RVA PWO KAREN

နံၪ့၂၀၂၅နံၪ့ လၩယူၫလဲၫ့၆ၥၫ့နီၪ ဆၧမၩလၩမၩဖၩ့ မိဖါဘိၪ့မုနံၩအီၪဝ့ၫဒၪလၧ ချံၫ့မုၬခီၫ့ ဆၧအီၪကီၪ့ ထံၫနွဲတဝၫ့နီၪလီၫႉ ၦလၧအလ့ၩခိၪလ့ၩနါ မံဆၩဆၧလုထၪ့နီၪ မွဲဝ့ၫဒၪလၧ Fr.Alexander  ဒဲ Fr.ဗင်းဆင်း နီၪလီၫႉ မိဖါဘိၪ့မုနံၩတၡါနီၪ မွဲဝ့ၫဒၪလၧ လၩယူၫလဲၫ့၂၆ၥၫ့လါနၫ့ ချံၫ့မုၬခီၫ့ဆၧအီၪကီၪ့နီၪဘိၭ လၧဒိၩ့မုတဝၫ့လဖၪအဖၧၩ့ မၩဆိၫထၬဝဲၩ မိဖါအဘိၪ့မုနံၩယီၩနီၪလီၫႉ လၧမံဆၩဆၧလုထၪ့ဖၧၩ့ Fr.Alexander လီၩလၩ့လၬလၩ့ဆၧၥၭထိၬပရၧၫ့ ဘၪ ထွ့ၫလၧမိဖါဒဲဖိၪအဂဲး ဘဲၫယီၩအၥိၭနီၪလီၫႉ “မိဖါအဆၧအီၪအၪ့လ့ၩထဲၩ့လဖၪနီၪ မွဲလုဘံၭ ဖိၪၥံၪန့ဝ့ၫဒၪနီၪလီၫႉ ဆၧနီၪအကၠီၩ့ ပကၭၥလံၬမိဖါလဖၪနီၪ ဘဲၫၥိၭပဖိၪပဒံၪလဖၪ လထီၩ့ဘၪ လၧဖၧၩ့ၥၭအဂၭဂီၩ့ဖၧၩ့အဂး မွဲကဘၪအီၪမၧၫ့ဖ့ၪနဲၪအ့ၪဖိၪဒံၪၥံၪ လၧဆၧအီၪအၪ့လ့ၩထဲၩ့ အတီၩအဘၪအဖၧၩ့နီၪလီၫႉ မိဖါၥံၪယီၩ ကဘၪဎွံၫလၩ့ထး…

လၧဂၪ့ခိၪယီၩ ဆၧဒၪဆၧအဂ့ၩဒဲ ဆၧလီၩ့ဒၪဆၧအအၧၩ့ အီၪဝ့ၫနံၫမံၩ့လီၫႉ ဆၧဒၪဆၧအဂ့ၩနီၪ ၦကိၭဂၩအီၪက့ၪအၥုၪ့ အၥၭလအီၪဘၪနးဆ့ ဆၧဒၪဆၧအအၧၩ့ယီၩ မွဲမိအီၪလၧၦၡၩၥံၪအီၪကိၭဂၩဒ့ၭလီၫႉ ပဒၪဆၧအဂ့ၩကန့အဂးနီၪ နၫ့ဆါခိၪနူၬဆၧကိၪ့ဘၪကိၪ့ၥ့ၪဂ့ၩမၬ ကဒၪဝ့ၫၥ့ၪလီၫႉ အ့ၪမွဲ ဆၧကိၪ့ဘၪကိၪ့ၥ့ၪၡၩနီၪ ပဒၪဆၧအဂ့ၩကန့အဂး မွဲကယီၫအ့ၬလီၫႉ လၧဖျိၩ့ဖျိၩ့အိၩ စဎွၩကဂၩနီၪ ပကိၪ့လိၬဆၧကဂၩနီၪ ဒၪဆၧအဂ့ၩၥ့ၪအၪမၬဒ့ၭ အဆၧကိၪ့ဘၪကိၪ့ၥ့ၪအီၪလီၫႉ စဎွၩအ့ၪမွဲအၪ့ကံၩ့ဆၧကိၪ့ဆၧတဲၩ့ကိၭကၠၪနီၪ ချဲၩ့လၩ့ဎိၭဖ့ၪကိၪ့ဝ့ၫမွဲ အဂ့ၩကကဲၩ့ခီၫလီၫႉ အနီၪဘိၭ ဆၧအဂဲးအၪဒၪဆၧနီၪ မၩဆၧၩ့ဝ့ၫန့လၧ ဆၧမုၬလၩၥၭဎွံၫအဖၧၩ့လီၫႉ ကနံၩနီၪတၭ စဎွၩဖၭဒိၪ အစူၪမုနီၪ ဝံၩအဖံၫလီၫႉ စဎွၩယီၩ ကိၭအပကိၪ့လိၬဆၧနီၪဂီၩ့ ချဲၩ့ဎိၭလၩ့အခၫ ပကိၪ့လိၬဆၧယီၩ စံၭဆၧထဲၩ့ ၥၭခိဆၧနးမံၩ့လဂ့ၩ စဎွၩဧ့ နဂုၪၥံၪ့ဎွံၪ…

