RVA PWO KAREN

ၦခွၫလဖၪနီၪ ကဘၪအီၪက့ၪဒိၪအဆၧအဲၪမုၪလဖၪႇ ကဘၪပဒၩ့အ့ၪ အဆၧအဲၪမုၪလဖၪ အမုၪနၩ့ၥံၫ့ဆ့ၬနီၪဂီၩ့ ကဘၪယူၭယၪ့အဲၪကွံၩအဆၧအဲၪမုၪလဖၪနီၪလီၫႉ ဘဲၫနီၪအၥိၭ ၦမုၪလဖၪဆ့ ကဘၪအီၪက့ၪဒိၪလၩ့အၥၭႇ ကဘၪယူၭယၪ့လၩ့အၥၭဂီၩ့ တခၩၦခွၫလဖၪဂဲၫလီၩဆၧနးမံၩ့ႇ ဂဲၫလီၩဆၫနၥံၪလၧဆၧချဲၩ့နးမံၩ့ ဖ့ၪလၫ့ခွံၬဘၪနၥံၪအမုၪနၩ့ၥံၫ့ဆ့ၬနီၪလဂ့ၩႉ ၦၡၩကိၭဂၩဒ့ၭ အ့ၪမွဲကဂၬဎ့ၭ ဆၧၥၭလဲးၥၭဘျၪလဖၪစွါဘဲၫ ကဖီၩ့ဖျ့ၭလၧ ဆၧနိၫ့ဆၧနၭလဖၪနီၪလီၫႉ

ၥၫ့ဎွၩ Leo XIV  လ့ၩလၧ ခးလက်ဘနွန် အရ့ၩဎိၩထုၬအဂဲးအဖးနီၪ မွဲဝ့ၫ လက်ဘနွန်ဖိၪၥံၪ နးၥၭအဂးဒဲ တခ့ၭဖဝၭအဂးနီၪလီၫႉ ၥၫ့ဎွၩ Leo XIV လ့ၩလၧ ခးလက်ဘနွန်အဆၫ့လၧၫ့ထုၬအဂဲးနီၪ မွဲဝ့ၫကဘၪ ကၧၩ့ကၩ့ဎိၭလၩ့ဆၧလၧ ထံၫ့ခးခိၪနါၥံၪနီၪလီၫႉ ဘၪထွ့ၫလၧ ခးလက်ဘနွန် ဆၧၡူၪဆၧမုၬအဂး အဆၫ့လၧၫ့ထုၬ ဘၪချဲၩ့လၧ လက်ဘနွန် ခးခိၪဒိၪ Joseph Aoun ဒဲ ခၩ့ခိၪဒိၪ Nawaf Salam နီၪလီၫႉ လၧခဲၫ့နီၪဆၧၡူၪဆမုၬအဂး နၥံၪကဘၪဝဲထၪ့ဆၧယိလါနီၪအကၠီၩ့ ၥၫ့ဎွၩ Leo XIV ပဂၧၫ့ထၪ့ထဲၩ့ လက်ဘနွန်ဖိၪၥံၪနီၪလီၫႉ

လၧဎြံၬဆၧအဲၪဆၧကွံၩဖၧၩ့  ထၧၫ့ဖုဝဲထံၩၥိၭထီးအလူၬၥံၪဧ့ႇ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪမွဲဝ့ၫဒၪ ကယဲပဒိၭန့ဘၪ ကဆါဎြံၬအဆၧမုၬဆၧၡူၪထီးလူၬနီၪ ပကဘၪတရါလၩလိၪဝ့ၫဒၪအဂဲးအကၠီၩ့နီၪလီၫႉ နံၪ့ ၂၀၂၅ နံၪ့ယီၩနီၪ မွဲဝ့ၫဒၪ ယူၩဘလံၫနံၪ့နီၪလီၫႉ ဆၧနီၪအကၠီၩ့ ယူၩဘလံၫနံၪ့ယီၩနီၪ လဂၩဘၪလဂၩပကဘၪ ဖျါဖျ့ၭခွံၬလိၬၥၭ အဆၧမၪကိၭဂၩနီၪလီၫႉ လကၭဒ့ၭဘၪ ပကဘၪ ဆံၭခိၭဆံၭတၩ ကဆါယွၩအဂး အခံၫ့အဂ့ၩထုၬနီၪလီၫႉ ပဆၧဆူၩနဲၩအီၪလၧ ကဆါယွၩအဖၫ့ခိၪမၬ ပကကဲၪထၪ့ဘၪ ကဆါယွၩ အဖိၪအလံၩထီးလူၬနီၪလီၫႉ လဂၩဘၪလဂၩ ပဒၪဘၪလိၬၥၭနီၪ မွဲဝ့ၫဒၪကဆါယွၩ ဖ့ၪထၬအ့ၪပၧၩ ၥၭမၧၫ့ဆၧလၧၫ့ဎွ့ၩနီၪအကၠီၩ့ ၥၫ့ဎွၩလ့ၫအိၫ ၁၄ ဂၩလဂၩ  ၥီၪ့ၥၫ့…

