RVA PWO KAREN

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ ဖိၪဒံၩဖိၪၥၪ ဂၪ့ခိၪ အဂဲးအကၠီၩ့နီၪလီၫႉ ဆၧလၧ ပယိဂ့ၩယိဘၪ ဖိၪဒံၩဖိၪၥၪႇ ပထိးဆၧၫ့ဖိၪဒံၩဖိၪၥၪႇ ပ ပဒၩ့ထၬဖိၪဒံၩဖိၪၥၪၥံၪနီၪ ဂံၪ့ဒီၪ့အဂး ဒဲ အဖုၫအဂး ဆၧအီၪဆီၪ့အီၪချဲၫ့ ကအီၪဝ့ၫဒၪနီၪလီၫႉ ဆၧချဲၩ့အယီၩနီၪ ဂၪ့ခိၪဖိၪဒံၩဖိၪၥၪ အမုနံၩဒၪအိၩ ၥၫ့ဎွၩဖရၫ့စ့ၭ လီၩၥ့ၪယၫထၬပၧၩနီၪလီၫႉ ပယိဂ့ၩယိဘၪ ဖိၪဒံၩဖိၪၥၪအခံၫ့ ပကဘၪၥ့ၪယၫထၬဆၧကမံၩ့နီၪ ဖိၪဒံၩဖိၪၥၪၥံၪလဖၪယီၩ ထီလၧယၫအဂး အဝ့ၫၥံၪယီၩ ကကဲၪခိၪကဲၪနါထံၫခးနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧလၧဖိၪဒံၩဖိၪၥၪနီၪ ၦၥၭၡါၥံၪ အီၪအၪ့ဘဲၫၥ့ၪလဲၪနီၪ အဝ့ၫၥံၪ ထီးန့ထၬဝ့ၫႇ မၩဒီၩ့ဝ့ၫၥ့ၪနီၪလီၫႉ ဆၧနီၪအကၠီၩ့ႇ…

ပေးအ့ၪယၧၩ = မဲအ့ၪယၧၩ (ခ)  ဖ့ၪအ့ၪယၧၩ (ခ)  ဖ့ၪလးအ့ၪယၧၩ ခင်ယၧၩအ့ၬ = မၩထံၩမၩၥိၭယၧၩအ့ၬ အနီၪဆိုရင် = အနီၪစွါဘဲၫ ထပ်လီၩထဲၩ့ = လီၩထဲၩ့နးထံၪ (ခ) လီၩထဲၩ့နးဘျၩ့ အီၪငြိမ်ငြိမ် = အီၪဂုးဂုး စီတန်းနသီအသာ့နီးဂါးကတွဲ = ၥီၩ့လၩ့နၥံၪအၥၭ နံၫဂၩ နံၫဂၩ

ပထၪ့ၡါနီၪမွဲဝ့ၫဒၪလၧ ၦၡၩနံၩဂၩကအီၪဘီၩ့ဎးကၠၧၫ့ကၠၧၫ့နီၪလီၫႉ ဘဲၫၥိၭပကအီၪဘီၩဎးကန့ဂံၩဂံၩဘၪဘၪအဂးနီၪ ပထၪ့ၡါအခၪ ပထၪ့မၪဝၩနံၩဂၩယီၩ ကဘၪကဲၪ ပဆူၩနဲၩဖိၪနီၪလီၫႉ အနီၪမၬ ကဆါယွၩလီၩထၬပၧၩ ၥီၪ့ၥၫ့ထၬပၧၩလဖၪနီၪ ပမၩကန့နီၪလီၫႉ ပကဲၪပဆူၩနဲၩဖိၪလဂၩ ပထၪ့ၡါလၧ ပဆူၩနဲၩဖိၪဂူၪဂဲၩလန့ဘၪအကၠီၩ့ ဆၧအဂဲးအီၪ ၉ ထုၪနီၪလီၫႉ ၁ႉ လမွဲဘၪကၭၥလံၬ ပဆူၩနဲၩဖိၪစွါဘဲၫ ပမၩန့လိၭၥၭလကျၨၭဘၪအကၠီၩ့ လံၬဆံၫ့ဎံၪဖၧၩ့ ကဆါယွၩလီၩထၬဝ့ၫအီၪနီၪလီၫႉ ၂ႉ ပၥၭၡီၩ့ လ့ၩထၪ့လ့ၩထီအဂး ဆၧဘၪထံၭဘၪထၬ ကအီၪဝ့ၫအၪမၬနီၪလီၫႉ ၃ႉ ပဂံၪ့ဒီၪ့ဖၧၩ့ ဆၧဘၪထံၭဘၪနဲၪလိၭၥၭ ကကဲၪထၪ့ႉ  ၄ႉ ပဖိၪပဒံၪၥံၪ ဆၧၥၭၡီၩ့အဂး ကကဲၪထၪ့ ဆၧမၩထံၭထၬနီၪလီၫႉ ၅ႉ ပဂံၪ့ဒီၪ့ဖၧၩ့ ပဖိၪပဒံၪၥံၪအကျၩ…

ခးပယၩ့ယီၩ အီၪဝ့ၫလၧ ဘံၩႇ ထံၫချိၬႇ နီၪ့ႇ ကွံၩႇ ဆၧၥုၪ့ဖျါဆၧဖံၭလဖၪႇ စၭထၪ့လၧၥံၪ့ကျိၭလဖၪ ထီးထီၩ့စိၩ ထံၫလိးလုၭဘံၭခိၪလီၩၥံၪအလး ဆၧဖိၪဆၧဎါၥံၪအီၪဝ့ၫအမံၩ့မံၩ့ မွဲဎံၫလၩဝ့ၫဒၪ ထံၫခးကခးနီၪလီၫႉ လကၭဒံၭဘၪ ခးပယၩ့ယီၩ ဆၧအထံၭအမံၩ့မံၩ့ႇ ဆၧဖိၪဆၧဎါအမံၩ့မံၩ့ႇ ဆၧဖိၪဆၧဎါလၧအီၪထံၫကျၩလဖၪ အီၪၥၭမၧၫ့ဝ့ၫ အလးနီၪလီၫႉ လါနၫ့ ဆၧလဖၪၥံၪယီၩ ဂဲၫလၩ့မါထၪ့ အၪမၬယူၭနီၪလီၫႉ ခးပယၩ့ယီၩ လၧခးအ့ၩၡၩအဖၧၩ့ မွဲဝ့ၫၥံၪ့ကျိၭအီၪအအၪထုၬ ထံၫခးကခးလါနၫ့ အထီဘဲၫယီၩ လၩ့ၡၩဝ့ၫဖျဲၪအၪမၬနီၪလီၫႉ ၥံၪ့ကျိၭလူၬပျီၩ့ခွံၬဖျဲၪနီၪ မွဲအရ့ၩဒိၪဝ့ၫဒၪ ဆၧလၩ့အၪ့ယိၫကမံၩ့ဂီၩ့ အ့ၪမွဲ ၥံၪ့ကျိၭကဆုးလူၬပျီၩ့ခွံၬ ဘဲၫယီၩၥိၭစွါဘဲၫ ခးပယၩ့နဲၩ့ဎီၩ့အခၪ့ထံၭခၪ့ဎၧၩ့လဖၪ လယံၬလမီဘၪအဖၧၩ့ ကဂၭဂီၩ့ဂၭစၪ လူၬပျီၩ့ခွံၬအဆၧၫ့အထီ…

ၦမုၪနၩ့ဖိၪဎံၪလၩနီၪ ထဲၩ့ကိၭန့စခးချံၪ့လၧ အတဝၫ့အခၫ အီၪယံၬကဆိ ထဲၩ့ထီၩ့လၧၡိၬကျၩ ၦမုၪနၩ့နီၪ အိၭခၬၥံၪ့ထဲၩ့ ကထဲၩ့ဂီၩ့ ခွံၬလၩ့ဝ့ၫလၧ စခးချံၪ့အမ့ၬယၫကထုၪ့ဎး ကဲၪထၪ့ မုၬၡူၪဎံၫလၩဝ့ၫ တဝၫ့ကတဝၫ့နီၪလီၫႉ ၦမုၪနၩ့ဖိၪယီၩ လီၩနဲၪအ့ၪ စခးချံၪ့အဝ့ၫအတဝၫ့အဎံၫအလၩဂီၩ့ မုမ့ၬဂဲၫလၩ့ဖုၪအခၫ စခးချံၪ့ကဘၪထဲၩ့ဒံၭဘိၭ ခဲၫ့ကံၭဝ့ၫဆၧကခံၭချုၭန့တၭ အၪ့မၧၫ့ဝ့ၫထဲၩ့ နီၪလီၫႉ ဘဲၫစခးချံၪ့ ကထဲၩ့ထီၩ့ဖျဲၪဖျဲၪအဂးဆ့ ဖ့ၪလၫ့အ့ၪဝ့ၫ ၥံၪ့အဝံကကုၭနီၪလီၫႉ ၥံၪ့ဝံအစီၩ့အမၩ့အကၠီၩ့ စခးချံၪ့အီၪကဆိ ထဲၩ့ထီၩ့ဂံၪ့လီၫႉ စခးချံၪ့လဂၩ ထဲၩ့ထီၩ့လၧဂံၪ့ လါနၫ့ မံၫန့အ့ၬ အဝ့ၫဒၪဖျးစိၩဒၪ ၦမုၪနၩ့ဎံၫလၩအမ့ၬဖိၪနီၪလီၫႉ             ဆၧဖၩ့လၫ့အခၫ စခးချံၪ့လဂၩ ဂၭထုၪ့လၫ့လဂီၩ့နၭခူၭဂီၩ့ လ့ၩလၧအဎုၭဖၧၩ့လီၫႉ အဝ့ၫလ့ၩထီၩ့လၧ…

