January 24 ၥၫ့ ဆၧၥၭထိၬပရၧၫ့
အဝ့ၫၥံၪလ့ၩနုၬဝ့ၫလၧအဂံၪ့ဖၧၩ့တၭ, ၦခမျၧးအီၪကိၩ့အီၪကီၪ့ဒီၭတၭ, န့ၫအအၪ့ဆၧနီၪချႃၭအ့ၬ. ထီးယ့ၫၡုၬ အဘူၭအထံးနါဂၧၫ့ဝ့ၫတၭ, လ့ၩထၪ့ဘဲၫၥိၭအမိဖီၪ့ထၬအဝ့ၫဒၪလီၫ. အဂဲးဘဲၫယီၩအဝ့ၫၥံၪစံၭဝ့ၫ,မွဲအဖျႃထၪ့လီၫ.
RVA PWO KAREN
ၦဆံၫ့ဎံၪ Bibiana အဂဲး
လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့ မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ Bibiana အဂဲးအကၠီၩ့နီၪလီၫႉ ၦဆံၫ့ဎံၪ Bibiana ယီၩမွဲဝ့ၫဒၪ ၦယိယိဖိၪကဂၩနီၪလီၫႉ အဝ့ၫအမိမိနီၪ ဒိၭနဲၩကဆါယွၩအၪမၬဒ့ၭအကၠီၩ့ ၦၡၩစၧၩ့ထၬလၧ အဝ့ၫၥံၪအဂံၪ့ဂီၩ့ လၧခဲၫ့နီၪ ၦၡၩဖ့ၬထ့ၬခွံၬအဝ့ၫအခိၪဎွံၫဂီၩ့ ၦၡၩစၧၩ့ထၬထဲၩ့ အဖိၪမုၪ ၦဆံၫ့ဎံၪ Bibiana လၧအဂံၪ့ဖၧၩ့ လၩယဲဘံၪ့နီၪလီၫႉ လါနၫ့ ၦဆံၫ့ဎံၪ Bibiana နီၪ အီၪလၧဆၧဘၩဆိၪဖၪ ဒိၭနဲၩကဆါယွၩနီၪလီၫႉ လကၭဒ့ၭဘၪ ၦၡၩအၪ့မၧၫ့အဝ့ၫလၧ ဆၧလဆံၫ့ဖျ့ၪဘၪဖၧၩ့ၥၭနီၪလီၫႉ ၦဆံၫ့ဎံၪ Bibiana ယီၩ…
Jan 23ၥၫ့ ဆၧၥၭထိၬပရၧၫ့
ယ့ၫၡုၬရွံန့အထံၩအဖျဲလဆံၫနံၫဂၩ. မွဲအလ့ၩထၪ့လၧခိၪလီၩ့အလီၩ့တၭ, ကိၭန့ၦလၧ အဘၪအၥၭလဖၪနီၪ, အဝ့ၫၥံၪဂဲၫလၧအအီၪလီၫ. အဝ့ၫဒၪအီၪက့ၪလၩ့ၦလဆံၫနံၫဂၩ ဘဲၫအမိအီၪလၧ အၥိၭတၭ, ဘဲၫၥိၭအမိအၪ့မၧၫ့ အလ့ၩလီၩလၩ့လၬလၩ့ဆၧ, ဒဲအီၪဝ့ၫ လၧအစီၩ့အမၩ့ ဘဲၫၥိၭအမိမၩဘျၪထဲၩ့ ဆၧစူၭဆၧဆၫ, ဒဲနၫ့ထၪ့ခွံၬဆၧနၪလဖၪလီၫ. စစဲမၧၫ့ကိၭဝ့ၫ အမံၩ့အၥၫ့လၧစပံတၧၫ, ဒဲစဇ့ၭ ဘဒံၫအဖိၪခွၫ စယ့မံၭ အထၧၫ့ဖုဝဲစယီဟၫ့ ကိၭဝ့ၫအမံၩ့အၥၫ့စဘိအနၧက့ၭ, ဘဲၫၦစံၭဆၧအၥိၭ, ၦလၫ့အဖိၪခွၫၥံၪလီၫ.ဒဲစအၫ့ဒူၫ,ဒဲစဖံလံၭ, ဒဲစဘၫၥီလမုၫ,ဒဲစမၭၥုၫဒဲစထီမၭ, ဒဲစအၫလဖံအၧၭ အဖိၪခွၫစယ့မံၭ, ဒဲစၥၭဒံအၧၭ, ဒဲၦကၫနအၫ့ဖိၪ စစဲမၧၫ့, ဒဲၦလၧအဖ့ၪလၫ့ခွံၬအဝ့ၫ စယုဒၫအံၭစကၫရအၧၭနီၪလီၫ.
