RVA PWO KAREN

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪလၧ ခး India နီၪ အဆၫ့လၧၫ့ထုၬ ကဲၪထၪ့ ၦဆံၫ့ဎံၪ   Gonsalo Garcia အဂဲးအကၠီၩ့နီၪလီၫႉ ၦဆံၫ့ဎံၪ   Gonsalo Garcia ယီၩအီၪဖျဲၪလၧ နံၪ့ (၁၅၅၆) နံၪ့ လၧခး India နီၪလီၫႉ အဝ့ၫအဖါဖါနီၪမွဲဝ့ၫဒၪ Portugi ၥူၭဖိၪလဂၩဂီၩ့ အမိမိနီၪမွဲဝ့ၫဒၪ  Indian မုၪနီၪလီၫႉ အဝ့ၫယီၩ မွဲဝ့ၫၦကဲၪဒိၪကဲၪမုၬ ဖနံၬဖိၪ ကဂၩနီၪလီၫႉ လါနၫ့ အဝ့ၫယီၩ…

ထၧၫ့ဖုဝဲထံၩၥိၭဖျိၩ့ဖိၪၥံၪဧ့ အီၪဆီၪ့အီၪချဲၫ့ကိၭဂၩဒ့ၭလါဆံၭနဲၪႉ လၧခးပယၩ့ဖၧၩ့ယီၩ ပကဒၪဘၪၦဖျိၩ့ဆၨၩဖိၪၥံၪလဖၪ အီၪဎံၩ့လးနီၪလီၫႉ အၡါမၪနီၪ ဖျိၩ့ဒဲ ကယၩနီၪ မွဲဂဲၫထဲၩ့အီၪလၩ့ ကဆၨၩလီၫလါနၫ့ ထီးလၧ ဖဆပလပဒိၪအစူၪဖၧၩ့အခံၫ့နီၪ ဖျိၩ့ဝီၩ (ကယ့ၫနံၫ) နီၪ အၪ့လဲၩ့ကိၭထၪ့ထဲၩ့ဝ့ၫလၧ ကယၩနီၪလီၫႉ စဎွၩၥံၪလၧဖျိၩ့ဖျိၩ့အိၩနီၪ ကိၭဝ့ၫမွဲ ဖျိၩ့နီၪလီၫႉ ကုန်းဘောင် အထီ မင်းတုန်းမင်း ပၧၩ့အခံၫ့နီၪ ပကစၭထၪ့ဒၪဘၪ ဖျိၩ့ဆၨၩထၧၫ့ဖုဝဲအမံၩ့မွဲဝ့ၫ ဂေခို၊ဘွဲဒဲ ဇယိန်းၥံၪနီၪလီၫႉ မွဲအီၪထဲၩ့စဲၪ့လၩ့လၧ ဟီးဘရူး (ဆီးမိုက်) ဆၨၩဖိၪလမွဲဘၪလီၫႉ             လၧဖးဖီၩ့ဖၧၩ့ ဖျိၩ့နီၪ မွဲအီၪဒၪလၧ ခိၪလီၩ့ခိၪဒဲ ခိၪလီၩ့ဖၫ့လၬ ဖံၬဒၩလးလီၫ  မွဲအ့ၬႉ…

