အၪ့လဲၩထၪ့ခွံၬနၥၭဒဲ နဆၧအၪ့ဎၬနီၪဆံၭႉ
မုကနံၩယီၩ ယအဲၪဒိၭလီၩၥ့ၪယၫအ့ၪဘၪ နၥံၪဆၧအဂဲးနီၪဘိၭအၪ့လဲၩထၪ့ ခွံၬနၥၭ ဒဲ နဆၧအၪ့ဎၬနီၪဆံၭႉ ဘဲၫယီၩလၧၥုၪ့ဆီၪ့ၥၭဆီၪ့ဖၧၩ့ ပမိကဲၪဝ့ၫဒၪလဖၪနီၪ ထီးလၧယၫကိၭ မွဲပ ကန့ဘၪဝ့ၫလဖၪလီၫစွါဘဲၫႉ လါနၫ့ဆၧအယီၩနီၪ မွဲပကန့ဘၪလၧဆၧယီၫယီၫ အ ဖၧၩ့အ့ၬႉ အ့ၪမွဲပအၪ့လဲၩထၪ့ပၥၭလန့ဘၪနီၪဘီၩႉ ပမိမၩလဖၪနီၪ အ့ၪမွဲပအဲၪဒိၭ န့ဘၪတၡါစွါဘဲၫ အဆိၪထုၬပကဘၪအၪ့ လဲၩထၪ့ပၥုၪ့ၥၭဒဲ ပဆၧအၪ့ဎၬ လဖၪနီၪ လီၫႉ အထီဘဲၫယီၩ ပမိမၩလဖၪနီၪ ပန့ဘၪဒံၭအ့ၬနီၪဘၪန့လဲၪစွါဘဲၫ လၧပၥုၪ့ပၥၭ ဖၧၩ့ဒဲ ပဆၧအၪ့ဎၬဖၧၩ့နီၪ ဆၧအကၠူၭလၩ့ထဲၩ့ပၧၩၥံၪ ဆၧအၪ့ဎၬလဂ့ၩဘၪၥံၪ အီၪဝ့ၫဒၪအၪအၪလ့ၬအကၠီၩ့နီၪလီၫႉ ပအၪ့လဲၩထၪ့ပၥၭဒဲ ဆၧအၪ့ဎၬ လၧအဂ့ၩ ကကဲၩ့ခီၫအ့ၪန့မၬ ဆၧအဂ့ၩလဖၪကဂဲၫဆီးပၧၩနီၪလီၫႉ အနီၪစွါဘဲၫ ဆၧအၪ့စၪ့…
