RVA PWO KAREN

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရၩလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ  John Bosco  အဂဲးအကၠီၩ့နီၪလီၫႉ ၦဆံၫ့ဎံၪ  John Bosco  ယီၩ အီၪဖျဲၪလၧ ခး Italy နီၪလီၫႉ အဝ့ၫ ၥၭဘၪ့အခံၫ့ဒၪအိၩ ဘၪအီၪၡၪ့ၡၪ့ယါယါဒ့ၭအကၠီၩ့ အ့ၪဒၪဘၪ ၥၭဘၪ့ဖိၪၥံၪ ဘၪဖိၪ ၥံၪဘၪအီၪ ၡၪ့ၡၪ့ယါယါစွါဘဲၫ အဝ့ၫမၩဆၧၩ့အ့ၪဝ့ၫနီၪလီၫႉ အဝ့ၫယီၩဘၪလ့ၩထၪ့ကၠီးနီၪ ယဲၩ့လၧအဂံၪ့အၪမၬဒ့ၭ လါနၫ့ လ့ၩဂၬဖၬလၧအခၪ့နီၪလီၫႉ လကၭဒ့ၭဘၪ လၧဖၧၩ့ၥၭနီၪ ဒၪဘၪၦလၧဘၪအီၪၡၪ့ၡၪ့ယါယါၥံၪစွါဘဲၫ အဝ့ၫမၩဆၧၩ့အ့ၪဝ့ၫနီၪလီၫႉ မၩဆၧၩ့ဝ့ၫဘဲၫၥ့ၪလဲၪစွါဘဲၫ အဝ့ၫလ့ၩမၩဆၧမၩလၧ…

ထီးအထီနီၪယ့ၫရှူၬချဲၩ့ဆၧၫ့ဆၧတၭ, စံၭဝ့ၫဒၪ, မူၭခိၪဒဲဂၪ့ခိၪအကဆါ, ဖါဧ့, ယစံၭထၪ့အၪ့အူၭနၧၩလီၫ.အဂဲးဘဲၫယီၩ ဆၧလဖၪယီၩ နအီၪက့ၪၥူၪခွံၬလၧ ၦအကိၪ့ဘၪကိၪ့ၥ့ၪလဖၪ အမ့ၬယၫလါနၫ့ဘိၩ, နမၩဖျီၪထၪ့ဝ့ၫလၧဖိၪၥၪအမ့ၬယၫလီၫ. မွဲယူၭ,ဖါဧ့, မွဲအဘၪနၥၭဘဲၫနီၪအဂဲးလီၫ. ယဖါနီၪဖ့ၪလၫ့ယူၭ ယၧၩလၧဆၧထီးအလူၬယူၭ. အ့ၪလမွဲဘၪဖါနီၪ, ၦၥ့ၪယၫဖိၪခွၫနးဂၩအ့ၬ. အ့ၪလမွဲဘၪဖိၪခွၫဒဲ ထီးဒၪၦလၧဖိၪခွၫမိမၩဖျီၪထၪ့ဝ့ၫလဂၩဂၩနီၪ,ၦၥ့ၪယၫဖါနးဂၩအ့ၬ. ၦလၧအယိၭဆၧဎၧၫ့ ဒဲဆၧပွံၭအၥၭထီးအလူၬၥံၪဧ့,ဂဲၫထဲၩ့လၧယအီၪဆံၭ. ယမိဒုၭအီၪပွံၭနၥံၪလီၫ. မၩန့ထၪ့ယနိၪယိၭဘီၩ့လၧနၥံၪအလီၩ့တၭ, မၩလိၪဆၧလၧယၧၩယီၩဆံၭ. အဂဲးဘဲၫယီၩ ယၥၭဆၧၩ့ဒဲယဆၪ့လၩ့ယၥၭတၭ, နၥံၪမိဒၪန့ဆၧအီၪပွံၭလၧနၥံၪအၥၭၡီၩ့အဂးလီၫ. အဂဲးဘဲၫယီၩ ယနိၪယိၭဘီၩ့မွဲအယီၫ,ဒဲယဆၧယိၭ မွဲအဎွံၫခိၬလီၫ. #RVAPwoKaren #DailyReflection

