ ၆၀၀နီၪ ဂဲၫထၪ့ဝ့ၫဒၪလီၫႉ ၥၫ့ဎွၩချဲၩ့လၩ့ဂီၩ့အထီ လချူၭဘၩဆိၪဖၪဒံၭဘၪဆၧ ကယုကစုၩဖၧၩ့ အခံၫ့နီၪ ၥၭဘၪ့ဖိၪၥံၪယီၩ အုၩ့လၩ့ထဲၩ့အၥၭ ဘဲၫယီၩအၥိၭနီၪလီၫႉ “ပၥၭဘၪ့ဖိၪၥံၪလဖၪယီၩ လၧပဆူနဲၩဝ့ၫဆၧဘိၪ့ဆၧဘၩလဖၪအကျၩ ဆၧဘၪလိၬဎွ့ၩဎီၩ့ကအီၪထၪ့အဂး ဆၧမၩဎိၭလၩ့ဆၧ ဒဲ ဆၧဖံၭထံၩဖံၭၥိၭနီၪ ပကမၩဒိၪထၪ့ထီၫထၪ့ဂီၩ့တၭ ပကအီၪဆၧၫ့ထုၪ့ ဘိၩဆၧယံၩဆၧၡီၩ့ ဒဲ ဆၧယိလါမ့ၪၡီၫအၥိၭအဂး ပအုၩ့လၩ့ကၠၭပၥၭနီၪလီၫ”. ၥၫ့ဎွၩဆ့…
