လၧဆၧၥုၪ့ဆၧဖျၭအလး ပကဒၪဘၪ စီၩ့ဒိၪဂဲးဆီၪ့ ဆၧပိၭဆၧလၫ့လဖၪနီၪ မွဲဝ့ၫ စီၩ့ထံၫလၪႇ ၥံၭၥံၫထံၫႇ ဎၧၩ့ၥံၫထံၫဒဲ ယူၥံၫထံၫၥံၪနီၪလီၫႉ စီၩ့ဒိၪဂဲးဆီၪ့ ဆၧပိၭဆၧလၫ့လဖၪအဖၧၩ့ အနၭထုၬ ၥံၭၥံၫထံၫနီၪ မွဲဘၪထံၭဆၫ ၦၡၩၥံၪအဆၧဆီၪ့ဆၧချဲၫ့အၪမၬနီၪလီၫႉ ၥၭဆၧလၩ့အၪ့ယိၫအီၪနီၪလီၫႉ မွဲဆၧဘဲၫနီၪ ၥံၪ့ဎွံၪၥံၪလဖၪယီၩ ပကဘၪ ဖီၪ့ပၥ့ၪလဲၪ ပကဘၪအီၪက့ၪထၬပၥ့ၪလဲၪ ၥံၪ့ဎွံၫလၧအအီၪထးလဖၪနီၪ ပကဘၪခွံၬၡိၬ ဘဲၫၥ့ၪလဲၪနီၪ ပကဘၪၥ့ၪယၫထၬ ထံၫထံၫဆၭဆၭ လိၫဝ့ၫဒၪနီၪလီၫႉ

ၦမၩဆံၬႇ မၩကၩဖိၪလဖၪႇ ၦမၩဎုၬႇ ကျိၭဖိၪၥံၪထီးအလူၬ စီၩ့ဒိၪဂဲးဆီၪ့ၥံၪ့ဎွံၪလဖၪအဂဲးနီၪ ကြၨၭၥ့ၪယၫထၬဝ့ၫ ထံၫထံၫဆၬဆၬနီၪလီၫႉ ဆၧလၧစီၩ့ဒိၪဂဲးဆီၪ့နီၪ နုၬလၩ့ဝ့ၫလၧ မိၡါခံးဂၩ့ဖၧၩ့ န့ဝ့ၫ (၃) မံၩ့နီၪလီၫႉအဆိၪထုၬကမံၩ့နီၪ ပဖီၪ့စီၩ့ဒိၪၥံၪ့ဎွံၪလဖၪယီၩဂီၩ့ ပအၪ့ၥူၪဝၬပစူၪဆံၫ့ဆံၫ့ဖျ့ၪဖျ့ၪအ့ၬဂီၩ့ ပအၪ့ဆၧအၪ့ ဆၧအီၩ့စွါဘဲၫ လၧပနိၭဖၧၩ့ကဆၫ့ ကနုၬလၩ့ဝ့ၫန့လီၫႉနံၫမံၩ့ကမံၩ့နီၪဘိၭ ဘၪထဲးလၧပဖံၭဂီၩ့ ကထဲၩ့နုၬလၩ့လၧ ပယၪလၬဖၧၩ့ၥ့ၪလီၫႉလၧခဲၫ့ထုၬကမံၩ့နီၪဘိၭ စီၩ့ဒိၪၥံၪ့ဎွံၪအခူၪလဖၪ အ့ၪပၥွံၭဘၪစွါဘဲၫ လၧပနၪဖူၫကဆၫ့ ကနုၬလၩ့ထီၩ့လၧ ပၥၪဖျီၩ့ဖၧၩ့နီၪလီၫႉ