 စဎွၩဖိၪယီၩ လ့ၩစဲၪ့လၫ့လၧ အဂံၪ့ဂီၩ့အခၫ အမိနးဎွၩမုၪနီၪ မၩနၧၩ့မၩစၪအဝ့ၫအမၫ အၪမၬနီၪလီၫႉ ၦမုၪနၩ့ဖိၪနီၪ အမံၩ့ၡါမုၪ အၪ့မၧၫ့ကိၭမံၩ့ အၥၭၡၪ့နၭမၬအကၠီၩ့ နၪ့ထၪ့ခိၬယိလါအဝၩၥၭဘီၩ့နီၪလီၫႉ လၧခဲၫ့ အဝ့ၫအမံၩ့ၡါမုၪနီၪ အၪ့မၧၫ့ အကဆၫ့ ဆ့ၭၥံၫခွံၬ အဝ့ၫလၧ အမဲၪတၭ ၦမုၪနၩ့ဖိၪယီၩ ဘၪၥံၫခွံၬဝ့ၫဒၪလၧ အဂိးဖိၪ့ကဖျိၪ့နီၪလီၫႉ အဝ့ၫၥံၫဂီၩ့ လယံၬလမီဘၪအဖၧၩ့ အဝၩၥၭဘီၩ့ ဂဲၫထဲၩ့ ထီၩ့နီၪလီၫႉ အမိမိ နးဎွၩမုၪနီၪ မၩထၬအ့ၪအဖိၪခွၫ ဆၧအၪ့ဆၧအီၩဂ့ၩဂ့ၩဘၪဘၪနီၪလီၫႉ စဎွၩဖိၪယီၩ အၪ့မ့ၩအထီ အဲၪ့လၩ့ဘၪ အစူၪတၭ အၪ့စၪ့အမိ ယမၫအီၪခလဲၪနီၪလီၫႉ လၧခဲၫ့ အမိစံၭဆၧၫ့ထဲၩ့ နမၫအီၪလၧ ဒူၭဖၧၩ့အိၩ…

လ့ၩလီၩလၩ့လၬလၩ့ဆၧတၭ, စံၭနၥံၪဝ့ၫ,မူၭခိၪအဘၩ့အမုးနီၪဘူၭထၪ့ယူၭ. မၩဘျၪထဲၩ့ၦဆၫၥံၪ, ဒုၭဂဲထုၪ့ထဲၩ့ ၦၥံၫလဖၪနီၪ, မၩဆံၫ့ထၪ့ထဲၩ့ၦလၧအခံၫထူၬဆၫအၧၩ့လဖၪနီၪ, နၫ့ထၪ့ခွံၬဆၧနၪလဖၪဆံၭ. နၥံၪဒိၭန့ဆၧပျီၩပျီၩတၭ, ဖ့ၪလၫ့ဆၧပျီၩပျီၩဆံၭ. ထီၫ့မွဲဂ့ၩ, စ့ၩမွဲဂ့ၩ, ထီးလၧနၥံၪအခၧၩ့ယးဖၧၩ့မွဲဂ့ၩ, ထိၪ့လဖျိၪ့လၧဖၧၩ့ၥၭအဂးမွဲဂ့ၩ, ဆဲၫ့နံၫဘံၪ့ မွဲဂ့ၩ, ခၪ့ဖံၭ လဖၪမွဲဂ့ၩ, နိၪထိၭလဘီၩ့မွဲဂ့ၩ, တဲၩ့ဝဲၩလၧနၥံၪအဂးလဂ့ၩ အဂဲးဘဲၫယီၩ ၦလၧအမၩဆၧနီၪ ဂ့ၩန့ဘၪဆၧအၪ့ဆၧအီၩလီၫ. ထီးဒၪဒိၩ့ဂ့ၩ တဝၫ့ဂ့ၩ,လၧနၥံၪလ့ၩနုၬဘၪလဖျိၪ့ဖျိၪ့တၭ, ၦအဂ့ၩအီၪလၧအဖၧၩ့ မွဲပလၫလဂၩလဲၪနီၪ, အၪ့စၪ့ဒၪခလူၬတၭ, နၥံၪလချႃၭစဲၪ့ထၪ့ခွံၬဒံၭဘၪနီၪ, အီၪထီးနီၪဆံၭ. ထီးနၥံၪအ့ၪလ့ၩနုၬလၧဂံၪ့ဖၧၩ့တၭ, ချဲၩ့မုၬဝ့ၫဆံၭ. ဆၧလၧဂံၪ့နီၪအ့ၪဂ့ၩန့ဘၪဆၧတၭ, မွဲနၥံၪအဆၧမုၬဆၧလၩ မိဘၪဒၪဝ့ၫဆံၭ အ့ၪလဂ့ၩန့ဘၪနီၪ, မွဲနၥံၪအ ဆၧမုၬဆၧလၩ ဘၪထဲၩ့ဒၪနၥံၪဆံၭ. #rvapwokaren #DailyReflection