ပကဲၪၦၡၩအၪဒၪဆၧနီၪ ပလီၩယံၩယါဆၧ ဆၧၥၭအီၪနီၪ ကြၨၭလၧၦၡၩကိၭဂၩအ့ၬ ဆၧချဲၩ့အယီၩ ပချဲၩ့ခိၭမၬခိၭမၬမွဲအ့ၬဧၪႉ ပမၩဆၧၩ့စိၩၦၡၩကမံၩ့မံၩ့ဂီၩ့ ၦၡၩနီၪအ့ၪမွဲလလီၩ ဂ့ၩဘၪပၧၩမွဲဂ့ၩႉ ပဆၧမၩဆၧၩ့လိၪထဲၩ့ကကၠၪမွဲဂ့ၩ ဘဲၫပယိလါထၬအၥိၭ အဝ့ၫအအီၪ အ့ၪမွဲပလန့ထဲၩ့ ဘၪဆၧမၩ ဆၧၩ့စွါဘဲၫ ပစီၪဘၪမၪအဝ့ၫၥံၪယူၭႉ အဝ့ၫဒၪအိၩခီၫ ယဘၪဂဲၫ ထဲၩ့မၩဆၧၩ့ထၬ လၩ့လၧယၧၩခီၫ ယအၪ့ကံၩ့အဝ့ၫ ဆၧမၩဆၧၩ့န့အ့ၬႉ အဝ့ၫမၩၥ့ၪယၫအၥၭ အ့ၬႉ ပစီၪဘိၩနီၪဂီၩ့ ပၥၭဖၧၩ့ကဲၩ့လၫ့ဒၪပၧၩဂီၩ့ ပၥၭဘၪထံၭဆၫမွဲအ့ၬဧၪႉ အနီၪဘိၭ ဘိၩ ယီၩ ယကဖီန့အ့ၪနၥံၪ လံၬဖုၫခိၭဖိၪကဆံၭႉ ၦလၧအကွ့ၩထၬလံၬယီၩနီၪမွဲလၧ (ဟမ်စိုင်း (ဆေး-မန်း)နီၪလီၫႉ အဝ့ၫယီၩကွ့ၭထၬဝ့ၫဘဲၫၥီၪ့ၥၫ့အဖုမုၪအၥိၭဘီၪနဲၪႉ ကဲဘဲၫယီၩယကဖီလၩ့န့အ့ၪ ဘၪနၥံၪနဲၪႉ “ဆၧၥၭအီၪလၧအကြၨၭၦထီးလူၬ” “ဆၧၥၭအီၪနီၪ…

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ ၦလၧအဆၧအီၪက့ၪၥုၪ့အီၪက့ၪၥၭ လအီၪဘၪလၧနၥံၪနီၪ နၥံၪကဘၪဖံၭၥိၭလိၬၥၭ အဂဲးအကၠီၩ့နီၪလီၫႉ ပမၩဆၧအဂ့ၩဒၪဆၧ အဝ့ၫၥံၪဒၪပၧၩန့အ့ၬႇ အ့ၪလမွဲဘၪ အဝ့ၫၥံၪဖၬထၬၥၭနီၩ့ထၪ့လၧ အမ့ၬယၫဂီၩ့ ဆၧအဲၪဆၧကွံၩ့လၩ့မၬခွံၬႇ အ့ၪလမွဲဘၪ စီၪဆံၭၦဂူၫဂၩဂီၩ့ စီၪဎိၩလၩ့ၥၭႇ ၦအယီၩၥံၪယီၩနီၪ ကဖံၭၥိၭလိၬၥၭလၧ ၦဂူၫဂၩအ့ၬ အီၪဒၪကလၩ့ဎွါ ၦဂူၫဂၩအဆၧမၪနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ လၧဂံၪ့ဒီၪ့ဖၧၩ့မွဲဂ့ၩႇ လၧအဖုၫဖၧၩ့မွဲဂ့ၩႇ ပကဒၪဘၪ ၦလၧ ဖံၭၥိၭလိၬၥၭလၧ ၦဂူၫဂၩ ၡၩအီၪအၪမၬဒ့ၭနီၪလီၫႉ ပအီၪၥၭမၧၫ့ကိၭနံၩဖၧၩ့ယီၩ ပကဒၪဘၪ ၦအယီၩၥံၪနီၪလီၫႉ ပကဘၪ ဖံၭၥိၭလိၬၥၭလၧ အဝ့ၫၥံၪယီၩနီၪ ၦကိၭဂၩအဂး ဆၧကၪဆၧဂဲၩကအီၪနီၪလီၫႉ…