စဎွၩအဖိၪခွၫၥၭဘီၩ့ဒဲနးဖျီၩၥၪ (၂)
စဎွၩအဖိၪခွၫလဂၩ ထဲၩ့အၪ့န့ကဆၫ့ဂီၩ့ ဂဲၫထဲၩ့ထီၩ့ထဲၩ့လၧၥံၪ့ခၪ့ထံၭအခၫ စီၪဘၪၥံၪ့ကလိၭမုၪနီၪ လၧနးဖျီၩၥၪတၭ အၪ့မၧၫ့ဝ့ၫထၪ့လၧ ကဆၫ့လီၩလီၫႉ ကထံၪဎး ကဆၫ့နီၪ ၥ့ၪယၫလၧ ၥံၪ့ကလိၭမုၪအကၠီၩ့ ဝ့ၫဝၬအခိၪဎွံၪလီၫႉ လၧခဲၫ့ ၥံၪ့ကလိၭမုၪနီၪၥ့ၪယၫတၭ ကျဲၩ့အဲၪ့လိၬကဆၫ့နီၪ နၥ့ၪယၫနကဆါအ့ၬဧၪ လါနၫ့ ကဆၫ့နီၪ မွဲထိးဆၧၫ့အ့ၬတၭ ၥံၪ့ကလိၭမုၪယီၩ ဘၪလ့ၩဂၭဖၭထီးထီၩ့နးဖၧၩ့နီၪလီၫႉ လၧခဲၫ့ ၥံၪ့ကလိၭမုၪနီၪ ထၪ့အီၪဎုၬလၧ စဎွၩဖိၪဂီၩ့ အၪ့ၦၡၩကိၭနံၩ လါနၫ့ ဆၧအဂဲးယီၩ မွဲစဎွၩလၥ့ၪယၫဘၪလီၫႉ စဎွၩယီၩ စီၪဝ့ၫမွဲ အမၫၥၭဘီၩ့ နးဖျီၩၥၪလီၫႉ နးဖျီၩၥၪလဂၩ ၥံၫဂီၩ့ ဂဲၫကဲၪထၪ့ထဲၩ့ ဆံၫဖိၬလၧ ကမၫကကမၫအနဲၩ့ထံၭလီၫႉ လါနၫ့ ဆံၫဖိၬယီၩ…
လၩဇၫ့နွ့ၫရံၫ၂၂ၥၫ့ ဆၧၥၭထိၬပရၧၫ့
ၦခမျၧးလၧကွံၩဂၫလလံၫအနဲၩ့.ယ့ၫၡုၬဒဲအထံၩအဖျဲလဖၪ စဲၪ့ထၪ့ဝ့ၫလၧကွံၩနဲၩ့ထံၭတၭ, ၦခမျၧးဖၭဒိၪလၧဂၫလလံၫဒဲလၧယုဒၫ, ဒဲလၧယရုစလံၫ့, ဒဲလၧအံၫဒုၫမံအၫ,ဒဲလၧထံၫယီၫဒၫ့ ဝါလခီၫၥံၪဖိၬထၪ့အခဲၫ့လီၫ. ၦခမျၧးဖၭဒိၪလၧတဲအၫ, ဒဲလၧစဲဒၧၫ့အနဲၩ့ထံၭလဖၪ ထီးအနါဂၧၫ့ အမၩဆၧလၩ့လၭလဖၪတၭ, ဂဲၫဝ့ၫလၧအအီၪလီၫ. အဝ့ၫဒၪ မၪလူၬအထံၩအဖျဲၥံၪဘဲၫၥိၭ ချံၫဖိၪနးဖျိၪ့မိဖိၬအခဲၫ့ လၧၦခမျၧးအကၠီၩ့, ဘဲၫၥိၭအဝ့ၫၥံၪထီးဘၪထံၭလၧ အဝ့ၫဒၪလဂ့ၩနီၪလီၫ. အဂဲးဘဲၫယီၩ အဝ့ၫဒၪမၩဘျၪထဲၩ့ယူၭ ၦအၪဂၩထီးဒၪၦလၧအဘၪ ဆၧစူၭဆၧဆၫလဖၪ ဂဲၫနုၬဆီၪ့ဘဲၫအမိထိၭဘၪအဝ့ၫအၥိၭလီၫ. ဆၧနၪလဖၪထီးအဒၪဘၪဝ့ၫတၭ, ထွံၩလၩ့လၧအခၪ့ထံၭ, ကိၭၡၭထၪ့ဆၧတၭ, စံၭဝ့ၫဒၪ, နဝ့ၫဒၪယီၩ နမွဲယွၩအဖိၪခွၫလီၫ. အဝ့ၫဒၪမၪလူၬအဝ့ၫၥံၪလၩ့ထံးလၩ့ဆ့ၭ ဘဲၫၥိၭအထီးမၩဖျီၪထၪ့ဝ့ၫလဂ့ၩလီၫ.
