RVA PWO KAREN

၆ႉ ဆၧအွံၪၥၭဆၧၩ့ဆၧ ဆၧအွံၪၥၭဆၧၩ့ယီၩ အ့ၪပလီၩနီၪယီၫလါနၫ့ ပကမၩထၪ့အဂးနီၪ မွဲကၪဂဲၩဝ့ၫအၪမၬလီၫႉ လါနၫ့ လၧဆၧအဲၪတၩ့ဖၧၩ့ၥၭထၧၫ့ဖျီၩ့ယၫအဖၧၩ့ ဘၪဂဲၫထဲၩ့ဒၪဆၧကၪဆၧဂဲၩ ဆၧဂ့ၩဆၧအၧၩ့ကိၭမံၩ့အဖၫ့ခိၪ အွံၪၥၭဆၧၩ့ဝ့ၫဂီၩ့ ကဂၩဒဲကဂၩ ၥၭလလၩ့ဖၭဘၪဒဲ ထဲၩ့မၩထၪ့ဆၧဖံၭဆၧမၩလၧအခိးအတၩအီၪလဖၪန့ဝ့ၫဒၪထၧၫ့အထုၬစွါဘဲၫ အယီၩနီၪမွဲၦမၩဎွ့ၩပၩရမံၫလဖၪ အၥုၪ့အၥၭနီၪလီၫႉ ၇ႉ အဆၧအုၩ့လၩ့ဂုးခၧၫ့ ပၩရမံၫ ဆၧဖံၭဆၧမၩနီၪ မၩထၪ့ဝ့ၫ တီၩတီၩလီၩ့လီၩ့လီၫႉ ဎွ့ၩမၩဝ့ၫန့နီၪ မၩထၪ့ဝ့ၫလီၫႉ အဝ့ၫမၩလန့ဘၪအဂး ချဲၩ့ဎိၩအနိၭလအီၪဘၪဒဲ လီၩ့ဖ့ၪလၫ့ပျီၩၦဂူၫဂၩဆၧယိလါဧၪအ့ၬႉ ဘဲၫအဝ့ၫမၩန့အၥိၭအဝ့ၫယီၩလီၩဝ့ၫဒၪ မၩဝ့ၫဒၪ တီၩတီၩလီၩ့လီၩ့လီၫႉ ၈ႉ ဆၧခွံၬလၩ့ၥၭ ဂုးခၧၫ့ဝ့ၫဒၪ ပလီၩထၬလၧပကဖ့ၪလၫ့နီၪ ပကဘၪဖ့ၪလၫ့ႇ ပမၩအ့ၪလန့ဘၪဆၧအဂဲးကမံၩ့အဖၫ့ခိၪ ပကဘၪချဲၩ့ပဒၩ့ဂ့ၩဂ့ၩဘၪဘၪ ဘဲၫအဝ့ၫကအီၪအၪ့ဘၪဂ့ၩဂ့ၩအဂး ပမၩထၪ့အ့ၪကန့နီၪ ပခွံၬလၩ့ထၬပၥၭ…

ထၧၫ့ဖုဝဲၥံၪဧ့ လၧပဆၧၥၭမၧၫ့မုကိၭနံၩဒ့ၭအဖၧၩ့ မွဲပကဒၪဘၪၦၡၩအၪမံၩ့အၪမၠိၩ့နီၪလီၫႉ ပကဒၪဘၪ ၦၡၩအၥုၪ့ဂ့ၩၥၭဘွၩအီၪလဖၪႇ ၦၡၩအယၪ့ၥၭဆၧၥ့ၪလဖၪႇ ၦၡၩအစီၪဒီၩ့ဘၪဎီၩ့ဆၧၥ့ၪလဖၪႇ ၦၡၩလၧအၥုၪ့အၥၭ လၩ့အုၪလၩ့အီၩ့လဖၪႇ ၦၡၩလၧအမ့ၬလဲၩ့ၥၭဂဲၫ့ဆၧလဖၪႇ ဒဲ ၦၡၩလၧကမိမၩနၧၩ့မၩစၪဆၧလဖၪနီၪလီၫႉ ၦၡၩကနၩ့နၩ့ လၧအဝ့ၫၥံၪအဆၧကိၪ့ဘၪကိၪ့ၥ့ၪအဖၫ့ခိၪ အၪ့န့အခွးအယၬဂီၩ့ အ့ၪၦၡၩအဆၧကိၪ့ဘၪ ကိၪ့ၥ့ၪလအီၪဘၪခိၭအဝ့ၫၥံၪစွါဘဲၫ စီၪဆံၭဝ့ၫဒၪႇ ၦၡၩကနၩ့နၩ့ဒီၭ အီၩၥံၭထံၫဂၬထံၫ အ့ၪမၧၩ့လၫ့စွါဘဲၫ နၪၦၡၩၥ့ၪ လၧၩ့အ့ၬ ဘၪထံၭဘၪနဲၪ့လိၬၥၭ အစူၪပၫခၪ့ပၫလၧၦၡၩအဖၫ့ခိၪႇ ၦၡၩကနၩ့နၩ့ဒီၭ ကဲၪဒိၪကဲၪမုအကၠီၩ့ ၦၡၪ့ဖိၪယၬ ဖိၪၥံၪစွါဘဲၫ စီၪဝ့ၫလၧၦၡၩအ့ၬႉ ၦၡၩဘဲၫယီၩၥိၭလဖၪ လၧပနဲၩ့ပဎီၩ့ဖၧၩ့ မွဲပကဒၪဘၪ ကဘျၩ့လမွဲဘၪကဘျၩ့နီၪ လီၫႉ ဘၪထွ့ၫလၧၦၡၩဘဲၫယီၩၥိၭလဖၪအဂး ၦကွ့ၭလံၬဆရၫ ဆရၫအီၫ့ၥ့ၩစံၭဝ့ၫဒၪနီၪ ၦၡၩကဂၩနီၪ အီၩဂၬထံၫ…

ထၧၫ့ဖုဝဲၥံၪဧ့ ပမိကဲၪနီၪကဲၪထၪ့အ့ၬ ပလမိကဲၪဘၪလဖၪနီၪ ကဲၪထၪ့ဒၪလူၬ ထီးၥုၪ့ၥၭလၩ့ဆါဘၪလဂ့ၩႉ အ့ၪပအီၪၥ့ၪနီၪ လၩ့မံၪ့ၥုၪ့မံၪ့ၥၭလီၫႉ ပကဲၪၡၩအဆၧၥၭမၧၫ့ယီၩ ပဘၪဂၪ့ခီၫ ပဘၪနံခီၫလါနၫ့ အီၪမၧၫ့နၥၭလၧ ဆၧမုၬလၩၥၭဎွံၪအဖၧၩ့နီၪဆံၭႉ ယဆၧၥၭမၧၫ့ယီၩ ဘၪအၧၩ့ၥၫ့ထဲနီၪ ဂၪ့အံၪဂၪ့အူၭဘဲၫယီၩအၥိၭလဂ့ၩႉ ဂၪ့ခိၪချိၫ့အလး လခဲၫ့ကကဲၩ့ဖၧၩ့ ၦၡၩအဆၧၥၭမၧၫ့ အၧၩ့ၥၫ့နၬန့ပၧၩအီၪဝ့ၫဒၪအၪမၬအဂဲး အီၪနၪ့ထၪ့လါဆံၭႉ ပဘၪအီၪလၩ့စဲၪပၧၩလဂၩဎးလီၫအကၠီၩ့ ထီးၥုၪ့ဆံၭၥၭဆံၭဘၪလဂ့ၩႉ လၧပနဲၩ့ထံၭ အ့ၪၦၡၩလအီၪဘၪနးဂၩဆ့ ပကဘၪမၩပထံၩပၥိၭလၧ ဆၧအဲၪဆၧကွံၩဂီၩ့ ပကဘၪအီၪမၧၫ့ပၥၭနီၪလီၫႉ ပဆၧၥၭမၧၫ့ဖၧၩ့ ဆၧကိၭမံၩ့နီၪလအီၪဘၪဘၪလါနၪ့ မံၫဆိၭမံၫခံၫ့ဘၪလဂ့ၩႉ ဆၧၥၭမၧၫ့ကမံၩ့နီၪ ဘဲၫပမိကဲၪ အၥိၭ ပကဲၪထၪ့မွဲန့အ့ၬနီၪႉ ဆၧနီၪအကၠီၩ့ ထိးစၪခွံၬပဆၧၥၭမၧၫ့နီၪ နးဆိၬလဂ့ၩႉ ဆၧၥၭမၧၫ့ကမံၩ့နီၪ မွဲပကဘၪ ထိးစၪခွံၬအဂးအ့ၬဘီၪႉ

