ၦဆံၫ့ဎံၪ   Thomas Woodhouse, SJ အဂဲး  

လၧဎြံၬဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ  မံၩ့ဎိၩၥၪဖျီၪ မုခွၫလၧအအီၪအနိၪ့ အဆၧရါလၩ့ဖၧၩ့  မုကနံၩယီၩ ယအဲၪဒိၭ ရၩလၩ့န့အ့ၪဘၪနၥံၪနီၪ မွဲဝ့ၫဒၪ ၦဆံၫ့ဎံၪ  Thomas Woodhouse, SJ အဂဲး အကၠီၩ့နီၪလီၫႉ  ၦဆံၫ့ဎံၪ Thomas Woodhouse ယီၩ မွဲဝ့ၫ England ခးဖိၪနီၪလီၫႉ  နံၪ့ ၁၅၅၈ နီၪ အဝ့ၫကဲၪၥၫ့ခၫ နီၪလီၫႉ ၦဆံၫ့ဎံၪ Thomas ကဲၪၥၫ့ခၫလၧ ခး England အခံၫ့နီၪ ကၭၥၭလ့ၬ နးဎွၩမုၪ Mary Tu Thaw ပၧၩ့ဆၧ အခံၫ့နီၪလီၫႉ ထီၩ့ထဲၩ့လၧကၭၥၭလ့ၬ နးဎွၩမုၪ elizebeth ပၧၩ့ဆၧ အခံၫ့နီၪ  ဎြံၬဖိၪၥံၪဘၪထိး မၩနၧၩ့မၩ စၪၥၭအမံၩ့မံၩ့နီၪလီၫႉ  

နးဎွၩမုၪ elizebeth ပၧၩ့ဆၧ အခံၫ့နီၪ ၥၫ့ခၫၥံၪလဖၪ မၩဘၪမံၭဆၩဆၧလုထၪ့ဆံၫ့ဎံၪ နးဂၩအ့ၬႇ လါနၫ့ ၦဆံၫ့ဎံၪ Thomas ယီၩ အၪ့ဎူၫ လုထၪ့မံၭဆၩ ဆၧလုထၪ့ဆံၫ့ဎံၪ ကိၭဂီၩဒ့ၭအကၠီၩ့ နးဎွၩမုၪ ၥ့ၪယၫတၭ ဖီၫ့အဝ့ၫဂီၩ့ ခွံၬလၩ့ဝ့ၫလၧ ထီၫ့ဖၧၩ့ (၁၂) နံၪ့နီၪလီၫႉ အဝ့ၫဘၪအီၪလၧထီၫ့ဖၧၩ့အခံၫ့ လၧထီၫ့ခိၪဒိၪနီၪ ဆၧဖံၭထံၩဖံၭၥိၭဂ့ၩအၪမၬဒ့ၭအကၠီၩ့နီၪ ၦဆံၫ့ဎံၪ Thomas ယီၩ လုထၪ့ဘၪမံၭဆၩ ဆၧလုထၪ့ဆံၫ့ဎံၪလၧ  ၦထီၫ့ဖိၪၥံၪ ကိၭဂီၩ့ဒ့ၭနီၪလီၫႉ ဆၧနီၪအကၠီၩ့ထီၫ့ဖိၪ လနၩနၩနီၪ ဂဲၫနုၬလၩ့လၧ ကၭၥၭလ့ၬဆၧအီၪကီၪ့ဖၧၩ့ အၪမၬဒ့ၭနီၪလီၫႉ

  နံၪ့  ၁၅၇၂ နံၪ့နီၪ လ့ၩနုၬလၩ့ထဲၩ့လၧ ခး ၦ့ၫၥ့ၭ Jesuit ခရၧၫ့ဖၧၩ့နီၪလီၫႉ  ၦဆံၫ့ဎံၪ Thomas ယီၩ မၩၥၫထနၫဆၧမၩ ၥၭဆီၫ့အီၪအၬမၬဒ့ၭအကၠီၩ့ နီၪ အဝ့ၫဘၪမၩ ၦပၧၩ့စ့ၩအဆၧမၩ လၧနးဎွၩမုၬအီၪနီၪလီၫႉ နးဎွၩမုၬ ကထုးဆၧၫ့ ၥၫ့ဎွၩ ဆၧစီၩ့ဆၧမၩအဂး ၦဆံၫ့ဎံၪ Thomas ယီၩ ကျ့ၭစၨဝ့ၫ အမံၩ့မံၩ့နီၪလီၫႉ လါနၫ့ န့နးဆံၭအ့ၬႉ ယံၬထၪ့ကကၠၪ အဝ့ၫၥံၪဖီၫ့ ၦဆံၫ့ဎံၪ Thomas ဂီၩ့ မၩၥံၫဝ့ၫနီၪလီၫႉ နံၪ့ ၁၈၈၆ လၩ ့ဒံၫစ့ၫဘၪ ၉ ၥၫ့နီၪ ၥၫ့ဎွၩ လ့ၫအိၫ ၁၃ ဂၩလဂၩ ရွံထၪ့အဝ့ၫ ၦဆံၫ့ဎံၪနီၪလီၫႉ အဲၪကွံၩဘၪ ထၧၫ့ဖုဝဲထံၩၥိၭ ထီးအလူၬ နၥံၪထီးန့ထၬ ၦဆံၫ့ဎံၪ  Thomas Woodhouse အဂဲးကၠီၩ့ ကမံၩ့မံၩ့ကန့အဂး ယအဲၪဒိၭရၩလၩ့န့အ့ၪဘၪနၥံၪနီၪလီၫႉ