RVA PWO KAREN

စခးချံၪ့လဂၩ ၦမုၪနၩ့ဖိၪဎံၫလၩယီၩချဲၩ့ကွ့ၩတၭ စံၭဆၧၫ့ထဲၩ့ဝ့ၫ မနီၫလဲၪ မနီၫလဲၪ မီၪ့ဎီၩ့ဝဲခွၫအ့ၬမွဲဧၪ လၧအမ့ၬယၫအိၩ နဒၪယံၫယါယၧၩဧၪႉ ကထုၪ့ဎး ၦမုၪနၩ့ဖိၪနီၪ စံၭဆၧၫ့ထဲၩ့ မကၪထဲမၬလဲၪ ဝဲခွၫဧၪ ခီၫလၧဝဲခွၫစၭထၪ့ဂဲၫအီၪအလးထယီၩအိၩ ဒ့ၩမုၪၥံၪၥ့ၪယၫႉ စခးချံၪ့နးဆ့ နါဂၧၫ့ဘၪၦမုၪယီၩအဆၧချဲၩ့ ကဘၪလီၩ ဆၧၫ့ထဲၩ့ဝ့ၫပၥ့ၪလဲၪ ၥ့ၪယၫဝ့ၫလၧၩ့အ့ၬႉ             ဝဲခွၫ အၥၭနူန့ၭယူၭ ကဲၪယၥၭႉ ဘယီၩဘ့ၩ ဝဲခွၫဧၪ ခီၫလၧဝဲခွၫဂဲၫအီၪလယီၩအိၩ ဖုမုၪၥံၪလ့ၩလၧ ဝဲခွၫအဎုၬဖၧၩ့ ကိၭနံၩဒ့ၭလီၫႉ ဆၧဖိၪဆၧဎါၥံၪလၧအဂဲၫမၩဂၭဂီၩ့ဂၭစၪဝဲခွၫအဎုၭလးလဖၪဆ့ ဖုမုၪၥံၪနၪ့စဲၪ့ခွံၬ အ့ၪကိၭနံၩဒ့ၭလီၫႉ အနီၪ ဝဲခွၫၥ့ၪယၫ အ့ၬ မွဲအ့ၬဧၪႉ ဖုမုၪလီၩဆၧလဖၪယီၩ မီၪ့ဎီၩ့ဝဲခွၫမံၫမးဘၪဆၧလီၫ ဖုမုၪဧ့ႇ…

ပြည်ကၭၥလံၬဆၧအီၪကီၪ့ ၥၫ့ခိၪဒိၪ Alexander ပြုံးချို ကအီၪပွံၩအကၠီၩ့ ၦလၧကထၪ့ ထဲၩ့အဝ့ၫအလးအဂး ၦဘၪထိးရွံထၪ့အၥၭနီၪ မွဲဝ့ၫဒၪလၧ မွန်ဆီညော် ပီတာ တင်ဝေနီၪလီၫႉ ဆၧနီၪအကၠီၩ့ ၥၫ့ခိၪဒိၪ ကာဒီနယ်ချားလ်စ်ဘို ကလ့ၩခိၪလ့ၩနါဂီၩ့ လၧၥၫ့ခိၪဒိၪ Alexander ပြုံးချို ဒဲ ၥၫ့ခိၪဒိၪ John စောယောဟန် ၥံၪအစူၪဖၧၩ့ မွန်ဆီညော် ပီတာတင်ဝေ ယီၩ ကထိးဆၧၫ့ဒိၭန့ထၪ့ ၥၫ့ခိၪဒိၪအလးအလၩနီၪလီၫႉ ကထိးဆၧၫ့ဒိၭန့ ၥၫ့ခိၪဒိၪအလးအလၩ ဘိၪ့မုနံၩနီၪ မွဲဝ့ၫဒၪလၧ လၩဖ့ၫဘြူၫအ့ၫရံၫ ၂၂ၥၫ့ လဂီၩ ၇နၩရံၫခီၫ အခံၫ့ဒဲ ကမၩဝ့ၫဒၪအလးနီၪ မွဲလၧ…