ဖုဒ့ၩဧ့ ၦလၧလီၩ့အၪ့ဎၬနဂဲးနဖးဂီၩ့ လီၩ့အၪ့ကီၪအၪ့စၭနၧၩလဖၪနီၪ ၥၭအုၭလဂ့ၩနဲၪႉ အဝ့ၫၥံၪ အဂး ကမွဲအခံၫ့အီၪအၪလီၫႉ ခီၫခီၫနကလီၩ့အၪ့ဎၬထဲၩ့အဝ့ၫၥံၪအဂဲးနီၪ အၪ့ဎၬထဲၩ့မၬ နဂံၪ့ဒီၪ့ဖိၪၥံၪ အဂဲးလီၫဖုဒ့ၩဧ့ႉ           ပအၪ့ဎၬလၩ့ထဲၩ့ပဂံၪ့ဒီၪ့ဖိၪၥံၪအဂဲးထံၪထံၪဆၭဆၭဂီၩ့ ကဂၩအဆၧလိၪအ့ၪအီၪနီၪ ကဂၩက မၩလၧၫ့ဎွ့ၩထၪ့အ့ၪဝ့ၫႇ ပဂံၪ့ဒီၪ့ဖိၪၥံၪကဂၩဘၪကဂၩ ပကအဲၪကွံၩလိၬၥၭ ပကယိထဲၩ့ခွါထဲၩ့လိၬၥၭနီၪ ကကဲၪထၪ့ဒံၭ ဂံၪ့ဒီၪ့လၧအမုၬကဖျိၪ့ဒံၭႉ လကၭဘၪ ပအခံၫ့လူၬဂီၩ့လါနၫ့ အလူၬဒိၪဎွ့ၩဒိၪ ကအီၪ ထးဒံၭႉ အ့ၪမွဲပကလီၩ့အၪ့ဎၬထၪ့ဒၪ ၦၡၩဒၪပၧၩလအိၭဘၪလဖၪအဂဲးစွါဘဲၫ အီၪဒၪပအခံၫ့ကလူၬဂီၩ့ လူၬစၪလီၫႉ

ဘဲၫပမိပဖါအီၪဒံၭအထီယီၩ အီၪက့ၪဒိၪအဝ့ၫၥံၪဂီၩ့ ဖ့ၪလၫ့ဘၪအဝ့ၫၥံၪအခံၫ့နီၪလါဆံၭႉ ပမိပဖါလဖၪ ယိလါန့ ထဲၩ့ဝ့ၫလၧပအီၪနီၪ အီၪဒၪပကဖ့ၪလၫ့အ့ၪအဝ့ၫၥံၪပအခံၫ့လဖၪဂီၩ့ ပကချဲၩ့ဂၧၩ့အဝ့ၫၥံၪနီၪလီၫႉ ၦၡၩလၧအမံၩ့ဎိၩၥၪဖျီၪကနၩ့နၩ့နီၪ လၧအဝ့ၫၥံၪအမိအဖါအီၪဒံၭအခၫအိၩ လီၩ့မုၬလီၩ့လၩလၧအထံၩအၥိၭ ၥိၩ့ၥံၪမၧၩ့ ပၠိၭဂီၩ့ ဖ့ၪလၫ့အမိအဖါအခံၫ့ချူၭအ့ၬႉ ယိထဲၩ့ခွါထဲၩ့အမိအဖါချုၭအ့ၬႉ လၧခဲၫ့အဝ့ၫၥံၪယီၩ န့ထၪ့ထဲၩ့ဆၧနီၪ့ယါဂီၩ့ အီၪဂ့ၩအီၪဘွၩလၩ့ထဲၩ့အၥၭ ကျ့ၭစၨၭထၪ့ထဲၩ့အဆၧအီၪမၧၫ့ ကလ့ၩထၪ့လ့ၩထီၫကကၠၪဒီၭတၭ ဖ့ၪလၫ့အမိအဖါၥံၪအခံၫ့ န့အ့ၬႉ အမိအဖါၥံၪနီၪ ၥံၫဒၪခွံၬအဝ့ၫၥံၪကကၠၪမၬ မီၪ့ဘၪထဲၩ့မိဖါ မိဒၪထဲၩ့မိဖါ မိအီၪထဲၩ့လၧမိဖါအဂူၪလၬ မိချဲၩ့ဒုၪ့ထဲၩ့မိဖါ  ဒၪထၪ့ထဲၩ့မိဖါအဆၧအဲၪဆၧကွံၩနီၪလီၫႉ လါနၫ့ အခံၫ့လဖၪနီၪ ဖျီးခွံၬယူၭအကၠီၩ့ အဝ့ၫၥံၪယီၩန့ထဲၩ့ဘၪဆၧနးမံၩ့လၧၩ့အ့ၬႉ အဝ့ၫၥံၪယီၩန့ထးဒၪ မွဲဆၧနီၪ့ယါအဎိၩအဒိၪကမံၩ့ဎးနီၪလီၫႉ ပဆၧမုၬဆၧလၩလၧပၥိၩ့ၥံၪမၧၩ့ပၠိၭ ပအီၩဂၬထံၫဂၬနီၫ့ လဖၪဒဲ ပဆၧကဲၪဒိၪကဲၪမုလဖၪယီၩ ပကဘၪအၪ့လဲၩလၧ…