စလုကၭ ( 10:21-24 )

နံၫခိၪႇ နံၫမံၩ့ႇ ဒဲနံၫလၬႇ နံၫဆံၫႇ နံၫဆီၪ့ဖ့ၪလၫ့ထၬႉ နံၫၡူၪႇ နံၫထၧၫ့ႇ ဒဲနံၫကုၭႇ ကွ့ၭကဲၪ့လၩ့ (-ၫ) လါဆံၭႉ ယီးကွ့ၭဘၪကဲၪ့ဆံၭ(-ၪ) အခၫ လံၬခဒိၭဘၪမၪႉ ၀၁ႉ နံၫ – နှစ်၊ နှစ်ဂဏန်း။ ၀၂ႉ နံၫခိၪ – နှစ်ရှဉ်း။ ၀၃ႉ နံၫမံၩ့ – နှစ်မျိုး။

ဘဲၫစနိအၫအမုနံၩလဖၪအၥိၭနီၪ ၦၡၩအဖိၪခွၫအ့ၪဂဲၫလၩ့ခိၬတၭ,ဆၧမိမၩအၥၭဘဲၫနီၪအၥိၭလီၫ.- အဂဲးဘဲၫယီၩဘဲၫမုနံၩမုနၩလၧထံၫလချႃၭထၪ့ မၩလၩ့ဘံၭခွံၬဒံၭဘၪဆၧလဖၪအၥိၭနီၪ, ၦအၪ့ဆၧအီၩဆၧ,အီၪဎုၬလိၬအၥၭ, ဒုၭအီၪဎုၬလိၬအၥၭ ထီၩ့လၩ့လၧမုလနံၩ လၧစနိအၫလ့ၩနုၬလၧတလၫဖၭဒိၪအဖၧၩ့တၭ, လၥ့ၪယၫဘၪဝ့ၫ ထီးထံၫမၩလၩ့ဘံၭဆၧ ဂဲၫထၪ့ဝ့ၫနီၪ မၩဂၭဂီၩ့ခွံၬဆၧထီးအလူၬအၥိၭနီၪတၭ ၦၡၩအဖိၪခွၫ အဆၧဂဲၫလၩ့မိမၩအၥၭဘဲၫနီၪအၥိၭလီၫ. ထီးနီၪလဖၧၫ့ ၦခွၫအီၪဝ့ၫလၧဆံၬဖၧၩ့နံၫဂၩနီၪ, ဆၧမိမၩန့ဝ့ၫနးဂၩတၭ,အဝ့ၫလဂၩမိအီၪလၩ့ထးလီၫ.ၦမုၪဂူၬ ဆုၪ့ဂူၬနံၫဂၩနီၪ ဆၧမိမၩန့ဝ့ၫနးဂၩတၭ, အဝ့ၫလဂၩ မိအီၪလၩ့ထးဝ့ၫလီၫ.မၩအၥၭဘဲၫနီၪတၭ, အီၪခိၭဆၧဆံၭ. အဂဲးဘဲၫယီၩ နၥံၪအကဆါ မိဂဲၫဝ့ၫနၩရံၩဘဲၫၥ့ၪလဲၪဘဲၫၥ့ၪလဲၪနီၪ,နၥံၪၥ့ၪယၫအ့ၬ. မွဲလါနၫ့ဘိၩ ၥ့ၪယၫအယီၩဆံၭ, ဂံၪ့ကဆါအ့ၪၥ့ၪယၫလၧ ဆၧအၪ့ဂူၪမိဂဲၫလၧၦခိၭဆၧ အဆၧၫ့အထီ နီၫလဲၪနီၫလဲၪနီၪ, မိအီၪခိၭဝ့ၫတၭ,မိဖ့ၪလၫ့ ဆၧဘုၪ့ဖိးအဂံၪ့အ့ၬ. မၩအၥၭဘဲၫနီၪတၭ, အီၪတဲၩ့ဝဲၩ့နၥံၪအၥၭဆံၭ. အဂဲးဘဲၫယီၩ, နၩရံၩလၧ နၥံၪလဆီၫ့မီၪ့ဘၪနီၪ, ၦၡၩအဖိၪခွၫမိဂဲၫဝ့ၫလီၫ.