ဂံၪ့ဒီၪ့အခိၪအနါဝၩလဂၩကဘၪမၩအမူၩဒၩနီၪ မွဲဝ့ၫဒၪလၧဆၧအဂဲး ( ၈ ) ထုၪယီၩနီၪလီၫႉ  ဂံၪ့ဒီၪခိၪနါဝၩလဖၪနီၪ အ့ၪမၩဆၧမၩအခၪ ကဘၪမၩဝ့ၫဂုးဂုးခၧၫ့ခၧၫ့နီၪလီၫႉ  ကဘၪၥ့ၪယၪနၪၥ့ၪ မၩဆိၫ့မၩပျီၩဆၧနီၪလီၫႉ  အဝ့ၫအဂံၪ့ဒီၪ့အဂး ကဘၪဖ့ၪလၫ့အ့ၪဝ့ၫအခံၪ့နီၪလီၫႉ  အီၩ့ၥံၭထံၫဂၬထံၫဘၪလဂ့ၩမၩဆၧအၪ့ထၩဆၧဘၪလဂ့ၩဆၧမုၬဆၧလၩနီၪ အ့ၪပဂၭဎ့ၭန့လဖၪနီၪ ပကဘၪဂၭဎ့ၭလီၫႉ  အခံၪ့အ့ၪန့စွါဘဲၫဖ့ၪလၫ့ဘၪဖိၪမုၪဖိၪခွၫၥ့ၪၥုၪ့လၧၩ့ၥၭလၧၩ့ဂီၩ့ၥီၪ့ချဲၩ့ဖိၪဖိၪခွၫၥ့ၪနီၪလီၫႉ  ပကဘၪယူၭယၪ့ ပမၫနီၪလီၫႉ အ့ၪပယူၭယၪ့ပမၫမၬ ၦဂူၪဂၩကယူၭယၪ့ပမၫနီၪလီၫႉ  အ့ၪပမၩဆၧမၩ လမုၭဘၪအခံၪ့ ဆၧမၩဂဲးဆၪ့လၩ့အကၠီၩ့ ထဲၩ့ဖီးဖၭဘၪလၧဂံၪ့လဂ့ၩႉ  ပချဲၩ့လၧပမၫအခၪ ချဲၩ့ဘၪဆၧချဲၩ့အအၧၩ့အၥၫ့လဂ့ၩႉ မၩနၧၩ့မၩဆၪဘၪပမၪလဂ့ၩႉ  ဂံၪ့ဒီၪအခိၪအနါဝၩလဂၩနီၪ မွဲဝ့ၫဒၪလၧ အမၫအဂးအဂဲးအဘၭ…

ဂံၪ့ဒီၪ့ကဖျိၪ့ဖၧၩ့ ဂံၪ့ဆါမုၪလဂၩနီၪ အဖိၪမုၪဖိၪခွၫ လ့ၩဖၧၩ့ၥၭကတီၩ့လီၩ့အဂး ကဘၪၥီၪ့ချဲၩ့ဝ့ၫနီၪလီၫႉဂံၪ့ဆါမုၪနီၪၥနိၫ့ကဘၪအီၪလီၫႉၥၭကွံၩဘၪဆၧၥိၭဆၧကီၩ့ၥ့ၪဆၧဎံၪဆၧလၩၥ့ၪန့လၩ့အ့ၬႉ ဆၧလ့ၩဆၧထဲၩ့ ဆၧလုၬဆၧချဲၩ့လဖၪနီၪကဘၪထုၪ့လၩ့ၥၭလီၫႉ ဂံၪ့ဒီၪ့ခိၫနါလီၩ့ဎွါန့ထၬထီးလဖၪနီၪကဘၪမၩဆိၫ့ကၩဝ့ၫလၧဘၪအလးနီၫလီၫႉဆၧမွဲဆၧတီနီၪ ကဘၪအီၪဝ့ၫလၧအဝၩအဖၫ့ခိၪနီၪလီၫႉဆၧနံၩဖျိၪ့ၥိၩ့ဖျိၪ့ဆၧအၪ့ထၩဆၧလဖၪနီၪ မၩဘၪလဂ့ၩႉ ဂံၪ့ဆါမုၪနီၪအဝၩမၩဆၧမၩဂီၩ့အ့ၪဂဲၪထဲၩ့အခံၪ့အၥၭလမုၬဘၪစွါဘဲၫကဘၪဖ့ၪဂဲးဖ့ၪဘၭအဝၩနီၪလီၫႉနၥ့ၪအဝၩအၥၭဘံၪဘူၪအၥၭအခံၪ့စွါဘဲၫထုၪ့လၩ့ၥၭဂီၩ့ချဲၩ့လၧနၥ့ၪအဝၩနီၪလီၫႉ ဂံၪ့ဆါမုၪနီၪကဘၪၥ့ၪယၪနၪၥ့ၪအ့ၪအဝၩအဆၧကဲၪဆၧဂဲၩလဖၪနီၪလီၫႉဂံၪ့ဒီၪ့ကဖျိၪ့ဖၧၩ့အကၧၩ့ဒိၪထုၬနီၪမွဲဝ့ၫဒၪလၧ လဂၩအဆၧကၪဆၧဂဲၩနီၪလဂၩကၥ့ၪယၪနၪၥ့ၪအ့ၪဝ့ၫဂီၩ့ ကဘၪဖ့ၪဂဲးဖ့ၪဘၭလိၬၥၭဘိၩၥ့ၪလဲၪကဘၪနၪၥ့ၪလိၬၥၭဘဲၫၥ့ၪလဲၪနီၪကဘၪၥ့ၪယၪဝ့ၫနီၪလီၫႉ အီၪက့ၪထၪ့ထီၫကၠၭဘၪနၥံၪအၥၭလဂ့ၩႉထၧၫ့မၫဝၩနံၩဂၩနီၪကဘၪဖ့ၪလၫ့လိၬၥၭၥုၪ့လၧၩ့ၥၭလၧၩ့နီၪလီၫႉ

ပကဲၪၦၡၩလဖၪယီၩ အၪဒၪဆၧ ဆၧချဲၩ့လၧ လန့ခိးန့တၩဘၪလဖၪနီၪ ပခိၭနၪဂီၩ့ ပထံၭလၩ့ထၬလၧ ပခိၪ နူၬဖၧၩ့ၥ့ၪနီၪလီၫႉ အၡါမၪ ဆၧချဲၩ့ဘဲၫနီၪလဖၪနီၪ ပဘၪထံၭလၩ့ထၬလၧပခိၪနူၬဖၧၩ့ မွဲလလိၪဘၪဒဲ ပကဘၪယိဖၭခွံၬ ဝ့ၫခီၫႉ ပဆၧၥၭမၧၫ့ဖၧၩ့ ကယဲပနါဂၧၫ့ဘၪ ဆၧချဲၩ့လဖၪနီၪ ဘဲၫပဘၪချဲၩ့ဆၧၫ့ထဲၩ့ လလိၪဘၪအၥိၭ ပဘၪကိၩ့လၩ့ခိၪ ထိးဆ့ မွဲလလိၪဘၪလီၫႉ ၦၡၩအဆၧချဲၩ့ကနၩ့နၩ့ ပဘၪချဲၩ့ဆၧၫ့ထဲၩ့လလိၪဘၪဂီၩ့ ထဲၩ့ဂီၩ့လီၩ့ဒၪဝ့ၫဘနီၪ မွဲအီၪဆ့ႉ ဘၪကကၠၪကၠၪ ပချဲၩ့ဆၧၫ့ထဲၩ့မၬ ဒံၩ့ဘံၪဘူၪထၪ့အၥၭဘနီၪ ကဲၪၥ့ၪလီၫႉ ပဘၪလီၩ့ခိၭနၪဆၧချဲၩ့ထီးလူၬလဖၪ လလိၫဘၪဒဲ အကၧၩ့ ဒိၪနီၪ အီၪဒၪ ပဘၪမၩအီၪလဖၪ ပကဘၪမၩထၪ့နီၪလီၫႉ အ့ၪမွဲပဆၧဖံၭဆၧမၩတီၩလီၩ့နီၪ ပဘၪချဲၩ့လလိၪဘၪ ဒဲ…

