RVA PWO KAREN

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩဖရၫ့စ့ၭ  အဆၧၥီၪ့ဆၧၥၫ့နီၪမွဲဝ့ၫဒၪ ကဆါယွၩ အဆၧအဲၪဆၧကွံၩဖၧၩ့ ဆၧမ့ၬမဲ လပၪဘၪ အဂဲးအကၠီၩ့နီၪလီၫႉ ၦၡၩလနၩ့နၩ့နီၪ မၩနီၧၩ့ခၪ့ဖျီၪ ဆၧမ့ၬမဲ လန့ဘၪ အီၪအၪမၬဒ့ၭနီၪလီၫႉ ဆၧလၧ ဆၧမ့ၬမဲနီၪ ကဲၪထၪ့အဖျီၩ့ဘဲၫၥ့ၪလဲၪစွါဘဲၫႇ ပမၩဆၧဘၪမၪနီၪအကၠီၩ့ ပၥၭခံဖၧၩ့ ဆၧမုၬဆၧလၩ အီၪအ့ၬႇ ၥုၪ့အုၭၥၭအုၭ ကဲၪထၪ့နီၪလီၫႉ ပမၩဆၧဘၪမၪနီၪအကၠီၩ့ႇ ဆၧမ့ၬမဲ ကဲၪထၪ့နီၪ မွဲဝ့ၫဒၪအဂ့ၩနီၪလီၫႉ လါနၫ့ႇ ပလကြၨၭ ထုၬဆၧၫ့ဘၪ ဆၧမ့ၬမဲ စၧၩ့ထၬပၧၩနီၪလီၫႉ ဘၪမနီၪလဲၪစွါဘဲၫႇ ကဆါယွၩနီၪ ဂၪ့ခိၪဖိၪၥံၪအဂး မ့ၬမဲ ဆၧနးမံၩ့အ့ၬနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ…

ခးပယၩ့ၥၫ့ခိၪဒိၪ ဘာဆီလျိုအားသိုက် ဆၫ့ထွ့ၫဘၪ ၦဆူနဲၩဖိၪၥံၪ ဘဲၫနးၥၭဂဲးဘၭ ကန့ အဂး ကြၨၭဖီကၠၭလံၬဆံၫ့ဎံၪအဂဲးနီၪလီၫႉ လၩစဲၭတံၫ့ဘၧၫ ၂၈ၥၫ့ ယ့ၫၡူၭအၥၭဆံၫ့ဎံၪဆၧအီၪကီၪ့ မှော်ဘီဝံး ၦၡၩမၩလၩမၩဖၩ့ လံၬဆံၫ့ဎံၪဘိၪ့မုနံၩဖၧၩ့ အဝ့ၫယီၩ ဆၫ့ထွ့ၫဘၪ ၦဆူနဲၩဖိၪၥံၪနီၪလီၫႉ “ဘဲၫနနးၥၭဂဲးဘၭကန့အဂးနီၪ ဖီလံၬဆံၫ့ဎံၪလါဆံၭ” အဂဲး လံၬဆံၫ့ဎံၪၦမၩဆၧဖိၪခရၧၫ့ ခိၪနါဒိၪလဂၩမွဲဝ့ၫ ၥၫ့ခိၪဒိၪဘာဆီလျိုနီၪ စံၭဝ့ၫဘဲၫနီၪလီၫႉ လကၭဘၪ လံၬဆံၫ့ဎံၫနီၪ ခိၭနၪလၧနါႇ ဖီလၧပမ့ၬၥၪႇ ဖီလၧဆၧထိၪတွၭအၪ့ဎၬ ဒဲ ဖီလၧ ၥုၪ့ၥၭအဂးဆ့ အဝ့ၫယီၩ ဖံၭၥိၭဘၪ ၦဆူနဲၩဖိၪၥံၪနီၪလီၫႉ တောင်ကြီးကၭၥလံၬဆၧအီၪကီၪ့ ၥၫ့ခိၪဒိၪနးဆ့ “လံၬဆံၫ့ဎံၪနီၪ မၩဂုးခၧၫ့ပဆၧဆူနဲၩန့ အဂဲးႇ…

