RVA PWO KAREN

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ ဆၧၡူၪဆၧမုၬကန့အဂး ဆၧဘၩဆိၪဖၪဒဲ  ဖံၭဆၧမၩဆၧ ကဘၪအီၪ အဂဲးအကၠီၩ့နီၪလီၫႉ ပအီၪၥၭမၧၫ့ ဂၪ့ခိၪဖၧၩ့ကိၭနံၩနီၪ ပကဘၪအီၪလၧ ကၠဲၬလူကၠဲၬထၫႇ ပကဘၪနါဂၧၫ့ ကၠဲၬလူကၠဲၬထၫနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ ပကယိလၧ မုဆၫကနံၩယီၩနီၪစွါဘဲၫ ပဘၪနါဂၧၫ့ႇ ပဘၪဒၪ ဆၧမၩနၧၩ့မၩစၪ ဒဲ ဆၧဒူၭၥုၭထၪ့နီၪလီၫႉ ဆၧဒုၭၥုၭ အၪ့န့အလး အကၠီၩ့နီၪ ပဘၪဒၪဆၧၫ့ယၫႇ ပဘၪနါဂၧၫ့ဆၧလဂ့ၩဘၪ ကိၭနံၩနီၪလီၫႉ ဆၧနီၪအကၠီၩ့ ၦလၧအီၪဘၪ ဂ့ၩဂ့ၩဘၪဘၪ ကဒီၪ့နီၪ လ့ၩလၧ ၦဘၪထိးဆၧဒူၭဆၧၥံၪႇ ၦလၧဘၪအီၪဂူၫၥၭလၧ ၡိၭဖၧၩ့ၥံၪအီၪဂီၩ့ ဖ့ၪဂဲးဖ့ၪဘၭ…

နံၪ့၂၀၂၅နံၪ့ လၩယူၫ ၇-၈ၥၫ့နီၪ ၦမၩဆၧၩ့ၥၫထနၫဖၪထံၥံၪလဖၪ အဆၧဒၪဎိၭလၩ့အီၪဝ့ၫဒၪလၧ ကညင်သုံးဆင့် ဆၧအီၪကီၪ့နီၪလီၫႉ ၦလၧအလ့ၩခိၪလ့ၩနါအ့ၪအဝ့ၫၥံၪ ဆၧဒၪလၩ့ဎိၭနီၪ မွဲလၧ Fr.ရာဖာအဲလ်ဘုန်းနိုင်ဦးနီၪလီၫႉ အဝ့ၫၥံၪအဆၧဒၪလၩ့ဎိၭယီၩ မွဲလၧနံၪ့ဖိၭဖၫ့ဆၧဒၪလၩ့ဎိၭအကၠီၩ့ လၧအဖီၩ့ခွံၬလၩဎူၫဘံၪ့အထးဖၧၩ့ အဝ့ၫၥံၪအဆၧအီၪကီၪ့ဖၧၩ့ ဂဲၫထဲၩ့ဖီၪ့ထၪ့ဖံၭထၪ့ထၬ ဆၧဖံၭဆၧမၩလဖၪ အဆၧဂဲးဆါဘၭဆါဒဲ အဆၧဂဲးဆီၪ့ဘၭဆီၪ့အဂဲးလဖၪနီၪ ကၩ့ကၩဎိၭလၩ့ထဲၩ့လိၬၥၭနီၪလီၫႉ လကၭဘၪ လၧယၫခီၫဆ့အဝ့ၫၥံၪယီၩ ဘဲၫၥိၭကကဲၪထၪ့ ခရၧၫ့လၧအဂဲးဆီၪ့ဘၭဆီၪ့အဂးဆ့ အဝ့ၫၥံၪအဖၫ့ခိၪ ဆၧအီၪကီၪ့ယီၩယိလါဝ့ၫဒၪနီၪလီၫႉ လၧဆၧဒၪလၩ့ဎိၭကဘျၩ့ယီၩအဖၧၩ့ ဆၧအီၪကီၪ့ခ့ၫၡၩလဖၪ ဂဲၫထၪ့ဝ့ၫဒၪ ၂၇ဂၩဂီၩ့ ၦလၧအထိဆၧၫ့အဝ့ၫၥံၪလၧ ကညင်သုံးဆင့်ဆၧအီၪကီၪ့နီၪမွဲလၧ ၥၫ့ခၫဒိၪ Fr.မိုင်ကယ်ငွေဌေး အဂဲး ပန့ဘၪဆၧပရၧၫ့ဘဲၫယီၩအၥိၭနီၪလီၫႉ နးအဲၪဖီၫဘွၩ