လနၩ့နၩ့ဖိၪမုၪဖိၪခွၫၥံၪနီၪ ချဲၩ့ဆၧၫ့ထဲၩ့မိဖါၥံၪဂ့ၩဂ့ၩဘၪဘၪ နးဆိၭအ့ၬ လါနၫ့ၧၫ့ဂ့ၩ ချဲၩ့လၧၦဂူၫၪဂၩစွါဘဲၫ ဆၧၫ့လၩ့ၥၭဂီၩ့ချဲၩ့ဝ့ၫနီၪလီၫႉ လနၩ့နၩ့စွါဘဲၫ မိဖါအဂးကဘၪမၩအ့ၪဝ့ၫဆၧကမံၩ့မံၩ့ ကဘၪဖ့ၪလၫ့ဝ့ၫဆၧကမံၩ့မံၩ့စွါဘဲၫ အဝ့ၫၥံၪအၥၭအ့ၭလီၫႉ လါနၫ့ၫ့ဂ့ၩ ၦဂူၫဂၩအဂးစွါဘဲၫ အဝ့ၫၥံၪ အၥုၪ့အီၪၥၭအီၪအၪမၬနီၪလီၫႉ လနၩ့နၩ့ဖိၪမုၪဖိၪခွၫၥံၪလဖၪ ဒၪအမိအဖါနီၪ အဝ့ၫၥံၪအဂး ဘဲၫဆၧအွံၪဆၧယိၭအၥိၭနီၪလီၫႉ လါနၫ့ၫ့ အထံၩအၥိၭအဂးစွါဘဲၫအဝ့ၫၥံၪထိးဆၫအၥၭ အၪမၬနီၪလီၫႉ လနၩ့နၩ့ဖိၪမုၪဖိၪခွၫစွါဘဲၫကဘၪစံၭ မိမိဖါဖါ ယအဲၪနၩမိဧ့ ယအဲၪနၩဖါဧ့ ဆၧချဲၩ့နီၪအဝ့ၫၥံၪအဂး ဆီၫ့မီၪ့ဘၪဝ့ၫလၧ ဆၧမ့ၬမဲဂီၩ့ဆၧချဲၩ့အနိၪလီၩမိဖါၥံၪနးဆိၭအ့ၬႉ ဖိၪမုၪဖိၪခွၫၥ့ၪအ့ၪမိလ့ၩဆၧမုၬဆၧလၩလၧအထံၩအၥိၭၥံၪအခၫအမိအဖါၥံၪခဲၫ့ကံၭအဝ့ၫၥံၪအကၠီၩ့လဖ့ၪလ့ၩဘၪဝ့ၫစွါဘဲၫၥၭထၪ့အမိအဖါဂီၩ့စီၪဘၪဝ့ၫလၧ ဆၧမၩထံၭထၬအဝ့ၫၥံၪနီၪလီၫႉ ပမိပဖါၥံၪ လအီၪမုၬဆီၪ့ချဲၫ့ဘၪဂီၩ့ အၥၭလၩ့အခံၫ့ လနၩ့နၩ့ ဖိၪမုၪဖိၪခွၫၥံၪနီၪ ယိထဲၩ့ခွါထဲၩ့ အမိအဖါအ့ၬႉ လါနၫ့ၫ့ဂ့ၩ ၦဂူၫဂၩစွါဘဲၫ ယိဂ့ၩယိဘၪဝ့ၫအၪမၬနီၪလီၫႉ ပကဲၪဖိၪမုၪဖိၪခွၫၥံၪဧ့ ထီးန့ထၬကၠၭ ၦဂူၫဂၩအ့ၪဝဲၫ့ဒိၭချိၫ့နၩ အခံၫ့ မိမိဖါဖါၥံၪနီၪ ကအီၪလၧနနဲၩ့ဂီၩ့ ကၥ့ၪယၪနၪၥ့ၪနဆၧမၪဂီၩ့ ကဖ့ၪဂဲးဖ့ၪဘၭနၩနီၪအီၪဒၪမိဖါၥံၪနီၪလီၫႉၦၡၩအဲၪနၩလအီၪဘၪနးဂၩဘၪလါနၫ့ၫ့မိဖါၥံၪနီၪအဲၪနၧၩအၪမၬအကၠီၩ့ပကဘၪၥ့ၪယၫနီၪလီၫႉ ဆၧနီၪအကၠီၩ့ မိဖါၥံၭ အ့ၪအီၪဒံၭအခံၫ့ယီၩနီၪ…