  စီၩ့ဒိၪစဲၭဒူၭလဖၪနီၪ ထုၬထၪ့ အစုၪ့အီၪဝ့ၫဒၪ ခွံၬၡိၬဆၧဘံၪၥိၭအအၪထုၬလီၫႉ ဘဲၫစဲၭဒူၭလဖၪၥံၪယီၩ အၪထၪ့အၥိၭ ဆၧဘံၪၥိၭၥံၪလဖၪနးဆ့ မွဲအၪထၪ့ဆ့လီၫႉ လၧလထီၩ့စိၩဒံၭဘၪ နံၪ့ ၁၉၇၀ အထီအိၩနီၪ ဆၧဘံၪၥိၭလဖၪနီၪ ထံၭပိၫ့ထၬဝ့ၫဒၪလၧ ဖံၭဖၫ့ခိၪလီၫႉ ဘဲၫၥိၭလဘၪထံၭဘၪဆၫဘၪ နဲၩ့ဎီၩ့အဂးနီၪ မွဲဆၧပဒၩ့ထၬဆၧ လအီၪဘၪနးမံၩ့လီၫႉ အခံၫ့အထီနီၪ ဘၪထွ့ၫလၧ ဆၧဘံၪၥိၭဘံၪမၠၭ ပကဘၪလီၩ့ဖိၬထွ့ၫ ၥနိၫလဖၪ အီၪဝ့ၫၡၩခိၭလီၫႉ ဘၪန့လဲၪစွါဘဲၫ ဆၧဘံၪၥိၭလဖၪ ဆၧလၩ့အၪ့ယိၫအီၪဝ့ၫဎွ့ပၥ့ၪလဲၪ လၥ့ၪယၫဒံၭဘၪဝ့ၫအကၠီၩ့နီၪလီၫႉ             အထီဘဲၫယီၩ ထံၫခးလနၩ့နၩ့ ဘၪထွ့ၫလၧဆၧဘံၪၥိၭလဖၪ ၦၡၩခွံၬၡိၬထၬအလးနီၪ လီၩ့ဎွါအၪ့ယိထဲၩ့ဝ့ၫ အခၫ လၧခးအမ့ၫရံကၭနီၪ အစုၪ့ကဲၪ့ထၪ့န့ ဆၧဘံၪၥိၭလဖၪ ခွံၬၡိၬထၬဝ့ၫဒၪ…

ၦမၩဆံၬဖိၪၥံၪ ဖိၬလိၬထၬ ဆၧလးအနိၪ့လံခီၫဂီၩ့ လဲၩမွံၩထၬဖံၭလၧ ထံၫနီၪ ထံၭလၩ့ဝ့ၫလၧ ဆၧလးအနိၫ့လံခီၫဖၧၩ့နီၪလီၫႉ ဆၧလးအနိၫ့လံခီၫနီၪ ကအီၪဝ့ၫနံၫဖျါဝၩ့လံနိၪ့လီၫႉ ဆၧလးအနိၫ့ လံခီၫ ကဘံၪ့ကဘံၪ့အတၫ့နီၪ ကအီၪဖိၭဘိၭ စူၪထီၩ့ဒူၪလီၫႉ ဂီၩ့ အဝ့ၫၥံၪအဘုၪချံၫနီၪ ဎွံၪလၩ့မၩမၧၫ့ လၫ့ဂုဝ့ၫလၧ ဖိၬလိၬထၬဖံၭ ဆၧလးအနိၫ့လံခီၫဖၧၩ့နီၪလီၫႉ အထီဘဲၫယီၩ ထီၩ့လၧ ၥ့ၪဘၪပီၩ့ညၫထီ အကၠီၩ့နီၪတၭ ဘုၪမုမွဲဂ့ၩ ဘုၪဖီၫမွဲဂ့ၩ ဘုၪၥၪမွဲဂ့ၩ ကဂ့ၩထၪ့အဂး ၦကိၪ့ဘၪကိၪ့ၥ့ၪၥံၪမၩဝ့ၫၥ့ၪအမံၩ့မံၩ့လီၫႉ ဂီၩ့ဘုၪၥၪၡါထၪ့ မံၫ့ထၪ့ဘၪ ကူၭအခံၫ့ ဘၪနီၪတၭ  ၦမၩဆံၬဖိၪၥံၪ ဘၪကူၭဘုၪကဘျၩ့ဒီၭလီၫႉ ကနၩ့နၩ့ ဘိၩ့ယီၩ ဘုၪၥၪအၥံၪ့နီၪ ကူၭဝ့ၫဂီၩ့ မၩလၩ့ဎွံၫဝ့ၫလၧစဲၬနီၪလီၫႉ…