နံၪ့၂၀၂၅နံၪ့ လၩယူၫ၈ၥၫ့နီၪ မွဲလၧ ၥၭမုဆံၫ့ဎံၪကဆါယွၩ အဘိၪ့မုနံၩအကၠီၩ့ ဆၧမၩလၩမၩဖၩ့အ့ၪ ဖိၪၥၪဆံၫ့ဎံၪလဖၪအဘိၪ့မုနံၩအီၪဝ့ၫဒၪလၧ ဇီၩ့တၩ့ဆၧအီၪကီၪ့နီၪလီၫႉ ၦလၧအလ့ၩခိၪလ့ၩနါအ့ၪ ဖိၪၥၪဆံၫ့ဎံၪဘိၪ့မုနံၩယီၩနီၪ မွဲလၧ Fr.ဆေရီဝင်းမောင်, Fr.ဖရန်စစ် ဒဲ Sr.အယ်နီ လဖၪနီၪလီၫႉ ၭ ဖိၪၥၪဆံၭဖိၪလဖၪအဆၧၥၭမၧၫ့နီၪ မွဲဆ့လၧၦဆိၬၥၫထနၫလဖၪဂီၩ့ အဝ့ၫၥံၪယီၩ လၧအဝ့ၫၥံၪအဆၧအၪ့ကံၩ့ဘၩဆိၪဖၪအဖၧၩ့ ဆိၬၥၫထနၫနီၪလီၫႉ လၧကနံၩနီၪအထးဖၧၩ့ ဖိၪၥၪဆံၭဖိၪၥံၪထီးလူၬ ဂဲၫထၪ့ဝ့ၫဒၪ ကအီၪဖိၭဘိၭ အဂၩ၁၅၀အဂဲး ပန့ဘၪဆၧပရၧၫ့ဘဲၫယီၩအၥိၭနီၪလီၫႉ

ကဆါဎြံၬ မၧၫ့ထၪ့ထဲၩ့ဂီၩ့ လၧဆၧလၩဖၩ့ဒဲ လ့ၩထၪ့လၧမူၭခိၪနီၪလီၫႉ ဆၧအဂဲးယီၩနီၪ မွဲဝ့ၫဒၪ ကဆါဎြံၬ ကဖ့ၪလၫ့အ့ၪပၧၩ ၥၭမုဆံၫ့ဎံၪအဂးနီၪလီၫႉ ကဆါဎြံၬ အၥီၪၥံၪလဖၪနီၪ စူၭကီၪ့ၥၭ အခံၫ့ ၥၭမုဆံၫ့ဎံၪနီၪဂဲၫလၩ့ဘဲၫၥိၭ လံၩနီၪလီၫႉ ၦလၧၥၭမဲၫဆၧၥံၪ ႇ ၦလၧဂဲးဘၭ လအီၪဘၪၥံၪအဂး ၥၭမုဆံၫ့ဎံၪနီၪ ဖ့ၪအ့ၪအဝ့ၫၥံၪ ဆၧအခိးအတၩနီၧလီၫႉ ဘဲၫနီၪအၥိၭ ႇ အၥီၪၥံၪလဖၪ ဒိၭန့ဘၪ ၥၭမုဆံၫ့ဎံၪ အခိးအတၩအကၠီၩ့နီၪ အဝ့ၫၥံၪ န့ထၪ့ဘၪ အခိးအတၩဂီၩ့ ကဖီၪ့ထၪ့ဖံၭထၪ့ဆၧမၩအဂး အဂဲးအဘၭအီၪနီၪလီၫႉ ၥၭမုဆံၫ့ဎံၪ ဖ့ၪအ့ၪပၧၩ ဆၧအခိးအတၩနီၪ မွဲဝ့ၫဒၪ ဆၧဖျါခွံၬ ဒဲ ဆၧၥ့ၪယၫနၫၥ့ၪနီၪလီၫႉ…