ၦလၧလအီၪက့ၪဒိၪဘၪနၧၩလဂၩနီၪ နၧၩဆ့ကျ့ၭစၨၭအီၪက့ၪဒိၪထဲၩ့ဘၪလဂ့ၩႉ ၦလၧ လၥၭအုၭဘၪပၧၩနီၪ နၧၩဆ့ကျ့ၭစၨၭဘုၩရုၫဘုၩဆူၫထဲၩ့ဘၪလဂ့ၩႉ ၦလၧစီၪနၧၩဘျိၪဘျိၪ လဂၩနီၪ နၧၩဆ့စီၪထဲၩ့မၩအဝ့ၫဘျိၪဘျိၪလီၫႉ ပဂးအခံၫ့လအီၪဘၪၦၡၩလဂၩနီၪ အဝ့ၫအဂးပဘၪဖ့ၪလၫ့အ့ၪ ပအခံၫ့မလိၪဧၪအ့ၬႉ ဆၧနီၪအကၠီၩ့ ၦဘဲၫနီၪၥိၭလဖၪအဂး ခီၫခီၫပကမၩဆၫပၥၭဖိၪ ခိၬမၬခိၬမၬနီၪ ပက ဘၪမၩထ့ၬခွံၬပၥၭ လၧအဝ့ၫၥံၪအဖၫ့ခိၪနီၪလီၫႉ ဂီၩ့နီၪဆၧအဂဲးလဖၪယီၩ ထီးနဲၪ့ထၬ လၧနၥံၪအခိၪနူၬဖၧၩ့ လၧနၥံၪအၥၭဖၧၩ့နဲၪႉ အ့ၪမွဲပၥၭလထ့ၬဘၪနီၪ ပၥၭကဘၪဆၫ ခိၬမၬခိၬမၬႉ အ့ၪမွဲပၥၭထ့ၬန့နီၪဘိၭ ပၥၭ ကဘၪဆၫဒၪကဘျၩ့လီၫႉ ဆၧနီၪအကၠီၩ့ ထိးအၪ့လီၫနၥံၪအၥၭခိၬမၬခိၬမၬလဂ့ၩႉ ပၧၩယီၩ ပလမွဲဘၪ ထံၫအီၪလၧအဝ့ၫအစူၪယၫၥၭဖၫ့ခိၪအဂဲး ဖ့ၪနဲၪထၪ့အဝ့ၫၥံၪဂီၩ့ စဲၪ့ထၪ့ခွံၬလၧ အဝ့ၫၥံၪအယဲၩ့လါဆံၭႉ  ခီၫခီၫပၥၭကဘၪဆၫ ခိၬမၬခိၬမၬနီၪ ပၥၭဆၫဝံၭဂ့ၩဘၪစဲၪ ကကၠၪ…

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ ဆၧအၪ့လဲၩထၪ့ၥၭ ကအီၪအဂး ပကဘၪဘၩဆိၪဖၪဆၧအဂဲး အကၠီၩ့နီၪလီၫႉ ဎရံၬဖိၪၥံၪအရ့ၩဎိၩထုၬ အဆၧမၩနီၪ မွဲဝ့ၫဒၪ ၥၫထနၫဆၧမၩနီၪလီၫႉ ဆၧလၧဆၧဘၩဆိၪဖၪနီၪ ပကဘၪချဲၩ့လၧကဆါယွၩအဂး မွဲဝ့ၫ အရ့ၩဎိၩထုၬနီၪလီၫႉ ပဖီဘၪလၧ လံၬဆံၫ့ဎံၪဖၧၩ့ ကဆါဎြံၬ ချဲၩ့ဒၧၫ့ပၧၩအကၠီၩ့နီၪ ပချဲၩ့ဒၧၫ့ထဲၩ့ကဆါဎြံၬ န့ဝ့ၫဒၪနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧလၧဆၧဘၩဆိၪဖၪနီၪ အၪ့လဲၩထၪ့ ၦကိၭဂၩအၥၭန့ဝ့ၫဒၪနီၪလီၫႉ အခံၫ့ဘဲၫၥ့ၪလဲၪနီၪ လၧပဘၩဆိၪဖၪဆၧ အခံၫ့နီၪလီၫႉ အၡါမၪနီၪ ပကဲၪၦၡၩၥံၪယီၩ ပမၩဆၧန့အီၪအၪမၬဒ့ၭနီၪလီၫႉ လါနၫ့ႇ ဆၧဘၩဆိၪဖၪ အ့ၪလအီၪဘၪနီၪ ပမၩထၪ့ဆၧန့နးမံၩ့အ့ၬနီၪလီၫႉ ပဆၧဘၩဆိၪဖၪအီၪမၬဆံၭ ပကလၩ့ဘူၭလၧကဆါဎြံၬနီၪလီၫႉ…

