ထံၫအလၧၫ့အဎွ့ၩ လအီၪဘၪဒဲ ဆၧဆီၪ့ဆၧချဲၫ့

ထီးလၧဆၧခိခၫအထီစွါဘဲၫ လးကျဲၩ့အၪဒၪဆၧ ဘၪလီၩ့ဎွါၥိၩ့ထံၫ ကၪကၪဂဲၩဂဲၩအကၠီၩ့ ပၥိၩ့ထၪ့အဂး ထံၫလအီၪဘၪ လၧၫ့လၧၫ့ဎွ့ၩဎွ့ၩနီၪလီၫႉ လကၭဒံၭဘၪ ထံၫနီၪ ဘၪဂဲၫထဲၩ့န့ဝ့ၫအဆၫ့ဆၫ့အကၠီၩ့ ထံၫအဆံၫ့အဖျ့ၪမိန့လၧၩ့အ့ၬနီၪလီၫႉ

            ဂၪ့ခိၪဆၧဆီၪ့ဆၧချဲၫ့ခရၧၫ့ အဆၧအၪ့ဎၬထယါအဖၧၩ့ စၭထၪ့ခီၫလၧ နံၪ့ ၂၀၀၀အိၩ ဂိးလ့ၩဆၧဆၫကဲၪထၪ့ ဖိၭဘိၭ လံဘံၫလံၫယၫ့နီၪ မွဲဝ့ၫ ထံၫအဆံၫ့အဖျ့ၪလအီၪဘၪအကၠီၩ့ နဲၪထၪ့ထၬဝ့ၫနီၪလီၫႉ ဆံၫ့ဎံၪဝ့ၫဒၪ ထံၫလၧပအီၩအဂးဒဲ ပအၪ့လူအဂး လအီၪဘၪအလၧၫ့အဎွ့ၩနီၪ ဖိၪၥၪဆံၭဖိၪၥံၪအဂး လိၫဝ့ၫဒၪအခၪ့ထံၭခၪ့ဎၧၩ့မွဲဝ့ၫ ဆၧဆီၪ့ဆၧချဲၫ့ဒဲ ဆၧကိၪ့ဘၪကိၪ့ၥ့ၪၥံၪနီၪ ကဘၪထံၭဆၫဝ့ၫနီၪလီၫႉ ကိၭနံၩ့ဒ့ၭ ဖိၪၥၪဆံၭဖိၪ ယဲနံၪ့အဖၫ့လၬ ဖိၭဘိၭကထီၪ့ဘျဲၪနီၪ ဆၧဆီၪ့ဆၧချဲၫ့လၧၫ့ဎွ့ၩဝ့ၫဒၪ ထံၫ လအီၪဘၪႇ အမိၡါခံးဂၩ့ ဆၧဆံၫ့ဆၧဖျ့ၪၡၩဝ့ၫအကၠီၩ့ ဘၪၥံၫဝ့ၫဒၪနီၪလီၫႉ ဂၪ့ခိၪထၧၫ့ဘံၪ့ယၫ ဖိၪၥၪဆံၭဖိၪ ၅နံၪ့အဖၫ့လၬ ဘၪၥံၫဝ့ၫဒၪ အအၪထုၬ ဆၧဆၫလံမံၩ့ကမံၩ့နီၪမွဲ ဂိးလ့ၩဆၧဆၫနီၪလီၫႉ ထံၫအဆံၫ့အဖျ့ၪ လအီၪဘၪအကၠီၩ့ ဆၧဆၫအဂူၫဂၩလဖၪမွဲဝ့ၫ ကာလဝမ်း ဆၧဆၫ ၊ တိုက်ဖွိုက်ဆၧဆၫ ဒဲ ဂိးဎဲၪ့ႇ မ့ၬၥၪခိအိၩ့ႇ ၥွံၪလၩ့ယၪခိဆၧဆၫဒဲ ငှက်ဖျားဆၧဆၫၥံၪ ကဲၪထၪ့နီၪလီၫႉ

            မွဲဆၧဘဲၫနီၪ ထံၫလၧပအီၩ့အီၪအ့ၬ လၩ့ၡၩနီၪ ဘၪထံၭဆၫ ဆၧဆီၪ့ဆၧချဲၫ့ဒဲ ၡၩခမျၧးအဆၧလ့ၩထၪ့လ့ၩထီၪ့နီၪလီၫႉ