ကဲၪဒိၪႇ ဎိၩဒိၪႇ ဒိၪကူၭလၩ့ႇ ကွ့ၭကဲၪ့ဆံၭ (-ၪ) ကိၭဘျၩ့ ဒိၪလါကဲၪကၩလးအီၪထၪ့ ကဲၪဆံၭ(-ၪ)  လၥၭနၪ့ႇ ‘ဒိၪ’ အလူကဲၪ့လၩ့လအီၪ ပထီးန့ထၬယီၫႉ ၁ႉ ဒိၪ – ရိုက်သည်၊ ကြီးသည်။ ၂ႉ ဒိၪထိၬ – ခေါက်သည်။ ၃ႉ ဒိၪကဲၪ့ – ကောက်အောင်ရိုက်သည်။

ထၧၫ့ဖုဝဲမုၪခွၫၥံၪဧ့ႇ ဆၧလၧဆၧဘံၪၥိၭနီၪ မွဲၦၡၩအၥိၩ့လလိၫလၧၩ့ဘၪတၭ လ့ၩခွံၬၡိၬထၬဝ့ၫဆၧလ ဖၪနီၪလီၫႉ ကဲ အ့ၪမွဲဘနီၫ ပကအၪ့ဎၬယိနးထံၪနဲၪႉ ပခွံၬၡိၬခွံၬဆၧယီၩ ပၥိၩ့န့လၧၩ့အ့ၬတၡါဧၪႉ ပၥိၩ့ထၪ့ထဲၩ့ အဝ့ၫၥံၪလၧ ဆၧအဂူၫဂၩလၥ့ၪဘၪဧၪႉ မုဆၫကနံၩယီၩ ဂၪ့ခိၪချိၫ့ယီၩ ဆၧအအၪထုၬႇ ဖ့ၪလၫ့နဲၩ့ဎီၩ့ ဆၧကၪဆၧဂဲၩ အနၭထုၬႇ မွဲဆၧလၧအမၩဂၭဂီၩ့ဂၭစၪဆၧႇ ဆၧလဖၪၥံၪယီၩ ထီးအလူၬ အီၪဂဲၫကဲၪထၪ့ ဝ့ၫဒၪ ဆၧကမံၩ့နီၪမွဲ ပလၭစတ့ၭ ဆၧဘံၪၥိၭနီၪလီၫႉ ထၧၫ့ဖုဝဲမုၪခွၫၥံၪဧ့ႇ ဆၧလၧ ပလၭစတ့ၭ ဆၧဘံၪၥိၭနီၪ ပကဒၪဘၪအလးဎံၩ့ဎီၩ့နီၪလီၫႉ လၩ့ဘၧၩ့လၧဖံၬ ကျၩအီၪဝ့ၫအၥိၭ ယွၩလၩ့လၧ ပၫ့လဲၪဖၧၩ့နီၪ မွဲပကဒၪဘၪဆ့နီၪလီၫႉ အဝ့ၫနီၪ အ့ၪပဎုလၫ့လၧမ့ၪဒီၭ ဆၧဖိၪဆၧဎါၥံၪ…