ဒုၪ့ထံၭအၥၪႇ ဒုၪ့ထၪ့ၥၧၫ့ႇ ဒုၪ့ထံၫႇ ဒုၪ့ထၬႇ အၪ့န့ဒုၪ့ႉ ဒုၪ့အီၩႇ ချဲၩ့ဒုၪ့ႇ ဒဲမၩဒုၪ့ႉ ဒုၪ့ဘၪကွ့ၩအလးအီၪထၪ့ႇ ကဲၪ့ပ့ၫငၭၥံၪ (-ၪ့) လၥၭနၪ့ႉ ဒုၪ့ထံၭ – မအူပင် ဒုၪ့ထၪ့ၥၧၫ့ – ဟင်းခပ်သည်။ ဒုၪ့ထံၫ – ရေခပ်သည်။

ပကဲၪၦၡၩနီၪ ပအီၪယဲၩ့လၧ ထံၪလန့ဘၪအၥိၭ ပအီၪယဲၩ့လၧ မိမိလန့ဘၪလီၫႉ ပအီၪယဲၩ့လၧ ကျိၪစ့ၩလန့ဘၪအၥိၭ ပအီၪယဲၩ့လၧ ဖါဖါလန့ဘၪနီၪလီၫႉ ဆၧမၩအၥၭထီးအလူနီၪပမၩကဲၪထၪ့လၧကျိၪစ့ၩနဲန့ လါနၧၫ့ဂ့ၩ မိဖါအဆၧအဲၪနီၪ ပမၩကဲၪထၪ့လၧ ကျိၪစ့ၩနဲလန့ဘၪနီၪလီၫႉ လၧဂၪ့ခိၪချိၫ့ယီၩ ထံၪဒဲကျိၪစ့ၩ လအီၪဘၪစွါဘဲၫ လလၧၫ့ဎွ့ၩဘၪအၥိၭ မိဖါလအီၪလၩ့ဘၪစွါဘဲၫ ပကဲၪဖိၪဒံၪၥံၪအဂး ဆၧလၧၫ့ဎွ့ၩအီၪလၩ့အ့ၬႉပကဲၪဖိၪဒံၪၥံၪယီၩ ပဘၪလီၩဎွါကျိၪစ့ၩအကၠီၩ့ ပလချုၭဘၪလါနၫ့ ခွံၭၡိၭထၬဘၪမိဖါၥံၪလဂ့ၩ ၥၭနၪ့ထၬမိဖါၥံၪလဂ့ၩႉ မိဖါအ့ၪအီၪစွါဘဲၫ ဆၧလၫ့ဎွ့ၩထီးအလူအကၠီၩ့ ပကဘၪအီၪကံၪထိးဆၧၫ့ထၬလၧပၥၭဖၧၩ့နီၪလီၫႉ ဆၧနီၪအကၠီၩ့ မိမိဖါဖါအ့ၪအီၪဒံၭစွါဘဲၫ ခွံၭၡိၭထၬဘၪလဂၩႉ ပကဘၪၥ့ၪယၫ အဝ့ၫၥံၪ အခိးအတၩနီၪလီၫႉ

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ Blessed Dominic Collines, SJ  အဂဲးအကၠီၩ့နီၪလီၫႉ Blessed Dominic Collines ယီၩ အီၪဖျဲၪလၧ နံၪ့ (1566) နံၪ့ လၧ ခး အဲၫ့ယၫလၫ့ နီၪလီၫႉ အဝ့ၫကဲၪၥၭဘၪ့ဖိၪအခံၫ့နီၪ ကဘၪလ့ၩမၩ ၥုၭအဆၧမၩအဂး ဘၪလ့ၩလၧ ခးစပံၫ့နီၪလီၫႉ လၧအလးနီၪ ဘၪမၩၥုၭအဆၧမၩ (၉) နံၪ့နီၪလီၫႉ အဝ့ၫယီၩ အၥၭဂ့ၩၥၭဘွၩအီၪႇ ယၫ့ၥုၪ့ယၫ့ၥၭဆၧၥ့ၪ အၪမၬဒ့ၭနီၪလီၫႉ မၩၥၫထနၫဆၧမၩအခံၫ့…