လၧဎြံၬဆၧအဲၪဆၧကွံၩဖၧၩ့  အဲၪကွံၩဘၪ ထၧၫ့ဖုဝဲထံၩၥိၭထီးအလူၬၥံၪဧ့ႇ အီၪဆီၪ့အီၪချဲၫ့ကိၭဂၩဒ့ၭလါဆံၭႉ မုကနံၩယီၩ ယအဲၪဒိၭရၩလၩ့န့အ့ၪဘၪနၥံၪ ၥၫ့ဎွၩလ့ၫအိၫ ၁၄ ဂၩလဂၩ  အဆၧၥီၪ့ဆၧၥၫ့နီၪမွဲဝ့ၫဒၪ ပယိဂ့ၩယိဘၪ ဆၧၡူၪဆၧမုၬနီၪ မွဲဝ့ၫဒၪ ပယိဂ့ၩယိဘၪၥၭမၧၫ့ အဂဲးအကၠီၩ့နီၪလီၫႉ ကၭၥလ့ၬဆၧအီၪကီၪ့ ဆၧမၩလၩ့မၩဖၩ့ Laudato Si အခံၫ့နီၪ ၦကိၭဂၩအၥၭခံဖၧၩ့ ကဒိၭန့ဘၪ ဆၧၡူၪဆၧမုၬအဂး ၥၫ့ဎွၩလ့ၫအိၫ ဘၪဆိၪဖၪန့နီၪလီၫႉ ၦမၩ Laudato Si အဖုၫၥံၪလဖၪ ကဘၪမၩၥၫ့ထၪ့ ဆၧအုၩ့လၩ့အီၪလၩ့ လိၪဝ့ၫဒၪအကၠီၩ့ ၥၫ့ဎွၩလ့ၫအိၫ ပဂၧၫ့ထၪ့ထဲၩ့အဝ့ၫၥံၪနီၪလီၫႉ  လၧလယံၬလမီးဘၪအခံၫ့ဒၪအိၩ ဆၧဒူၭထၪ့အကၠီၩ့နီၪ ၥၭမၧၫ့ဘၪထံၭဘၪဆၫ အီၪအၪမၬဒ့ၭနီၪလီၫႉ  ဆၧနီၪအကၠီၩ့ ပယိဂ့ၩယိဘၪ…