ၦနွ့ၫမုၪအဖါဖါၥၭဘီၩ့လဂၩ ထၪ့အီၪဎုၬထဲၩ့ဂီၩ့အခၫ နးမုၪချဲၩ့နီၪ ဂဲၫအီၪလၧ ၦနွ့ၫမုၪၥံၪအဂံၪ့နီၪလီၫႉ လါနၫ့ဂ့ၩ ၦနွ့ၫမုၪၥံၪနီၪ လီၩဝ့ၫအဂ့ၩ အီၪနးၥၫ့အ့ၬႉ အ့ၪမွဲၦနွ့ၫမုၪၥံၪအဖါဖါ လ့ၩမၩဆၧမၩဂီၩ့ ဂဲၫထဲၩ့ကိၭကၠၪ လီၩအ့ၪအဝၩ ၦနွ့ၫမုၪၥံၪအဂဲးအဖးလဂ့ၩဘၪႇ ဆၧမၩနၧၩ့မၩဆၫအဝ့ၫအကၠီၩ့ လီၩအ့ၪအဝၩကဘျၩ့ဂီၩ့ကဘျၩ့လီၫႉ အၡါမၪနီၪ ၦနွ့ၫမုၪၥံၪနီၪ အီၪက့ၪအမိၡါဘဲၫအဝ့ၫၥံၪ အမိအထံၭနီၪလီၫႉ လါနၫ့ နးမုၪချဲၩ့နီၪ ကယဲအဝၩအဆၧအီၪလဖၪနီၪ ကမိမၩဝ့ၫကဂၩလီၫတၭ ကမိနၪ့စဲၪ့လၫ့ ၦနွ့ၫမုၪၥံၪနီၪလီၫႉ မွဲဆၧဘဲၫနီၪ အဝၩလ့ၩမၩဆၧမၩဂီၩ့ ဂဲၫထဲၩ့ လီၩအ့ၪအဝၩမွဲ အဖိၪၥံၪအဂဲးလဂ့ၩလဘၪဘၪလီၫႉ မၩခွၫၡါယီၩ အဂုးခိၪအိၩ အမၫလီၩနီၪ ခိၭနၪဘုၭဝ့ၫနၭအ့ၬ လါနၫ့ ဆၧလီၩခိၪမၪခိၪမၪအခၫ ဂဲၫနဲၩ့ထၪ့အမၫအဆၧချဲၩ့လီၫႉ အဖိၪမုၪၥံၪနီၪ ဒၪဝ့ၫမိန့လၧၩ့အ့ၬႉ…

ဖါဖါနီၪအဖိၪမုၪဖိၪခွၫၥံၪအဂး အဂံၩထုၬနီၪလီၫႉ ဖါဖါၥံၪလဖၪနီၪ နဲၪဖျီၫထုၪ့ အဆၧအဲၪၥံၪအ့ၬ လါနၫ့အဲၪအဖိၪၥံၪအၪမၬနီၪ မွဲဝ့ၫဒၪ ဖါဖါၥံၪလီၫႉ ဖါဖါနီၪ အဖိၪၥံၪဘၪဒၪခီၩ့လၧ ဆၧၡၪ့ဆၧနါအခံၪ့ လီၩနဲၪအ့ၪအဝံၫစွါဘဲၫ ဖ့ၪလၫ့ထဲၩ့အဖိၪ ဆၧကိၪ့ဘၪကိၪ့ၥံၪ အဂံၩန့နီၪလီၫႉ ဖါဖါအဆၧအဲၪနီၪ ဖိၪမုၪဖိၪခွၫၥံၪအဂး ဆၧဒူၩဆၧယးန့ႉ ဘၪနီၪလဲၪစွါဘဲၪ ဖါဖါၥံၪလဖၪနီၪ ခိၭနၪအ့ၪ အဖိၪအဆၧချဲၩ့လီၫႉ အဝ့ၫဘၪဒၪခီၩ့ဆၧယၪလဖၪနီၪ လီၩဖ့ၪနဲၪထဲၩ့ဘၪအဖိၪၥံၪလဖၪနီၪလီၫႉ လကၭဒံၭဘၪအဖိၪၥံၪ အၥၭကဆီၪ့ထၪ့အဂး ဖ့ၪဂဲးဖ့ၪဘၭဝ့ၫ န့နီၪလီၫႉ ဖါဖါၥံၪလဖၪနီအဆၧမၩအၪအၪမၬလီၫႉ လါနၫ့အဝံၫၥံၪအဖိၪအဂး အဖိၪၥံၪ ကမိမၩဆၧလဖၪအဂးဒဲ အဖိၪအၥၭဆုးလီၩအီၪလဖၪနီၪ ဖ့ၪဂဲးဖ့ၪဘၭဝ့ၫဂီၩ့ မၩဆၧၩ့ဝ့ၫန့နီၪလီၫႉ ဖါဖါနီၪအဆၧမၩအၪလါနၫ့ ခွံၭၡိၭထၭအဖိၪၥံၪအ့ၬႉ ဖါဖါအဆၧအဲၪနီၪ ဎိၩဒိၪအၪမၬလီၫႉ