အီၪခိၭဆၧဆံၭ.ထီးလၩ့နၥံၪအၥၭဆံၭ. အ့ၪလမွဲဘၪဘဲၫနီၪ နၥံၪအၥၭမိမၧၫ့လၧ ဆၧအၪ့လၨၪအီၩလၨၪဆၧတၭ, မွဲလၧအယီၩလကၠၪ အဆၧအၪ့ယိၪအကၠီၩ့တၭ, မုလနံၩနီၪ မိဘၪနၥံၪလၧ နၥံၪလဆီၫ့မီၪ့ဘၪဆၧအထီလီၫ. အဂဲးဘဲၫယီၩ မိဂဲၫဘၪ ကယဲၦအီၪဝ့ၫလၧ ဂၪ့ခိၪချိၫ့ထၧၫ့ဖျိၪ့ယၫ ဘဲၫဖျံၩခွၩ့အၥိၭနီၪလီၫ. မၩအၥၭဘဲၫနီၪတၭ, ဘဲၫၥိၭဆၧမိအီၪက့ၪနၥံၪ ဂ့ၩဖီၩ့ဂ့ၩဖျ့ၭဆၧလၧအမိမၩအၥၭနီၪလဖၪတၭ, မိအီၪဆၧၫ့ထုၪ့ ဘၪလၧၦၡၩအဖိၪခွၫ အမ့ၬယၫတၭ, အီၪခိၭဘၩဆိၪဖၪဆၧ ကိၭအဆၧၫ့အထီဒ့ၭဆံၭ.

၂၀၂၅နံၪ့ လၩနိၫဝ့ၩဘၧၫ ၂၇ၥၫ့နီၪ ၦၡၩဝဲထၪ့ ဆၧယိလါဎိၩဒိၪ ဆၧဘိၪ့ဘၩယွၩ ဆၧထံၪ လၩ့ဒီၪလၩ့နီၪလီၫႉ ဆၧထံၪလၩ့ဒီၪလၩ့နီၪ စၭထၪ့ဝ့ၫဒၪလၧ ခးမလ့ၩၡၩအခံၫ့ မုဆၫ ၃:၃၀အခံၫ့ နီၪလီၫႉ ဂီၩ့နီၪ ကာဒီနယ်ဖရန်စစ် (Sebastian Cardinal Francis)လ့ၩခိၪလ့ၩနါဂီၩ့ ၦလၧ အဂဲၫထၪ့ဝ့ၫဒၪ ဆၧထံၪလၩ့ဒီၪလၩ့ကဘျၩ့ယီၩ ကၫဒံၫနဲၫလဖၪႇ လၧၥၫ့ခိၪဒိၪလဖၪႇ လၧၥၫ့မု ၥၫ့ခၫလဖၪႇ လၧမံၭထၭမုၪခွၫလဖၪ ဒဲ လၧၦဆူနဲၩဖိၪၥံၪကၠၧၫ့ကၠၧၫ့ လုထၪ့လၩ့ဎိၭမံဆၩဆၧ လုထၪ့နီၪလီၫႉ “ခးအ့ၩၡၩယီၩ မွဲယွၩဆိၪဂ့ၩဆိၪဘွၩလၩ့ဝ့ၫအၪမၬ အလးနီၪလီၫႉ ခးအ့ၩၡၩဖိၪၥံၪယီၩ ဆၨၩဆၬဆၧချဲၩ့ လမီၪ့ဎီၩ့ဘၪလိၬၥၭလါနၫ့ ဆၧဆူနဲၩနီၪ မီၪ့ဎီၩ့လိၬၥၭလီၫႉ ပလ့ၩဎုၬဆၧကၠၧၫ့…