ယိဖၬခွံၬလါဆံၭ
နးချံၫ့နီၪ အခိၪနုၬဂ့ၩဝ့ၫဒၪ ဆၧမၩလိၪဖိၪကဂၩလီၫႉ ကနံၩတၭ လၧအဝ့ၫၥံၪအဆၧမၩလိၪ လးနီၪဆၧဂဲထုၪ့လံ ဆၧထံၪလၩ့ဒီၪလၩ့အီၪတၭ အဝ့ၫနးဆ့ ထၪ့ဂဲထုၪ့လံနီၪလီၫႉ အဝ့ၫ ထၪ့ဂဲထုၪ့လံထၬ ဆၧဂၩ့မၧၫ့နီၪ အဝ့ၫယီၩ ထံၭလၫ့စိၩဝ့ၫလၧ Facebook ဖၫ့ခိၪနီၪလီၫႉ • လၧဆၧလယိလါဘၪအဖၧၩ့ ဆၧမၩလိၪဖိၪကနၩ့နၩ့နီၪ လီၩအၧၩ့အဝ့ၫ “အိၩအဝ့ၫ ဂဲထုၪ့ လံနီၪ ဎိၪဎါထဲႉ အခၪ့အိၩနးဆ့ အီၪန့ဆၫ့ဖၭထံအခၪ့ဒံၭႉ” ဂဲၫကွ့ၭလၩ့ထးလံၬလၧ အ ဝ့ၫအဆၧဂၩ့မၧၫ့အဖၫ့လၬနီၪလီၫႉ • လၧလယံၬလမီးဘၪအခံၫ့နီၪ ၦဂူၫဂၩဆ့ ဂဲၫအၪ့ကီၪအၪ့စၭအဝ့ၫ အၪမံၩ့အၪမၠိၩ့နီၪလီၫႉ အနီၪအခၫ နးချံၫ့ယီၩ မ့ၬမဲအၪမၬလ့ၬဂီၩ့ အၥၭလၩ့ဆ့ၭလၩ့ယွါ ထၧၫ့လ့ၩထၪ့ဆၧမၩလိၪ လမိဘုၪ့လၧၩ့ဘၪလီၫႉ…
စိန်ဖရန်စစ်ဇေးဗီးယား စစ္စတာရ်ဖိၪၥံၪလဖၪအ၁ဖၠး
နံၪ့၂၀၂၆နံၪ့ လၩဇၫ့နွ့ၫရံၫ ၁၀ၥၫ့ဒဲ ထီၩ့စိၩလၧ ၁၉ၥၫ့နီၪ စိန်ဖရန်စစ်ဇေးဗီးယား စစ္စတာရ်ဖိၪၥံၪလဖၪအဂး ဘၪထွ့ၫလၧ Social Pastoral အဂဲး ၥဖၠးအီၪဝ့ၫဒၪနီၪလီၫႉ ၥဖၠးနီၪမၩဝ့ၫဒၪလၧ ဝံးပၥံၫ့ စံၫ့ပံၫတၧၫ့ ကၥံၪဒြဲၫၥရိၬလးဝၩ့ဖၧၩ့ Special ၥံၪ အီၪအလးနီၪလီၫႉ ၦလၧအဂဲၫဖ့ၪလၫ့ၥဖၠးလဖၪနီၪ ဂျေဆွိခရၧၫ့ဖၧၩ့ Fr. အာမား၊ Fr. Joseph Thang Ha, Fr.Thomas Kyaw Thu Win ဒဲ စိန်ပေါခရၧၫ့ဖၧၩ့ Fr. Micheal လဖၪနီၪလီၫႉ ၁၉ၥၫ့ အဂၫလၩ့ ၅ နၩရံၫခီၫအခံၫ့နီၪ…