ပကဒၪယံၩယါ ၦၡၩအၪဒၪဆၧနီၪ ယိထၪ့ၦၡၩအခၫ ယိထၪ့ဝ့ၫလၧ ၥိၭထၬထီၫ့ၥံၪစ့ၩၥံၪဧၪ ၥိၭထၬကီၩ့ထၬ ဆၧကီၩ့ဆၧၥိၭအဂ့ၩထုၬလဖၪဧၪဂီၩ့  အ့ၪမွဲၥိၭကီၩ့ထၬ ဆၧလဖၪနီၪမၬ စီၪဝ့ၫလၧၦၡၩနီၪလီၫႉ ပကဲၪၦၡၩကမံၩ့နီၪ ပကဲၪဒိၪကဲၪမုဒၪလူၬ ပဆၧၥၭမၧၫ့ယီၩ မွဲမုၬလၩတၡါဧၪႉ ကနၩ့နၩ့နီၪဘိၭ ကဲၪဒိၪကိၪမုဂီၩ့ ဆၧမုၬဆၧၡူၪအီၪဆ့ လါနၫ့ၦဘဲၫနီၪၥိၭနီၪ အီၪကဆံၭဖိၪလီၫႉ အၪဒၪဆၧနီၪ ကဲၪဒိၪကဲၪမုလါနၫ့ အဝ့ၫၥံၪအဆၧၥၭမၧၫ့နီၪ မွဲဆၧမုၬဆၧလၩလအီၪဘၪလီၫႉ ပကဲၪထၪ့ၦၡၩ ကဂၩ ပကဲၪဒိၪကဲၪမုဂီၩ့ ပၥုၪ့ၥၭဘၪၡၪ့မၬနီၪ ကဂ့ၩဆၧနးမံၩ့လၧၩ့ဧၪႉ ဆၧနီၪအကၠီၩ့ ဆၧမုၬဆၧလၩတၡါနီၪ လမွဲဘၪ ကျိၪၥံၪစ့ၩၥံၪအဂဲး ပကဘၪနၪၥ့ၪထၬလီၫႉ ၦၡၩကနၩ့နၩ့ယိထၪ့ၦၡၩအခၫ လယိထၪ့ဘၪ ထီၫ့ၥံၪစ့ၩၥံၪဒဲ ယိထၪ့ဝ့ၫဒၪလၧ ၦၡၩအနီၪ အဆၧၥၭမၧၫ့ဖၧၩ့ ဆၧမုၬလၩၥၭဎွံၪ…

လီၩ့ဎွါဆၧအဲၪလဂ့ၩႉ အ့ၪမွဲပကလီၩ့ဎွါဆၧအဲၪစွါဘဲၫ ဒံၩ့ပကယဲၩ့ထၪ့လၧဆၧအဲၪလီၫႉ  အ့ၪပကကျ့ၭစၨၭ ဘဲၫပကဘၪထိးအဲၪပၥၭအၥိၭနီၪဘိၭ ဆၧအဲၪနီၪကစဲၪ့ထၪ့ခွံၬလၧပအီၪနီၪလီၫႉ ဆၧအဲၪဆၧကွံၩကမံၩ့ အ့ၪမွဲပၥၭလိဖၭကနၭလၨၪနီၪ ပဘၪထံၭကဆၫဝ့ၫနီၪလီၫႉ ထီးမုကနံၩယီၩ ပအဲၪယံၩ ယါဂီၩ့ယူၭႉ ဆၧအဲၪအဂးပဂီၩ့လၫ့စၪလၫ့ဂီၩ့ယူၭႉ ပၥၭထ့ဖၭမွဲဂီၩ့ယူၭႉ ဆၧနီၪအကၠီၩ့ ဆုးထဲၩ့လီၩ့ဎွါဆၧအဲၪနီၪဒံၭ လဂ့ၩႉ ဆၧအဲၪဆၧကွံၩအဂဲးနီၪ လခဲၫ့မၬလီၩမၬဆံၭႉ ထီးဘဲၫယီၩ ပကဘၪကျ့ၭစၨၭအီၪနီၪ ကျ့ၭစၨၭထၪ့ဒၪလူၬႉ ပကဘၪမၩဆၧအီၪနီၪ မၩထၪ့ဒၪလူၬႉ အကၧၩ့ဒိၪထုၬနီၪ လီၩ့ဎွါထၬကျိၪစ့ၩလၧၫ့လၧၫ့ဎွ့ၩဎွ့ၩလါဆံၭႉ အ့ၪမွဲပဆၧၥၭမၧၫ့ယီၩ အီၪဘၪနီၪ ဆၧအဲၪနီၪကဂဲၫဆီးဒၪပၧၩလီၫႉ လၧပၥၭဆံၭဒံၭအခံၫ့ယီၩ ပကဘၪ ကျ့ၭစၨၭလီၩ့ဎွါထၬဒၪကျိၪစ့ၩလီၫႉ ပၥၭဆံၭဒံၭအခံၫ့ ပဒၪဘၪဆၧအဲၪကအီၪအၪမၬလီၫႉ လါနၫ့ဆၧအဲၪလဖၪနီၪ အၪဒၪဆၧ လတီၩလီၩ့ဘၪဒဲ မွဲဒၪဆၧအဲၪအဘျၪလဖၪနီၪလီၫႉ ဆၧနီၪအကၠီၩ့ ပၥၭဆံၭဒံၭအထီနီၪ…

ၦလၧအမ့ၬဎံၪနီၪနကဒၪဘၪလီၫ လါနၧၫ့ဂ့ၩ အဝ့ၫအခိၪနူၬအဖၧၩ့နီၪ လၧၫ့ဎွ့ၩလၧနၧၩကဂၩဎးနီၪလန့ဘၪဂီၩ့ အမ့ၬအၪၥ့ၪနီၪလီၫႉ ၦလၧကဲၪဒိၪကဲၪမုနီၪနကဒၪဘၪနီၪလီၫ လါနၧၫ့ဂ့ၩ အဝ့ၫနီၪ မကဖ့ၪလၫ့နၧၩ ဆၧယူၭယၪ့ဧၪႉ ၦလၧခိးဂဲးခိးဘၭ မၩဆၧမၩနီၪနကဒၪဘၪနီၪလီၫ လါနၧၫ့ဂ့ၩ အဝ့ၫနီၪ နဂးဖ့ၪလၫ့အခံၫ့လန့ဘၪနီၪလီၫႉ ၦလၧဆၧကိၪ့ဘၪကိၪ့ၥ့ၪအီၪဝၩလဂၩနီၪနကဒၪဘၪနီၪလီၫႉ လါနၧၫ့ဂ့ၩ အဝ့ၫနီၪ ဆီၫ့မီၪ့လၩ့ဘၪအၥၭ မၩဆၧလဖၪနီၪ ဆၧဘၪမၪအီၪအ့ၪ အဝ့ၫမၩလဖၪနီၪ ဆၧအဂ့ၩလီၫႉ ဆၧနီၪအကၠီၩ့ ကနၩ့နၩ့ၦၡၩလၧ ဆၧကိၪ့ဘၪကိၪ့ၥ့ၪအီၪလဖၪနီၪ ဆၧၥ့ၪယၫနၪၥ့ၪအီၪအ့ၬ စိၪဎိၩလၩ့ဘၪအၥၭအၪမၬနီၪလီၫႉ ကနၩ့နၩ့ၦၡၩလဖၪနီၪ ဆၧကိၪ့ဘၪကိၪ့ၥ့ၪအီၪအ့ၬ လါနၫ့ဂ့ၩ ဆၧၥ့ၪယၫနၪၥ့ၪအီၪအၪမၬနီၪလီၫႉ ၦမုၪမွဲဂ့ၩ ၦခွၫမွဲဂ့ၩ ဘဲၫၥိၭပကဒၪဘၪ ပကန့ဘၪ ပမၫႇပဝၩအဂ့ၩကဂၩကန့အဂးနီၪကၪဝ့ၫအၪမၬနီၪလီၫႉ