ခိဆၧၩ့ချံၪ့ အၪ့လဲၩ့ထၪ့ၥၭ

ဆၧလၧ ခိဆၧၩ့ချံၪ့အၪ့လဲၩ့ထၪ့အၥၭနီၪ လးကျဲၩ့ကဒုၩအဂး ဖိၭဘိၭအနံၪ့ (၃၀)  ဂဲၫကဲၪထၪ့ဝ့ၫဒၪ ဆၧအခိႇ ဆၧဆၧၩ့ႇ ဆၧအုၭပုၭဒဲ လံၩဂဲၫၥံၪ ပၫဝ့ၫဒၪ ခိဆၧၩ့ချံၪ့အဆၧၫ့အထီ အၪ့လဲၩ့ထၪ့အၥၭနီၪလီၫႉ ဂၪ့ကိၪ ကုလၭၥၭမဂၭအခရၧၫ့စံၭဝ့ၫ ခိဆၧၩ့ချံၪ့ အၪ့လဲၩ့ထၪ့အၥၭနီၪ ဆၧၫ့ထီယံၬယံၬအဖၧၩ့ ဆၧအခိဒဲ ခိဆၧၩ့ချံၪ့အဒီၩ့လဖၪ ဂဲၫကဲၪထၪ့ဝ့ၫဒၪ ဆၧအၪ့လဲၩ့ထၪ့ၥၭ ဖၭဒိၪအကၠီၩ့ ဝဲထၪ့ထၬဝ့ၫအခီၫပယီၫနီၪလီၫႉ ပကလီၩလၧခဲၫ့ကမံၩ့နီၪဘိၭ ဆၧလၧခိဆၧၩ့ချံၪ့အၪ့လဲၩ့ထၪ့အၥၭနီၪ ဂၪ့ခိၪ ခိဆၧၩ့ချံၪ့အဒီၩ့လဖၪ အၪ့လဲၩ့ထၪ့အၥၭနီၪလီၫႉ ဖျီၪ့ထၪ့ဝ့ၫဒၪ ဆၧကဲၪထၪ့လနၩ့နီၪ ဂၪ့ခိၪဆၧခိဂဲၫဆီၪ့ထၪ့ဒဲ ဆၧဆၧၩ့ဂဲၫအၪ့လဲၩ့ထၪ့အၥၭၥံၪနီၪလီၫႉ ဂၪ့ခိၪဎံၩ့လး ပလီၩ့ဎွါအၪ့ဎၬဆၧလဖၪ အဆၧလီၩ့ဎွါအၪ့ဎၬထၪ့အဖၧၩ့ ဂၪ့ခိၪ ခိဆၧၩ့ချံၪ့အၪ့လဲၩ့ထၪ့အၥၭယူၭနီၪ အီၪက့ၪ ဂုးခၧၫ့ထၬဝ့ၫန့ယူၭနီၪလီၫႉ ခိဆၧၩ့ချံၪ့အၪ့လဲၩ့ထၪ့အၥၭနီၪ ဆၧလီၩ့ဎွါအၪ့ဎၬဆၧလၧ ဆဲၩ့ယၫ့ကိၪ့ၥ့ၪ နဲၪထၪ့ဆၧမွဲဆၧတီၩအၥိၭ ထီမုဆၫကနံၩယီၩ ပဘၪဒၪဎီၩ့ဆၧၫ့ယၫ ဆၧဂဲၫကဲၪထၪ့အတီၩကမံၩ့နီၪလီၫႉ