ပကဘၪပဒၩ့ထၬ ၦခမျၧးၥံၪဆၧလၩဆၧဖၩ့အဂဲး
လၧဎြံၬဆၧအဲၪဆၧကွံၩဖၧၩ့ အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ အဆၧၥီၪ့ဆၧၥၫ့နီၪ မွဲဝ့ၫဒၪ ပကဘၪပဒၩ့ထၬ ၦခမျၧးၥံၪ ဆၧလၩဆၧဖၩ့အဂဲး အကၠီၩ့နီၪလီၫႉ ပအီၪၥၭမၧၫ့ဂၪ့ခိၪဖၧၩ့ယီၩ ပကပဒၩ့ထၬၦခမျၧးၥံၪဆၧလၩဆၧဖၩ့အဂး ပကဘၪကၧၩ့ထၪ့ထၬ အဖုၫလိၪဝ့ၫနီၪလီၫႉ ၦခမျၧးၥံၪၥၭမၧၫ့နီၪ မွဲဝ့ၫ ကဆါယွၩဖ့ၪထၬအကၠီၩ့နီၪ အရ့ၩဎိၩအၪမၬဒ့ၭနီၪလီၫႉ ဆၧနီၪအကၠီၩ့ အဝ့ၫၥံၪအီၪလဆီၪ့ဘၪအခံၫ့ႇ အၪ့အဂးလအီၪဘၪအခံၫ့ႇ ဘၪထိးမၩနၧၩ့မၩစၪၥၭအခံၫ့ႇ ဘၪထိးအီၪပဲၩ့ခွံၬၥၭအခံၫ့ႇ ပကဘၪယိထဲၩ့ ၦခမျၧးၥံၪဆၧလၩဆၧဖၩ့ဂီၩ့ ပကဘၪမၩဆၧၩ့အဝ့ၫၥံၪနီၪလီၫႉ ပအီၪပဲၩ့ခွံၬဘၪ အဝ့ၫၥံၫနးဆံၭ အ့ၬနီၪလီၫႉ အဲၪကွံၩဘၪထၧၫ့ဖုဝဲထံၩၥိၭ ထီးအလူၬၥံၪဧ့ႇ ကဆါယွၩတဲၩ့လၩ့ထၬ ဂၪ့ခိၪဖၧၩ့ဆၧအီၪထီးလူၬနီၪ ၦခမျၧးၥံၪၥၭမၧၩ့ဒဲ ဆၧလၩဆၧဖၩ့နီၪ ပကဘၪဖၬထၬလၧ အဆၫ့လၧၫ့ထုၬႇ…
လၩဇၫ့နွ့ၫရံၫ၂၁ၥၫ့ ဆၧၥၭထိၬပရၧၫ့
ၦစူၪၥံၫလခီၫဖၩလဂၩ. အဝ့ၫဒၪလ့ၩနုၬဒီၭဝ့ၫလၧၥရိၬဖၧၩ့နီၪ, ၦအစူၪၥံၫလခီၫအီၪဝ့ၫထီးနီၪလဂၩလီၫ. လၧမးၥံၫအနံၩနီၪ,မွဲအမိမၩဘျၪထဲၩ့ဆၧ, လမၩဘျၪထဲၩ့ဘၪဆၧလဲၪနီၪ, ၦယိၥူၪဝ့ၫဘဲၫၥိၭအမိအီၪက့ၪဆၧမၪ လၧအလီၩ့လီၫ. အဝ့ၫဒၪစံၭ ၦလၧအစူၪၥံၫလဂၩနီၪ, ဂဲထုၪ့ထၪ့ လၧဆၧၥၭကျၩဆံၭ. တၭစံၭၦလဖၪနီၪဆၧလၧမးၥံၫအနံၩနီၪ မွဲအကြၨၭမၩဆၧဂ့ၩ, မၩဆၧအၧၩ့လဲၪ. မွဲအ ကြၨၭထိးထဲၩ့တၩ့ထဲၩ့ၥၭမၧၫ့နီၪ မၩၥံၫၥၭမၧၫ့လဲၪ. အဝ့ၫၥံၪအီၪလၩ့မါပံၭလီၫ. မွဲအၥုၪ့အုၭ အၥၭအုၭ လၧအဝ့ၫၥံၪ အၥၭနီၩ့အကၠီၩ့တၭ, ယိဆၧဝၬဝၬ လၧအၥၭခိထၪ့တၭ, စံၭၦလဂၩနီၪယူၬထၪ့နစူၪဆံၭ. အဝ့ၫဒၪယူၬထၪ့ဝ့ၫတၭ, အစူၪအီၪဆီၪ့ထၪ့ထဲၩ့ဝ့ၫဒၪလီၫ. ၦဖၫရစံၫၥံၪစဲၪ့ထၪ့ခွံၬဝ့ၫချဲၫ့မၬတၭ, ဘဲၫၥိၭအမိ မၩဂၭဂီၩ့ဝ့ၫ ဘဲၫၥ့ၪလဲၪဘဲၫၥ့ၪလဲၪနီၪ, ကၩ့ကၩလိၬအၥၭလၧၦဟရိဒအၫ့ဖိၪလဖၪလီၫ.
လၩဇၫ့နွ့ၫရံၫ၂၀ၥၫ့ ဆၧၥၭထိၬပရၧၫ့
ဆၧအၪ့စၪ့ဘၪဆဲၫ့မးၥံၫနံၩအဂဲး. ဆၧမၩအၥၭ လၧယ့ၫၡုၬလ့ၩဆၧ လၧဆံၬဖၧၩ့လၧ မးၥံၫအနံၩတၭ, အထံၩအဖျဲလဖၪလ့ၩလၧယၫ အဘိၩ့ဘၭနီၪ, ဒ့ၭန့ဘုၪအဆဲၩၥံၪလီၫ.- ၦဖၫရစံၫၥံၪစံၭအဝ့ၫနီၪ, ယိခွါ, ဆၧလဂ့ၩမၩဘၪလၧမးၥံၫအနံၩယီၩ မွဲဘၪနီၫနထံၩနဖျဲၥံၪမၩလဲၪ.- အဝ့ၫဒၪစံၭအဝ့ၫၥံၪ,စဒၫဝံၭ ဒဲၦအီၪဝ့ၫလၧအၥိၭလဖၪ ဆၧၥၭဝံအၥၭတၭ,ထီးအလးနီၪ, မၩဆၧဘဲၫအံၩဘဲၫအိၩတၭ, မွဲနၥံၪလဖီဘၪဧၪ.- အဝ့ၫဒၪလ့ၩနုၬ လၧယွၩအဂံၪ့ဖၧၩ့,လၧၦလုဆၧအခိၪ စအဘဲအၥၫ အမုနံၩလဖၪတၭ,အၪ့ဆၧမ့ၬယၫအကိၪလၧၦလဂ့ၩ အၪ့ဘၪဂ့ၩအၪ့န့ၫ ၦလုဆၧလဖၪ, ဖ့ၪလၫ့အၥိၭဆ့,ဘဲၫၥ့ၪလဲၪဘဲၫၥ့ၪလဲၪနီၪ, မွဲနၥံၪဖီဘၪအ့ၬဧၪ.- အဝ့ၫဒၪစံၭအဝ့ၫၥံၪ,ဆၧလၧမးၥံၫအနံၩနီၪ အီၪဝ့ၫလၧၦၡၩsအဂးတၭ,ၦၡၩအီၪဝ့ၫလၧမးၥံၫအနံၩအဂးအ့ၬ.- အနီၪတၭ ဆၧလၧၦၡၩအဖိၪခွၫယီၩ မွဲမးၥံၫနံၩအကဆါဆ့လီၫ.