ဆၧအၪ့စၪ့ဘၪဆဲၫ့ယ့ၫၡုၬအဆၧစီၩ့ဆၧမၩ့. (စမၫကၨၭ(၁၁:၂၇-၃၃))
ဆၧအၪ့စၪ့ဘၪဆဲၫ့ယ့ၫၡုၬအဆၧစီၩ့ဆၧမၩ့.
အဝ့ၫၥံၪဂဲၫထီၩ့ဒီၭဝ့ၫလၧယရုစလံၫ့လီၫ. အဝ့ၫဒၪ စဲၪ့လဲးလီၩ့ဝ့ၫ လၧဆၧလုအဂံၪ့ဖၧၩ့အဘိၩ့ဘၭနီၪ, ၦလုဆၧအဒိၪၥံၪ ဒဲၦကွ့ၭလံၬၥံၪဒဲၦၥုၪ့က့ၭၥၭၡါၥံၪ ဂဲၫလၧအအီၪတၭ, အၪ့စၪ့ဝ့ၫ, မွဲနမၩဆၧယီၩလဖၪ လၧပလၫအစီၩ့အမၩ့လဂၩလဲၪ. ဘဲၫၥိၭနမိမၩဆၧယီၩလဖၪတၭ, မွဲပလၫဖ့ၪလၫ့ နစီၩ့နမၩ့ယီၩလဂၩလဲၪ. ယ့ၫၡုၬချဲၩ့ဆၧၫ့ဆၧတၭ, စံၭဝ့ၫ, ယမိအၪ့စၪ့နၥံၪ ဆၧနးမံၩ့ဆ့လီၫ. လီၩဘၪယၧၩတၭ, ယမၩဆၧယီၩလဖၪ လၧပလၫအစီၩ့အမၩ့လဂၩလဲၪနီၪ, ယမိလီၩဘၪနၥံၪဆ့လီၫ. စယီဟၫ့အဘၭတံၫဇၫ့နီၪ, မွဲအဂဲၫလၧမူၭခိၪလခီၫ, မွဲအဂဲၫလၧၦၡၩလခီၫလဲၪ. လီၩဘၪယၧၩနးထံၪဆံၭ. အဝ့ၫၥံၪကိၪ့ထၪ့လိၬအၥၭတၭ, စံၭဝ့ၫဒၪ, ပအ့ၪစံၭလၧမူၭခိၪနီၪ, အဝ့ၫမိစံၭပၧၩ, အ့ၪမွဲဘဲၫနီၪတၭ, မွဲဘၪနီၫလၧနၥံၪလနဲၩဘၪလဲၪ. မွဲလါနၫ့တၭ, ပအ့ၪစံၭလၧၦၡၩနီၪ ပၥၭမဲၪၦခမျၧးလီၫ. အဂဲးဘဲၫယီၩ ၦထီးအလူၬအီၪက့ၪစယီဟၫ့လၧမီၪလၩ့ထံးလၩ့ဆ့ၭလီၫ.- အဝ့ၫၥံၪချဲၩ့ဆၧၫ့ဆၧတၭ, စံၭယ့ၫၡုၬ, ပၥ့ၪယၫအ့ၬ. ယ့ၫၡုၬချဲၩ့ဆၧၫ့ဆၧတၭ, စံၭအဝ့ၫၥံၪ, ယဝ့ၫဒၪယီၩ, ယမၩဆၧလဖၪယီၩ လၧပလၫအစီၩ့အမၩ့လဂၩလဲၪနီၪ, ယလီၩဘၪနၥံၪဆ့အ့ၬ.