ထၧၫ့ဖုဝဲထံၩၥိၭထီးအလူၬၥံၪဧ့ႇ ဆၧလၧ ပတရါလၩ့ ဆၧပရၧၫ့နီၪ ဂၪ့ခိၪဖၧၩ့ ဆၧၡၪ့ဆၧနါအီၪကဒီၪ့နီၪ ကလၩ့မါခွံၬအဂးမွဲအ့ၬႇ မွဲဝ့ၫဒၪ ကဆါယွၩ အခိးအတၩ ကအီၪလၧ ပအီၪၥၭမၧၫ့ဖၧၩ့ႇ ကမၩလၩ့မၩဖၩ့ပၧၩနီၪလီၫႉ လကၭဒ့ၭဘၪ ကအၪ့လဲၩထၪ့ ပအီၪၥၭမၧၫ့ဂီၩ့ ပကဘၪမၩဆၧမၩလၧ  ကဆါယွၩ ထံၫခးအဂးနီၪလီၫႉ ဆၧနီၪအကၠီၩ့ ကဆါဎြံၬနၫ့ဆါ အီၪၥၭမၧၫ့ဖၧၩ့နီၪ အီၪအၪ့လၧ ဆၧၡၪ့ဆၧနါ ဒဲ ဆၧလလၧၫ့ဎွ့ၩဘၪနီၪလီၫႉ ဆၧလၧ ပတရါလၩ့ဆၧပရၧၫ့နီၪ မွဲဝ့ၫဒၪ ပမၩအ့ၪ ကဆါယွၩ အဆၧမၩနီၪလီၫႉ ၥၫထနၫဖိၪၥံၪႇ ဎြံၬဖိၪၥံၪ ႇ အဖုၫၥံၪလဖၪထီးလူၬဒဲ ၥၫ့ခိၪဒိၪၥံၪ မၩဆၧမၩ ကၠၧၫ့ကၠၧၫ့လၧ ဘၪလိၬအိၭလိၬ…

ဒီၪ ဒီၪပလူၬ ဒဲဒီၪဖုလၪ ကွ့ၭကဲၪ့ပ့ၫ (-ၪ) ကိၭကၠၪႇ ဎိၭဒီၪႇ ဒီၪနါႇ ဖိၪထၧၫ့ဒီၪႇ ဒီၪကိၭမံၩ့နီၪ အ့ၪဘၪကွ့ၭႇ ကွ့ၭန့ၫလၧ ကဲၪ့ဆံၭ (-ၪ) ကဲၪ့လၩ့(-ၫ) အလူလအီၪဘၪ ၦကွ့ၭဆၧၥ့ၪယၫႉ ၁ႉ ဒီၪ – ခေါက်သည်၊ စီသည်၊ ထပ်သည်။ ၂.ဒီၪပလူၬ – အကျီခေါက်သည်။ ၃. ဒီၪဖုလၫ – ကွမ်းရွက်စီသည်။

ဂဲၪထဲၩ့လၧဆၧမၩ ဖါကဂၩနီၪ ထဲၩ့ထီၩ့လၧအဂံၪ့အခံၪ့ အဖိၪခွၫအၪ့စၪ့ဆၧကမံၩ့နီၪလီၫႉ ဖါဖါယကအၪ့စၪ့နၩနးမံၩ့ အနီၪအခၪ အဖါလီၩထဲၩ့ အၪ့စၪ့ဘီၩဖိၪခွၫ ဖါဖါလ့ၩမၩဆၧမၩ ကနံၩနီၪထီးန့ဎွၩလဲၪႉ ဖါကဂၩလီၩထဲၩ့အဖိၪခွၫနီၪလီၫ အနီၪၦၡၩအဎိၩအဆၧမၩ ဘၪနီၪလဲၪနးဘၪအၪ့စၪ့ဆၧနီၪႉ ယမိၥံၪယၪနီၪဝ့ၫဖါဖါႉ ကနံၩနီၪန့ ကလါႉ အနီၪစွါဘဲၫ ဖ့ၪလၫ့ယၩ နးယဲထီၪဘဲၫႉ နမိမၩမန့လဲၪ နအီၪဖိၪၥၪအလးနီၪအီၪႉ ဖါကဂၩအဲၪလိၬအဖိၪခွၫနီၪလီၫႉ အဖိၪခွၫနီၪ အၥၭမုၬလၩ့အ့ၬ ဂီၩ့ ထဲၩ့လၧအလးမံၫနီၪလီၫႉ ဖါကဂၩအၪ့ဎၬထဲၩ့ဆၧဂီၩ့ ယၫ့ၥၭထဲၩ့အဖိၪနီၪလီၫႉ ဂီၩ့လ့ၩလၧ အဖိၪခွၫ အလးမံၪဂီၩ့ အဖိၪခွၫကမိမၩထီးနီၪ လၩ့ဖ့ၪလၫ့ဝ့ၫဒၪလီၫႉ အနီၪအခၪအဖိၪခွၫနီၪ ထုၬလၧအဝ့ၫစူၭထၬထီးနီၪဂီၩ့ ဖ့ၪလၫ့အဖါနီၪလီၫႉ ဖါဖါ ဖိၪခွၫအအီၪယီၩထီးအီၪ ကလါယူၭ ဖါဖါလ့ၩလၧဆၧမၩလဂ့ၩႉၥဲၪလၧဖိၪခွၫနးၥၪ့အီၪလၧအခွၫအနဲၩနးၥၪ့န့ဧၪဖါဖါႉ…