လၧဖျိၩ့ဖျိၩ့အိၩ ၦမၩဆံၬဖိၪၥံၪနီၪ ဆ့ၬဆၧ လၧချီ လဖၪလီၫႉ ဘဲၫယီၩ ၦမၩဆံၬဖိၪၥံၪနီၪ ဆံၬဆၧလၧ စဲၬ ကနၩ့နၩ့ယူၭလီၫႉ အဝ့ၫၥ့ၪနီၪ နၫ့စဲၬ ဆံၬဘိၪ့လၫ့ဖံၭလဖၪလီၫႉ ပမိစီၪနီၪ ပမၩဆံၭဖိၪလဖၪ  ထၪ့ထီၫကဆံၭကခ့ၭလီၫႉ လါနၫ့ဂ့ၩ ဆံၬဆၭၥံၪကိၭဂၩနီၪ ထၪ့ထီၫလန့ဒံၭဘၪ အၪမၬလီၫႉ ကနၩ့နၩ့ ဘၪအၪ့မၧၫ့ဒၪ ချီးဘိၩ့ဒံၭ မွဲအ့ၬဧၪႉ လါနၫ့ဂ့ၩ ဘဲၫၥိၭပမၩဆံၬဖိၪၥံၪ ၥုၪ့လၩ့ဖျၭဘုၪအလးကိၭစီၪ့ဧၪႉ မွဲအ့ၬႉ ၦဖျိၩ့လၧအီၪ ခိၪလီၩ့ဖၪ့ခိၪလဖၪနီၪ ၥုၪ့လၩ့ဘုၪ့လၧ ဆ့ၭၥုၪ့လၩ့ဝ့ၫလၧနိၪစူၩနီၪလီၫႉ နိၪစူၩခိၪထိနီၪ ဘုၪမုဖိၪထံၭလၫ့ဝ့ၫဂီၩ့ ဂိၬလၩ့ၥုၪ့ဝ့ၫလၧ ဖံၭဖၧၩ့လီၫႉ ဘိၩ့ယီၩ စဲၬဆၧမၩထၪ့ဖျီၪ့ထီ  ထီၩ့ယူၭနီၪတၭ လၧထံၫယဲၩ့ခးယဲၩလဖၪအိၩနီၪ…

ထၧၫ့ဖုဝဲမုၪခွၫၥံၪဧ့ နံၩလၧအမုၬနဲၪႉ မုကနွ့ၫယီၩ လၧချံၫ့မုၬၡူၪဘၩနဲၩ့ဎီၩ့အဎံၫလၩအဖၧၩ့ ယမိဆုးအၪ့နၩ့လီၩ့ဖ့ၪနဲၪအ့ၪဘၪနၥံၪ လၧအဖီၩ့ခွံၬမုနွံၫဒံၭဒၪအိၩ ယလီၩထၬဘၪ ဂၫ့လၪလဖၪ ဂ့ၩဒိၪလၧၦၡၩအဂံၪ့အခိၪအဒီၪ့အဂးဒဲ မွဲပခးပယၩ့အဆၧဆၧးဎံၫဆၧးလၩဒံၭ ဎွ့ၩယီၩလီၫဧၪ ကၭဒံၭအ့ၬႉ လၧဂၫ့အထံၭလီၩ့န့ဝ့ၫဒၪ ဂၫ့ၥၪနီၪ မွဲပအၪ့န့ဝ့ၫဒၪ ဆၧအၥၪကမံၩ့လီၫႉ ဆၧလၧဂၫ့ၥၪနီၪ မိမီၪ့ဎီၩ့ဒၪလၧ ထၫ့ၥၪ အဝ့ၫနီၪ ဆၧၫ့ဝ့ၫအရါၥၪအီၪဝ့ၫဒၪလီၫႉ ဆၧလၧဂၫ့နီၪ မွဲပဒိၭအီၩ့အထံၫန့ဆ့နီၪလီၫႉ ဘဲၫဂၫ့ထံၫကန့အဂး ဂၫ့လၪအထိဖီၫနီၪ ပကဘၪယဲအ့ၪကိၭနံၩႉ ဂၫ့ၥၪလဂဲၫၡါလၪ့ဒံၭဘၪနီၪ ဂၫ့လၪထိနီၪ ပကဘၪၥွၪထ့ၬလၧဎ့ၬဂီၩ့ ပကဘၪဒိၭထၬလၧ ဝၪဖီၩ့နီၪလီၫႉ ဂၫ့အထံၫလဖၪ ကဂဲၫထဲၩ့လၩ့လၧ ဝၪဖီၩ့ဖၧၩ့ ကဆံၭကဆံၭနီၪလီၫႉ ဆၧဂဲၫဖၩ့လၫ့ၥၫ့ ဂၫ့ထံၫအရါၥၪနီၪ ကဆၧၫ့ဝ့ၫဒၪ ဒိၪမၬလီၫႉ အ့ၪပကဒိၭလၧ…

