အီၪလၧ နၥံၪအဖိၪအနဲၩဘူၭဘူၭထံၭထံၭလီၫ
ပဂံၪ့ဒီၪ့အဂးနီၪ ပကဘၪအီၪကံၪထၬ အဂုထုၬလီၫႉ ပဖိၪၥံၪနီၪ ပအီၪကံၪဖ့ၪဆိၫ အဝ့ၫၥံၪ အဂုထုၬစွါဘဲၫ အဝ့ၫၥံၪကန့ဘၪ ဆၧမုၬဆၧလၩဒဲဆၧလၫ့ဆၧဎွ့ၩအၪမၬနီၪလီၫႉ 2004 နံၪ့ဒၪအိၩ လၧ Thailand အထံၪအခးဖၧၩ့ ဆရၪမူၪ အမူၪနၩ့ ၥီၪ့လိၪလံၬကဂၩနီၪ ဖုၫလၩ့လၧ တၨၭဖၫ့လၬနီၪလီၫႉ ဖိၪၥၪမုၪနီၪ ဎံၪလၩဂီၩ့ ဆၧကိၪ့ဘၪကိၪ့ၥံၪလၫ့ဎွၩနၬမၬလ့ၬႉ လါနၫ့ဖိၪၥၪမုၪနီၪ ဘၪနီၪလဲၪ ဘၪဖုၫလၩ့လၧတၨၭဖၫ့လၬနီၪ ၦၡၩလဖၪ ကမိၥံၪယၪကၠၭဝ့ၫႉအနီၪအခၪ ၦၡၩၥံၪ အၪ့စိၭအၪ့စၪ့ဆၧဂီၩ့ အၪ့ဎၬထဲၩ့ဝ့ၫအခၪ ဖိၪၥၪမုၪအမိအဖါနီၪ အီၪဎုၬကၠၧၫ့ကၠၧၫ့လၩ့အ့ၬ လၩ့ဖၭယယူၭႇ လကၭဒံၭဘၪ အမိအဖါနီၪ လၧအဝ့ၫ အဆံၭဆံၭဒံၭဒၪအိၩ ခွံၭၡိၭထၬအဝ့ၫႇ ဖိၪၥၪမုၪယီၩန့ဘၪ အမိအဖါ…