နံၪ့၂၀၂၅နံၪ့ လၩယူၫ၇ၥၫ့အဂၫလၩ့ ၇နၩရံၫခီၫအခံၫ့နီၪ ခးပယၩ့ထၧၫ့ဘံၪ့ယၫ ဆၧအီၪ ကီၪ့ဆရၫ ဆရၫမုၪ အဆၧမၩလိၪလးမိထုၪ့ အီၪဝ့ၫဒၪအလး ဝံးမၠီၩ့မၠၭနီၪ ဆရၫ ဆရၫမုၪၥံၪ အဂး၂၀၂၅-၂၀၂၆ဆၧမၩလိၪလံၬအနံၪ့ဝဲထၪ့ ဆၧထံၪလၩ့ဒီၪလၩ့အီၪဝ့ၫဒၪနီၪလီၫႉ ၦလၧအလ့ၩ ဝဲထၪ့အ့ၪ အဝ့ၫၥံၪ ဆၧမၩလိၪလံၬအနံၪ့နီၪ မွဲဝ့ၫဒၪ ၥၫ့ခိၪဒိၪ Henry မၩ့အဲၪချဲၫ့နီၪလီၫႉ   “ဆၧဝဲထၪ့ဆၧမၩလိၬလံၬအနံၪ့ယီၩ ပအီၪကၠၭဘၪ ဘယီၩနီၪ မွဲလၧယွၩ အခိးအတၩ လီၫႉ ဆၧအယီၩနီၪ မွဲပကဘၪထံၭလၩ့ထၬလၧပၥၭဖၧၩ့ကလိၪဝ့ၫဒၪနီၪလီၫႉ ဘဲၫနီၪအၥိၭ ကနံၪ့ယီၩနီၪ မွဲလၧယူၩဘလံၫအနံၪ့အကၠီၩ့ ပဒိၭန့ဘၪ ယူၩဘလံၫအဆၧဆိၪဂ့ၩဆိၪဘွၩ အနံၪ့ ကနံၪ့နီၪလီၫႉ ပဝ့ၫၥံၪလဖၪယီၩ ပဂဲၫထီၩ့စိၩလၧအလးထယီၩနီၪ…