ထၧၫ့ဖုဝဲမုၪခွၫၥံၪဧ့ႇ ပလီၩလၧဆၧအထံၭစွါဘဲၫ ကပၫဝ့ၫဒၪ ၥံၪ့အထံၭႇ ၥံၪ့အမုလၧ လဆီၪ့ဘၪလဖၪဒဲ အဘဲၩ့ဆၧလဖၪႇ နၪ့ႇ ဎၧၩ့ဒဲ ၥံၭကျုၩၥံၪနီၪလီၫႉ ထီမုဆၫကနံၩယီၩ ဆၧအၪ့ဎၬလီၩ့ဎွါအဖၧၩ့ ၥံၪ့ထံၭအဆၨၩ အီၪဝ့ၫ ၥၧၫ့ကုၭ ယဲလၬအကၠီၩ့ ဆဲၩ့ယၫ့ကိၪ့ၥ့ၪလဖၪ အီၪပဂုးခၧၫ့ထၬနီၪလီၫႉ ကကၠၪကၠၪ ဆၧအထံၭ အယ့ၫလဖၪနီၪ အဝ့ၫအစီၩ့ဂဲးလဖၪ အၪ့န့ဝ့ၫလၧ မုမ့ၬအီၪဂီၩ့ ဆၧနီၪ ကိၭဝ့ၫလၧ ဖိုတိုစင်းသစ်စစ် နီၪလီၫႉ             ၦခမျၧးၥံၪလဖၪ ဆၧအၥၭမၧၫ့ၥံၪထီးအလူၬနီၪ အၪ့နၩ့ထၬဝ့ၫနံၫမံၩ့မွဲဝ့ၫ ဆၧအထံၭဒဲ ဆၧဖိၪဆၧဎါၥံၪတၭ ဆၧအထံၭဒဲ ဆၧဖိၪဆၧဎါၥံၪနီၪ အခံးဂၩ့လမီၪ့ဎီၩ့ဘၪလါနၫ့ဂ့ၩ အရ့ၩဒိၪ ဆၧဖံၭဆၧမၩလဖၪဒဲ အီၪၥၭမၧၫ့အခၪ့ထံၭခၪ့ဎၧၩ့နီၪ…

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩ Leo ၁၄ ဂၩလဂၩ အဆၧၥီၪ့ဆၧၥၫ့နီၪမွဲဝ့ၫဒၪ ကဆါဎြံၬနီၪ ၦကိၭဂၩအဂး မွဲဝ့ၫဆၧယိလါအဂဲး အကၠီၩ့နီၪလီၫႉ ကဆါဎြံၬလ့ၩဆၧလၧ ဝံး Jericho ဒဲ Jerusalem အခံၫ့ ဒၪခီၩ့လၧ( ဘာတီးမီးယူစ် )အကၠီၩ့ ၥၫ့ဎွၩ Leo ၁၄ ဂၩလဂၩ အၪ့န့ဆၧၥၭထိၭအပရၧၫ့ လီၩဖျီၪထၪ့ဝ့ၫ နီၪလီၫႉ (ဘာတီးမီးယူစ်) နီၪ မွဲဝ့ၫၦမ့ၬဘျီၪနီၪလီၫႉ (ဘာတီးမီးယူစ်) အမံၩ့အခီၫပယီၫနီၪ မွဲဝ့ၫ ဆၧလၩဆၧဖၩ့နီၪလီၫႉ (ဘာတီးမီးယူစ်) ယီၩ ကဆါဎြံၬကဘၠၩ့အ့ၪ အဝ့ၫ…