ဆၧလၧဂၫ့လၫနီၪ ဂဲၫမၧၫ့ထၪ့ဝ့ၫဒၪလၧ ပၫ့လဲၫထံၫထီၩ့ဝ့ၫဒၪအလးအကျဲၩ့လဖၪနီၪလီၫႉ လၧပထံၫထၪကျိၩ့ဖၧၩ့ယီၩ ပကဒၪဘၪ ဎံၫလၩဝ့ၫဒၪ ဂၫ့လၫအၪမၬဒဲ မွဲဘုၪ့အၥိၭ ဂၪ့လၫစဲၪ့ထၪ့ဝ့ၫဒၪအလးနီၪလီၫႉ အဝ့ၫၥံၪနီၪ အၪဒၪဆၧ မၧၫ့ထၪ့ဝ့ၫဒၪလၧ ဘံၩနဲၩ့ထံၭ ထံၫဖိၪနဲၩ့ထံၭၥံၪနီၪလီၫႉ             ဆၧလၧဂၫ့လၫနီၪ အၪဒၪဆၧ ၦၡၩၥ့ၪယၫထၬလၧ ပဒၩ့ထၬ ဆၧခိ ဆၧဆၧၩ့အဂး ကၥိၭဂံၪ့အခိၪအဂးနီၪလီၫႉ  ဂၫ့လၫနီၪ ဂံၪ့အခိၪအဒီၪ့အဂး ဖံၫဖူၫၥံၪဂဲၫထဲၩ့ၥိၩ့ထၪ့ခီၫလၧ ဖျိၩ့ဖျိၩ့အိၩလါနၫ့ဂ့ၩ ၦၡၩၥိၩ့ထၪ့ဒၪဆၧဒံၭ ထီးမုဆၫကနံၩယီၩဒံၭနီၪလီၫႉ ဂၫ့လၧအအဲၪဒိၭထံၫဂၫ့လနၩ့နၩ့နီၪ ထိးဝ့ၫဒၪ ၥၧၫ့နံၪ့ လံနံၪ့ ၥံၭလအၪ့ လၧဂၭဂီၩ့ဘၪဒဲ လနၩ့နၩ့နီၪ ပကဒၪဘၪ ကနံၪ့အဖၧၩ့ ၥံၭအၪ့ အိၪလၩ့ကျၪလၩ့နီၪလီၫႉ ကဲၪထၪ့ဘဲၫယီၩၥိၭနီၪ…

လၧခးပယၩ့အဖၧၩ့ အရ့ၩဒိၪပၪ့လဲၪနဲၩ့လးကျဲၩ့လဖၪမွဲဝ့ၫ ရခဲၫ့ႇ အ့ၫယၫဝတံၫဒဲ တန့ၫလၫရံၫလးကျဲၩ့လဖၪ ၥံၪ့လမူၭၥံၪ ဂဲၫမၧၫ့ထၪ့ဝ့ၫဒၪလီၫႉ လၧခီၩ့ခီၩ့အိၩ ၥံၪ့လမူၭလဖၪ အီၪဝ့ၫအၪမၬအလးအၪဒၪဆၧနီၪ အထီဘဲၫယီၩ အီၪထးဒၪမွဲ ၦၡၩဖ့ၬထၬအလးနီၪလီၫႉ အနီၭအဖၧၩ့ လၧပထံၫထၪကျိၩ့လးကျဲၩ့ဖၧၩ့ ၥံၪ့လမူၭလဖၪ မွဲပၫဆ့နီၪလီၫႉ ဆၧလးကျဲၩ့ယီၩ မွဲခးပယၩ့ဖၧၩ့ ၦခမျၧးၥံၪအီၪအၪဝ့ၫဒၪအလးကပၫဒဲ အထီဘဲၫယီၩ ၥံၪ့လမူၭ ဂၭဂီၩ့ဆိၫ့ဂီၩ့ခွံၬဝ့ၫဒၪ ကအီၪ ၈၀ ယၩဒူၩယူၭနီၪလီၫႉ             လၧထံၫထၪကျိၩ့ခးဒီၪ့လးဝၩ့ဖၭဒိၪယီၩ မွဲထံၫလမူၭအီၪထၬဝဲၩ့အလး လၩ့ဘူၭ ယၩဒူၩ ၁၀၀ နီၪလီၫႉ နံၪ့ ၁၉၄၇နံၪ့ ဆၧထုၬထၪ့ ၦလၧအဘၪပၧၩ့ၥံၪ့လမူၭလးကျဲၩ့လဖၪ လီၩ့ထၬဝ့ၫ မွဲဘီၪၥံၪလဖၪ အီၪလၧၥံၪ့လမူၭကျၩအကၠီၩ့…