နံၪ့၂၀၂၅နံၪ့ လၩယူၫ၇ၥၫ့နီၪ ၥၫ့ခိၪဒိၪHenryမၩ့အဲၪချံၫ့ ဝဲထၪ့အ့ၪ မိုင်းနားစင်မနာရီ (၂၀၂၅-၂၀၂၆)ဆၧမၩလိၪလံၬအနံၪ့ လၧဒိၩ့ပၥံၫ့ႇ မယၩ့ခၠီၩ့ႇ ယ့ၫၡူၬအၥၭဆံၫ့ဎံၫၥရိၬဖၧၩ့ႇ လၧမံဆၩဆၧလုထၪ့နီၪလီၫႉ လၧမံဆၩဆၧလုထၪ့အဖၧၩ့ ၥၫ့ခိၪဒိၪအဲၪချံၫ့ လီၩလၩ့လါလၩ့ဝ့ၫဒၪ “လၧပၥၭဆံၭဒံၭ အထီ ပၥီၪ့ဘၪလံၬနီၪ မွဲလၧဆၧဆိၪဂ့ၩဆိၪဘွၩကမံၩ့နီၪလီၫႉ ပၥီၪ့ဘၪလံၬအကၠီၩ့ ပဒိၭန့ဘၪ ယွၩအခိးအတၩအဂဲးပၥ့ၪယၫဘၪလီၫ. ဘဲၫနီၪအၥိၭ ယူၩဘလံၫအနံၪ့ယီၩ မွဲလၧဆၧဆိၪဂ့ၩ ဆိၪဘွၩအနံၪ့အကၠီၩ့ ကနံၪ့ယီၩဆၧမၩလိၪအနံၪ့ထၧၫ့နံၪ့ယၫအဖၧၩ့ ဘဲၫၥိၭနၥံၪကဒိၭန့ဘၪ ယွၩအဆၧဆိၪဂ့ၩဆိၪဘွၩအဂး နၥံၪကဘၪအၪ့ကံၩ့ဘၩဆိၪဖၪနီၪလီၫႉ လကၭဘၪ ကိမုဆဲၪ့ နံၩနီၪ မွဲလၧၥၭမုဆံၫ့ဎံၫကဆါယွၩအဘိၪ့မုနံၩအကၠီၩ့ ဘဲၫၥိၭၥၭမုဆံၫ့ဎံၫယွၩ အဆၧဖၩ့လၩ့ဘၪ လၧ ၦထံၩဖျဲၥံၪဒဲမိမၫရံၫအဖၫ့ခိၪဂီၩ့ အဝ့ၫၥံၪယီၩ အဂုအိၩကဘၪလီၩလၩ့လါလၩ့ ယွၩအလူ အထၫအဂး…

ထၧၫ့ဖုဝဲမုၪခွၫၥံၪဧ့ႇ ဂၪ့ခိၪနဲၩ့ဎီၩ့မုနံၩနီၪ ကိၭနံၪ့ဒ့ၭ ဂၪ့ခိၪထၧၫ့ဘံၪ့ယၫ မၩလၩ့မၩ့ဖၩ့ၡီၩ့ယံၫယါဝ့ၫလၧ လၩ JUNE 5 ၥၫ့နီၪလီၫႉ ဂၪ့ခိၪနဲၩ့ဎီၩ့မုနံၩယီၩ စၭထၪ့ မၩလၩမၩဖၩ့ၡီၩ့ထၪ့ဝ့ၫ ခီၫလၧ ၁၉၇၄နံၪ့အိၩယူၭနီၪလီၫႉ ဂၪ့ခိၪနဲၩ့ဎီၩ့မုနံၩယီၩ ဘဲၫကပဒၩ့ထၬနဲၩ့ဎီၩ့အဂး ဆၧဂဲၩ့ဝၭဒဲ ဂၪ့ခိၪထၧၫ့ ဘံၪ့ယၫ ကဂဲၫထၧၫ့ၥုၪ့ထၧၫ့ၥၭပၫဝ့ၫအဂး အရ့ၩဒိၪထုၬ ကုလၭၥၭမဂၭ အဆၧဖံၭဆၧမၩကမံၩ့နီၪလီၫႉ ခးအမ့ၫရံကၭ ခးစၧၩ့ကီၪ့ ခးခိၪဒိၪလံၩ လံဆံၫလံဂၩလဂၩမွဲဝ့ၫ အိၫဘၩမၩ လီၩထၬဝ့ၫ ကနံၩခိၭနီၪ ပဖိၪပလံၩၥံၪ ယိထၪ့ပၧၩဂီၩ့ ကအၪ့စၪ့ပၧၩႉ ဘၪထွ့ၫလၧ ခိဆၧၩ့ချံၫ့အၪ့လဲၩ့ထၪ့အၥၭနီၪ မပမၩထၪ့ထၬ ဎွ့ပၥ့ၪလဲၪႉ ပအီၪက့ၪထးအ့ၪအဝ့ၫၥံၪ နဲၩ့ဎီၩ့အဆံၫ့ဖျ့ၪဒဲ အီၪလၧဆၧဒူၩယးဂီၩ့…