ဖါဖါလဂၩနီၪ ကထၪ့ၡါထီအဖိၪမုၪလဂၩအဂး လီၩအဖိၪမုၪ တလၭမူၭခွၫႇ အဂုထုၬယဖိၪမုၪအစူၪနီၪ ၦၡၩဖိၪနီၪမွဲဝ့ၫဒၪယၩလီၫ နၩမွဲအ့ၬႉ ယဖိၪမုၪအမ့ၬၥဒၧၩ့နီၪ အဂုထုၬပၡၩနၧၫ့ကၠၪနီၪ မွဲဝ့ၫဒၪယၩလီၫႉ ယဖိၪမုၪနီၪ နလဒၪဒ့ၭဘၪအထိးယအၪအဝ့ၫအၪမၬနီၪလီၫႉ ယဖိၪမုၪနီၪယကအဲၪ လဆိၩကၠၪနီၪလီၫႉ နၩလဲယမိနါနအဲၪယဖိၪမုၪ ကိၭဆၧၫ့ကိၭထီနီၪလီၫႉ ယဂဲၪထဲၩ့ယိထဲၩ့ခွါထဲၩ့ထၬ ယဖိၪမုၪနီၪ လၧအဆံၭဆံၭဒံၭဒၪအိၩနီၪလီၫႉ လါနၫ့ဂ့ၩ စၭထၪ့လၧဘဲၫယီၩ ၦၡၩကဘၪယိထဲၩ့ခွါထဲၩ့ ယဖိၪမုၪနီၪ မွဲဝ့ၫဒၪနၩနီၪလီၫႉ နၩဝ့ၫနကအဲၪယဖိၪမုၪဘဲၫၥိၭယၩအကၠီၩ့ ယကယိလါလီၫႉ အ့ၪနအဲၪယဖိၪမုၪလနၩ့လၩ့ဘၪကနံၩစွါဘဲၫလီၩယၩ ယကဂဲၪထဲၩ့ကိၭထဲၩ့ယဖိၪမုၪနီၪလီၫႉ ပခိၭနၪဘၪ ဖါလဂၩယီၩအဆၧချဲၩ့စွါဘဲၫ ပအၪ့ဎၬထဲၩ့န့နီၪလီၫႉ ဖါလဂၩအဆၧအဲၪနီၪ ဎိၩဒိၪအၪမၬလီၫႉ ပကဘၪၥံၪယၪ ပဖါအဆၧအဲၪလီၫႉ ပၥံၪယၪပဖါအဆၧအဲၪဂီၩ့ ပကဘၪအဲၪထဲၩ့ပဖါ ပဖါအၥၭၡါလၫစွါဘဲၫ ပကဘၪယိထဲၩ့ခွါထဲၩ့ပဖါဂံၩဂံၩဘၪဘၪနီၪလီၫႉ

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ  ၦဆံၫ့ဎံၪ  Crispin ဒဲ Crispinian  အဂဲးအကၠီၩ့နီၪလီၫႉ ၦဆံၫ့ဎံၪ Crispin ဒဲ Crispinian ယီၩ မွဲဝၫဒၪအဎဲၩ့နီၪလီၫႉ အမိမိဖါဖါနီၪမွဲဝ့ၫဒၪ ဝံး ရိၩ့အိၩ ၦကဲၪဒိၪကဲၪမုဖိၪၥံၪနီၪလီၫႉ အဝ့ၫၥံၪယီၩ မၩၥၫထနၫဆၧမၩလၧ ခးပၠ့ၫၥ့ၭ နီၪလီၫႉ  အဝ့ၫၥံၪယီၩ မုဆၫအခံၫ့နီၪ မၩဆၧမၩဂီၩ့ တရါလၩ့ဆၧပရၧၫ့လၧ ဖၧၩ့ၥၭနီၪလီၫႉ မုနၩအခံၫ့နီၪဘၪမၩ ၦဆၭခၪ့ဖံၭအဆၧမၩနီၪလီၫႉ အဝ့ၫၥံၪအၥၭဂ့ၩနီၪ ဖ့ၪအ့ၪၦဂူၫဂၩ အဂဲးအဘၭနီၪလီၫႉ အဝ့ၫၥံၪနံၫဂၩနီၪ ကျ့ၭစၨၭမၩဆၧမၩဒဲ…