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ ဆၧမုၬဆၧလၩကအီၪအဂး ပကဘၪဖ့ၪအ့ၪကဆါယွၩအခံၫ့အဂဲး အကၠီၩ့နီၪလီၫႉ ဂၪ့ခိၪဖိၪၥံၪထီးအလူၬနီၪ အဆၧမၩအၪကိၭနံၩ အီၪပွံၩအခံၫ့လအီၪဘၪနီၪလီၫႉ ပကဘၪလၩ့ဎွါ ပအီၪပွံၩအခံၫ့အဂး ကဆါယွၩကိၭဖံၭၥိၭပၧၩနီၪလီၫႉ အၡါမၪနီၪ ပကဘၪအၪ့န့ပအီၪပွံၩအခံၫ့ လိၪဝ့ၫဒၪနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧလၧပကဲၪၦၡၩနီၪ ပဆၧမၩအီၪကိၭဂၩမွဲလါနၫ့ႇ ပကဘၪအီၪပွံၩအခံၫ့နီၪ ပကဘၪဖၭထၬ အီၪစဲၪနီၪလီၫႉ ပဆၧမၩအၪကိၭဂၩႇ ပဆၧမၩအီၪကိၭနံၩမွဲလါနၫ့ ကဆါယွၩအဂး ပကဘၪဖ့ၪအ့ၪအခံၫ့နီၪ ၥၭနၫ့ဘၪနးဂၩလဂ့ၩႇ နၥံၪကဘၪထုၪ့လၩ့ၥၭနီၪလီၫႉ ကဆါယွၩအဂး ပၥိၩ့ထၪ့အခံၫ့စွါဘဲၫ ပၥၭခံဖၧၩ့ဆၧဎွံၫကအီၪႇ ဆၧမုၬဆၧလၩကအီၪနီၪလီၫႉ အနီၪဂီၩနီၪ ပၥၭခံဖၧၩ့ ပကအီၪ ၡူၪၡူၪဘၩဘၩနီၪလီၫႉ လကၭဒ့ၪဘၪႇ ပဘၪထိးအီၪက့ၪပဲၩၥၭဒဲ…

ၦၡၩကနၩ့နၩ့လီၩဝ့ၫ ဂံၪ့ဒီၪ့ဘၪလၩ့ဖၭ ၈၀ယၩဒုၩနီၪ ဘၪထွ့ၫလၧ လအီၪဘၪဒၪဝ့ၫ အဂံၪ့အကၠီၩ့နီၪလီၫႉ ၦကွ့ၭလံၬဆရၫယီၩ စံၭဝ့ၫဒၪနီၪ ပထၪ့ၡါလၩ့ဖၩဂီၩ့ ပၧၩဒၪပၧၩအ့ၪမွဲပအီၪလန့ဘၪႇ ပကဘၪအၪ့န့မိဖါဘူၭထံး အဆၧမၩဆၧၩ့လဖၪႇ ပကဘၪအီၪလၧမိဖါအလၩဒုၩဖၫ့လၬႇ  အ့ၪမွဲပကဘၪဒိၭနဲၩပၥၭလၧအဝ့ၫၥံၪစွါဘဲၫ ပဂံၪ့ဒီၪ့ယီၩကဂၭဂီၩ့ခွံၬနီၪ ၁၀၀ယၩဒုၩလီၫစွါဘဲၫႉ

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ လဂၩဒဲလဂၩပကဘၪ ကၩ့ကၩဎိၭလၩ့လိၬၥၭ အဂဲးအကၠီၩ့နီၪလီၫႉ လဂၩဘၪလဂၩ ကၩ့ကၩဎိၭလၩ့လိၬၥၭ အီၪစွါဘဲၫႇ ပကကၧၩ့ထၪ့ ဆၧအဲၪဆၧကွံၩအဂး မွဲဝ့ၫ အရ့ၩဎိၩထုၬနီၪလီၫႉ လါနၫ့ႇ ၥၭဘၪ့ဒဲ ၦၥၭၡါၥံၪအကျၩ ဆၧလူဆၧချဲၩ့ မီၫ့ဎီၩ့လိၬၥၭအ့ၬနီၪလီၫႉ လဂၩဘၪလဂၩ ပကဘၪချဲၩ့ဒၧၫ့လိၬၥၭလၧ ဆၧယူၭယၪ့နီၪလီၫႉ လဂၩဘၪလဂၩ ပကဘၪဖ့ၪအ့ၪလိၬၥၭအခံၫ့နီၪလီၫႉ လကၭဒ့ၭဘၪ ပကဘၪမၩဖျီၪထၪ့လိၬၥၭ ဆၧအဲၪဆၧကွံၩအဂး ပကဘၪမၩန့အခံၫ့နီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧအယီၩနီၪ မွဲဝ့ၫဒၪ ယိဆၧၩ့ ၥုၪ့လၩ့ဘၪမၬနီၪလီၫႉ ၦကိၭဂၩ ပကဘၪထုၪ့လၩ့ၥၭ ဆၧကမံၩ့နီၪ အ့ၪပချဲၩ့လၧ ၦဂူၫဂၩ…