ဆၧၥီၪ့လိၪဘၪဆဲၫ့ဆၧမၪလူၬအဂဲး.ဆၧမၪလူၬလဖၪမွဲဂ့ၩ, မီၪၥံၪမွဲဂ့ၩတၭ, ထီးဆီၫ့မီၪ့ လၧယဂဲၫမၩဂၭဂီၩ့နီၪလဂ့ၩ ယလဂဲၫမၩဂၭဂီၩ့ ဘၪယဝ့ၫတၭ, မွဲယဂဲၫမၩလၧၫ့ထၪ့ဎွ့ၩထၪ့လခီၫလီၫ. အဂဲးဘဲၫယီၩ ယလီၩဘၪနၥံၪတီၩတီၩယီၩ, မူၭခိၪဒဲဂၪ့ခိၪလချႃၭဒံၩခွံၬဒံၩဖျိၭဒံၭဘၪတၭ, လံၬဆၧမၪလူၬအဖျိၪ့ဆံၭလဖျိၪ့ မွဲဂ့ၩ, အနိၪ့ဖိၪလနိၪ့မွဲဂ့ၩ,လချႃၭလၧၫ့ထၪ့ဎွ့ၩထၪ့ဒံၭဘၪ ထီးအလူၬတၭ, မွဲအဂၭဂီၩ့ဝ့ၫအ့ၬ.မၩအၥၭဘဲၫနီၪတၭ,ထီးဒၪၦလၧအလၨၪခၫ့ဖၬ ဆၧမၪလူၬလၧအဆံၭထုၬ လၧအကျၩလထံၪနီၪ, ဒဲ ၥီၪ့လိၪၦၡၩဘဲၫနီၪအၥိၭ လဂၩဂၩတၭ, မိဘၪဆၧကိၭဝ့ၫလၧအဆံၭထုၬ လၧမူၭခိၪအဘၩ့အမုးအဖၧၩ့လီၫ. အ့ၪမွဲထီးဒၪၦလၧအထီးန့ဝ့ၫဒဲ ၥီၪ့လိၪဝ့ၫလဂၩဂၩနီၪ, မိဘၪဆၧကိၭဝ့ၫလၧအဒိၪ လၧမူၭခိၪအဘၩ့အမုးအဖၧၩ့လီၫ. အဂဲးဘဲၫယီၩ ယလီၩဘၪနၥံၪယီၩ, နၥံၪအဆၧတီၩဆၧလီၩ့ အ့ၪလအၪနဲၪ့ဘၪၦကွ့ၭလံၬ, ဒဲၦဖၫရစံၫၥံၪ အဆၧတီၩဆၧလီၩ့တၭ, နၥံၪလ့ၩနုၬဘၪလၧမူၭခိၪအဘၩ့အမုးအဖၧၩ့အ့ၬ.

နၥံၪဝ့ၫဒၪယီၩ နၥံၪမွဲဂၪ့ခိၪအထံၫလၪလီၫ. အ့ၪမွဲထံၫလၪအဂၫ့ အ့ၪဘျိၪခွံၬတၭ, မွဲအမိဂၫ့ထဲၩ့ဝ့ၫလၧ ဆၧနီၪလမံၩ့လဲၪ. န့ကၩလၧၩ့ဆၧနးမံၩ့အ့ၬ. န့ကၩန့ၫ ၦခွံၬၡိၭခွံၬလၧခီၫ့တၭ, ဘၪဆၧယဲးထဲးဝ့ၫလၧၦၡၩလီၫ.နၥံၪဝ့ၫဒၪယီၩ နၥံၪမွဲဂၪ့ခိၪအဖၩ့လီၫ. ဒိၩ့လဖျိၪ့အီၪလၧခိၪလီၩ့အဒၩ့ခိၪနီၪ ကဒုၩဝ့ၫၥ့ၪအ့ၬ. ၦစီၩ့ထၪ့ မ့ၪဒိၩ့တၭ, အီၪက့ၪလၩ့ဝ့ၫလၧ ဒၩ့လဖျိၪ့အဖၫ့လၬနီၪ အီၪနးဂၩအ့ၬ. မွဲအအီၪက့ၪထၪ့ဝ့ၫ လၧမ့ၪဒိၩ့အလးအဖၫ့ခိၪတၭ, ဖၩ့ထၪ့ဘၪၦအီၪ လၧဂံၪ့ဖၧၩ့ထီးအလူၬလီၫ.ဘဲၫနီၪအၥိၭလၧၦၡၩၥံၪဒၪဘၪ နၥံၪအဆၧမၩဂ့ၩလဖၪအကၠီၩ့ မိဒုၭလၩဖၩ့နၥံၪအဖါအီၪဝ့ၫ လၧမူၭခိၪအဖၧၩ့တၭ, နၥံၪအဆၧဖၩ့နီၪ, မွဲအဖၩ့ထၪ့ဒၪဝ့ၫလၧအဝ့ၫၥံၪအမ့ၬယၫဆံၭ.